|
Re: عيد ميلاد سعيد يا رجاء (Re: tabaldy)
|
التبلدي الغالي..
ضلعة بس..؟ وأم رقيقة خفييييفة بكسرة رهييييفة كمان..
يااااه.. جرًيت ريقنا ..
وكلها ما تغلى عليك وعلى الأحباب ديل كلهم.. وأكيد يوم حننفذ الأمنية دي.. ناكل لقمة هنية سوا..
دمت يا عزيز.. وكل يوم وانت بألف هناء..
| |
|
|
|
|
|
|
Re: عيد ميلاد سعيد يا رجاء (Re: nada ali)
|
رجـــــــــــــــــــــــــــــــــــــــــــــــــــــــــــــاء كل عام وانت بالف خير ............... وتلك التي كركبتني وتلتالتني وجرجرتني بالف خير لانو عندهم مناسبة في البيت
شمهروش العنصري الظلامي الاسلامي الوهابي الخ كان نقصت حاجة اسالي دينق هو متخصص في علوم الكلمات
| |
|
|
|
|
|
|
Re: عيد ميلاد سعيد يا رجاء (Re: شمهروش)
|
شمهورش الظلامي العزيز..
لاااااااا.. بجد أنا خلاص آمنت بسحر الريد ..
لأن شمهورش ماقبل الريدة زول تاني ما أنت .. ربنا يديم ليك ريدتك ويحفظها..
تسلم للتهنئة.. وان شاء الله ايامك كلها أفراح..
تحياتي لصاحبة هذا الإنجاز..
| |
|
|
|
|
|
|
Re: عيد ميلاد سعيد يا رجاء (Re: شمهروش)
|
الحبيبة زولا واحد اتنين تلاتة وضيوفها النقاوة..
ما نسيت الأمنيات..
أها الأمنية نمرة (3) هي أن أنجح في زيارة لمنطقة دارفور عن طريق غرب أفريقيا.. لأن عن طريق الخرطوم زي شبه مستحيلة لي.. دعواتكم ان الترتيبات تنجح بخير..
(4) أن أحسم امري واجيب عربية من هنا بدلا من الـ (بي أم دبليو) الكانت مفروض تصل من المانيا .. والله دي أمنية حقيقية.. دعواتكم..
| |
|
|
|
|
|
|
Re: عيد ميلاد سعيد يا رجاء (Re: nada ali)
|
الحبيبة والصديقة الغالية "العروسة" ندوية..
وكل يوم وأنت بألف هناء وسعادة مع نصك الحلو.. آآآآمين..
ملكة بس..؟ ده أنا في أيامي العادية بعمل كده .. فما بالك بيوم سبيشيال زي ده ..؟
دمتي لي ودام ودنا..
| |
|
|
|
|
|
|
Re: عيد ميلاد سعيد يا رجاء (Re: شتات)
|
الغالي صلاح..
تشرفني دوما بأحرفك الزاهية النبيلة..
سعدت برؤيتي لك بعد غياب أحزنني وأحزن أي عاشق للكلم السمح..
سلمت للتهنئة الرقيقة.. ودمت..
| |
|
|
|
|
|
|
Re: عيد ميلاد سعيد يا رجاء (Re: kamalabas)
|
الغالي كمال عباس..
تشرفني زيارتك.. وتسعدني كلماتك الطيبات التي طالما كانت لي السند والملاذ في هذا الوطن..
سلمت أيها العزيز..
حفظك الله لنا في هذا الوطن الصغير وذاك الكبير..
ودام ودنا..
| |
|
|
|
|
|
|
عيد ميلاد (Re: zola123)
|
كل سنة وانت طيبة رجاء العزيزة
ولو كنا لسا فى القاهرة كان عملنا ليك حفلة
يغنى ليك الموصلى
| |
|
|
|
|
|
|
Re: عيد ميلاد (Re: mohmmed said ahmed)
|
محمد سيد أحمد يا غالي..
ياااا.. القاهرة رغم انها ما زالت جميلة إلا ان أهلنا القدام قالو: جنة من غير ناس.. ما بتنداس..
أتمنى ان نلتقي جميعنا مرة تانية في هذه المدينة الساحرة.. ويغني لينا الموصلي كمان..
تسلم يا نبيل.. وربنا يحفظك لينا ولبناتك الحلوات وأمهن..
