|
|
 يا أيها المسكونون بالإبداع هل توافقوني أنّ د. معز بخيت هو.......
|
الغالي د. معز
لك كل التحايا والود ونهارك سعيد،فإنني من هنا أدعوك وأدعو كل مبدعينا في البورد بالمشاركة بالإستمتاع بهذه التحفة، وأدعوهم للمقيل تحت ظلال هذه القصيدة ، وإنني أعرف إخواني البودراب عايزين حد يبدأ ثم يأتون فرادا وجماعات عشان كدة أنا حبيت أن أدخلهم بهذا العنوان
وكل كل حبي وتقديري الرجل القامة د.معز
وأرجوك أرجوك ألا تبخل علينا
دسّيني في مسامك..
خبيني في عيونك
ودسّيني في مسامك
وورّيني الدواخل
وروعة حس غرامك
وارويني بعبيرك
وبي معسول كلامك
وبي همس العواطف
ورونق روح سلامك
بي أشواق حنينك
وادبك واحترامك
خلي النجمة عارية
بغطيها احتشامك
وسيبي القمرة جارية
تفتش لي غمامك
لو تتدسى فيهو
من وهج ابتسامك
حتى الشمس سارية
وما بتلحق مقامك
وجد حنينها بطلع
وبدفّق أمامك
يروي الأرض نضرة
من نفحات رهامك
ومن خفقات هديرك
ومن رايات زحامك
مرفوعة الأيادي
خايفة يطل خصامك
وتتمنى الحنايا
ليل يجمع وئامك
وتتضرع خطايا
شان تبلغ مرامك
بس لو كلمة واحدة
وملمح من ملامك
تصحى العافية تسري
من حسن ارتسامك
وفي أعماقي جوة
بتمدد قوامك
فرحانة الخلايا
بي زمن اعتصامك
وفي كل الزوايا
ممنوع انقسامك..
|
|
 
|
|
|
|
|
| |
محي الدين الريس
ghariba
Dr. Moiz Bakhiet
Elmosley
زول ساكت
ثابت محمد
بدر الدين الأمير
altahir_2
فيس بوك
تويتر
انستقرام
يوتيوب
بنتيريست