ثقافة الموبايل...مصطلحات ، نكات و ... رسايل

مرحبا Guest
اخر زيارك لك: 03-28-2024, 03:04 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبد الرحمن بركات(أبو ساندرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-24-2005, 03:06 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ثقافة الموبايل...مصطلحات ، نكات و ... رسايل

    إستخدام الموبايل في السودان إنتشر بصورة واسعة فاقت معدلات إنتشاره في دول الخليج ، وصار الشباب السوداني مواكب وملاحق لآخر الإصدارات من أجهزة الهاتف الجوال وخاصة النوكيا ، وبرعوا في إستخداماته
    الموبايل والهواتف عمومآ ساعدت في التواصل دون حاجة لتكبد مشاق الحركة التي يسبقها دائمآ تنسيق بالتلفون فتلاشت ثقافة الكتابة بالفحم على الأبواب وصارت عبارة { حضرنا ولم نجكم } منسية وإن وجدت فإنها تعبر عن تخلف كاتبها عن أيقاع العصر وثورة الإتصالات.
    وبالمقابل ظهرت ثقافة جديدة ، زاعت وإنتشرت مرتبطة بالموبايل ومصطلحاته ، كما إنتشرت نكتة سريعة وجديدة يتم تداولها على نحو واسع ، إضافة للرسايل التي حملت أشواق ووشت عن جيل جديد من الشعراء
    نحاول في هذا البوست رصد نماذج منها :

    المصطلحات :
    ____________
    1- { خارج الشبكة }
    هذا المصطلح تجاوز حدوده في إطار إستخدام الموبايل وعمم ليعبر عن حالة الشخص ال { أوف بوينت } وهذه قبل الموبايل كان يعبر عنها ب الزول ده { راكب غلط } وتطورت إلى { أنزل أو نزلوه أو رجع ليهو قروشو ، حق التذكرة } عمم المصطلح على الزول الداقس

    2- شفرتو :
    لمن تسمع هذه العبارة { الزول ده انا شفرتو } معناها قطعت معه العلاقات وزمان كان فتحت ليهو

    وبالطبع هناك مصطلحات عديدة منها { المسكول } أو { المسكلة } والتي سوف نرصدها معآ ،
    فمساهماتكم يا شباب

    الرسائل :
    _________
    وشت عن حس شعري رفيع ولغة عميقة ، ننتخب منها :

    1-
    تبقى كل الدنيا سمحة لما بس هاتفك يواصل
    ترحل أحزاني العميقة ويستقر فرحي المسافر
    أصلو شوقك فيني راسي منتظر عينيك تراسل
    أبقى واصل
    مالعيون الفي إنتظارك شوقا زي مطر الفواصل
    كل عام وانت المطر

    بالمناسبة دي رسلتها لي رشيدة بمناسبة يوم ميلادي

    2-
    كل عام وانت الوتر
    وانا بتلهف شجونك

    كل عام وأنت المطر
    وأنا بترصد هطولك

    يدخل رزازك غرف الروح ، يزيل فتر
    ينعش عبيرك ، ضي القمر

    وهذه أرسلتها ماهيتاب في نفس المناسبة
                  

05-24-2005, 03:54 AM

فريد ودالمسيد

تاريخ التسجيل: 12-18-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    أبوساندرا
    تحياتي لك ومحبتي
    مرة من المرات قاعدين في قهوة بنشرب شاي وبالصدفة كان الشاي بتاعي مافيهو نعناع فقلت للأخ الرائع سيف النصر يا أخي الشاي بتاعي مافيهو نعناع فرد علي بسرعة وهو يحمل غصن نعناع من كبايتو : أعمل مس كول من هنا
                  

05-24-2005, 04:41 AM

Sidig Rahama Elnour
<aSidig Rahama Elnour
تاريخ التسجيل: 09-01-2004
مجموع المشاركات: 3420

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: فريد ودالمسيد)

    أبو ساندرا
    سلام ياخي وشنو بس من ديك وعييك !!! أنا وغادة لايمنك ....

    لا أرد على كثير من الرسائل التي تاتيني من السودان ولكن هناك رسالة عجبتني وخلتني أرددها طوالي وهي كالأتي :
    Quote: حلاوة الدنيا لما الزول يفتش ذاتو في ذات زول يكون ذاتو ...

    وعذاب الدنيا لما الزول يفتش ذاتو في ذات زول ، يفتش لسع في ذاتو ....

    ووعد اللقياء لما الزول يفتش ذاتو في ذات زول يفتشو ذاتو في ذاتك ....
                  

05-24-2005, 04:51 AM

محمد صلاح

تاريخ التسجيل: 12-07-2004
مجموع المشاركات: 1276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: فريد ودالمسيد)

    ابو ساندرا
    الاشواق من هنا لاعندك والتحايا للاسرة
    ***************
    وردتني الان الرسالة التالية
    ( الغريبة من رقم لا اعرفو ) وزول ما قال اسمو !
    يا واحشنا وعامل مطنشنا
    ورافض تناقشنا
    ارجوك
    برسالة كشكشنا
    او بصوتك انعشنا
    ***************
    ومن رجاء الرسالة دي
    البيني بينك حاجة اكبر من
    صداقة ومن زمالة ومن نسب
    حاجة حافراها المشاعر جوة في عمق العصب
    حاجة تديك الامان لما الزمان يصبح صعب
    حاجة تملا الكون هدوء لما تشعر بالتعب
                  

05-24-2005, 05:02 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    اللذيذ / فريد ودالمسيد:

    ونبادلك التحايا والمحبة
    وصاحبك سيف النصر مسطول عدييييل
    يللا كتر لينا من ها النوع

    وشكرآ على المساهمة الطاعمة




    العزيز العريس / صديق رحمة النور:

    والله نورت
    وغادة ما قصرت وصلت لي اللوم ورديت عليها وأقنعتها
    فضل نقنعك أنت ، بس في الزيارة القادمة
    وتابعنا إندياحك مابين الخرطوم وكسلا ، والنحل الذي طاف المراعي وأهداك تحنان الورود قبل وأهدانا العسل
    و { حلاوة الدنيا } راقية
    وننتظر من { ذاتك } المزيد وخاصة { رسائل } الجميلة التي لا يمكن { تشفر } ليها



    3-
    إشتقنا ليك لمن عيون الشوق حزنت بكت
    وإحترنا كيف نعبر متاهات الدروب الأبعدت
    ولما عرفنا المسافة بينا إتمددت
    رسلنا أجمل أمنيات
    لي زول واحشنا جد
    والشوق كتير لمن غلط
    ألفين سلام

    شوفتو { الغلط } ده لذيذ كيف؟
                  

05-24-2005, 05:28 AM

محمد صلاح

تاريخ التسجيل: 12-07-2004
مجموع المشاركات: 1276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    !!..!!


    ومع ذلك
    إنت الصادق غطس واللا نقد قلع!

