|
|
 السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!!
|
كل مااشعر به منذ تمرير هذا القرار القاضى باذلال نفر من ابناء السودان خارج حدود وطنهم هو الانكسار والاحساس بالمهانة !!
السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!
اذا كان هذا هو العدل فلماذا يستثنى الامريكان بكل فظائهم فى الدنيا ؟!!!
العدالة لكى تكون مفرحة يجب ان لاتتجزأ ..وماحدث تجاه السودان ..اكرر السودان الدولة وليس زيد او عبيد ..ماهو الا انتقاص وتحقير واستهانة بهذا الوطن باعتبار انه مستضعف ويمكن ضربه بكل بساطة !!انا مع ان تأخذ العدالة مجراها ويحاسب كل من اقترف ذنبا تجاه اهلى فى دارفور والشرق والجنوب والشمال ..ولكن هل مجلس الامن بقراره الذى استثنى فيه المواطن الامريكى من المحاكمة فى لاهاى وخضع لاساليب الصفقات الرخيصة بين فرنسا وامريكا كان عادلا.؟!!!! فاقد الشئ لايعطيه !!
وفعلا (اللى ماعندوش ضهر يضرب على بطنو )
حليلك ياسودان لاضهر ولاحتى بطن !!!
|
|
 
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: Deng)
|
الاخ الكريم دينق
الف مرحب بك ..وسعيدة بأن يجمعنا نقاش فى هذا الوطن الحر
| Quote: لماذا الخلط دائماً بين العصابة الحاكمة والشعب السوداني؟ |
انا لم اخلط بين من سميتهم عصابة والشعب السودانى ..لسبب بسيط انهم بالفعل بعض من الشعب السودانى سواء اتفقنا او اختلفنا معهم ..وسواء كانوا قتلة مجرمين او اطهار ابرياء ..فهم ايضا يحملون الجواز السودانى مثلنا يااخى دينق !!
وانا لامصلحة لى فى الدفاع عن مجرم او تبرئته..ولكن قلبى على وطنى ومواطنيه الابرياء ..فالعقوبات لن تؤثر على المواطن المجرم او العصابة فحسب لان الخير يخص والشر يعم والعقوبات فرضت على السودان وسيتضرر منها كما تضررت العراق وغيرها من دول ظلم شعبها واخذ بذنب مجموعة ..او عصابة اخى دينق!!
| Quote: نحن كسودانيين نعلم جيداً من هم الذين عزبوا وأهانو وقتلوا الشعب طيلة الفترة الماضية. |
يقال انهم (51) قاتل ومجرم ستسلم اسمائهم مختومة بالشمع الاحمر فى ظرف سرى للغاية !!!
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
Quote: (اللى ماعندوش ضهر يضرب على بطنو )
|
لهذا السبب ضربت حكومه الانقاذ المدنيين فى دارفور بطائرات الانتنوف المحمله ببراميل السيخ واطلقت سراح موسى هلال من السجن وجعلته قائدا للجنجويد واعطته مطلق الحريه فى القتل والاغتصاب والنهب والسلب بالمناسبه الان لا توجد اى قريه فى شمال وغرب وجزء كبير من جنوب دارفور (حريق وبس) .
لهذا السبب شردت وقتلت وعذبت واعدمت الالاف من هذا الشعب الصابر
لهذا السبب ارتكبت الانقاذ مذبحه بورتسودان فى الشهر الماضى وقبلها مذابح جبال النوبه الماساويه فهؤلا كلهم ما عندهم ضهر.
يا عزيزتى العداله لا تتجزء وكما تدين تدان فكل من يدافع عن مجرم فهو شريك فى الجريمه فعندما كانت الطائرات تضرب وتحرق والقوات تغتصب هل العداله كانت فى اجازه
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: abuarafa)
|
| Quote: العدالة لكى تكون مفرحة يجب ان لاتتجزأ ..وماحدث تجاه السودان ..اكرر السودان الدولة وليس زيد او عبيد ..ماهو الا انتقاص وتحقير واستهانة بهذا الوطن باعتبار انه مستضعف ويمكن ضربه بكل بساطة !!انا مع ان تأخذ العدالة مجراها ويحاسب كل من اقترف ذنبا تجاه اهلى فى دارفور والشرق والجنوب والشمال ..ولكن هل مجلس الامن بقراره الذى استثنى فيه المواطن الامريكى من المحاكمة فى لاهاى وخضع لاساليب الصفقات الرخيصة بين فرنسا وامريكا كان عادلا.؟!!!! فاقد الشئ لايعطيه !! |
الاستاذة نادية
لم يحدث شيئ تجاه السودان ، ما اصاب السودان بفعل من يحكمه فيه اكبر اهانة وتحقير للمواطن السوداني ، هل احتقرت حكومة منذ تكوين ما يعرف بالسودان هذا الشعب مثلما فعلت هذه الحكومة ؟ لماذا لم تسعي هذه الحكومة للعدالة قبل ان تسعي اليها الامم المتحدة ؟ لماذا لم تتحدث عن الانتهاكات الا بعد ان كونت الامم المتحدة لجنتها ؟ جرائم هذه الحكومة بطول السودان وعرضه ، ودارفور ما هي الا المسرح الذي كشف عن عورتها ، اين كانت هذه القوي التي تتباكي الان وتدعي ان الامم المتحدة قد اهانتها عندما كانت هذه الحكومة تقتل وتصلب كيفما تشاء ؟ لماذا لم يسعوا لادانتها والضغط عليها لتتراجع عن سياساتها القذرة تجاه المواطن السوداني ؟
مع الود
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: محمد اشرف)
|
الاكرم محمد اشرف
التحايا البواسق
ومرحبا بمرورك المفيد دوما
Quote: الم تشعرى بانه القصاص لمن قتلوا فى دارفور؟
لمن اغتصبن فى دارفور؟ |
لاتنسى ايضا الشرق ومن قتلوا فى بورتسودان ولافى الجنوب ولا عذابات اهلنا فى الشمال ..وقلبى على اهلى فى دارفور وفى كل بقعة من وطنى طالها التهميش فحملت السلاح وكان ماكان !!
