هي الحرب إذن؟ فخذوا..................

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-08-2018, 08:09 AM الصفحة الرئيسية

مكتبة الاديب محسن خالد(محسن خالد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-07-2005, 11:26 AM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: خدر)

                   |Articles |News |مقالات |بيانات

25-07-2005, 11:54 AM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: خدر)

    Quote: لو بتذكّر شُلَّة (كمال طماطم) و(نصر الدين الصول) و(أحمد الأبوابي).... وغيرهم،


    والله يا محسن سكتني عديل

    هؤلاء من اجمل ابناء ادم كلهم جميلون وطيبون طلاب جامعة الجزيرة

    كمال طماطم وود الصول والابوابي واحمد جلال وبابكر فيصل وابو حليمة وعصمت الدسيس وقريب الله محمد الحسن ورمضان تيتو ويونس وعبد الناصر وناصر وعبد العظيم وسامي ناصر والعبوب والدهنون عدنان هواري وياسر فتحي والدياشي وصالح السليمي وناس موسى ومحمد بله وعمر شيخون وعمار وعماد وزكية الزكية وسعاد وخالتو الشول وحاجة عاشة وعمي عوض بياع الصعوط والاندلس و- اللكود - وموقف التاكسي وود كنان استدعي الذكريات وسوف تنتصر في حربك يا محسن ولا تنسى عمر اجتماعيات التنمية والتخلف وبلوك 1.2.3.4.5.6.7
                   |Articles |News |مقالات |بيانات

25-07-2005, 12:30 PM

اشرف السر
<aاشرف السر
تاريخ التسجيل: 06-12-2003
مجموع المشاركات: 1562

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محمد حسن العمدة)

    Quote: : لو بتذكّر شُلَّة (كمال طماطم) و(نصر الدين الصول) و(أحمد الأبوابي).... وغيرهم،



    والله يا محسن سكتني عديل

    هؤلاء من اجمل ابناء ادم كلهم جميلون وطيبون طلاب جامعة الجزيرة

    كمال طماطم وود الصول والابوابي واحمد جلال وبابكر فيصل وابو حليمة وعصمت الدسيس وقريب الله محمد الحسن ورمضان تيتو ويونس وعبد الناصر وناصر وعبد العظيم وسامي ناصر والعبوب والدهنون عدنان هواري وياسر فتحي والدياشي وصالح السليمي وناس موسى ومحمد بله وعمر شيخون وعمار وعماد وزكية الزكية وسعاد وخالتو الشول وحاجة عاشة وعمي عوض بياع الصعوط والاندلس و- اللكود - وموقف التاكسي وود كنان استدعي الذكريات وسوف تنتصر في حربك يا محسن ولا تنسى عمر اجتماعيات التنمية والتخلف وبلوك 1.2.3.4.5.6.7


    محمد حسن العمدة
    لقد ابكيتني حد الجرسه

    جميلون وطيبون في صلابة


    وكافتريا تكنو، السوق الشعبي، اولاد الورنيش،، كل الخالات بدون فرز،،عم على سواق البص،،و ود الجاك،، فريني الجيلي صرح،،
    لماذا لا يكون لطلاب الجزيرة بوست خاصا بهم!!؟؟
                   |Articles |News |مقالات |بيانات

25-07-2005, 12:55 PM

اشرف السر
<aاشرف السر
تاريخ التسجيل: 06-12-2003
مجموع المشاركات: 1562

للتواصل معنا

FaceBook
تويتر Twitter
YouTube


"جرح الفنان كجرح الأشجار للصمغ لا للنزيف والموت" (Re: اشرف السر)

    محسن خالد..
    رقم صعب لا يجهله الا الجاهلون وان تدثروا بما يتدثر به المدعون..
    وهاهي صحيفة الخليج تكتب عنه
    "الحياة السرية للأشياء
    "جرح الفنان كجرح الأشجار للصمغ لا للنزيف والموت"

    هذه واحدة من الخلاصات التي ينتهي إليها أحد أبطال رواية “الحياة السرية للأشياء” للروائي السوداني محسن خالد التي يفاجئنا بها وبما تنطوي عليه من اشتغال فني راق، سواء على صعيد اللغة أو على مستوى السرد وبناء الشخصيات والحدث والحوارات.

    رواية محسن خالد التي يذهب بها إلى أمريكا فيستحضر تجربة فرقة فنية (موسيقية غنائية تدعى أطلنتس) أمريكية ومجموعة أفرادها من خلال علاقة كل منهم بالآخرين، وعلاقتهم جميعا بالعالم من حولهم، ثم علاقتهم بالفن الذي يمارسون، وما يترتب عليه من عذابات وآلام.

    يتناول الكاتب حيوات أفراد الفرقة وعلاقاتهم خلال الحرب الأمريكية على فيتنام، حيث يخدم المجند فوكنر صديق الفرقة، وتجري الكثير من الحوارات حول هذه الحرب حيث تبدو مدانة من الجميع.

    الأهم هو هذه الحوارات العبثية ذات الطابع الوجودي التي تشير إلى أفكار عميقة وتأملات جدية في الحياة والموت، وطبيعة دور الفن في نفي الموت وتعميق الحياة. الفنانون الزاهدون في الحياة يعشقونها حد الموت، ويزدرون هذا الموت حد الذهاب في الحياة إلى آخرها.

    رواية جريئة ومعمقة وذات رؤية مختلفة، وهي تؤشر على موهبة كبيرة، ومحسن صاحب ثلاث روايات ومجموعة قصصية، وكانت مجموعته القصصية “كلب السجان” قد أثارت إعجاب من قرأوها منذ عام، وهي مجموعة تستحق الإشادة لما تتناوله بجرأة من شخوص وأفكار وتأملات.

    ويبقى السؤال حول ذهاب الروائي الشاب (مواليد 1973) إلى فرقة أمريكية ليعالج همومها وأفكار أفرادها، وقراءة أحوال المجتمع الأمريكي من خلالها؟ هل عاش الكاتب تجربة هذه الفرقة وعذاباتها؟ أم هي تجربة ثقافية فكرية بحتة؟

    وهل أراد فضح المجتمع الأمريكي وانفضاضه عن الفن؟

    أسئلة لا داعي للإجابة عنها، فنحن أمام عمل فني جميل نوجه له التحية وحسب، وننتظر من مؤلفه المزيد.



