أحب محسن خالد

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-09-2018, 04:50 PM الصفحة الرئيسية

مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-03-2006, 08:35 AM

مهيرة
<aمهيرة
تاريخ التسجيل: 28-04-2002
مجموع المشاركات: 463

للتواصل معنا

FaceBook
تويتر Twitter
YouTube


Re: أحب محسن خالد (Re: يازولyazoalيازول)

    لا حولااااااااااااا

    الناس ديل كلهم بحبوك؟

    ( حالتهم ديل بس العندهم ( باسويرد)!!)

    غايتو يا ود البتولا اختى علا نرشحك فى الانتخابات المبكرة دى على الأقل ناس شندى يكفروا عن

    ذنوبهم فى حق البلد دى الشالوها بسبب ولدهم الرئيس دة!!

    انتوا عارفين آناس الجنى دة من يومه وليدا نجيض مو نى وكمان حنيييين

    ماشفتوا صورته مع رفاقته وقت الجهلة( الفى بوست سندى) كيفن رويسه داك ملان كلام كتييير... وكيفن

    عويناته مليانات حب وحنية وحيا...

    اريده ود البتولا اختى والله يحفضه ويغتى

    ان شاالله نتلم فى فرحه وجديده

    قولوا آمييين

    وليكم منى باقة حب

    تحياتى

    (عدل بواسطة مهيرة on 07-03-2006, 08:36 AM)

                   |Articles |News |مقالات |بيانات

07-03-2006, 08:53 AM

bayan
<abayan
تاريخ التسجيل: 13-06-2003
مجموع المشاركات: 15417

للتواصل معنا

FaceBook
تويتر Twitter
YouTube


Re: أحب محسن خالد (Re: مهيرة)

    Quote: عندك مواقف سياسية بكمية معقولة من المجاملة بقول إني ما فاهمها، وبأي حال ما بتعنيني، أي زول مخيّر في رقبتو، أنا بتكلّم عنك ككاتبة


    الليلة عاد كلامك كيفني شديد ..من شدة "الهجومات" والهجمات والهجائم
    بقيت ما بصدق اي كلام جميل عني,,,
    كلام شهادة تعلق.. يوما ما حادرج كلامك دا في واحد من كتبي..


    مواقفي السياسية مواقف واضحة جدا.. انا افصل بين السودان الوطن
    واي عجاجة اخرى.. هناك بعض الاشياء تقال هنا وهناك خالية من الصحة..
    في حياتي لم انضوي تحت اي لافتة. حرة تماما..
    كما قلت انت. كاتبة حرة...

    وشكرا كونك ترى اني كاتبة..
    مودتى واعجابي
                   |Articles |News |مقالات |بيانات

07-03-2006, 10:43 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: bayan)

    ..


    هذه مشاركة باسم "أساسي" زعيم الضلاميين في المنتدى:

    Quote: أقراك دائماً وأنا أستمتع بالغيظ أحياناً.. وأتلذَّذ بشطحاتك وأنا أسبك في سري ..وضوحك الفاضح يمتعني حد الكُره
    أحيانا كنت اتمني ان اكونك بتهذيب أكثر بيد أن تهذيبي المعدوم يجعلني أتراجع
    تصالحك مع ذاتك يكرّه الواحد وإيمانك بقناعاتك يجعل محاورتك متعة مدهشة فمفاجأة ردودك غير المتوقعة تجعل الحوار مخاطرة محفوفة بالفضول المستحب اللذيذ
    تعرف اني احب دكين وكتاباته .. حواراتكما معا تجعل سقف المتعة عندي يصل انعدام الجاذبية ..
    من أمتع الحوارات التي قرأتها قبل سنوات خلون
    قرأت لك في مكان ما لا اذكره انك قلت عن نفسك انك شخص كثير العلل أو المرض وانك تتوقع وفاتك قبل وصولك سن الأربعين
    نوعا ما صدقت هذه النبوءة وهي التي تجعلني أبتعد عن التعلّق بكتاباتك كثيرا
    فنحن قوم نحب بلا حدود لذا أخشي أن أحبك فأفجع فيك ..
    لذا أحيانا أتمني لو أني ما قرأتك يوماً ولم ألتفت لدكين حينما أخبرني أن اقرأك كما يجب
    ولكن للأسف فعلت !
    وجب علي تحيتك بداية سلام
    أساسي


    ...
                   |Articles |News |مقالات |بيانات

07-03-2006, 01:10 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: ناصر البطل)

    ..

    ناصر البطل،..
    تحياتي، وكن بخير،..
    وإن شاء الله ما نتشاكل يوم،..
    أها حرية الفرد دي، يعمل نوع الأدب البعجبو، دا محسن
    وحرية الآخر، يقرأ أو ما يقرأ البعجبو، دا ناصر
    وناصر من حقو يوجّه نقد، ومحسن من واجبو يسمع
    وما في أي حل تالت،
    يا نرضى بكدا، يا السكاكين تدوِّر
    دي نمرة واحد


    نمرة اتنين
    عن نفسي لا أنظر إلى الكتابة كموقف أو سلسلة من المواقف
    للمزحة كدي بقوليك، الأخ شيوعي خمسيني وألا شنو؟
    النظر إلى الكتابة كموقف يتضمن التوظيف للموقف وللمعالجة معاً،
    وهذا بالضبط ما لا أؤمن به بصدد الأدب والفن،
    في فهمي، الكتابة دي شغلة ممكن تتقاطع مع المجتمع أي نعم وبالحيل،
    لكن لا هي مريسيل في يدو يرسلها وين ما عايز،
    ولا كمان هي (ميرامو-بنت الملك) التي ستجعل منه مرسالاً لمكياجها

    الكتابة التي تتحدث عنها هذه
    في رأيي أنَّه لم يوفّق فيها إلا كولرنكو صاحب (قصيدة تربوية)
    يعني مكسيم جوركي نفسو، صاحب البدعة دي، قال بدعو بطريقة اشتراكية
    ولم يترك بداخل أعماله إلا مجرّد ظلال للاشتراكية

    الكتابة قابلة جداً لإنو أي رأس ممكن يتفلق جواها،
    وبرضو ممكن يتعالج ويتداوى أي فلّيق جواها،..

