|
|
|
 Re: وردي يهطل علي سماء مسقط (Re: Elmosley)
|
ياموصلي سلام وشوق كتير من مسقط واهلها وبلغنا وردي السلام ..
مارايك ان نبداء في ترتيبات لجيتك عندنا ودة في اطار مزيد من الطمع في تشريف الطلات البهية لينا.
الهام
| |
 
|
|
|
|
|
|
|
 Re: وردي يهطل علي سماء مسقط (Re: Elmosley)
|
العزيز الموصلي لقد كانت البارحة مهرجانا وفرح ممتد حدثنا وردي عن رحلته الرائعة من مدرسة الديم وحتي دهاليز الاذاعة حدث الجماهير حديث الروح للروح واحتفل مع سوداني مسقط بثورة اكتوبر وغني لها فطربنا وافرحنا ودوزن دواخلنا ...ووعدوردي جماهير مسقط بالحضور في يناير حتي يحتفل معهم بعيد الاستقلال ونحن الان نطمح ان يتحول هذا الاحتفال الي مهرجان كبير فياريت ان يكتمل ما نتمناها ويشرفنا موصلي واصل العطاء ونحن منجانبنا سنعمل علي ان يتم هذا .
دمت ياموصلي .
طهالهام.
| |
|
|
|
|
|
|
|
|
|
Re: وردي يهطل علي سماء مسقط (Re: TahaElham)
|
والله يا الهام انا اول البغرانين لكن زي ما قالوا الدنيا دوارة و كراع البقرة جيابة و الله يدي وردي العافية و يطوف علينا كلنا..
حديثك عن ساورا وليالي الخرطوم الهب مشاعري و ساقني الي زكريات جميلة
تحياتي لجعفر و الجميله الصغيرة
الصاوي
| |
|
|
|
|
|
|
|
|
|
Re: وردي يهطل علي سماء مسقط (Re: elsawi)
|
الهام/وطه
سلام ورمضان كريم -انا اصلا عارفة وردي لازم بجيبكم للنادي وانشاالله كمان نتلاقى عشان يوم الورداب بمسقط ما لاما فيكم بدر الدين والناس البورد في الانتظار -تحياتي
| |
|
|
|
|
|
|
|
|
|
Re: وردي يهطل علي سماء مسقط (Re: عشة بت فاطنة)
|
عشة بت فاطمة اقصد فاطنة اذيك ياخ والله كاننا ماقاعدين في بلد واحد بقيت الاقيك بس في البوردياريت لو لمة بورداب مسقط الجاية تكون فاتحة للمات قادمة .مارايك ان نصعد اليوم خشبة المسرح خلف وردي ونغني ونتفشي ونفضفض الجوانا ؟ التقيك هناك
الهام
| |
|
|
|
|
|
|
|
|
|
Re: وردي يهطل علي سماء مسقط (Re: elsawi)
|
وييين ياصاوي والله مشتاقين وحليل زمان وايام زمان .وانشاالله (البغرة )حقتكم تكون جيابة زي (بغرتي ) تحياتي للصاوي الكبير حامد ولزينب وتقبل سلام طه وسلام كمان من (جعفر )ده ولد ياخ ما بت .
| |
|
|
|
|
|
|
|
|
|
Re: وردي يهطل علي سماء مسقط (Re: TahaElham)
|
العزيزة الهام
فعلا امطرت مسقط رذاذا معبق بروح هذا الفنان الجميل امير الحسن ، ونتمنى نعيش غدا يوما جميلا معه في يوم تكريمه
شكرا يا الهام دايما سباقة لتقديم كل ما هو جميل
| |
|
|
|
|
|
|
|
|
 Re: وردي يهطل علي سماء مسقط (Re: maia)
|
التحيه لكى ايتها الحنينه..
حقيقة كان منظرا رائعا حد الدهشه .. مزيج من الوفاء والشجن ونبرات السلام ولقاء الاحبه ..الاهل مع الصحبه .. عند حضوره لصالة مطار السيب فى تلك الامسيه الورديه ..
خاطبت الوجدان والحنايارائعنا الشامخ شموخ بلادى .. قبل ان تتخاطب الايدى ..كان لقاء يجب ان يوثق .. مشهد قمة فى الروعه .. الاطفال الشباب والشياب من اقارب ومحبى درة بلادى ..
حين ظهوره من خلف البوابه الرئيسيه صمت الجميع ..حتى الاخت الحبيبه جوليا ..لغتنا كانت متابعته بالنظر فقط ..شعور لا ارادى .. خاصة وقد طالت فترة وجوده داخل الصاله بعد وصول الطائرة ارض المطار .. اختلط الفرح بالترغب والخوف نسبة للتاخير الملحوظ لظروف لا نعلمها فى لحظتها .. وبعدها اول من ركضت تجاهه وكسرت صمت الجميع ..كانت هى الاموره آيتن حفيدته ..حضنها حضن الابوه الصادقه بعد فراق دام ما يقارب ال6 شهور ..يحسها اكثر بكثير .. ثم التف حوله لفيف الاطفال ببقات الورود والابتسامات البريئه وبعضهم يحمل صور الاستاذ وردى .. مع بقية العقد الفريد من الحضور .. مشهدا ادهش الجميع من اجانب وعرب داخل صالة المطار ..
حللت اهلا ونزلت سهلا ضيفنا الوطن .. حبابك وحبابك واليوم السعيد اللينا جابك ..
