ياجماعة منو القال انو غناء البنات هابط ..والهبطّو منو وشنو ؟؟

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 12:38 PM الصفحة الرئيسية

مكتبة الشاعرة نادية عثمان مختار(نادية عثمان)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
27-02-2005, 05:23 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: محمد حسن العمدة)

    محمد ود العمدة الغالى

    Quote: لنا بت مهدي عليك الله هسي الجاب السياسة هنا شنو امانة في ضمتك دا مكانا ؟؟؟

    كدي خلينا نشيل مسجل بت فاطنة دي ونخش بيهو راكوبة راكوبة


    موش كده عليك الله يالعمدة البت لنوية دى البدخلها السياسة من عمر الزهور شنو عليك الله......؟.... والسياسة بالجد خربت طبعا ويلا نعمل حملة لتصليح ماافسدته السياسة فى ذهنية هذه الجميلة لنا مهدى ..نجمع توقيعات وكده!!!

    Quote: بعدين تعالي نسعلك السيد موش قال الانسان بطبيعته وفطرته محتاج لاشباع النواحي العاطفية ؟؟؟ اها خلينا بالله نشبع جب جب جبجبجبجبجب انتي قايلة الرقيص دا ما زاتو رياضة هسي عليك الله جنس الهكج البرقصو السودانيين دا ما رياضة اكتر من كاس العالم زاتو ؟؟؟


    اها عاد يالنا بعد كلام السيد عندك كلام كمان؟!!

    Quote: بعدين عارفة يا لنا غنا البنات دا اجمل مافيهو التلقائية بتاعتو والشحنة العاطفية الكبيرة الفيهو اها جبجبجبجبجبجبجبجببجبجبجب حتى الفليل



    كدي اسمعي نضم عشوشة دا عليك الله بنفات ؟؟؟


    والله لاكلام عشوشة لا اى زول هنا مابتفات ابدا والله كله كلام سمح..
                   |Articles |News |مقالات |بيانات

27-02-2005, 05:10 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشوشتنا بت فطومتنا السمحة


    اها تعالى النجى لى كلامك السمح ده واحدة واحدة :


    Quote: مما نزلتي بوستك دا يا نادية وأنا عا يزة أدخل ومجبرة لاننا نعد لاسبوع المرأة بالنادي السوداني وضمن ما نود تقديمة تتبع مسيرة المرأة من خلال غنى البنات وأغاني البنينة والهدهدة ، ولحسن أو سؤ حظي كان الاختيار علي لتجميع المادة المعدة فكان أن ، رأيت هذا البوست الفخ وكأن،ه يغريني بالدخول لمواكية أخر ما وصلت اليه هذه الاغاني
    ،
    واسبوع المراة ده مالكم مادعيتونا للمشاركة فيهو ياعشوشة يعنى ولا نحنا ما مرأة ؟

    اها انشاء الله البوست افادك ولميتى حبة معلومات والله فى ناس هنا قالو كلام ثر ومفيد جدا


    Quote: ومعكم طاف بي الحنين الي أيام الدراسة ومعهد المسرح ودلةكة أختنا الرضية في داخلية على عبد اللطيف التابعة لفرع القاهرة هذه الدلوكة التى كانت تنافس المسلسل المصري فما أن يأتي المساء حتى تصطف الطالبات وهاك يا غنى هابط ، وهكذا هو حالنا في شارع 61ودلوكة الرضية هذه ليست فلتة فأنا أعرف أن الطالبات يقمن بتدريب المرشحات للزواج في الداخليات ، فحين يكون زواج أي واحدة تكون جاهزة ، ما عدا نحنا السياسيات كنا شتر وكج ونعتبر رقيص العروس تسليع للمرأة ، وطبعا أمس أ،ا يا نادية مصورة رقيص عروس جاية من السودان طازة طبعا كذاب المابستمتع برقسص العروس حتى انتي يا لينة أكيد ما حتقاومي هذه الدرامة المحبوكة العفوية مع مقالب العريس ،. أول باحثة قدمت بحث جاد في غناء البنات هي نعمات عبدالله رجب طبعا البحث كان أكاديمي لنيل الماجستير !! شفتو كيف يا البنات ،!! غناكن كن ما ساهل ولو فاضي .

    طبعا غناء البنات مافاضى والا ماكانوا عملوا فيهو دراسات عليا ونالو درجات الماجستير والدكتوراه!!
    شحتفتينى ياعشة كان نفسى اتفرج معاك على رقيص العروس لى مائة سنة ماشفت عروس بترقص!



    Quote: وأإني المرأة هي أغاني للحياة بكل طقوسها تمارسها في لحظات الطلق تغني النساء للمرأة ليسهلن عليها وجع الطلق : حنا ولدت جابت مريم ومريم ..الخ ويا حنان .. وبعد أن يخرج الطفل تبعث فيه الام الطمانينة بأغاني الهدهدة النوم النوم بكريك بالدوم .. وتأتي طقوس السيرة في ختان الاولاد وخفاض الاناث المسكينات أحفوا ليهن حفرة ، وـاتي مرتين بتوب وينشر في بت الطهور وأنن ليها : الريحمان سلم سلم بت الرجال ما بتتكلم .. وفيها حمام .. لا تحضرني ، ثم تقع المصيبة وهي لا تدري المسكينة أنهن يقمن ببترها ووأد شهوتها في هذه الحفرة ، ما تزعلو أعتبروها تخريمة اصلي مسيطرة على هوس العنف ضد النساء والاطفال ..نرجع لجو الغني وفرحك يا بت عثمان ، وأغاني البنات طبعا تعتبر مرآ ة للمجتمع وكل ما يحدث فيه من تدني أقتصادي وأجتماعي وتناجي فيه الفتيات في حميمية حبيب القلب وقسيم الريد تعاال لي وتعال وتغنت المحبوبة لبدلتو الكحلية لمن الشباب لبس البدل وللجلابية البيضا مكوية وشوف الجنى وشوف خصال في الديوان لافي شالو وقيلت في أحد الشباب حين حرم المستعمر لبس الطاقية الحمرا في مؤسسات الحكومة ولكن هذا الشاب الشجاع رفض أن ينزع العمامة والطاقية فتغنت له البنات أن طلعت القمرا ، الخير يا عشانا تودينا لاهلنا بسألوك مننا ..وهي تعتبر أغنية وطنية تكرس لقيم الشجاعة وكراهية المستعمر ل سيطرته وذلته للشعب السوداني . هي الفتاة السودانية حاضرة في كل المشهد الثقافي والاجتماعي صحيح أنها لم تكتب ولكنها كانت تمتلك ناصية الحكي والسرد والدفء في الليالي القمرية حيث الاحاجي ,اغاني الحماسة كانت لم تكن شهرزاد ولا تودد ولم تكن جارية أبدا بل كانت تصنع الحلم وتغازل الحبيب وتتوسل الاهل والانفكاك من السلطة الابوية التى كانت تعارض زواجها بمن تحب فشكت حالها وتشكت في زيجات الاقارب وهذا هو العلم يثبت مشكلة زواج الاقارب وضعف جينات البشر :
    ماداير ود العم العيشتو كلها هم
    وود الخال أريتو بالخلخال .ز
    :::: وشوفو لي فقرا كان من قعر شدرا
    حبيبي ود الناس ضو القمر بالليل
    بالله شوف الكلام دا جميل كيف
    حسي دا هابط ؟
    وتناجي صديقتها شاكية
    سميرة أنا ما جنيت سميرة دا الغرام والريد
    والله لي الليمون شقايتو عشية
    وشوفو لي شربة خلي النقص دربة
    الليلة والليلة دار أمبادر يا حليلها
    وحليل تومي
    شفتو الحنان دا
    الخ ..
    وقبل ذلك كانت مهلة العبادية وأغاني التمتم
    وحواء الطقطاقة سمعت أنها كان لها أغاني في رفع العلم لم تحضرني بتأكد ليكم منها ..
    وبعد داك يا جماعة جاء السفر داخل السودان وغنت فتيات الاقاليم : الظلط الظلط شال الشباب خلانا
    وغنت المراة للضباط وفي دي أنا ما معاهن طلعنهم في راسنا وبو ظو البلد .
    ةغنن للاطباء :
    الراكب الموتر بمنديلو أشر
    ديني وايماني يا دكتور مبشر
    L طبيب من رفاعة)
    ودكتور لؤي كشف على
    وعنت المرأة للمواصلات
    والكرسيدا السمحة وسمح سيدة
    وغنت لحمادة
    ودالجيران
    حمادة بابو جمب بابنا
    حمادة بوظ أعصابنا
    الولد تقيل ملاحظين !!
    والقطر الشال انت أتكسر حتة حتة
    وفي نفس المنوال ـأتي :
    اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
    دخل الرجل سلك الوظيفة ، وسكن مع العزابة ..
    الدنيا ما دوامة
    وبعد داك سافر الحبيب لدول الاغتراب
    يا يمة ووب و ويين على البريدو سافر دبي
    وغنت بنات الشمالية لرجوع الحبيب
    لان الاغتراب اشاعة ولاشى يعدل الوطن حتى لو أكلوها بموية
    حبيبي المنقة والتفاح حبيبي عسل والناس مساخ
    حبيبي تعال ..
    الكويت راعي جمال
    والسعودي .ز
    تقصد المغتربين في هذه البلدان لا يجدون الاعمال المشرفة وأولي بهم الوطن
    هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
    يا عيني اللول اللول
    يا عيني عروسنا دبل
    ما بدوك للمفلس
    بدوك للمهندس