    الكتابة براها وبس،...

    وأنا كتابتي وما كتابتي،...


    ...
                   |Articles |News |مقالات |بيانات

07-03-2006, 01:53 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    يازولyazoalيازول،..
    تحياتي يا رجل وكن بخير،..


    ----------------
    انطباع عنَّك:
    من نقدك داك وتاني ما سمعناك،
    خليني أكاويك، ولو عملت معاي مشاكل
    بشتكيك لتماضر
    كيفنّك؟ ولك المودة


    ...
                   |Articles |News |مقالات |بيانات

07-03-2006, 01:58 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    مهيرة،...
    د. نفيسة،..
    كيفنّك يا شقيقة البتولا بت الموفد؟
    شفتِ رفقاتي الفي صورة ديل، أبوهم ود أعمي لزم وجيراني طوالي،
    اتنين من أبناء –محمد خالد عمر- معرّسين اتنين من أخواتن
    وأنا زغت من أعملها تلاتة صفر
    هم ما شاء ربي، بوليداتن وأنا لا هسع مزمبع بالخلاء
    ولو ما خايفك تقولي "سجمي"،
    كان بقوليك يا أم ياسر، دقي المحلب فوق توب ياسر،
    كِرِب يا ياسر، ما عندك أخيّة
    ساي كدا، بس بسطة من أمهم الدكتورة و الذكية "المسغفة" دي،
    عارفة؟ شقيقتك البتولا بت الموفد دي، كانت دكتورة زيك كدا، إلا بلدية
    صحيح والله، قلبي حواشة وجنينة بتاعة حنيّة،..
    بس ما لقت ليها تربالية نجيضة لا هسع

    كوني بخير،..
    والعقيد ماكبث البشير أب رأساً متربع دا،
    مسعولية رقبتو والجبهة، نحن باريين منو
    أول شيء عشان عوير عوارة الله الواحدة دي،
    الزول دا عوير ساااي، إنتو ما ملاحظين
    في زول قبل كدا في البورد دا، قال البشير دا "دلاهة" في ذمتي دلاهة
    وحقو الزول القال كدا دا، يدوهوا جائزة
    بالله لو نوعو دا الآخر مرّة شاف فيها كتاب سنه تالتة ثانوي بيبقى رئيس
    يعني ود أختك البتولا دا مفروض يبقوهو شنو؟

    قلت أقطع معاك في ماكبث ود الجبهة ومحلّية الجبهة ومدينة الجبهة، وكتين جبتِ السيرة


    ...
                   |Articles |News |مقالات |بيانات

07-03-2006, 02:02 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    bayan،..
    د. نجاة محمود،..
    أول شيء مبسوط ساااكت من آخر الصفحة دي،
    أشيل وأجر –تطلع- بت شيريا وجارّة دكتوراة من خلفها كما العكّاز الكوكاب
    لمنازلة الوجود
    والله يا أخوانا أنا بحب التعليم العالي لأولاد بلدي كلهم،
    وخصوصاً المرأة، لأنو المرأة دي "مطبخ" الدنيا بتمامها،..

    لو في زول قال ليك إنت ما كاتبة ذكية ورصينة، كضاب
    بخصوص السُّمَع والهجمات
    البروّج إشاعة هو مسؤول عنها أمام الله والحق وضميرو
    شخصياً اكتفيت بشهادة د. عمر السنوسي بحقك،
    ما بعرفك عشان أثق فيك، لكن بعرف عمر وبثق فيهو
    "وأنا ما خايف من أي زول"،..
    عندي تاريخ قديم مع التدين والحركات الإسلامية، كاتبو روايات
    دا ما عيب، لكن ذنب يُتاب منه، ومرحلة لا بد لأي عمر صبياني أن يمر بها
    (لظروف مجتمعنا، ولطرق تربيتنا، ولعدم التوعية المناسبة في السن المناسبة)
    مجتمع كان معزولاً ومتخلِّفاً،
    يقوموا يجيبوا دين السعودية ودين مصر دا يسوطوهوا فيهو
    دا حلو بالتوعية، وليس ببتر أعضاء المجتمع
    البحصل خراب ودمار بدون شك،
    وتلويث للذهنيات وانفصامات الواحد تلقاها بتَّاور أهلها من جُوَّه روحن

    لكن ما بكضب عليك، إنت برضك راجعي مفاهيمك للوطنية واستغلال الكيزان للحتة دي
    يعني عندك مواقف يستحيل بالنسبة لي أفهم إنها ما بتخدم خط الكيزان طاخ طاخ، وما شرط تكوني كوزة
    أنا شخصياً بفضّل البوريه الأزرق والصليبي علي الكيزان، ورأيي إنهم مضرين أكتر منو


    ...
                   |Articles |News |مقالات |بيانات

07-03-2006, 02:14 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    أساسي،..
    زعيم الضلاميين
    شكراً علي المحبّة، وأيضاً الشكر للوغد دكين،..
    أقرأ قرايتك ساي، أنا ميّت ميّت، ما في اتنين تلاتة وع المواعيد
    وراجيك لامن تنزل هنا باللبس خمسة والزمزمية، عندي معاك كلام كتير
    نتمنى ليك بريك جميل،
    وشتوية من أزاهير
    لو نزلت هنا بلياقة كويسة ولقيتني ما في، قل:
    كان وغداً يرحمه الله
    إنا بكيناه وكنّا مذنبين


    ...
                   |Articles |News |مقالات |بيانات

07-03-2006, 10:55 AM

tariq
<atariq
تاريخ التسجيل: 18-05-2002
مجموع المشاركات: 1520

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)



    يوم الخميس جانا الخبر وانشاع ، في الاربع قبل ازرق طويل الباع !!