    عمر شبانة
                   |Articles |News |مقالات |بيانات

26-07-2005, 06:34 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: "جرح الفنان كجرح الأشجار للصمغ لا للنزيف والموت" (Re: اشرف السر)

    محمد السر،...
    تحياتي،..

    معقول السطر الكبير والأمامي دا كلو ما شفتو؟ لو ما ود السر صاحبي، أقول قاصد حاجة،..
    بعدين شكلك دارش كتابتي كويس، أهو بملاحظتك دي، إنت وريتني إنو الناس فهمت كلامي في قسيس الطبيعة تمام، أما حكاية تانية بالفعل،..

    أبقه عافية، وضلك دائماً خليهو في العتمة منكرب،..




    خدر،..
    الفنَّان، وأهم مُخرِج بصري في هذا المكان،..
    إنت زول مجنون يا طارق،...
    كتابة وموسيقى وغناء، وأهم مخرج بصري هنا،..
    إنت مسخوط كبير،..



    أهي دي بالضبط حربنا ضد الحرب، واستمر يا صديق.....


    محمد حسن العمدة،..
    تحياتي يا زول،..
    بالناس دي كلها، كأنَّك بتقول لي إنو محسن خالد هو الما متذكرك،..
    أنا متذكر طشاش زول اسمو العمدة، ما عارف إذا هو إنت وألا لا؟؟
    بعدين أهم بيوت كانوا بمشوها الطلبة كانت 5 بيوت، بيت أخوي الكبير (الصادق) كان واحد من البيوت دي،..
    بيت عثمان العبوب، وبيت سموأل الشريف وبيت حافظ عركش، وبيت عم أشرف السر،..
    يعني مادام عارف الناس دي كلها بكون طالبك كسرة قطع شك،...

    يا زول بيناتنا الكسرة والمحبة والزمالة،..


    أشرف السر،...
    تحياتي يا حبيب،..

    وشكراً علي محبتك، ياخي ما تشوفلينا موسى حسن وين، موسى (الشين)..
                   |Articles |News |مقالات |بيانات

26-07-2005, 07:15 AM

شبشة

تاريخ التسجيل: 10-06-2004
مجموع المشاركات: 0

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    محسن
    تذكر قول حميد:
    أحبك تحاصر العساكر غناى
    يهرب غناى للسهارى القمر..
    تحياتى ولاقدام
    شبشة
                   |Articles |News |مقالات |بيانات

26-07-2005, 07:51 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: شبشة)

    شبشة،...
    تحية وحب،..
    حبابك يا عزيز.... وحباب حميد السمح أب كلاماً سمح،..

    يسلم الشعر، تسلم الكتابة،...

    الكلمات حربنا ضد الحرب،..
                   |Articles |News |مقالات |بيانات

26-07-2005, 08:21 AM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    سلام يا محسن

    بين محنة و محنة
    بين لقمة عيش و جرى وراءها
    بين لحيظات ابتهاج و سهر لحمايتها من التتار

    بين حنين صار باهت لاشياء و ناس يبتعدون كلما مضى العمر

    اتسول هنا بين الحين و الاخر بعض ما ضاع فى الطريق بين و بين

    قال لى صديقي ـ ناظم اخر ـ الحلم شاخ والاصدقاء رحلوا
    قالها و هو يمسح دمعة سالت من القلب

    بوب ديلان احد الهتى انا و صاحبى شقرور (النسمة) وكلى يقين ان "شديد قوى" اقعده عن الالتحاق بفيلقك

    اقول لك باسمى و شقرور اقبلنا اصدقاء
    لو كان شقرور حاضرا لغنى لك

    يا قمر انا ما بطولك

    و تنا ب:
    نضر الله وجه ذاك الساقى

    او

    طلعت يا محلا نورها
    او بهدوءه الحاضر جعلك تغيب مع دومتيلا وهى تغنى بوب ديلان

    شكرا لصاحبى الاخر سيف الذى اهدانى تيموليت كاملة، يا للغواية...

    هنا بعض ما قاله نيرودا حول اسئلة الدنيا


    Quote: وكم يعيش

    وكم يعيشُ الانسان، على أيّة حال؟



    هل يعيشُ ألفَ يوم، أم واحداً فقط؟



    أُسبوعاً، أم عدّة قرون؟



    وكم من الوقت

    يستغرقُ في احتضاره الانسان؟



    ماذا يعني أن نقول "الى الأبد"؟



    بينما كنتُ تائهاً في هذه الهموم

    جهّزت نفسي لأوضّح الأشياء.



    فتّشتُ عن كهنةٍ عارفين.

    انتظرت أن ينتهوا من تأدية طقوسهم،

    راقبتهم عندما ذهبوا الى شؤونهم

    ليزوروا الله والشيطان.



    تعبوا من اسئلتي.

    كانوا، من جانبهم لا يعرفون سوى القليل.

    فهم لم يكونوا أكثر من موظفين.



    استقبلني رجالُ الطبّ

    ما بين الاستشارات،

    وفي كلّ يدٍ مبضَع، مُضَّمخين

    بالأوريوميسين، وأكثر انهماكا

    في كل يوم.

    وبقدر ما استطعتُ أن أفهم كلامهم،

    كانت المشكلة كما يلي:

    لم يكن الأمر متعلّقاً بموت ميكروب

    في حدّ ذاته- كانت هذه تموتُ

    بالأطنان- لكن القلّة

    التي كانت تنجحُ في البقاء

    كانت تبدو عليها علاماتُ الفساد.






    تركوني حائرا الى درجة

    أن التمستُ حفّاري القبور.

    ذهبتُ الى الأنهار

    حيث يحرقون جُثثاً مصبوغةً ضخمة،

    أبداناً هزيلةً ضئيلة،

    أباطرة تُحيطُ بهم هالةٌ

    من اللعنات المرعبة،

    نساء أخمدت موجةُ الكوليرا

    أنفاسَهُنّ بضربة.

    كانت هناك سواحلُ كاملة من الموتى

    والإخصائيين المغمورين بالرماد.



