|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
غزل رفيع في ذكاء الدناقلة سببه الرد على التساؤل القائل ( طيب الناس ديل احتكروا تعليم اللغة العربية كيف ) الواقع يقول ان اهل الريق عموما يتمتعون بذكاء خارق اذا توفرت لهم فرص التعليم ،بالنسبة للدناقلةيملكون ذكاء فطري يشاركهم فيه المحس والحلفاويون واهل الشمال عموما ، بيئة الدناقلة طاردة بعض الشيء لهذا كانوا اول السودانيين هجرة الى مصر واوربا وامريكا والخليج ،صديقي الفلسطيني سمير الحجاوي بقناة الجزيرة قال لي : السودانيون واهل دنقلا على وجه التحديد ليست لهم وجبة واحدة مشهورة وهم مع ذلك امهر الطهاة في الدواوين الملكية في السعودية والاردن والكويت وغيرها من الدول الثرية ،اما بخصوص الرطانة ، لو كنت مسؤولا عن حماية التراث لقمت بتعيين الاستاذ عبد الرحيم عبد المطلب مسؤولا عن حماية لهجات الشممال من خطر الانقراض ، فهو يجيد الدنقلاوية والحلفاوية والمحسية بطلاقة يحسده عليها بعانخي نفسه ،ويتحدث الانجليزية كما يريد لها اهلها .اما شيخ المترجمين الشيخ طويل فهو الوحيد الذي يقرا بمعدل كتاب كل يوم من امهات الكتب في الفلسفة والتاريخ والتراث واللغة . تحياتي لكل الدناقلة
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
دكين انبانسى !!
ترجمة فورية يعنى
دكين ود عمى !(كمان قول دى غلط )!!
ياخى ندى مينلى ؟!!
ماى نيمز ناااااااااااااااادية !!
Quote: ده بيت شعر بدل الغنية خلي حمد او قرجة واحد فيهم يترجمو ليكي :
Ertigon roman keri Ten gdae teeb obbori |
اها البيت ده ماتمام ولا شنو شايفة الجماعة لا ترجموه ولا حاجة وذاقوا منو ؟!!
خلاص اتوكل على الله وترجمو انت ياانمبانسى يااخوى !
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
الله يجازيك يا نادية كدا خليتي دكين بقي عمتك عديل موش ولد عمك . علي اليمين انتي بالجد انتي خطر علي لغتنا .
Quote: Quote: ده بيت شعر بدل الغنية خلي حمد او قرجة واحد فيهم يترجمو ليكي :
Ertigon roman keri Ten gdae teeb obbori
|
دي ترجمتا بتلاقيها في احوال الـنُوار
Quote: حمد فتح الرحمن ياخى الاغانى وينها ؟!! ماسامعة شئ لحدى هسى ؟!! |
معليش النت قاطع عندنا في البيت ليو 5 ايام لكن جاهزة اول ما يرجعو لينا النت حارفعا و اذا تعذر من عندي حاستعين بتنقو .
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: داجيل)
|
العزيز داجيل
Quote: الاخت العزيزه ناديه .. تسلمي لهذا البوست منى بو إن دنيادر ، أو ناديه والله إن (بوست) دسن تنجلو وطبعا يا اختى نادية المصطلحات الحديثة لم نجد ما يرادفها في لهجة الدنقلا . |
سعيدة بمرورك الطيب ولكن ماهى المصطلحات الحديثة التى لا مرداف لها فى الرطانة ؟!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
يا نادية علشان تحافظوا على الرطانة من الانقراض مفروض أخوانا الدناقلة ينزلوا البلد (دنقلا) مرة كل سنة بعوائلهم خاصة الصغار ويقضوا علي الاقل شهر كامل بين الأهل.. وتمتنعوا خلال الفترة من الكلام بالعربي أو أي لغة أخرى. كدا حتتعلموا بسرعة.. والأجيال الجديدة حتتعلم الرطانة أسرع.