    يا محسن فتش جيوبك يمكن تلقى اشارة . .
                   |Articles |News |مقالات |بيانات

07-03-2006, 11:28 AM

AlRa7mabi
<aAlRa7mabi
تاريخ التسجيل: 15-08-2002
مجموع المشاركات: 1334

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    الليلة يا محسن
    لميت ليك في عضم :
    كلب السجان
    الحياة السرية للأشياء
    لو عندي شنطة كنت أقول ليك دخل يدك جوه ... وأقرصك فاهم؟؟؟

    بقزقز بي مزاااج

    هسة عليك الله زي جولي دي بموتها الميتة الحارة دي!!!!!!

    في ناس أحيانا بتصدق نبواتهم .. وانا عدي احساس قوي
    الزمن راح يجمعك بي واحدة من الجوائز المدنكلة زي ناس نوفل
    أو ماشابه .. ياااارب

    ربما في مكانٍ آخر أورد إنطباعاتي عن ما وقع في يدي

    تحياتي

    رحمابي
                   |Articles |News |مقالات |بيانات

07-03-2006, 02:13 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube


Re: أحب محسن خالد (Re: AlRa7mabi)

    صديقى محسن انا شخصيا
    متهم بالصعلكة


    وما عارف همن حاسبنها كيف
    كما يقول صديقى طلال

    لكن بالواضح الفاضح نحن نحب الجمال
    وهذا ابسط حق فى حقوق الانسان
    الشاملة نظريا
    والمعوقة بعد داك.....

    عموما الآن اهديك
    اغنية خضر بشير
    الناحر فؤادى وموقد جوفى حر
    يا من نحب



    وووووووسلام
    مع شوية تتتتتمة

    (عدل بواسطة عصام عبد الحفيظ on 07-03-2006, 02:17 PM)

                   |Articles |News |مقالات |بيانات

07-03-2006, 02:23 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: عصام عبد الحفيظ)

    ..


    tariq،....
    فتشت جيوبي وحاتك،..
    غير الفلس الكتير وتداعياته ما لقيت حاجة،
    هروب الزوجات والحبيبات دا أهم تداعٍ للفلس،..
    شح الدفي دي الجديد، نقصان السفر
    وحرمان الفلس قبل الدكاترة من السَّكَر


    -----------------------
    انطباع عنَّك:
    بتحب التشويق شكلك،..
    ما فهمت أزرق طيبة دا مالو،..
    لكن أنا أجلي لسع، قلت بموت 37 سنة،
    لو داير تعرف متين بالضبط، ترجع البروفايل
    تشوف تاريخ الميلاد، وتحسب بدربك،
    نضوِّقك تشويقنا،
    محسن خالد دا طفّر ليهو بأي كلام،
    لو قدرتَ تدهشو وألا تخلعو
    بتكون أنقذتو من يموت
    وهو ميّت من كم عام مَرّوا علي رحيلها

    ..
                   |Articles |News |مقالات |بيانات

07-03-2006, 02:39 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    AlRa7mabi،..
    Oh yah?
    بس بطريقة سندي وودز مان،..
    ياخي جولي دي أنا ذاتي بتذكرها وبحزن،
    وأقول ليه أنا كتلتها بالطريقة البشعة ديك،..
    بس لازم، وحتم،
    عشان الأمريكي دا ما يفتكر إنو بيعمل طيران ومجنزرات
    ويمشي يكتل الناس وين ما يعجبو وبيظل "مجتمعو" سليم
    "مجتمعو المدني" مش "جيشو النظامي"،..
    جائزة مدنكلة دي، الله تعلم،
    لا "نوفل" ولا "بوليتزر" ولا جائزة "نجيب" القريبة دي،
    أنا سوداني، أهلو ذاتم ما عاجبن ودايرين موت،
    السوداني عليه أن يؤمن بما يعمله وإنجازاته –على مستوى ضميره- فحسب،..
    سنعمل بكد، وسننتظر اللحظة التي سنرتقي بها بمجتمعنا،..
    وح نفرح، بدون أي جوائز

    -----------------------
    انطباع عنَّك:
    إنت زول فنّان بالجد،
    سأنتظر لمّتك الواعدني بيها دي،
    وح نعزم معانا رانيا مأمون برضو


    ...
                   |Articles |News |مقالات |بيانات

07-03-2006, 02:42 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    عصام عبد الحفيظ،..
    غايتو أقرأ احتجاجك بالتصريح المبرّراتي الكاتبو ليك صاحبنا طلال دا، أصدّقك
    أعاين براي، كصلوق ليهو وجهة نظر خاصة،..
    وأشوف إمالة العين جُوّه النظارة الطايحة دي،..
    أقول ليك طوالي،
    سوي الداير تسويهو في البوست دا
    يا صعلوق


