الديوم الشرقية :{ مهبط الوعي والفن وقلعة نضال ومرتع جمال }

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 10-12-2018, 04:56 PM الصفحة الرئيسية

مكتبة عبد الرحمن بركات(أبو ساندرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-03-2007, 10:25 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    From : mahamed derwish
    Sent : Monday, March 5, 2007 10:54 AM
    To : [email protected]
    Subject : العزاء فى المناضل النور يعقوب

    | | | Inbox


    اخى عبد الرحمن كم اعتصرنى الالم والحزن وانا اراجع بوست الديم وهو يحمل نعى الاخ العزيز المناضل النور يعقوب
    ولازلت ازكره بيننا فى نادى الصداقة يدفع ضريبة الانتماء للديم ولإبنائه وهو يقدم خبرته وتجربته تدريسا وعلما كحال جميع
    الرفاق فى تلك الايام الخالدة والجميلة بالرغم من المعاناة مع زبانية نظام السفاح نميرى ....اعزى نفسى وجميع ابناء الديم فى
    الاخ العزيز النور يعقوب ونسأل الله ان يتقبله قبولا حسنا وان يلزمنا من بعده الصبر
    بالمناسبة خلال الاجازة التقيت بالاخوان جعفر عباس ...وعوض الصافى ... واحمد المحسى وحدثهم عن الجهود التوثيقية
    التى يقوم بها الاخوان فى المنبر عن الديم وشخصياته ولكم منهم جميعا التجلى والتقدير....
    عزرا لعدم المتابعة ... يظهر اخونا بكرى وضع اسمنا فى اخر القائمة ولازلنا فى الانتظار للعضوية

    محمد سعيد درويش
    العين/ الإمارات العربية المتحدة

                   |Articles |News |مقالات |بيانات

06-03-2007, 10:17 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتبت العزيزة نادية السر :
    Quote: اها وقت الحديث جاب الحديث انا من بنات السجانة و هى صدقا لقولك شقيقة الديم يعنى لمن بكيت على بوست الديم و بعد داك عزيت حلفيتك و استغفرت ما كنت ناس الجيران الكفرو احمدك يا الله الما خليتنى منهم .


    بس انا صرت ناس الجيران الكفرو
    تصدقي ، الروح تهفو لناس عزاز ، زانو مساءات الخرطوم وصباحاتها
    وضمخوا بطيبوبهم وطيبتهم ساحة { الالماني }
    وعرس شقيق هبة السمرية
    وعرس غادة نوري البهية

    عارفة زمان اولاد الديم بيحبوا بنات السجانة
    وبنات الديم بيحبن { جكس } العمارات ، المتطلعات
    وأولاد السجانة بيمشوا نمرة تلاتة
    طبعآ في الوقت داك كان ضل الدوم بيرمي بعيد
    يعني أزهري هاشم حمدالله كان قدامو كم زلط عشان يعبرو
    ويلاقي
    وبيجو يوم بيتعوق في شوارع اركويت

    خليك معانا
    وشكرآ على المشاعر الطيبة
    يانادية الندية
                   |Articles |News |مقالات |بيانات

08-03-2007, 10:41 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب طارق جبريل :
    Quote: يا ناس الديم سلام
    والله زعيمكم دة زول غدار وما منضبط
    نحن منتظرنو في المغرب وجهزنا حللنا وحفلاتنا وكعكينا
    قام غدر بينا ومشى السودان يهجج مع بورداب الخرطوم
    دة كلام دة


    الحبيب ود جبريل
    مع إنك زعمتني بدون أي زعم مني
    بنقبلها منك
    وماتزعل فالرغبة في زيارة المغرب مازالت متأججة
    لكن كانت في تصفية حسابات لابد منها في الخرطوم

    الصيف القادم عندكم كيف ؟
    لو الجو كويس يصيف عندكم
    وساعتها القظاظيب والطبونات جاها بلاء ، بالزاااااااااف

    خليك معانا في ديم الله أبو شنبر
                   |Articles |News |مقالات |بيانات

09-03-2007, 03:19 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: وساعتها القظاظيب والطبونات جاها بلاء ، بالزاااااااااف

    والله يا ابو ساندرا ناس البوست ديل يعرفوا معنى الكلام الكتبتو دة
    موش يودو البوست للخور يرسلوك انت من قطر للديم بدون ترانزيت
                   |Articles |News |مقالات |بيانات

09-03-2007, 05:25 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: طارق جبريل)

    الاعزاء جميعاً

    كتاب الخرطوم عبر العقود : النشأة والتطور للأستاذ الدكتور سعد محمد أحمد سليمان ، كتاب جدير بالاقتناء ، لما يحتويه من معلومات نادرة وقيمة جداً .
    السيرة الذاتية للأستاذ الدكتور سعد :
    - وُلد المؤلف بمدينة الخرطوم في 12 ديسمبر 1949م .
    - تلقى كل مراحل تعليمه بمدينة الخرطوم بدءً من المرحلة الأولية بمدرسة الديم شرق الأولية ، والمتوسط بمدرسة الديوم الغربية الوسطى ثم مدرسة الخرطوم الأهلية الوسطى ، والثانوي بمدرسة الخرطوم الثانوية القديمة .
    - حصل على درحة البكالوريوس في الهندسة الميكانيكية من كلية الهندسة بجامعة الخرطوم في 1974م .
    - حصل على درجتي الماجستير والدكتوراه من معهد قرانفيلد بانجلترا في 1981م و 1988م .
    - عمل مهندساً للانتاج بمؤسسة الغزل والنسيج ( السودان) ومحاضراً بجامعة الملك سعود ( المملكة العربية السعودية ) وأستاذاً مساعداً ثم استاذاً مشاركاً وحالياً أستاذاً لعمليات ونظم التصنيع بجامعة البحرين ( مملكة البحرين ) .
    - للمؤلف العشرات من المنشورات العلمية في مجال تخصصه الاكاديمي.

    وقد قمت بالانصال بالدكتور سعد ، واستأذته في استعراض بعضاً من محتويات مُؤلَفه هذا ، ورحب الدكتور بذلك ، بل وطلب مني وضع عنوانه لمن يرغب في تزويده بمعلومات لم يتم ذكرها في الكتاب ، وعنوانه كالتالي :
    تليفون وفاكس المنزل : 97317770322+ E-mail:[email protected]


    ونواصل
                   |Articles |News |مقالات |بيانات

10-03-2007, 04:00 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)

    الخرطوم في فترة الحكم التركي المصري
    أن الحديث عن الخرطوم القديمة ، يعني بالضرورة الحديث عن نشأة (الديوم القديمة) وقد ذكر الدكتور سعد أن موضع الخرطوم الحالي لم يكن له أي دور أو شأن قبل قدوم الاتراك للسودان . وهناك بعض الخلاف حول بداية تاريخ الخرطوم القديمة . وحسب رواية المبارك ابراهيم فان الخرطوم بدأت في سنة 1824م عندما اتخذها الاتراك مقراً لرئاسة حكمهم عوضاً عن سنار التي تفشت فيها الملاريا والدسنتاريا .
    وبدأ ميلاد المدينة باقامة الاتراك لمعسكر دائم لهم جنوب قرية الخرطوم في سنة 1822م ، ثم توسع المعسكر وتوسعت معه المدينة حتى صارت عاصمة في عام 1830م.
    وقريباً من هذه الرواية ، ما ذُكر من تأسيس المدينة كان على يد عثمان بك جركس ما بين عام 1820 و 1823 واتخذ منها مقراً لقيادته عندما عُيّن حاكماً على السودان في 1824م.

    الأحياء والشكل العمراني :
    بنى الاتراك دواوين حكمهم ومساكن موظفيهم وثكنات جندهم في موقع السكة حديد الحالي أي الى الجنوب بحوالي الميل من قرية الخرطوم التي أسسها أرباب العقائد والتي كان موقعها في منطقة جامع فاروق الحالي .
    بدأ الأهالي من المناطق اقريبة التجمع حول هذا المركز وشيدوا منازلهم في المنطقة الواقعة الى الشمال منه وعرفت بعد ذلك بحي سلامة الباشا.
    وبدأت المدينة النمو تدريجيا ًناحية الشمال أي في النصف الاول من عشرينات القرن التاسع عشر ، وزاد توسع المدينة حينما أنشأ على خورشيد باشا اواخر عام 1829م مسجد الخرطوم العتيق في نفس الموقع الذي يحتله اليوم جامع فاروق أي في موقع حلة الخرطوم القديمة ، وشجع خورشيد باشا الاهالي للتعمير حول المسجد ومدهم بالأخشاب ومواد البناء الاخرى ، ونتج عن ذلك عمارة حي المسجد الذي اصبح ارقى أحياء المدينة ، والذي عرف بعد عهد خورشيد بمحل موسى بك .

    ونواصل ..
                   |Articles |News |مقالات |بيانات

10-03-2007, 05:22 AM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)

    اولاد الديم او الديامة كما يحلو لنا
    الصديق ابو ساندرا جيتكم توش بدون احم ولا دستور لكن دي ما حلتي وانا اتربيت منذ الطفولة الي قبايل الشباب
    في الديم (حلة الامل ) ناس سيحة وديم الكبير احمد عبدالحليم وبشري عيسي وبشري الدودة واستيف وجمال قرمة صديف
    الطفولة وعصام ادريس ونادر عبدالحفيظ وكل اولاد المرحوم عم صديق واولاد عوض الشيخ ومحمد يوسف واخيه اسحق
    والشيخ والفاضل وتاني منو
    انا كنت اطلع علي هذا البوست الرائع وتجولت بخاطري واتذكرت ايام لا تنسي بتاتا بالمناسبة صلاح عبدالله دفعة شقيقي الاكبر
    المرحوم عصام سري
    سافضل معكم ومع ناس الامتداد
    ولكم الحب والجمال
                   |Articles |News |مقالات |بيانات

10-03-2007, 06:23 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مصطفي سري)

    مصطفى سري ، أهلاً بيك ..

    يا سلام ، أعدت لي ذكريات جميلة في بيتكم ( بيتنا) ببيوت الحجر ، والمرحوم عصام والشقاوة ..
    وجدت بوست الترحيب ، وشكراً كتير لبكري الذي جمعني بك بعد هذه المدة الطويلة ..
    أدناه ترحيبي بك في بوست بكري ..
    وأقعد واتوهط يا مصطفى ..
    Quote: مصطفى سري ..

    شقيق صديق طفولتي وصباي المرحوم عصام سري ..
    مرحباً بك في قلوبنا أولاً ، ومن ثم هنا .
    شكراً بكري أن أحضرت لنا هذا الفارس المغوار ، الولد الصغيروني والرجل القامة الاسمو مصطفى ..
    وكلما انضم الى هذا الموقع من يحتل جزء من الذاكرة والذكريات الجميلة ، أحس أنني في ( البيت ) ..
    فأهلاً بك مصطفى هنا ، ومثلما انفتح لك الباب هنا ، فأبواب قلوبنا مشرعة لك، فاختر منها أنى شئت وأدخل (برجلك اليمين) وستصل..



    أخوك (الصغير) صلاح عبدالله .
                   |Articles |News |مقالات |بيانات

11-03-2007, 02:26 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب مصطفى سري :
    Quote: اولاد الديم او الديامة كما يحلو لنا
    الصديق ابو ساندرا جيتكم توش بدون احم ولا دستور لكن دي ما حلتي


    الديم بيتك يا درش
    ونرجو ان تسهم معانا في تحرير البوست
    وأنت قايل نحن رحبنا بيك هناك صدفة واللا مجاملة ؟
    Quote:


    العزيز مصطفى سري
    عجبني تعليق صديقنا فيصل الباقر فلصقتو هنا
    ثم
    أريت كراعك الخضرة تجيب معاها
    - مصطفى بحيري
    - رشاد الجزولي
    - حسن محمود
    - عمر خليل

    أهلآ بيك
                   |Articles |News |مقالات |بيانات

11-03-2007, 06:39 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: From : aa aa
    Sent : Saturday, March 10, 2007 1:42 AM
    To : [email protected]
    Subject : الأخ / عبد الرحمن

    | | | Inbox


    الاخ عبد الرحمن

    عذراً للانقطاع ...
    ــــــــــــــــــــــــــــــــــــــــــــ

    إنا لله وإنا إليه راجعون

    كمال حبيب الله

    النور يعقوب

    رحم الله الاستاذ / النور يعقوب ... والتعازي لاسرته واسرة دكان جون و لكل تلاميذه واصدقاءه ...

    ورحم الله اخى الكبير / كمال حبيب الله ... والعزاء لاسرته بالديوم الشرقيه وجبل اولياء ...
    ولكم انتم اخى عبد الرحمن بركات

    مٌحمد ود أحمد




    نسأل الله أن يتغمدهم بواسع رحمته
    وشكرآ على التواصل
                   |Articles |News |مقالات |بيانات

12-03-2007, 08:10 PM

احمد معتصم الطيب
<aاحمد معتصم الطيب
تاريخ التسجيل: 27-04-2005
مجموع المشاركات: 2103

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الديامة سلام عليكم جميعآ

    منورين والله وشكلو كدا موضوع الديم ده حيسخن شديد

    أبوساندرا رجع من السودان قريب وصلاح عبدالله كمان وجايب معاهو

    كتاب عديل ..

    ونرحب بالاستاذ مصطفى سـري وحيكون اضافة قويةجدآ

    (ونترحم على أرواح من فقدنا عليهم رحمة الله )
    نسأل الله أن يتغمدهم بواسع رحمته


    ونرحب بالزوار والمشاركين ونرجو منكم مواصلة التوثيق

    عن الديم كماندعو جميع الديامة بالمشاركة فى هذه العمل المقدر

    الذى قام على اكتاف الاستاذ بركات

    أبو ساندرا

    مناشدا بالعودة

    عماد عبدالله

    وجدى عبد المنعم

    مدثر تيف تيف
                   |Articles |News |مقالات |بيانات

12-03-2007, 09:35 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: العزيز أبو ساندرا.

    كما وعدتك بأنني سوف أدخل لهذا البوست الجميل.


    دينق.
    ديامي قديم



    ترحيب حار وكبير بالصديق دينق
    الذي أوفى وعده بأن يساهم معنا في تحرير بيتنا المشترك ، الديم الحبيب
    ودينق ديامي أصيل نشأ وترعرع في وأحد من أهم أحياء الديم
    وهو حي عرف شبابه بالنشاط وبالمشاركة في العمل العام وبالحيوية
    فتراهم في ميادين الكورة وفي ساحات الفن والإبداع
    ودينق وأخوانه كانوا نوارة الحي ومن رموز الديم
    نكرر الترحيب بدينق العزيز وفي إنتظار مساهماته
                   |Articles |News |مقالات |بيانات

21-03-2007, 07:13 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب / حمد إسماعيل :
    Quote: وكان عنده مقوله مشهوره انه البلد دى الديم بس بالانجليزى .

    لكم الف تحيه يا ديامه وبجيكم تانى واسمعكم حاجات من

    المرحوم.


    حمد


    شكرآ يا حمد على المداخلة والمشاركة
    وياريتك تجينا راجع وتسمعنا حاجات الراحل طارق أبوبكر
    الذي نسأل الله له الرحمة والمغفرة

    ثم
    ديامي ليس فقط من سكن الديم
    بل ، وكذلك من عايش ناس الديم وخبر أجواءه
    الديامية دي نمط ثقافة مغايرة تعتمد على التنوع
    وتعترف بالأخر والغير

    فمرحبآ بك
                   |Articles |News |مقالات |بيانات

02-04-2007, 02:27 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: الأحياء والشكل العمراني :
    بنى الاتراك دواوين حكمهم ومساكن موظفيهم وثكنات جندهم في موقع السكة حديد الحالي أي الى الجنوب بحوالي الميل من قرية الخرطوم التي أسسها أرباب العقائد والتي كان موقعها في منطقة جامع فاروق الحالي .
    بدأ الأهالي من المناطق اقريبة التجمع حول هذا المركز وشيدوا منازلهم في المنطقة الواقعة الى الشمال منه وعرفت بعد ذلك بحي سلامة الباشا.
    وبدأت المدينة النمو تدريجيا ًناحية الشمال أي في النصف الاول من عشرينات القرن التاسع عشر ، وزاد توسع المدينة حينما أنشأ على خورشيد باشا اواخر عام 1829م مسجد الخرطوم العتيق في نفس الموقع الذي يحتله اليوم جامع فاروق أي في موقع حلة الخرطوم القديمة ، وشجع خورشيد باشا الاهالي للتعمير حول المسجد ومدهم بالأخشاب ومواد البناء الاخرى ، ونتج عن ذلك عمارة حي المسجد الذي اصبح ارقى أحياء المدينة ، والذي عرف بعد عهد خورشيد بمحل موسى بك .

    ونواصل ..