    وكذك المهندس جاء ورسم البنا
    وكذلك غنت الامهات للشيلة والبذخ
    تلاتة قدور محلبية وتلاتة قدور سرتية
    ولكم كان المجتمع قاسي على الشاب المفلس الفقير
    الا ما عندو قرش أنطعن سكين
    وأتذكر جيدا في هذه الاغنية ، أثناء البنات تغني في هذه الاغنية وكانت العروس ترقص فاخرج أحدهم السكين في يمشهد درامي وشلخ يديهو ورش البنات بالدم فصرخت البنات والحناكيش داخن .. (جعلي عوير طبعا) .
    وهذا عكس أغاني البنات الذي يتحدى خطاب الاهل ويفرض نفسه الى جانب المشهد البذخي وتسليع المرأة ،.
    طيب أنا طولت عليكم لكن أحب أن اشير الى الاغاني التى تشبة أغاني الجاز بايقاعتاه الصاخبة وهي أغاني الزار والرقص الجميل الدرامي الذي كانت تؤديه النساء هربا من الكبت والبؤس الذي كانت تعانيه النساء فكان الزار فسحة تمارس فيها النساء ما حرم عليهن من الخمر والسجائر ويتقمصن شخصيات مهمة في المجتمع مثل الخواجة والحبشية والمدير لغياب المرأة في الحياة العملية والاجتماعية . يا نادية أحسن أسكت زهجتكم صاح .
    تخريمة أخيرة غنى البنات الحديث لم يخرج من الواقع الذي يعانيه الشباب والشابات خاصة الكساد الاقتصادي والحروب التى انهكت جسد الوطن أثرت بدورها على النساء وعلى الزواج والحب مثلا أختفت أغنية برجاك في محل يومداك الذي قد يكون حديقة أو رحلة على شاطئ النيل كازينو أو أي ظل في فضاء السودان الحبيب أختفت هذه اللقاءت بمطاردة بوليس الاداب فما كان من الشباب الا أن يهتدوا الى أماكن ملوثة غير صحية فظهرت أشكال من الحب بعيد عن الهواء الطلق حيث البراءة والمشاعر ,;وكانت رقصة القرد وانتصار العبث والقسم وشتيت النبق النبق والورق وحيرة الشباب وثقافة الموت . ، وتخلى الشباب المغلوب على أمره ، حتى الاغتراب لم يعد يكفي الشنطة ويا أبشرا أنشاالله راجل مرة حتى لوكانت هذه المرة الاخت .هذه التنازلات وتقلص فرص الزواج والمنادة لسيد الكارو في مشهد كوميدي والسخرية من الحال ثم الزيجات العرفية الجديدة علىنا.زراجعة يا هناية عندي تلفون ..


    احىىىى من تلفونات النسوان بتاعين البكيات البيقطعوا على عشة استرسالها فى الكلام السمح ده!!

    نواصل بعد التلفون لازم تجى طبعا تكملى الدراسة سمح؟!
                   |Articles |News |مقالات |بيانات

26-02-2005, 05:02 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Rakoba)

    العزيز راكوبة

    Quote: شكراً على البوست الجميل، وغنا البنات ماخد في الساحة الفنية مساحة واسعة، جداً لدرجة اتجاه بعض الصاعدين من الشباب تقليد البنات!!


    كلامك صاح والدليل قدروة وكبشور وحمادة بت وتانيين كتاااار


    Quote: أما بالتحديد عن ندى القلعة تمتلك صوت جميل، وقادر على تقديم الكثير للساحة، وسمعت إنها بصدد تقديم فيديو كليب عن المشردين من كلمات وألحان هيثم عباس، تقول :
    ليه يازمن كبرتني وأنا لسه يافع
    أنا لسه بدري على الهموم أنا دوبي شافع


    ندى ياراكوبة بت فنانة جدا وبالمناسبة عندها كمان اغنية للسلام حاتغنيها قريبا جدا

    Quote: وأنو ندى حتغني من كلماتك، ده خبر جديد وجميل، ونتمنى أن نشهد أولى الألحان عبر هذه المساحة.
    ودي أغنية _ فيديو لندى، مساهمة لهذا البوست الجميل..


    تسلم ياغالى ونجاملك يوم جديدك يارب قول امييييين وبنجيب ليك ندى لايف كده!!

    اما بالنسبة لاعمالى الفنية مع ندى القلعة فهى سترى النور قريبا وبالتاكيد بنزلها هنا فى المنبر
                   |Articles |News |مقالات |بيانات

26-02-2005, 10:07 PM

أبوتقى

تاريخ التسجيل: 30-12-2004
مجموع المشاركات: 289

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الأستاذة نادية عثمان
    الموضوع طريف وفيه مساحة للبحث وللتأمل وللضحك ايضا

    أذكر ان احدالزملاء ايام الدراسة بمرحلة الماجستير قد قدم بحثا جريئا عن اغاني البنات
    لا اذكر التفاصيل بالضبط ، لكني اذكر ان من نتائج بحثه ان اغنية البنات كانت مرآةانعكست فيها العديد من القضايا الاجتماعية والاقتصادية وحتى السياسية ..والطرف ان الزميل كان حجة في بحثه وكان يحفظ اغاني البنات عن ظهر قلب ولا يتعثر في دليل أو في مثال
    لك كل الشكر ولنا عودة
                   |Articles |News |مقالات |بيانات

27-02-2005, 12:29 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: أبوتقى)

    العزيز ابو تقى

    لك اجمل التحايا على هذا المرور الباهى



    Quote: الموضوع طريف وفيه مساحة للبحث وللتأمل وللضحك ايضا

    أذكر ان احدالزملاء ايام الدراسة بمرحلة الماجستير قد قدم بحثا جريئا عن اغاني البنات
    لا اذكر التفاصيل بالضبط ، لكني اذكر ان من نتائج بحثه ان اغنية البنات كانت مرآةانعكست فيها العديد من القضايا الاجتماعية والاقتصادية وحتى السياسية ..والطرف ان الزميل كان حجة في بحثه وكان يحفظ اغاني البنات عن ظهر قلب ولا يتعثر في دليل أو في مثال


    والله هسة متخيلة منظرو صحبك ده وهو واقف قدام الدكاترة وبيقول ويناقشهم فى اغنية حنانة النسى اهلو مانسانا

    حاجة تفرح وتؤكد على اهمية هذه اللونية من الفن


    Quote: لك كل الشكر ولنا عودة


    برجاك فى محل

    يوم داك

    ياابو تقى !
                   |Articles |News |مقالات |بيانات

27-02-2005, 05:56 AM

مطر قادم
<aمطر قادم
تاريخ التسجيل: 08-01-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت نادية
    ملاحظه عابره فى بعض اغنيات البنات المعبره:
    مثالين
    اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
    ثانيا
    الساق ابله ورد
    العمروا ما اتبرد
    فيرد المعنى: ابشرى بالخير عليم الله يانى انى من الله خلقنى الا كان دقتنى مطره
    فتأملى!!!
                   |Articles |News |مقالات |بيانات

27-02-2005, 09:35 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: مطر قادم)

    مطر القادم خير هطل لى كل بلاد

    بركة الجيت

    بركة الجيت

    آآآآآآآآآآآآآآآآى

    Quote: ملاحظه عابره فى بعض اغنيات البنات المعبره:
    مثالين
    اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
    ثانيا
    الساق ابله ورد
    العمروا ما اتبرد
    فيرد المعنى: ابشرى بالخير عليم الله يانى انى من الله خلقنى الا كان دقتنى مطره

    يالماشى للسودان

    جيب لى معاك بمبان وسافر

    خلانى

    لييييييييييييييييييييه؟!انت لسة من زمن هئية التدريس على رأى عشة بت فاطنة ياحليلهم!!

    Quote: فتأملى!!!


    مدهش!!
                   |Articles |News |مقالات |بيانات

27-02-2005, 06:01 AM

مطر قادم
<aمطر قادم
تاريخ التسجيل: 08-01-2005
مجموع المشاركات: 3876

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت نادية
    ملاحظه عابره فى بعض اغنيات البنات المعبره:
    مثالين
    اولا( ياماشى لباريس جيب لى معاك عريس شرطا يكون لبيس من هيئة التدريس) كل الاحترام والتقدير لاعظم مهنة وهى التدريس.
    ثانيا
    الساق ابله ورد
    العمروا ما اتبرد
    فيرد المعنى: ابشرى بالخير عليم الله يانى انى من الله خلقنى الا كان دقتنى مطره
    فتأملى!!!
                   |Articles |News |مقالات |بيانات

27-02-2005, 09:19 AM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: مطر قادم)

    نادية ازيك .. بركة الجيتي بركة الجيت عسل أ،ت وبسكويت ، اسمعي النسوان كلهن مرقن من المدرسة نحنا الرسول المقعدنا شنو مع العزابة عشان أكلونا فول وعدس وناس عبدالرازق يشبعونا مغص ، صراحة البوست أبداع طلعنا من الغم وملاح أم رقيقة ..
    كنت عايزة أنضم عن
    الحكامات وخيوط الزار بس خليها بكرة
    ..

    Quote: ياماشى لباريس جيب لى معاك عريس شرطا يكون لبيس من هيئة التدريس

    مطر زمان كانن بغنن للمدرسين عشان كانو أول الافندية والماهية كان عندها طعم .
    يا كرسي المدرس القاعد فيهو يدرس
                   |Articles |News |مقالات |بيانات

27-02-2005, 09:46 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    حبيبتى عشة بت امى فاطنة

    Quote: كنت عايزة أنضم عن
    الحكامات وخيوط الزار بس خليها بكرة ..


    دستووووووووووووووووور يااولاد ماما

    اللول اللول يالولية بسحروك ياعشة الشايقية !!

    نحنا بكرة بتاعنا جاء انتو لسسسسسسسسسسسسسسسسسسسة؟؟؟؟؟؟
                   |Articles |News |مقالات |بيانات

27-02-2005, 12:10 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الموصلى ود خالى الغالى

    قلت اسئلة مهمة انا اسفة انى ماشفتها الا هسة بس :

    Quote: طيب النسال ياناديه

    ماهو مااصطلحتم عليه غنا البنات في الاول

    هل هو غنا البنات لانو البنات بغننو؟؟

    طيب اذا كدا مافي بنات كتار بغنن غنا غير ده؟؟

    ولاديل مابنات

    اها جاوبو وبعدين بجيكم راجع


    غناء البنات هو حالة التقاط مستمر للتطورات فى المجتمع وترجمتها فى شكل كلمات والحان تحكى الحدث المعين

    والبنات التانيين البغنو غناء غير ده برضو بنات ..لكن بنات تانيين بعبروا بطريقة تانية عن المجتمع..

    اها يلا تعال راجع ياموصلى بلال تود ..
                   |Articles |News |مقالات |بيانات

27-02-2005, 12:52 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)
                   |Articles |News |مقالات |بيانات

27-02-2005, 01:00 PM

lana mahdi
<alana mahdi
تاريخ التسجيل: 07-05-2003
مجموع المشاركات: 16047

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Tumadir)

    وانا اقول شرقانة لييه؟؟
    ود العمدة و نادية شكيتكم على الله
    بطلو قطيعة
    ما غنا البنوت بس الهابط ضغطى حسي برضو
                   |Articles |News |مقالات |بيانات

27-02-2005, 05:56 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: lana mahdi)

    لنوية الغالية

    ماقلت ليك ود العمدة بيقطع فيك عملتى ماهاميك ولاشتين!!