    د. عبد الله علي ابراهيم

    لابد من تهنئة «الصحافة» على بابها الرشيق «نكات ورسائل في الموبايل» على ملحقها كراكيب. فقد وفر لها الباب منفذاً الى ثقافة الموبايل. وهذه مهارة في بلوغ القاريء لم تحسنها صحافتنا بعد. فمن افدح ما سمعت في استعصام صحفنا بالبعد عن القاريء، كلمة لصاحب كشك توزيع صحف تربصت به الولاية. فقد اشتكى أنهم لم يجدوا تفهماً ولا دعماً من الصحف التي يوزعونها على ظهورهم. وقد سبق أن وصفت صحفنا بأنها جرائد غازيتة لانصرافها عن عوالم القراء. والغازيتة هي ما تصدره الحكومات من نشرات تطلع الناس على أخبارها هي ولا غير. فإذا اتسع عالم صحفنا لغير الحكومة تكأكأت حول ناطقي المعارضة الرسميين. وقد اصبح الناطق الرسمي للأحزاب وظيفة لها رونق وسلطان ودور. وكنت بجهة بشارع المك نمر حين مررت بمكتب وسيم الطلعة لناطق رسمي لأحد الأحزاب. وتفتح الصحف لهؤلاء الناطقين أبوابها في حوارات يدي الصحافي فارغة ويديه الناطق مقدودة. وتعود الصحف لهم تاني وتالت، لا تبالي بحكم وذوق قراء نابهين. وتشتكي الصحف مع ذلك من قلة القراء. وهم قلة بحق. لأن أميز صحفنا توزيعاً لم تقارب ذيوع صحف في الستينات اي قبل نصف قرن تقريباً. وقد سألت يوماً مراسلاً لـ «الصحافي الدولي» عن توزيعها في كوستي. فقال انه أرسل خبراً يشغل المدينة فنشرته فاقبل عليها القراء. ثم توقفت الصحيفة عن نشر أي شيء أرسله عن الموضوع بعد ذلك. وقال أن القراء قلبوا الصحيفة وحين وجدوها انصرفت عنهم بادلوها الانصراف.
    ورأيت في اقتراب «الصحافة» من ثقافة الموبايل اعترافاً بمدينة جديدة. وثقافة الموبايل مما يمكن تسميته بفلكلور المدينة الذي يهتم به الدكتور محمد المهدي بشري. وكان الفلكلور مما تعودنا أن ننسبه الى البوادي والأرياف وود شوراني وطه الضرير وشغبة وهلمجرا. والمدينة عندنا اتسعت واندلقت، بينما أفق الكتابة الصحفية (والسياسة الصفوية بشكل عام) ما تزال تحد شمالاًً بالشعبية بحري وجنوبأ بالثورات وغرباً بالصحافات وشرقاً بالنيل. وكان اتساع المدينة ثمرة هجرات شقية انتزعت الأمن القديم من خاطر سكانها وبين شبابها، خاصة الذي انسدت أمامه الدروب فلا يدري أين هو. وهو ما نعبر عنه بقولنا «ما عارف رأسي من كرعي». وقد وجدت نكات المساطيل في كراكيب «الصحافة» ناطقة عن هذا الدوار. فمن بين النكات واحدة تروي عن مسطول سقط من اعلى عمارة فلما سألوه «الحاصل شنو؟» قال: «والله ما عارف يا دوب جاي». وكأن حال السقوط من شاهق هي حال عادية . . . زي الزبادي. أو تلك التي عن المسطول الذي قيل له نمشي نحفر قبر لأم فلان. فقال: «هي ماتت تاني». وكأن الموت قد أضحي مثني وثلاث ورباع. أو المسطول الذي دعي الى اجتماع مجلس آباء في اول يوم عينوه فيه مديراً لدار لقطاء. وهذا هو الذكاء الذي نعيش في شروطه منذ حين طويل.
    وأنتج هذا العيش العسير في المدينة حساً فكاهياً مقاسه الجملة الواحدة تقطع قول كل خطيب. فقد قرأت لأحدهم يعلق علي لقاء الأستاذ نقد والسيد الصادق قائلاً: «يا اخونا إنتو الصادق غطس واللا نقد قلع». وهذا عبث مفحم. وفيما يتداوله شبابنا من حكايات المساطيل والمسيخين عبث من طراز مسرح اللا معقول. الذي تنفضح فيه اللغة وتبدو مجرد طوب نردم به هوة التفاهم المستحيل بين الناس. وقد ذكرني ذلك ما كتبه الشاعر محمد المكي إبراهيم في تعريف مسرح العبث، حين عاد من باريس في الستينات الأولي. فقد جاء بقولهم «كل النساء صلعاوات تحت شعورهن». وهو حفر في اللغة وباللغة حتى تبلغ منطقها ذاته وتفسده. وقد وجدت هذا في نكات المساطيل. فقد سأل المسطول طبيبأ عن سر تحليلهم للبول وتحريمهم للخمرة. أو تلك الكديسة التي وقعت من الحائط فطاش لبها وقالت :«ياربي ناااو واللا هوهو". وكله هراء في هراء.
    وباب نكات على الموبايل فكرة قيمة في استنطاق حساسية المدينة الجديدة للغة، في خضم الدوار العظيم الذي انتابنا منذ سنوات. ونكات الموبايل هي الرأس الطافح لمدينة ذكية شقية. ولن تبلغها الصحف ما لم تنس كل ما تعلمته أو ورثته عن الصحيفة الغازيتة. وأقرب قدوة لها في ذلك ربما كانت صحيفة «الصراحة» للمرحوم عبد الله رجب التي ولدت على صفحاتها المدينة والريف المتصل بها خيالاً ولغة وململة في الخمسينات الأولي. وتلك حكاية أخرى.
                  

05-24-2005, 06:29 AM

democracy
<ademocracy
تاريخ التسجيل: 06-18-2002
مجموع المشاركات: 1707

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الاخ ابوساندرا
    موضوعك شيق بجد ...ولكن لو تعرف اغلبية هذه الرسائل بتصل مباشرة من ناس موبتيل فهم عندهم قسم كامل من الموظفين اصحاب الابداع والموهبة مهامهم ابتكار هذه الرسائل بكافة انواعها للتتناسب كافة المناسبات الأجتماعية وبعد ذلك ترسلها لعدد من العملاء مجاناً ومن يت التداول يعنى سياسة تسويقية وليست الا .
                  

05-25-2005, 00:16 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز / محمد صلاح:

    قلت : { من رقم لا أعرفو }
    بس يا زميل أنت شوف مطنش منو ، واللا هم/ن كثر ؟
    تحايا وأشواق لك وللرائعة رجاء ، وحقآ البينك وبينها الحياة بكل زخمها ، حبآ وجمال وهذه بالطبع أكبر { رفسنجاني } من الصداقة والزمالة والنسب ، بل وهي تستوعبهم جميعآ وأكثر
    فشكرآ لك ولرجاء الوسيمة

    وشكرآ على تزويدنا بمقال عبدالله علي إبراهيم الذي لم أطالعه من قبل ، فقط الآن ، أما ملحق الصحافة عن الموبايل ونكاته والرسايل فقد طالعته كم مرة وهو مرآة تعكس ثقافة ناهضة وقطعآ سوف يكون لها تأثير قوي على لغة الشارع ، الشارع سريع الإستجابة للمصلحات الجديدة
    ولا أكتمك إني مستحسن ثقافة الموبايل هذه فإنها أفضل من لغة تسربت في وقت ما من الميكانيكية في المنطقة الصناعية وإنتشرت وسط الشباب المشرئب للغة جديدة وغير تقليدية يعبر بها عن خصوصية العمر وموجة التمرد ، فعرفنا مصطلحات مثل { الدقار وهو وضع حجارة خلف -و أكرر خلف هذه - العربة حتى لاتدحرج ، ومثل { الكنتكة وهي الحركة بأنوار السيارة التي تشبه الرفرفة بالعيون والحواجب ، وغيرها من وضع الصاج أو الصاجات عندم { يصيج } للعربة الوحلانة في طين أو رمل ، والتكبيس ، ويلاحظ كلها مفردات مستخدمة في المنطقة الصناعية والعربات
    هذه اللغة أو الراندوق أزيحت بفضل لغة جديدة وهي مصطلحات الشماسة -أبناء الشمس - مثل {شتات يافردة } ، والتشتيت هو الهروب من الشرطة { الأريرا } وهي مصطلحات إبتدعها الشماسة لحفظ سرية معاملاتهم ، وأسوا ما تسرب منهم ووصل حتى البيوت مصطلح { قطع جاف } أو { قطع ناشف } وهذه قلة أدب عديييل ، مرة إستخدمتها بنتي فصعقت وإضطريت أن أشرح لها معنى المصطلح فإنتقلت { الصقعة } لها ، وبالمناسبة { الصقعة } مصطلح وارد من المساطيل ، بيقولوا فلان { مصقوع } أي مسطول جدآ
    وهناك مصطلحات فئوية فالنجارين أبتعوا مصطلح { نجرت } وهي تعني ألفت أو إبتدعت أو إختلقت ، فتقول صادفني فلان ولم أجد عذرآ أقدمه له فنجرت ليهو حكاية و ....ز
    والعسكر أدلوا بدلوهم فوفدت إلى الشارع مصطلحاتهم مثل { يا دفعة } و { عملت ساتر } و { إسحبت إنسحاب تكتيكي