    منتظرنك تواصل يا صلاح عبدالله
                   |Articles |News |مقالات |بيانات

02-04-2007, 10:16 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: بالمناسبة صلاح عبدالله دفعة شقيقي الاكبر
    المرحوم عصام سري
    ببببأُمككككككككك
    أها كده كويس !!! زول زي مصطفى ده , شكله دفعة عوض كيته يقوم يطلعك جلكين أكتر منو .. و طارة أخوه الكبير ؟؟
    يعني يا صلاح بالطريقة دي ممكن تكون إنت دفعة عمك رمضان بتاع القهوة ..
    و بعدين إنت جابوك لينا في البيت كده .. عامل كده .. لقيناك كده .
    و كده و كده و زاد وجدي .
    ( وين وجدي بالمناسبة يا معتصم الطيب ؟؟ ) .
    ياريت مصطفى بحيري يكتب هنا , و ضياء بحيري , زهير المرضي , أسامة أب شنب , محمد عبدالرحيم قرني .. تاني منو ؟
    نادي الربيع كيف ؟؟
    عوض باكرين و نادي التعايشة , طارق عبدالله .. ساندرو الجناين الجميل , حلة الغالي و ناسها , البنات الشديدات البيتهم جنباوي و أدب المدايح , يعقوب القبطي و معلم حسن عبدالكريم لسه في حولية في الختمية ؟ أجزخانة نادر و اليافطة الباهتة بتاعتها و عشا معلم بدر ( كان عندو فسخ أنصاص الليالي فيهو نجيب الريحاني عثمان بن عفان تتخارج منو أبو سريع وللا كمان بيخش ليك فايز الدوخري ) الله يطراهو بالخير , الغريبة عبدالرحمن بربر كان بيحب الفسيخ ده بالذات و لازم يخش ليهو يحي شمت .. ليه ما عارف .
    ربيع نوبة و عوض نوبة ما بيكون عندهم وكت زاتو عشان يقرو ..
    فيصل السر أخبارو شنو ؟؟ العارف يقول !!
    سيف الدين أبنعوف الكارثة , بابكر طاشين و أحمد عثمان و مبارك شاشوق و حسن ككويه و فيصل كامل , و دكتور محمد فضل , عبدالله الباك و بحيري و الفاتح قبورة , فايزة كورتي و قهوة الديم و القمرية تقوقي , فيصل الطيار و محمد عبدالحفيظ و قعر بابور و بابكر عربي !!
    إنديش مات وللا حي ؟؟ آدم النور و العجلة الرالي , حجة حليمة الداية ( امنا كلنا ) و عبدالرحمن شبره و أولاد العمده عمر كويس , الهادي و علي الساحر و عادل وننق و الفاضل جعفر , جنابو محمد جعفر و اللوا كمال علي صالح ..

    الحكايا و الحكايا و الحكايا يا بركة .

    صلاح عبدالله شوف ليك طريقة في موضوع مصطفى ده ..
    ما مخارج معانا الإستان كده يا أصلي ..
    لأنه بكلامه ده أنا بكون دفعة عبدالله الرباطابي .
                   |Articles |News |مقالات |بيانات

04-04-2007, 01:52 AM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Emad Abdulla)

    ازيك يا عمدة ، انت ذكرت ناس يا سلام ، قعر بابور ، وفيصل السر
    واسامة السر ومعمر الصغير والناس اللي مشت الامارات من زمن بدري
    وانا عرفتك انت دفعة احمد عثمان (سيحة ) وما تعمل انك صغير وبلي
    وصلعتي دي زهج من الدنيا والهواء اللي شفناهو في الخرطوم خلي ابو ساندرا
    يقول ليك هواء الخرطوم كيف ، طبعا نحن صغار كنا بنجي للساحة الشعبية
    وفريق حلتنا الامل وكانوا فيهو الحرفيين الجد ، خلف الله باقرين وسيحة وبشري عيسي
    والدودة واولاد عم صديق وعماد عثمان ونصرالدين عبدالحي وعلي بيك اسرع جناح في الديم
    اها كنا ناس الربيع ديل ننفش ريشهم ، والمساء يجيك قعر بابور يقلد في الحلة ياسسسسسلام
    وطبعا في الساحة كان كع بتاع التسالي ، بجيكم راجع ، يا عمدة انا الدفعة اللي وراء رضا طوالي
                   |Articles |News |مقالات |بيانات

02-04-2007, 05:54 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    نرحب بعودة دي جانقو أبوشنب
    أهلآ يا عماد ، بيتك ومطرحك


    ونستقبل بالحب كله ، الأخ الديامي العريق عثمان علي آدم

    ------------------------------------------------------------------------------------

    Sent : Monday, April 2, 2007 5:12 PM
    To : [email protected]
    Subject : الديوم الشرقية -- مهبط والعي والفن وقلعة نضال ومرتع جمال

    | | | Inbox


    إزيك يا بركات ..
    البوست جميل، حبيب، رهيب – كما الديم!
    ما عارف، بتتذكرني أم لا.
    تحياتي للأخ مدثر تفتف ... مفقود. ويظهر إيميلوا فيهو مشكله .. عايزين نسمعك يا مدثر.
    وبالمناسبة يا بركات، مولانا عادل سمير الديم بيعني ليهو أشياء (مدرسة الراعي الصالح)
    وياريت لو أدانا طله وشال معانا الشيله.
    البوست لذيذ.
    وإلى أن يرضى أبوبكر ويسمح لنا بأن (ننضم) أقول ليهو --- خليك ديموقراطي، وسع لينا الدرب ..
    والمعلم زمان قال (إذا أردت أن تكون سيدا في بيتك، فلن تلد إلا عبيدا لغيرك) ... أفتح لينا يا أبوبكر.

    تحياتي للكل ..

    عثمان علي آدم
    ---------------------------------


    ننساك كيف يا عثمان وأنت جزء من حكايات وتاريخ
    ومدرسة النور خضر النور وبابكر محمد أحمد وحسن عثمان الحسن

    وياريت مولانا عادل سمير يستجيب ويدي الديم طلة
    وياريتك يا عثمان تكتب عن مدرسة الراعي الصالح والناظر باشاي سوريال مؤسسها والفونس
    واولاد ديم الأبارشة ناس محمد عبدالرحيم قرني وعصمت مختار والفريق كمال علي صالح
    وكمان ناس حلتكم من حدود مدرسة النور لغاية ناس علي رجب والبيوت الفاتحة على النوادي
    وعوض كيتا وأخوهو إبراهيم اللذيذ ، وجمال طشمة

    لغاية ما بكري يستجيب ويصير ديمقراطي ويوسع الدرب عايزنك تواصل الحكايات عبر الإيميل
    والتكنلوجيا قربت المسافات كما فعلت السكة حديد في القرن الماضي

    شكرآ يا عثمان

                   |Articles |News |مقالات |بيانات

02-04-2007, 07:15 PM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    أول حاجة : عبدالرحمن ..
    إزيك ..

    بالمناسبة الأستاذ الدكتور سعد محمد أحمد سليمان مؤلف كتاب الخرطوم عبر العقود : النشأة والتطور ، هو شقيق الراحل اللاعب أحمد خمارة ..

    تاني حاجة : الخال عماد عبدالله ..
    مصطفى سري أخونا وفردتنا ، وأخو فردتي ( لحام ) عصام (رحمة الله عليه) والله يا عماد مصطفى ده زول ( سغير ) ما تشوف الصلعة دي ، وصلعتو دي مما كان في خامسة ابتدائي عندو ..
    إزيك يا ابوالدرش ( خالك ) عماد ده ما حضر زمننا ، وطبعاً هو دفعة ناس ( أبوالروس ) خال ناس عماد كاشف !!!!!
    تالت حاجة :مع كرباوي على خفيف كده يا عمدة...
    والله يا أخو جبت ليك سيرة ناس ( حلوين ) خلاس ، ساندرو سمعت أنو ( اتلحس ) زهير المرضي ما زال في السودان ( ومرطّب ) ضياء اظنو مع محمد بحيري هو وأسعد ، واظن محمد زاتو لحقهم .
    حسن عبدالكريم ملك ( الدخينات ) اتلحس الله يرحمو ، والخانة بتاعتو سكن فيها واحد فردتو ، واستولى على البيت ، قدر ما فتشوا ما لقوا ليهم زول يورث البيت بتاعو ..
    أستاذ قرني في التلفزيون طوالي ، نادي الربيع نقلوه جنب بوستة الديم .. البيت الكان فيهو النادي اتكسر وقام عمارة .. الملامح اتغيرت يا أخو ..
    بالمناسبة عوض كيتة ( مقدم ) في واحدة من الطرق الصوفية ، وعندو ( دايرة ) في حولية السيد على .. خلاص كبروس ، وجلكنة المبالغة ..
    نادر سانتو ( صاحب أجزخانة نادر ) موجود في مدينة العين بالامارات العربية المتحدة من زمن طويل جداً ، وهو بالمناسبة ابن قطب المريخ المعروف عمك سانتو بونيه .. وحسب علمي فان لقب سانتو الذي اطلق على عدد من اللاعبين ، كان عشان عمك سانتو ده ( والله أعلم ) ..
    يا عماد معلم بدر طلع ( تفتيحة ) لمن غلط ، خشّ سليمان البعيو لـ( بيت الجاك ) بتاع واحد من الفارات ، باعو تلاتة مرات واتجارخ بالاولة ، خشوا ليهو ود عكوش ، قال ليهم الاولة بح ، وده السر عبدالباقي منها ، عايزينوا شيلوه ما عايزنو ، بلحسو أنا ..
    وصاحبك (محوّدة ) طلع بي أولة نضيفة من الشغلانية دي ..
    سليمان نوبة قابلتو في السودان قبل سنة ونص ، عوض نوبة ما زال في المغرب حسب علمي ..
    فيصل السر رجع من الامارات زمان ، ومتكل في السودان ، لكن الاجازة دي ما قابلتو ( بيكون اتجارخ ) ..
    سيف ابنعوف ، أو ( سيف عبدالنعوف ) زي ما بيقول ( قدورة ) الاصلي ، شغال سمسرة ، وشفتو سايق ( أمجاد ) ومدلّع نفسو ( السندباد ودخينات ربك ) ..
    حسن ككوية بيسلم عليك ، والله ما اتغيرت فيهو حاجة ، بس شوية ( شيبوب ) ..
    فيصل كامل في الامارات ، الفاتح قبورة اشتغل في الامم المتحدة ، فايزة كورتي اتوفت الله يرحمها ..
    القمرية في قهوة سوق الديم ، تقوقي اليوم كلو ( بي ألف وألفين ) وعشكوبي مازال ( متكل ) فيها ..
    محمد عبدالحفيظ ، خشّ جبل التوباد ، وصلاة الله الخلاّق في ( عثمان جامع ) ..
    قعر بابور بقي زول ( أصلي ) مافي جنترة ، الصباح يمشي الطابونة يجيب العيش والجريدة ، يجي غاشيني في (دكان ود البصير ) والتكل أبشر ، وشاشاتي ، ومجارخة ....
    بابكر عربي ( زهللة ) الدهشة .. طابق الكاميرا ، خشوا ليهو ود مسيك بي ( ريساجة ) وعملوا له ( الفك المفترس ) ...
    انديش حي يرزق ، قابلتوا قبل سنتين في شارع الجمهورية ، طبعاً النظر ( فان باستن ) أو يكاد ..
    آدم النور خلى العجلة ، وطبعاً هو دايماً مع حجة حليمة الداية أمه وأمنا كلنا فعلاً..
    الهادي ود العمدة ، خشّ سليمان البعيو لي بيت الجاك بتاعو ، وعملها ( هوي يا ليلي ) وحسع عرس ومتكل في أمدرمان ..
    عبدالرحمن شبره (الوجيه) قاشر اربعة وعشرين ساعة ، ومدلّع نفسو ، ومديها الطرشاء ..
    عادل ونجك ، رجع من الامارات اجازة ، وخشّ خطوبة سهير ..
    جنابو محمد جعفر ومجموعة من الضباط رفعوا قضية على حكومة السودان ( وزارة الدفاع ) ..
    جنابو كمال على صالح ما قابلتو في الاجازة دي ..

    أها يا اصلي ، ما ريّحتك بالنقة دي ؟؟؟
    بس خليك ( زريف ) وأنسى اللقطة بتاعت الجلكنة دي يا أصلي ..

    وسلّم لي على أبو الروس !!

    (عدل بواسطة Salah Abdulla on 02-04-2007, 09:49 PM)

                   |Articles |News |مقالات |بيانات

03-04-2007, 04:08 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    العزيز بركات ... التحية والسلام، وحتما سأواصل.
    ومن أوائل أيام البوست كنت بحاول، ورسلت ليك عن طريق الياهو – لكن أكيد كانت في مشكلة.
    عَشرات السنين ...
    تحياتي عبركم للعزيز فتحو (فتح الرحمن).
    ولي عودة حول الأستاذ (علي رجب)! وبدوّر عن الكشيف حسن.

    ولم أوفق في الإتصال بالعم أحمد عبد الوهاب محمد سعيد* لأستأذنه في إقتباس بعض ما ورد عنه في مؤلفه: الخرطوم أيام زمان / ذكريات وخواطر عن سنين الإنجليز والأمريكان في السودان.

    وأجدني مرغما لتجاوز ذلك، مقتبسا التالي لتعم الفائدة:-

    منقـــــــــــول

    ((صفحـ2ـة: ....... وكانت الديوم القديمة تقع شمال مقابر فاروق وجنوب سوق نمره 2. وكان لكل قبيله ديم. فهناك ديم التعائشة – وهو أكبر الأحياء، وكان عمدة الديوم العمدة عمر كويس من قبيلة التعائشة. وكان لكل ديم شيخ يتبع لذلك العمده. فكان هناك ديم الجوامعة وديم تقلي وديم النوبة وديم برتي ... ولعل الإنجليز قد أبعدوا قبائل غرب السودان من أمدرمان عاصمة المهدية التي كانت ترتكز على تلك القبائل، وشجعوا القبائل ذات الأصول العربية للإستيطان بأم درمان – كالرباطاب والركابية والهاشماب والعمراب .... الخ. ومع ذلك إحتفظت أمدرمان بأحياء لبعض قيادات جيوش المهدية، مثل: أبو عنجه وود نوباوي وود البصير وابو كدوك وود البنا .... الخ))


    ((صفحـ4ـة: ....... أما في الجهة الشرقية من الخرطوم حيث المطار الآن، فكانت غابة السنط! ولكن هناك مطار صغير لطائرات الداكوته والدف – وهو المعروف الآن بالمطار الحربي. وكان الإنجليز يلعبون في غابة السنط البولو والجولف. وفي أقصى الغرب، مكان المنطقة الصناعية الآن، كانت أحياء قديمة مثل حي سلامة الباشا وحي العصارات والقوز والرميلة. وكان هناك (خلاء) ميدان فسيح ممتد من حي العصارات في الغرب إلى غابة السنط في الشرق. وكان هذا الفراغ يفصل بين الديوم والسكة حديد بعرض كيلو ونصف الكيلومتر تقريبا. وكان هناك خور يتوسط هذا الخلاء من الشرق إلى الغرب. وهذا الخور موجود منه جزء كبير بالمنطقة الصناعية بالخرطوم .....))


    ((صفحـ8ـة: ....... وفي أواخر أيام الإنجليز قامت إمتدادات جديدة جنوب السكة حديد، حيث تم تخطيط الديوم الجديدة بشوارع وميادين وذلك في غرب الخرطوم وجنوبه. وهي الآن الديوم الغربية (الحله الجديده)، والديوم الشرقية جنوب مقابر فاروق. وظهرت أحياء حديثه في مكان الديوم القديمة، وهي الأحياء المعروفة الآن بالخرطوم واحد والخرطوم 2 والخرطوم تلاته ....))


    ((صفحـ11ـة "آخر سنوات الحرب العالمية الثانية": ....... وأذكر في أحد تلك الأيام وكنا نلعب كرة الشراب بأحد ميادين الديم، فرأيت ومعي بعض الإخوة جسما صغيرا – وهو في حجم حجر البطارية ولونه أسود وبه مسامير حمراء ملفوفه عليها سلك أصفر. وتوقف اللعب وأسرعنا إلى كبارنا وجاءوا على إستعجال، ثم ركب أحدهم عجلته وإنطلق نحو معسكرات الجيش الإنجليزي حيث كان يعمل ذلك الشخص. وبعد مدة حضر بعض الجنود الإنجليز على عربة مكشوفة صغيرة، ثم قاموا بمعالجة ذلك الجسم وحملوه معهم، وعلمنا فيما بعد أنه كان لغما لم يتفجر والحمد لله. ومن آثار الحرب على السودان أن إبتدع الإنجليز نظام التموين لتوزيع السلع على الأهالي. وكان لكل أسرة بطاقة تحمل رقم المنزل وإسم رب الأسرة وعدد أفراد الأسرة. ووزعت السلع على المتاجر، فكان الحاج منصور شاشوق موزع السكر، والحاج قرني موزع الزيت والجاز، والحاج الصادق للذرة، والخليفه ميرغني محجوب للقماش .... الخ، وكانت الكميات محدوده حسب عدد كل أسرة. وإذا لم تكتفي الأسرة بما قرره مدير الخرطوم الإنجليزي، فكانت الأسرة تلتجيء للسوق الأسود والذي كان يعرف "بالبراشوت" حيث يتضاعف سعر السلعة عدة مرات. كما كان تجار البرشوت يتعرضون لأحكام قاسية إذا وقعوا في أيدي الشرطة. كانت لمبات الشوارع القليلة في الخرطوم عموم تطفأ بالليل. وتطلى لمبات العربات على قلتها باللون الأزرق أو الأخضر. كان ذلك تحسبا من إسقاط قنابل على العاصمة حتى إنتهت الحرب في شهر نوفمبر سنة 1945م.))