    اما الشرقة فهى من زعل السيد عشان مااتفقتى معاهو فى رؤيتو حول غناء البنات

    العمدة

    راجياك

    يالعمدة

    راجية

    افتو معاك !!
                   |Articles |News |مقالات |بيانات

27-02-2005, 05:53 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Tumadir)

    البت الحديقة تماضر

    سلة الفواكه

    وتشكيلة احلى الورود تماضر

    بزيارتك بيتنا نوّر

    والله نور

    كلوووووووووووووووووووووووووووووو زينة

    مااروعك يابهية الطلة جدا

    هديتك مع انها ارشفية لكنها حلوووووة زيك

    وانا قاءاااااااااااااااااااعدة فى انتظار وعدك بالعودة

    سمح
                   |Articles |News |مقالات |بيانات

27-02-2005, 02:11 PM

Mohamed Elbashir
<aMohamed Elbashir
تاريخ التسجيل: 04-12-2004
مجموع المشاركات: 816

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)
                   |Articles |News |مقالات |بيانات

27-02-2005, 06:03 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Mohamed Elbashir)

    الغالى محمد البشير

    طبعا غالبنى الكلام !!

    لانو مافى اى كلمة تعبر عن مدى تقديرى ليك لاثراءك ومساهامتك المقدرة فى هذا البوست

    وطبعا فكرة البوست بتاعك راااااااائع جدا

    والاتناشر اغنية كل اغنية تقول للتانية زحى واسمعينى ..!

    يأخى انشاء الله مااعدمك ابدا!
                   |Articles |News |مقالات |بيانات

28-02-2005, 02:58 AM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12684

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الغالية نادية

    رأيك شنو في غناء البنات وترديدها من قبل الفنانين الشباب ..
    فقد إنتشرت بصورة كبيرة في الآونة الأخيرة وأصبح من لا يرددها في الحفلات لا إقبال عليه ..
    عندنا هنا في الرياض فنان إشتهر بترديده لغناء البنات ويعد الاول بين زملائه الفنانين ..
    وعليه إقبال وطلب شديد في مناسبات الأعراس التي تقام هنا ..

    وهذه تجربة لندى القلعة وأبوطالب بالفيديو ..

                   |Articles |News |مقالات |بيانات

28-02-2005, 07:23 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: معتصم دفع الله)

    الزول الراقى معتصم دفع الله

    تسلم ياذوق على روعة هداياك الفاخرة جدا

    Quote: رأيك شنو في غناء البنات وترديدها من قبل الفنانين الشباب ..
    فقد إنتشرت بصورة كبيرة في الآونة الأخيرة وأصبح من لا يرددها في الحفلات لا إقبال عليه ..
    عندنا هنا في الرياض فنان إشتهر بترديده لغناء البنات ويعد الاول بين زملائه الفنانين ..
    وعليه إقبال وطلب شديد في مناسبات الأعراس التي تقام هنا ..



    ايوة انا سامعة انو عندكم كبشور مكسر الدنيا فى المملكة السعودية ..وطبعا ان يتمايع الرجل ويتراقص زى البنات ماحاجة حلوة لكن النصيحة لى الله الرجل بجيد غناء البنات احسن من البنات زاتهن!!

    تكون موهبة اقايتو!! وبرضو وسيلة للكسب السريع والمضمون جدا !!


    Quote: وهذه تجربة لندى القلعة وأبوطالب بالفيديو
    ..

    اقايتو بت القلعة دى الله يحفظها يارب !
    وتسلم تانى على الهدية وخليك معانا ماتمشى

    سمح
                   |Articles |News |مقالات |بيانات

02-03-2005, 10:03 PM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12684

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    أيوة يا نادية كبشور دا مكسر الدنيا هنا في السعودية وحفلاته لها رواج كبير ..

    أها أنا قاعد وجيتكم بي لنك الحفظ كمان ..


    ظلموني
    الناس
                   |Articles |News |مقالات |بيانات

28-02-2005, 03:29 AM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    تماضر ونادية تعالو ننجر غنى بنات .. ولا يهمنا هابط هابط وزي ما قالت تماضر هبوطنا أضطراري ..
    أها يلا .أبدن
    قليبي حسة
    قليبي دقة
    فتحت الشبكة ولقيتو حايم
    أديتو اشارة عمل فيها نايم
    أنشاالله اصحي
    وارسل لي حمايم

    ولا نقول : شباب الشكبة وين يا خاين
    الزول حمادة ليو زمن ما باين

    وين حبيبي يا ناس
    خطفوك ناس امريكا ولا طلبة مدراس

    خوفي عليك من أشباح السعودية
    ولا بنات عمان العينهن قوية
    لومشيت أبوظبي ما همية..
    وانشاالله تجكس بس ارجع ليه
    واقلبها شمال
    واقلبها غرب
    بس تعال لي يا البي العصر ظهوروك
    تلاقاني راجياك في الكريبة




                   |Articles |News |مقالات |بيانات

28-02-2005, 09:39 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشة بت امى فاطنة السمحة

    كلامك وفكرتك تمام يلا اها اسمعى :

    ياخيتى ياعشة

    ود الناس بريدو

    السايق الركشة

    انا قاعدة اتعشى

    قال لى انو ماشى

    ماتعترلو قشة

    وهكذا..!!
                   |Articles |News |مقالات |بيانات

28-02-2005, 12:30 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    ياخيتى ياعشة

    ود الناس بريدو

    السايق الركشة

    لا لا الركشة دي خطرة خلاس ..
    بس كمان أنا خليني أتعشى وارجع لبتاع الركشة

    وبالمرة عليك الله يا نادية سوي لى مس كول .. قولي لي جاهزين
    خلي استعدل واكب بنزين ..
                   |Articles |News |مقالات |بيانات

28-02-2005, 04:00 PM

benyya
<abenyya
تاريخ التسجيل: 09-03-2003
مجموع المشاركات: 774

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    Quote: منو القال غنا البنات هابط والهبطوشنو


    ناديه

    ازيك؟

    احب ان اقول ان اقول غنا البنات فيها شي من التعميم

    تغنت نساء بلادي منذ حقب بعيده

    غنا البنات الموجود في الساحه كظاهره

    اعراس-مناسبات- وانتشاره بالصوره الاوسع بقصد البهجه والفضفضه من القرف والنفس المقبوض

    بدايه كان يعتمد علي النقطه ونهايه اصبح مصدر رزق لكل واحده معها اورغن وعازف

    كلمات الاغاني كلها افرازات للمجتمع وقضاياه الحيويه اقتصاديه كالحال الحاصل وعزوف الشباب من الزواج لضيق اليد

    لذلك نادت بزواج راجل المراه والضره

    وسيد الكارو تعال

    اب وشيشن صارو تعال

    تعال بالعندك تعال ابوي بسندك

    الخ.....



    كذلك اجتماعيه سياسيه رياضيه

    كلها للتعبير عن المكبوت تعبيرا بكلمات بسيطه قابله للتغيير
    مع الاشخاص والزمان والمكان

    فالمغنيه اذا كانت في احد الاحياء اياها تحشر الاسماء والدولارات في نص الاغنيه وبالعكس

    اذن يتم التغيير علي مزاج المتلقي

    و

    لى عوده





    لى قدام
                   |Articles |News |مقالات |بيانات

28-02-2005, 04:50 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: benyya)

    بنية الحبيبة

    بركة

    الجيتى

    بركة الجيتى

    عسل انتى

    وبسكويتى


    شنو يازولة مسجلة غياب كده ليه انشاء الله مافى عوجة ابدا يارب


    قلتى فى جزء من مداخلتك القيمة :

    Quote: فالمغنيه اذا كانت في احد الاحياء اياها تحشر الاسماء والدولارات في نص الاغنيه وبالعكس

    اذن يتم التغيير علي مزاج المتلقي


    ايوة انا معاك جدا فى الكلام ده وبعتقد انو ده ذكاء من المغنية لانها بتخاطب الشريحة المعينة من المجتمع البتغنى ليهو يعنى زى مثلا اغنية الرمبزة :


    اولاد العز

    هيا هيا

    الرمبزة

    راضعين البز

    هيا هيا

    الرمبزة

    اولاد الفقر

    راضعين الشطر

    وهكذا ..

    ويلا وعدتى بالعودة وانى ومن معى فى انتظارك ياغالية..
                   |Articles |News |مقالات |بيانات

28-02-2005, 09:44 PM

tasneem

تاريخ التسجيل: 04-02-2002
مجموع المشاركات: 1176

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت نادية
    سلامات وجيناك تاني

    اغاني البنات انعكاس لتحول المجتمع وتطوره
    مثلا شوفي زمان الاغاني كانت تشجع وتحث علي التعليم

    اللة لي كوريا
    يا الابسين ساعاتكم
    ياالراكبين عجلاتكم
    ميعاد الدرس فاتكم
    والتعليم لحياتكم

    برضو كانت الطبقة الوسطي ليها وزنها مكانتها في
    المجتمع ذي المهندسين والدكاترة والضباط والمدرسين

    ناري انا المهندس جاء ورسم البنا

    سايق العظمة سافر خلاني وين
    يا الماشي لي باريس جيب لي معاك عريس
    شرطا يكون لبيس من هيئة التدريس

    وبعد داك ظهرت افكار جديدة وظهور طبقة برجوازية
    وطفيلية وتدني اجتماعي والطبقة الوسطي تلاشت
    لذلك ظهرت اغنيات هابطة ذي
    يابهية

    سنة يا ولد
    ووب علي من الولد
    حلوة قامته وحلو الشنب

    المدرسين المفلسين وبري منهم

    مع تحياتي وتقديري
    وين الاخوات المبدعات عشة بت فاطنة وملكة كتابات
    ومواكبات ما شاء الله عليهم
                   |Articles |News |مقالات |بيانات

28-02-2005, 10:56 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: tasneem)

    الغالية تسنيم

    تسلمى ومرحب بالعودة تانى وتالت وحبابك الف تسكنى فى البوست وتنويريهو ونحنا لاقينك وييييييين ياغالية ؟

    اها نجى لى جزء من مداخلتك الثرة :

    Quote: وبعد داك ظهرت افكار جديدة وظهور طبقة برجوازية
    وطفيلية وتدني اجتماعي والطبقة الوسطي تلاشت
    لذلك ظهرت اغنيات هابطة ذي
    يابهية

    سنة يا ولد
    ووب علي من الولد
    حلوة قامته وحلو الشنب

    المدرسين المفلسين وبري منهم


    وانا معاك انو مفردات غناء البنات بتتطور حسب تطور المجتمع لكن حتى ظهور هذه الاغنيات التى زكرتيها ووصفتيها بالهابطة هى نتاح وافراز لتغير المجتمع برضو ولاشنو ؟

    يعنى انتى ارجعتى هبوطها زاتو لتدنى المجتمع يبقى الاغنية البناتية ماهى هابطة وانما هى مواكبة للتدنى البيحصل للمجتمع والعكس صحيح..ولا انتى رايك شنو؟
                   |Articles |News |مقالات |بيانات

28-02-2005, 04:28 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشة حبيبتى بت فاطنة

    Quote: وبالمرة عليك الله يا نادية سوي لى مس كول .. قولي لي جاهزين
    خلي استعدل واكب بنزين ..