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: عزيز عيسى)
|
بوست جميل فلك الشكر
تاخرت في المداخلة ختى لا يرتعب اخوان المحس والشوايقة,,,,,,,,,,,
الاخ حاتم
Quote: حبيبنا الموصلي بصراحة هناك مناطق لم اذكرها لعدم معرفة جغرافيتها أو لبعدها عن الذاكرة مثل مروارتي وقرنتي وكلتوس ودار العوضة والهمك والسرارية..وغيرهاالكثير.. |
انت نسيت بلدتي ناوا وجارتها امنتقو (البوابة الجنوبية) ومن قبلك حمزاوي فاعتذروا او اسل ذنبي في هذا البوست
عمر كملكول
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: عمار عبدالله عبدالرحمن)
|
عمار عبد الله عبد الرحمن
Quote: تاخرت في المداخلة ختى لا يرتعب اخوان المحس والشوايقة,,,,,,,,,,, |
يازول وجودك مدعاة للفرح وليس الرعب حبابك الف
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: عزيز عيسى)
|
عزيز عيسى
Quote: يا نادية علشان تحافظوا على الرطانة من الانقراض مفروض أخوانا الدناقلة ينزلوا البلد (دنقلا) مرة كل سنة بعوائلهم خاصة الصغار ويقضوا علي الاقل شهر كامل بين الأهل.. وتمتنعوا خلال الفترة من الكلام بالعربي أو أي لغة أخرى. كدا حتتعلموا بسرعة.. والأجيال الجديدة حتتعلم الرطانة أسرع. |
طبعا ده كلام مهم ونصيحة غالية جدا لكن باقى ليك الاجيال الجديدة دى زاتها حاترضى تمشى دنقلا ؟!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
موصلي يا أصيل تحياتي
Quote: سامي عبد الوهاب ود الخال العزيزياخوي انت دنقلاوي أصيل ومركزك الاصلي من الزورات وارقو السير محل عمتك فاطمه محمد سليمان (دارن توم برو) أها وأنا زايد منك حيه بي جزيرة مروارتي
|
وأعتز جدا بذلك... بس حبيت أعرف بعض المعلومات
Quote: عمتك فاطمه محمد سليمان |
لها الرحمة والمغفرة... لكم إفتقدنا حنانها الدفاق تحياتي لك وللأولاد
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: سامي عبد الوهاب إدريس)
|
Quote: انت نسيت بلدتي ناوا وجارتها امنتقو (البوابة الجنوبية) ومن قبلك حمزاوي فاعتذروا او اسل ذنبي في هذا البوست
عمر كملكول |
الاخ عمر أو عمار كما يحلو لك...
للحقيقة لله كانت المفاجأة كبيرة على عندما رأيت البروفاي تبعك... لأنني أعرفك وعرفتك مع الشيخ لؤي الناصر......
كلها في الثرى دوافع خير بنت وهب شقيقة العزراء... *****
بخصوص موضوع البوست...نسيت كثيرا من المناطق وبالذات النائية عن مجري النيل والتي تقع على شرق النيل...
ولي عودة معك..
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
العزيز جدا الموصلي ياخوي والله اول مرة اعرف انك من اندنا.. ويادكين مادام انت ولدنا وكده تاني تسمع الكلام ولا علي كيفك ولمن نقول ليك
أمسح تشيل المساحه وتمسح السبوره أظنك فهمتني وأمانه ماوقعت معاي ويازول من هنا ولي قدام وطالما وعدك لينا انك
أعمل ليهم شريط غنائي باحدث المواصفات الغنائيه وكده!!!أها شن قولك
تاني بس انتا آمر ساي بس
وليك علي يا موصلي ارسل ليك الشريط لحدي عنوانك بي شروح وافية
ولو سويت شريطك ده تكون فتا الكبار والقدرك وحقيق نحنا محتاجين لي عمل زي ده من فنان كبير زيك اولا لانو توزيعك للغناء مافي زيو بصراحة وتانيا صوتك قلوبال ومافي مشروع يضمن بقاء اللغة في زمان الناس هذا كما الاحتفاظ به في شكل مدونات غنائية وشعرية ولان الجيل الناهض اهتماماتو بالغناء اكبر من غيرها ..فمشروعك ده حيكون عمل مقدر خالص يا موصلي.. كل ماتحتاجة من شروح لهذا الامر ومساعدة انا وحمد والبقية الكريمة في هذا المنبر حاضرين موية ونور ومعاك لحدي مسالة القروش ان احتجتا مع اننا مفلسين ودينا طالع.. وخت في بالك انو كثير من المعاني في الرطانة تحمل مضامين بلاغية لايمكن باي حال ترجمتها الى العربية لذلك نامل ان ان تجتهد مع اي دنقلاوي بي طرفك في مخارج الحروف والوقفات واللوازم وما شابه .. ولو ما عندك ادنيا تلفونك في الميل dkeendkeen@hotmail وانا اخلي بعض الاخوان يتصلو عليك ويدوك ماتيسر من المساعدات بخصوص مخارج الجمل والمقاطع .. التنوين عموما معم جدا بالنسبة لي معالني المفردات النوبية وعشان العمل يكون مجود وبصورة طيبة حاول جود المسالة وانت قدرها وقدود..