    عندما سنحت لي الفرصة

    طرحتُ عليهم سيلاً من الاسئلة.

    فعرضوا عليّ أن يحرقوني.

    كان هذا كلّ ما يعرفون.



    وفي بلادي أنا، أجابني الموتى

    بين كأسٍ وأخرى من الشراب:

    "إذهب فاحصل لنفسك على امرأة جيّدة.

    واقلعْ عن هذا الهراء".



    لم أرَ قطّ بشراً بهذه السعادة.



    أخذوا يغنّون، رافعين كؤوسهم

    في نخب العافية والموت.

    وكانوا ناكحين كبارا.



    عُدتُ الى بيتي، هرماً أكثر

    بعد أن طوّفتُ في العالم.



    لم أعد أطرحُ أسئلةً على أحد.



    لكن ما أعرفهُ، أقلُّ في كلّ يوم.


    سلام
                   |Articles |News |مقالات |بيانات

26-07-2005, 08:34 AM

اشرف السر
<aاشرف السر
تاريخ التسجيل: 06-12-2003
مجموع المشاركات: 1562

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: esam gabralla)

    Quote: أشرف السر،...
    تحياتي يا حبيب،..

    وشكراً علي محبتك، ياخي ما تشوفلينا موسى حسن وين، موسى (الشين)..


    موسى حسن البشير رحمة،

    محبتنا له تتطاقش كُبَد كُبَد

    وما زال يمارس دورانه الكوني في تفاصيل يومه الصغيرة


    إنه الزول الواقف فينا براني
    ولو تجاوز سدرة منتهاه فينا لاحترقنا جميعا
                   |Articles |News |مقالات |بيانات

26-07-2005, 12:51 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: اشرف السر)

    esam gabralla،...
    تحياتي، وأما إنك رجل راقٍ بصحيح،...
    طبعاً أنا الرقي بتاعي مفروغ منو، وقعادي هنا عشان أنقر الناس الراقيين متلي،..
    إنت رجل راقي، لأنك بتسمع غناء رؤيا وفلسفة وعمق،...
    الناس اعتادوا يقولوا مصطفى سيد أحمد بيشبه بوب مارلي، بس بوب مارلي رجل مؤثِّر صحيح ومصحي موسيقى بالجد لكنه يظل رجلاً ضحلاً وسطحياً،...
    (بوب ديلان) أهم مغني وشاعر غنائي مؤلِّف أنتجته الدنيا، هذا فيلسوف مغني يا رجل،..
    إذن أنت رجل راقي زي صاحبك محسن خالد،..
    وأهو قسمنا معانا للأحبة من الرقي بتاعنا، أنا جبت نصين، وإنت واحد،..

    تظل المحبة الراقية والعميقة مثل غناء بوب ديلان، الرجل الذي ترعرع على قصائد جماعة البتنكس، هسي الناس دي لو جبناليها قصيدة (عواء) للشاعر (ألن غينسبرغ)، يقولوا شنو؟..




    أشرف السر،...
    يا ليت لو عندك روايتو (طربوش الناقة) ترميها علي الإيميل بتاعي، وأكون برضو بحبك زي ما أصلاً بحبك، لا يزيد شيء لا ينقص شيء،..
    صاحبك محسن خالد،...
                   |Articles |News |مقالات |بيانات

27-07-2005, 06:24 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    ..




    (تسبير الأرض بالطباشير)





    في يوم ما، الشمس فيه تكون قرييييبة، تمدلها إيدك، وتنفضها -"حَيْ"، تَشَّتني،..
    أحلى القلم جيفارا،..
    وأثوَر جيفارا القلم،..




    هسي الليل دا بتقرطع كدا ساي يا كاظم؟
    قصدك شنو يا مان؟
    لا.. بس ما محتاج إسبرين نبلعو معاهو؟
    ونضحك ويخجنا الضحك، زي مشينا.. وزي الأنا خجّيت العبّار جُوّه جردل المريسة،..


    أقوليك، الساعة كم؟

    الساعة تندمس في مكانك دا! ونص.. تمام مواعيد الطوارئ... وخيل السواري،... يا زول النوم رحمة،..


    عارفو رحمة، لكن هو ذاتو النوم بكم كأس؟


    حزين حزين، يا صديقي حزين، لدرجة تقوم تشتِّر حزنك بالشراب من المغارب للصباح.. والسَكَر يجَلِّي رأسك،..

    ونبدأ نكضب علي الروح بالخيال، الدنيا الوهم دي تتلاصف من فَرَق القزاز،...
    ياخي المحشي دا خليهو يقاصد البيرة الباااردة دي،... وتضحكوا،..

    يجاريني كاظم، في درب حندكة النفيسة بالغادي منها،...

    إنت عارفني ما بشرب، قول لي دي شية مبوِّخة،..

    ماهو إنت ذاتك ما صاحبي، إنت صاحب روحي، وطاهر زيها،..

    أيوة يا صاحب روحي، أنا بضرب نصك في العرقي، ولا تهم، ماهو القعدة كالآتي:
    الشية بالكانون، والعرقي بالجالون،..

    وقاه قاه قاه،..

    وكمان تتخيلوا مشيتكن في الشوارع، وتشوفوا البنات في مشيتن... وبدل طَق طَق.... كعب عالي البنات،...
    تسمعوا الصوت chـررر chـررر، كَبْ الشراب في الضلام،..

    المزيد من الشراب، المزيد من إحالة الذات والواقع نحو العدم الوجودي، هرباً من العدم المعيش، المزيد من الشراب لتثوير الشارع بالسكارى،..

    عسى ولعلَّ يموتون دون ألم أو يُفتح لهم باب القصر،..

    أمَّا أوهامات كضابة يا كاظم!

    يا زول إنت مالك؟

    أنا مالي كيف؟ النوم بقه غالي، والسكر أغلى منو، يعني ملوة الحلم تطلع بكم؟
    ونضحك نص الليل،..

    يا محسن إنت في الحلم بكم، وألا في جارنا "حسن" –بتاع الكارو- العرّس بالدين!..

    وقاه قاه قاه، تتبعّج بطون الضحك الفاضية،...

