|
|
 بيان هام ..بورداب السودان والسعودية والقاهرة وماجاورها ..اجمعوا هنا بالله !!!!
|
ميلاد عصيب لرجل ما ..هو ديوانى الثانى بعد عودة للزمن الجميل
الديوانيين طبعتهم على حسابى الخاص ومن حر مال زوجى
الشاعر الجميل عاطف خيرى ادانى الوصية دى
يانادية الافضل للزول يطبع بقروشو ومايخش دهاليز الناشرين ..
وسمعت كلامو ..ولقيتو الأفضل
رغم التكلفة العالية للطباعة ..موضوع انو الطباعة فى مصر رخيصة اشاعة ساى !!
المهم حبى فى الشعر ..وحبى فى انو الناس البتحب الشعر تقرأ معاى الشعر ..بتخلينى اغرّم زوجى واخليهو يدفع حق الطباعة على امل انو لما الكتاب يتوزع برجع ليهو حقو بالزيادة !! اشاعة برضو طبعا !!
المهم بعد الطباعة تبقى أزمة التوزيع ..ودى المشكلة الحقيقية جدا
وانا مشكلتى مابعرف اتكلم مع الموزع فى حتة القروش .. ودى مشكلة كبيرة
فى السودان فى رجل فاضل اسمو نور الهدى صاحب دار عزة للنشر ..وفى القاهرة فى رجل فاضل اسمه الشيخ عووضة ..الاتنين اتعاملت معاهم ..هم ناس افاضل ..لكن موضوع التوزيع عبر المكتبات فى القاهرة ده عايز ليهو زول متفرغ للمتابعة والتسويق للاصدارة
ودى برضو انا مابعرف ليها ,,
قام تفكير واحد من الاصدقاء الاوفياء هداهو لفكرة حلوة ..تسهم فى التوزيع ..وهى انو هو زاتو وبقية اصدقائى يقوموا بتوزيع المطبوعة ..
ولقيتها فكرة مابطالة
يعنى لو انا عندى عشرة اصدقاء كل واحد وزع مائة نسخة بمعرفتو بيكون الموضوع منتهى موش ؟!!
اها خلاص دى حكاية ممكن تكون مخرج من ازمة التوزيع ..
ومن هنا يابورداب السودان
والمملكة العربية السعودية
والقاهرة اليكم البيان التالى :
ديوان العبدة لله الثانى
ميلاد عصيب لرجل ما
يوزع فى المكتبات التالية
واحد
البوردابى من الخرطوم ناجى الملك
تلفون ..............
اتنين بوردابى من القاهرة مطر قادم
تلفون...............
ثلاثة بوردابى من السعودية فيصل..ومعتصم دفع الله
تلفونات............
ولجميع الدول العربية والاجنبية الاخرى لمن يريدون اقتناء الديوان
هاتف الناشر المعروف الشيخ عووضة
هو 0020101219394
كده يافريد ود المسيد ماعندك مشكلة فى اقتناء الديوان..
ولاى استفسار تلفونى هو
0020122788809
اها رأيكم شنو فى منافذ التوزيع دى موش اسهل واضمن واسرع ؟؟!!
اى زول عندو مشكلة فى التوزيع اصدقائه خير سند..!!
ويابورداب الخرطوم
خصوصا هميمة وناذر وايزابيلا وكلكم ..عافاكم مابتقصروا ..والملك قال جايب معاه الديوان يوم عرس مريومة ..مريومة زاتها خلو راجلها يشترى ليها نسخة تقرأها فى الكوشة !!
بورداب السعودية ......معتصم اها خت تلفونك وقوم بالمهمة على خير وجه .....وناس السعودية ماشاء الله ريالاتهم كتيرة ماعندهم مشكلة !! خصوصا سجيمان ..هييييع قال النسخة بشتريها باليورو!!
بورداب القاهرة
عكاشة
المهداوى
ايمن
امل
وكلكم
مطر ده بجى شايل ليكم الديوان يوم حفلة الاوبرا كان انا لاقدر الله ماجيت برضو عارفاكم مابتقصروا
اها ياموصلى
بالله الديوان عندك وعند الكتيابى فى الكمبيوتر اوعكم ترسلوهو لى زول ..ماتخربوا علينا السوق ..