وافر المعزات
العزيز جدا الموصلي ياخوي والله اول مرة اعرف انك من اندنا..
Quote: ويادكين مادام انت ولدنا وكده تاني تسمع الكلام ولا علي كيفك ولمن نقول ليك أمسح تشيل المساحه وتمسح السبوره أظنك فهمتني وأمانه ماوقعت معاي |
ويازول من هنا ولي قدام وطالما وعدك لينا انك
Quote: أعمل ليهم شريط غنائي باحدث المواصفات الغنائيه وكده!!!أها شن قولك |
تاني بس انتا آمر ساي بس وليك علي يا موصلي ارسل ليك الشريط لحدي عنوانك بي شروح وافية
ولو سويت شريطك ده تكون فتا الكبار والقدرك وحقيق نحنا محتاجين لي عمل زي ده من فنان كبير زيك اولا لانو توزيعك للغناء مافي زيو بصراحة وتانيا صوتك قلوبال ومافي مشروع يضمن بقاء اللغة في زمان الناس هذا كما الاحتفاظ به في شكل مدونات غنائية وشعرية ولان الجيل الناهض اهتماماتو بالغناء اكبر من غيرها ..فمشروعك ده حيكون عمل مقدر خالص يا موصلي.. كل ماتحتاجة من شروح لهذا الامر ومساعدة انا وحمد والبقية الكريمة في هذا المنبر حاضرين موية ونور ومعاك لحدي مسالة القروش ان احتجتا مع اننا مفلسين ودينا طالع.. وخت في بالك انو كثير من المعاني في الرطانة تحمل مضامين بلاغية لايمكن باي حال ترجمتها الى العربية لذلك نامل ان ان تجتهد مع اي دنقلاوي بي طرفك في مخارج الحروف والوقفات واللوازم وما شابه .. ولو ما عندك ادنيا تلفونك في الميل dkeendkeen@hotmail وانا اخلي بعض الاخوان يتصلو عليك ويدوك ماتيسر من المساعدات بخصوص مخارج الجمل والمقاطع .. التنوين عموما مهم جدا بالنسبة لي معالني المفردات النوبية وعشان العمل يكون مجود وبصورة طيبة حاول جود المسالة وانت قدرها وقدود.. صعب جدا تنطق الغنية النوبية بالعربي المكتوب بيها لو انتا ما عندك خلفية رطانة حتى مع وجود الخلفية المسالة صعبة لذا احسن الانجليزي والاستماع وحكاية يكون في زول من لاخوان عندو لغة معاك دي حتكون مية مية ..