    ...
                   |Articles |News |مقالات |بيانات

07-03-2006, 03:05 PM

ودرملية
<aودرملية
تاريخ التسجيل: 27-07-2002
مجموع المشاركات: 3687

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    سلامات
    وعوافي
    ياسيدي امرح في نواحي الروح ماشاء الله لك من مرح .. وكن لطيفا كون ارواحنا تهزها (سيرة) الموت .. فعندها ترفق بنا و(موت) بوداعة علنا نتذكر كيف تختارنا الدموع حينها .. وعلنا نستطيع اذ ان (العيون) اضحت موبوئة وهناك كائنات (تقتات) علي (بصيرتها) وبقية ما في (مخازنها) من ماء (الاحزان) ..
    كن جميلا كما شهدناك هنا وانت تطلق صرخة ميلادك (الاسفيري)* الجميل .. اذكره جيدا اذ انك ولدت فيه واسنانك (مصطفة) كلوحة شرف (نوبل) ...
    الكتابة ياسيدي عندك كاملة الوسامة ... تارة تتداعبها بصدقك واخري (بعجرفة) (شريفة) .. تختصر الحالة في سطر وتحتجزنا نحن في (اطار الدهشة) ..
    والشاهد بيننا هو الحب ..
    انعم بالمحبة ...
    ...........:
    * المصطلح (ملكية مطلقة) للشاعر والمترجم الساحر الاستاذ حافظ خير .. وهذا منا للتذكير ..
    معراج ..
    حافظ خير دا برضو زول من عالم تاني .. زول جميل جميل للغاية ..لكنه شحيح التواجد ..

    .............
    كونوا جميعا نبلاء ...
    وسيم المودة
                   |Articles |News |مقالات |بيانات

07-03-2006, 03:27 PM

tariq
<atariq
تاريخ التسجيل: 18-05-2002
مجموع المشاركات: 1520

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)



    طيب يا محسن انت اقعد وأتجلى مع نفسك واتذكر يوم الخميس كنت وين ؟

    و

    كان معاك منو ؟

    و

    عشان اقربا خلينا نقول الخميس بالليل .. اها وصلنا و لا لسه ؟؟
                   |Articles |News |مقالات |بيانات

08-03-2006, 02:53 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: tariq)

    .

    ود رملية،..
    أوكي،
    ح أموت كما أشتهي، وليس كما يُملي الموت،..
    حافظ دا نسمة، يشهد قلبي لما أشوف كتابتو الملوّنة دي
    صباحي بتلوّن جنون وبهجة، بزّاف نحبو نحن،..
    شكراً وليك قهوة هذا الصباح،..

    يا وسيم الروح


    ..
                   |Articles |News |مقالات |بيانات

08-03-2006, 02:56 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    tariq،...
    أممم، قاتلتك الشياطين،..
    قصدك المريديان، وحوريتان عن ذات اليمين وذات الشمال قعيد
    "ديل كاتبات من سوريا والله، وفي ذمتي"،..
    بقينا أي حاجة زي دي، الواحد طوالي يقعد يتعذّر ويشرح،
    براي سويتها في نفسي
    غايتو ناس الدنيا ديل، يا عملات حبوبتي،..
    بس كيف إنت عرفتني طاخ كدا، إزيك يا أستاذ محسن
    لما قلت لي جيوبك، افترضتها عبارة مجازية،..
    بالمداخلة التانية وبعد مشيت البيت شفت الجاكيت الكنت لابسو،
    ولقيت الكرت بتاعك،..
    أمَّك، مدير كبير إنت، بس عرفتني كيف؟


    ...
                   |Articles |News |مقالات |بيانات

08-03-2006, 03:29 AM

على محمد على بشير
<aعلى محمد على بشير
تاريخ التسجيل: 07-08-2005
مجموع المشاركات: 8648

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    Quote: أحب محسن خالد


    فاضلابى

    الله يهنى سعيد بى سعيده !!!!!!!
                   |Articles |News |مقالات |بيانات

08-03-2006, 03:35 AM

tariq
<atariq
تاريخ التسجيل: 18-05-2002
مجموع المشاركات: 1520

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)


    الحمدالله الوصلنا ،،،،

    Quote: بس عرفتني كيف؟


    اسمع انا ما عندي غير المعرفة دي ،، فما تنجهني ساي ...

    الباقي لى قدام . .
                   |Articles |News |مقالات |بيانات

08-03-2006, 04:50 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: tariq)

    ..



    على محمد على بشير،..

    آمييييين،..

    ----------------
    انطباع عنّك:
    إنت رجل بتحب جنس دعواتك الصالحة دي،
    إن شاء الله ربنا يديك ويزيدك،...






    tariq،...

    أوكي،..
    في انتظار قدّام دي لاحدي آخر محطّة منها،



    ...
                   |Articles |News |مقالات |بيانات

08-03-2006, 05:49 AM

samwal ebrahiem
<asamwal ebrahiem
تاريخ التسجيل: 01-09-2004
مجموع المشاركات: 679

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    محسن خالد .... كاتب رائع
    لي درجة قف تأمل ...
    نحن نحبّك آلدراوي

    سموءل
                   |Articles |News |مقالات |بيانات

08-03-2006, 06:10 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: samwal ebrahiem)

    ..


    samwal ebrahiem،...
    كيفك يا أمير،..
    ويا مرحبا،..

    -------------
    انطباع عنّك:
    زول حلو، وصاحبي
    وعايز تشوف تيموليلت بجدّك


    ..
                   |Articles |News |مقالات |بيانات

08-03-2006, 08:45 AM

fadlabi
<afadlabi
تاريخ التسجيل: 13-12-2004
مجموع المشاركات: 4116

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    محسن خالد
    سيد المحبة دي كلها
    أنا غلبني البقولو يا زول ده شنو ده
    القلوب دي كلها حتقدر عليها كيف
    الله يزيدك
    و يعليك
    و تكتب و تكتب و تكتب و تنحب.
                   |Articles |News |مقالات |بيانات