    أما السلطة الدمار فلها مصطلحاتها البائسة التي تحاول بها ستر فضائحها وقصورها مثل { فجوة غذائية } وهو مصطلح لعبارة { مجاعة } القاسية

    شفت يا محمد صلاح يا { ستاليني } وبالمناسبة ده مصطلح يكنى به المتزمتين ، ورطتنا كيف في الموضوع
    وكل الود
                  

05-25-2005, 01:07 AM

salah elamin
<asalah elamin
تاريخ التسجيل: 04-07-2005
مجموع المشاركات: 1423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الصديق ابوساندرا

    لك السلام
    ماتنسي بعد الانتفاضة
    ظهرت مصطلحات متداولة مثل

    يعني الزول زي عايز ياكل

    او( زي الحاجة دي )

    مثلا انا
    لاقيت
    واحدة من اللائي يستعملن هذه الطريقة في التعبير
    وقلت ليها اخبارك شنو؟
    فقالت لي
    يعني الزولة زي نجحت في الامتحان
    وكانت تعني بالزولة نفسها هي

    وهذا النوع من التعابير يقال ان مصدره ناس جامعة الفرع
    وفي رواية اخري معهد الموسيقي
    وفي (الحتة دي ) الزول بشوف انو مصدره كلية الفنون الجميلة
    او امسيات اتحاد الكتاب
    ولك تحياتي

    (عدل بواسطة salah elamin on 05-25-2005, 01:17 AM)

                  

05-25-2005, 00:36 AM

عبد الله إبراهيم الطاهر
<aعبد الله إبراهيم الطاهر
تاريخ التسجيل: 04-19-2005
مجموع المشاركات: 616

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    وردتني هذه الرسالة ....

    Quote: * عندما تختلط المفاهيم
    وتسقط المعايير
    عندما ينتشر الظلم
    في الأرض ويعيش الناس خائفين
    عندما تنتشر الحروب وينعدم السلام
    وينعدم الأمن
    عندها فلنبكي وننادي
    بصوت واحد ...

    حنانة نسى أهلو ما نسانا ...


    أجمل ما في الموضوع أنني لم أتخيل نهاية الرسالة بذلك الشكل ...
                  

05-25-2005, 00:44 AM

منوت
<aمنوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    دخلتَ أقول صباح الخير ، و اشوفك كيفن اصبحتَ ، يا أباها ،
    تلكم الليمونية ( ساندرا ) ..


    البوست مفيد ، و مشوق ، و بشبهك !!!

    تعرف الكلام ده بسموه شنو في أدبيات علم اللغة الاجتماعي ؟

    أعني كلام الميكانيكيه ، و السواقين ، و المساعديه ، و الشماشه ، و الموباليين الجدد ..
    ده كلام ليهو مبحث خاص و ثري في علم اللغة ، ألا وهو ( إثنوغرافيا الكلام ) ، و هو مصطلح تم نحته أو إبتداعه من علم الإثنوغرافيا ، و هو علم يهتم بطرق كسب العيش .. و الكلام الذي هو مادة علم اللغة .. و قديماً كانت العرب تسميه ( لغة المِهن ) ..
    كل هذه الأشياء تدرس تحت باب ( التغيُّر اللغوي ) Language Change ، ..


    واصل يا حبيب ،
    و لا فرقَ - لغوياً - بين ميكانيكي المنطقة و موبايلي العولمة !!! فقط هي التحولات الاجتماعية والتي بدورها تؤثر على ثقافة المجتمع ، و أولاً و أخيراً " اللغة هي الوعاء الحاوي للثقافة " ..


    و هات نكته - موبايلية أو ميكانيكيه - لو سمحت !!!

    (عدل بواسطة منوت on 05-25-2005, 00:50 AM)

                  

05-25-2005, 01:15 AM

celecon

تاريخ التسجيل: 09-15-2002
مجموع المشاركات: 1316

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    سلام ومشكورين على الموضوع الشيق ... دى واحده وصلت هسه طازه من الفرن ...


    سلمت عليك ما رديت
    صبرت عليك ما حسيت
    مُش انت روميو ولا انا جوليت
    حبيتك انا وما اخفيت
    اصحابك قالو ليك طنش بجيك
    اتقا اتقل احسن ليك
    وانت بقيت تقيل لمن شربتك انا مويت الغسيــــــــــــــــــل
                  

05-25-2005, 02:17 AM

Isam Widaa
<aIsam Widaa
تاريخ التسجيل: 08-02-2003
مجموع المشاركات: 317

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: celecon)

    التحية للجميع
    من اكثر الفئات المستفيدة من الموبايل
    الصنايعية . مسجل لدي تلفونات سباك و كهربجي
    اذا حصلت اي مشكلة اتصل عليهم و تنتهي المشكلة سريعا.
    ا ستخدام اخر واحدة بتبيع الفرح المعبأ في الاكياس يتم الاتصال
    بها بواسطة الزبائن و لديها خدمة توصيل للمنازل .
    وصلتني رسالة من طالبة جامعية درستها في المرحلة الثانوية
    الرسالة بتظهر سطر بعد سطر يعني نهاية الرسالة ما بتظهر من البداية
    " تعرف الغرام
    ااه من الغرام
    الغرام يا عمري
    اصغر من الكيلوغرام"
                  

05-25-2005, 03:10 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز /ديموقرسي :
    والله كتر خيرك على المعلومة ، مع إنك أحبطتني بيها
    أنا فعلآ ظنيت أن الحس الشعري إرتفع في الشارع السوداني وكذلك نضارة اللغة ورشاقة التعليق و ظرافة النكات ، ولا أكتمك ماكنت متفائل على الأخر ولا متشائم ممكن تقول علي متشائل حيث ظنيت { برضو} إن وراء الرسايل الرشيقة عدد محدود ثم تنتشر بالتداول { السلمي والرقمي }
    كنت أرجو أن يكون الأمر إحساس جميل مش سياسة تسويقية

    الأعزاء :
    صلاح الأمين
    عبدالله إبراهيم الطاهر
    منوت
    سليكون
    عصام وداعة
    راجع ليكم الواحد تلو الأخر
                  

05-25-2005, 06:30 AM

Ismaeil H. Mohamed
<aIsmaeil H. Mohamed
تاريخ التسجيل: 11-25-2004
مجموع المشاركات: 343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الحبيب أبو ساندرا

    موضوع لطيف زيك وأيضاً هام جداً
    ويحتاج حقيقي لدراسه من ذوي الإختصاص
    فالرسائل تحمل في داخلها من الأثار السالبه والموحبه
    علي حد سواء في جميع المجتمعات خاصةً عند الشباب.