| |
|
|
|
|
|
|
Re: عيد ميلاد سعيد يا رجاء (Re: zola123)
|
اسامة الخواض ندى( الكيكة وصلت؟ وبعدين شفتي كيف انا ما بادس الشمار زيكم) زول واحد بت القبايل(شكرا يا عسل) حمزاوي أحمد اسعد(شكرا وتحية) حبيب بلده عصام دهب انور كنج ميادة أبو ساندرا محمد تيراب عمر ابراهيم منعمشوف(العفو) رودا لؤي وليد طه هاشم نوريت عمر الماحي(مسروقة كيف؟) اسماعيل وراق تبلدي(نضبح وماله, بس الطريقة التوصله ليكم كيف؟) عبد الباقي الجيلي ندى علي( من ناحية كوين انا متأكدة ما حتقصر) شمهروش الحليلة(العفو, اين انت من المنبر؟) سناري شتات(كل الشكر) راوية( التواريخ دي صاح؟) كمال عباس محمد سيد أحمد
الشكر لكم لى تشريفكم وكل عام وانتم بخير
رجاء ضيوفك كتار خلاص المرة الجاية اعملي الحفلة في النادي
| |
|
|
|
|
|
|
Re: عيد ميلاد سعيد يا رجاء (Re: zola123)
|
التحية والود اختي الفاضلة زوله 123
انها مناسبة سعيدة جدا كان اجدر ان نقيم لها سرادق للفرح ورديه
احلي واجمل عيد ميلاد ياعزيزه ويا قريبه
وعقبال عيد ميلادك المئوي ولا شنو ؟هاههااهاهاهاه
تاخرن شويه اعزرونا
علي
| |
|
|
|
|
|
|
Re: عيد ميلاد سعيد يا رجاء (Re: zola123)
|
Quote: رجاء ضيوفك كتار خلاص المرة الجاية اعملي الحفلة في النادي |
نادي ساكت..؟ المرة الجاية نضرًب نعملو مع احتفالات سودانيز أون لاين في الخرطوم .. اليوم الختامي وكده ..
الله يخليك يا حبيبة.. عارفاك آدها وأدوود في التقيلة..
| |
|
|
|
|
|
|
Re: عيد ميلاد سعيد يا رجاء (Re: zola123)
|
الأخت العزيزة/ رجاء.
كل سنة وأنتي طيبة, وعقبال الألف شمعة.
يا زولة عرفتي عيد رجاء ده كيف ؟ مادام أنتي جبتي الخبر حقوا برضوا تقومي بالواجب وتوزعي تورتة وتعملي حفلة.
دينق.
| |
|
|
|
|
|
|
Re: عيد ميلاد سعيد يا رجاء (Re: Raja)
|
الحبيبة زولا واحد اتنين تلاتة وضيوفها النقاوة..
أها جيتك للأمنيات العزيزات..
5 - أمنية عامة أن نستطيع إنجاح مهرجان سودانيز أون لاين هذا العام..
نمرة (6) خليها في سرك ..
| |
|
|
|
|
|
|
Re: عيد ميلاد سعيد يا رجاء (Re: Deng)
|
الغالي العزيز دينق..
إنت لسة ما أخدت نصيبك من التورتة..؟ لاااا زولا إتلومت معاك..
غايتو ألحق حاجة من الرسلتها ندى أمين عن طريق راوية..
تسلم للتهنئة الرقيقة..
تخريمة: تصدق أنا زاتي ما عارفة زولا عرفت عيد ميلادي متين كيف..؟
| |
|
|
|
|
|
|
Re: عيد ميلاد سعيد يا رجاء (Re: tiger18)
|
الحبيب النمر 18..
كنت أتوقع بطاقتك من يوم 30 يوليو.. تصدق..؟
أسعدني قدومك وتهنئتي.. متأخرا كان أم لا..
دمت لي أخا كريما وصديقا غاليا أفخر به وأباهي..
| |
|
|
|
|
|
|
Re: عيد ميلاد سعيد يا رجاء (Re: khider)
|
خدر الغالي..
هو أي برج..؟ ده "الأسد" عدييييل كده ..
شفتا الكارثة قدر شنو على ناس البورد الغلابة ..؟
سلمت يا عزيز.. وكل يوم وانت برضو بخير وسعادة مع يارعة الجميلة..
دمت..
| |
|
|
|
|
|
|
Re: عيد ميلاد سعيد يا رجاء (Re: Raja)
|
العزيزة : رجاء
رغم اني جئت متأخرا .. فبعد طلب المسامحة ها أنا يا عزيزتي محمل ببقات زاهيات من ورود نديات وعلى حواشيهاأمنيات طيبات ودعوات صالحات لك بطول العمر وسعد الأيام ومستقبل سندسي باه .. خضر
| |
|
|
|
|
|
|
Re: عيد ميلاد سعيد يا رجاء (Re: Outcast)
|
الحبيبة أوت كاست..
معذرة لتأخري في الرد.. فقد غبت بعد تهنئتك من المنبر شهرا.. وعدت "لأصارع" في بوستات أخر..
تعلمين ان اي كلمة تكتبينها لي او لغيرها تجد مني تقديرا خاااصا..
وبالمناسبة ايضا..
لك.. مع صادق الامنيات ان تكون حياتك دوما سعيدة وهنية..
| |
|
|
|
|
|
|
Re: عيد ميلاد سعيد يا رجاء (Re: الطيب برير يوسف)
|
صديقي الرائع الطيب..
كلماتك الجميلة كانت أجمل ما قرأت وأحسست منذ زمن بعيد..
تسلم.. وتسلم لكل من عرفك..
التأخير في الرد جاء لعدم معرفتي بحضورك وبعض الأحباب.. ولغياب تلاه..
وكل يوم وأنت بألف خير وسعادة..
| |
|
|
|
|
|
|
Re: عيد ميلاد سعيد يا رجاء (Re: الطيب برير يوسف)
|
زولا واحد اتنين تلاتة والجميع..
اليوم ذهبت لأهكر احد الكروت.. فوجدت ثلاث من اصدقائي لم أرد على تهانيهم الرقيقة..
لذا تجدون ان البوست قد ارتفع..
تخريمة: لو في هدايا المرة دي برضو.. ما بطال ننتظر ونشوف ..
| |
|
|
|
|
|
|
|