    ((صفحـ13ـة: ....... لم يكن التعليم الحديث متيسرا. فكان الأولاد دون البنات يذهبون لحفظ القرآن في الخلاوي. وكانت الخلاوي تتبع للطرق الصوفية المنتشرة في السودان. فخلوة الفكي عبد الرحمن الضرير والتي تعلمت فيها الحروف الهجائية كانت تتبع للختمية. وكانت خلوة الفكي العبيد تتبع للطريقة القادرية، وكانت خلوة الفكي أزرق تتبع للأنصار، وكانت خلوة الفكي محمد أحمد تتبع للطريقة العزمية وهكذا. وكنا ونحن صغار نهتم إذا حدثت وفاة في الحي، لأن ذلك يعني بأننا موعودون بوجبة دسمة في اليوم الخامس للوفاة، والمعروف بيوم الصدقة. فنحضر من الخلوة في طابور، ثم نقرأ ما تيسر من القرآن، وبعد تناول الصدقه نقوم بالدعاء للميت ثم نعود للخلوه شبعانين مبسوطين، ذلك لأن الصدقة كانت من اللحم والأرز والرغيف – وهو ما لم يكن متوفرا في كثير من البيوت آنذاك. ولم يكن الآباء يميلون إلى إرسال أولادهم إلى المدرسة الوحيدة في الديوم، لأنهم يريدون لأبنائهم حفظ القرآن والإلتحاق بالمعهد العلمي الإبتدائي بجامع الخرطوم ثم الإنتقال لمعهد أمدرمان العلمي لنيل الشهادة العالمية. وإن تحقق الأمل يسافر الطالب المتفوق للجامع الأزهر بمصر. ومع الزمن تحول الأمر إلى الإهتمام بالمدرسة. وكانت هناك مدرسة أولية واحدة في الديوم وأخرى في الخرطوم غرب. كما أن المدرسة المتوسطة الوحيدة بالخرطوم والتي أقيم برج البركة الآن في مكانها، فكان يتنافس للدخول عليها تلاميذ المدارس الأولية من الديم والخرطوم غرب والجريفات والبراري وشرق النيل. فكان الفاقد التربوي أضعاف ما يمكن إستيعابه في تلك المدرسة، ولذلك لجأ الكثيرون إلى الورش والتدريب على الورش المختلفة. كانت الخدمات الصحية محدودة. فكانت هناك نقطة غيار واحدة في الخرطوم جنوب. ولم تكن شبكات المياه العذبة ممتدة في الديوم، فكان الأهالي يشربون من ألابار السطحية، حيث يقوم السقاة "مفردها سقّى" "بنشل" الماء من الآبار ويحملونها في القربة و جوز من الصفائح على أكتافهم ويملأون الأزيار في كل المنازل نظير ملاليم معدودة. وكان بعض أولئك السقاة من إخواننا من اليمن. وقام بعضهم بفتح متاجر صغيره في الأحياء. أما الأحياء الحديثة في الخرطوم عموم، شمال السكة حديد، فكانت تتمتع بخدمات المياه العذبة عبر الشبكة الممتدة من محطة بري الوحيدة في ذلك الزمان. كانت الحياة الثقافية ممركزة في المدارس. حيث المسارح المدرسية والأناشيد في يوم الآباء. وكنا نردد نشيد المؤتمر "إلى العلا" "وصه يا كنار". كما كان هناك نادي الخريجين بالخرطوم الذي قام مكانه الآن البنك السوداني الفرنسي بشارع القصر. ونادي الكشافة بديم سلمان ثم نادي العمال فيما بعد. فكانت هذه الأندية تموج بالليالي الشعرية والمناسبات الوطنية. وقُدمت مسرحيات على خشبة نادي الخريجين ونادي الكشافة – مثل بامسيكا وخليل وعزة وخراب سوبا ..ز الخ. كما كان بعض الوعاظ المصريين يحضرون في شهر رمضان لإلقاء مواعظ في المساجد القليلة والزوايا الدينية، وفي النادي المصري بشارع فكتوريا "القصر". وقد أنشأنا في الديوم الشرقية نادي الديوم الشرقية ونادي ديم التعائشة. وكانت وما زالت تقوم بانشطة ثقافية وإجتماعية ورياضية عظيمة من داخل تلك الأندية. وأذكر أننا قدمنا روايات على خشبة مسرح الديوم الشرقية منها "يوليوس قيصر" و "النعمان بن المنذر" و "محاكمة خير السيد" وغيرها. وإستطعنا بها وبمعاونة السلطات أن نقضي على ظاهرة الأنادي التي شجعتها السلطة الإستعمارية، لنقيم مكانها النوادي.....))


    ((صفحـ19ـة: ....... كما كان هنالك فريقان من الديوم، وهما فريقا فكتوريا – وسمي فيما بعد بفريق النسر، وفريق ديم سلمان وعدد من الفرق الصغيرة. وكان الميدان الرئيسي لكرة القدم هو ميدان النجيله والمعروف الآن بميدان الأمم المتحدة غرب جامع الخرطوم الكبير، وكانت إحتفالات المولد النبوي الشريف تقام في نفس الميدان. أما في المنطقة الواقعة جنوب السكة حديد وشمال الديوم – حيث الميدان الفسيح الي سبقت الإشارة إليه، كانت هناك ميادين للفرق الصغيرة كفريق البرنس والكفاح والقوز وجلاس – وبعضها أصبح من فرق الدرجة الأولى فيما بعد .....))


    ((صفحـ33ـة: ....... كان آخر مدير لمديرية الخرطوم المستر دينسون ومعه نائبه الإنجليزي - وقد تصحبهم زوجاتهم، يجوبون شوارع الديوم على صهوات خيولهم في الصباح الباكر للتأكد من نظافة الأحياء. وكانت الأسر تعلم بوصولهم بالصفارة التي يطلقها شيخ الحله، فنسرع لنظافة المنازل والشوارع، كل أسرة داخل بيتها وأمامه. وقد يقف المدير مع أحد الأهالي ويسأله إن كان ملاحظ الصحه يقوم بالمرور بإنتظام على المنازل للتأكد من صحة البيئة. ثم يسأل إن كان تاجر الحي لا يبالغ في أسعار السلع. وقد يتساءل لماذا بعض الصبية يلعبون في الشوارع في الصباح ولماذا لا يذهبون للخلوه أو المدرسة. ثم يدلف المدير إلى نقطة الغيار الصحية ويسأل المساعد الطبي عن عدد الزوار وأنواع الأمراض التي تم تسجيلها وكمية الدواء المتوفر ... الخ. وقد عرفنا أن المفتشين يقومون بنفس الجولات التفتيشية في مراكزهم. وكنا في بعض العصريات نذهب لغابة السنط في شرق الخرطوم – مكان المطار الآن، لنتفرج على المدير وبعض الإنجليز وهم يلعبون الجولف. وقد نذهب للخلاء الواقع جنوب الديوم المعروف بالصحافه الآن، حيث يلعب الإنجليز وبعض أصحابهم من الجنسيات الأخرى البولو أو الهوكي – وهي ألعاب إنجليزية لم تستمر بعدهم كثيرا ....))
    ((صفحـ97ـة: ....... جاشت هذه الخواطر بذهني وأنا أعبر محطة السكة حديد بالخرطوم على أقدامي قبل مدة قصيرة وصفير الريح يأتي من داخل الورش التي عشعشت فيها الوطاويط. وأمام مكتب الناظر الذي بنى عليه العنكبوت تدلى جرس أخرس. فلا عجب إن لم تجد القضبان الحديدية، والحال كذلك، إلا أن تسف التراب. فاين ذلك اليوم الي عدنا فيه من البلد للخرطوم وإستقبلنا الوالد والمحطة تموج بالقادمين والمستقبلين، وأصحاب العربات يصيحون: بحري - الديم - أمدرمان!......))

    * احمد عبد الوهاب محمد سعيد، من مواليد الخرطوم 1935م، مراحل التعليم: الديم شرق الأولية، الكلية القبطية بالخرطوم حتى نهاية المرحلة الثانوية 1955م. دبلوم غرفة لندن التجارية في إدارة الأعمال 1959م. شهادة معهد الدراسات الخارجية بوزارة الخارجية الأمريكية، واشنطن 1979م. شهادة المصرف الإسلامي الدولي للإستثمار والتنمية في نظم المعلومات المتطورة لإدارة المصارف الإسلامية، القاهرة 1985م. مدير إدارة التوكيلات بشركة متشل كوتس وشركاه بالخرطوم 1960م. مساعد الملحق التجاري الأمريكي بالسفارة الأمريكيه بالخرطوم 1980م. مدير إدارة البحوث والمعلومات بالبنك الإسلامي السوداني 1985م. المدير التنفيذي للهيئة الوطنية للإغاثة بالخرطوم 1990م. رئيس مجلس الإدارة والمدير العام لمعهد المنهل للتدريب والتأهيل بالخرطوم 1999م.

    وسوف أواصل ...

    أخوك/ عثمان علي آدم [email protected]

    ---------------------------------------------

    عفارم عليك يا عثمان
    أهو كده رجعت البوست لمسارو الأول ، مع صلاح عبدالله
    حا نتابعكم بشغف

    تعليقات سريعة على الصفحات أعلاه
    _ _ _ة _ _ _ _ _ _ _ _ _ _ _ _ _ _

    أول حاجة كويس إنك متذكر العزيز { فتحو } وأظنك عارف إنه ولد أختي ، لا أكيد عارف
    هو الآن ومنذ سنوات في أمريكا سافر لها من اليونان حيث درس الجامعة هناك
    قابلته بعد سنوات طويلة في العام 2002

    Quote: كانت أحياء قديمة مثل حي سلامة الباشا

    أظن هذا الحي الجزء الأمامي منه المتاخم للسكة حديد والمنتهي جنوبآ بمقابر اليهود
    هو الحي المعروف بحي باريس

    Quote: وكان هناك خور يتوسط هذا الخلاء من الشرق إلى الغرب. وهذا الخور موجود منه جزء كبير بالمنطقة الصناعية بالخرطوم ..

    الخور ده هو خور { الصناعات } على حسب إسم الشارع الذي يمر به وهو بيمر بسوق نمرة 2
    وفي تقاطع شارع كترينا ، ويواصل مسيره حتى يصب في النيل الأبيض قبل أن تقطعه المنطقة الصناعية
    ويقال انه كان رابط بين النيلين الأزرق والأبيض ، وتحكي أمهاتنا بأنه كان يعج بالأسماك في مواسم الفيضان

    Quote: فخلوة الفكي عبد الرحمن الضرير

    هو والد الشيخ علي عبدالرحمن زعيم حزب الشعب الديمقراطي ، وبعد إندماج حزبه مع الوطني الإتحادي
    صار نائب الرئيس الأزهري في زعامة الحزب الإتحادي الديمقراطي
    لقب بالشيخ الأحمر لعلاقته مع الحزب الشيوعي وخاصة مع عبدالخالق محجوب
    مازالت أسرته تقطن في الخرطوم 2 جوار مركز جابر ابوالعز للسكري
    وابنه صلاح علي عبدالرحمن من الوجوه المعروفة في نمرة 2

    Quote: وكانت خلوة الفكي محمد أحمد تتبع للطريقة العزمية وهكذا

    مازالت الخلوة كائنة في موقعها وطالتها يد التحديث وبني بجوارها جامع كبير
    والخلوة والجامع يتعهدهما بالرعاية مولانا الشيخ سيف الدين إبن المؤسس الفكي محمد أحمد ابوالعزائم
    وعلى يد كلاهما تلقيت تعليمي الديني وماقبل المدرسي في بداية الستينات

    Quote: وكان الميدان الرئيسي لكرة القدم هو ميدان النجيله والمعروف الآن بميدان الأمم المتحدة غرب جامع الخرطوم الكبير، وكانت إحتفالات المولد النبوي الشريف تقام في نفس الميدان


    ما أكثر الأسماء والميدان واحد
    كان إسمو ميدان عباس ، على إسم الخديوي عباس
    ثم ميدان الأمم المتحدة في العهد الوطني أو في عهد عبود
    ثم القبة الخضراء في أيام الأوباش

    نكرر شكرنا يا عثمان وحانواصل معاك
                   |Articles |News |مقالات |بيانات

03-04-2007, 11:47 PM

Atif Makkawi
<aAtif Makkawi
تاريخ التسجيل: 23-03-2007
مجموع المشاركات: 2132

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Marifity balddaim Tantahy bi maarifaty bi A bdurahman and Abdulraouf
                   |Articles |News |مقالات |بيانات

04-04-2007, 12:21 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب أحمد عجوز :
    Quote: ابو ساندرا انا كلمت ناس البيت في الصحافة وقلت ليهم انا
    الليلة بايت في الديم مقيل مع حبوبة في ديم الذبيرية
    ومبيت في ديم القنا مع جدي ابو امي.
    يا سلام العصر ماشين كورة الديم وسط مع ديم سلمان
    وبالليل عندنا حفلة بجاز الديم .
    اسمع يا فردة صافل ونفاصل




    يا أحمد يا عجوز ، منتظرين رجعتك عشان تحدثنا
    لمن قلت لي ناس البيت إنك بايت ومقيل مع حبوبة في ديم الزبيرية
    اليوم داك بت وقيلت وين
    ؟
                   |Articles |News |مقالات |بيانات

04-04-2007, 01:02 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    العزيز أبو ساندرا

    طبعآ متابع معاك بكل مشاعرى
    لكن مداخلة واحدة لا تكفى بكل المشاعر نحو الديم

    البوست ده كله مداخلة واحدة هنا

    حكايا الديم ( الوطن )

    تحيات الديم يا فردة
                   |Articles |News |مقالات |بيانات

06-04-2007, 12:19 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    أهلآ بالعزيز رأفت ميلاد :
    Quote: حكايا الديم ( الوطن )


    تابعت حكايات الديم الوطن
    وهي بلاشك إضافة رائعة { للديوم الشرقية مهبط الوعي والفن وقلعة نضال ومرتع جمال }

    فكن معنا
    هنا وهناك
                   |Articles |News |مقالات |بيانات

09-04-2007, 08:36 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    شكرآ جزيلآ يا كوتش*

    * الكوتش هو المهندس بكري أبوبكر
    وهذا لقب يضاف إلى القابه العديدة بما فيها
    الريس والعمدة وسيد الحوش وسيد العدة كمان
    على حسب رواية خدر
                   |Articles |News |مقالات |بيانات

11-04-2007, 10:20 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الأخوة أولاد عبدالله { عماد + صلاح }
    وبينهما
    مصطفى سري

    عارفين في الكلام الكتبتوه فوق وردت أسماء أعلام الديم وفطاحلته
    مثل:
    1-
    Quote: شكله دفعة عوض كيته


    تعالوا نحكي عن عوض كيتا وعن كل الجهابزة المذكورين
    يللا شووت يا عماد
    وأبدع يا صلاح
    وتفنن يا مصطفى سري
                   |Articles |News |مقالات |بيانات

12-04-2007, 04:42 AM

sari_alail
<asari_alail
تاريخ التسجيل: 19-10-2002
مجموع المشاركات: 1507

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الأستاذ أبو ساندرا ....
    ولعموم الديامة ....

    وصلنا أمس من كوالالمبور خبر وفاة الحاج عوض الشيخ والد الدكتور محمد عوض الشيخ (أحد ديامة ماليزيا )

    رحمه الله وأسكنه فسيح جناته مع الصديقين والشهداء
                   |Articles |News |مقالات |بيانات

12-04-2007, 11:26 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote:
    Sent : Thursday, April 12, 2007 1:34 PM
    To : [email protected]
    Subject : عوض كيتا

    | | | Inbox


    - عبركم نعزي د. محمد في وفاة المغفور له الحاج عوض الشيخ، سائلين العلي القدير أن يتغمده بواسع رحمته وأن يلهم أهله الصبر وحسن العزاء ... إنا لله وإنا إليه راجعون.
    - عوض كيتا هو عوض ميرغني عِزّو.

    وسأعود ...