    ونواصل معك في الرسائل
    رسالة في صفحات متتالية

    شايف الليل

    شايف القمر

    شايف النجوم

    طيب ليه ما تتخمد وتنوم؟؟




    إسماعيل حميم[/B]
                  

05-25-2005, 09:29 AM

zico
<azico
تاريخ التسجيل: 02-04-2002
مجموع المشاركات: 684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: Ismaeil H. Mohamed)

    ابو ساندرا

    تحياتي
    قبل ثلاث سنوات
    تطرق العم قرشو
    لهذا الموضوع
    احيلك للبوست ادناه
    فيه الجميل والكثير
    مع مودتي


    رسائل الموبايل فى الهوبجى
                  

05-25-2005, 09:29 AM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 9832

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    ابو سندرلا

    الموبايل وما اراكم المس كول بصراحة ده الكرهتنا فيه وخاصة من قبل الطلاب الواحد يكون عنده موبايل وما قادر يشحنه واول ما يفلس على طول يعمل ليك مس كول اما عن مس كول لي معها عدة مواقف اذكر منها وانا فى مدينة كوستى وكنت اعمل فى تركيب جهاز لاسكلى وتطلب الامر منى الطلوع الى شجرة طويلة لزوم تركيب الهوائى (الاريال)واثناء وصولى الى ثلث ساق الشجرة ما اسمع ليك الا واحد عامل لى مس كول بينى وبينك عملت نايم وكررها اكثر من مرة وطبعا كل حواسى مع الطلوع المهم لمن لقيت لى فرع مصمون اتصلت بالمس كول وما كان من الزول الا يقول لى انا داي احذرك اصلو فى الشجرة ده فى ثعبان ومتعود يطلع ذى الوقت ده ويأكل بيض الطيور المهم ما تخاف اصلوا ما سام تعرف الحصل شنو اخوك من الخوف نسى ما قفل المكالمة ولمن نزلت تحت وانا افكر فى وسيلة اتخلص منها من المحنه ده ما اعاين ليك والقى الرصيد بتاعى خلص وحلفت من اليوم داك مس كول مامعانا.
    تحياتى
                  

05-25-2005, 12:34 PM

برهان تاج الدين
<aبرهان تاج الدين
تاريخ التسجيل: 08-28-2004
مجموع المشاركات: 510

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: بلدى يا حبوب)

    Quote: الاخ ابوساندرا
    موضوعك شيق بجد ...ولكن لو تعرف اغلبية هذه الرسائل بتصل مباشرة من ناس موبتيل فهم عندهم قسم كامل من الموظفين اصحاب الابداع والموهبة مهامهم ابتكار هذه الرسائل بكافة انواعها للتتناسب كافة المناسبات الأجتماعية وبعد ذلك ترسلها لعدد من العملاء مجاناً ومن يت التداول يعنى سياسة تسويقية وليست الا


    الاخ ديموقراسى
    سلامات ..
    لا يوجد فى موبيتل قسم كهذا .
    و لو كانت موبيتل بهذا الذكاء لكانت اجتهدت فى Customer Loyality و لملمت زبائنها الذين سيطير معظمهم مع دخول المشغل الثانى .
    رسائل الموبايل هى نبض شوارعنا .. لا أكثر .
    تحياتى
                  

05-25-2005, 04:54 PM

نادية عثمان

تاريخ التسجيل: 11-26-2004
مجموع المشاركات: 13808

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: برهان تاج الدين)

    ابو ساندرا الاكرم

    ازيك يازول يارائع

    وهاك شوف الرسالة الموبايلية دى :




    انعل ميتينك

    وميتين الحب البينى وبينك

    وميتين الشوق الفجر جوايا حنينك

    وميتين البربط بينى وبينك

    وميتين الريدة الخلتنى سجينك!!




    اها ده قالوا حلفاوى بيتغزل فى حبيبته !!!
                  

05-25-2005, 05:17 PM

مشتاق
<aمشتاق
تاريخ التسجيل: 02-19-2002
مجموع المشاركات: 579

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الكائن الخرافي الاحاسيس ابو ساندرا
    لك الود الاخوي الصادق
    منذ فتره ام الق عليك التحيه ودعني احييك بهاتين الرسالتين واللتان وصلتا عن طريق الموبايل
    الاولي:_

    بستأذنك
    انسج حروفك واحفظك
    جوه الدواخل وفي العيون
    وفي كل حاجه بتشبهك
    في طلعه النور والصباح
    عشمان أ قابلك والمحك
    واكتب بالخط العريض
    مشتاقه كتير لي طلتك

    اما التانيه:-
    كلمه منك لوتعاتب اغلى من كل الغناوي....

    والبتهمسو بين سطورك عندي بي كل الحكاوي.....
    ومافي اجمل من مقاطع انت بي اشواق تقولا....
    والعيون منتظره جيتك فارده غاباتا وسهولا......
    والكليمات التطمن نحن منتظرين وصولا.
                  

05-25-2005, 05:58 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    أبو ساندرا

    وصلتني هذه الرسالة

    ( تحندكنا وتفوت
    ورينا شن فايدة مجيك
    علمنا كيف تبقي البيوت
    لم الشمل صحبة شريك
    ورق الشجر ماكلو توت
    ونوم الحبل ماجم ديك )

    بقي أن تعرف ان كاتبها هو صديق عزيز وشاعر ( بقول جنس شعر) خلي ساي .

    شكرا للثقافه
                  

05-26-2005, 00:37 AM

democracy
<ademocracy
تاريخ التسجيل: 06-18-2002
مجموع المشاركات: 1707

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الاح برخان تاج الدين قال
    الاخ ديموقراسى
    سلامات ..
    لا يوجد فى موبيتل قسم كهذا .
    و لو كانت موبيتل بهذا الذكاء لكانت اجتهدت فى Customer Loyality و لملمت زبائنها الذين سيطير معظمهم مع دخول المشغل الثانى .
    رسائل الموبايل هى نبض شوارعنا .. لا أكثر .
    تحياتى

    ******************

    صدقنى يابرهان هذا القسم متواجد أسال زميلنا وصديقنا أحمد عبد الرحمن الفكي مدير خدمات العملاء بموبيتل وهو يتيك التفاصيل .

    أبوساندا الرائع معليش على ماذكرت ولكن دى الحقيقة فى هذا الزمن الاغبر الذى مات فيه الابداع والفرح وكل جميل .
                  

