|
|
 كراكــــة ... شنــــدي؟؟؟
|
طبعاً ما في زول فيكم ما بعرف الكرَاكة بتشديد الراء ، وناس ولاية الخرطوم تفضلاً منهم وعملاً بفضل الظهر عندهم كراكة زايدة قالوا نتبرع ليها لي ناس شندي وكلفوا واحد من السواقين ومعاهو مساعد عشان يوصل الكراكة لي شندي ، قومي إنتي يا كراكة السجم أتعطلي في نص الطريق ، لا بقت في الخرطوم ولا في شندي ، السواق رسَل المساعد للخرطوم عشان يبلغ وناس الخرطوم ما قصروا بعد شهر رسلوا مهندس عشان يعرف الحاصل شنو ولقى إنو الكراكة محتاجة لي إسبير والإسبير مافي في السودان ، المهم إنو السواق قال ليهم أنا مهمتي إنتهت وجيبوا ليكم زول يحرس الكراكة لأنو دا ما شغلي ، وعينوا غفير للكراكة البين شندي والخرطوم والغفير بعد ما قعد ليهو إسبوع رسل لي ناس الخرطوم وقال ليهم أنا ساعات عملي تمانية ساعات بس وباقي اليوم أنا ما مسئول عن الكراكة ، وعيَنوا معاهو إتنين يعني بقوا تلاتة غفراء على الكراكة بشتغلوا تلاتة ورديات والغريبة اليوم كلوا تلقاهم التلاتة قاعدين مقاشرين كراكة الجن دي والإسبير قالوا رسلوا ليهوا في ألمانيا وما وصل .
المشكلة الجديدة بقت في الخرطوم لأنو المحاسب في الولاية عمل تقرير وقال الغفراء التلاتة الحارسين الكراكة ديل وما بصرف ليهم رواتب لأنو ما تابعين ليهو.
إتخيلوا الحل كان شنو .... فتحوا مكتب جديد بالولاية وعينوا فيهوا محاسب وركبوا يافطة مكتوب فيها (محاسب كراكة شندي) ولي يوم الليلة الإسبير ما جاء من ألمانيا.......................
|
|
 
|
|
|
|
|
| العنوان |
الكاتب |
Date |
| كراكــــة ... شنــــدي؟؟؟ | فريد ودالمسيد | 12-25-04, 00:01 AM |
| Re: كراكــــة ... شنــــدي؟؟؟ | وليد محمد المبارك | 12-25-04, 04:03 AM |
| Re: كراكــــة ... شنــــدي؟؟؟ | nazar hussien | 12-25-04, 05:22 AM |
| Re: كراكــــة ... شنــــدي؟؟؟ | Adil Ali | 12-25-04, 02:02 PM |
| Re: كراكــــة ... شنــــدي؟؟؟ | فريد ودالمسيد | 12-27-04, 11:04 PM |
| Re: كراكــــة ... شنــــدي؟؟؟ | فريد ودالمسيد | 12-28-04, 03:57 AM |
 Re: كراكــــة ... شنــــدي؟؟؟ | Shalabi | 12-28-04, 04:16 AM |
| Re: كراكــــة ... شنــــدي؟؟؟ | saifkeli | 12-28-04, 04:24 AM |
| Re: كراكــــة ... شنــــدي؟؟؟ | nazar hussien | 12-28-04, 07:12 AM |
| Re: كراكــــة ... شنــــدي؟؟؟ | فريد ودالمسيد | 12-28-04, 09:32 PM |
| Re: كراكــــة ... شنــــدي؟؟؟ | saifkeli | 12-30-04, 02:38 AM |
|
| |
فيس بوك
تويتر
انستقرام
يوتيوب
بنتيريست