08-03-2006, 11:02 AM

الفاتح وديدي
<aالفاتح وديدي
تاريخ التسجيل: 11-04-2005
مجموع المشاركات: 614

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    مواصلة لما انقطع من ونستي معاك امبارح داير أضيف:
    أنا عاوز أضيف فوق أنها كانت رقاصة.. كانت بترقص يعني!!
    أضيف شنو ياخ... الكلام كمل والله..
    كنت بحاول لي في مشروع (معلقة) مجهبزة (زي حقت محمد السر ديك)..
    وفي النهاية غايتو.. أهو.. تمخض الجبل فولد (فد سطير):
    أحب محسن..
    في حب يا اخوانا أكتر من كدة؟
    بالمناسبة يا فاضلابي: إنتا برضو بحبك.. بس عيبك الوحيد بيتمثل ـ من وجهة نظري ـ في علاقتك مع الضلالي داك الاسمو (قرمبوز)، غير كدة قطع شك زول حلو..
    ___________
    مع دان براون وكوده الدافينشي يا محسن ضيعت إجازتي هنا في القاهرة، وأنا أتأهب للمغادرة شفرتك وصلتني بس للأسف: جات متأخرة!!
                   |Articles |News |مقالات |بيانات

08-03-2006, 03:50 PM

Ibrahim Algrefwi
<aIbrahim Algrefwi
تاريخ التسجيل: 16-11-2003
مجموع المشاركات: 3102

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    الزول ده ممتاز خلاص.
    أول حاجة ما بختشي من عدم العرفة,
    تاني حاجة ما بقول عارف وهو ما عارف

    والله يا فاضلابي كلامك ده صاح ...
    بعدين الجني مبروك ، التكتحوا ، بني المسيد ده في يومين ، البوست
    ده من امس لليلة انكشحت فيه محاية محبة جارية ذي سيل اربعين ...

    ...
    ...

    محسن :

    أنت عارف -غنيوة الكاشف ديك -أنا بحبك" ، حُبي لك سليم
    ومشروع ، انت تعلمه، ولكنني سامتع ان كتبته لك ثانية ، مثلما ما امتعني في
    بوست الحرب والكلمات .
    أنا ككل هؤلا الوسيمين أحبكيا محسن خالد ،
    ومن ذا لا يحب الحُرية والروايات الجميلة...

    (عدل بواسطة Ibrahim Algrefwi on 08-03-2006, 04:15 PM)

                   |Articles |News |مقالات |بيانات

09-03-2006, 03:38 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: Ibrahim Algrefwi)

    ..


    fadlabi،..
    أيوووة، أتفضل ياخ،..
    البيت محروس وستو تكوس،..


    -------------------------
    انطباع عنّك:
    أسرقو من صاحبي حافظ خير:
    تعال بكتاباتك وتصاويرك


    ...
                   |Articles |News |مقالات |بيانات

09-03-2006, 03:45 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    الفاتح وديدي،..
    شوف لو إنت سافرت لأي بلد ما تنوم،
    دا قانون أنا سارقو من الرحّالة العِظام
    لما ترجع أهلك نوم لود عينك وعلي كيفك،..
    في بلد تاني شوف شوف شوف
    حوم حوم حوم

    --------------------
    انطباع عنّك:
    إنت رجل كتّاب وفنّان
    سيب الود دان براون دا، وخليك في الود الأزرق أب جلحات،..
    عارف؟ سندي وودز مان قالت هو كاتبها المفضّل،
    ودي أشنه حاجة فيها


    ..
                   |Articles |News |مقالات |بيانات

09-03-2006, 03:50 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    Ibrahim Algrefwi،..
    عارف غنية الكاشف، وأنا ذاتي فوق بحبك بحلفبك،..
    وفاكرك تب من تسبير الأرض بالطباشير، خليك في الجوار أكتر
    وسمّعنا نهنهة قلمك في الغنية، وصوتك في الصخر


    ----------------------
    انطباع عنّك:
    ما عندك شغلة بأي حاجة ما سمحة


    ..
                   |Articles |News |مقالات |بيانات

10-03-2006, 04:59 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    لا ..
    لأنو زول غياظ ..
    ويخليك تتعرى قدام نفسك ..
    زول فضيحة .. و يجرسك كلامو لامن تتضاير ..
    و صعلوك بمزاج عالي ..
    ولسانو سليط .. و همباتي لغة
    وربّاطي ( عِرفة ) ..
    و شِفت ..
    وصديق الله الما بعرفوهو ناس ( جزاك اللهو خير ) ديك ..
    و متمرد يحسسك إنك مشلول و أهبل و عبيط ..
    وإنك زول دلدول ساكت و مكنكش في دلاقين وهم ..
    والوحيد اليخليك تحسدو ( قبُلنا وحّدنا ) ..
    وفوق ده وداك ..
    بيخلي حب الحياة ( يتاورك ) تاني ..
    وتتاورك معاهو حاجااااااااااااات ..


    ( بعشر ما شايف شغلو )
    .. أها .. زول زي ده .. يحبو لي شنو ؟؟؟
                   |Articles |News |مقالات |بيانات

11-03-2006, 04:49 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: أحب محسن خالد (Re: Emad Abdulla)

    محبة الناس نعمة كبيره خلاس


    انطباعي عن المذكور اعلاه
    __________
    لا استطيع ان اقول اني افهمه .. لكن حدسي يخبرني
    انو بني ادم عادي يأكل الطعام و يتغوطه .. لكنو ( فنان )
    وفنان دي اقيفو لي فيها شوية ..
    الفنان ده لازم يكون حريف في كل شي
    مع روحو دي .. حريف
    مع الناس .. حريف
    في حبو .. حريف
    في كضبو و صدقو .. حريف
    في مباصرة الدنيا .. حريف
    وفي ملاحظتو لي الالف الناقصة في كلمة (اقيفوا ) الفوق دي .. حريف
    و في شتارتو في الغنا اريتو يكون حريف !!




    شفتوا الحرفنة في رفع البوستات دي كيف !! ( وجه يغمز وسافي في آن )
                   |Articles |News |مقالات |بيانات

11-03-2006, 06:57 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: خدر)

    ..
    Emad Abdulla،..
    أممم، يضحك نهارك يا عفريت
    ولك تحياتي أوفاها وأكملها،..