قلبى على اختى التى اغتصبت فى دارفور
وقلبى على وطنى المستضعف الذى سيتحول الى محمية امريكية او فرنسية فهل يكون الغرب عادلا جدا ولن يفعل بنا سواء فعل الملائكة عندما يسكنون بلادنا احتلالا اخرا؟!!
اخى محمد اشرف
اشفاقى ليس على زيد او عبيد بالاسم فليس فيهم ابى ولاشقيقى ولاخالى ولاعمى ..اشفاقى على الوطن الذى هدرت سيادته بسبب محاكمة هؤلاء النفر خارجه !!!
المجرم يجب ان ينال عقابه ..ولكن لماذا لايقتص الشعب لنفسه فى داخل وطنه؟!!
اخى محمد اشرف
الطفل..او الطفلة فى البروفايل الخاص بك جميل جدا ربنا يحفظه من العين يارب
ودمت ابدا
مع فائق التقدير
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
نادية يا بت عثمان ..
مساءك خير ..
المشكلة الان ليست في أمريكا وفرنسا ولكن المشكلة الان في (غيرهم) والتي هي للأسف تشمل قائمة كبيرة من أبناء بلادي واللذين أجدهم يتبجحون هنا ومن هذا المنبر لتقديم التبريكات وتعاظيم السلام لماما أمريكا و(خالتي فرنسا) متناسين هيبة الوطن بغض النظر عن تلك (العصابة ) ...
تخريمة :
السودان حيطة طويييييييييييييييييلة ما بتتنط إنشاء الله و(العصابة ) دي ممكن تتحاكم جوووووووة السور ده والعندو كلام يمشي ليهم هناك ..ولا شنو ؟؟
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
الاخت نادية سلامات
الواقع شي و الاحلام و القيم المثالية و العدالة المطلقة و الشي النحن عايزنه شي تاني.... ويا نقدر نتعامل مع العالم دا زي ما هو ما زي ما نحن بنتمناه يا نقع في الاوهام و الاحباط... و احتمال كبير التطرف و الارهاب... و القصة فيها تشابك مصالح و لوبيهات وتحالفات و رايي عشان نعيش في العالم زي دا لازم نكون اذكياء باقل قدر من الخسائر الاخلاقية و القيمية... و الامريكان في اللحظة التاريخية المحددة دي هم الاقوى بكل المقاييس عجبنا ولا ما عجبنا... ببقى السؤال نحن ممكن نعمل شنو عشان يفضل لينا شي ولو قليل من الحلم القديم ؟؟؟ نناكف ونصر انه الدنيا لازم تمشي حسب احلامنا وتنظيرنا ولانحاول نلقى لينا موقع قدم في العالم الجاري جري الوحوش دا ممكن ننطلق منه ؟؟؟ ولي قدام...
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
استاذة نادية
هذه مقارنة غير موفقة لان المواطن الامريكي اذا ارتكب جريمة
فالقضاء الامريكي لا يكون في ايدي السلطة الحاكمة والدليل
الان مايكل جاكسون يمثل للعدالة الامريكية وكذلك كلنتون
هل ياتري حكامنا سيفعلون ذلك هل تتخيلي مجرد خيال
احيل اليك هذه الواقعة ...
في مدينة ود مدني التاريخ 1990 او 1991
المكان فناء جامعة الجزيرة
لقد تم اعتقال طلاب وطالبات جامعة الجزيرة في مظاهرة لمنع
سليمان محمد سليمان فاصدر العقيد طبيب مالك علي احمد عبد ا لقادر
وبحضور سعادة القاضي عبد المجيد ادريس اصدروا علي الطالبات عقوبة
30 سوط والاولاد 40 سوط مع اهانة وازدراء لا يوصف واتمني ان يفند هذه
الواقعة احد او احدي /المشاركين في تلك الاحداث هل قضاء كهذا
واضع نفسه الحاكم والجلاد هل ممكن يطبق العدالة
بعدين سؤال في منتهي الجدية انتم قبيلة الصحافيين /ت من المفترض
تكونوا علي علم باكثر مما ناتي نحن به لاننا وسائل المعلومة عندنا
ربما لا تكون موافية .