يلا ياشباب والعندو كتاب عايز يوزعو يدينى انا اول واحدة لانى بقدر اوزع كتب الاصدقاء لكن كتابى انا والله مابقدر!!
اها شدوا حيلكم
بمشى اسوى الغداء لابو ايمان واجئ ,,سمح
الراجل طالبنى حق ديوان !!
|
|
 
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
الاستاذة نادية
تحياتى
بالله انتى زوجة عاطف خيرى ....بختك واللهQuote: ميلاد عصيب لرجل ما
|
كدى اعطينا شوية مقتطفات نبرد بيها ساعات الانتظار وتحياتنا الى ابو ايمان ونتمنا ان تكون كلماتك
معتوقة ومعتقة ومنعتقة
نوافير إنتشى وحشمة
وحمار العين
تضحك كلما وقعت مصيبة
تمشى على العجين و تلخبطو
ترطن إذا جاها الحنين
يا بت بيوت الهجعة كيف
غبار شوارعك ماشى وين
زقاق يعيش فى زقاق
كتمة وظلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
صوتك وقت قطع البحر قبال مراكب العمدة
ضهر النيل عرف
و الشمس فوق حبل الغيوم
شرت جلاليب النعاس
ناشف غرب مبلول شرق
و المطرة زى شفع العيد
تدخل غرف كل البيوت
كلمة الجوع الشرح للأرض
كيف تقرأ المرق وقبال يقع
فوقك سقف
إتنحنح الجالوص
أمرق على مهلك
مروق الحنة من ضفر لاعروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وانا فى سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفك كيف معلوف
ضهر المظنة يشيل
وانا ظنى ظنيتو للنيل
غريق فى النيل
و الليل ولافى بالو بيت
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الخريف
داسينى فيك نضر
والأنبياء فاتوا
والأنبياءء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ماذنب جاد الطار
لو غنو بيهو شتر
ما تخافى الله معاك
وكل الملائكة سمر
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: waleed500)
|
الاكرم وليد 500
| Quote: بالله انتى زوجة عاطف خيرى ....بختك والله |
هسة ياربى اكضب واتسلبط واقول آآآآآآآآآآآى ولااسوى شنو ؟!!
لا ياوليد عاطف خيرى صديق عزيز وغالى عشنا معه اياما جميلة فى القاهرة عندما كان مقيما فيها مؤقتا مع زوجته الراقية المهذبة ..الجميلة ..ام ابنه الحلو
واما زوجى فهو رجل نبيل ..عظيم ..كريم
بس مصيبتو انو عرس شاعرة تفلس جيوبو كل ديوان شعر ..
Quote: معتوقة ومعتقة ومنعتقة
نوافير إنتشى وحشمة
وحمار العين
تضحك كلما وقعت مصيبة
تمشى على العجين و تلخبطو
ترطن إذا جاها الحنين
يا بت بيوت الهجعة كيف
غبار شوارعك ماشى وين
زقاق يعيش فى زقاق
كتمة وظلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
صوتك وقت قطع البحر قبال مراكب العمدة
ضهر النيل عرف
و الشمس فوق حبل الغيوم
شرت جلاليب النعاس
ناشف غرب مبلول شرق
و المطرة زى شفع العيد
تدخل غرف كل البيوت
كلمة الجوع الشرح للأرض
كيف تقرأ المرق وقبال يقع
فوقك سقف
إتنحنح الجالوص
أمرق على مهلك
مروق الحنة من ضفر لاعروس
واصعد على مهلك
صعود البذرة والروح والشموس
مبنية مدن الخوف
من طينة آخر الليل
وانا فى سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفك كيف معلوف
ضهر المظنة يشيل
وانا ظنى ظنيتو للنيل
غريق فى النيل
و الليل ولافى بالو بيت
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الخريف
داسينى فيك نضر
والأنبياء فاتوا
والأنبياءء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ماذنب جاد الطار
لو غنو بيهو شتر
ما تخافى الله معاك
وكل الملائكة سمر |
لعاطف منتهى دهشتى واكاليل زهورى
وسلامى له وعليه اينما كان
وليد
اشتريت ولالسة ؟!!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: Abdulla Ageed)
|
الغالى ود عقيد
| Quote: نادية .. مبروك الديوان الجديد |
الله يبارك فيك وعقبال ماابارك ليك الديوان وراء الديوان ياشاعر يافنان
Quote: انا طبعا من ناس السعودية
وأثني على كلام الأخ وليد
وأطالب بحجز (نسخي، وليس نسختي) كيتا علي ناذر |
ياسلام عليك ياود القبائل ..عارفاك مابتقصر والله ..والف كية عليك ياناذر يارعديد ..انا وكت عندى الزى ود عقيد وصحبه ديل انوم قفا سااااااااكت ..ولايهمنى شئ
| Quote: وان شاء الله يكون فيهو (وطن الجدود) |
فيهو وطن الجدود ..ووطن الحب ..ووطن الجمال وكل اوطان تحبها وتتمنى وجودك فيها ..