    أخوكم/عثمان علي




    الأعزاء
    ساري الليل
    عثمان علي آدم
    أرجو تبليغ أحر التعازي للأخ الدكتور محمد عوض الشيخ
    ونبتهل للمولى العزيز أن يرحم الفقيد ويجعل الجنة مأواه
                   |Articles |News |مقالات |بيانات

14-04-2007, 12:57 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    مقنطر عشان صلاح عبدالله
                   |Articles |News |مقالات |بيانات

18-04-2007, 05:22 PM

مصطفي سري
<aمصطفي سري
تاريخ التسجيل: 07-03-2007
مجموع المشاركات: 2339

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    يا ديامة فوق ، نمتو وللا شنو ، في انتظار صلاح عبدالله
    بالمناسبة وين ضياء ـ واها يا عمدة تعال قول انت دفعة منو
    وتاني يا ابو ساندرا فوق
                   |Articles |News |مقالات |بيانات

18-04-2007, 09:15 PM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مصطفي سري)

    ســـــلام ..

    يا أبوالدرش ، كيف حالك ؟
    ولو قاصد بسؤالك ضياء عبدالرحمن ، فهو في لندن منذ أكثر من اربعتاشر سنة ، وهو الآن بالسودان في اجازته السنوية ..

    أبوساندرا .. سلام يا أصلي ..
    يا عبدالرحمن الغناء زمان كان عندو طعم ، وما معقدينو ..
    أسمع دي :
    أورد الدكتور سعد في كتابه أن أشهر مغنية في الزمن القديم هي شريغة بت بلال التي كانت تغني في الافراح والمناسبات الرسمية الحكومية .
    وقد كانت رائعة الصوت ، جميلة الشكل ، تغني للجيش ، وقد نالت نياشين وفيرة ..
    أعجب بها عبدالقادر حلمي باشا حكمدار السودان في آخر عهد التركية ، ومنحها رتبة عقيد في الجيش التركي تقديراً لفنها وحسها القومي ..
    وكانت تلبس البدلة العسكرية والطربوش ..
    عند فتح مكوار وقعت في يد الخليفة عبدالله ، وبعد الثورة المهدية أصبحت تغني بيوت الافراح وتلبي الدعوات التي تقدم لها ..
    وأحياناً كانت تغني لنفسها، فتذكر ماضيها السعيد وتقول مادحة نفسها :
    هي يوهي شريفة بت بلال
    هي يوهي بت العسكر القدام
    هي يوهي شريفة بت بلال
    هي يوهي بت العسكر النظام

    بجيكم بي تاريخ الغناء القديم السمح..

    ......
                   |Articles |News |مقالات |بيانات

20-04-2007, 10:57 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب صلاح عبدالله

    بجيكم بي تاريخ الغناء القديم السمح..

    منتظرينك يا صلاح
    هنا و هناك
                   |Articles |News |مقالات |بيانات

21-04-2007, 10:02 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    وها أنا قد جئتكم بخبر فن الحقيبة في الديوم القديمة ..

    وأبدأ أولاً بالفنان علي إدريس الشايقي ..
    يقول الدكتور سعد أن كثير من أهالي الخرطوم اتفقوا بأن الفنان علي إدريس الشايقي من ديم التعايشة يعتبر من أوائك الفنانين الذين ظهروا في الخرطوم وذلك في فترة العشرينات .
    وقد كان على الشايقي قبل ذلك أحد الشيالين للحاج محمد أحمد سرور ، وانفصل عنه وانشأ كياناً خاصاً به ، وأصبح يرقّص البنات . والمقصود بترقيص البنات هو أنه اصبح فناناً يغني في اللعبات ، أي الحفلات.
    ففي تلك الفترة كانت تطلق على المغني كلمة مُرقّص بنات ويوصف بالصايع أو الصعلوك .
    ويرجع ذلك لطبيعة المجتمع الدينية المحافظة التي كانت ترى في الغناء نوعاً من الانحلال .
    غنى على الشايقي للكثير من شعراء الحقيبة .
    ولكن نجد أكثر من غنى له هو الشاعر صالح عبدالسيد ( أبو صلاح ) .
    إذ شكلا ثنائية في تلك الفترة المبكرة للغناء السوداني ..
    تميز الشايقي بصوت شجي وبنبرة فيها شئ من الحزن الجميل ..
    ومن الاغاني التي غناها الشايقي لأبوصلاح في عام 1929م أغنيته التي تقول :

    من مناظر الحفلة الجميلة ليلة تُرجح بألف عـــــام
    يا ظبية الناظر كحيلة طرفي ساهر دون الأنــــــام
    قلبي في يدك وما لا قي حيلة كيف يزورني طيف المنام

    وغنى لآبوصلاح أيضاً (( يا أم جبين بدري )) و (( سبعة زينة الدنيا وسعودها )) ..

    اشتهر علي الشايقي على مستوى الديوم القديمة أولاً ثم على مستوى الخرطوم عامة ..
    إذ غنى لفترة في قهوة الامين بسوق الخرطوم شمال عندما كان بشير الرباطابي يغني في قهوة عبدالماجد عوض السيد ..
    ذاع صيت علي الشايقي حتى صار منافساً لأستاذه وشيخه سرور ..

    ومن حكاوي ذلك التنافس أن علي الشايقي كان في احدى الليلي يُحي لعبة ( حفلة ) في الاصطبلات ..
    وكانت في تلك الفترة في مواجهة اشلاق اسماعيل باشا ( القيادة العامة حالياً ) من الناحية الشمالية .
    وجاء سرور ووجد علي يرقّص في البنات ، فما كان من الأول الا أن خلع برنيطته ( من المأثور عن سرور مواظبته على اللبس الافرنجي ) وضرب برأسه رأس علي الشايقي ( وكان سرور مشهور بروسيته ) حتى سال الدم من رأس الأخير ..
    ولكن رغم ذلك استمر علي في ترقيص البنت التي كانت على السباته والدم يسيل من رأسه حتى انتهى من الغنية التي كان يؤديها وهي أغنية :

    من مناظر الحفلة الجميلة ليلة ترجح بألف عام

    ثم حاول بعد ذلك الانتقام لنفسه ، وتدخل الحضور وفضوا الاشتباك بين الاثنين .

    وفي هذه الحكاية دلالة على مكانة الشايقي الفنية في تلك الفترة وبلوغه شأواً أصبح معه الحاج محمد أحمد سرور مؤسس أغنية حقيبة الفن يعمل له ألف حساب .
    وترك على الشايقي الخرطوم وسافر الى الأبيّض واستقر بها في عام 1936م ..



    ونواصـــــــــــل ...
                   |Articles |News |مقالات |بيانات

23-04-2007, 11:39 PM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)

    ابوساندر والديامة

    عزرا للغياب

    اروق واجيكم

    مع خالص

    ودي

    تيف
    تيف
                   |Articles |News |مقالات |بيانات

26-04-2007, 09:43 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    1- مدثر تيف تيف
    ترحيب حار بقلب هجوم الديم مدثر محمد آدم الذي كانت له يد طولى في هذا البوست
    يللا يا مدثر عايزين منك مواصلة مستدامة


    2- رأفت ميلاد
    أعذرني فخفة يدي سببها خفة دمك
    :
    Quote: شيوعية الديم قد تكون صفة لاصقة به من الخارج أكثر منها من الداخل .
    وحتى لا ندخل فى جدل وأكون مخطئآ فأنا تحت خواطرمدينة وليس جدال سياسة .
    لم أحتاج فى الديم أن أعتنق مبدأ لأكتسب مواطنة أو أولد عداء .
    حتى أبناء الديم الذين يوزعون الميدان يوزعونها والسلام .
    لا أنفى شيوعيتهم ولكنها تتلاشى داخل الديم فلا هى تميز أو ذم .

    الذين يختفون داخل الديم هم يختارون المكان الصحيح .
    ليس للمليشيات المنظمة ولا السرية الأمنية كمن يصورون الديم مخيم للفلسطينين .
    ببساطة أهل الديم ليسوا متلصلصين ولا إستعدائين ولا جبناء .
    قد يعرفون وجودك من الوهلة الأولى . شيوعى هارب . أمن مزروع . إسلامى أو حتى لص .
    لهم حدود من الديمقراطية الممارسة قد تصل حد اللا معقول .
    أماكن الفساد لا تحارب بل تعزل من الداخل .
    كثير من الأماكن يمكن ريادتها فى الديم من الخارج وتكون من الداخل ليس لها وجود .
    والذين يمارسون هذه النشاطات يفضلون العزلة . لأن الإحتكاك السلبى عقابه صارم .
    عقاب غير منظم قد يقرره واحد أو إثنان ولكنه صارم الى حدود الندم .
    وليسوا معزولين فى الإحتكاك الإيجابى فلا يوجد منبوذ .

    البيت الذى كانت تصدر فيه صحيفة الميدان سنين وسنين
    وقبض فيه على التجانى الطيب بالقرب من منزلى ويسكن فيه الآن صباحى .
    سكن فيه بإسم حركى وخالط الناس بدماثة خلقه . وبعد القبض عليه لم يلومه أحد .
    وحادثة القبض عليه التى هزت كل الأوساط مرت بدون ضجيج داخل الديم .
    هذا حال إحترام نقد فليس لشيوعيته ولكن لخلقه .

    ُزرع أحد رجالات الأمن داخل المنطقة .
    وصلت أخباره الى الجميع إعلام بدون ضجة فلا يوجد ما يخافون منه أو عليه .
    كان متزوج من أثيوبية شبه معتقلة داخل المنزل .
    وكعادة أهل الديم لا يقابلونك لا بالعداء ولا بالترحاب
    لأنك ليس ضيف بل إحتللت بقعة من الوطن الذى يسع الجميع .
    وينتظرون المبادرة منك . وهذا ما يجعل الإنسان فى توجس فى بادئ الأمر .
    يمكن أن تعيش منفردآ بنفسك أعوام وأعوام ولا يوجد ما يعكر صفوك .
    ولكن دخولك فى المواطنة يكسبك بما لا قد تتصور .

    ذلك الأمنجى نال المواطنة وزوجته صارت صاحبة دار وزوار
    ومعلوماته صارت من الخارج للداخل بدون أن يتم تجنيده .


    وأسمح لي يا { مدير } بالإستلاف من حكاويك اللذيذة عن الديم الوطن
    كلما عن لي
    ثم ، تعال شرفنا هنا
                   |Articles |News |مقالات |بيانات

26-04-2007, 10:48 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الرائع ابوساندرا جايكم

    بس كانت في صور للديم من

    الصديق عمركرفس وجات ما واضحة

    ارجو من الصديق عمر ان يرسل صور

    اخرى حتى يتثنى للزين لم يشاهدو

    الديم ريت الديم

    تيفتيف
                   |Articles |News |مقالات |بيانات

26-04-2007, 11:17 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    العزيز أابو ساندرا
    شكرآ ياخى لإضافتى هنا
    وأنا معاكم بدون إنقطاع .
    آخر مداخلة كانت 28-05-2006, 05:10 م


    Quote: سلام جميعآ

    دخلت البوست متأخر جدآ

    إستمتعت معاكم صح

    أنا سكنت الديم . ديم سعد يا مدثر محمد ادم

    ما إسموا أرض الحيوان و فتح عينك معانا يا مدثر محمد ادم

    كنت بكل فخر جار الطيب آدم (أبو حديد) الحيطة بالحيطة

    يعنى ديامى واعى

    وولدى الهسه نسى العربي كان بتكلم الرندوك

    ما حأتكلم على الديم . سيادة كملوا الكلام

    أحييكم يأهلى بالديوم

    وأعزيكم فى أخوى وصديق عمري عبدالله أبو شيبة

    ولكم الود

    أسمحوا لى أن أتابع هنا ما إنقطع من بوست حكايا الديم ( الوطن ) فالحكاوى لا تخلص ولا تمل عن الديم الوطن .
    سأبدأ بصديق عمرى عبد الله .
    ودى
                   |Articles |News |مقالات |بيانات

26-04-2007, 11:23 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: أسمحوا لى أن أتابع هنا ما إنقطع من بوست حكايا الديم ( الوطن ) فالحكاوى لا تخلص ولا تمل عن الديم الوطن .
    سأبدأ بصديق عمرى عبد الله


    تشرف يا رأفت ميلاد
    وننتظر بلهفة العشاق حكاويك عن الديم
    الوطن المترع بالحكايات والأسرار
                   |Articles |News |مقالات |بيانات

07-05-2007, 07:49 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب ودالديم:
    Quote: اكتبو عن ديم القنا ,,سوق الديم ,,الرعد ,,النصر,,
    البرنس,,الوطن,,النجم الاحمر,,العاصفة,,دكان جون,,
    مكتبة فقيرى


    علي فقير و الطليعة
    --------------------------
    { 1 }
    ما أن يذكر علي فقير حتى تذكر الطليعة
    المكتبة ، وفريق الكرة
    في الستينات وعند نهوض حركة اليسار السوداني وحركات التحرر الوطني
    في افريقيا وامريكا اللاتينية أنشأ علي فقير مكتبة الطليعة في الركن
    الجنوبي الغربي لسوق الديم وأنشأ مع أخرين فريق الطليعة في المساكن الشعبية
    بيوت الحجر جنوب التي تقع أيضآ في جنوب غرب الديم .
    لعبت مكتبة الطليعة دورآ بارزآ في الوعي والتثقيف خاصة لأبناء جيلنا
    والأجيال المتعاقبة إلى يومنا هذا ، وعندها كانت تدور مناقشات حامية تماثل
    أركان النقاش في الجامعات حيث كان معظم الديامة من الموظفين والمعلمين
    والعمال يتوقفون لشراء الجرائد من المكتبة ويتبادلون قراءتها فالذي يشتري
    الأيام يبادلها بالصحافة أو السودان الجديد أو الرأي العام ، وكذلك الجرائد الحزبية
    وأبرزها الميدان والناس ، وينهمك الناس في تناول الأخبار التي قرأوها بالتعليق والتحليل
    إلى جانب الصحف اليومية كانت المكتبة زاخرة بالمجلات بدءآ من المناسبة لأعمارنا إذ كنا
    شفع يفع مثل سوبرمان والوطواط وبونانزا وميكي وسمير ، وكتب روايات الجيب وأرسين لوبين
    وأغاثا كريستي والأصدقاء العفاريت بتوع المعادي ناس تختخ ولوزة ومحب
    وكذلك كانت هناك المصور وآخر ساعة وروز اليوسف وصباح الخير
    وكانت توزع مجلة الطليعة لسان حال اليسار المصري برئاسة رفعت الخولي ، وكنا نظن أن
    المكتبة إستمدت إسمها من المجلة حتى عرفنا لاحقآ أن كلاهما { المكتبة والمجلة } إستمدتا
    الإسم من اليسار والطبقة العاملة
    مازالت مكتبة الطليعة تواصل مهمتها النبيلة من نفس المكان ومازال علي فقير
    يبيع الوعي وينشر الإستنارة
    فله التحية والتقدير

    ونواصل
                   |Articles |News |مقالات |بيانات

07-05-2007, 10:06 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    علي فقير والطليعة
    { 2 }
    واسس علي فقير فريق الطليعة مع أخرين من بيوت الحجر جنوب
    وسرعان ما إحتل الفريق موقعه ضمن فرق المقدمة في الساحة الشعبية
    في الديوم الشرقية
    ومزاج علي فقير بيتحدد على مستوى وأداء فريق الطليعة
    تلقاهو هاشآ باشآ ، كريمآ جوادآ عندما تكون الطليعة منتصرة
    ونزقآ عند هزيمتها
    فقد كان ومازال علي فقير شديد الولاء وواضح الإنتماء
                   |Articles |News |مقالات |بيانات

07-05-2007, 11:11 AM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18579

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    أستاذ أبو ساندرا
    تحايا
    انت السر شنو في تسمية
    الديامة حطب القيامة؟؟
    وبعدين انت أنداية منفّلة هسة وين!!


    شكرن كتيرن!
                   |Articles |News |مقالات |بيانات

07-05-2007, 10:43 PM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: حبيب نورة)

    Quote: العزيز/ مدثر
    التحية والسلام والتقدير..

    فأنا من عاشقي الموقع .. ولكن قدرة بكري ابو بكر نافذه. لذلك عبرك أدلف للمنبر بدافع غريزي من حجم العنوان (اليوم الشرقية). ذلك العلم الذي يظل في تاريخ السودان يشار إليه دوما ببنان الفخر والإعجاب .. الديم .... الديم.
    ومما إستوقفني (ناس علي آدم)...
    علم من أعلام الديم ... إذ بعد إنفاذ قرار الترحيل من الديوم القديمة (حيث كان موقع بيت ناس علي آدم) هو في أمية الكهرباء جنوب الحديقة التي تقع شمال مقابر فاروق حاليا. كان علي آدم قد إستبق الجميع فبدأ في حفر بئر في الموقع الذي حدد له (بيت ناس علي أدم حاليا). ولامن جابت المويه، ضرب الطوب. وبعد الساعة ثلاثة كان مع إخوانه وجيرانه يبنو طوبه طوبه .. وحينما حانت ساعة إنفاذ القرار كان البيت قد إكتمل كأول بيت في المنطقه. وكطيبة ناس ذلك الزمن، دفع وتنازل عن القطعة التانية – لأنو كل ناصية في الديم بي نمرتين .. آآآآآآآخ.

    شكرا مدثر ... أنا ما قدرت أجمع .. عايز أعرفك.