وافر المعزات يا موصلي
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
دكين لك كل المحبة والشكر علي هذا الاندياح الدنقلاوي
شوف يادكين أها انا بقولها ليك
أنا في سنه (روضه) رطانه من اليوم وبالمناسبة بعرف (الشتائم الرطانية) كلها عشان ما اتمقلب . المهم في النطق اخوك شاطر بس كيف المعلمين يعلموني صاح
وبعد داك كان ماعملت ليكم أحسن شريط رطانه لومكم علي ولابد من الحفاظ علي (اللغة) الدنقلاوية لغة النوبة الاولي قبل ان تندثر وأحب أن اشيد باهلنا المحس والحلفاويين علي المحافظة الي حد أحسن بكثير لذا أنا كفنان لابد لي من الاسهام في المحافظة علي ذلك التراث الثقافي الضخم وعلي فكره الفنانين من الدناقله كثيرين ولكن يبدو أنهم من حالاتي فهنالك ايضا من الشباب عادل مسلم وعاطف انيس وهم من أحسن الشباب اليوم
محبتي
والتلفون سارسله
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
الموسيقار الموصلي
يا اخوي انا مع دكين ده مويه ونور ونار ودي ما قال ادا الامر احتاج دعم مادي فانا باسم رابطه ابناء دنقلا بقطر مستعدين لدعمك دعم كامل لانو زي ما قال اخونا دكين واحد من انجع السبل للمحافظه علي اللغه هو وضعها في نوت موسيقيه وانا في تقديري انو الغه النوبيه الدنقلاويه مهدده بالانقراض ولدي من الاسباب ما يدعم وجه نظري بس اخوكم مزنوق في اكل العيش وتصميم موقع الرابطه ولو لقيت فرقه بكتب في الموضوع ده عموما يمكنكم الاطلاع علي موقع [جمعيه دنقلا للثقافه والتراث النوبي وممكن يا موصلي نستفيد من خبرات دكتور محمد فضل
ويا دكين لو المساله بقت علي القروش انا تلفوني في البروفايل وايميلي:[email protected] ايميل رابطه دنقلا: [email protected]
وانا بقترح تكوين لجنه من اربعه او خمسه اشخاص مع الفنان الموصلي لتنفيد العمل
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
الأخت العزيزة / ناديه عثمان ...
سلام ومحبه ...
حقيقة المشكل أكبر من اللغة وانقراضها .. أن المشكلة الحقيقية التي تواجه المنطقة هي في التهميش المتعمد من كل الحكومات التي تعاقبت على البلد .. المنطقة في أمس الحاجة للخدمات الأساسية .. وصدقيني لولا تضافر الأخو المغتربين في الخارج في إنشاء الخدمات الأساسية كالماء والكهرباء والمستوصفات الطبية وبناء المدارس لظلت حتى الآن ترزح تحت ظلام دامس .. والمصيبة الكبيرة هي في فرض الضرائب الباهظه على كاهل المزارعين الغلابة وبدون مقابل ... الموقف بحق يحتاج لوقفة صلبة من أبناء المنطقة كل في موقعه والمطالبة الجادة بالحقوق والخدمات الأساسية للمنطقة ...
وبهذه المناسبة فقد كان هناك جهد لأبناء النوبة في الرياض وتم تكوين المؤتمر النوبي لمحاولة المطالبة بهذه الحقوق .. وقد نظمت هذه القصيدة بهذه المناسبة ... إليكموها :
يا ســعفات ...
يا سعفات النخل الباسقه ... رايات عز ساميه وخفاقه .. راميه جذورها على التاريخ .. حاضنه بعانخي وروح ترهاقا... ظل تانهسو ينادي النوبه... أمة خير عامره ودفاقه... عازه خليل بالشوق ناداها... دمها يروي ويحكي الفاقه .. بكره فرحنا يعم وادينا ... وتبقه مناهل الخير إشراقه .. *** أصحا وأعرف وين أقدامك... هوي يا النوبي كفاك نحيب .. وينو وراك ووين قدامك... مين اعداك ومين هو حبيب .. مين الطعنك وهو بيضحك .. بي خنجرو المسموم رهيب... يحرق هلالك شان يقيم ... جرس الكنايس والصليب... وانت بشوفك شمعه تضوي ... وتحرق روحها كفاك تعذيب... ولد النوبه كفاك تهميش ... كفاكا هوان وكفاك تغييب ... أنت العز ومنارة مجد ... وانت العلم الزاهي قشيب ... حقق كل اهداف منطقتك .. . في سودان واحد ومهيب ...
إدريس محمد إبراهيم الرياض 20/07/2005م
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: إدريس محمد إبراهيم)
|
ادريس النبيل
Quote: يا ســعفات ...