التحيه لكم جميعا والتحيه مثنى وثلاث ورباع والى ما لا نهاية للحنينه صاحبة البوست .. الاخت الهام وكل الود
نلتقيكم باذن الله غدا الخميس فى النادى .. واديكم بشاره بينى وبينكم بس ..شمار يعنى لووول .. باذن الله حايشارك فى ليلة الغد بالنادى مع ابنائه الاوفياء شباب الكورال بالنادى .ربنا يديه الف صحة ان شاء الله ...دعواتكم فى هذا الشهر الفضيل وفى هذه الايام المباركه ..آمين ..
| |
|
|
|
|
|
|
|
|
|
Re: وردي يهطل علي سماء مسقط (Re: soma)
|
الاخوان طه والهام
كل سنة وانتوا طيبين
والله بغرانيين منكم خالص ومتمنين الاستاذ يتكرم علينا في السعودية (مشتاقين للمطر والغنا الجميل ) بالله أمانة بلغوهو سلامنا وامنياتنا بعيد سعيد انشاء الله
| |
|
|
|
|
|
|
|
|
|
Re: وردي يهطل علي سماء مسقط (Re: خالد عويس)
|
سلام كتير ياعويس حا يوصل سلامك والسلام امانة واقول لو البغرة دي من جوة القلب وماحسد حا يجيكم وردي لانو بغر خالص لوردي زثحياتنا لكل بورداب السعودية
الهام وطه
| |
|
|
|
|
|
|
|
|
|
Re: وردي يهطل علي سماء مسقط (Re: soma)
|
العزيزة الانسانة المرهفة سوما سعيدة ان التقيك ف يالبورد لاول مرة وسعيدة ان يشرفني قلمك في هذا البوست الذي اهديه لاعظم من قدم واعطي في مسيرة الفن السوداني العظيم وردي وامتدادآ للمشهد الرائع الذي وصفتيه بروعة تصوير مبالغ في جمالها احكي لك مشهد من الجانب الآخر روي لي بعض الاصدقاء ( ان احد الاخوة العمانين من الذين كانو بالمطار التفت اليه وساله عن هذا القادم ولما هذا الحشد الضخم اهو وزير ام سفير ؟؟؟؟؟ فاجابة هذا الصديق ان هذا الشخص لدي السودانيين اعظم وزير واعظم سفير ولكنه متوج من قبل الشعب وكل الناس فاعاد السؤال اهو معروف اكثر من عمر البشير رئيسكم فقال له بل اكثر من اي رئيس مر بتاريخ بلادي ؟؟
هذا هو الشعب السوداني المنتمي لكل ماهو جميل ذو الذوق المرهف والراقي رغما عن كلاحة مامر بهم ..فلتحية مجددا لوردي والتحية للشعب السوداني ولكل السودانيين في المنافي .
الهام عبد الخالق
| |
|
|
|
|
|
|
|
|
|
Re: وردي يهطل علي سماء مسقط (Re: maia)
|
مايا الغالية ربما جية وردي الينا وكريفتنا لي نسيمه ورياح الاهل في الوطن ربما تعيد بعض ما فقدناه من الق التقيك هناك وليكن شعار المرحلة القادمة ( فلنجعل من لقاء بورداب مسقط محاولة لاسترجاع الالق )
الهام
| |
|
|
|
|
|
|
|
|
|
Re: وردي يهطل علي سماء مسقط (Re: TahaElham)
|
يا ناس مسقط بختكم
أنا قريب منكم
مسقط من العين 4ساعات بالعربية ما اكتر من كدة
بس لوفي حفلة كلمونا بالله عليكم
الاستاذ اتاكد لي من انو الاستاذ احتمال يجي الامارات من مسقط
وسلام مربع
| |
|
|
|
|
|
|
|
|
|
Re: وردي يهطل علي سماء مسقط (Re: TahaElham)
|
اهلا باهلي الفي مسقط
سلام من السودان خاص من دموعكم الغاليه
كان بودي اعيد معاكم بس الظروف
اتمنى اشوفكم قريب
سلام خاص لكل ناس النادي و خصوصا ناس الخوير
اكيد ما حتقصروا مع فنانكم الكبير وردي
دموع التحايا
| |
|
|
|
|
|
|
|
|
|
Re: وردي يهطل علي سماء مسقط (Re: dmoo3)
|
ساري الليل سلام كتير ليك ولبورداب الامارات وسوداني الامارات وعسي ان يغشاكم مطر وردي .
dmoo3 ناس النادي وناس الخوير بسلمو عليك وواضح انو بغرنا حا يمتد ليشملك سلام للاهل بالسودان واستمتع بالعيد هناك واذان العيد.
عن اهل مسقط طه / الهام
| |
|
|
|
|
|
|
|
|
|
Re: وردي يهطل علي سماء مسقط (Re: TahaElham)
|
بالامس كان وردي في النادي الاجتماعي للجالية السودانية بمسقط الخميس20-11-2003 كان شامخا و مجيدا كجبل سوداني مجيد مجد الداير المابنطلع لي زول . استقبله النادي بجمال يليق بقامته العالية تحدثوا حديث الروح بروعة البيان و صدق الشعور. واجمل هدية لوردي كانت تدشين فرقة جيل العطاء الكورال الذي غني غناء اثني عليه الاستاذ وردي لا وبل غني معه تدشينهم لباكورة انتاجهم كان ثمرا غرسه المجد الذي زارنا منه طائف وردي المطر الهاطل.
| |
|
|
|
|
|
|
| |
Elmosley
elsawi
عشة بت فاطنة
sari_alail
فيس بوك
تويتر
انستقرام
يوتيوب
بنتيريست