لا علاقة بالمقارنة هذه وهي من دعايات اشبه باطماع ]اسرائيل في يورانيوم
دارفور اذا قطعت الكهرباء زمان كان يقولون ديل الشيوعيين نحتاج ذهن
وقاد ومفتوح لان اخطبوط امريكا واسرائيل هو سلاح لقوي الجهل من الاسلاميين
ودعاة الدولة البوليسية القديمة والجديدة ليس كل ما ياتي من امريكا او
الغرب مرفوض وليس مطلوب منا الهرولة مع الغلط .
اقرائي كلمة الحاج وراق الاخيرة عن معسكرات اللاجئين(كلما) من يرد لمن
تضرر من اسر هذه المعسكرات ماذا تقولي للفتاة التي اغتصبت امام عين
والدها اسالي استاذة اسماء الحسيني عن تغطية الاهرام لجرائم دارفور
البشير سائر في درب رفاقه الطغاة صدام واخرين منهم من قضي نحبه
ومنهم من ينتظر ..........
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: Sabri Elshareef)
|
الأخت ناديه
مساء الخير
نعم العدالة لا تتجزأ أو هكذا ينبغى أن يكون ولكن قل لى بربك ماهى الآلية التى ترينها مناسبه لإقامة العدل فى سودان اليوم??لنترك المثاليات و طيبة القلب جانبا و نتحدث بلغة الواقع اللغة التى يفهما الناس النظام السودانى هو الخصم فى إحراق قرى دارفور و إغتصاب فتياتها و فتيانها فأنى له أن يقيم العدل على نفسه??بربك خبريتا بأى آلية ترينها ممــكنــه يطالب أهلى المظلومين فى دارفور من خلالها ر مظالمهم و دفع الضرر عنهم??كافة الحكماء من أبناء وبنات بلدى دعوا سلطة الإنقاذ ليتعقل و يتنازل عن غطرسته و كبريائه
و لكن لا حياة لمن تنادى دعوها حتى بحت أصواتهم فحسبت السلة ذلك ضعفا و هاهى قد جنت على نفسها.....و يالها من نفس دنيئه.
السياسة الدولية عمرها لم تكن فيها إستقامه و إنصاف مطلقين إنما النظام العاقل هو ذلكم النظام الذى يعمل على إزالة التناقضات بينه و بين شعبه..
ولنا عوده
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
سلام
( انا الوم الجزيره مره اخرى لانها تسوق للامريكان)
شخصيا لا منكسر ولا يوجد لدى اى احساس بالمهانة ولا يحزنون
يا استاذه هنالك 300000 الف قتيل والحكومة شاركت وساهمت فى كل هذا
ثم اين هو القضاء العادل بل اين هو القانون اصلا ..............
يا استاذه هناك فرق بين جريمه السرقه والنصب وجرائم القتل الجماعى
ثم ان اسمها محكمه العدل الدوليه مش محكمه ام ضوا بان او خيمه الامن العام
( للمره التانيه انا الوم الجزيره مره اخرى لانها تسوق للامريكان)
من اقوال الصحاف
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: jini)
|
ماهو الا انتقاص وتحقير واستهانة بهذا الوطن باعتبار انه مستضعف ويمكن ضربه بكل بساطة
الاستاذة نادية عثمان
ان من انتقص من قدر هذا الوطن وعمل على ازلال شعبه وجعله شعبا مستضعفا لهي عصابة الجبهة الاسلاموية التي يستهدفها القرار وليس شعب السودان الصابر ان من يطالهم القرار اناس اجرموا في حق المواطب السوداني واوسعوه فقرا وازلالا حتى ان اديب الشعب والرواية العالمي الطيب صالح فجر سؤالا لاز به كل المظلومين من ابناء الشعب السوداني : من اين اتي هؤلاء ؟؟؟
هؤلاء الوحوش السفلة مصاصي الدماء يحاولون الان الحتماء بهذا الشعب وعندما اقسم الراقص العميد البشير بانه لن يسلم مواطنا سودانيا فقد كاتن صادقا ولاول مرة في حياته لانه ما من احد من شعب السودان ارتكب جريمة او انتهك مالا وعرضا بل هم هؤلاء ومن اين هم لا ندري حقا لا ندري ان ما يحدث في دارفور والشرق وفي معتقلات النظام وف كل مكان من ارض السودان لهو امر فاق كل تصور .