يا سعفات النخل الباسقه ... رايات عز ساميه وخفاقه .. راميه جذورها على التاريخ .. حاضنه بعانخي وروح ترهاقا... ظل تانهسو ينادي النوبه... أمة خير عامره ودفاقه... عازه خليل بالشوق ناداها... دمها يروي ويحكي الفاقه .. بكره فرحنا يعم وادينا ... وتبقه مناهل الخير إشراقه .. *** أصحا وأعرف وين أقدامك... هوي يا النوبي كفاك نحيب .. وينو وراك ووين قدامك... مين اعداك ومين هو حبيب .. مين الطعنك وهو بيضحك .. بي خنجرو المسموم رهيب... يحرق هلالك شان يقيم ... جرس الكنايس والصليب... وانت بشوفك شمعه تضوي ... وتحرق روحها كفاك تعذيب... ولد النوبه كفاك تهميش ... كفاكا هوان وكفاك تغييب ... أنت العز ومنارة مجد ... وانت العلم الزاهي قشيب ... حقق كل اهداف منطقتك .. . في سودان واحد ومهيب ...
إدريس محمد إبراهيم الرياض 20/07/2005م |
متألق وشامخ كنخيل بلادى ايها الرجل الرحيق !
شايفة الموصلى ود خالى عايز يلحن ليك النص وقال ليك نتناقش مالك مارديت عليهو ولا القصيدة اتحجزت خلاص ؟!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
ياسلاااااااام عليك ياعمر والله العظيم أنا مستعد لتعطيل كل مشاريعي من أجل هذا المشروع العظيم ولكي نكون عمليين شوفا أي دناقله من منطقة البي ايريا بكاليفورنيا وممكن اتبادل معهم الزيارات لتجويد كلمات هذه الاغنيات واخراجها الي العالم بصورة جميله وعلي فكره تاكد بان هذا العمل سيجد رواجا عالميا فأنا قد عرفت بعض الشركات التي تهتم بهذا الجانب الفلكلوري.
شكرا لكم فقد أسعدتموني وأشعلتم نار عشقي لأهلي وشوقي العظيم من أجل رد الجميل لهم.
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
Quote: شكرا لكم فقد أسعدتموني وأشعلتم نار عشقي لأهلي وشوقي العظيم من أجل رد الجميل لهم. |
احم
احم !!!
ياموصلى شنو هركات بتاعك ده مافى كتر خيرك السويتى لينا البوست يابت الخال ؟!!!!!
انا سويت البوست ده سنارة ليك ولدناقلة المنبر عشان يحفظوك اغانى الرطانة ونطلع ونتجدع فى العالمية زاتها رأيك شنو ؟!!
ولازم اهداء خاص فى السى دى بالله سمح ؟!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: ابو جهينة)
|
ابو جهينة
كان عندى احساس انك ود خالة ابوى ماعارفة ليه ؟!!
Quote: دي عاوزة تلفون .. أو إنتظري لغاية ما أجي في الإجازة الخرطوم بعد شهر كدة. و إلى ذلك الوقت .. أقول لك .. بأن نصف أهل كابتود هم أهل و نسابة .. |
يازول طلعنا أهل عددددددددددديل .. حضر لستة باسماء الناس ديل وكلمنى فى التلفون وانا بوريك ديل يبقوا لى شنو سمح ؟!!
ارقد عافية وفى رجا تلفونك ياود عمتى !
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
ياموصلي
قطعتا حوالي 400كيلو عشان موضوع الشريط ده ولميت ليك في شريطين .. وهسع قاعد افرتق في العبارات الغميسة فيها عشان الواحد يرسلا ليك مكتوبة كمان..
في رمية نوبية حينزلها حمد بكره.. وحالقى ليكدنقلاوي في الولاية القتها دي .. ولا كمان نعمل ليك فيزة تجي تعمر وتغني وتتعلم رطانة ..
وزي ماقتا يا موصلي العمل ده اكيد حيكون جميل جدا..
نادية عثمان ياستي والله تشكري وتساهلي لوري ورد .. ماقصرتي جبتي لينا موصلي يغني لينا تراثنا ويتذكر انو دنقلاوي بعد 40 سنة من ميلادو
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
دكين
Quote: نادية عثمان ياستي والله تشكري وتساهلي لوري ورد .. ماقصرتي جبتي لينا موصلي يغني لينا تراثنا ويتذكر انو دنقلاوي بعد 40 سنة من ميلادو |
موش كده بالله ؟!!