    يلا ياعشة

    انا ليك جاهزين

    نركب الكامرى

    ونركب الليموزين

    نمشى بالكبرى

    نقطع البحرين

    البريدو هناك

    اسمو نجم الدين

    شال فرح قلبى

    قل نوم العين

    الولد طيب

    الولد مسكين

    الا امو فقر

    بكتلها

    بسكين

    ونمشى لى توتال

    عشان نكب بنزين

    نعمل المس كول

    رّن احلى

    رنين

    ياولد فالح

    مابتسب الدين

    ياحبيب صادق

    ديمة انت

    امين

    والنبق

    النبق

    وهكذا ..!!

    يلا واصلى ياعشوشة بت امى
                   |Articles |News |مقالات |بيانات

28-02-2005, 10:22 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    ندوية العسل أنتي وين ..
    المطرة حلفت ما تقيف .. ليها اربعة يوم :: وحسي تراها كابة قت احسن أغني ليها غنى بنات
    أهاا ورح معاي ..



    مطر الرزاز صفق
    دفق الحزن افراح
    شال الوجع رجع
    زمن الغنى المنداح
    مطر الرزاز شيل
    خلاني اتخيل
    عمري الرحل ميل


    قلب الحبيب غير
    خلاني أتحير
    دلوني دلوني
    يا نادية والاصحاب

    شلع الرعد ولع
    خلاني اتخلع
    واذكر الاحباب و
    زمن الهنا الولى
    مطر الخريف رشة
    خلاني مندهشة
    من نادية والاصحاب
    فاض الحنين بيا
    خلاني مطوية ونايمة في الكراب

    أها ا يلا النبق..
    نتمها ونلحنها ولمن نتلاقى نغنيها ..
    هي أمشى أجيب سمك واصور المطر وارجع
    أها يا رمزة







    (عدل بواسطة عشة بت فاطنة on 28-02-2005, 10:25 PM)

                   |Articles |News |مقالات |بيانات

28-02-2005, 11:19 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشة بت امى فاطنة السمحة

    اولا يازولة انا متكيفة منك جدا خليتينا نكتشف فى روحك وروحى مواهب مدفونة وهى المقدرة على تاليف غناء البنات الماهابط ولاحاجة والله ..!!

    بس اسمعى انا هسة والله خايفة تجى فنانة ولافنان يسرقوا انتاجنا ده خاصة فى ظل غياب حقوق الملكية الفكرية فى المنبر وكده .!!

    اها هسة شوفى لينا طريقة تخلى الحقوق محفوظة للمؤلف وكل من يعتدى عليها يعرض نفسه للقانون الرادع جدا !!

    وقلتى لى :

    Quote: مطر الرزاز صفق
    دفق الحزن افراح
    شال الوجع رجع
    زمن الغنى المنداح
    مطر الرزاز شيل
    خلاني اتخيل
    عمري الرحل ميل


    قلب الحبيب غير
    خلاني أتحير
    دلوني دلوني
    يا نادية والاصحاب

    شلع الرعد ولع
    خلاني اتخلع
    واذكر الاحباب و
    زمن الهنا الولى
    مطر الخريف رشة
    خلاني مندهشة
    من نادية والاصحاب
    فاض الحنين بيا
    خلاني مطوية ونايمة في الكراب

    وهاك منى اغنية ياعشوشة :

    المطرة الحنينة

    روت الجفاف فينا

    حبيبى سمح رتينة

    والخاينة السمينة

    الجد ماامينة

    نست جلسات صفانا

    والريدة الدفينة

    الحاسدة الحقودة

    السموها لينا

    بت عز قايلة روحها

    وهى بخيلة وضنينة

    المطرة الحنينة

    ياعشة بتجينا
    وننسى معاها زمنا

    اسود وضمة طينة

    وهكذا ..!!

    حقوق الغناء محفوظة لى ولى عشة اختى ..!!



    أها ا يلا النبق..
    نتمها ونلحنها ولمن نتلاقى نغنيها ..
    هي أمشى أجيب سمك واصور المطر وارجع
    أها يا رمزة
                   |Articles |News |مقالات |بيانات

28-02-2005, 11:54 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    حقوق الغناء محفوظة لى ولى عشة اختى ..!!
    ندوية شباب بحري وانا اقول الطعم دي من شنو تراه من البحر ، اول مرة اشوف بروفايل بتاع زول من الطعمة التك .. كيف البنية وابوها والقاهرة ..
    اشوف عالية واجيك
                   |Articles |News |مقالات |بيانات

28-02-2005, 11:32 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    بري يا ختى دي مطرة تقيلة بعد لبست الشبح ( العباية) واتقنعتة جيت راجعة السمادي منقدة عديل بال سمك بلا سمك الليلة ياكلو عدس وانا مالي والمطر ة صبت لعذابي يا نادية ..
    كدي النرجع نتم الغنى حقك بتاع الركشة والكشة .ز

    لما المطر رشا
    أنا والحبيب
    ركبنا في الركشة
    بس يا خسارة
    كبست الكشة


    Quote: يلا ياعشة

    انا ليك جاهزين

    نركب الكامرى

    ونركب الليموزين

    نمشى بالكبرى

    نقطع البحرين

    ونمشى ببحري
    نودع الحلوين
    ونطوح بشمبات
    عشان سامي ونجم الدين
    نركب المركب
    ندلى حي السوق
    نشرب البارد
    ونقابل المحبوب
    هلا يا بحرى
    هلا يا امدرمان
    نمشى شارع النيل
    نقابل الحبان
    وندخل القاعة
    نشوف فيلم ساعة
    كي لناس فلان
    أ÷ا النبق النبق
                   |Articles |News |مقالات |بيانات

01-03-2005, 00:05 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    الغالية عشة

    Quote: ونمشى ببحري
    نودع الحلوين
    ونطوح بشمبات
    عشان سامي ونجم الدين
    نركب المركب
    ندلى حي السوق
    نشرب البارد
    ونقابل المحبوب
    هلا يا بحرى
    هلا يا امدرمان
    نمشى شارع النيل
    نقابل الحبان
    وندخل القاعة
    نشوف فيلم ساعة
    كي لناس فلان


    بيتنا فى الشعبية

    اغلى من منشية

    عشقى فى الحلفايا

    سينما بس وطنية

    عشة اصلو المال

    ضمة ماهمية

    المهم الصحة

    والفيلا والعربية

    يلا سوقى الكامرى

    عشان نزور علوية

    وتماضر الغالية

    ونصرة والمهدية

    نمشى بيت العرس

    فيه دفع بالمية

    يلا ياالبوبار

    اعدم الماهية

    وخلى عشة تتوب

    من صفاء النية !!

    ويلا

    النقدة
    النقدة

    (عدل بواسطة نادية عثمان on 01-03-2005, 00:09 AM)

                   |Articles |News |مقالات |بيانات

28-02-2005, 11:43 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    ندويةالحبيبة
    يا النيتك ديمةطيبة
    غنى البنات خلي
    ودرب الوجع أنسى
    وخلينا نمشى هناك
    نرحل مع الغيمة
    ونقول للبحر حاجات
    تهدينا وترسينا

    كدي اول النشوف البروفايل بتاعك عشان
    أوديك أهلك ..
                   |Articles |News |مقالات |بيانات

01-03-2005, 03:39 AM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    نادية الشمس جات ..
    دقيقة عشان نغني ليها -ح-
                   |Articles |News |مقالات |بيانات

01-03-2005, 08:41 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشة بت امى الغالية

    Quote: نادية الشمس جات ..
    دقيقة عشان نغني ليها -ح-


    الشمس ياعشة طلعت

    نورها فى وش الحبيب

    الشمس لى زولى باردة

    وحارة لى غيرو ولهيب

    كان بكيت من وجعى

    ابكى

    وكان شكيت من زهجى

    اشكى

    اهلى مارضو بالغريب

    قالو الا يكون مقرش

    والزواج قسمة ونصيب

    ويلا ياعشتنا قومى

    عندى ليكى

    شمار

    رهيب!!
                   |Articles |News |مقالات |بيانات

01-03-2005, 12:27 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    يلا ياعشة

    انا ليك جاهزين

    نركب الكامرى

    ونركب الليموزين

    نمشى بالكبرى

    نقطع البحرين

    البريدو هناك

    اسمو نجم الدين

    شال فرح قلبى

    قل نوم العين

    الولد طيب

    الولد مسكين

    الا امو فقر

    بكتلها

    بسكين

    Quote: ونمشى لى توتال

    عشان نكب بنزين

    نعمل المس كول

    رّن احلى

    رنين

    ياولد فالح

    مابتسب الدين

    حسي أ،ا نايمة يا ندوية وبكتب ..داقسة ماشة المغربية
                   |Articles |News |مقالات |بيانات

01-03-2005, 06:04 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27700

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الأستاذة نادية،
    سلامات ليك وللزوار..
    لقد استمتعت بالبوست جدا وبفكرته، واستمتعت بمداخلات تسنيم وصديقي أبو يارا "عصام دهب" وتعليق الأخت نور تاور، والأخ ود قاسم وكل مداخلات عشة..
    أتفق تماما مع قولك:

    Quote: يعبرن فيه الفتيات عن رغبات مكبوتة يصعب عليهن قولها هكذا جهارا وعلى روؤس الأشهاد حتى لايتهمن بالوقاحة وقوة العين !!