لقد ذكر لكي الحبيب صبري بعض ما فعله هؤلاء المجرمون في جامعة الجزيرة في العام 90/91 وما فعلوه في العام 94 كان افدح واعظم لقد ضربت الطالبات داخل الداخليات وتم اعتقال جميع الطلاب بالشاحنات واوسعوهم والطالبات ضربا وتعذيبا اي اخلاق هذي التي ينتمون اليها واي دين يدينون انهم حثالة انهم قوم نكرة لا ينتمون الى شعب السودان والشعب منهم براء
لا يا اخت نادية يجب ان تفرقي بين شعب السودان وبين هؤلاء المجرمون لقد ذقت ويلهم بنفسي ومن ذاق ليس كمن سمع انها تجربة شخصية يا نادية هؤلاء ليسوا بسودانيين هؤلاء مصاصي دماء وليس اشد اجراما من ان تغتصب امراة او بنت عذراء على ايدي هؤلاء المجرمون لا اشد وطا من ان تطفا سيجارة على ثدي امراة وينتهك عرضها وشرفها هل هنالك سوداني يفعل مثل هذا لا والف لا ويبقى السؤال من اين اتى هؤلاء ؟؟؟؟؟
اين هم من هؤلاء :
ـــــــــــــــــــــــــــــــــــــــــــ
أيها الناس نحن من نفر عمروا الأرض حيثما قطنوا
يذكر المجد كلما ذكروا وهو يعتز حين يقتــرن
ردد الدهر حسن سيرتهم ما بها حطة ولا درن
نزحوا لا يظلموا أحدا لا ولا لاضطهاد من امنوا
وكثيرون في صدور هموا تتنزي الأحقاد والإحن
دوحة العرب أصلها كرم والى العرب تنسب الفطن
أيقظ الدهر بينهم فتنا ولكم أفنت الورى الفتن
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
| Quote: كنت مثلك اظن ان العدالة لاتتجزأ ولكن ماذا تسمى استثناء المواطن الامريكى من تطبيق هذه العدالة ؟!!! |
الاخت/ناديه
المواطن الامريكى الذى يرتكب جريمه يحاكم فى بلده وبعدين لو فى اى واحد فى ال51 عندو جنسيه امريكيه لن يفلت من المحاكمه .
وبعدين انت ناطه للامريكان مالك
قضيه معاشي الحكومه فى السودان بعد حكم المحكمه العليا بنك الخرطوم رفض التنفيذاين العداله.
اين العداله عندما طالب تجمع محامى دارفور وزير العدل تكوين لجنه تحقيق سودانيه وليست دوليه للتحقيق فى انتهاكات كتم قبل عامين الم يرموا بهم فى سجن كوبر
اين الاخلاق عندما واجه مذيع قناه الجزيرة عبدالباسط سبدرات وزير الاعلام بصور اللاجيئين فى تشادالم يقل لهم انهم روانديين.
اين الاخلاق ووزير الخارجيه الصحاف مصطفى عثمان يصف ابناء دارفور بالقمل لاذاعه امريكيه
شفتى يا اختى لاهاى وبس
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: abuarafa)
|
الاخ الاكرم ابو عرفة
| Quote: المواطن الامريكى الذى يرتكب جريمه يحاكم فى بلده وبعدين لو فى اى واحد فى ال51 عندو جنسيه امريكيه لن يفلت من المحاكمه . |
طيب اهو انت براك قلت انو المواطن الامريكى الذى يرتكب جريمة يحاكم فى بلدو ...طيب اشمعنى السودانى يحاكم برة بلدو يعنى ؟!!!
اقول ليك حاجة ؟.....انشاء الله يشنقوا الواحد وخمسين ديل فى ميدان ابو جنزير لو ثبتت عليهم التهم بس زى الامريكان فى بلدهم برضو !!
| Quote: وبعدين انت ناطه للامريكان مالك |
يااابو عرفة مالك على يااخوى؟!!
انا قدر الامريكان عشان انط ليهم كمان؟!!!
يااخوى ديل ينططوا بلاد الله وخلق شن قدرنى على النطيط معاهم انا ؟!!
انا بس متحيرة !!!!
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
الاخت نادية
دبايتو
انت محقة فى ان استثناء الامريكان يعنى بان العدالة ناقصة واتفق معك فى ذلك .
ولكن هل من العدالة ان نترك المجرمين الذى روعوا اهلنا فى دارفور لان العدالة استثنت الامريكان ؟
اليس من العدالة ان نمسح دموع امهاتنا وبناتنا فى دارفور ونقتص فى من اجرموا فى حقهم اليس من العدالة
تقديم كل من قتل وسفك دم اطفالنا وشيوخنا بدل ان نقول اما ان تحاكموا الامريكان او نرفض القرار؟
الاخت نادية الحديث عن الامريكان هنا من قبل الجبهة عبارة عن ذر الرماد فى العيون هنالك جرائم ومرتكبيها
معروفين وهنالك امهات وزوجات ثكلن واطفال فقدوا الرعاية وجنجويد ارتكبوا فظائع برعاية هذا النظام المجرم
فلا نبدى اى اسف لما يلحق به وبل علينا تقديم سجلاته الاجرامية ليكون عبرة لغيره.
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: هاشم نوريت)
|
| Quote: طيب اهو انت براك قلت انو المواطن الامريكى الذى يرتكب جريمة يحاكم فى بلدو ...طيب اشمعنى السودانى يحاكم برة بلدو يعنى ؟!!! |
الأخت نادية
الحكومة الحالية فى السودان مسئولة عن كل الجرائم الحصلت في دارفور/الشرق/الجنوب و حتى الشمال. ولا أظن زول مثقف و واعى و كمان صحفى و يملك المعلومة يتجرأ بتغبيش الواقع والدوران حوله كما فعلت ال Statement
الكتبتيها أعلاه....