والله بعدين لو الموصلى ود خالى ده ماكتب لى شكر على السى دى يكون اتلوم فينى لوم شدددددددددددديد خلاص !!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
انبانابرو دسن مسسسسسسسسسسسسسسسسسسسود ( نادية )
غريبة والله البوست دا خليتو قبل كم يوم فاضي الان ماشاء الله ؟؟؟
المنبر كلو طلع دناقلة والاغرب شخصيات كبيرة زي الموسيقار الموصلي من اندينا؟؟؟
ايه رايكم لو غير اسم المنبر الى ( دناقلة اون لاين )؟؟؟
بكري حيفصلني لو عرف الاقتراح دا ؟؟؟
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: ايوب عبدالرحيم)
|
ايوب عبد الرحيم
Quote: المنبر كلو طلع دناقلة والاغرب شخصيات كبيرة زي الموسيقار الموصلي من اندينا؟؟؟
ايه رايكم لو غير اسم المنبر الى ( دناقلة اون لاين )؟؟؟ |
عارفة عينك باااااردة لكن برضو احتياطى كده قول ماشاء الله !!
Quote: بكري حيفصلني لو عرف الاقتراح دا ؟؟؟ |
يرفدك شنو هو بكرى زاااااااااااتو سمعت تحت تحت انو دنقلاااااااااوى !!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
حمد فتح الرحمن تود
Quote: اها يا نادية
البوست بتاعك دا شهد اول اغنية دنقلاوية في النت
استاذ موصلي دا اول الغيث خليك متابع معنا البوست ، و حننزل الاشعار و باقي الاغاني |
اها بس عشان الموصلى ود الخال يحقق امنيتو وامياتنا كلنا نحن الدنقلاونشى !!
اقايتو الاغنية كتلتنى عديل
ياحمد ياخى اى بديرى اديل ياخى !!
اها بديرى دى يعنى بموت كمان قول غلط !!
يلا عليك الله اكتب كلمات الاغنية دى عشان احفظها ليكم !!
والله فاهمة !
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Salwa)
|
سلوى البت الحديقة
فرحانة بطلتك العيد ياقمر الزمان
Quote: سالها الطبيب ياحاجة تشتكي من شنو؟
قالت: ياولدي المرض حاسه بيه براي البنات عشان ما يجن معاي يقولن لي ما عيانه! معليش يا حاجة بتشتكي من شنو؟ والله يا ولدي اليومين دي عندي التهاب شديد في البروستاتا! عليها رحمه الله ترحموا عليها. |
قطعتى مصارينى بالضحك اضحك الله سنك ياغالية
كونى بالقرب دوما ياحبيبة
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
الأخت نادية عثمان
Quote: والله بعدين لو الموصلى ود خالى ده ماكتب لى شكر على السى دى يكون اتلوم فينى لوم شدددددددددددديد خلاص !! |
والله الكلام دا ماااااااااا دخل الحوش عدييييييييييل كدا... طيب كدا طلعنا أهل... وطبعا لي عظيم الشرف وإنها فرصة طيبة أن نلتقي في هذا الصرح العظيم(Sudaneseonline) ولك ألف تحية
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
Quote: القصيد للشاعر النوبي جلال عمر مشروحة في الصفحة الاولي تقول :
او نُمِّل جَقادل جلبِِلي او مِسِي مَسَ كُوْل كَسِي بُوق تر هِنْقِي ار مِنقِي تُوين مِنقِي ار أتِّن مِنقِي جلَبِل بَاجِي منِقُون يُمْنقِي ايرِكر مِنلَي اُون إرِس مِنلي مِنِن هَرِيرَّى ار مِنِقي كَال نُوبرى دقِي
مََسَكََنََن سُودقِر اَدَيَكِِي إلا تن كيَلّو ار جُو تيبِي بلي تني مِنندِقَِي مَسَكَنَي ويرنَتا اسلِقِر ارتَرا أُون نِين دُقُور بالله تني مَس ادِقِي أَر دسن ولا تُويمنِل ولا كاجِقدِ بَر منقُو نَلل ان دُولتِي تيب إندَي دقِي ولّا ار ايركِر كاشَىَ سورىَ إنِن دقُور ارقِي اودِقِر بلكِدقِر
نَالتِي قد مِنقِي ار تا قُونجِي نلِ هي اونَتِي ؟ ان كُونجقِي تا سُوي ولّا ليلي سندِقِي ؟ اون كانّقِلو ار مِنقِي تيبِن هى مِشِنْدِل مَنَقي تيبِن هلّقِر ولا انَهَد اكُون كَسَانقِي تا بُوْكِي تيَبن بَردُو ليلي نَلَّقِر ليلي تنن كانقلقد تكي قُونجِي ار جُو كُونجكِي قلقِر تكُّون إنقد قردِي تيبمن ليلي قفِلِر بي اسكِي نلمون تَكَّي أُرُمر قَلّقِر |
الاخ حمد فتح الرحمن مشكور على هذه التحفة التراثية..