    لامن جو ناس الديوم القديمة في ديم تقلي والجوامعه، طلبوا منه عدم سقف البئر لتحويلها مرحاض حتى ناس الحكومه يوصلوا المويه. فإستجاب لهم فكانت هي مورد الماء إلى أن تم تركيب الماسورة في محطة التعاون والشروع في حفر بئر الديم بسوق القنا.

    شكرا .... شكرا .... شكرا مدثر، ولا تنسى من ناس الديم:

    ناس علي قيلاب، ناس باسبار، ناس علي بوب، خديجه الدايه، عم إبراهيم بلال، ناس جرقندي .... وبرجع ليك بعد ما أنشط الذاكره.

    تخريمه:

    على أحمد رجب (خلوة الفكي محمد أحمد ثم مدرسة النور خضر ثم الخرطوم جنوب الأميرية ثم الخرطوم الجديده ثم الفرع) قانوني فذ، جار عليه الزمن وضاع ... هل لك أن تتبنى حمله عبر المنبر للأخذ بيده وإنتشاله من وهدة الإدمان التي تردى فيها ؟ ... أرجو ذلك أخي مدثر، فالأستاذ علي رجب يستحق أن نأخذ بيده!

    وعبرك التحية والتجلة لأبو ساندرا لإتاحته هذه الفرصة النادرة. ولمولانا عادل سمير توفيق ..

    مع كل الود...
    أخوك/ عثمان علي آدم
                   |Articles |News |مقالات |بيانات

07-05-2007, 10:49 PM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    Quote: أنا سكنت الديم . ديم سعد يا مدثر محمد ادم

    ما إسموا أرض الحيوان و فتح عينك معانا يا مدثر محمد ادم

    كنت بكل فخر جار الطيب آدم (أبو حديد) الحيطة بالحيطة

    يعنى ديامى واعى

    وولدى الهسه نسى العربي كان بتكلم الرندوك

    ما حأتكلم على الديم . سيادة كملوا الكلام

    أحييكم يأهلى بالديوم

    وأعزيكم فى أخوى وصديق عمري عبدالله أبو شيبة



    ولكم الود


    العزيز رافت
    سلام بس انا علي حسب معرفتي
    انو من المجلس لاحدي البرهانية دي ارض
    الحيوان حلت طارق احمد ادم ومنقستو
                   |Articles |News |مقالات |بيانات

07-05-2007, 11:07 PM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    العزيز ابو ساندرا

    الاخ عثمان علي ادم

    زكر ناس حلتنالكن في زول مهم في الناس دي الرفيق علي رجب

    المحامي

    علي رجب خالي متزوج اختو

    امي حكت لي عنو هو لمن كان طالب زمان كان اشطر زول وانظف زول

    في الديم وكان كل ناس دفتتو في المدرسة والحلة بشرح ليهم

    وبرضو جوج خالتي دكتورة نجلاء تمساح سيف اليزل محمد سري

    وكيل اول نيابت الخرطوم شمال قال لي انو علي رجب دا كان اشطر

    محامي واحنا كنا بنخاف منو

    علي رجب احد ضحاية الانقاز سحبت منو الختم وكان علي طول ضيف
    في بيوت الاشباح

    علي رجب وجمال عبد الرحمن والحاج ميرغني والدكتور علي فضل
    ديل القلت عنهم

    كانو يتعزبون من اجلنا
    ويضحون في سبيلنا
    ويتالمون لبكاء اطفالنا
    من هم ؟
    ولمازا؟
    ومن اين ياتون؟
    لست ادري
    ولاكن حين رايت
    دمائهم تسيل
    لاتروي ارض الفقراء
    ايقنت ان اللون
    الاحمر لون الشرفا
    وانهم شوعيون
    ياتون من زاتنا
    لانهم ثوريون
    ازن شوعي انا


    ابوساندرا احيكي لي الناس ديل منو
    علي رجب

    وراجع تاني
    تيف تيف
                   |Articles |News |مقالات |بيانات

08-05-2007, 04:59 PM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    فرقة الراحل مصطفي سيد احمد
    تكونت في الديم علي حسبروايت العم جمعة

    حتى كان حكى لي قصة اغنية الراحل مابين زمن متمنيهو

    للشاعر الكبير الكتيابي

    انو يوم بالانهار كانو شغالين بروبة في بيت ابراهيم حسين

    جازالديم قعدين في البرندة شغالين فجة جا الاستاز الكتيابي

    طالع من الغرفة كان راقد جوه وشائل ورقة في ايدو بهتف وينطط

    وقال ليهم لقيتا لقيتا المرحوم قال ليهو كدي براحه شنو هي القيتا

    قام طوالي الكتيابي ادوهو الورقة وفيها الاغنية الورحوم شالة وقراها

    وقال ليهو مدام كده نلحنها اسع دي اتلحنت واتغنت في نفس اليوم بلليل

    في حفلة في الديم

    ولينا عودة

    تيف تيف
                   |Articles |News |مقالات |بيانات

18-06-2007, 00:05 AM

ابراهيم عدلان
<aابراهيم عدلان
تاريخ التسجيل: 04-01-2007
مجموع المشاركات: 3418

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    +
                   |Articles |News |مقالات |بيانات

18-06-2007, 04:32 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    إبراهيم عدلان :
    ألف حمدآ لله على السلامة ، ياخ شفقتنا
    مرحب بالعودة المجيدة الظافرة
    ومستنين/مشتهين روايعك

    مدثر محمد آدم { تيف تيف }
    برضو نكرر ترحيبنا بعودتك ومداخلاتك
    حول أغنية مصطفى سيد أحمد { مابين زمن متمنيهو } أظن أن شاعرها
    صديقنا الشاعر محمد المهدي عبدالوهاب
                   |Articles |News |مقالات |بيانات

21-06-2007, 10:33 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب هيثم القوز:
    Quote: العزيز أبوسـانــدرا

    من طــرائــف شُلل الديوم الغربية و بالأخــص في القــوز هاك دي:

    أذكـــر في سنــة 1986 على ما أعتقد عندما وقعــت الطـيارة الليبريــة في أركــويت ..
    .. في القــوز هناك عندنا واحــد إسمــو

    طيارة معروف و مشهور بخفة الدم و الفكاهة و من ثم (بالشربـة) ...
    و كان في ذلك اليوم يالليل في حفلة في القوز ... و كان

    صاحبنـا طيارة دة واقف لطططط .. و برقص جم النســوان ...
    اهـا في مــرة فصيحة كدي قالت ليهـو ... يا طيارة زح كدة ما تقوم

    تقع فوقي ... و بسرعة البديهة قال ليها أقـع فيك إنت أصلو أركــويت ...
    و طبعاً الحفلة كلها بقت تضحك هاهاهاهاهاها...

    و بجيـــك صـــادي مرة تانيــة كان بقينا من أهـل الدنيــا...

    هيثـــم القــوز


    يجازي محنك ومحن وحنك طيارة ياهيثم يا لذيذ
    رفعنا المداخلة من فوق عشان الناس تفتح بيها خميسها
    إن شاء الله في ديم سلك
                   |Articles |News |مقالات |بيانات

26-06-2007, 06:47 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: مدثر محمد آدم { تيف تيف }
    برضو نكرر ترحيبنا بعودتك ومداخلاتك
    حول أغنية مصطفى سيد أحمد { مابين زمن متمنيهو } أظن أن شاعرها
    صديقنا الشاعر محمد المهدي عبدالوهاب


    الرائع ابو ساندرا سلامات

    بس انا كان ركزت علي القصة لانو كان حكاها لي

    العم جمة الله يفك كربتو وبعتزر للخطاء الفني

    والقصيدة انكتبت في الديم في بيت ناس ابراهيم حسين فرقة جاز الديم

    مع خالص مدي
    ولنا عودة
                   |Articles |News |مقالات |بيانات

24-06-2007, 07:08 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    آل مدني وأصهارهم ضباط شرطة عظام من الديم:
    أسرة مدني من الأسر المعروفة جدآ في الديم
    وهم من شايقية جلاس على ما أعتقد
    أبرزهم :
    1-الفريق أول عباس مدني :والذي كان وزير داخلية حكومة المجلس العسكري { سوارالذهب + الجزولي دفع الله}
    والفريق عباس لم يسكن الديم لكن كان له بيت سكنته بنته أمل زوجة صديقنا العقيد عبدالرحيم
    وعبدالرحيم إبن محمد الحسن مدني عميد آل مدني
    2- العميد التهامي مدني : من كبار ضباط وزارة الداخلية وعمل في عدد من المراكز الهامة
    سكن في ديم القنا
    3- العميد الخير مدني : عمل في إدارة المرور معظم سنين خدمته وكنا نراه بالزي الرسمي الأبيض
    4- العميد فوزي التهامي مدني
    5- العقيد عبدالرحيم محمد الحسن مدني

    ومن الأسرة وايضآ من الديم :
    - الفريق عمر جعفر { ود ودشيخنا } والفريق الأول عباس مدني متزوج من بنات ودشيخنا
    والفريق عمر أحد نواب مدير عام الشرطة حاليآ
    - الفريق عوض خوجلي : كان مدير عام الشرطة وسكن في بيوت البنك العقاري في نهاية الديم
    - العقيد عادل عبدالرحمن { كرنديس }
    - العقيد عبدالسلام تاج السر ، من أسرة ودشيخنا التي تربطها علاقة مصاهرة بآل مدني
    - المقدم معاوية جعفر

    جميعهم قطنوا الديم وكلهم متقاعد حاليآ ماعدا الفريق عمر جعفر
                   |Articles |News |مقالات |بيانات

04-07-2007, 01:22 AM

ابراهيم عدلان
<aابراهيم عدلان
تاريخ التسجيل: 04-01-2007
مجموع المشاركات: 3418

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    يا عبدالرحمن كيف تنسي جعفر مدني و الموتر البي سي و جعفر احرف من ركب موتر في الخرطوم بشهادة مجيد وودالجاك المنقطنها و جاين في صناديقا
                   |Articles |News |مقالات |بيانات

26-06-2007, 07:18 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب عامر تيتاوي:
    Quote: العزيز ابوساندرا

    تحياتى لك وللديم العريق

    اشتهر الديم باسماء المحطات على الشارع

    حجازى

    الشجرة

    التعاون

    الغالى

    هل من توضيح لهذه الاسماء


    أهلآ يا عامر ، بعد سنين ودنين نرد عليك
    1-محطة حجازي سميت على العم حجازي وكانت المحطة تجاور منزله حيث متجره
    ومحله للأفراح

    2- محطة الغالي سميت على العم الغالي تمر السوق لمجاورتها منزله

    3-محطة الشجرات التي تقع في التقاطع المؤدي لسينما النيلين ومركز صحي المايقوما
    ودار رعاية الطفل في المايقوما وميدان رابطة المايقوما ومسجد وخلوة آل ابوالعزائم
    وسميت كذلك لوجود ثلاث شجرات ظليلات عند التقاطع

    4-محطة التعاون هي محطة كمبال ومحطة حسن بشير ، فبالنسبة لبص العشش والإمتداد
    إسمها التعاون لوجود محل لحوم وخضروات هناك وبالنسبة لبص الديم ناس بيسموها
    محطة كمبال عشان فيها دكان كمبال وناس بيسموها محطة حسن بشير
    وحسن بشير هو والد الراحل السر حسن بشير ريس هيئة الطيران المدني ورئيسها العام
    وكمبال والد سرالختم كمبال كان مدير إدارة صلاحية الطائرات بالطيران المدني
    يعني أولاد جيران ومشتركين في محطة واحدة وزملاء في الطيران المدني
                   |Articles |News |مقالات |بيانات

26-06-2007, 05:31 PM

محمد الطيب حسن
<aمحمد الطيب حسن
تاريخ التسجيل: 31-03-2007
مجموع المشاركات: 1609

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote:
    حياك الله ابو ساندرا ..


    صنفرة :

    ليس الديامي هو من سكن الديم ولكن الديامي هو من احبها و (تسكع) فيها !!



    ديامي اخر بالتجنس


    تسجيل حضور عشان ماتكتبونا غياب
                   |Articles |News |مقالات |بيانات

27-06-2007, 04:12 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب مدثر محمد آدم :
    Quote: الرائع ابو ساندرا سلامات

    بس انا كان ركزت علي القصة لانو كان حكاها لي

    العم جمة الله يفك كربتو وبعتزر للخطاء الفني

    والقصيدة انكتبت في الديم في بيت ناس ابراهيم حسين فرقة جاز الديم

    مع خالص مدي
    ولنا عودة


    معك نبتهل للمولى الكريم بأن يرد العافية والصحة للعم جمعة
    ولا عليك يامدثر فنادرآ مانتذكر الشعراء ، وأظن أن الكتيابي كتب { لمحتك }

    بيت ناس إبراهيم حسين مثابة للفن والإبداع
    وحاضن لفرق عديدة أولها وأهمها فرقة جاز الديم
    ياريتك تكتب عن جاز الديم
    وعن عمر عبدو وإبراهيم حسين
    والعم قسم الله الأب الروحي لفرق الجاز في الديوم
                   |Articles |News |مقالات |بيانات

27-06-2007, 06:24 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: كتب مدثر محمد آدم


    الرائع ابو ساندرا

    تعرف اقول ليك حاجة تمحن خارج موضوع البوست

    انا من يوم الاحد 17 كنت في السجن وطلعت يوم 25 الساعة 12 ليلا

    المفؤضية سلمتني لي كلاب امن الدولة المصرية واتسجنت في قسم

    اول اكتوبر

    دا كلو ما مشكلة ولا مزعلني لنو داء سلوك طبيعي من مكتب الامم المتحدة

    في القاهرة

    حتى الناس الباقين علي لما فقدوني كم يوم سالت المكتب وامن الدولة

    نكرو وقال ما عارفني وين

    بعد اربعة ايام الناس عرفت انا وين رغم تكتم المكتب وكلاب امن الدولة

    علي اعتقالي

    المزعلني يا ابو ساندرا انو في ناس كانت شمتانا فيني وما وقفت معاي

    فيهم للاسف زملاء شوعين وناس في المنبر برضؤ زملاء

    اقلها كانو يسبتو حاجة انو المكتب وامن الدولة بنتهكو حقوق الاجيئين

    السودانين عشان كده في ناس فضلو اسرايئل علي مصر اقلاها هناك بتحترم

    انسانيتو

    داير اسبت ليك حاجة انو في ناس عاسين بي وشين في المنبر بي وش طارحين

    نفسهم مناضلين وفي الحياة اشرف منهم الكيزان لانهم مجرمين وما داسنها

    لكن ديل منافقين ميمكن احددليك اسماهم واحد واحد يمكن تصدم فيهم

    تعرف موضوع سجني دا كل القاهرة كانت عارف

    الوقف معاي منو او سال مني

    كمندر اسامة الحركة الشعبية
    سيراز امين زميلةوصحفية في جريدة الشرق الاوسط
    ريم امين زميلة
    مرغني مساعد الحزب الاتحادي
    مجاهد محجوب ديامي
    والسيد ممثل مكتب الحركة الشعبية القاهرة
    طارق ديامي
    احمد الطيب زميل
    سحر رجب صحفية مصرية جريدة المساء
    سلافة جمال ديامية
    معاوية مدير المدرسة
    استاز سيد
    وطفال المدرسة
    شيراز ايوب
    شهاب ايوب
    محمد الفاتح
    اكرم وقف بين بين
    وفي ناس كانت واقفة بي قلبه معاي

    (عدل بواسطة مدثر محمد ادم on 28-06-2007, 09:50 AM)

                   |Articles |News |مقالات |بيانات

27-06-2007, 07:23 AM

bukhary el amin
<abukhary el amin
تاريخ التسجيل: 04-06-2007
مجموع المشاركات: 185

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الاخ أبو ساندرا لم اكن انوي الدخول في البوست فانا مستمتع جدا بالحكاوي ولي مشروع في الكتابة عن الديم بشكل مختلف شوية فانا اري ان يكتب عدد من الديامة عن سيرتهم الذاتية ومنها سوف نخرج بعدد مقدر من القوانين الاجتماعية والتجارب المفيدة ، وما جعلني اتداخل معكم ذكري الاستاذ النور يعقوب ( بالمناسبة شعرة جلدي كلبت ) فهذا الرجل كبير ، عرفنا بوفاته بعد ثلاثة ايام وكان عيد الاضحي علي الابواب واسرته تقيم الان في ابو حراز جمعنا ما تيسر لان ظروفهم جد قاسية وكان لي رأي ان نتبني مشروع ان شاء الله ماكينة خياطة عموما اود استشارتك ان ننشئ اي شكل من التنظيم باسم الديم اجندته الاساسية تنظيم الوقفة مع اسر الديامة ( المحتاجة ) ...
    وساعود اليك سريعا واكثر ترتيبا
    بخاري عثمان الامين
    حلة الساحة الشعبية - فريق الكفاح
    0912312371
                   |Articles |News |مقالات |بيانات

27-06-2007, 08:27 AM

Haytham Abdulaziz
<aHaytham Abdulaziz
تاريخ التسجيل: 28-05-2006
مجموع المشاركات: 2871

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: bukhary el amin)

    رد لي أبوساندرا بعد سنة من المداخلة بتاعتي و كانت يوم 06/06/2006 و قال...