05-26-2005, 00:55 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز / صلاح الامين:
    مداخلتك رائعة مثلك ، وذكرتني بها أيام عزيزة في جامعة القاهرة فرع الخرطوم { الحنينة السكرة }
    المصطلحات التي تناولتها ، خاصة بالجبهة الديمقراطية في الجامعات والمعاهد العليا ، وأصلآ { نحتوه } ناس كلية الفنون الجميلة والتطبيقية وإنتقل إلى الفرع { الحنينة السكرة } نسبة للقرب المكاني ومن الفرع إلى جامعة الخرطوم { الجميلة ومستحيلة } والطلبة شالو اللغة ونشروها في الأحياء عن طريق لجان إتحاد الشباب السوداني

    ناس معهد الموسيقى والمسرح كانت عندهم { سربعة } خاصة بهم ونحتت ناس التطبيقية طالتهم برضو

    ومرت علي حكاية مماثلة في الفرع
    كنت ببحث عن زميلة وجدت صديقة مشتركة بيننا ، سألتها عنها
    قالت: زي الياها ديك
    قلت: ياها ديك واللا زي ، حددي { كانت العبارة تغيظني }

    شكرآ على المداخلة وياريت تواصل معانا وتتحفنا بالرسايل التي كانت تلك في { الميدان }
                  

05-29-2005, 02:33 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    -صلاح الأمينتصحيح : { التي كانت تأتيك وإنت في { الميدان }

    - عبدالله إبراهيم الطاهر:
    فعلآ أحلى مافي الرسالة نهايتها مفارقة وغير متوقعة
    تعال تاني

    - منوت:
    ومنك نتعلم يا حبيب يا { إثنوغرافي } نحن ألإثنيات دي ما بنعرف فيها غير { ألإسنافيك } بتاعت البوست
    طلبك بخصوص النكتة حولناهو لجهات الإختصاص
    وواصل { أيوب مصطفى } دي من سربعات معهد الموسيقى والمسرح
    أبقى واصل

    - سلسيون:
    وإنت بقيت جميل لمن شربناك عصير النخيل
    طبعآ بالليل
    وشكرآ على المساهمة الحلوة

    - عصام وداعة:
    بمناسبة { الفرح المعبأ في الأكياس }
    مرة لقيت غناميتنا بتترنح ، ظنيتها عيانة ، لمن قربت منها وشميتها لقيت الريحة المابتغباني عابقة ، إندهشت وراقبتها حتى لحظت إنها مدمنة أكياس ، كنت بدت تلوك في كيس أخذته منها وشميتو عرفت السر.
    حكيت الموضوع لأمي وهي صاحبة نكتة وتعليق حاضر ، عشان تاني ما يحلبوها فعلقت : { بنحلبه ونديك لبنه وإنت ما تقصر معاها في الكوارع وكتر ليها الشطة }
    منتظرنك تاني
                  

05-29-2005, 03:10 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    أبو ساندرا

    تحياتي ، موضوع جميل وشيق ، يستحق النقاش
    من وجهة نظري ، الرسائل التي يتم تداولها عن طريق
    الجوال تعبر عن مدي ذكاء الشعب السوداني وليس الا
    وصلتني رسالة امس من السودان تقول :-

    لو شق صمت الليل برق ما مشكله
    ادروب رحل خلي الشرق ما مشكله
    والجنجويد مسك الغرب ما مشكله
    لو بحري بـ النار تتحرق ما مشكله
    ولو جون قرن اعلن حرب ما مشكله
    وصدام حسين بقي مقترب ما مشكله
    المشكله شوفتك بقت هي المشكله
    اديني حل المشكله

    الرساله دي اكدت لي تماما مدي ذكاء الشعب السوداني
    طريقة القصيدة علي نحو قصيدة الشاعر الكبير الاستاذ
    اسحاق الحلنقي متعه الله بالصحة والعافية

    خالص ودي واحترامي
                  

05-30-2005, 04:11 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: samwal ebrahiem)

    غريبه
    انا دايما بتجيني رسائل علي الموبايل من السودان
    زي كده بس
    ؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟






    ابوساندرا
    جاييك راجع
    ارجاني
                  

05-30-2005, 08:07 AM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    ابوساندرا بالرغم من انني اكون خارج الشيكة كثيراً ... ليست خارج الشبكة كمصطلح ولكني اسافر الى قرى لم يرى اغلبية سكانها الموبايل وموبيتك ده يمكن يقولوا عليهو اسم دواء لانه صعب وغريب عليهم .. وبالغم من عدم حبي للموبايل ..لكني عاوزه بس ارد عليك في البوست بتاعك ده حباً فيك...
                  

05-31-2005, 00:26 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: Manal Mohamed Ali)

    منال !!
    عرفة من متين مع ابوساندرا كمان ؟




    الدوائر مشغوله حاليا
                  

05-31-2005, 05:17 AM

Osman M Salih
<aOsman M Salih
تاريخ التسجيل: 02-18-2004
مجموع المشاركات: 13081

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الاخ أبو ساندرا
    تحية طيبة
    قـررت تمديد
    اقـامتي هـنا

    (عدل بواسطة Osman M Salih on 12-15-2005, 09:05 AM)

                  

05-31-2005, 11:46 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز/ عثمان محمد صالح

    سلام ومحبة
    قرارك بتمديد اقامتك هنا يسرني جدآ
    و أرجو أن تحرض أصدقائي بطرفكم أحمد عكاشة وعلي عوض على تفعيل اقامتهم هنا
    نحترم شخصك جدآ ونحتفي بقلمك الرشيق المبين
    أطيب الأمنيات لك
                  

06-01-2005, 02:56 AM

singawi

تاريخ التسجيل: 02-18-2002
مجموع المشاركات: 2226

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الأخ أبو ساندرا

    موضوع ظريف ومليء بالإبداع .. فعلاً السودان بلد المليون شاعر .. أحيانا تصلني رسائل ومن حلاوتها تتشحتف روحي في رجاء باقي النص المترع بالمشاعر والإبداع . وهاك بليلة مباشر

    معاك في كل لحظاتك
    شموس تدخل مداراتك
    تزيل عنك ضلام الهم
    تضويلك مساحاتك
    معاك في كل لحظاتك
    وريد لي دمك المعسول
    ينظم ليك نبضاتك
    يحلق في مداخلك شوق
    يريح كل مساماتك
    معاك في كل لحظاتك

    تحياتي
                  

06-02-2005, 02:00 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    إسماعيل حميم :

    يا حميم يا هميم
    فعلآ الموضوع مهم ويحتاج لدراسة ليس بشأن رسايل الموبايل فقط ولكن كذلك عن المصطلحات التي صارت لغة الشارع اليومية وإنتشرت حتى دخلت المدارس والمكاتب والبيوت وبدوت تبصر أو وقوف عند { أصول وجذور } المصطلح
    علمآ [ان 90% من المصطلحات تسربت من لغة إبتدعها الميكانيكية في المنطقة الصناعية ومن الشماسة خاصة المشمشين في وسط البلد وهذه الفئة إبتعت لغتها الخاصة لتفادي الشرطة وإنكشاف مخططاتهم للفضوليين
    المصيبة إنو من ضمن المنسربات للبيوت مصطلحات جذورها موغلة في الفحش كما ذكرت أعلاه مثل مصطلح { قطع جاف }
    حسنآ فعل الزيز منوت بمداخلته وأتمنى أن يبقى معنا هنا لتعم الفائدة ونتبين

    و
    شايف الليل
    بالحيل


    زيكو :
    _________

    والله يازيكو ماقرأت بوست عمك قرشو إلا بعد ما تفضلت إنت بوضعه هنا
    وفي الحقيقة انا سبق فتحت الموضوع في بوست بعنوان { 13يوم في الخرطوم } أودت به أرشفة 2004 ولم تمهله ولا قليلا

    شايفك مفضي موبايلك في { الهوبجي}
    وبخلان علينا

    تخريمة:
    ياريت تنزل لينا الرسايل الجاتك من الدوحة قبل الميلاد
                  

06-02-2005, 04:05 AM

ahmed haneen
<aahmed haneen
تاريخ التسجيل: 11-20-2003
مجموع المشاركات: 7982

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    اخونا الكبير ابو ساندرا

    تحياتي

    تعرف كلمة كبير عشان اطير منك الجكس ،، حسادة عديل كدا

    الموضوع دا ظريف جدا وخطير ،، وبيجيب ليك الهوا

    هاك دي

    المابيك ساكت غير سبب ، ما تسكو..
    اشطب اسمو . من آخر ضميرك حكــو
    شتتو في الخلا .. وعكس الهبايب فكو ..
    وادد من يوادك ,, والبدكك .. دكو
    ..
                  