هناك تكملة للقصيدة..
ووو حليل أن ليلى تو.. دولتيِ نودٍ دوا كول تنرتي رمال كُوتي قونجي قوري كدى قا قربرَِى ليل مثيل دامو تن قبيل مارو.. ولا أرتي كونج ولا تنقارو..
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
ندوية
نحنا هنا ورا الصيوان بتاع الحفلة..
الشريط حق الشعر حيصل الموصلي عن طريق الاخ حمد من المنطقة الشرقية حسب كلام حمد لي قبل مدة.. وامس رسلتا بالبريد شريط الاغنية بتاعة الفنان عبدالرحيم شاهين لي عنوان الموصلي
ياموصلي
حيصلك الشريط مسافةالبريد فقط
جضم مخارج الحروف والوقفات وخد ماتيسر .. فيك خبرة كافية عشان تعرف كيف توصل المفردة مغناة ومفهومة..
منتظرين منك عمل جميل يا حبيب
حاول فتش ليكي دنقلاوي في الفترة دي من نفس الحلة اوالمدينة للطواري والاستعانة ..
لو مالقيت حنرسل ليك نادية عثمان دي تتم الباقي موية..
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
دكين اى انباب تود
ار سى هى شافه سكر كرى ؟!!
اى دسن قورى بورى لانو ار رسلتا الشريط للموصلى والله !(فاهم طبعا )!
Quote: لو مالقيت حنرسل ليك نادية عثمان دي تتم الباقي موية.. |
وارا .. وارا ياخى !
اى انداندى بنجد طلقة كرى !!
يعنى ماشايفنى شغالة مترجمة فى البوست ده ؟!!
ياخى انا برطن اسحن منك !!
تكوون اى زعليمنو .. اى بويقرى .. وى بيوووووووووووو !!
ناقش حاجة ولا اترجم ليك يااوقج ؟!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
يوسف ود الخال الغالى
Quote: ناديه بت عمتي
هل تقبلي أن تكوني
المديرة الفنية ليوسف الموصلي؟؟؟ |
لاحولااااااااااا !!
ياخ ده كلام دسن عجيبا والله !!
ماتتخيل انا فرحانة قدر شنو !!
من دواعى فخرى وسرورى انى اكون المديرة الفنية للموصلى الموسيقار الفنان الجميل جدا
الذى نفخر به ونباهى ونعتز ان من السودان
لكن ياود الخال الشغلة دى عايزة ليها بوست براهو تعلن امام الملأ انى مديرة اعمالك الفنية وخلينا نبدأ الشغل طوالى .. اها فى انتظارك ياغالى
وتحياتى للاحباب
وخليك قريب دائما
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
الموصلى ود خالى
ده شنو ياخ !!
بعد فرحتنى جيت احبطتنى قول كيف ؟!!
Quote: ممكن ياست الكل لكن نحن عايزن كل شيئ عن دنقلا ومشاريعها وفنها ولغتها تكون في بوستك الرائع هذا |
يعنى انت دايرنى مديرة اعمالك الفنية فى البوست ده بس ولا شنو ؟!!
ولا دايرنى مديرة اعمال داخل دنقلا والبلاد المجاورة بس ؟!!
ياود الخال نحنا بنتكلم عن العالمية ولا غيرت رايك ؟!!
ال داخل البوست ال !!
خلاص مادايرة معاك وحاابقى مديرة اعمال دكين وحمد ليمتد !!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: اى دسن قورى بورى لانو ار رسلتا الشريط للموصلى والله !
اى انداندى بنجد طلقة كرى !!
وارا .. وارا ياخى !