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: سجيمان)
|
سجيمان الغالى
| Quote: خلاص يا ندوية انا حاشتري نسخة...لكن اليورو دا يبقى لي العمى كان شفتو..... |
خلاص مامشكلة ياسى جى الين اليابانى ..وبالعدم رضاينين بالدولار الكحيان ده نعمل شنو الله غالب !!!
| Quote: وبعدين انا برضو ممكن قريب جدا... يطلع لي كتاب..... اسمو..... فارغة ومقدودة...... وان شاء الله انتي تساعديتي في توزيعو في مصر......شفتي انا بقيت ختري كيفن؟ |
هيييييييييييييييييييييع
انا مرتك ياود الحاج !!
والله اوزعو توزيع البيبسى فى صيوان العرس بعد حفلة رابة بى ندى القلعة !!
ده كلامك..انت بس انوى وشوفنى كده !!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: معتصم دفع الله)
|
Quote: يا ندوية مافي مسكلة ..
علا القروش النس بالنس ..
|
القروش حارسا راجلى ..وحارسا سيد المطبعة باقى حقو !!
تطير القروش وعيشتها !! وانت كمان حارسا يامعتصم ؟..سمح خم وصر !!
| Quote: وحقوق التوزيع محفوظة للعبد لله .. |
لا هنا تب ماعندك مشكلة !!
Quote: أها دا تليفوني يا ناس الرياض وما جاورها ..
الما بشتري بكشف حالو ..
0507909071
العمل 24 ساعة صيدلية بس عشان الكتاب دا يتباع .. |
افتكر ده تحذير واضح ..والواضح مافاضح ..واى زول مايشترى الكتاب امانة مابكون اتلوم فينى لوم !!
| Quote: يلا يا جماعة همتكم معانا .. |
انا عارفة بورداب السعودية ديل ماشاء الله ناس فزعة ..وناس غير !!
جدة غير !!
القصيم غير !!
الرياض غير
وكلو غير ..وعاش الملك !!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: مبيوع)
|
الفنان الرائع مبيوع
كدى فى الاول قول لى خلصت التلحين ولا لسة ..ومتين حاتنزل لينا نص الاغنية العندك من اشعار العبدة لله فى بوست منفصل ؟؟!!
Quote: ونحن ياناديه كان نسختنا ماوصلت
بنشترى كمبيوتر الموصلى ذاتو
تهانينا بصدور
ديوانك الجديد
وفى الانتظار |
مبيوع العزيز
يااخوى لو انت مانفعتنا البينفعنا منو يعنى ؟؟
لو عايز الديوان بتلقاهو .. انت بس اتصل بتلفون الناشر الشيخ عووضة الموجود فى البوست ده وبالعدم اتصل بى وورينى طريقة تانية ان احببت..
يلا اتصرف وانا فى الانتظار ..واوعك تشترى كمبيوتر الموصلى !!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
نادية
أنا عايز 3 نسخ ، واحدة لي ، واحدة لفوزية ، والتالتة لروح جون قرنق مهداة لرابطة الصالحية بالرياض ...