    وووه، بالجد يا كاظم، ونضحك، ليه الجابرو شنو؟

    أمانة عليك يا محسن دا سؤال، هسي الليل دا إنت وتلاتة حصين بتقطعوهو ساي كدي... بدون ريحة بنية وراكم وألا قدامكم، مش عندك مقطع يا محسن، بقول:
    المرأة ريح المضارب
    وسمعة القبيلة،..

    أسألو أنا، أها ريح المضارب دي بكممممم؟



    ونشيل الكوراك مع بعض،...
    أورررروووووووووووووك... دي غااااالية،..

    أنسَ المضارب والفريق يا صاحبي، خلينا طاشين كدي،...

    طاشين "ملح"، كما يتشافَه ملونو الجزم بالأورنيش،..

    طاشين "مجاناً"، كما كان يُكتب في دفتر التموين أيام الإنجليز،..




    في يوم ما، الشمس فيه تكون قرييييبة، تمدلها إيدك، وتنفضها -"حَيْ"، تَشَّتني،..
    أحلى القلم جيفارا،..
    وأثوَر جيفارا القلم،..



    ..
                   |Articles |News |مقالات |بيانات

27-07-2005, 01:29 PM

سامي صلاح محمد

تاريخ التسجيل: 29-11-2004
مجموع المشاركات: 1734

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    محسن خالد
    الزول السمح
    الفات الكبار و القدرو
    رغم انف من يخنقون الزهور
    و يتضايقون من همس العصاقير الخنون
    فيردونها قتيلة
    رغم انف الهوس و ضيق الرأي و ضعف العقل و أشياء أخرى
    رغم الإنغلاق و الدوغمائية ما زلت تطل علينا
    ما زلت أذكر بشرى الطيب ذات مساء و هو يعلم هوسي بالقراءة
    و استكشاف المجاهل:
    يا سامي و الله اكتشفت ليك كاتب خطير كيف!
    لا تقول لي........و لا .......
    دا أخطر منهم كلهم
    بس هاك اقرا ليهو(الرجل الكلوروفيل)(احداثيات الانسان)
    و منذ ذلك المساء ما زلت اكتشف محسن خالد
    و رغم أنف عاشقي الظلام لا تزال العقول تنير الطريق
                   |Articles |News |مقالات |بيانات

28-07-2005, 04:28 AM

nadus2000
<anadus2000
تاريخ التسجيل: 05-02-2002
مجموع المشاركات: 4756

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: سامي صلاح محمد)

    الجمال لا يحتمله حيزٌ لِيَحِلْ
    ولا يسعه مستمر التمدد
    أو بياض الحَمْل المخصص بالفراغ
    الجمال صفو الجمال في أبهائه
    الجمال ما ينير
    لروح مدىً من الشجر يتنفَّس
    وللخالص من جمال الحق
    فالفراغ إطارُ ما لا حق فيه
    الفراغ لما يَقِلُّ عن حيز معناه
    والصور مجاهل ما تبدَّى
    الصور نحو الحق وكل الإشارة
    لفراغها المتكون اشتهاء

    من نص لمحسن خالد
                   |Articles |News |مقالات |بيانات

28-07-2005, 09:01 AM

عبد الله إبراهيم الطاهر
<aعبد الله إبراهيم الطاهر
تاريخ التسجيل: 19-04-2005
مجموع المشاركات: 616

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    على كيفك ...!!!

    مهداه إلى العزيز الحبيب الرائع ...
    المحسن الخالد .. مع المحبة ...

    عشانك بنتوسد خطاوي الشوق ....
    ونتحكر في محافل الريد ...
    نحاحي مراتع الأيام ...
    ونتصبر على الوجع البقالنا مفازة جوه الجوف ...
    وحاتك بنتاوق على جيتك ...
    ونتسابق على شوقك ...
    ونتحانن فشان حنك ...
    يا زين النُجاض في الشوف ...
    على كيفك تراجعنا ونصد من تاني ... نتسابق ...
    علي صوتك ...
    تكاويهم ...
    تحاويهم ...
    ونتجادل ...
    ويتكاتل بغاث الطير ... على قولك ...
    علي قولك ... الحرابة تقوم ... ونتشاوق عشان حربك ...
    محال من تاني نتفارق ...
    شارع القيامة يقوم ...
    نصير حزن الغلابة يحوم ...
    ونتعاود ...
    تقية الحيران ... عشان صلف الوليدات البتتشاكل ...
    ونتونس سكك الليالي تفوت ...
    وتتواعد ... مع زمن الكتابة ... تفوت مراحل شمعة الأشواق ...
    ونتسالم ...
    تكاويهم ...
    تحاويهم ...
    وتتباعد على قولك سكك الفهم والشوق ...
    على كيفك ....
                   |Articles |News |مقالات |بيانات

29-07-2005, 07:48 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: عبد الله إبراهيم الطاهر)

    Siham Elmugammar،...

    تحياتنا، لك، ولإعلانك، وللباسلة تماضر،..


    سامي صلاح محمد،...

    المحبَّة يا رجل، والسلام بيننا،..
    أريتك طيب، وتحياتنا لبشرى الطيب،..
    هي الكلمة، وليس بمستطاع أحد أن يصدها عن الناس،..
    الكلمة أنفذ من الرصاصة وأمضى من كل (حَد) سنين،..

    الكلمة تسنّها وتشحذها كل ريح تحاول أن تضيّق عليها الطرقات،..

    التحية لك ومودتي،..
    ومرحباً بك،..


    nadus2000،..

    لأنت الأمين على برَد الكلام،..

    محبتنا وراك وقدامك،..




    عبد الله إبراهيم الطاهر،...
    شكراً يا عبد الله (المتهم) بصداقتك لي،..
    نحن نمنحكم الخطرفات والكلام المشاتر، وأنتم تكرموننا بالشعر،..
    الشكر المُحِب لك، ولكاظم،..

    شكراً يا رجل على هذا الشعر، شكراً من خالص الشعر،..
                   |Articles |News |مقالات |بيانات

29-07-2005, 01:49 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    ...



    تسبير الأرض بالطباشير










    لغتك مجنونة يا كاظم وبتحنن كيف!؟

    هسي تركيبة (شكليش) دي نجرتها كيف؟ أسمع يا كاظم طويل إنت وألا طويل الشعر؟ كدي أقيف علي حيلك وأتعابروا،...