    من أجمل أغاني البنات والدلوكة على زمننا "إنت كلك زينة"، وأصبح يغنيها حمد الريح فيما بعد:
    إنت كلك زينة وعايمة كالوزينة
    ويحفظك مولاك

    وفيها يقول:
    شوفتك تسلم بطرس
    وأيضا حنا وجرجس
    وكل زول يهواك

    كما يقول:

    يا ظبية الوادي
    ومنك طال بعادي
    وكل حين أطراك
    ديمة بس لعنادي
    ولمحتك إسعادي
    وجنتي رؤياك

    خدرتك ليمونة
    وتينة بل زيتونة
    وساحرات عيناك
    العباد مفتونة
    وبيك يا محصونة
    وربحت الوالداك

    بي قدومك أهلا
    وعومي شيشك مهلا
    واطربي العشاق
    عمري ضايع جهلا
    ويا دموعي انبهلن
    وقلبي ليك مشتاق


    أما غناء البنات أو "غنا السباتة" كما كان يسمى على زمننا فهو أيضا مهم وإفراز طبيعي للحياة البسيطة.. ومنه الآن الهابط ومنه المفيد، ولكن الهابط نفسه يشير إلى الواقع، وليت الناس يتجهون إلى إصلاح الخلل.. لاحظت الحضور الكبير في هذه الأغاني لظاهرة تعدد الزوجات، والخوف من البورة، والتنازل من كثير من الأشياء "يا بتاع الكارو تعال" "أخوي بلابسك تعال" وهي كلها برغم الفكاهة التي بها ولكنها صرخة في وجه الفقر الذي أصبح نصيب الأكثرية في السودان، وصرخة في وجه تسليع المرأة كما قالت الأخت عشة..

    ياسر
                   |Articles |News |مقالات |بيانات

01-03-2005, 09:01 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Yasir Elsharif)

    العزيز ياسر الشريف

    اشكرك على المرور الباهى والمداخلة الثرة والمفيدة جدا

    واكثر ماادهشنى واسعدنى ان الفنان الرائع الكبير حمد الريح غنى غناء البنات كما غنى للبنات ..

    Quote: شوفتك تسلم بطرس
    وأيضا حنا وجرجس
    وكل زول يهواك

    كما يقول:

    يا ظبية الوادي
    ومنك طال بعادي
    وكل حين أطراك
    ديمة بس لعنادي
    ولمحتك إسعادي
    وجنتي رؤياك

    خدرتك ليمونة
    وتينة بل زيتونة
    وساحرات عيناك
    العباد مفتونة
    وبيك يا محصونة
    وربحت الوالداك

    بي قدومك أهلا
    وعومي شيشك مهلا
    واطربي العشاق
    عمري ضايع جهلا
    ويا دموعي انبهلن
    وقلبي ليك مشتاق


    وهذا يؤكد ماذهب اليه اغلب المتداخلين هنا باهمية غناء البنات وعدم هبوطه..
                   |Articles |News |مقالات |بيانات

01-03-2005, 07:24 AM

abdalla BABIKER

تاريخ التسجيل: 14-09-2003
مجموع المشاركات: 2260

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاستاذه نادية




    منو القال
                   |Articles |News |مقالات |بيانات

03-03-2005, 02:53 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: abdalla BABIKER)

    الاكرم عبد الله بابكر

    تسلم على المرور الباهى

    ويسلموا ناس شندى وبربر والمتمة وكل السودان..
                   |Articles |News |مقالات |بيانات

01-03-2005, 09:13 AM

الساحر

تاريخ التسجيل: 19-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)


    الاخوة الاعزاء تحياتي
    اول شئ بكل صراحة رأي الشباب الفوق ده كلوا انا ما مقتنع بيهو واشك انو
    دي قناعتهم احتمال جاملوا او الموضوع عجبهم من ناحية تانية
    المهم ما شغلنا نرجع للموضوع
    انا في رأي انو اي غنية عندها هدف وعندها مضمون عشان تكون مفيده
    والهدف او الفكرة بتنفذ من خلال الكلمات مرور بالالحان والتوزيع الموسيقي
    اذا افترضنا انو ده مقياس عام للاغنية نجي نقيس بيهو اغاني البنات كمصطلح
    للنوعية معينة من الاغاني لا يشترط ان يكون المغتي ولد او بت عشان ما نظلم
    البنات المبدعات امثال حنان النيل و وووووو نرجع لاغنية البنات اتفق انها
    كانت متنفس للبنات في السابق وكانت كلماتها اكثر اتزان واحترام والدليل
    الاغنية الجابها ياسر الشريف لكن اسه البنات بقوا يتنفسوا براحتهم ويقولو
    ويعملوا اي شئ يعني الحته بتاعت متنفس دي بقت ما عندها وجود الان .
    اغاني البنات جد هابطة بمعني الكلمة لانها بتتكون من كلام فارغ ما عنده معني

    الكبري بدقداقو والمطر الشال سحابو

    بنزينك شوية يا السايق العربية

    حلفو علي اسم الله راجل المره ما بتخلي الذ حاجة راجل المره

    ده كلوا من شيحة شيحه باع الشريحة بالاقساط المريحة

    البنسلين يا تمرجي

    والامثال كتيرة جدا

    طبعا بكلامي ده انا ما بوجه صوت لوم للبنات لكن بعتبر ده انعكاس طبيعي للتردي
    الحاصل في السودان وحنان بلوبلو ما بعيده مننا ظهرت في ايام كان التردي قد طال
    جميع مناحي الحياة
    ويااخوانا الحاصل الان في السودان ده شئ مخجل وده انحطاط وتردي وما ننجرف وراء
    العواطف ونكون منطقيين
                   |Articles |News |مقالات |بيانات

01-03-2005, 01:28 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: الساحر)

    الاخ الاكرم الساحر

    التحية لك على المرور الباهى ..ومليون مرحب بيك اخوى الفاضل

    وتسلم على المداخلة الهامة والمفيدة جدا

    Quote: اول شئ بكل صراحة رأي الشباب الفوق ده كلوا انا ما مقتنع بيهو واشك انو
    دي قناعتهم احتمال جاملوا او الموضوع عجبهم من ناحية تانية
    المهم ما شغلنا نرجع للموضوع

    تسلم اخوى بس انت تقصد جاملوا البنات فى غناهم ولاجاملوا صاحبة البوست عشان شاركوا فى النقاش مهما كان رأيهم ؟؟
    اقايتو اذا كان كل ديل اتكلموا على غير قناعاتهم فما بتكون المجاملة لى على كل حال لسبب بسيط وهو انى انا ماغناية ولابعرف اغنى .!!لكن زى ناس كتار بحب غناء البنات ومابعتبر انه هابط على اطلاقه ولو هابط فده من هبوط وتدنى المجتمع السودانى زى مااتفضلت بالحديث اخى الساحر ..!


    Quote: انا في رأي انو اي غنية عندها هدف وعندها مضمون عشان تكون مفيده
    والهدف او الفكرة بتنفذ من خلال الكلمات مرور بالالحان والتوزيع الموسيقي
    اذا افترضنا انو ده مقياس عام للاغنية نجي نقيس بيهو اغاني البنات كمصطلح
    للنوعية معينة من الاغاني لا يشترط ان يكون المغتي ولد او بت عشان ما نظلم
    البنات المبدعات امثال حنان النيل و وووووو نرجع لاغنية البنات اتفق انها
    كانت متنفس للبنات في السابق وكانت كلماتها اكثر اتزان واحترام والدليل
    الاغنية الجابها ياسر الشريف

    طيب الحمد لله اهو النقاش ورانا نقاط اتفاق واختلاف بينا وبين بعض على كل حال !!

    Quote: لكن اسه البنات بقوا يتنفسوا براحتهم ويقولو
    ويعملوا اي شئ يعني الحته بتاعت متنفس دي بقت ما عندها وجود الان
    .

    طيب بلاش متنفس قول وسيلة تعبير مثلا ..!!

    Quote: اغاني البنات جد هابطة بمعني الكلمة لانها بتتكون من كلام فارغ ما عنده معني

    ده رأى مهم جدا برضو احترمه جدا والاختلاف فى الرأى لايفسد للبوست ولا النقاش قضية ..!!

    Quote: الكبري بدقداقو والمطر الشال سحابو

    بنزينك شوية يا السايق العربية

    حلفو علي اسم الله راجل المره ما بتخلي الذ حاجة راجل المره

    ده كلوا من شيحة شيحه باع الشريحة بالاقساط المريحة

    البنسلين يا تمرجي


    ودق الباب وجانا

    جريت ليه حفيانة

    ماقصدت الخيانة

    قصدت يقيل معانا

    و
    Quote: والامثال كتيرة جدا


    فعلا اكتر من ان نستطيع حصرها هنا فى هذا البوست الذى قدم فيه الكثيرون رايا مقدرا وعلى مسئوليته ..!!

    Quote: طبعا بكلامي ده انا ما بوجه صوت لوم للبنات لكن بعتبر ده انعكاس طبيعي للتردي
    الحاصل في السودان وحنان بلوبلو ما بعيده مننا ظهرت في ايام كان التردي قد طال
    جميع مناحي الحياة


    معا لمحاولة اصلاح المجتمع السودانى من امراض التردى فى كل مناحيه ..
    Quote: ويااخوانا الحاصل الان في السودان ده شئ مخجل وده انحطاط وتردي وما ننجرف وراء
    العواطف ونكون منطقيين


    بعيدا عن العواطف وبكل المنطقية اتفق معك اخى الساحر ان المجتمع السودانى مصاب بكثير من الامراض الخطيرة ليتنا نساهم فى وضع الحلول لها من خلال مناقشة المشكلات بعيدا عن عدم احترام الرأى والرأى الأخر .!!