    Quote:
    يجازي محنك ومحن وحنك طيارة ياهيثم يا لذيذ
    رفعنا المداخلة من فوق عشان الناس تفتح بيها خميسها
    إن شاء الله في ديم سلك


    الله يجازي شيطانك يا عبدالرحمن دة رد دة و لا خروج و عودة لمدة سنــة الحمدلله أهو عايشين عشان نرد ليك ....

    تعرف يا ابوساندرا زي ما قلت ليك طيارة دة زول نكتة و طوالي في حالة بهجة ... أها يوم الصباح طالع و ماشي ديم سلك و نحن قاعدين في ضل بيتم... أها أمو قالت ليو يا ولدي خلي الكلام الفارغ دة و أمشي شوف ليك عروس عرسا ... قال ليها يا حاجة عرس شنو بلاي .. اولاد ديم سلك اللافين ديل كلهم أولادي....


    حاشيــة:

    سبحان الله هسع طيارة إتزوج و بقى راجل مسؤل و جاري وراء رزق أولاده ... و طوالي في الجامع ... ربنا يديهو الصحة و العافية و يخليهوا لأولاده... و بجيك صادي عندي ايام حلوة في الديم من شباب دفعتي ...
                   |Articles |News |مقالات |بيانات

27-06-2007, 11:07 AM

عامر تيتاوى
<aعامر تيتاوى
تاريخ التسجيل: 14-01-2006
مجموع المشاركات: 3328

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Haytham Abdulaziz)

    كتب ابوساندرا :

    Quote: أهلآ يا عامر ، بعد سنين ودنين نرد عليك


    كل عام وانتم بخير
    والسنة الجاية زى ما دايرين وكده


    وشكرا على الشرح وتوضيح اسماء محطات الديم
    وتحياتى للديامة
                   |Articles |News |مقالات |بيانات

27-06-2007, 11:33 AM

عامر تيتاوى
<aعامر تيتاوى
تاريخ التسجيل: 14-01-2006
مجموع المشاركات: 3328

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: عامر تيتاوى)

    " target="_blank">[url=http://www.sudaneseonline.com/][/URL]

    عزيزى ابوساندرا والاحبة فى الديوم العريقة
    هذه صورة حديثة 2007 لمحطة باشدار فى الديم
    وشكرا ابوساندرا على دعوتك لنا فى حوش الديم العامر
    ولكم الود
                   |Articles |News |مقالات |بيانات

28-06-2007, 10:12 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: عامر تيتاوى)

    الاخ ابو ساندرا والاخ عامر

    دي محطت الشجرات وبقالة مرمره جنبها جزارة القوصي

    والعمارة الاولي عمارت دبي تحتها طوالي بيت ناس قرني

    والعمارة موستوصف كان بيت ناس عمك السر

    والعمارة الثالثة بيت الفريق كمال علي صالح

    واسع مكتب الحركة الشعبية
    شارع الكشك الاخضر يمينبودي النظام العام

    وشمال بودي جامع سيف ابو العزائم بيت ناس جدنا

    محمود تمساح يعني دي حلتنا حلت المجد
    وجنب الكش الاخضر بيت نا يوسف سعد واخو صبري عيون
    بفتح علي فارس
    انا اتربيت هناك ولعبت في فريق المجد
                   |Articles |News |مقالات |بيانات

28-06-2007, 05:07 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب عامر تيتاوي:
    Quote: هذه صورة حديثة 2007 لمحطة باشدار فى الديم


    يازول الصورة دي وين وباشدار وين
    المنظر ، بدليل محل مرمر
    بيقع في محطة التعاون/ كمبال
    على يمين الشارع وأنت جاي من الخرطوم في إتجاه الجنوب

    والزول المكحكح الظاهر في الصورة ده لو ماخانني النظر
    بيكون حسن عطالمنان ، أصلو بيسكن بالقرب من مكان اللقطة على اليسار

    مرحب بيك يا عامر يا تيتاوي
                   |Articles |News |مقالات |بيانات

29-06-2007, 03:38 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    فوق
                   |Articles |News |مقالات |بيانات

29-06-2007, 10:29 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    ولدنا مدثر ..

    كيفك

    Quote: الاخ ابو ساندرا والاخ عامر

    دي محطت الشجرات وبقالة مرمره جنبها جزارة القوصي

    والعمارة الاولي عمارت دبي تحتها طوالي بيت ناس قرني

    والعمارة موستوصف كان بيت ناس عمك السر

    والعمارة الثالثة بيت الفريق كمال علي صالح

    واسع مكتب الحركة الشعبية
    شارع الكشك الاخضر يمينبودي النظام العام

    وشمال بودي جامع سيف ابو العزائم بيت ناس جدنا

    محمود تمساح يعني دي حلتنا حلت المجد
    وجنب الكش الاخضر بيت نا يوسف سعد واخو صبري عيون
    بفتح علي فارس
    انا اتربيت هناك ولعبت في فريق المجد

    يا ولدنا ده كلام زول مشتاق ساااااي ..
    شكلك خرمان للديم خرمة شديدة ..
    ارجع أخد ليك كم يوم كده استنشق هواء الديم ، وقابل ناسو الحلوين ، واتخارج ..
                   |Articles |News |مقالات |بيانات

29-06-2007, 11:03 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)

    العزيز صلاح

    سلامات اقول حاجة انا بالكتر كده اسبوعين انشالله

    بكون في الديم والله مشاق كتير للديامة

    واجمل حاجة الواحد يكتب عن الديم من داخل

    الديم تحت ضل الشجر واركان البيوت ونواصي شوارع الظلط

    مسكونا فينا الساحة الشعبيةومدابات اعمامك البجلسو جنب

    بيت الخزين ومناقرات عمك مولا حلت الاتحاد مع ناس الربيع

    مع خالص حبي للديامة

    تيف تيف
                   |Articles |News |مقالات |بيانات

30-06-2007, 02:00 AM

ابراهيم عدلان
<aابراهيم عدلان
تاريخ التسجيل: 04-01-2007
مجموع المشاركات: 3418

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كنتو وين يا خشب لمن كنا نجارين

    عبارة ساخرة تذكرتها اليوم و تذكرت قائلها العم الرفيق يوسف حوار احد ابناء الديم البررة لا ادري ما فعل الزمان به

    اين هو الآن
                   |Articles |News |مقالات |بيانات

30-06-2007, 05:13 AM

ابن النخيل
<aابن النخيل
تاريخ التسجيل: 13-01-2003
مجموع المشاركات: 549

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: ابراهيم عدلان)

    زرت الديوم الشرقية خلال سفرتى الاخيرة لارض الوطن...شربنا شيشة فى سوق الديم العتيق وطفت حول الساحة

    الشعبية...ومررت على الزرايب حيث كان يقيم عمنا الماحى ويعمل عمنا محمد احمد وقدمت واجب التحية

    لال الاستاذة فايزة كورتى....وتناولنا الجبنة عند ال النجاشى الجديد...وعدت ذكريات لم ولن يجور

    عليها الزمان....فليدم الديم مهبطا للوعى وساحة للنضال وباحة للتسامح
                   |Articles |News |مقالات |بيانات

30-06-2007, 08:05 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: ابن النخيل)

    Quote: ومررت على الزرايب
    ابن النخيل مرحبك الف سلام في حلتك

    شفت رحت الزريبة كيف مع المطر دعاش

    تيفتيف
                   |Articles |News |مقالات |بيانات

01-07-2007, 07:35 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب إبراهيم عدلان:
    Quote: العم الرفيق يوسف حوار احد ابناء الديم البررة لا ادري ما فعل الزمان به

    اين هو الآن


    لاحولالالالالالالالا يا إبراهيم
    سنوات طويلة ولم يطقش هذا الإسم الجميل أذني
    المناضل يوسف حوار
    تاريخ مجيد وحافل

    ياريتك تكتب عنه في هذا الخيط يا عطلان
                   |Articles |News |مقالات |بيانات

01-07-2007, 10:55 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    >
    Sent : Saturday, June 30, 2007 12:03 PM
    To : [email protected]

    | | | Inbox


    اخى عبد الرحمن تحياتى لك وللاسرة الكريمة ولجميع الديامة وهم يعطرون البوست
    ويوثقون لكل ماهو جميل ورائع يجسد عظمة الديم وساكنيه ومحبيه

    تابعت بكل الحزن مارصده الاخ بخارى عن الوضع الاقتصادى لإسرة الزميل النور يعقوب له الرحمة
    واعتقد ان الاقتراح الذى تقدم به جدير بالتبنى والتفعيل ....
    ساكون فى الوطن خلال الاسبوع القادم وارجو ان نعكس جميعا ارتباطنا وحبنا للديم
    واهله بصورة عملية فى تخفيف معاناة الاخرين خاصة أولائك الذين رحلوا
    وهم ياسرون على انفسهم وقدموا للديم وللوطن بلا من ولااذى ...
    اتفقوا على شكل المساهمة والقيمة المقترحة وسنبادر معكم مع ابناء الديم فى الامارات ...

    * توفى الاسبوع القبل الماضى المرحوم محمد ابوالروس خال اولاد كاشف بيوت الحجر له
    الرحمة والمغفرة والعزاء موصول لألكاشف ولإبنا الحجر

    محمد سعيد احمد
    العين/ الامارات العربية المتحدة

    -----------------------------------------------------------------
    أحر التعازي لآل كاشف
    ولعموم ناس المساكن الشعبية { الحجر الشمالي }
    سائلين المولى الكريم أن يتقبل الراحل محمد أبوالروس قبولآ حسنآ
    وأن يجعل الجنة مأواه

    سوف أعود لإقتراح الأخ بخاري لاحقآ
    رافقتك السلامة يا محمد سعيد
    ووصلنا سلامنا للديم وناسو
    واخص أحمد عثمان سيحة { ديم }
                   |Articles |News |مقالات |بيانات

03-07-2007, 01:59 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote: ضحكة صدق

    هدأ حيلي
    طول سكة
    السفر
    البعيدة عن
    عيونك ياوطن.
    ومقيل قلبي
    في شقى البعاد
    ليل غرية.
    لابس سواد ظلامو
    حداد.
    وفارش نجومو
    ليك مأتم.
    ونار الشوق
    قائداها محن.
    وحاجات تجنن.
    كل المساحات
    من دونك سجن.
    ولقيت هنا النفاق
    قائم بين الصحاب
    شجر عشر.
    بي وشين ومادي
    في سرو لسانو
    للمطر.
    انتهازية
    وسخف مثقفاتية
    تجار نضال
    متمرين جزمابي
    عرق الغبش.
    وقاشرين بي
    قضيتك
    حتى كمان علام
    الصغار.
    لمة شوك في
    زهرة بستان.
    واقفين وراء
    بابك شمتانين.
    جالسين حول ضريحك
    نواح
    وجواهم مبتسمين.
    وبائعنك للناس
    في منبر سوق
    عكاظ.
    زيف كلام
    داقين جرس نضال
    وخادعنك بي ضجيج طنين
    الوهم.
    واحنا الكم كنا
    شائلنك كم.
    بين رموش عيون
    الحبيبة هم.
    نازل فوق جرح
    جبينك
    دمعةحزن
    ممزوجة بي
    مرارت ملح
    وجع الالم.
    واتوسدنا ترابك
    من التعب حضن.
    وانشدنا غنوة لقاك
    بي طبلة عز
    داقة في جوف
    الخوف.
    وكاتمة نباح كلاب
    الامن.
    وشفتك في خاطر
    فرح الرجوع
    حلم.
    وكتين اصل.
    مرسوم في ملامح
    ضحكة اشواق
    حبيبة.
    ومشدود حبل الوصل
    بيني وبينك وتر
    ريد مدوزن.
    علي نغم لعب اطفال.
    تبني من طينك
    في الغيب
    للحب مدن.
    وقمر ليلك قاعد
    في السكون.
    يمشط ضفائر زعف
    النخل بالضؤ.
    وشمس صباحك طالعة
    مبتسمة.
    وراقدة علي حجر
    امي.
    من التعب تنجم.
    وتغرف بايدها من
    نيلك.
    تغسل وجيها
    وتشطف رجليها
    ومن غبار وسخ
    السفر
    في موجو تنحم.
    واجلس في العصاري
    تحت ضل نيمة.
    وتحت قعر حيطة
    في ركن شارع.
    معاي رفاقي
    بالجد.
    ونقهوج في جبنة
    حب.
    ومتوسدين الاحمر
    جدلة عرسك.
    مزخرفة بالبنفسج.
    ونقالدفي وقت
    الاصيل.
    شجن عناء الطير.
    وجزن صوتو
    مره بالضحك
    ومره بالنضم.
    ونأخز من الديالكتيك
    وعي.
    لي عرق الزول
    الجاي راجع
    من الشغل.
    تفاصيل شقى
    اليوم
    حر الشمس
    هم العيال
    فسرنا همو بي
    فهم.
    ونغازل عيون
    الفراش بالرحيق
    ساعة يمر علينا
    في الحلم.
    وانا الجائك
    راجع
    مع الانسام
    وفاتح ليك صدري
    وكلو جراح
    وفارد ايدي
    شراع مركب شوق.
    لي جناح الريح
    ومباري السحاب
    خطوات في دربك.
    وراي قدامي
    اهت اشواق
    حبيبة.
    متبتبة بغناها
    حزن القلب.
    ومسكنا بي طرب
    موسيقة حروفا
    ودار الم الجرح
    ضنى البعاد
    في لحظة لقاك.
    مادي الحبيبة
    الكنت داسيها
    في عيون للزمن.
    مأخزه من ملامحك.
    خبيتا بين الغيم
    والارض.
    بشارة مطر
    لحن دوبيت نم
    حصاد للزرع.
    نسمة دعاش
    عز الحر
    طلاطف بالندى
    خد الورد.
    ماسحة بالخضار
    حزن الارض.
    وضحكت صدق
    نابعة من فرح
    القلب.
    مهدية ليك
    ياوطن.
    ساعة اصل

    3/7/2007
                   |Articles |News |مقالات |بيانات

03-07-2007, 06:35 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)



    Quote: كنتو وين يا خشب لمن كنا نجارين

    ود عدلان ...
    شغلك نضيف .


                   |Articles |News |مقالات |بيانات

03-07-2007, 10:32 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتبت نوال جحا:
    Quote: يا ابوساندرا

    لك كل الود والتحايا العطرة ذكرتنا الايام الخوالي حقيقة لم اكن من سكان الديم في يوم من الايام ولكن طال ماتمنين ذلك.
    واذكر تمامآ عندما كنااطفال كانت معظم ايام الاجازة كانت في الديم
    مع ناس حبوة نفيسة بت بشير وكان ولدا واحد مشهور بعباس ود نفيسة وكان
    الاسم عادي.
    ذي ديامة راجين القيامة , واحمد ود عكانة

    لاكين يا ابوساندرا ماعلأقة الشيوعين بالديم
    .