    يضحك: بنطلع قَدَرا قَدَرا،..

    أيووة، طيب ليه بتكتب لي أنا (تتناطى للحرف الشليق)، يعني أنا أقصر من قامة الكلام السمح،..


    يقول هو، يا عوير، إنت محسنك الشايلو جواك دا أظنو ما صاحبك كويس، وإلا كان عرفته إنو محسن خالد الكلام البجي للناس في سُرَّتها دا، ما دايرو، داير كلام شمعدان ومدقوق في السقف، يتناطلوا مناطة، مرات تجيبو، ومرات تنقلب عليك طربيزة الطلوع، بس ما عمرك بتجيب أقلّ من دا،..

    أضحك أنا، غايتو أكلتني حنك شاعر،..

    أيووة يا مستهبل، أتمسكن، يقول هو،..

    والله يا كاظم إنت أشطن مني، والدليل عدد البنات البريدوك،..

    أبداً يا محسن البريدوك إنت أكتر، لكن إنت متوحش،...

    ياخي أنا طيُّوب، البنات هم المزاجن غريب، بت النشيشيبة ديك، الحلييوة، لو بتذكرها.. تأكلني حنك حبيبة، وإنت تاكلني حنك شاعر، ومحمد شمس الدين يأكلني حنك دجال، هسي أنا في أطيب مني؟

    يقول لي، والله إنت عارف غير تقرأ وتكتب ما شايفلك أي نجاح، ويشيلنا الضحك..


    منذ الطفولة وأنا أُخبئ قطاري في الدولاب،..
    رحيلي الذي من البلاستيك، ألعب به كل يوم،..

    كأنك يا كاظم لعبت معاي بقطار اللعبة دي،..

    يقول: برضك يا قطار شايت في اتجاهين،..
    أُكمل له: محطة تخرتنا من حضن ناس،..
    ومحطة ترمينا في حضن أحباب تانين،..

    يجيبني هو، هذه هي اللعبة، لكي تصبح أنشوطة الحنين المؤلم متدلية من يات ثقب في السماء،..
    ويمشى رأسك مشنوقاً تحت السموات كلها،..

    نقول:
    أو يا قطار تووووت، تقلع جذورك من حضن...

    تنسى ثمارك معلّقاً فوق جذع حبيبات كالشجر،..

    أنت تنام وتذهب، ومن بعدك الحبيبة تُثمر طفلاً،..

    عموماً الطفل يوثّق للرحيل لا للرجل،..








    خلينا يا صاحبي كاظم نَسَبِّر الأرض بالطباشير، قصيدة منك، قصة مني، تنقلب الأرض سبُّورة،...
    أحبك لو تسبِّر الأرض بالطباشير،..

    يضحك هو، والنيل نعمل فيهو شنو؟

    ياخي النيل خليهو إن شاء الله يبقه أستاذ وألا ألفا، منعول أبوهو،..

    ياخي النيل غائب، ما تقطع فيهو، لا تأكل لحم أخيك ميتاً،...






    ...
                   |Articles |News |مقالات |بيانات

29-07-2005, 07:02 PM

عبد المنعم ابراهيم الحاج
<aعبد المنعم ابراهيم الحاج
تاريخ التسجيل: 22-03-2005
مجموع المشاركات: 5691

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    الي محسن خالد تضامنا مع حربنا القادمة



    اقيف سن الرماح
    بديقات الكلام
    غرزن ..
    ويا قلم النشنقا ورط
    وقع بين نار
    وبين شخطة
    ولا بتمسح
    كتابات الزمن
    من فوق جبين الضّو
    ولو طبشيرة
    ارتاحت
    علي حيطان منافع
    المدرسة الوسطي
    احبك يافلانة فلان
    وانـيـ......استاذة
    التاريخ..
    تزوّر والشمس صاحية
    ونحفظ نحنا في السيرة..
    بطولات في بطولات زيف
    نزيف ختوهو في الهامش
    ودين يحصد ملايين زول
    جدير بالّلعنة يامحسن
    منو السبّة الرسول والله؟
    غير دبابة جعرت في بلندة النيل
    وفي أكواخ قري الزاندي ،
    وغير السونكي
    يتشهق صريخ الطفلة في الغابة..


    منعم ابراهيم
                   |Articles |News |مقالات |بيانات

31-07-2005, 01:26 AM

وانجا

تاريخ التسجيل: 01-03-2003
مجموع المشاركات: 0

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    أيغنى الناس أيضاً فى الأيام القاتمة الصعبة؟
    أيضاً فى الأيام القاتمة الصعبة يغنى الناسُ
    ... يغنون عن الأيام القاتمةِ الصعبةْ.

    "بريشت"

    محسن سلام ..
    ولتكن ..

    Quote: الكلمات هي حربنا ضد الحرب،..


    وكن بخير
                   |Articles |News |مقالات |بيانات

31-07-2005, 03:09 AM

محمد حسن العمدة

تاريخ التسجيل: 31-03-2004
مجموع المشاركات: 14078

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: وانجا)

    Quote: أنا متذكر طشاش زول اسمو العمدة، ما عارف إذا هو إنت وألا لا؟؟


    لوووووووووول يا محسن لو باريت لي اسم العمدة ده في الجامعة عمرك ما ح تصل
    في الجامعة كان عندي عدة اسماء احب اسمكان بيطلقو علي اولادنا الانصار ناس اسماعيل ابكر واسامة بدة المرتد وعيسى وهو اسم كابوكي وسبب اطلاق الاسم في يوم من ايام احداث 98 اخوك كان قائد ليهو مجموعة ووصلنا السوق موقف المواصلات وكان ان بدا المواطنيين في التجاوب الا ان قوات الامن والشرطة حاصرت الموقف تماما فكان ان صعدت الى اعلى ( تندة ) باص من باصات الكريبة وكان ان خطبت في المواطنيين المندهشين واشعلت الحماس
    كان يوما تاريخيا لا ينسى