    -------------------
    انطباع عنَّك:
    إنت قلم حريف، وبمزااااج


    ..
                   |Articles |News |مقالات |بيانات

11-03-2006, 07:02 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    خدر،..
    غايتو شتارتي في الغناء دي أصلو ما ناكرها،..
    لكن...
    متذوق فقري، مع إنو صوتي إذاعي والمسجلين في الأستديو بتاعنا هنا مبسوطين منو خالص،
    لكن يجيرك الله الإيقاع تعبان تعب الموت، إلا نقرأ بيهو شعر وبس
    أصحابي البعزوفوا ويغنوا مما يبدوا ترم ترم بحمّروا لي طوالي
    بما يفيد: انطم، أطرب، أتلولح، أرقص، بس قدومك ما تفتحو عشان تشيل وألا تخفف دمك،..
    لو كنت بعرف أنزل ملفات صوت
    كان سمّعتك قراية الشعر الما خمج
    أمس الليل كلو بسمع فيك وفي "رشا" الغناية،
    والله إنتو غنايين خلاص
    الله يغطيكم


    ...
                   |Articles |News |مقالات |بيانات

11-03-2006, 04:55 PM

fadlabi
<afadlabi
تاريخ التسجيل: 13-12-2004
مجموع المشاركات: 4116

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    تاني
    أحب محسن خالد
                   |Articles |News |مقالات |بيانات

12-03-2006, 01:17 AM

حمد فتح الرحمن
<aحمد فتح الرحمن
تاريخ التسجيل: 01-06-2005
مجموع المشاركات: 1996

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    Quote: تاني
    أحب محسن خالد


    احبكم انتو الاتنين




    احب اي زول حلو

    دمتم جميعا رايقين و مرتاحين
                   |Articles |News |مقالات |بيانات

12-03-2006, 04:42 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: حمد فتح الرحمن)

    ..


    fadlabi

    ونحن كمان، أنا وسندي بنحبك
    شفت كيف؟ وكتين ما سمعت كلام حافظ وجيتنا بكتاباتك وتصاويرك، قلنا نجيك بجكسينا،..




    حمد فتح الرحمن،..
    تحياتي يا زول حلو،
    وكن بخير




    --------------
    انطباع سماعي:
    حكى عنّك خالد عويس جميلاً ورؤوماً
    ومتابع ذكرياتكم بهناك، إنت خالد دا برطن تمام وألا مستهبلني ساي؟



    ...
                   |Articles |News |مقالات |بيانات

12-03-2006, 05:37 AM

محمد السر

تاريخ التسجيل: 16-01-2005
مجموع المشاركات: 0

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    Quote: عندنا جِدَّنا اسمو ود الأحمير،..
    الزول دا ختري خلاص في المضاربَة والصَرِف وعكازي وعُكازك،..
    النوع الكان حجزوهو من خصيمو، بسل خوستو وبجرّح جسمو داك،
    يا زول أنا عندي صاحب فوقو عرق جعليين إحتمال كبير يكون مارق في ود الأحيمر دا..
    لمن يغلط عليهو زول لازم يديهو كف.. عرفنا فوقو العادة دي بقى أول ما يتناقش ليهو مع زول وتجي ساعة الكف طوالي نشيلوا من قدام زولو ونخارج الزول، نقفل عليهو الأوضة وننوموا وسط إتنين يكتفوهوا بي يدينهم وكرعينهم، الليل كلو يبكي ويحمينا النوم، لما نصحى الصباح ونسب ليه يقول "كان خليتوني كفتو ما كان أخير ليكم من النياصة طول الليل؟"، يفضل باقي يومو مكوفر.. لا ياكل لا يشرب ونهاية اليوم يجيب موس ويقعد يفصِّد جسمو، حتين يرتاح ويبقى زول عادي. في الأول أنا كنت بتضايق من الحاجة دي لكن لي قدام بقيت أتعامل معاها عادي زيها وزي عاشوراء والبطان.
    يضحك نهاركم
                   |Articles |News |مقالات |بيانات

12-03-2006, 08:42 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محمد السر)

    ..
    محمد السر،..
    زولك دا يا ود السر، ياهو ود الأحمير ذاتو،
    مش شوية عِرِق،..
    بس أرجعك لنظريتنا الأولى،
    زولك دا في نفس الوكت بكوّن مقطّع الحنان والكرم، صاح وألا لا؟

    ...
                   |Articles |News |مقالات |بيانات

12-03-2006, 10:26 AM

الوليد محمد الامين
<aالوليد محمد الامين
تاريخ التسجيل: 10-04-2003
مجموع المشاركات: 1447

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    يا فاضلابي ,
    أنا جيت متأخر ,
    لكن برضو أحب محسن خالد ...
                   |Articles |News |مقالات |بيانات

12-03-2006, 02:41 PM

معتصم الطاهر
<aمعتصم الطاهر
تاريخ التسجيل: 26-11-2004
مجموع المشاركات: 4280

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    لأنى البعرفك ،،
    وبرضك حبيبى ..
    زول زى مدينة
    فاضلة وحنينة
    مشارع خصيبة
    وشوارع أمينة
    مراقد رحيبة
    كحضن الحبيبة
    صهيلها وأنينــا

    لأنك حبيبى ..
    ولأنّك مدينة ..
                   |Articles |News |مقالات |بيانات

13-03-2006, 02:08 AM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    فاضلابي
    إذيك يالاخو

    صديق أحمد ياخينا عندو غنية بتشبه كتابتك وحبك لمحسن خالدبقول فيها
    (أجمل منو في الكون كلو ماشفنا) ياسلام غنا جد .
    بعدين تعال ياخينا مالك غاتس أنت ذاتك (آي ده العرس ده العرس ولا الحاصل شنو؟ )