بس ما بشتري من معتصم ،،، جنّي جنّو ،،، مكجنو ، بلا سبب ،،، من يوم ما دخل البورد ما بدينا معاهو فرصة ...
عايزة ترسليهم لي بالبريد وتديني رقم حسابك أنا بحول ليك وأستلم النسخ التلاتة ،،، ما عايزة أنا بلقى ديوانك ده ، وبنسخو ، وبنزلو هنا في البورد ، والناس تقراهو مجان ،،، وفي النهاية :
إنّي خيرتك فاختاري ...
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: ودقاسم)
|
ود قاسمنا ..الفى الفرح مقاسمنا
Quote: أنا عايز 3 نسخ ، واحدة لي ، واحدة لفوزية ، والتالتة لروح جون قرنق مهداة لرابطة الصالحية بالرياض ...
بس ما بشتري من معتصم ،،، جنّي جنّو ،،، مكجنو ، بلا سبب ،،، من يوم ما دخل البورد ما بدينا معاهو فرصة ... |
خلاص ولايهمك ..وكت مكجن معتصم بلاش منو مايبوظ علينا البيعة ويضيع مننا زبون مهم زيك ياود قاسم !!
ماتزعل يامعتصم الزبون دائما على حق !! شيل الصبر !! ههههههه
| Quote: عايزة ترسليهم لي بالبريد وتديني رقم حسابك أنا بحول ليك وأستلم النسخ التلاتة |
،،،
معندك مشكلة ورقم حسابى هو
0400945549
البنك التجارى الدولى القاهرة (فرع مصر الجديدة)
اها قصرت معاك !!
| Quote: ما عايزة أنا بلقى ديوانك ده ، وبنسخو ، وبنزلو هنا في البورد ، والناس تقراهو مجان |
،،،
ماظنيتك تسويها وتحرق على الشغل ياود القبائل !! ياجدع اوى !
Quote: وفي النهاية :
إنّي خيرتك فاختاري ... |
اها انا اخترت يلا انت ورينى همتك عاد بعد ده !!!!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: ودقاسم)
|
ود قاسمنا
ياسررررررررررريع
ايه ياجدع السرعة الفورية دى !!
مابتقصر ياود القبائل
وتسلم على الاستجابة الفورية
Quote: كم جنيه سعر النسخة ، وكم تكلفة البريد ؟
إن رددتي اليوم أو غدا فسيكون التحويل يوم السبت ،،، |
ياسيدى تسلم
انا طبعا مامحددة للاصدقاء سعر للنسخة ولاحاجة ..يعنى دفعت جنيه ولادفعت الف مافارقة..
والمهم القصائد والتى هى نبضى واحساسى تلامس مكامن الاحساس فيمن يقرؤها ..
بالنسبة للبريد انا بدفع سعر الشحن من هنا وتقريبا فى رسوم بسيطة بتدفعها انت عند الاستلام هناك
اهم حاجة هسة يلا رسل لى العنوان كاملا وده المهم وتسلم انشاء الله ..
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
الأخت الشاعرة نادية
أولا ألف مبروك صدور الديوان يا ستى وعقبال مجلدات متلتلة يا ستى
ثانيا
Quote:
ميلاد عصيب لرجل ما ..هو ديوانى الثانى بعد عودة للزمن الجميل
الديوانيين طبعتهم على حسابى الخاص ومن حر مال زوجى
الشاعر الجميل عاطف خيرى ادانى الوصية دى
يانادية الافضل للزول يطبع بقروشو ومايخش دهاليز الناشرين ..
|
شفتى عدم النقطة عمل سوء فهم كيف
انا زى الاخ وليد 500 فهمت انه زوجك الشاعر عاطف خيرى لانه مافى نقطة فاصلة ..
المهم يا ستى
انتى طلعتى واحدة حقارة جدا
يعنى ليه ناس جدة ما بتخصيهم بى نقطة توزيع يعنى ؟؟؟؟
ولا ما معترفه بيهم يعنى ؟؟؟؟
انا زعلان منك
وبقول ليك نحن برضو بنسعد لكل اصدارة جديدة سودانية ولو ما بنعرف صاحبها كله كله خليك من يكون جمعنا بورد واحد ياخى ..