    يا نوال
    علمتي وجع في عيوني بحثآ عن مداخلتك
    وكمان في عيون عماد عبدالله
    الذي سألني :
    { يابركة أنت نوال كتبت مداخلتها بالحبر السري واللا شنو }
    المهم لقيتها في أول الصفحة التانية
    غايتو البرالمة بتاعين سودانيز اونلاين ديل متعبين بشكل

    حا أرجع بالتعليق على مداخلتك
    وعشان نجاوب عن السؤال :
    ماعلاقة الشيوعيين بالديم ؟

    شكرآ على المشاركة
                   |Articles |News |مقالات |بيانات

03-07-2007, 11:22 AM

bukhary el amin
<abukhary el amin
تاريخ التسجيل: 04-06-2007
مجموع المشاركات: 185

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الاخت نوال ، الغالي ابو ساندرا
    علاقة الشيوعيين بالديم سؤال مهم جدا ، عموما انا كنت في المتوسطة شاطر لكن ( واحد صعلوق ساي ) كما كان يصفني خالي الله يرحمه فتحي ابو شعر ،،، تعلمت تدخين السجائر باللونين والشراب وغايتو ، في يوم وانا راجع من المدرسة ( مدرسة الديوم الحكومية المتوسطة ) قابلني جمال عبد الرحمن وراجع كراساتي واستغرب شطارتي فقد كان يظنني مستهتر وبدأت صداقتي بجمال وبدأ اعمال اللائحة فيما يخص سلوكي وبعد أن اكملت الثامنة عشر صرت عضواً بالحزب الشيوعي ،،،
    كسرة برة الموضوع :-
    محمد عبد النبي كان كلما يصلي بقول ( الحمد لله طلعنا ديامة ) وكنت اكل له وشيوعيين فكان يعترض علي شيوعيين ويقول براك يابوخ ... ديامة بس
                   |Articles |News |مقالات |بيانات

04-07-2007, 00:30 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: bukhary el amin)

    Quote: الاخت نوال ، الغالي ابو ساندرا
    علاقة الشيوعيين بالديم سؤال مهم جدا ، عموما انا كنت في المتوسطة شاطر لكن ( واحد صعلوق ساي ) كما كان يصفني خالي الله يرحمه فتحي ابو شعر ،،، تعلمت تدخين السجائر باللونين والشراب وغايتو ، في يوم وانا راجع من المدرسة ( مدرسة الديوم الحكومية المتوسطة ) قابلني جمال عبد الرحمن وراجع كراساتي واستغرب شطارتي فقد كان يظنني مستهتر وبدأت صداقتي بجمال وبدأ اعمال اللائحة فيما يخص سلوكي وبعد أن اكملت الثامنة عشر صرت عضواً بالحزب الشيوعي ،،،
    كسرة برة الموضوع :-
    محمد عبد النبي كان كلما يصلي بقول ( الحمد لله طلعنا ديامة ) وكنت اكل له وشيوعيين فكان يعترض علي شيوعيين ويقول براك يابوخ ... ديامة بس [/QUOTE

    سلامات يا بخاري ودالشعراب

    زكرتني حلت الشعراب المرحوم محمدو

    ونزار اوبرا المناضل وريكو المجنون والهلال مغلوب

    وناس مازن وريكارد وسامي السر وعمو الدب واسكمبي

    واسامة الاستاز الجقود بها الدين وابو الضراع وربشة النجار الشوعي

    وتحيات والعم ميرغني عطا المنان وكدوس وكمبلاوي وخالد عربو المرحوم عمر عبد النبي

    وتحية من القاهرة
    جهوده ود الشعراب والطاهر عبدالله

    مدثر تيف تيف
                       |Articles |News |مقالات |بيانات

03-07-2007, 11:38 AM

elnawrani margan
<aelnawrani margan
تاريخ التسجيل: 21-06-2007
مجموع المشاركات: 761

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    ياسلام عليك ياود بركات الليلة رجعتنا الى حلتنا واهلنا وبالمناسبة انا دفعت احمد ود اخوك حسن رحمة الله عليه .بعنى من السجانه واذكرك بالسجانة فريق الامراء ونديده وخصمه فريق العلم وزعيمه عصام الكوتش ونجى مارين باولاد اقرع وعلى راسهم ابو القاسم.
    ونمشى لمبارك سليمان وفريق العلمين والكوتش مصباح ونرجع لاولاد السجانه القدام الذين فتحوا بوابة الاقتراب للخليج من محجوب ابو عنجة(الصعلوق) وربيع التوم وجاركم خضر . وطه عبد الحكم طبعا ديل كلهم كانوا لعيبه فريق العلم. ونجى لمدرسه النور ومحلس الاباء بقيادم المرحوم حسن بركات و السر المرضى ,
    وتانى نجى ناس اب دبورة وابو الزيك واولاد ربيع عجمى.
    والقائمة تطول؟
    ابومحمد ملبورن
                   |Articles |News |مقالات |بيانات

03-07-2007, 02:25 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: elnawrani margan)


    Quote: ازيك يا عمدة ، انت ذكرت ناس يا سلام ، قعر بابور ، وفيصل السر
    واسامة السر ومعمر الصغير والناس اللي مشت الامارات من زمن بدري
    وانا عرفتك انت دفعة احمد عثمان (سيحة ) وما تعمل انك صغير وبلي
    وصلعتي دي زهج من الدنيا والهواء اللي شفناهو في الخرطوم خلي ابو ساندرا
    يقول ليك هواء الخرطوم كيف ، طبعا نحن صغار كنا بنجي للساحة الشعبية
    وفريق حلتنا الامل وكانوا فيهو الحرفيين الجد ، خلف الله باقرين وسيحة وبشري عيسي
    والدودة واولاد عم صديق وعماد عثمان ونصرالدين عبدالحي وعلي بيك اسرع جناح في الديم
    اها كنا ناس الربيع ديل ننفش ريشهم ، والمساء يجيك قعر بابور يقلد في الحلة ياسسسسسلام
    وطبعا في الساحة كان كع بتاع التسالي ، بجيكم راجع ، يا عمدة انا الدفعة اللي وراء رضا طوالي
    مصطفى ياخ إنت زعلت ؟؟
    إزيك ..
    دفعة سيحة أنا ؟؟ ياخ سيحة ده دفعتو صلاح قدوم ..
    و عماد عثمان أخوه الأصغر فايتني بدفعتين .
    و بعدين شيبوب الفيني ده وراثة يا غان
    غايتو صلاح قال لي مصطفى ده الزين سغيرون .. دفعة عمك سهل بتاع الدكان العلي التُرب ..
    خلف الله باقرين ( خلف القون ) .. لحق السمحين , بقى يشبه عمك تنقو .. شغال هنا في الدوحة صيدلي .
    بشرى عيسى ده آخر مرة قالوا طلع مظاهرة بالغلط و منها كبّر اللفة .
    أخونا عبدالله " قعر بابور " قالو بقى حنفولي و استكان .. ما تسألني مدير شنو .
    نصرالدين عبدالحي و علي بيك ديل هسه أجدادنا القدماء .
    و بعدين فريق الأمل شنو البيطقطق يا أخو ؟؟ و ينفش ريش منو ؟
    طوالي كنتو ملطشين و راجعين معلقين كداراتكم في الكتف بالشرابات المقدودة و ريحتها بيض بيض .
    نصر الدين عتوقة يطنطن و سيحة يكمل كيس سعوط من الساحة لغاية الحجر .. يا فارات

    الفاضل جعفر قون المؤتمر أب لسان فالت ( و هو ود خالتنا بالمناسبة ) ..
    مرة سألني في واحدة من إجازاته من السعودية :
    بالله معني كيف ؟ قلت ليهو : تمااام .
    : أها و فيصل عبدالسلام ؟ ..
    قلنا : تمام .
    و داك الزول أب راص ممصوص داك .. صلاح العم ؟ ..
    قلت ليهو : ميه ميه .
    قال لي : بالله الناس ديل مباريننا من زمن " علي زيرق كَتّال الكلاب " شكيتهم علي الله
    هسع أنا و إنت و صلاح عبدالله و الجلاكين القلتهم ديل و سيد العقار الأنحنا فيهو ده .. كلنا بقينا علي زيرق .
    ما عندك شوية كلاب نكتّلهم ليك ؟؟

    تحياتي يا مصطفى ..

                   |Articles |News |مقالات |بيانات

04-07-2007, 00:41 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Emad Abdulla)

    Quote: أخونا عبدالله " قعر بابور " قالو بقى حنفولي و استكان .. ما تسألني مدير شنو


    الاخ عماد سلام


    غايتو انا لاقيت قعر بابور قبل سنة في القاهرة

    لابس بدلة في ميدان صلاح الدين مصر الجديدة


    تيف تيف
                   |Articles |News |مقالات |بيانات

04-07-2007, 00:52 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)

    Quote: ليس الديامي هو من سكن الديم ولكن الديامي هو من احبها و (تسكع) فيها



    يا بوس قصدك شنو الديم ولا بشدار جنب المجلس حدد

    شمارك عندي وبركة الحبيت الديم والله يخلي الناس

    الدخلوك الديم

    تيف تيف
                   |Articles |News |مقالات |بيانات

04-07-2007, 00:47 AM

elnawrani margan
<aelnawrani margan
تاريخ التسجيل: 21-06-2007
مجموع المشاركات: 761

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    اديته نومة وجيتكم صاد ومااذكره من الديوم سينما النيلين وفول محى الدين وعمك حاج قدس ومكتبة الفكى ومكتبة التوم.
    ورابطة المايقوماودوريها المولع نار خاصة لما تجمع المبارة بين العلم والامراء اليوم داك المايقوما مابتبيت على خير.
    ياسلام يااولاد السنتر انتو الساس وانتو الراس.
    ابومحمد ملبورن
                   |Articles |News |مقالات |بيانات

04-07-2007, 04:29 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب بخاري الأمين :
    Quote: علاقة الشيوعيين بالديم سؤال مهم جدا ، عموما انا كنت في المتوسطة شاطر لكن ( واحد صعلوق ساي ) كما كان يصفني خالي الله يرحمه فتحي ابو شعر ،،، تعلمت تدخين السجائر باللونين والشراب وغايتو ، في يوم وانا راجع من المدرسة ( مدرسة الديوم الحكومية المتوسطة ) قابلني جمال عبد الرحمن وراجع كراساتي واستغرب شطارتي فقد كان يظنني مستهتر وبدأت صداقتي بجمال وبدأ اعمال اللائحة فيما يخص سلوكي وبعد أن اكملت الثامنة عشر صرت عضواً بالحزب الشيوعي ،،،


    أهلآ بولد ناس أبوشعر العزاز
    عارف أنا أهلك ديل قابلتهم في الديم
    لكن عرفتهم في أوباري في ليبيا
    رجال تمام
    وحتى نسائهم ، رجال تمام
    لهم التحية

    أما جمال عبدالرحمن فهذا حكايتو حكاية
    أول مرة قابلتو وكان مازال يافعآ ، علقت لميرغني عطا المنان
    بأن الزول ده حايكون له شأن عظيم ، فإعتنوا به
    ولم يخيب ظني فيه
    سنوات قليلة ورأيته قائدآ في مجاله ، محبوبآ من أقرانه
    وناشط في مجالات متعددة منها فرقة ساورا الموسيقية
    التي عمل مديرآ اداريآ لها
    له التحية
    وكل الشوق

    وكسرها ب :
    Quote: كسرة برة الموضوع :-
    محمد عبد النبي كان كلما يصلي بقول ( الحمد لله طلعنا ديامة ) وكنت اكل له وشيوعيين فكان يعترض علي شيوعيين ويقول براك يابوخ ... ديامة بس

    محمد عبدالنبي بيكون أمن على دعائك في سرو يا بوخ
                   |Articles |News |مقالات |بيانات

04-07-2007, 05:50 AM

bukhary el amin
<abukhary el amin
تاريخ التسجيل: 04-06-2007
مجموع المشاركات: 185

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الاخ عبد الرحمن بركات
    اتفقت أمس مع جمال علي :-
    عند عودتك الي الخرطوم نلتقي للاتي :-
    * رصد كل حالات الديامة الذين ظلمتهم الظروف
    * انشاء اي شكل للتضامن مع هؤلاء المظلومين
    * ليست الفكرة مد مبلغ من المال يكمل في اي لحظة والموضوع ينتهي وانما انشاء مشاريع علي قدر امكانياتنا ( مشروع صغير لكل اسرة : قدرة فول ، ماكينة خياطة ، محل بنشر لساتك ) اي حاجة بس توفر ان شاء الله حق سلطة الطماطم ...
    بدأنا المشروع نحاول الان دعم كافتريا الاخ عبدالوهاب صالح ( كارجويل ) ، ان شاء الله نتعشي فيها مجموعات ومعزوم معانا لمن تصل هي في منزل عوض ابو جولة ، محطة التعاون ...
                   |Articles |News |مقالات |بيانات

04-07-2007, 06:54 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب النوراني مرجان { أبو محمد/ملبورن }:
    Quote: ياسلام عليك ياود بركات الليلة رجعتنا الى حلتنا واهلنا وبالمناسبة انا دفعت احمد ود اخوك حسن رحمة الله عليه .بعنى من السجانه واذكرك بالسجانة فريق الامراء ونديده وخصمه فريق العلم وزعيمه عصام الكوتش ونجى مارين باولاد اقرع وعلى راسهم ابو القاسم.
    ونمشى لمبارك سليمان وفريق العلمين والكوتش مصباح ونرجع لاولاد السجانه القدام الذين فتحوا بوابة الاقتراب للخليج من محجوب ابو عنجة(الصعلوق) وربيع التوم وجاركم خضر . وطه عبد الحكم طبعا ديل كلهم كانوا لعيبه فريق العلم. ونجى لمدرسه النور ومحلس الاباء بقيادة المرحوم حسن بركات و السر المرضى ,
    وتانى نجى ناس اب دبورة وابو الزيك واولاد ربيع عجمى.
    والقائمة تطول؟
    ابومحمد ملبورن


    أهلآ بالنوراني
    - ومازال جرح الراحل العزيز شقيقي الأكبر صنو الوالد ينتح في القلب
    ومازالت ذكراه عطرة
    رجل نذر نفسه للهم العام وقضايا الناس حتى اللحظة الأخيرة في حياته العامرة
    - أراك تشير للسجانة وأنت تتكلم عن المايقوما الحيي الديامي المعروف
    واللخبطة دي مهضومة لأن المايقوما تقع على الطرف الشمالي الغربي من الديوم الشرقية
    المتلاصق مع منطقة السجانة العريق
    بل أن بعض ناس المايقوما يرونها منطقة قائمة بذاتها تتوسط الديم والسجانة
    وذلك نسبة لوجود رابطة في المايقوما تضم حوالي ال20 فريق تمامآ مثل الساحة الشعبية
    وهي رابطة الديم بس على أكبر ومثل رابطة السجانة بس السجانة على أصغر رغم عراقتها
    - فعلآ لقاءات فريقي الأمراء والعلم كانت تتسم بالحماس نسبة للجوار والتنافس
    وكذلك حالهما مع فريق الوادي ، وكلي
    أنا كنت بشجع فريق الوحدة لأنه أقرب للديم كما أن عدد من أولاد الديم لعبوا في الوحدة
    ومنهم ألستوبر المتألق الفاتح مدني وهو أبن أختي من حي السباق ومنهم محمد دفع الله
    الشقيق الأكبر لمزمل دفع الله لاعب الهلال والمنتخب الوطني المعروف في السبعينات
    في العلم لعب اولاد محمد عيسى والفريق كان زي حقهم كده
    وفي الإتحاد لعب مبارك سليمان وأولاد أختي عائشة بركات وهم عوض وعلي ونادر

    فريقا النيران والبركان كان بيشعلان الرابطة وماجاورها من سينما { النيلين } ومركز صحي المايقوما

    شكرآ على المداخلة التي أثارت فيني كوامن وشجون
                   |Articles |News |مقالات |بيانات

04-07-2007, 10:21 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)


    الخرطوم بعيدة يا بركة ..
    و الروح راكبها حنين عجيب يا صاحب ..
    سبع سنوات .. و أنا كل يوليو بتاوق بره مني : يا رب تصدق المرة دي .
    و برضو ما تصدق ..
    و ترجع الطاحونة الفي الراس مُرحاكة , و الحنين البيقبقب القلب .

    المهم ..
    ده نص قديم .. لقيتو مجدوع في مكانٍ ما ..
    فيهو ما يشبه حالة السجم و العبرات و الكوجنة و الجرسة الفينا دي ..
    و فيهو الديم ..
    .....