    محسن ياخالد
    يازول ياعجيب

    ........................
    إنطباع عنك (حلوة دي )

    كاتب مميز تجبر (البني آدم للوقوف ثم الجلوس حسب مزاج حرفك رهاني عليك سعيد
    ياصاحبي .
                   |Articles |News |مقالات |بيانات

13-03-2006, 02:11 AM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    فاضلابي
    إذيك يالاخو

    صديق أحمد ياخينا عندو غنية بتشبه كتابتك وحبك لمحسن خالدبقول فيها
    (أجمل منو في الكون كلو ماشفنا) ياسلام غنا جد .
    بعدين تعال ياخينا مالك غاتس أنت ذاتك (آي ده العرس ده العرس ولا الحاصل شنو؟ )

    محسن ياخالد
    يازول ياعجيب

    ........................
    إنطباع عنك (حلوة دي )

    كاتب مميز تجبر (البني آدم للوقوف ثم الجلوس حسب مزاج حرفك رهاني عليك سعيد
    ياصاحبي .
                   |Articles |News |مقالات |بيانات

13-03-2006, 07:06 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: خضر حسين خليل)

    ..

    الوليد محمد الأمين،..
    إنت لو ما جيت كلو كلو، عارفنو قلبك معانا،


    ----------------
    انطباع عنَّك،..
    رجل فنّان ورايق وبنبادلك المحبة

    ..
                   |Articles |News |مقالات |بيانات

13-03-2006, 07:08 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    معتصم الطاهر،..
    دا كلام مِ التخين أوي،..

    -------------------------
    انطباع عوير وسخيف عنَّك:
    إنت راجل عجوز ساي


    ...
                   |Articles |News |مقالات |بيانات

13-03-2006, 07:12 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    خضر حسين خليل،..
    وبرضو عندو
    حبّك لي عقيدة ومبدأ
    وريدك طريق أنا منو لازم أبدأ




    --------------
    انطباع عنَّك:
    يشهد ربي بريدك، بصاحبنا بديع ومن غيرو،..
    طيّب، بتذكّر زمان لامن داير تُشكِّل "بوستاً" إنت صاحب البدعة الحسنة دي، وألا أنا غلطان؟
    أها الحلوة دي ذاتها، تاني أكتبها بدون همزة، في سيرة هزات فوق أظنّك ما شفتها
    (انطباع)، شفتَ الحسنة في محسن بعشر أمثالها كيف؟


    ...
                   |Articles |News |مقالات |بيانات

13-03-2006, 07:10 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    جينا نسجل في لائحة المحبة ولو من باب القرب من (تيموليلت)
                   |Articles |News |مقالات |بيانات

14-03-2006, 04:51 AM

الوليد محمد الامين
<aالوليد محمد الامين
تاريخ التسجيل: 10-04-2003
مجموع المشاركات: 1447

للتواصل معنا

FaceBook
تويتر Twitter
YouTube


Re: أحب محسن خالد (Re: طارق جبريل)

    عالياً لوجه المحبة
    -محسن أظنك لخبطت شويه في الانطباعات الأخيرة , وتقبل تحيات عبد البديع -

    انطباع عنك :
    المحبة عندك صنو العذوبة .
                   |Articles |News |مقالات |بيانات

14-03-2006, 01:42 PM

مهيرة
<aمهيرة
تاريخ التسجيل: 28-04-2002
مجموع المشاركات: 463

للتواصل معنا

FaceBook
تويتر Twitter
YouTube


Re: أحب محسن خالد (Re: الوليد محمد الامين)



    ياسر قال ليك:

    كرب يامحسن عندى اتنين، وامى قالت ليك جيد ليى).

    تحية وتعظيم سلام( مشاغب) لشباب السودان وللأديب الواعد محسن خالد.

    الاخ الفاضل الفاضلابى:

    سامحنا على الهجوم العائلى فى بوست المحبة دة

    تحياتى

                   |Articles |News |مقالات |بيانات

14-03-2006, 05:26 PM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: أحب محسن خالد (Re: مهيرة)

    زي ما قال الكتبوا
    شن عاجبكم في البشبه الهنود السيرلانكا
    اب لســــــانا فالت ..
    الشين المدقدق
    مافيه حاجه سمحه غير اسمو...
    محسن،،، وقال ماعندو قروش
    خالد،، وما عندو سيره غير الموت
    زول زي ده بتحبو فيه شنو ؟؟؟؟
    هكذادرشني الحاقدالموتور،
    عدو الفن والنجاح والفرح ،
    شامت قرض مصاص العرديب
    وهذا الاسم ناله عن استحقاق لانه كل مايسمع عن سوداني ناجح يصدر صوتا كمن يمص عرديب ودايما شامت في خلق الله وقرضه مر في كل شى من تشوفوتحس بي مرارة في حلقك...
    وطبعا انا سكت وفكرت وفكرت.. وقلت له بعد اصدرت صوت مص العرديب
    ومنو القاليك انا بحب محسن خـــــــالد؟؟؟؟؟؟؟؟
                   |Articles |News |مقالات |بيانات

15-03-2006, 02:25 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محمد سنى دفع الله)

    ..


    الوليد محمد الامين،..
    أها أقول ليكم خرفان، تقولوا لا "كتَّاب" وبنحبك،..
    علي كيفكم،
    ما بعرف والله ديل خلطهن مالي، إنت وخضر أعفو لي،..
    كلام عبد البديع ليك،..
    وكلام الزول الفنّان والحلو لخضر،..
    ما داير أقول ليك غلطت في الكوبي والبيست
    تقوم تمشي تسك التواريخ وتطلعني خرفان أكتر من زمان،..

    ...
                   |Articles |News |مقالات |بيانات

15-03-2006, 02:31 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..