وعموما نحن تحت الخدمة وبورداب جدة والله يعجبوك يا ستى
وجده مليانه ناس بتقرأ وبتحب الشعر
وكل كلمة قادمة من السودان الناس بتتلقفها وتتلهف ليها
بس
ابقى افتكرينا
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: قرشـــو)
|
النبيل قرشو
Quote: شفتى عدم النقطة عمل سوء فهم كيف
انا زى الاخ وليد 500 فهمت انه زوجك الشاعر عاطف خيرى لانه مافى نقطة فاصلة .. |
والله الكلام واضح زى عين الشمس
ووليد زاتو لما رجع قراهو قال انو كان مستعجل بس
والخمسين مداخلة ديل فهموا كلامى صاح
Quote: المهم يا ستى
انتى طلعتى واحدة حقارة جدا
يعنى ليه ناس جدة ما بتخصيهم بى نقطة توزيع يعنى ؟؟؟؟
ولا ما معترفه بيهم يعنى ؟؟؟؟
انا زعلان منك
وبقول ليك نحن برضو بنسعد لكل اصدارة جديدة سودانية ولو ما بنعرف صاحبها كله كله خليك من يكون جمعنا بورد واحد ياخى ..
وعموما نحن تحت الخدمة وبورداب جدة والله يعجبوك يا ستى
وجده مليانه ناس بتقرأ وبتحب الشعر
وكل كلمة قادمة من السودان الناس بتتلقفها وتتلهف ليها
بس |
انت تأمر ياباشا
وطبعا جدة غير
واجدع ناس
ووالله ماطنشتكم ولاحاجة
ونقطة التوزيع فى جدة ده تلفون الاخ فيصل
508825811
هو انتو انتو بتتنسوا ؟!!!
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
الغالية نادية
تحياتى لكى والف مبروك على الديوان الجديد وان كنت لم اقرأ الذى سبقه
عمومآ كلى يقين بان النفس الجميلة لن تنتج الا كل جميل
ساتصل بالملك بس ما عشان نسختى براى
حا انسق معاهو للعديد من النسخ
باذن الله ربنا يقدرنى واوزع الديوان مع بورداب الخرطوم
على فكرة انا لازم اقتنى الديوان الاول كمان
اما بالنسبة للعزيز الملك
ارجو ان يسمح لى بالاتصال به
ويا نادية عقب ان اقتنى نسختى اعدك بالكثير من النقاش حول الديوان
فائق تقديرى
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: wail malik)
|
النبيل الصديق وائل مالك
Quote: ساتصل بالملك بس ما عشان نسختى براى
حا انسق معاهو للعديد من النسخ
باذن الله ربنا يقدرنى واوزع الديوان مع بورداب الخرطوم
على فكرة انا لازم اقتنى الديوان الاول كمان |
تسلم ياغالى وعافاك مابتقصر والله
وسعدت بمكالمتك الطيبة جدا
ديوانى الاول فى دار عزة للنشر بشارع الجامعة
اما الديوان التانى ففى انتظارك تقول لى رايك
ومقدرة جدا لاسهامك فى التوزيع ايها النبيل
وخلينا متواصلين
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: كبسيبة)
|
الرائع كبسيبة عندنا ؟!!!
هلت البشائر والله
تسلم على المرور الباهى ياشقيق..
Quote: الأديبة الرائعة المتميزة في كلماتها التي تنساب كالماء الرقراق في شلالات قلوبنا كالنسمة العذبة كالفراشة الرقيقة كالدواء الشافي نادية
سواء على أرض الوطن أو خارجة
جميل أن نقرأ كل تلك الروعة
والأجمل أن نقرأ لأمرأة من وطني علمتنا معنى الجمال |
انت عارف انا برغم انى عندى اكتر من الف قصيدة الا انى والله امام مثل هذا الثناء العاطر اقف مشدوهة وعاجزة تماما عن التعبير !!