06-02-2005, 04:58 AM

أيزابيلا
<aأيزابيلا
تاريخ التسجيل: 11-26-2004
مجموع المشاركات: 2385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: ahmed haneen)

    (أبو ساندرا.....)

    لك وأنت مترف الحضور كما اعتدناك...

    (متذكر الرسائل...موضوع النقاش)

    فى ناس....أتحرش لاجل رسائلهم بذاكرة الموبايل....حتى تتسع..)

    يعنى يا ابو ساندرا..أراهن

    أنو اجمل من يكتب الرسائل فى الخرطوم....هم

    (بت المك...(سمارة)

    د/انس مصطفى

    عبادة كمال الطيب

    عمار جمال

    و...حأجيكم راجعة)
                  

06-05-2005, 06:19 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أيزابيلا)

    Quote: عمار جمال


    أيزابيلا

    عمار جمال ود جبرة ولا غيرو الطالب في جامعة الخرطوم

    أتمني الرد ولو هو ياريتك تمديني بموبايلو

    شكرا
                  

06-02-2005, 06:22 AM

Osman M Salih
<aOsman M Salih
تاريخ التسجيل: 02-18-2004
مجموع المشاركات: 13081

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    متى ينضج عقلك ?!
                  

06-05-2005, 05:32 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    بلدي ياحبوب:
    والله يا حبوب محنتك تشفق
    والجاتك في رصيدك سامحتك

    أخوك كان أجبن من مشى على ساقين من الثعابين وطوالي بحلم إنو سكيني دبيب ، وسبب خوفي محمد عبدالله الريح { حساس } ومتحف التاريخ الطبيعي قرب جامعة الخرطوم كان في فتريناتو دبايب عينة وملصق عن خطورة البيب ، حتى وصلت لإقتناع بأنني حا { إتلحس } ملدوغآ ، عشان كده كنت بتجنب حمامات الطيران المدني على شارع النيل لم سمعت إنو فيها دبيب حتى بعد ما قالو الدبيب ساكن في حمامات البنات / الموظفات { دبيب قليل أدب }
    المهم الموضوع صار هاجس في الذاكرة حتى ذهبت ليبيا في منطقة مشهورة بكثرة الأفاعي شديدة السمية ، لدغتها والقبر . وقلت في نفسي جئت لحيث حتفي بساقي .
    وحاتك يوم نايم صحيت على شيء ثقيل جاسم في صدري
    كان ثعبان ضخم مطوط وراقد بمزاج في صدري
    تخيل حال أخوك
    ومحنته!
                  

06-05-2005, 04:31 PM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)





    عزيزى ابوساندرا

    تحياتى ...

    شايف بوستك ده لى زمن وناوى ادخل عليك والليلة ربنا (رفع كيبوردنا ) ودخلنا عليك ..
    عالم الموبايل والرسالات اصبح عالم له رواده وعاشقيه ، واصبح الموبايل وسيلة لتبادل
    الاخبار والاشواق ولتبادل الضحكة ايضا ، التكنلوجيا دخلت علينا على حين غرة ، لم نتهيأ
    لها بعد ، ولم نتدرج حتى نصل ، بل قفز (بضم القاف وكسر الفاء ) بنا قفزا ، ومن المفارقات
    ان تدخل القرية من قرانا لم يتوفر لها الامداد الكهربائى بصورة مستمرة ، ولم تحظى بكافة الخدمات
    الضرورية ، تدخل هذه القرية وتجد عمال (سوداتل ) يشقون ارضها شقا ، وكنت اعجب لبراعة هؤلاء
    فكثير من قرانا لم يتوفر لها تخطيط عمرانى جيد ، فكيف تيسر لهؤلاء شق قرية كما قال لى احدهم
    (التقول مخططا دبيب ) ، على العموم الاتصال ضرورى جدا لعالم اليوم ، وقصر المسافات واختصر
    الزمن والجهد وحوجتنا له ضرورية وملحه رغم ظروفنا القاسية ..

    اجيك لعالم الموبايل ومفارقاته ..امبارح وصلتنى رسالة بتقول :

    فأن يك عن عن لقائك غاب وجهى ..
    فلم تغب المودة والاخاء ..
    ولم يغب الثناء عليك منى ..
    يظهر الغيب يتبعه الدعاء ..
    ومازالت تتوق اليك نفسى ..
    برغم البعد يحدوها الوفاء ..
    الرصيد وصل شكرا كتير ليك ..

    طبعا ياابوساندرا الجزء الاخير من الرسالة البتكلم عن الرصيد الوصل ده حيرنى ليك جنس حيرة ،
    وبقيت اودى واجيب ، ياتو رصيد الوصل ؟ ومشيت بعيييد ، وفى النهاية قررت اتصل على صاحبى
    ده واعرف قاصد شنو بالرصيد الوصل ده ..واتصلت ليك عليهو ..
    بعد السلام والمجاملة ..يامان انت قاصد شنو بالرصيد وصل دي ؟
    قال لى ..لالالا ياخى الرسالة ده وصلتك بالغلط ، اصلا انا مرسلا لعاصم لانو رسل لى رصيد ..
    قلت ليهو : رصيد شنو الرسلو ليك عاصم ؟
    قال لى ياخى نحن هنا عادى لو رصيدك قرب يكمل تتصل على زول ويقوم يرسل ليك رصيد من موبايلو
    وطبعا حكاية زول يرسل ليك رصيد ده نحن هنا ماعندنا ..
    طوالى اتخيلت ليك منظر واحد سائق سيارة بنزينو كمل وشايل (جالنو ) ووصلتو وكايس لى زول
    يكب ليهو حاجة يصل بيها ..
    وصاحبى ده زادنى من الشعر بيت ، قال لى عادى جدا تمشى لسيد الدكان وشايل موبايلك وتقول ليهو
    ياخى ادينى (رنة ) بألف او رنة بألفين ، يقوم سيد الدكان يطلع موبايلو ويروح شايت ليك دقيقة دقيقيتن من
    موبايلو ، وده للناس الماقادرة تشترى (اسكراتش ) يقوموا يشتروا (رنة ) (رنتين ) لزوم تمشية الحال
    يعنى لو يوم ياابوساندرا كنت ماشى مع زول فى الديم وقال ليك اقيف دقيقة اشترى لى رنة من الدكان
    ده واجيك راجع ماتستغرب ، عادى جدا ..

    قبل مااطلع هاك الرسالة دى وصلتنى من الناس البتشترى (الرنة ) .. شوف بالله الناس دى حنينة كيف ..

    لما تهجع فى وسادتك ..
    تلقى روحى ملت جوانحك ..
    ولما تغمض رمش عينك ..
    ابقى فى نومك ازاحمك ...
    ولما تبقى امام مرايتك ..
    تلقى صورتى كست ملامحك ..
    ولما تمرق لصحابك وكل زول بشوق يسالمك ...
    تلقى فى ايديهو ايدى ولمحة من عينى تصافحك ..

    بجيك راجع لو (تبغى )

    محبتى ,,,,,
                  

06-05-2005, 11:29 PM

ود عقاب
<aود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    عبدالرحمن بركات كيف عامل مشتاااااااااااااقين


    هاك دى


    اصلو العناد من غير سبب ما اظنو يشبه رقتك!