    مهيرة،..
    حالي دا كنت ناوي أكاويك، وأقول ليك شردتي بدربك؟
    حلوة الصورة دي ومشكورة عليها،..
    أها دي البجراوية وألا بكاناً تاني؟
    أوكي يا بت الجعلي، يلا أتشدعي، باقي الكلام و"الشيلة" كلو علي المسينجر،.
    بعدين السودانيين ديل إنت عارفاهم قوالييين
    قالوا لي شوف العروس ولا بدورلو سفر ولا طيّارة، جنبببك في "دبي" دي،..
    شنو ليك؟ ما قَوَّالين؟
    يضحك نهارك


    ...
                   |Articles |News |مقالات |بيانات

15-03-2006, 02:34 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    ..


    محمد السنى دفع الله،..
    الرجل العذب،..
    والله صَدَقت
    فَلْسان وزهجان وفَلْتان وضارباهو طنقعة، ومرحوم بعد حين،..
    عجبتني حكاية العرديب دي، حلوة بزّاف
    والله يا ود السني أنا بريدك من قلبي، وكلّمتك قبل كدا عن حكّيرتك دي
    إنها في قلوبنا، قبل تلفزيوناتنا..
    وقريب ود العين، بقع في ود العين

    --------------
    انطباع عنَّك:
    إنت مدرسة سمحة خلاص، وكبيرة جد



    ...
                   |Articles |News |مقالات |بيانات

16-03-2006, 00:16 AM

محمد سنى دفع الله
<aمحمد سنى دفع الله
تاريخ التسجيل: 10-12-2005
مجموع المشاركات: 10947

للتواصل معنا

FaceBook
تويتر Twitter
YouTube


Re: أحب محسن خالد (Re: محسن خالد)

    نتابع حكاية
    قرضة مصاص العرديب
    اها بعد ماقلت ليه كده حسيت بالارتياح سرى في جسده ومد رجليه وشبك اياديه خلف رأسه
    وقال...في راجل بقول انا بحب فلان..أحب محسن خالد !
    وسبقتو بالكلام الشين ديل ما كلهم ......
    فرح فرح شديدونظر الى ليس مليا الزي ديل ماعندهم ملياوقال هوذاتو مابعرف اكتب
    ماعارف ليه اذكرت كلام للدكتور العلامة العبقري (عبدالله الطيب ))
    قال : القبائل العربية التي دخلت السودان 11 قبيلة فيهم 9 قبائل مشهورة بالحــــســد
    ورفع رأسه ونظر لي بعد ان مص العرديبة الاخيرة والقبيلتين ،،وقبل ان يكمل
    وقفت وتحركت نحو الباب وقلت ليه
    برضو حاسدين وفيهم من ارازل القوم مما يستحي ابليس يمشي معاهم
    ببوظو سمعتو طيب ايه رايك
    انــــــــا بــحــــــــــــــــــــــــــب محســــــن خالــــــــــــــــــــد
    ....... ....... ......ملحوظة
    عليك الله شكرني انا بريد الشكر وانا حي بعدين سيرة البحر دي خليها دعواتنا ليك صباح ومســـاء
    بي طول بحرك..........
                   |Articles |News |مقالات |بيانات

17-03-2006, 07:12 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: محمد سنى دفع الله)

    ..


    محمد السني دفع الله،..
    أو أو أو
    ياخي مالك إنت داير تدخّلني في دوخة؟
    ما عرفت أكتب ليك شنو!
    أنا يا سيدي بحب محمد السني دفع الله
    وبس،..
    والعرديب نخليهو لحلوق العرديب،..

    وما داير أجيب سيرة البحر،..
    أو زي ما قال عاطف خيري الشفت
    حنتقابل حقيقة بقولها ما بحلم
    غصباً عن عيون الهم
    وعن كل الجايي والمبهم

    بحبّك يا زول، بزّاف بزّاف


    ..
                   |Articles |News |مقالات |بيانات

18-03-2006, 08:22 PM

Mohamed Omar Salem
<aMohamed Omar Salem
تاريخ التسجيل: 06-10-2005
مجموع المشاركات: 247

للتواصل معنا

FaceBook
تويتر Twitter
YouTube


Re: أحب محسن خالد (Re: fadlabi)

    الأستاذ محسن مبدع, يجيد اللغه العربيه و الدارجه السودانيه, و عندما اتنزه في افكاره اقول ْ( لوما أن فوق كل ذئ علم عليم, لقلت: أنت قمة الإبداع ).

    أرحموا مبدعيناإنهم املنا المفقود
                   |Articles |News |مقالات |بيانات

28-03-2006, 02:13 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4895

للتواصل معنا

FaceBook
تويتر Twitter
YouTube


Re: أحب محسن خالد (Re: Mohamed Omar Salem)

    ..


    Nasruddin Al Basheer،..
    تحياتي يا رجل،..
    أولاً بالتبادي، كتابتك دي ذاتها سمحة ونضيفة ومدنكلة،..
    وأهم شيء إنها "ذكية"،..
    ود أشيقر دا زول نصيح حكمة، ونحن متفقين

    -----------------------------
    انطباع عنَّك:
    عارف؟ خايف الناس يضحكوا علي لكن برضك كنت متخيلك إزيرق زيي،
    أظن تكون فكرتي عن الكُتَّاب إنهم زُرُق، ما في مشكلة، ولا خوف..
    بس بعد قابلتك يوم السمحة تماضر فاجأتني، إنت زول فنّان وراقي



    Mohamed Omar Salem،..

    شكراً يا إنسان وأمير،..
    والحب لك، مَدَّ السهلة والعافية

    ------------------------------
    انطباع عنّك:
    أولاً أشكر لك هذه الترقية الصباحية،..
    وتانياً إنت إنسان مسكون بحاجات جميلة وبتتمنى ليها دوام العافية
    كن بخير/ وما أجملك


    ...
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de