    مرة اخرى شكرا اخى الساحر على مرورك الطيب والمفيد..
                   |Articles |News |مقالات |بيانات

01-03-2005, 09:26 AM

maia

تاريخ التسجيل: 05-03-2002
مجموع المشاركات: 2599

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت نادية

    لك التحية

    اغاني البنات بتعكس دايما حالة المجتمع باكمله يعني لو عاوزة تعرفي الحاصل شنو في داخل المجتمع والمفاهيم التي تسود فيه ستجدي اغاني البنات هي خير معبر عن ذلك ، وكل حركة تغيير بتحصل اول رادار ملتقط ليها هو غنا البنات . يعني الحكم على اغاني البنات بانه هابط صعبة شوية ، لانه كاننا بنحكم على مجتمع كامل بالهبوط
    وبعدين مرات الواحد بيكون محتاج يسمع شوية اغاني بناتية ويطلع شوية من حالة الجمود

    لك خالص الود
                   |Articles |News |مقالات |بيانات

01-03-2005, 05:12 PM

motaz
<amotaz
تاريخ التسجيل: 26-04-2002
مجموع المشاركات: 1412

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: maia)

    ومنو القال ليك تصدقي انو غناهم هابط؟

    هناك فنانات استطعن سحب البساط حتى من الفنانين الرجال باغاني جميلة وحلوة
    اما مسألة الهبوط دي لا تعتمد على رجل كان ام امرأة .. ولكن تستند للكلمة التي يراها كثير من الناس غير جميلة
    هناك مفردات تجعل الاغاني عندما يسمعها الشخص يحكم عليها بانها هابطة حتى ولو اللي بيغنيها راجل
    لكم كل الود

    ملحوظة:
    الاخ معتصم .. اشكرك على ارفاق اغنيه (ندى ـ ابو طالب) وعندي تعليق بسيط واسف للتدخل
    في هذه الحلقة من البرنامج كانت مقدمة البرنامج تطلب من ندى وابو طالب ان يغنو ثنائي ولو لاحظت الفنان ابو طالب كان يتوقف كثيرا لانو ما حافظ الاغنيه .. ولكن كان سريع البديهه واستطاع ان يحفظ بعض الكلمات في وقت قصير
    لك كل الود
    واقعدو عافيه

    (عدل بواسطة motaz on 01-03-2005, 06:00 PM)

                   |Articles |News |مقالات |بيانات

03-03-2005, 08:03 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: motaz)

    الاكرم معتز

    تسلم على المرور الباهى

    Quote: ومنو القال ليك تصدقي انو غناهم هابط؟

    ومنو القال ليك انى مصدقة انو غناهم هابط؟

    اظنك يامعتز ماقريت كلامى كويس وكذلك المداخلات بتاعة الناس ..ارجو المراجعة ولك التقدير




    Quote: هناك فنانات استطعن سحب البساط حتى من الفنانين الرجال باغاني جميلة وحلوة
    اما مسألة الهبوط دي لا تعتمد على رجل كان ام امرأة .. ولكن تستند للكلمة التي يراها كثير من الناس غير جميلة
    هناك مفردات تجعل الاغاني عندما يسمعها الشخص يحكم عليها بانها هابطة حتى ولو اللي بيغنيها راجل


    اتفق معك تماما ..والغناء الهابط فعلا ماحكر على البنات بس وانما الفن عموما رجل وأمرأة يمكن ان يكون فيه الهابط والجميل..
                   |Articles |News |مقالات |بيانات

02-03-2005, 07:42 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: maia)

    مايا

    مرحب بالمرور الباهى

    Quote: اغاني البنات بانه هابط صعبة شوية ، لانه كاننا بنحكم على مجتمع كامل بالهبوط
    وبعدين مرات الواحد بيكون محتاج يسمع شوية اغاني بناتية ويطلع شوية من حالة الجمود


    هذه حقيقة اؤيدك عليها جدا ..فبماان البنات جزء لايتجزأ من المجتمع اذن تعبيرهن بهذا الغناء يعود لمستوى المجتمع علوا وهبوطا اخلاقيا ..

    وفعلا فى غناء البنات ترفيه عن النفس من متاعب الحياة ..
                   |Articles |News |مقالات |بيانات

01-03-2005, 10:56 PM

wadaldeem

تاريخ التسجيل: 05-03-2002
مجموع المشاركات: 386

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    يااستاذة نادية
    عليك الله شوية معلومات لانكم-ناس الثقافة-لانكم بقيتو تزعلو من مثقفاتية دى شايفكم...ماعلينا نرجع للمعلومة العايزنها منكم ومنك انتى بالتحديد غناء البنات دا بشمل شنو بالظبط وقاصدين بيه منو من البنات وموجه لى منو برضو?بمعنى
    الغناء البغنوه البنات-----:
    روح معاك عمر الهناء-نحييك مابتحيينا-رجعنالك-....-البلابل.
    ولا:
    دا كلو من وائل وائل قفل الموبايل لا مس كول لا رسائل
    لانو بى صراحة الشغلة جايطة لى فى راسى والتعميم عندكم مبالغ فيه وبقترح تفصلو لينا بين غناء المناسبات البتناولوه البنات فى ظرف زمانى ومكانى محدد وبين الغناء الممكن يتسمع فى كل زمان ومكان

    تخريمة :منو القال ليك بنسمعو بالدس

    ودمتى
    ودالديم
                   |Articles |News |مقالات |بيانات

02-03-2005, 02:34 AM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: wadaldeem)

    نادية عشوشة لنا
    والله بتاوق للبوست دا لي فترة وما قادر اخش اصلو واحد حبيبنا امرو محزنا شديد
    المهم ربنا يعدل طريقو

    هاكم اسمعو دي ساندوتش

    حبيتو ما حبانى اتذكرتو قام نسانى





    اها شفتو جنس الشلاقة دي هسي لو ما اتذكرتو موش كان ما نساها ؟؟؟

    ولا نشوفا بالوجه التاني

    الرجال غدارين ودا برجعنا لبيت البكاء وبجيهو وبخت كرسيي في النص يا عشوشة
                   |Articles |News |مقالات |بيانات

02-03-2005, 03:12 AM

Ahmed Al Bashir
<aAhmed Al Bashir
تاريخ التسجيل: 09-03-2004
مجموع المشاركات: 505

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    ناديه عثمان
    سلام يمى

    لمل تجى للغنا, انا دايما من انصار القديم , ما عارف ليه؟
    يعنى انا من سميعة ابو داؤؤد و الشفيع و حسن عطيه
    ولا يشاركهم بالضروره الا الراحل مصطفى سيد احمد
    و احد صاحبى قال مره و بعد سمع شريط لابو داؤد , سمع تسجيل شعرى لمحمد المهدى المجذوب قصيدة( لزيم الجور ) ,
    و ارضانى الجنوب فلا ابالى بمن يصم العراة ومن يلوم
    هم عشقوا الحياة فعاشرتهم
    كما تبغى المشاعر, لا الحلوم
    فليتنى فى الزنوج و لى رباب تميل خطاى به و تستقيم
    و فى حقوي من خرز حزام و فى صدغى من ودع نظيم
    و اجترع المريسة فى الحوانى اهذر
    لا الام و لا الوم
    طليق لا تقيدنى قريش باحساب الكرام ولا تميم

    " تعرف انت جيت فى الزمن الغلط", ( كان حقو يولدوك فى التلاتينات),
    و كان لدى شريط قديم ل ( قسمه) وجارتنا و انا فى الابتدائى كانت السبب فى تعريفى بها, لانى شاكلتها مره على الصوت العالى, ( قلة ادب ساكت) , فاذا بها تهدينى الشريط بعد سنوات بمناسبة رحيلها من الحى
    من ضمن اغانيه اغنيه احببتها,
    ( شرانى الوطنو ام درامانى )
    فصاحبنا و لدهشتى استلف الشريطين الاوائل و ارجعهما , لكنه " لطش الاخير " معهما و لم يعده الى الآن.

    تحياتى
                   |Articles |News |مقالات |بيانات

07-04-2005, 06:28 PM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Ahmed Al Bashir)

    مما نزلتي بوستك دا يا نادية وأنا عا يزة أدخل ومجبرة لاننا نعد لاسبوع المرأة بالنادي السوداني وضمن ما نود تقديمة تتبع مسيرة المرأة من خلال غنى البنات وأغاني البنينة والهدهدة ، ولحسن أو سؤ حظي كان الاختيار علي لتجميع المادة المعدة فكان أن ، رأيت هذا البوست الفخ وكأن،ه يغريني بالدخول لمواكية أخر ما وصلت اليه هذه الاغاني ، ومعكم طاف بي الحنين الي أيام الدراسة ومعهد المسرح ودلةكة أختنا الرضية في داخلية على عبد اللطيف التابعة لفرع القاهرة هذه الدلوكة التى كانت تنافس المسلسل المصري فما أن يأتي المساء حتى تصطف الطالبات وهاك يا غنى هابط ، وهكذا هو حالنا في شارع 61ودلوكة الرضية هذه ليست فلتة فأنا أعرف أن الطالبات يقمن بتدريب المرشحات للزواج في الداخليات ، فحين يكون زواج أي واحدة تكون جاهزة ، ما عدا نحنا السياسيات كنا شتر وكج ونعتبر رقيص العروس تسليع للمرأة ، وطبعا أمس أ،ا يا نادية مصورة رقيص عروس جاية من السودان طازة طبعا كذاب المابستمتع برقسص العروس حتى انتي يا لينة أكيد ما حتقاومي هذه الدرامة المحبوكة العفوية مع مقالب العريس ،. أول باحثة قدمت بحث جاد في غناء البنات هي نعمات عبدالله رجب طبعا البحث كان أكاديمي لنيل الماجستير !! شفتو كيف يا البنات ،!! غناكن كن ما ساهل ولو فاضي .
    وأإني المرأة هي أغاني للحياة بكل طقوسها تمارسها في لحظات الطلق تغني النساء للمرأة ليسهلن عليها وجع الطلق : حنا ولدت جابت مريم ومريم ..الخ ويا حنان .. وبعد أن يخرج الطفل تبعث فيه الام الطمانينة بأغاني الهدهدة النوم النوم بكريك بالدوم .. وتأتي طقوس السيرة في ختان الاولاد وخفاض الاناث المسكينات أحفوا ليهن حفرة ، وـاتي مرتين بتوب وينشر في بت الطهور وأنن ليها : الريحمان سلم سلم بت الرجال ما بتتكلم .. وفيها حمام .. لا تحضرني ، ثم تقع المصيبة وهي لا تدري المسكينة أنهن يقمن ببترها ووأد شهوتها في هذه الحفرة ، ما تزعلو أعتبروها تخريمة اصلي مسيطرة على هوس العنف ضد النساء والاطفال ..نرجع لجو الغني وفرحك يا بت عثمان ، وأغاني البنات طبعا تعتبر مرآ ة للمجتمع وكل ما يحدث فيه من تدني أقتصادي وأجتماعي وتناجي فيه الفتيات في حميمية حبيب القلب وقسيم الريد تعاال لي وتعال وتغنت المحبوبة لبدلتو الكحلية لمن الشباب لبس البدل وللجلابية البيضا مكوية وشوف الجنى وشوف خصال في الديوان لافي شالو وقيلت في أحد الشباب حين حرم المستعمر لبس الطاقية الحمرا في مؤسسات الحكومة ولكن هذا الشاب الشجاع رفض أن ينزع العمامة والطاقية فتغنت له البنات أن طلعت القمرا ، الخير يا عشانا تودينا لاهلنا بسألوك مننا ..وهي تعتبر أغنية وطنية تكرس لقيم الشجاعة وكراهية المستعمر ل سيطرته وذلته للشعب السوداني . هي الفتاة السودانية حاضرة في كل المشهد الثقافي والاجتماعي صحيح أنها لم تكتب ولكنها كانت تمتلك ناصية الحكي والسرد والدفء في الليالي القمرية حيث الاحاجي ,اغاني الحماسة كانت لم تكن شهرزاد ولا تودد ولم تكن جارية أبدا بل كانت تصنع الحلم وتغازل الحبيب وتتوسل الاهل والانفكاك من السلطة الابوية التى كانت تعارض زواجها بمن تحب فشكت حالها وتشكت في زيجات الاقارب وهذا هو العلم يثبت مشكلة زواج الاقارب وضعف جينات البشر :
    ماداير ود العم العيشتو كلها هم
    وود الخال أريتو بالخلخال .ز
    :::: وشوفو لي فقرا كان من قعر شدرا
    حبيبي ود الناس ضو القمر بالليل
    بالله شوف الكلام دا جميل كيف
    حسي دا هابط ؟
    وتناجي صديقتها شاكية
    سميرة أنا ما جنيت سميرة دا الغرام والريد
    والله لي الليمون شقايتو عشية
    وشوفو لي شربة خلي النقص دربة
    الليلة والليلة دار أمبادر يا حليلها
    وحليل تومي
    شفتو الحنان دا
    الخ ..
    وقبل ذلك كانت مهلة العبادية وأغاني التمتم
    وحواء الطقطاقة سمعت أنها كان لها أغاني في رفع العلم لم تحضرني بتأكد ليكم منها ..
    وبعد داك يا جماعة جاء السفر داخل السودان وغنت فتيات الاقاليم : الظلط الظلط شال الشباب خلانا
    وغنت المراة للضباط وفي دي أنا ما معاهن طلعنهم في راسنا وبو ظو البلد .
    ةغنن للاطباء :
    الراكب الموتر بمنديلو أشر
    ديني وايماني يا دكتور مبشر
    L طبيب من رفاعة)
    ودكتور لؤي كشف على
    وعنت المرأة للمواصلات
    والكرسيدا السمحة وسمح سيدة
    وغنت لحمادة
    ودالجيران
    حمادة بابو جمب بابنا
    حمادة بوظ أعصابنا
    الولد تقيل ملاحظين !!
    والقطر الشال انت أتكسر حتة حتة
    وفي نفس المنوال ـأتي :
    اغنيت كركبة أم كركابة ندلى في العزابة ودي مرحلة أـسمت بمزيد من البوح عندما
    دخل الرجل سلك الوظيفة ، وسكن مع العزابة ..
    الدنيا ما دوامة
    وبعد داك سافر الحبيب لدول الاغتراب
    يا يمة ووب و ويين على البريدو سافر دبي
    وغنت بنات الشمالية لرجوع الحبيب
    لان الاغتراب اشاعة ولاشى يعدل الوطن حتى لو أكلوها بموية
    حبيبي المنقة والتفاح حبيبي عسل والناس مساخ
    حبيبي تعال ..
    الكويت راعي جمال
    والسعودي .ز
    تقصد المغتربين في هذه البلدان لا يجدون الاعمال المشرفة وأولي بهم الوطن
    هكذ كانت الفتيات يناجن الاحباء ويعن للزواج بهن وبلا أي مقابل أو مهر ولكن المجتمع والامهات كان لهن راي اخر ..
    يا عيني اللول اللول
    يا عيني عروسنا دبل
    ما بدوك للمفلس
    بدوك للمهندس