    وعشان اذكرك اكتر انا كنت دائم الجلوس مع الزملاء بجوار ذكية الجميلة ثلاثة اوقات بالجامعة صباحا مع ذكية ونهارا مع سامية بالنشاط وعصرا مع الخالة الشول
    وعشان اكتر كمان انا ولد 16 اقتصاد وكنت وياسر فتحي المتحدثين باسم الطلاب الانصار حزب الامة في الجامعة
    واديك تاني الزول الشاكلوهو الكيزان عشان اعترض على تكفير محمود محمد طه من قبل علي عبد الفتاح واتلمو عليهو الكيزان عاوزين يدقوهو في كافتريا تكنو ومرة في كافتريا استثمار اها يا زول قصرتا معاك ؟؟؟
                   |Articles |News |مقالات |بيانات

31-07-2005, 03:12 AM

gessan
<agessan
تاريخ التسجيل: 05-02-2002
مجموع المشاركات: 746

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    محسن خالد ..
    فوق عديلك ..بي هادا دربك ..
    هِوهيو كِلابُن ما بحمي جملك اللصهب من الخبيب ..
    -----------
    إنتا دحين دي مي الوان ناصر هلبوس؟؟؟ الفوق الغلاف داك؟؟؟؟؟

    دي فاتت علي كان اشاغلو بيها وكت لاقيتو في المغتربين..
    (شوف الدنيا دي كيف..
    تلاقي هلبوس في المغتربين كل زول شايل ورقتو بي يسارو).

    ------
    محسن ..
    ماك براك ..



    مع التحايا
                   |Articles |News |مقالات |بيانات

31-07-2005, 06:22 AM

عبد المنعم ابراهيم الحاج
<aعبد المنعم ابراهيم الحاج
تاريخ التسجيل: 22-03-2005
مجموع المشاركات: 5691

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: gessan)

    Quote: واسامة بدة المرتد


    ود العمدة
    كيف الاحوال
    واعذرني اذا كانت هذه
    المرة الاولي التي اتداخل
    فيها معاك لا لسبب او قطيعة
    ولكن هو حالي وحال البعض معي
    لفت انتباهي اسم اسامة
    بدة المرتد ..هل هو لقب
    لاسامةعلي بدة الذي
    هو قريبي ..ابن خالتي
    ام انه ارتد عن حزب الامة؟
    ام ماذا ..هذا الرؤجل
    لم التقيه لاكثر من عشرة سنوات

    خلت ..وتهمني تفاصيل عنه
    لما اعرفه عنه من ذكاء خارق
    منعم ابراهيم
                   |Articles |News |مقالات |بيانات

04-08-2005, 01:11 PM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: عبد المنعم ابراهيم الحاج)

    عبد المنعم إبراهيم الحاج،...
    شكراً يا زول شاعر وفنان، علي النص،...
    شبعتوني شعر ومؤازرة، فنعم الرفاق والصحب،..

    تحياتي يا حبيب، وإنت زول جميل وكلامك واحة جمال، والمحبة وراك وقدامك،..




    وانجا،...

    وإنتِ كمان كوني بخير،...

    وأجمل غناء بيطلع أيام الحارة،...
    الغناء هو نحن، ونحن عُرضة للشتاء وللصيف وللربيع،..
    مبتدأ المحبة لك ومنتهاها،..
    وأغلى أمانيتك أرجو أن تصبح بين يديك،..




    محمد حسن العمدة،..
    يا عمدة سلام،..
    والله ياخي أنا ضهبت كدا، بصراحة،...
    أنا طبعاً مشيت أكتر منكم في مسألة العمر دي، دقيت عند الشيخوخة وكمان فتها شوية،..

    الذاكرة بقت خاينة كما أقول، وزمنا بقه جاسوس يهرب للحزن خبرنا، كما يقول عاطف خيري،..


    ولأنك ولد، عادي الواحد ممكن يقول ليك ألحقنا بصورة علي بريدنا،

    وتحياتي أوفاها، كان بشورب معك كتير، لكن الحُمى واقفالي فوق رأسي بفأس،..

    خليك عافية، وناولني الصورة فسراعك،..
    ومحبة محبة،..





    قيسان، العريس،...
    أولاً مبروك، وتاني تحايا،..
    وتالتاً ياها ذاته ألوان (هلبوس) في طبعة القاهرة،..

    اللوحة بتاعة كلب السجان، دي ماخودة من لوحة ليهو،..
    الحياة السرية ماخودة من لوحة للفنانة (إيمان عبد الله -جيري)،

    أها تحياتنا للعروسة، وبيت مال وجوطة عوين،..
    خليك طيّب، وتمام

    وأنا بسلم عليك كتير وبرضو ناصر،...


    +++++++++










    العلوم والفنون والآداب هي حيلتنا تجاه تغيير الحياة والإنسان،...

    يبقى المسعى على الدوام، والناس يذهبون،...
                   |Articles |News |مقالات |بيانات

04-08-2005, 01:30 PM

خضر حسين خليل
<aخضر حسين خليل
تاريخ التسجيل: 18-12-2003
مجموع المشاركات: 15087

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    محسن ياخالد
    تري كيف حال أيامك

    حلتنا غرقت في شبر
    حلتنا غرقت من طرف
    بلدنا العلمتنا العوم
    تقوم تغرق هي مابتعرف تعووووم ؟
    ( حميد)
    ذلك ماقد كان من أمر الوطن يامحسن موت الحلم أسوأ مراحل الانسان أنا قد مررت بمثل هذا قديماً . يامحسن فلتكاتب البلاد علك تستطيع أن تحرف هذا الطريق ( الابشبهنا لاأخلاقنا ) أكتب يامحسن فجمرتنا خلاص باقيلها حبة عشان تضوي .

    خضر
                   |Articles |News |مقالات |بيانات

08-08-2005, 11:22 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: خضر حسين خليل)

    خضر حسين خليل،..
    تحياتي يا رجل، وسلامي،...
    ولحميد السلام،..
    الأجمل أنّ الحلم يشبه المحاصيل قصيرة الدورة، سنزرع منه بيدراً كل يوم،..
    سنواصل الزرع يا خضر،..

    نحو بيدر جديد من بيادر الحلم،..