يا أخت نادية أنتى ما عندك Independent judiciary system in Sudan
مستقل ولا ح يكون تحت ظل نظام ذي ده....و النظام الحالى هو القاضى و المجرم والمحامي و الجلاد....يعنى إمكانية وجود محاكمات عادلة داخل السودان في الوقت الحالى شئ ما واقعى وحلم ساكت....
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: Zakaria Hamza Ali)
|
ناديه
في عام1989 كان السودان ينعم بديموقرطية
واضحة لكل من يري تم عقد اتفاق للسلام كان محل احترام الجميع
وجاء الانقلاب العسكري المؤهل بالاسلحة والتشريد والتعذيب
فسحل الديموقراطية هذه واحدة
ثم اتي رئيس الجمهورية بعد ان نحي رئيس الظل ليعلن
في اغرب التصريحات انه غير مسئول عن 10 سنوات كاملة اهدرت
من عمر هذا الشعب ليستمر في الحكم وهذه لعمري لم تحدث في تاريخ العالم
فالرؤساء مسؤولين عن كل ثانية في عمر شعوبهم
ثم بعد عدة سنوات اخري واستجابة للضغط العسكرية يوافقون علي اتفاقية
هي من منظور مصلحة الجزء الشمالي من الوطن تقل بفراسخ اكبر من كل تقدير
ثم تاتي مأساة دارفور والشرق والغرب وغيرها
ان كانت الحكومة الحالية لها بضع من الوفاء
لهذا الشعب لاستقالت وسلمت الامر لحكومةقومية
اوكلت لها عملية التحقيق والمحاكمة ولكان الامر كله بيدي لا بيد عمر
ولكن الروح حلوه ولقدسبق السيف العزل واصبح مثل هذا
البوست صرخة في وادي الصم والبكم
سؤال اخير ياناديه
من سيحاكم من في السودان ان كانت القائمة تشمل كبار المسئؤلين
وأسياد الحل والربط ؟؟؟
فان كان لديك اجابة علي هذا السؤال ارجو التفضل بها
وتقبلي محبة ود عمتك
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
استاذة الصحفية /نادية
سلام الي سوداني عين شمس ولك
اولا وجه المقارنة غير متوفر الان نعم سياسات امريكا عرضة
للعرض والطلب والان يسيطر اليمين في الحزب الجمهوري لكن مع
هذا لم يتاثر استقلال القضاء بهذا الحزب او ذاك الرئيس ويكفي
مثول رئيسها كلنتون امام القضاء العادل والمساواة بين المواطنين
امام القضاء , ممكن نتطرق للتجربة لامريكية بمزيد من البحث والتقصي
وهذا ليس امريكا اكملت مشوار الحياة اليوماتي , ابدا ينتظرها الكثير
المثير مثل ان تتولي امراة رئاسة الجمهورية رؤية المراة للرجل ورؤية
الرجل للمراة كجسد يسيطر علي كثير من الجنسين ومؤكد ان مستقبلهم لابد
ان ياتي بثائر او ثائرة لوضع مفاهيم زيادة علي الموجود
اسالك واتمني اجابة هل انت مقتنعة بان القضاء السوداني الموجود الان
ممكن يكون عادلا
لماذا لم يصحح المظالم المرفوعة له منذ ان اتت عصابة يونيو1989
ولك قضية البروفسير فاروق محمد ابراهيم ابن افضل من مارسوا مهنة
القضاء وابن اخ عبد الرحمن النور الذي رفع بدعواه ضد نافع علي نافع
واخرين وخطاباته موجودة بالهيئة القضائية ومكتب رئيس الجمهورية
نتمني بحسك الصحفي ان تحفري في هذا الاسطير القديم وتساعدي طلاب الحق
والحقيقة ....
ممكن تستفسري استاذنا فاروق ابو عيسي عن هل هذا قضاء ممكن
نحتكم له وكمان ممكن تقراين ما نشر في كل دوريات حقوق الانسان العاملة
في مصر ....