وى بيوووووووووووو !! |
حرم لو في عسل هنا ياهوانتي دي يا منقة
لطالما كنت اعتقد انو من اهم مشاكل النوبيين هو الانفتاح غير المدروس على بقية الثقافات ودخولهم ساي كده بي حسن نية واستعدادهم لي كل ثقافة جديدة وافدة.. وكنتا شايف انو القنوات الفضائية هي التي ستنهي ماتبقى من ارث لغوي .. وانو اكبر نكبة هي التي ياتي بها النوبيين انفسهم حين يعودون الى البلد جالبين معهم اجهزة الاستقبال والاطباق وعائدين بما تبقى من اسر الى الخرطوم ..لتنشا بعدها اجيال النوبيين الاخيرة في الكلاكلات والشجرة وجبرة والحاج يوسف والدروشاب هكذا دون لغة وكيف مااتفق..
اها الليلة قمتا اكتشفا انو انتي اخطر من كل ماسبق لغتك دي زي عربي جوبا يمكن ان تمسى عربي دنقلا لا لميتي في النوبية ولا جهبظتي العربية
الله يسعدايامك يا نادية ضكتا من قلبي لي لغتك المقطوعة من راسك الجميل ده ..
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
دكين اى بتان
Quote: اها الليلة قمتا اكتشفا انو انتي اخطر من كل ماسبق لغتك دي زي عربي جوبا يمكن ان تمسى عربي دنقلا لا لميتي في النوبية ولا جهبظتي العربية
الله يسعدايامك يا نادية ضكتا من قلبي لي لغتك المقطوعة من راسك الجميل ده .. |
يعنى ار منى قصديرى يعنى ؟!!
يعنى ار قصدى انى رطانة مابعرفا ؟!!
ياخى ار دسن بالغت والله !!
اى والله ان مسن توور رطانة بنجد هى شافة دكين !!
ار دسن محبط ياخ !!
والله يادكين اى بتان لو ماكنت ار اى بتان كان حايكون عندى معاك بنجد تانى !!
اى خطر قال !!
دكين يااوقج وماحاترجم ليك عشان اوريك عربى دنقلا ده كيف (وجه عينو محمرة )!!
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
لك الشكر حبيبنا دكين
وأنا قد اتفقت مع صديقي عازف البيز نادر السوداني لنضع الخط الايقاعي بطريقة حديثة يقبلها العالم وسابد الحفظ والتوزيع الموسيقي وسنحتاج لمساعدة التمويل أي الانتاج من زاوية الايتدوديو والاوركسترا وبالتاكيد هذا العمل سيغطي تكاليفه وقد تتولاه شركات عالميه لانه سيكون جديد في كل شيئ أها يا اهلي ليكم الحب
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: Quote: او نُمِّل جَقادل جلبِِلي او مِسِي مَسَ كُوْل |
مس كول شنو؟! هي دنقلا متين فيها موبايل؟! |
يا حافظ عليك الله الفتحة الكبيرة الفي الميم دي ما شايفا ؟
او نادية هي مِسِي مَسَ كُول بالله عليك لما تجي حته فيها ترجمة و لا شرح ناديني ولا نادي دكين ، انتي اتكلمي دنقلاوي زي ما عايزة ، ترجمة ولا شرح لا ، اوكي .
استاذنا الموصولي الاشرطة كلها جهزتها و حتصلك بالبريد علي العنوان .
| |
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
حمد هوو فتح الرحمن بتان (شفت القافية دى فقرية كيف)!!
Quote: او نادية هي مِسِي مَسَ كُول بالله عليك لما تجي حته فيها ترجمة و لا شرح ناديني ولا نادي دكين ، انتي اتكلمي دنقلاوي زي ما عايزة ، ترجمة ولا شرح لا ، اوكي . |
ان منلى ان بنجد بسرررى اومود كرى ياخى ؟!!(اها قول غلط كمان)
يعنى انت قصدك انا مابعرف اترجم ؟!!
والله اى رطانة بنجد طلقة كرى تكوون اى احبطيرومنى ياخى !!(يعنى ماتحبطنى بالله)
اها ترجم انت مسى مس كول دى موش اياها ابو عين ولا معناها شنو ؟!!
وعايزاك تكتب لى الاغنية الشاغلة دى عشان تسهل لى الحفظ سمح ؟!
| |
|
|
|
|
|
|
|