    ومحبتي،...
                   |Articles |News |مقالات |بيانات

16-08-2005, 07:13 AM

Ibrahim Algrefwi
<aIbrahim Algrefwi
تاريخ التسجيل: 16-11-2003
مجموع المشاركات: 3102

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    مُحسن ...فقط هنا لاتمني مساء طيب لك...
    ولأقول ان الكلمات هي حربنا ضد الحرب...
                   |Articles |News |مقالات |بيانات

19-08-2005, 06:28 AM

الوليد محمد الامين
<aالوليد محمد الامين
تاريخ التسجيل: 10-04-2003
مجموع المشاركات: 1447

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: Ibrahim Algrefwi)

    عم صباحا يا محسن ,
    أو عم مساء ....

    مودتي ...
                   |Articles |News |مقالات |بيانات

21-08-2005, 02:59 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: الوليد محمد الامين)

    Ibrahim Algrefwi،...
    ويطيب مساك وصباحك،...
    والمحبة كلها، لك،....
    وكمان جنية في ضل الشجر، تغزل ليك شال،...
    التحايا لك،..


    الوليد محمد الامين،...

    إزيك، وعم دهراً.....
    وكن بخير أبداً،...

    عالج كل شيء بنصيبه من الوجود، بالرضا،...
    كن بخير، وكن وردة تتلفع بنداها إن لم تلمح في المدى بارقة غمام،...
                   |Articles |News |مقالات |بيانات

21-08-2005, 04:44 AM

الوليد محمد الامين
<aالوليد محمد الامين
تاريخ التسجيل: 10-04-2003
مجموع المشاركات: 1447

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    محسن
    وكأنك تقرأني ,
    بيد أني لا أظن أنه ثمة من غمام سيطوق هذا المكان ,
    لقد خسرنا كل معاركنا والبلاد التي كانت ذات شجر مستقيم وأرصفة مشتهاة خانتها المواعيد ,
    جربت الوردة وقلت لا بأس بالشوك , غير أنه لم يك ثمة وردة ...

    عم صباحا,
    ولتظل البصيرة متقدة لديك ....


    وليد
                   |Articles |News |مقالات |بيانات

21-08-2005, 06:14 AM

محسن خالد
<aمحسن خالد
تاريخ التسجيل: 06-01-2005
مجموع المشاركات: 4840

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: الوليد محمد الامين)

    الوليد محمد الأمين،.....
    المحبة والود،...
    يا صديقي، نحن إلى الآن لم نخض معركة حقيقية، وحربنا هي التي يجب أن نخوضها بالفكر أولاً، ولتغيير العقلية السودانية، العقلية التي لم تتعلم كيف ترسّخ للتمايز، للشراسة في التفكير، وللشجاعة في مصادمة التقليدي،...
    المعركة علي الأبواب،...
    لا بد من مقاتلة ذهنية أستاذ الجامعة ذالكم، الذي تحدثنا عنه في تيموليلت، هنا في –ذهنيته- كل معركتنا المنتظرة،..
    المعركة علي الأبواب،...
    بتاع الفيزياء يحرّق فيزيتو،...
    وبتاع الكيمياء يقطّع كيميتو،...
    وبتاع الطب ينجض طبو،....
    وننزل كلنا، عشان نجر شخيط أمام الجَهَلَة كلهم، البقطعو يكون خاتي، ليهم حُبَّنا، بس لينا رسن الحياة نحن، نوديها وين ما يقول العلم والآداب والفنون،...
    ياها دي المعركة وياها علي الأبواب،...
                   |Articles |News |مقالات |بيانات

02-10-2005, 07:44 AM

اشرف السر
<aاشرف السر
تاريخ التسجيل: 06-12-2003
مجموع المشاركات: 1562

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    كاظم الزعيم، شمس تهاجر لاستراليا، وهكذا نحن شموسنا تغيب، وما زلنا نحتقي الظلام،
    فإلى متى الكسوف؟؟



    Quote: لِسَّاك مجََّدع
    في العتامير الحريق
    أنساك مزعزع
    وصاري في طرفك طريق
    إلاك موزَّع شكليش تلاقيلك رفيق؟
    في العتمة ضلك منكرب
    سابقك علي الشمس الطشيش
    ضهب المداخل والرمض
    وَهَن الخطيوات الدويش
    رهق احتمالك للمشي
    زامَل عذاب كونك تطيش
    صحرا قدامك... وراك
    حسرة تملالك عمر..
    ويضيع عشم إنك تعيش
    شكليش تلاقيلك رفيق
    والضلمة فاتحالك سما
    العبرة سادالك طريق
    والجرح قدامك رمى
    قدرك تشيل.. ما فِضِل منَّك
    علي طول الطريق
    والسكة في عيونك عمى
    تسكن تفاصيلك تضيق
    تعرف ملامحك تسأما
    تتناطى للحرف الشليق
    والحزن في جوفك سما
    وخوفي عليك ... خوفي
    من غربة أو طولة مشي
    وانسكنت بلا وطن
    يدي المسافرين الهوية
    ويدي لى جسدك وشي
    وانتظرت براك قطار
    في سكة لا جابت غريب
    لا مرة صافَاها المشي
    يا ضل مساماتك عليك
    رقراق غباين واحتدام
    تحتك مشاويرك نجيع
    ومغموتة في كفك غمام
    لملم فضاءاتك هزيع
    واحزم مواعيدك ... قيام
    وشكليش تلاقيلك رفيق؟
    الضلمة فاتحالك سما
    العَبْرَة سادالك طريق
    الجُرح قِدامك رمى
    وقدر تشيل
    ما فضل منَّك
    علي طول الطريق
    والسكّة في عيونك عمى
    تسكن تفاصيلك تضيق
    تعرف ملامحك تسأما
    تتهاوى في داخلك غريق
    والحزن في جوفك سما






    اليوم، وهو بأستراليا يراقب الهجمة على محسن خالد يزيدني أرطالاً أخرى، وألحاناً جديدة،..
    كتب لي:


    حد ما غناك
    أدَّى العصافير وجهتا
    وشََّق المزامير بالنحيب
    ندّيك من فيض الأماني المفرطة
    وهجعة من زمن المغنين الحبيب
    نقسم معاك خبز الطريق ..
    شمس الأماني الفالتة
    والعِِرفة للزول الغريب
    حنشتهي الحزن المعاك…
    وضحكة صافية نحتحتا
    في صيف سنينك والمظنَّات القبيل
    داخراكا من آآآآخر شتا
    ما نحن ذات المُفْلِتين
    من ليل سفين
    ذات اللي كايسين الغُتا
    من ريح دروب… ومظنّات متخنجرة
    جايانا ما عارفين متى؟
    نحن اللي واقفينلك… تعال
    فالدنيا ما خاتالنا بال
    عكس المشارق وجهتا
    يا صاحي ما شالك خيال
    الحق بصيرتك وألفتا
    على ضو نضيف
    ما تمشي في الشارع الختا
    من كونك هزمت الاحتمال
    مشيت ….
    شهِّيتني طعم الأغنيات
    السافرت خلفك تَرِح
    وأديتني من غيبتك سكات
    زمن الكلام الما سَمِح
    ما كنت يا صاحب تقول
    أو أقلّو إنك تقترح
    سفرا مسافاتو بتطول
    وانا راضي لو خطوك ملح
    لكن برااااااك غنيت بلاي
    خليتني لى حزنا بضوقو ملح ملح
    مشيت
    لوَّحت مد القدرة ما شالت إيديك
    رجعت نداءاتك … أسف
    ومتاح .. سبورة لى حصة قدر
    أشَّرت لكَمِّين قطار..
    عندك المجهول .. وقف
    الكع وطوِّح في مداك
    تحتك الموية وقفاك..
    سهم الكايسك هدف
    الكع ... سماك ما حمل الغيوم
    تتشابى لي محض الصدف
    كان تستريح
    من حزنك الرامي الفسيح
    ويسكت الجرح الفصيح
    ويطيب غناك... الكم …. نزف
                   |Articles |News |مقالات |بيانات

03-10-2005, 03:20 AM

اشرف السر
<aاشرف السر
تاريخ التسجيل: 06-12-2003
مجموع المشاركات: 1562

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: محسن خالد)

    Quote: كاظم الزعيم ولد أجدع بكتير من التظنو فيهو،..
    في قامة العشم وأطول شوية،..
    أنا وهو كنَّا صغار، وأمَّاتنا كانوا زي كبابي الشاي، كملت لينا أم، وفضلت لينا واحدة،..
    كاظم كان حبيب لبنات كتيرات، أقوليهو، يا ولد إنت منتهي خالص،..
    يقول لي، وترقرق ضحكتو، أبداً يا محسن، دا هو الحب المبتدي خالص، كأنو بتزقلت عليّ،..
    يخت الأورغ قدامو، نقول نعزف، يطير الكروان الكان جُوَّة الأورغ،..
    وصورة آخر حبيبة لكاظم علي الجدار، تشق صدرها نافورة، ننزغم بعيد من حليب المطر،..
    يقول هو: أورغن بدون قلب، ياخي الله ينعل تاريخك،..
    ياخي أنا جعان،..
    وعشاؤنا يكون كليلة أمس، والفول يقصِّر لدى نفس الموقع من الرغيفة،..
    أوكي، هاك سَفَّة،..
    ليه ح تبقى عشاء يعني؟
    أهو بتطمم بطنك شوية،..
    ليه ياخي؟
    لأنو إحساس الشبع أصلاً بشبه الطُمام،..
    يا خي بطِّل،...
    يغني:
    من جديد جيت تاني تكسر...
    صمتي بالنظرة الخجولة
    يا أمل عمري القبيل...
    يا سنين عامرات فصولها
    ماقدرت... أنساك من زمان...
    بس ضاعت أحلام الطفولة

    الحنين الجيتني بيهو جاني في لحظات ندم
    يا زمان ضيع صبانا وكل أشتات العشم
    من جديد جيت تاني كيف تبني فيني الانهدم

    بعد داك يقول لي:
    شفت "النخلي" دا خطر كيف؟

    والأخطر "خالد الصحافة"!

    والأخطر منهم "مصطفى سيد أحمد" اللَّحنها!

    طيّب يا كاظم غَنِّي من كلماتك إنت؟

    أبدأ أنا أدق على الطربيزة:
    تتا تا تراتا تا... تاتا تراتتا... الدنيا ياما تعلمّك،.. تتا،..
    ياخي أقيف، أنا أشتر منك يا محسن ما قابلني،..
    أضحك أنا،..
    يدوزن هو الليل:

    بَكَّاني صمتك، وهَدَّ حيلي الانتظار،..
    بَكَّاني ترحل في البعيد..
    ولسه ما كمل الكلام بيناتنا.. ما طلع النهار

    والأورغن يعير ويعير، يشق جنائن وظلال ناس ورحراح موية وسواقي، والنخيل يزفزف هنا وهناك بتمرو،..
    يزفزف النخيل بتمرو لامن تَطْعَم الريح، دا غنا شنو الطاعم دا؟
    في 1997م... أُعتقلنا -أنا وهو ود. عمر السنوسي،..
    يخرج هو قبلنا، ثم أتبعه أنا فعمر،..
    أنا أطلع عيني ورمانة جداً، وبها خدش خطير، لأرسب في الجامعة،..
    يهاجمني المثقفون –لمحاضرات سابقة ألقيتها عن سقوط المادية من خلال النسبية- في الوقت الذي تتشدد فيه حملات الاعتقال ضدي،..
    أقوم بتمزيق ثلاث مجموعات من كتابتي، "ساندرا"، و"مسرحية قصيرة"، و"أطلس"، شعرت باليأس الذي جعل "مكسيم جوركي" يجرِّب الانتحار،..
    فيهديني "كاظم الزعيم" قصيدة جميلة، من زمان كان يخلط أوراقي بأوراق عشيقاته، ربما لذلك يزيدني أرطالاً من الحب فوق ما أستحق،..


    كلام عجيب
                   |Articles |News |مقالات |بيانات

03-10-2005, 07:47 AM

الوليد محمد الامين
<aالوليد محمد الامين
تاريخ التسجيل: 10-04-2003
مجموع المشاركات: 1447

للتواصل معنا

FaceBook
تويتر Twitter
YouTube


Re: هي الحرب إذن؟ فخذوا.................. (Re: اشرف السر)

    محسن خالد,
    وجميع الأحباب هنا,
    رمضان كريم رغم أنف الغبار اللعين ونباتات الهوام ....
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de