اخيرا احيل لك هذه الواقعة مرة اخري في مدني بجامعة الجزيرة جلدوا
طلبة وطالبات الجامعة والتهمة الخروج في مظاهرة والقاضى نائب حاكم
الاقليم الاوسط /عقيد وطبيب ليس بقاضي مالك علي احمد عبد القادر فهو
الذي امر بجلد الطالبات 30سوط واللبة40 سوط مع الحلاقة وتم هذا الحكم
الجائر بميدان سباق الخيل (اسطبل) هل هذه كرامة هل هذا قضاء يعتمد
عليه والادهي والامر كان هذا الهراء بحضور كبار قضاة المدينة ويسمي
عبد المجيد ادريس لم يستنكر بل ايد ما كان مفروض ان يصدر منه
هل تعلمي بماذا كانت مكافاة هذا القاضي عينوه رئيسا للقضاء بولاية
الجزيرة ولا زال ........... تحري الصدق فيما قلت
الان لا منطقة وسطي للوقوف اما مع غالبية الشعب او مع القلة من القتلة
ومصاصي الدماء وذاكرة الشعب لا تنسي جرائم السفاح نميري والجنرال عبود
لقد ولي زمن عفا الله عما سلف وبيننا وبينهم لاهاي
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
| Quote: طيب اهو انت براك قلت انو المواطن الامريكى الذى يرتكب جريمة يحاكم فى بلدو ...طيب اشمعنى السودانى يحاكم برة بلدو يعنى ؟!!! |
الاخت/ناديه
لو كان اصلا الحكومه مستعده انو تحاكم المجرمين ديل ده كلوه ما حصل يعنى هى منعت فتح البلاغات والبلاغات الاتفتحت احتفظت بيها وبعدين اعترفت بالازمه الانسانيه بعد سنتين ومحامى دارفور الطالبوا بتحقيق من وزير العدل مصيرهم كان سجن كوبر
| Quote: اقول ليك حاجة ؟.....انشاء الله يشنقوا الواحد وخمسين ديل فى ميدان ابو جنزير لو ثبتت عليهم التهم بس زى الامريكان فى بلدهم برضو !! |
دى بقدر بعملا منو و نايمه اصحى
Quote: يااابو عرفة مالك على يااخوى؟!!
انا قدر الامريكان عشان انط ليهم كمان؟!!!
يااخوى ديل ينططوا بلاد الله وخلق شن قدرنى على النطيط معاهم انا ؟!!
انا بس متحيرة !!!!
|
الكلام ده قلناه من زمان واصلا ما فى عداله فى البلد دى وبعدين لاهاى دى لازم عشان مستقبلا ما يجى اى احمق تانى يرتكب حماقات فى حق الشعب ده
بعدين عايز اقول ليك حاجه المثل قال (الجلد ما جلدك جرى فيه الشوك ) لو كنت فى معسكرات النازيه فى دارفور كنت فرقت بين المجرم والوطن فالاشخاص ديل مجرميين
| |
|
|
|
|
|
|
|
|
 Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
الأخت نادية
الصحافة يا صديقتي هي الحقيقة والسلطة الرابعة
وهي دوما تقف مع المهمشين والمغلوبين
اما من يدافع عن السلطة الحاكمة
التي تقتل وتغتصب وتحرق القري
ماذا نقول له
لقد استغربت حقيقة من موقفك
دا كلو
عشان احمد البلال الطيب ومراسلة اخبار اليوم
وزاد استغرابي
هنا
| Quote: المجرم يجب ان ينال عقابه ..ولكن لماذا لايقتص الشعب لنفسه فى داخل وطنه؟!! |
بربك قولي لي كيف ؟؟؟
وانا في الأنتظار
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: ahmed haneen)
|
استاذة ناديه ،
مقياس الوطنية ظهر في الأبادة المنظمة والأغتصاب الجمعي بدارفور ومضي وأنتم تعلنون الفشل الواحد تلو الآخر عندما دعي داعي البلاد . أين هذه الأسئلة الحساسة عن الوطنية وأنت تستجوبين "معالي الوزير" الزوير؟ هل كان الوزير وطني وهو ينقص من عداد الموتي ؟
أراك تتحمسين لرأيه عن الوطنية الحقة؟
أنت هنا لا تمارسين صحافة سيدتي ، أي شئ الا الصحافة، بل تحريض ضد قرار أتي تعبيرا لظلم شهد له القاص والدان الا معالي وزير الشؤم هذا ، لماذا التمترس خلف كلمات معالي الوزير وأنت الصحفية النابهة صاحبة القلم الجرئ؟
لست بالصحفي ، ولكن لدي احساس صادق بأنك أخليت ببند مهم في الصحافة الا وهو تمترسك خلف رأي ، ولا أخال أن هذة من صفات من يمتهنون هذه المهنة. تجريمك للذين يناصرون قرار العدالة الدولية، لا يعني بأي حال أنتقاص لنا فيما نحس تجاه بلادنا ، لكن الظلم سيدتي وربي لا أراك ظلم ذوي القربي .
دنقس .
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: ahmed haneen)
|
الاكرم احمد حنين
الف مرحب وسلمت على المرور المثمر والمفيد
| Quote: الصحافة يا صديقتي هي الحقيقة والسلطة الرابعة |
اولا سعدت جدا بأن ناديتنى ياصديقتى ويشرفنى ان اكون صديقة لك يااحمد ..وحقا الصحافة هى السلطة الرابعة وهى جدول الحقيقة ونهرها ولكن فيما كانت مجافاتى للحقيقة واين؟؟!!!
| Quote: وهي دوما تقف مع المهمشين والمغلوبين |
اتفق معك تماما وهذا هو بالفعل دورها الحقيقى اخى احمد ..ولكن اين وجدتنى اقف ضد مهمش او مظلوم؟!!!