اقول ليك شنو بس اكتر من انى ممتنة جدا لكلامك يارائع واتمنى اكون دوما عند حسن ظن كل الناس بى واولهم الاصدقاء الاحباء الفى البورد ديل كلهم ..
| Quote: وطبعاً نسختنا محجوزة |
اتصل فورا بمعتصم او الاخ فيصل فى السعودية ويجيبوا ليك النسخة لحدى عندك خاصة الاخ فيصل وهو شاب نبيل ساكن جنبكم فى جدة
وجدة غير يافردة !!
| |
|
|
|
|
|
|
|
|
 Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
الاخت نادية عثمان
كل التحايا
Quote: اتنين بوردابى من القاهرة مطر قادم
تلفون............... |
شكرا للثقة الغالية فى, وتوسمك الخير وبعد
يوسفنى ان اعلن عن عدم مقدرتى على هذا العمل وذلك لفشلى السابق فى مهمة مماثلة مما جلب الاحباط لصديقى وهو فى اول تجربته فى الاصدار والنشر.لكنى ارى فى ديوانك المسمى | Quote: ميلاد عصيب لرجل ما |
والذى قدم له الشعراء الكبار الاساتذة
السر احمد قدور
المعز عمر بخيت
وفضل الله محمد
وابو قطاطى
فضلا عن انه-اى الديوان- كان قد كتب عنه الكثير فى جريدة الخرطوم ابان صدورها فى القاهرة.وعليه اكرر شكرى على اهداءك نسخه لى وعليها كلمات اهداء فى حقى اطمح فى ان اتمثل جزءا ولو يسير منها
ثم تجدينى لا ادخر جهدا فى المشاركه فى الامر بما فى وسعى وختاما اكرر التهانى بصدور ديوانك الثانى
ثمرة ناضجة فى شجرة الشعر لشاعره حصيفه حريصه على مستواها الابداعى متطلعه الى حياة ثقافية متفتحة واطمح كقارى ان ارى تجربتك القيمة فى مجال القصة القصيرة بين دفتى كتاب قريبا.
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: مطر قادم)
|
الصديق الشفيف..النبيل حد النبل مطر الخير القادم
Quote: شكرا للثقة الغالية فى, وتوسمك الخير وبعد
يوسفنى ان اعلن عن عدم مقدرتى على هذا العمل وذلك لفشلى السابق فى مهمة مماثلة مما جلب الاحباط لصديقى وهو فى اول تجربته فى الاصدار والنشر.لكنى ارى فى ديوانك المسمى
Quote: ميلاد عصيب لرجل ما
والذى قدم له الشعراء الكبار الاساتذة
السر احمد قدور
المعز عمر بخيت
وفضل الله محمد
وابو قطاطى
فضلا عن انه-اى الديوان- كان قد كتب عنه الكثير فى جريدة الخرطوم ابان صدورها فى القاهرة.وعليه اكرر شكرى على اهداءك نسخه لى وعليها كلمات اهداء فى حقى اطمح فى ان اتمثل جزءا ولو يسير منها
ثم تجدينى لا ادخر جهدا فى المشاركه فى الامر بما فى وسعى وختاما اكرر التهانى بصدور ديوانك الثانى
ثمرة ناضجة فى شجرة الشعر لشاعره حصيفه حريصه على مستواها الابداعى متطلعه الى حياة ثقافية متفتحة واطمح كقارى ان ارى تجربتك القيمة فى مجال القصة القصيرة بين دفتى كتاب قريبا. |
تسلم سيدى ..وهذه الثقة انت أهل لها ..وماكنت لاحبط لو انك لم تستطع بيع ديوان واحد ..لاننى فى الأساس اتفاءل بك فحسب ودونما اسباب الا انك عندى مطر للخير كثيف الهطول .. وقريبا ستجد تجربتى القصصية القصيرة بين دفتى كتاب بامر الرب..
ولايهمك صديقى النبيل
ويابورداب القاهرة احول المهمة لاخوى ود عمتى فاطمة مختار عصام الدين نقد
وتلفونو
0103691826
وبرضو انا ذاتى وتلفونى فى البوست ..