    ماالطله منك لينا عيد يا عيدنا طالت وقفتك

    الناس بتسال وين تكون والناس بكت يوم شافتك

    الحاله عرفوك من بعيد كيف القريب من الفتك
                  

06-06-2005, 01:56 AM

ABU QUSAI
<aABU QUSAI
تاريخ التسجيل: 08-31-2003
مجموع المشاركات: 1863

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: ود عقاب)

    عبد الرحمن سلام عليك وعلى ضيوفك

    هاك الرسالة دي وصلتني من صديق عزيز من أرض الوطن :

    إن كتر الرصيد الزول بخابر زوله

    وإن قل الرصيد البركة في مس كوله

    ولك التحية

    أبو قصي
                  

06-06-2005, 04:21 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    برهان تاج الدين :

    كتبت { رسائل الموبايل هي نبض شوارعنا .. لا أكثر }

    صدقت يابرهان ، حتى ولو كتبت من جانب تيم مكلف رسميآ من سوداتل - حسب معلومات ديموقرسي- فغالبآ تلمس ذلك التيم { نبض شوارعنا}
    وشكرآ جزيلآ
                  

06-07-2005, 11:31 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    نادية عثمان :
    يا { حلوة العينين }
    أقسم { بميتيني كلهم } أن هذا ليس غزل ولكنها غنيوة لشرحبيل سمعتها هذا الصباح

    وزغرودة لك
    بمناسبة جسارتك ودخولك بيت { الأشناب }
    تعرفي قبل دخولك ظنيت أن أحد { المخاليق المطاليق } غافلني وكتب على البوست { للرجال فقط والنساء يمتنعن } غابن الجميلات مع انو الرسايل لا تكتب إلا { لإنجلاتن } ولمقامن الرفيع تدبج القصائد
    { خصمتك شوفي لي الحرشن علي مين خاصة الجندرية }
    شكرآ لطلتك البهية { طلة وردة من السور }
    ومفتتح رسالة الحلفاوي الجريء
    ويرحم ميتينك
                  

06-11-2005, 03:56 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    مشتاق
    شكرآ جزيلآ على المد بما يشبه الذم أو العكس
    وكتر خيرك كتير أديت الحاقدين بقيادة ودقاسم فرصة الشماتة لأنهم حايقروها الكائن المخرف
    ود كتير وإعتزاز
    وشكر مضاعف لرسايلك ، شرط للأرض


    إعتذار :
    أعتذر لإيقاع ردودي البطيء فلليد رافع ، والعيون مسحورة تبكي { وياعيوني أبكي دم شوقآ لهم }ناس خدر ما خلوها في حاله ، والدكتور مانعني عدييل لكن بغفلو وبدخل أصلو فراقكم قاسي

    وصبرآ آل ياسر
    برجع ليكم الواحد تلو الأخر
                  

06-13-2005, 09:47 AM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    عالم مركب بالغلط
    طابونه بتبيع أيسكريم
    راكوبه في نص الزلط
    عربيه لابسه فنيله كط
    مستر عتوت لابس شبط
    الحفله راااابه وفنانه بط
    التيس يبشر في الغنم وخرفان مسنسنه واقف لط
                  

06-13-2005, 11:56 AM

منوت
<aمنوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    اللغةُ - في أبسط تعريفٍ لها - هي أداةٌ للتواصلِ بين بني البشر ، و هي الوعاءُ الحاوي للثقافةِ . و الثقافة - في تعريفها الدارج - هي الكلُ الجامع ، أي طريقةُ حياةِ الفرد أو الجماعة ، المتجلية في المأكل و الملبس و المشرب ، و التواصل حياتياً ( فكرياً، شعورياً ... إلخ ) . و هي - أيضاً - ( اللغة ) عبارة عن أصواتٍ تصدرُ من الزفير ، بعد استنشاقِ الإنسان للهواء عبر الشهيق .. أي أن الهواء الخارج من الرئة ( الزفير ) هو العنصر الأساس في اللغة التي تتشكل عبر عملية طبيعية داخل الجهاز التنفسي للإنسان .

    و طالما أن اللغةَ هي أداةُ تواصلٍ ، و وعاءٌ للكل الجامع ، فإن المجتمع و ما يعتريه من تغيرات هو الحقل ( البراح ) الذي تعمل فيه و وفقه اللغةُ .

    * أدبياتُ علم اللغة الاجتماعي تقول بالآتي : " ... ليست هناك لغةٌ متطورة ، و أخرى متخلفة ، طالما أنها - أي اللغة - تفي بحاجات متكلميها ( الفكرية ، و المعيشية ، و المشاعرية ... إلخ ) . و لكنّ هناك مجتمع متخلف ، و آخر متطوّر ... " . كل هذا يأتي وفق النظرة إلى اللغة بأنها أداة تعبير و تواصل في مجتمع - ما - من المجتمعات الإنسانية .

    فمثلاً يا ابا ساندرا ، دعنا نتخيل مجتمعاً يتكون من مائة فرد في بلاد ( منوت ) القصية و البعيدة عن كل تداخلٍ مع مجتمعاتٍ إنسانية أخرى . هؤلاء القوم ( المنوتيون ) و بما أنهم بنو بشر ، حتماً يحتاجون إلى وسيلةِ تواصل بينهم ، و بالتأكيد هي اللغة . هذا المجتمع المنوتي تحيط به بيئةٌ طبيعية من أشجار و أنهار و جبال و سماء ( نجوم و كواكب إلخ ... ) ، و حاجاتٍ إنسانية . فحتميةُ التواصلِ تفرضُ عليهم خلع علامات ( أسماء ) تميز بين الشجر و النجم ، الولد و البنت ، و ما إلى ذلك . إذن ، تكون لديهم ( المنوتيون ) علامات ( كلمات ) محددة ينطقون بها للتمييز بين دلالاتهابغيةَ التواصل . فإذا افترضنا أن بالمجتمعِ المنوتي ألف شيء ( مدلول ) ، فإنهم ( المنوتيون ) في حاجة إلى ألف كلمة ( دال ) ، للتعبير عن حاجاتهم عبر التواصل الإنساني لغوياً .

    و طالما أن حاجاتِ الإنسانِ غير محدودة ، و أن التلاقح بين المجتمعات و الثقافات أمرٌ حتمي - و إن طال الأمد - ، فإن المجتمع المنوتي يظلُ مشروعاً منفتحاً على أبواب التغيير - و الذي هو سنةُ الحياة - . و دعنا نتخيل أن أبا ساندرا ضل طريقه ذات يومٍ إلى ديار المجتمعِ المنوتي ، و هو _ أي أبو ساندرا - يحملُ في يده هاتفاً خلوياً من فصيلة ( الثريا ) !! تخيل كيف يكون ردُّ فعل المنوتيين - لغوياً - ؟ بالتأكيد ، سيطلقون عليه ( أبو ساندرا ) ، أو ساندرا أبو ، أو ثريا ساندرا ، أو ساندرا ثريا !! ، و بحسهم الإنساني اللامحدود في إطلاقِ النعوت و الصفات - كبشر - ، ستتولد من حادثة حلول أبي ساندرا و موبايله حكاياتٌ تتبعها أفعالٌ لغويةٌ ، و حكمٌ ، و اشعارٌ ، و رموزٌ تشي بحلول مفردات جديدة تسري في دماءِ لغةِ المنوتيين سريانَ الدم على الأوردة و الشرايين .

    * و جاييكم تاني

    * آمل أن أكون قد أوضحتُ الفكرةَ - الشائكة - لدور اللغة الفاعل في المجتمع ..


    و هاتِ نكته موبايليةعولمية ، أو ميكانيكيه تقليدية ، أو حتى منوتيه !!