Quote: اما من يدافع عن السلطة الحاكمة
التي تقتل وتغتصب وتحرق القري
ماذا نقول له |
صديقى احمد هل هذا سؤال موجه لى للاجابة عليه ..ام انه اتهام لى بأننى ادافع عن القتلة والمغتصبين؟!!!
| Quote: لقد استغربت حقيقة من موقفك |
وانا ايضا مستغربة من استغرابك ..فموقفى ليس عار اخجل منه ..قلت فقط احساسى كمواطنة سودانية تمنت ان ترى السودان قويا لامستضعفا..وتسأءلت لماذا يستسنى المواطن الامريكى والعدالة لاتتجزأ..فهل فى مجرد طرح السؤال للنقاش جريمة ؟!!
Quote: دا كلو
عشان احمد البلال الطيب ومراسلة اخبار اليوم |
ياسبحان الله..!!! هسة يااحمد حنين ..احمد البلال الدخلو فى نقاشى معاك انت كصديق وكل الاعزاء الهنا شنو؟!!
كلامك فيهو تلميح اتمنى انو يكون غير مقصود لاننى لاكن لك ولن اكن لك الا كل الاحترام وليس بينى وبينكم فى هذا الوطن الحر سوى الاحترام والاخاء والتعامل الطيب والنقاش الموضوعى الثر ولم يحدث ولن يحدث ان اقل لاحد او المح لاى احد هنا بتلميح قد يتسبب فى جرحه او خدش مشاعره ابدا .!! واخبار اليوم اصبحت مراسلتها منذ اربعة اشهر فقط وكنت قبلها فى صحيفة الخرطوم ..كما اننى اراسل الان ايضا صحيفة الشرق الاوسط السعودية وسودانايل وسودانيز اون لاين..واخبار اليوم لم تغير من اسلوبى الصحفى شئ
Quote: وزاد استغرابي
هنا
Quote: المجرم يجب ان ينال عقابه ..ولكن لماذا لايقتص الشعب لنفسه فى داخل وطنه؟!! |
بأن يشهد محاكمة كل من ارتكب جرم فى حقه بأم عينه !
Quote: بربك قولي لي كيف ؟؟؟
وانا في الأنتظار |
فتحت هذا البوست فى الاساس لنتناقش فى امكانية كيف هذه!!
وعموما انا على يقين ياصديقى احمد بأن الشعب السودانى قادر تماما على الثأر لنفسه من كل من ارتكب اثم فى حقه ولو بعد حين!!
اخيرا ..وليس اخرا بالطبع سعيدة بمرورك من هنا وساكون سعيدة دوما بمداخلاتك الثرة ولك موفور تقديرى واحترامى ..
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
اواصل فتح صفحة علي خزي الجبهة
ماذا تم بخصوص الشهيد عبد المنعم رحمة شهيد الطبقة العاملة الذي
اغتيل بمدينة ودمدني
ماذا تم في جريمة قتل الدكتور علي فضل
ماذا تم في جرائم الفصل للصالح العام لغالبية عمال وعاملات وموظفي
وموظفات الخدمة المدنية
ما هي درجات المحاسبة لنهب المال العام واصبحت حكومة ودولة السودان
منتجع للجبهة واصدقائها
نتمني الا تكيلوا بمكاييل غلط ودائما في ساعة اقتراب ارادة الجماهير
تطل قضايا مقصودة لتشتيت الوحدة وصرف الناس عن النضال
مثلا في مصر لصرف شعبها عن المطالبة بالديمقراطية تلوح لك القيادة
بقضية فلسطين وان العدو اسرايئل لذك تفرض الطواري وقوانين مقيدة للحريات
للمقال بقية
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
Quote: انا لم اخلط بين من سميتهم عصابة والشعب السودانى ..لسبب بسيط انهم بالفعل بعض من الشعب السودانى سواء اتفقنا او اختلفنا معهم ..وسواء كانوا قتلة مجرمين او اطهار ابرياء ..فهم ايضا يحملون الجواز السودانى مثلنا يااخى دينق !!
وانا لامصلحة لى فى الدفاع عن مجرم او تبرئته..ولكن قلبى على وطنى ومواطنيه الابرياء ..فالعقوبات لن تؤثر على المواطن المجرم او العصابة فحسب لان الخير يخص والشر يعم والعقوبات فرضت على السودان وسيتضرر منها كما تضررت العراق وغيرها من دول ظلم شعبها واخذ بذنب مجموعة ..او عصابة اخى دينق!! |
الاخت/نادية عثمان.
أي مواطن سوداني شارك بقتل,تعزيب وزل الشعب السوداني يجب أن يقدم لمحاكمة في أي مكان وزمان, وأنتي تعلمي جيداً أنه لا توجد عدالة أصلاً في السودان.أنا شخصياً من أنصار محاكمة هولا داخل السودان في ظل وجود نظام قضائي عادل ومستقل.
من أين لكي يا عزيزتي بأنه ستكون هناك عقوبات وقاطعات دولية؟
دينق.