    وكذك المهندس جاء ورسم البنا
    وكذلك غنت الامهات للشيلة والبذخ
    تلاتة قدور محلبية وتلاتة قدور سرتية
    ولكم كان المجتمع قاسي على الشاب المفلس الفقير
    الا ما عندو قرش أنطعن سكين
    وأتذكر جيدا في هذه الاغنية ، أثناء البنات تغني في هذه الاغنية وكانت العروس ترقص فاخرج أحدهم السكين في يمشهد درامي وشلخ يديهو ورش البنات بالدم فصرخت البنات والحناكيش داخن .. (جعلي عوير طبعا) .
    وهذا عكس أغاني البنات الذي يتحدى خطاب الاهل ويفرض نفسه الى جانب المشهد البذخي وتسليع المرأة ،.
    طيب أنا طولت عليكم لكن أحب أن اشير الى الاغاني التى تشبة أغاني الجاز بايقاعتاه الصاخبة وهي أغاني الزار والرقص الجميل الدرامي الذي كانت تؤديه النساء هربا من الكبت والبؤس الذي كانت تعانيه النساء فكان الزار فسحة تمارس فيها النساء ما حرم عليهن من الخمر والسجائر ويتقمصن شخصيات مهمة في المجتمع مثل الخواجة والحبشية والمدير لغياب المرأة في الحياة العملية والاجتماعية . يا نادية أحسن أسكت زهجتكم صاح .
    تخريمة أخيرة غنى البنات الحديث لم يخرج من الواقع الذي يعانيه الشباب والشابات خاصة الكساد الاقتصادي والحروب التى انهكت جسد الوطن أثرت بدورها على النساء وعلى الزواج والحب مثلا أختفت أغنية برجاك في محل يومداك الذي قد يكون حديقة أو رحلة على شاطئ النيل كازينو أو أي ظل في فضاء السودان الحبيب أختفت هذه اللقاءت بمطاردة بوليس الاداب فما كان من الشباب الا أن يهتدوا الى أماكن ملوثة غير صحية فظهرت أشكال من الحب بعيد عن الهواء الطلق حيث البراءة والمشاعر ,;وكانت رقصة القرد وانتصار العبث والقسم وشتيت النبق النبق والورق وحيرة الشباب وثقافة الموت . ، وتخلى الشباب المغلوب على أمره ، حتى الاغتراب لم يعد يكفي الشنطة ويا أبشرا أنشاالله راجل مرة حتى لوكانت هذه المرة الاخت .هذه التنازلات وتقلص فرص الزواج والمنادة لسيد الكارو في مشهد كوميدي والسخرية من الحال ثم الزيجات العرفية الجديدة

    مداخلة جيدة من عشة
                   |Articles |News |مقالات |بيانات

02-03-2005, 11:46 PM

عبد الرحمن الشبلي

تاريخ التسجيل: 14-01-2005
مجموع المشاركات: 8

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    ناديه
    بدءا انا
    اعترض علي مصطلح هابط
    فالقيمة في الاذواق وتدرجها ما بين نسبي جميل
    ومطلق اجمل
    وساترك التقييم لمن هم اكثر منا وعيا بهذه الامور
    ولكن وبراي شخصي بسيط نحتاج الي النقد البناء في هذا
    الموضوع الكبير مادة ومعني
    جيد التحليل بخصوص ان هذا النوع من الغناء يسهم
    في التعبير عن حاله البنت السودانيه وما تحتاج

    ولكن هنالك جوانب اخري يجب ان تعطي التحليل الموضوعي
    وبنفس اريحية وبساطة هذا النمط من الغناء
    علنا نستطيع ان نوجهه000000000
    ليكون اكبر قيمة
                   |Articles |News |مقالات |بيانات

04-03-2005, 02:17 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عبد الرحمن الشبلي)

    الاخ الغالى عبد الرحمن الشبلى

    كلامك بعجبنى جدا والله



    Quote: ولكن هنالك جوانب اخري يجب ان تعطي التحليل الموضوعي
    وبنفس اريحية وبساطة هذا النمط من الغناء
    علنا نستطيع ان نوجهه000000000
    ليكون اكبر قيمة


    ماشاء الله شباب بلدى بخييييييييير والله
                   |Articles |News |مقالات |بيانات

05-03-2005, 10:36 AM

Abd-Elrhman sorkati
<aAbd-Elrhman sorkati
تاريخ التسجيل: 21-02-2003
مجموع المشاركات: 1576

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت العزيزة نادية


    لك كل الود

    موضوعك جميل وارجو ان تسمحي لي بالمداخلة......

    اذا اعتبرنا ان غناء البنات قسم خاص او نوع قائم بذاته اذن سنجد فيه الهابط وغير الهابط

    مثله مثل اي عمل موسيقي اخر والهبوط هذا يمكن ان يكون في فيلم او اي عمل اخر

    ما يهمني هو ان كثير من اغاني البنات بها هبوط (فظيع) علي مستوي التناول وايضا علي المستوي

    اللفظي واعتقد ان هناك امثلة كثيرة داخل هذا البوست ... ولماذا يكثر تدني المستوي الخاص

    بأغاني البنات ... لان من كتبت هذا الكلام المغني هذا عادة ما تكون ضعيفة فكرياوذات مستوي

    ثقافي متدني ويكفي ان الموضوعات التي تتناولها كلها تدور في فلك واحد وهو فلك البحث عن رجل

    ( ضل راجل).... انا لم اسمع يوما عن شاعرة ذات علم اوثقافة كتبت اغاني بهذا المضمون بل

    يكتبن شعرا عاديا ويمكن لاي شخص رجل او امراءة ان يغنيه...

    مقولة ان اغاني البنات تعبر عن واقع وطموح واحلام البنات هذه المقولة يجب ان تكون مرفوضة من جانب البنات خصوصا.. لان من غير الممكن ان تكون احلام بناتنا بهذه السطحيةوكلها اشياء انصرافيةوعلي الرغم من ذلك هناك اغاني خاصة بالبنات وهي متميزة جدا وكثيرة ولكن في هذا الزمن الرديء لاينتشر الا السيء والضعيف لعوامل كثيرة لا يتسع المجال لذكرها....

    ودمتي اختي نادية
                   |Articles |News |مقالات |بيانات

05-03-2005, 12:23 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Abd-Elrhman sorkati)

    فوووق
    ندووووووووووبة
    ســــــــــــــــلام
                   |Articles |News |مقالات |بيانات

05-03-2005, 03:47 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: عشة بت فاطنة)

    عشوشة حبيبتى الغالية

    تتعلى ماتتدلى

    قولى امييييييييييين يالسمحة

    يازولة انتى مشيتى وين ؟

    كان زهجتى من غناء البنات وكلام الراندوك حدثينى النسويلى بوستن تانى يابنية ياسكرة

    يحفظك ربنا ياعشة الغالية
                   |Articles |News |مقالات |بيانات

05-03-2005, 03:40 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Abd-Elrhman sorkati)

    الاكرم عبد الرحمن سكورتى

    تسلم على المرور الباهى جدا

    Quote: اذا اعتبرنا ان غناء البنات قسم خاص او نوع قائم بذاته اذن سنجد فيه الهابط وغير الهابط

    مثله مثل اي عمل موسيقي اخر والهبوط هذا يمكن ان يكون في فيلم او اي عمل اخر


    اوافقك الرأى جدا ولكن فلنبحث فى ماوراء هذا الهبوط والتدنى ومن السبب فيه !!