مطر الخير
لازم نتلاقى فى حفلة الاوبرا
سمح
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: shazaly gafar)
|
الاستاذ الفاضل
النبيل الصالح عثمان محمد صالح
لك التحايا مجددا وابدا
الغريبة اننى رددت على مداخلتك اكثر من مرة ولادرى لماذا لااراها بعد كتاباتها هنا اظنه خلل فى الكمبيوتر
عموما كنت قد قلت لك فيها الاتى :
سلمت من كل شر ايها الرجل الصالح عثمان
واسفى اننى لااملك ولا نسخة واحدة من ديوانى الاول لكنها موجودة فى دار عزة للنشر فى الخرطوم ساحاول ان اتى لك بنسخة
واما عن النسخة الجديدة فتوقعها قريبا باذن الله
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: abuguta)
|
ابو قوتة قنبلة الود الموقوتة
Quote: انا حاجز نسخة
بس مش من معتصم دفع الله
لانه ما برجع الباقى قال
لكن هو موزع ممتاز
وبعرف كيف يربح
فى نوع البضاعة دى
كويس ... |
خلاص اشترى من فيصل تلفونو عندك فى البوست فوق
ومعتصم انا بعرف كيف ارجع منو الباقى !!
هههههههههه
Quote: والامل فينا اخضر
ما دام لسع ناس بتكتب
وعاوزة تنشر..
ياعين يادقر.. |
والبركة فيكم ياناس ياسكر
نحنا نطبع وانتو توزعوا اكتر
ودقر ياعين دقر
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
والله بالغته يا معتصم ... بالغته عديل كده..
الاخت ناديه
الف مبروك صدور ديوانك التانى
بس شكلك كده عايزة تستكرتينا ساكت
لانو اى بيعه قبلها بتكون فى ضواقه .... ولا شنو
ورينا عينه من الديوان بتاعك وبعدين نقرر
انشاءالله الجير بس ..او الشبابيك عشان الواحد يتاوق منها للجوه
وكان جبتى كراسى وعدلتى القعده كده بى شاى بالقرنفل (بتاع الزهرة الهديه داك )
تكونى ما قصرتى ... وبصراحه كده لو القعده عجبتنا يمكن الزول يشترى البيت كلو من الديوان
بس ولا اقول ليك الشارع كلو اها ايه رايك .,
لكى اصفى الود
ومزيدا من التقدم والتألق
| |
|
|
|
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: mohamed elshiekh)
|
العزيز محمد الشايك
Quote: بس شكلك كده عايزة تستكرتينا ساكت
لانو اى بيعه قبلها بتكون فى ضواقه .... ولا شنو
ورينا عينه من الديوان بتاعك وبعدين نقرر |
والله شكلكم كده انتو العيزين تشرونى ساى !!
وفرضنا ضوقتكم..يعنى نشرت ليكم القصائد هنا وبعد داك عملتو فيها حركات وقلتو ماعاجباكم اتصرف كيف انا يعنى ؟!!
اسمع الكتاب فيهو نصوص مكسرة الشباب خاصة نص اسمو حلاوة ريد
بقول فيهو:
تعال خليك قريب منى
كتلنى هواك ونار الشوق
تعال غرقنى فى بحورك
واطفى الفينى بات محروق
بريدك لو تكون جنبى
واطير فوق الخلايق فوق !!
الى اخر القصيدة الماعارفة مكسرة الشباب لشنو !!
اها قصرت معاك ؟!!
| |
|
|
|
|
|
|
|
|
..
يا نازر ... ارجع وراء
قاسى جدا
| |
|
|
|
|
|
|
|
ناذر محمد الخليفة
إسماعيل وراق
waleed500
قاسم المهداوى
عبد الله إبراهيم الطاهر
بلدى يا حبوب
محمد عكاشة
Kostawi
waleedi399
Abdulla Ageed
معتصم دفع الله
سجيمان
الملك
مبيوع
Elmosley
ودقاسم
ADIL FAIT
wa7shny
قرشـــو
Badri
مطر قادم
Osman M Salih
abuguta
shazaly gafar
الولد ده ال تقول ولادة نديهه)
زول ساكت
mohamed elshiekh
عبدالرحمن عبدالله أبوشيبة
ghariba
فيس بوك
تويتر
انستقرام
يوتيوب
بنتيريست