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: Deng)
|
ناديه
ربنا يحفظ السودان ولا الكيزان وانا اتقف معك بان الله سوف يحفظ السودان اذا التزمت الحكومه بقرار مجلس الامن وقامت بتسليم المشتبه بهم للمحكمه الدوليه للاتى
1-اذا رفض النظام تسليم المشتبه بهم (عدم تنفيذ القرار) هذا الرفض سوف يؤدى الى فرض عقوبات اقلها فرض عقوبات عسكريه من سلاح وغيره واعلان دارفور ومناطق اخرى محميات دوليه اى مضاعفه الوجود الاجنبى فى دارفور اما العقوبات الاقتصاديه فقد تتطور الى مايشبه برنامج النفط مقابل الغذاء بعدما تاخذ الصين والهند حصتيهما.
2-فى حاله عدم الالتزم بالقرار يحدث استقطاب قبلى جهوى ويكون اكثر تعقيدا من الحاله الصوماليه
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
محل الاقامة: لقاهرة دائم والسودان فى الاجازات
: Not shown
صفحتك الالكترونية:
Paltalk name:
اكلات مفضلة: كباب ومحشى اسود وملاح ويكة باللحمة المفرومة
الاسم الحقيقى: نادية عثمان مختار
كان من الاحري بك تقصي الحقيقة كاملة غير منقوصة من مختلف المصادر عن حجم الجريمة ودواعيها قبل ان تأتي بمثل هذا الحديث فالصحافة كمهنة تعتبر مسؤلية كبري وكل حرف يكتب او موقف يتخذ يحسب لك او عليك نصيحتي الا تكتبي لأجل الشهرة خصوصا عند تناول قضايا تمس ارواح الاف من البشر وامنهم وقوت يومهم ومسكنهم
| |
|
|
|
|
|
|
|
|
 Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
الاستاذة نادية
سلاما
اسمحى لى ان اختلف معك فقد كانت المقارنة غير موفقة ولا تليق بالامانة الصحفية وهيبة صاحبة الجلالة (الصحافة الحرة والعادلة التى تقف بجانب جماهير الكادحين ومظاليم عصابة الجبهة).. كلامك هذا يجوز فى عهد ديمقراطى وقضاء حر .. من يحاكم من فى السودان الآن اذا كان البشير وقيادات نظامه متهمين بارتكاب جرائم خطيرة فى حق الوطن؟؟ لماذا لم يقدم ولو مسؤول واحد منذ مجيئ الانقاذ للسلطة من عام 1989 وحتى الآن بأى جرم؟؟ هل كانوا ملائكة واطهارا وهل قمت بانتقاد هذ النظام فى اى جريمة ارتكبها مسؤول انقاذى؟؟؟ ولماذا قبلوا بعد ستة عشر عامامن حكمهم الملئ بالقتل والاجران بمحاكمة مجرمى الحرب داخل السودان؟؟ هل اكتشفوا اخيرا ان هناك جرائم إبادة؟؟
لقد تسببوا فى قتل اكثر من مليون شخص فى جنوب السودان.. وقتلوا مجدى محجوب وعلى فضل وعبدالمنعم سليمان والتاية ومحمدعبدالسلام وداود يحي بولاد وكثيرين غيرهم وقتلوا 28 ضابطا فى شهر رمضان وقتلوا المئات من الشباب (مذبحة العليفون) ومذبحة بورتسودان الخ.. من يحاكمهم؟؟ الله؟؟ ام الشعب السودانى ام محكمة العدل الدولية؟؟ وكيف ومتى؟؟؟ هل سيحاكمون انفسهم فى جرائم تسببوا فيها او ارتكبوها مباشرة؟؟؟ هذه ليست امانة صحفية يا استاذة نادية ولا يكون الصحفى عملاقا الا بقول الحقيقة العارية والمرة.. ان الانظمة القهرية لا تخاف الصحافة المدجنة.. بل تخاف من كلمة الحق.. والمثقفون هم المكلفون بحمل هذه الامانة.. كان غوبلز (الوزير النازى) يتحسس مسدسه عندما يسمع كلمة الثقافة.. والصحافة المثقفة والامينة هى التى تنفع الناس اما الباقى فيذهب جفاء ..
ونشوفك فى مقدمة الصحافة الحرة ان شاء الله..
نورالدين منان
| |
|
|
|
|
|
|
|
|
|
Re: السودان هل هو (الحيطة القصيرة ) لمجلس الامن وفرنسا وامريكا وغيرهم ؟!!!!!!! (Re: نادية عثمان)
|
Dear NAdia Osman,
| Quote: كل مااشعر به منذ تمرير هذا القرار القاضى باذلال نفر من ابناء السودان خارج حدود وطنهم هو الانكسار والاحساس بالمهانة !! |
There are 51 Sudanese people thought to have committed crimes against their own people. They face a fair trial, to determine who is innocent.1
It has nothing to do with the rest of the Sudanese. It is only about criminals.!!!1
Mahjob
| |
|
|
|
|
|
|
| |
Deng
abuarafa
ولياب
محمد اشرف
kamalabas
قاسم المهداوى
jini
HOPEFUL
هاشم نوريت
Kostawi
Elmosley
ahmed haneen
Elawad Eltayeb
Mohamed Doudi
omar ali
ود حماد
Mannan
بلدى يا حبوب
فيس بوك
تويتر
انستقرام
يوتيوب
بنتيريست