    يرف هناك .. على حافة الجسر الحديدي الصديء ..
    يستقبل النيل - بأزرار قميصه المفتوح حتي المنتصف -
    فراشة يرُفُّّ .. كانَ .
    تستغرقه تماما تلك القُبلة القديمة بين شفة الموج .. ووجنة الأفق .
    قلت : حدثني .. كفاك تحليقاً.
    قال ( و صوته شجرٌ وبحرٌ .. وسماءْ ) :
    جَدْيَ العزاز الجيدو قزاز ..
    جَدْيَ العزاز من شَبِّ هضيم ..
    جَدْيَ العزاز لا جوع لا ضيم ..
    جَدْيَ العزاز ماهوْ النضِّيم .. جَدْيَ الـ......
    بغتة .. غطّانا ليل ..
    بللنا ثيابنا في النهر - عُنوةً - ..
    وخرجنا من مويجاته .. أغنية .
    ........
    هواء ليل أكتوبر يلثم - ساعتئذٍ - وجه حبيبتي/ اللعوب - الخرطوم .. في عامنا الهشيم ذاك .
    ........
    ظلننا :
    يرفُّ هوَ .. وأحجلُ أنا .. والطريق نشوهْ.
    ( شارع الخور) فارع الطول كان .. تصعده - حبواً - أقدامنا .
    عاد يرف - كعادته - فراشةً ..
    بين حافة الأسفلت غير المنتظم و ( خور الديم ) .
    : ما الوجود إلا " صورة وهمية " في مخيلة الإله .. تقول ؟
    واحدة من سخانات راسك .. يا وَهَمْ .. ؟
    صوره وهمية ؟ .. نحنا ؟
    : ولو كنا ؟..
    : كدي جيب سجاره .. ياربي تكون تقَّلتَ ؟ .
    ( ثم ضاحكاً ) .. راحت عليك يا أصلي .. دَقَسْتَ ..
    رفّ .. ثم أراح ذراعه الجناح حول كتفي ..
    : تعرف يا صاحبي .. إلهك ده بيحلم عشانها هيَّ ..
    وعشاناه هي ح يفضل يحلم .. لأنه ناقش إنه ده شغل تاني .. كََبْْ ما حصل ..
    تعرف .. لأجلها تعود للأشياء حميميتها و دفئها ..
    و تستدير الأرض إلي سيرتها الأولى ..
    إمرأة من حليب الريح هي ..
    - وجهه الآن يرف .. وابتسامته -
    .............
    ليلك يا خرطوم ترنح
    ثلاثتنا كنا رفقة لو تذكرين يا خرطوم ..
    أنتِ و هو: ترِفَّّان , وأنا .. أحجلْ .
    ............
    : لمثلها يا صاحبي يشعل ( عمك صديق ) رتينة ( عربية الباسطة ) , و يبيع لمثلها ( ود اب شعر ) أشهى أفوال الديم , ولها يعزف (عوض دوكة) في آخر الليل بكاءاً بديعا , وتزغرد ( أم النقير ) لها طويلا في أعراس الحي , ولها يصلي ( أولاد عبد الرازق ) جماعةً , أطالت ( بت المنى ) مسايرها لها , ولها أيضاً يبيع ( بشير) القش حزما خضراء , تترد من أجلها بروفات ( جاز الديم ) بإخلاصٍ حتى مكتب البوسطه , لمثلها فقط يا صاحبي تغدو طيبة رائحة (ميدان البقر) , ولعب ( التعايشة والترسانة ) من أجلها في ميدان الليق , ولمثلها يبيع ( العم كع ) ألذّ تسالي خُلِق , و لها يستغرق ( نادي التعايشة ) أطول ضحكة أثارها ( عوض كيته ) , ولها يؤم الناس ( عمك جعفر ) في صلاة الإستسقاء , وأعاد دكتور ( علي فضل ) طلاء باب عيادته فقط لها , ولها .. حبلت ( عوضيه الزين ) بعد ثمان سنواتٍ عجافْ , وافترشت من أجلها( أم الناس ) بضاعتها الطيبة ليلا للمساكين و الغرباء و السابلة .. و ...
    ................
    - خطونا المنهك / الثمل كان الآن .. يشِِفّْ .
    رويدا تغفو الخرطوم ..
    و عظيماً .. ينتصب الحزن .
    ...............
    قلتُ : يا ساريةَ .. الجبل
    قال : سأمتطي الحريق .. فتعالْ .
    قلتُ : يا سارية .. الجبل الآن .. أو ...
    قال : يهاجر مني دمي , أنا السندباد ..
    فدثرني إن استطعت ..
    خيلي عارية إلا من صهيلها .. و الحلم مِهماز .
    قلتُ : هو الجبل يا سارية ..
    ولا دثار إلا ليل الخرطوم الصعلوك هذا فالتمسه .
    صمت .
    ..............
    في عامنا الهشيم ذاك ..
    باركتني الخرطوم : تلقى مرادك ..
    و له قالت : عليك الله ما تغيب .
    ..............
    عبرتنا العابرات من سنوات القحط و الجدب و العطب و الصخب و الكرب و ...
    هو : لفظه البحر جنوبا ( و ما عاد يرُفْ ) ..
    سيدٌ هو الآن بياقةٍ منشاةٍ ( توقف سقوط رأسه ) و لسانٍه معوجٍ بلكنة استرالية ..
    يبيع النقانق البقرية - جملة - في شوارع سيدني .
    هي : آواها الحلم لجدارٍ غير ذي ظل ..
    تنام تحلم بالنوارس والمد والجذر .. والمدن / الضياء البعيدة ..
    وتصحو على جرس ( عندك الحصتين السادسة والسابعة .. يا أستاذة ) .
    و انا : .. أبو الهول .
    ..............

    ..
    لم نعد صورة في مخيلة الإله .

                   |Articles |News |مقالات |بيانات

04-07-2007, 10:43 AM

ابراهيم عدلان
<aابراهيم عدلان
تاريخ التسجيل: 04-01-2007
مجموع المشاركات: 3418

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Emad Abdulla)

    آه يا عماد من الخرطوم وشوقي اليها

    المدينة المتعبة المثخنة بجراح الحياة الي حد الثمالة

    ساخرة فاخرة فاجرة آمنة رؤوم

    و ما ادراك ما ال (home sickness) وانت تجرجر اذيال الهزيمة في جادات نيويورك او تبيع النقانق البقري في فيافي بلاد التماسيح.
                   |Articles |News |مقالات |بيانات

04-07-2007, 10:13 AM

elnawrani margan
<aelnawrani margan
تاريخ التسجيل: 21-06-2007
مجموع المشاركات: 761

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    شكرا ليك على التصحيح والتدقيق ياود بركات فى كلمة السجانة لكن انا تعمدت كتابتها بدلا عن المايقوما مع انو منطقتنا هى المايقوما والسبب هو انو كتير من الناس مابتعرف المايقوما .
    واى واحد تقول ليه انا ساكن فى الميقوما يقول ليك الحاج يوسف!!!!!!

    ابو محمد ملبورن
                   |Articles |News |مقالات |بيانات

05-07-2007, 06:18 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: elnawrani margan)

    Quote: آه يا عماد من الخرطوم وشوقي اليها

    المدينة المتعبة المثخنة بجراح الحياة الي حد الثمالة



    دي الخرطوم الصاحية تصحي ما بتنوم
                   |Articles |News |مقالات |بيانات

05-07-2007, 06:33 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    عماد عبدالله
    بأي غصن تكتب أنت ؟
    زي ماسألت تماضر شيخ الدين
    رضي الله عنها
    وارضانا
    أو
    اردانا
                   |Articles |News |مقالات |بيانات

07-07-2007, 05:56 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    فوق
                   |Articles |News |مقالات |بيانات

07-07-2007, 06:01 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    يعليك ربي يا مدثر

    يا شباب
    وبخاصة ، يا بخاري

    إنتو نوال جحا ما سألتكم
                   |Articles |News |مقالات |بيانات

08-07-2007, 03:21 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    Quote:






    تكريم الأسطورة حامد بريمة



    نظم فريق النجم الأحمر كرنفالاً ضخماً كرم من خلاله أسطورة الكرة السودانية حامد بريمة بملعبه بالديوم الشرقية.. حيث احتوى الكرنفال على مباراة استعراضية بين النجوم الدوليين والنجم الأحمر انتهت بفوز النجوم 5/4 .. لعب للنجوم كل من عاطف القوز/صبحي/فايز نصر الدين/ طه ميلا/ مغربي/ ياسر الحاج وحمد النيل ولعب لفريق النجم الأحمر هيثم الرشيد وعمر العاص وسامي محجوب وبين الشوطين تم تكريم المحتفى به.. الجدير بالذكر أن اللجنة المنظمة تتكون من محمد بهجة رئيساً ود. شهاب ابراهيم سكرتيراً وعضوية كل من ياسر عبد المحمود وأمير عبد الله وعبد المنعم كنتي ورئيس الفريق عادل حامد عبد الله والأستاذ صلاح بشير.






    نقلا من جريدة الصدي الرياضية

    Quote: يا شباب
    وبخاصة ، يا بخاري

    إنتو نوال جحا ما سألتكم


    عن شنو؟
                   |Articles |News |مقالات |بيانات

08-07-2007, 09:27 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب هيثم عبدالعزيز بلسان طيارة :
    { اولاد ديم سلك اللافين ديل كلهم أولادي}

    عفيت منو
    وعيني باردة

    نسأل الله ان يقبل توبته
                   |Articles |News |مقالات |بيانات

09-07-2007, 06:08 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    صباح الحب الاشواق

    الديامة
                   |Articles |News |مقالات |بيانات

09-07-2007, 06:30 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11592

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    مع تحيات مدرسي مدرسة ديم شرق 2 المزدوجة
    مية مية دي الختمية
                   |Articles |News |مقالات |بيانات

09-07-2007, 06:56 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب الإستاذ / حمزاوي :
    Quote: مع تحيات مدرسي مدرسة ديم شرق 2 المزدوجة
    مية مية دي الختمية


    مرحب بيك يا استاذ
    وياريتك تكتب عن تلك المدارس
    وعن الإساتذة الإجلاء :
    - الشيخ حسن أبوعركي ناظر مدرسة إتحاد الختمية
    - حسن عبيد ناظر الديم شرق 1
    - محمد عبدالرحمن ناظر الديم شرق 2
    - حضري
    - عبدالصادق
    - عبدالله أبو
    - مدينة عبدالله
    - عبدو نور المصطفى
    - محمد خير { حربش }

    وياريتك تحدثنا عن جدنا هارون خفير الديم شرق 2
                   |Articles |News |مقالات |بيانات

11-07-2007, 06:38 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    ابوسادندرا وحمزاوي سلام

    وبرضو مدرسة الديم شرق واحد

    وانا ما قريت فيها بس كانت عناك درورة

    كرة قدم باسم الاستاذ مرتضى (دورة مرتضي)

    وبزكر احنا صغار في كل اجازة كنا بنشارك

    في الدورة دي واي فريق بشارك باسم حلتو

    والدورة دي خرجت اجيال
    مجيب الرحمن قطر وعمار اموكاش وابوبكر شريف

    وهيثم الطاهر امجد اسماعيل حاسم كزامة

    اساما كثيرة من دفعتي في الكورة كلهم اسعي

    في المتاز ودرجة اولى

    تحية للاستاذ مرتضى من كل لاعب كورة ديامي
                   |Articles |News |مقالات |بيانات

11-07-2007, 07:26 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    الاستاذ صلاح اسماعيل في ذمة الله:
    إنتقل المناضل صلاح إسماعيل إلى رحمة الله صباح اليوم الثلاثاء
    وإستاذ صلاح ، أو { الاستاذ} كما تعود الجميع في الديوم الشرقية مناداته
    ليس فقط إستاذ في المدارس يقدم العلم زهاء الأربعين عام الماضية
    بل كان إستاذ في الشارع العام وفي المجتمع يقدم الوعي والإستنارة

    الراحل العظيم جذوره في القطينة ولكن منذ أن نشأنا وجدناه أمامنا
    في الديوم الشرقية فاعلآ نشطآ في كل المجالات:

    - تقدم الصفوف في وقت مبكر وكان من الجيل الذي تلى جيل المؤسسين
    في الحزب الشيوعي السوداني وظل على الدوام مناضلآ في صفوفه
    - نقابي متمرس عمل في روابط المعلمين الإشتراكيين
    - صاحب حنكة ودراية أهلته لقيادة حملة محمد إبراهيم نقد الإنتخابية
    فقادها ببراعة وإقتدار
    - كان مسئولآ عن المعرض الذي أقيم في قاعة الصداقة بمناسبة إحتفالات
    الحزب بذكرى تأسيسه الأربعين

    - رياضي مطبوع وعمل في إدارات متعاقبة للنادي الأهلي الخرطومي

    - رجل مجالس ظريف يجيد المؤانسة والإمتاع ، لذلك كان محبوبآ ومحترمآ ومهابآ بين زملائه

    - عندما فصل من الخدمة لم يفكر في عمل أخر سوى عمل مرتبط بدأبه المعهود لنشر الوعي
    فأسس مكتبة عامة في سوق القنا في الديوم الشرقية ، سرعان ماتحولت لمنتدى يرتاده
    الباحثون عن المعرفة والإطلاع ،

    برحيله إنطوت صفحة ذاخرة بالحياة وبالنضال والمعرفة
    وإنطوى تاريخ مجيد
    ستظل ذكراه وأعماله ماثلة تنير درب المناضلين

    العزاء مرفوع لرفيقة حياته الإستاذة نعمات عابدون
    ولأشقائه جمال بالدوحة ومحمد في الخرطوم وسميرة وأخوانهم
    ولآل المربي الجليل الراحل عبدون حماد
    ولعموم أهل الديوم الشرقية والقطينة
    ولرفاقه في الحزب الشيوعي السوداني وفي حقل التعليم
    وفي النادي الأهلي العريق
    وعزاء لتلامذته الذين قادهم في الدائرة 23 الديوم والعمارات

    وداعآ إستاذنا وقائدنا المحبوب


    سوف يتقبل الأخ جمال إسماعيل العزاء في فريق كليب خلف مركز بن طوار
    رقم 37
    وتقام ليالي المأتم في منزل الراحل بالديوم الشرقية الركن الجنوبي الشرقي لسوق الديم
    في مواجهة مجمع مدارس البنات

    إلى جنات الخلد يا إستاذ
                   |Articles |News |مقالات |بيانات

12-07-2007, 06:17 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    احر التعازي لكل الديامة

    ونسال المولي للفقيد الرحمة
    ولي اهله الصبر
                   |Articles |News |مقالات |بيانات

12-07-2007, 06:28 AM

bukhary el amin
<abukhary el amin
تاريخ التسجيل: 04-06-2007
مجموع المشاركات: 185

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    فقدنا اليوم جلل يا أستاذ ... اللهم ارحمه رحمة واسعة ...
                   |Articles |News |مقالات |بيانات

12-07-2007, 07:54 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: bukhary el amin)


    Quote: - الشيخ حسن أبوعركي ناظر مدرسة إتحاد الختمية
    - حسن عبيد ناظر الديم شرق 1
    - محمد عبدالرحمن ناظر الديم شرق 2
    - حضري
    - عبدالصادق
    - عبدالله أبو
    - مدينة عبدالله
    - عبدو نور المصطفى
    - محمد خير { حربش }
    سلام يا أخو ..
    الأساتذة حضري و عبدالصادق و أبو و محمد خير حربش ما أظنهم درّسوا في الديم شرق "2" ..
    فقد كانوا دوماً من رموز الديم شرق "1" و أعمدتها .
    و كذلك أساتذتي الأجلاء : عوض الباري و عبدالقيوم و محمد سليمان و معتصم و عبدالله التوم و حسن العبيد .
    التحية و القومة ليهم كلهم ..
    فقد كانوا أول من صاغوا وجداننا و ثبتونا على الدرب .
    و التحية لدفعتي في الديم شرق ( 1 ) من العنقالة الأوغاد الجميلين الذين لم يبرحوا ذاكرتي .. :
    - أحمد يحي - عبدالرحمن بربر - أزهري أب زلومة - بابكر عباس دياب - عصام خالد - محمد داوود - الصيني - مدحت يونان عبدالمسيح - قسم الله - فيصل كامل - عبدالرحمن الضوري - منعم فضل الله - تاج الدين خضر - بشير أبوشام - خالد فرح - عصام السر - عبدالمنعم خضر - الفاتح حسن - حسن ككوية - مبارك شاشوق - حسن عبدالمجيد - الصادق عبدالمعطي - عثمان عرقلة - محمد صالح - أحمد صالح مثنى - الفاتح محمد عثمان - مجاهد سيد - مدحت عبدالحميد ........
    و غيرهم .. ( لعن الله الذاكرة الشائخة ) .. و عذرا لمن غاب عني ذكرهم .
    و الرحمة و المغفرة للعم ميرغني و العم حسن صالح و العم بشير .
    و الخالا ت : بت المنى و بت أم مرضى و أم الحسن بت الكي .

    ينعل الزمن البيمرق من بين أصابعنا زي ود الموية .. و ينسرب يا بركة ..
    و ينعل إبليسك يا منعول ..
    هسع من صباحات ربك دي , هيجة الحنين و الحزن .. لزوما شنو ؟؟

                   |Articles |News |مقالات |بيانات

12-07-2007, 08:31 AM

طارق الأمين

تاريخ التسجيل: 15-04-2006
مجموع المشاركات: 2200

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: Emad Abdulla)

    هسع من صباحات ربك دي , هيجة الحنين و الحزن .. لزوما شنو؟؟








    والله ماعارف البوست دا بيغلغل حنان ميتين ابو اهل دين ايماني قدر شنو

    وماقادر اكتب فيهو وبيعمل لي استاكوسا في الحنبكوسا

    واي كلام ابداهو بطير مني ويرك في ميتين نافوخ ود اب جوكو زاتو

    دا شنو دا ياخ الله يط
                   |Articles |News |مقالات |بيانات

12-07-2007, 09:28 AM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)

    كتب عماد عبدالله :
    Quote: سلام يا أخو ..
    الأساتذة حضري و عبدالصادق و أبو و محمد خير حربش ما أظنهم درّسوا في الديم شرق "2" ..
    فقد كانوا دوماً من رموز الديم شرق "1" و أعمدتها .
    و كذلك أساتذتي الأجلاء : عوض الباري و عبدالقيوم و محمد سليمان و معتصم و عبدالله التوم و حسن العبيد .
    التحية و القومة ليهم كلهم ..
    فقد كانوا أول من صاغوا وجداننا و ثبتونا على الدرب


    يا عمدة
    انت ماشايف فوق أنا كتبت نظار المدارس الثلاث
    ثم معلميها ، والهاء راجعة للمدارس الثلاث
    وزينتهم بالمدرسة الرابعة الزاهية حيث الإستاذة مدينة عبدالله

    أما عبدالله ابو ود التعايشة فهذا درسني في شرق 2
    اسأل عجب محد عجب و صلاح طه

    حاقآ كانوا أول من صاغوا وجداننا
    وثبتونا على الدرب
    الذي تنكبته

    جاييك تاني

    بالمناسبة ، اليوم عندي زول بيغني غنا السنين
    ممكن تجيب سيد معاك
                   |Articles |News |مقالات |بيانات


[رد على الموضوع] صفحة 5 „‰ 6:   <<  1 2 3 4 5 6  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de