    Quote: ما يهمني هو ان كثير من اغاني البنات بها هبوط (فظيع) علي مستوي التناول وايضا علي المستوي

    اللفظي واعتقد ان هناك امثلة كثيرة داخل هذا البوست ... ولماذا يكثر تدني المستوي الخاص

    بأغاني البنات ... لان من كتبت هذا الكلام المغني هذا عادة ما تكون ضعيفة فكرياوذات مستوي

    ثقافي متدني ويكفي ان الموضوعات التي تتناولها كلها تدور في فلك واحد وهو فلك البحث عن رجل

    ( ضل راجل).... انا لم اسمع يوما عن شاعرة ذات علم اوثقافة كتبت اغاني بهذا المضمون بل

    يكتبن شعرا عاديا ويمكن لاي شخص رجل او امراءة ان يغنيه...

    ومن اين لك بان هذه الاغانى تكتبها بنات متدنيات المستوى اخى العزيز؟ يقال ان كتاب هذه الاغانى هم رجال وشباب والسؤال هو لماذا يكتب الشباب مثل هذه الكلمات التى تكون فى معظمها هابطة هبوطا فظيعا على حد قولك؟ والا يكون المجتمع رجل وامرأة مشتركون فى تدنى المجتمع اذن؟

    Quote: مقولة ان اغاني البنات تعبر عن واقع وطموح واحلام البنات هذه المقولة يجب ان تكون مرفوضة من جانب البنات خصوصا.. لان من غير الممكن ان تكون احلام بناتنا بهذه السطحيةوكلها اشياء انصرافيةوعلي الرغم من ذلك هناك اغاني خاصة بالبنات وهي متميزة جدا وكثيرة ولكن في هذا الزمن الرديء لاينتشر الا السيء والضعيف لعوامل كثيرة لا يتسع المجال لذكرها....
    غناء البنات مصطلح قد خرج من اين لاادرى !!

    ولاادرى ايضا اذا كانت بعض الفنانات اللاتى تغنين غناء به كلمات شعرية رصينة يندرج تحت ذات المسمى ام لا!!

    ليتك تكون معنا اخى الاكرم لمواصلة النقاش ربما توصلنا معا لتفسير وتحليل الظاهرة
                   |Articles |News |مقالات |بيانات

05-03-2005, 02:18 PM

Sabri Elshareef

تاريخ التسجيل: 30-12-2004
مجموع المشاركات: 21083

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    ايضا اضافة لما كتبته عشه فقد جادت قريحة شعر وغنا البنات بقراية جيدة لاخر لحظات الشتات فغنوا لمغترب ليبيا لبؤس حال هذه الغربة بالاتى
    سقدونا فيسا فيسا
    تنا بالهريسة
    ما عندو تحويلة
    وعامل الحصار حيلة
    رسلناهو للضفرة
    وجانا بالكفرة
                   |Articles |News |مقالات |بيانات

05-03-2005, 03:25 PM

Sabri Elshareef

تاريخ التسجيل: 30-12-2004
مجموع المشاركات: 21083

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    نادية تحاتي

    لقد ضاع صبري افتفدت اول كتابتي لذا ارجع بالقلبة فعذرا
    غنا البنات جميل وراقى ويعبر عن حالنا الذى نقف فيه تتبعي
    بداياته والى الان زمان كانو يغنوا ريحتو كارينا وعربيتو
    كورتينا والماشى لي باريس جيب لى معاك عريس وشرطا يكون
    لبيس من هيئة التدريس زمممممممان والله شوفو هيئة التدريس وين الان
    انتقل الغناء الان الى الدبلماسي واللاجئ السياسي فى المنصف كان اامغترب وتاجر الغرب . اعداء الانسان لا يتمنوا غناء المراة بحكم ان صوتها عورة لذلك هابط ام صاعد هى ليس بيت القصيد لذلك يحاولوا التشويه
    لكن هيهات.
    كم من الناس يمين او يسار راودته جزء من هذا التشويه فيري في تراثنا
    خروج عن الاخلاق لذلك نحتاج الى مجهود فكرى جبار الى الاسترشاد كلنا
    الى جادة الطريق فحنان بلو بلو حفلاتها في التمانينات كانت زاهرة و
    كل واحد فينا يطرب للرقص والغنا لكن اصحاب مشروع مصادرة الفرح يسنو فى
    القوانين امقيدة للحريات الانسان هو الغاية فى هذا الوجود مزيدا من
    الابداع نساءا ورجالا والسلام
                   |Articles |News |مقالات |بيانات

13-03-2005, 10:09 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Sabri Elshareef)

    العزيز صبرى الشريف



    Quote: كل واحد فينا يطرب للرقص والغنا لكن اصحاب مشروع مصادرة الفرح يسنو فى
    القوانين امقيدة للحريات الانسان هو الغاية فى هذا الوجود مزيدا من
    الابداع نساءا ورجالا والسلام


    المبدع اى كان مجال ابداعه فهو كالطائر الحر ان سجن فى قيد الممنوع يموت كمدا دون شك..!!
                   |Articles |News |مقالات |بيانات

05-03-2005, 04:07 PM

قاسم المهداوى
<aقاسم المهداوى
تاريخ التسجيل: 26-11-2004
مجموع المشاركات: 8640

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    الاخت ناديه

    سلام
    مجرد محاوله

    رد على عنوان البوست بخصوصو هبوط غناء البنات (مش كدا ولا الحكايه شنو)

    بدايه غناء البنات اعتقد المقصود بيه هو غناء السباته ( تعليم العروس )

    والمساله ليست هبوط او طلوع او نزول بل اعقد من ذلك اعنى الاغنيه كمضمون ولحن واداء

    فهى من الناحيه اللحنيه نجدها دائريه اى ان الجمله اللحنيه غير مكتمله كبدايه ونهايه

    ومن ثم من المفترض ان تسمى (غنيوه) تصغير اغنيه .

    ناتى من بعد لمساله الهبوط ( اذكر واحده فقط لانى غير متابع لاغانى البنيات)(اغنيه الوصف الدقيق )ما عارف شنوا دا وال....دا ... وأأأأأأيأأأأأأأ)المهم محاوله سريعه
    ومن الممكن نسترسل لى قدام

    قاسم /جيتارست هاوى فقط
                   |Articles |News |مقالات |بيانات

24-03-2005, 01:59 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: قاسم المهداوى)

    الاكرم قاسم المهداوى



    Quote: ومن ثم من المفترض ان تسمى (غنيوه) تصغير اغنيه .

    حلوة غنيوة دى ...........وياريت ماتكون فى غنيوة هابطة!!



    Quote: ناتى من بعد لمساله الهبوط ( اذكر واحده فقط لانى غير متابع لاغانى البنيات)(اغنيه الوصف الدقيق )ما عارف شنوا دا وال....دا ... وأأأأأأيأأأأأأأ)المهم محاوله سريعه


    اغنية سمحة جدا والله .........قلت لى دا وال واااااااااااااا وشنو؟
                   |Articles |News |مقالات |بيانات

13-03-2005, 09:30 AM

abdalla BABIKER

تاريخ التسجيل: 14-09-2003
مجموع المشاركات: 2260

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    فوق عشان العايز يسمع ندى القلعه
                   |Articles |News |مقالات |بيانات

17-03-2005, 08:16 AM

abdalla BABIKER

تاريخ التسجيل: 14-09-2003
مجموع المشاركات: 2260

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    لاموني الناس فهموني غلط
                   |Articles |News |مقالات |بيانات

24-03-2005, 01:01 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: abdalla BABIKER)
                   |Articles |News |مقالات |بيانات

07-04-2005, 06:36 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: خدر)

    Quote: لاموني الناس فهموني غلط



    اسوأ شئ فى الكون الفهم الغلط!!!
                   |Articles |News |مقالات |بيانات

08-04-2005, 05:32 PM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    اسوأ شئ فى الكون الفهم الغلط!!!



















    موش كده
                   |Articles |News |مقالات |بيانات

08-04-2005, 06:07 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: محمد حسن العمدة)

    العمدة ود العمد الغالى


    Quote: موش كده


    كده ونص وخمسة والله !!

    وماتتصور الحكاية دى محبطة قدر شنو !!!!


    لكن الله فى !!!
                   |Articles |News |مقالات |بيانات

08-04-2005, 07:31 PM

Kostawi
<aKostawi
تاريخ التسجيل: 04-02-2002
مجموع المشاركات: 37335

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)
                   |Articles |News |مقالات |بيانات

09-04-2005, 06:55 AM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Kostawi)

    ست البنات ياعسل

    كستاوى الاكرم

    اهلا بالمرور العاطر


    و



    يالماشى لى لاهاى

    جيب لى معاك هناى

    اتخارج

    وخلانى ليه؟

    امريكى بس بكاى

    فى المجلس النساى

    ويعنى

    استثنوا ليه؟
                   |Articles |News |مقالات |بيانات

01-05-2005, 03:03 PM

Soumeta
<aSoumeta
تاريخ التسجيل: 17-10-2002
مجموع المشاركات: 1733

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: نادية عثمان)

    نــــــــــــادية قعدة بناتية بعد شاي ألمغرب هدية ليك،،

    كان نفسي شديد أسمع راي ألموسيقار يوسف ألموصلي،،

    و بحرر دلوكتي و أجيك،،
                   |Articles |News |مقالات |بيانات

03-05-2005, 04:14 PM

نادية عثمان

تاريخ التسجيل: 26-11-2004
مجموع المشاركات: 13808

للتواصل معنا

FaceBook
تويتر Twitter
YouTube


Re: ياجماعة منو القال انو غناء البنات هابط ..والهبطّو منو وشنو ؟؟ (Re: Soumeta)

    سوميتا


    Quote: نــــــــــــادية قعدة بناتية بعد شاي ألمغرب هدية ليك،،

    كان نفسي شديد أسمع راي ألموسيقار يوسف ألموصلي،،

    و بحرر دلوكتي و أجيك،،


    احلى حاجة قعدة الونسة مع الدلوكة بعد شاى المغرب

    هدية مقبولة جدا والله

    لكن رأى الموصلى فى شنو ؟!!
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de