    (عدل بواسطة منوت on 06-13-2005, 12:11 PM)

                  

06-16-2005, 05:19 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    يا جماعة أسمحوا لينا نزق منوت لي قدام ونتجاوز بيه الطابور

    يا منوت:
    والله فاهمك جدآ خاصة بعد التبسيط غير المخل وضرب الأمثلة
    بس نطمع في المزيد وننتظر جيتك { صادي} بشغف


    مشتهين { ياداووووووء }
                  

06-16-2005, 10:18 AM

منوت
<aمنوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    جاييك راجع يا أباها ،
    تلكم الليمونية ساندرا ،
    و لزوارك الكرام كامل المودة ..

    * أعلم أنكَ عالمٌ ( ناقش ) ما اقول بدون تفسير ( مدرسي ) ، و لكن للضرورة أحكام .. فنحن في منبر عام !!! ، و لا تنسى أن منوت مدرس ، و التبسيط هو أُس المهنة !!! .

    و دعنا ندخل عوالم اللغة البراح ..

    * كم كنتُ أتمنى أن أكون الآن هناك نواحي نفسي الحميمة ( الوطن ) ، حيثُ تتسعُ الحقول للبحثِ عن حلول - لغوية - لما يلف البلاد و العباد من تغيرات جذرية ( درامية ) .. و لكّن ( العين بصيره ، و الايد قصيره ) !!!

    تصبحونَ على سلام لغوي !! ..
                  

06-16-2005, 03:06 PM

almulaomar
<aalmulaomar
تاريخ التسجيل: 07-08-2002
مجموع المشاركات: 6485

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: منوت)

    واحده بمناسبة عيد الأضحي المبارك

    عيدك مبارك
    مخرفان تتعارك
    وكل سنه وإنتو طيبين
    ومصران كمونيتكم مترين
                  

06-19-2005, 07:40 AM

peace builder
<apeace builder
تاريخ التسجيل: 10-17-2002
مجموع المشاركات: 791

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: almulaomar)

    ابو ساندرا
    سلامات..وهاك دي:

    يسابق الزول شراع اشواقو
    طالب سلسبيل نيلك..
    يساسق بين مراسي الشوق.. يفيض حنية جاييلك
    صراع افراح وزغرودة ..قليبي يفر يشابيلك
    شن جابرني باقيلك؟

    تسلم،

    جمال
                  

06-19-2005, 08:02 AM

محمد صلاح

تاريخ التسجيل: 12-07-2004
مجموع المشاركات: 1276

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: peace builder)

    انت بالذات تستحق
    الحكايات تروي عنك
    والصباحات يشبهنك
    والعصافير والعنادل
    تقرأ فنك
    والعقول تتهجا في عينيك
    دروسا ويحفظنك
    والقصايد زخة زخة
    تجمع الكلمات ويجنك
    وليك الف وحشة يا قلب
    المرسل 002499....... مجدي بشير
    ( على طريقة باب الرسايل في ملحق الصحافة
                  

06-19-2005, 08:32 AM

Khalid Eltayeb
<aKhalid Eltayeb
تاريخ التسجيل: 12-18-2003
مجموع المشاركات: 1065

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    أبوساندرا

    هاك دي .. وصلتني بعد نهاية المباراة و التي انتهت بهزيمة المريخ ..

    فاروق جبرة داير عمرة ياطمبل
    مكنته خفت خفت خفت ياطمبل




    خالد
                  

06-19-2005, 09:02 AM

peace builder
<apeace builder
تاريخ التسجيل: 10-17-2002
مجموع المشاركات: 791

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: Khalid Eltayeb)

    [red/] أقول أهديك رسالة شوق..أخاف الكلمة تخذلني
    أحاول أربط الأحرف ..تقوم اللهفة تشغلني
    أجيب الميم تطير الشين ..أشيل التاء وأخت الهمزة بي القوة
    تضيع القاف وأتمحن مع الكلمات ..وأشيلك في القلب همسة
    وأحاول من جديد أكتب: [b/] مشتاقين [b/]

    (عدل بواسطة peace builder on 06-19-2005, 09:08 AM)
    (عدل بواسطة peace builder on 06-19-2005, 09:10 AM)

                  

06-19-2005, 09:07 AM

محمد الامين محمد
<aمحمد الامين محمد
تاريخ التسجيل: 03-07-2005
مجموع المشاركات: 10012

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    بعد ضاقت سبل العيش في السودان عزانا موبايل ومس كول الجماعه ديل ما خلو اي حاجه الا الاكسجين مجان
                  

06-20-2005, 00:24 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الزميل / خضر حسين خليل { خ ح خ }

    شكرآ على الحندكة السيلت اللعاب وشهتنا المزيد
    أسر لنا { غواصة } مطلع على موبايلك وشقاوتك وتاريخك الحافل بالنساء الجميلات وقالوا موبايلك مسخن بالرسايل الملتهبة الاشواق وقرب يطرشق
    فضيهو هنا يازميل ومتعنا


    الاخ ديموقرسي :

    لا نشكك في رأي برهان الذي يحتاج لبرهان ، ونرى رأيك ان هذه الرسايل تمثل نبض الشارع وتمثل أشواق وآمال دفينة عند أهم فئة تنشط في إستعمال الجوال ، فئة الشباب اللفي دورنا ، ولو برهان متيقن من معلومتو ، فنحي الشباب المكلفين { بنجر } لبرسائل وتعميمها فقد تلمسوا { نبض الشارع جيدآ }


    عايزين رسائل
                  

06-20-2005, 01:51 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    رسالة 1

    ياهاجر ,, عملت لي شنو في البتاعات !!








                  

06-20-2005, 01:52 AM

خدر
<aخدر
تاريخ التسجيل: 02-07-2005
مجموع المشاركات: 13188

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: خدر)

    رسالة 2
    يا خاين ,, حُبكـ علمني البنقو












                  

06-20-2005, 03:54 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    عفوآ ، نستميحكم عذرآ لتجاوز الصف والدور مرة أخرى لقصف هذا المتحرش الآبق ، قبل أن يعود لي وقاري

    رسالة {1}
    ياسارة ،،أسألي { البتاعات } تخبرك عن فعلي الحريف وصنع أناملي المتوغلة في الدغل الكثيف تجوس وتجوس ولو مكذبني راجع Y8BYQE وأركبي تعالي تشوفي بعينك وتحس حواسك ، ياحوستي!!


    رسالة’ {2}
    جفاك علم عيوني الساحرة المشاغبة السهر
    ومطالعة الرسايل في الموبايل
    والبحلقة في الماسينجر و { بلاد الرافدين }
                  

06-21-2005, 04:51 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    سمؤل إبراهيم:
    فعلآ يا سمؤل رسايل الموبايل تعبر عن حدة ذكاء الشعب وتعكس حسه الشعري عالي الكثافة ، بس لازم تقنع ديموقرسي بذلك ، حاول معاهو برهان لكنه عنقد
    بنحل المشكلة
    وشكرآ على { المشكلة } الراقية


    ديموقرسي:
    برهان تاج الدين:
    واضح اللخبطة في ردي السابق على ديموقرسي ، عكست الشغلانة


    خدر:
    رسايلك فاضية زي شيك على بياض لتكتب فيها ما تشاء
    وتجاوب على الأسئلة التي لم تطرح
    وكلو على مزاجك { الزنخ}

    ماغريب إلا الشيطان

    وبعرفها قبل ما يولدوها ! { بريدك قبل ما أعرفك}

    وإن عدتم عدنا
    وراجيك في الكريبة


                  

06-23-2005, 03:16 AM

almohndis
<aalmohndis
تاريخ التسجيل: 05-05-2002
مجموع المشاركات: 2663

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    ود بركات
    سلام يا صحبي
    طال غيابك
    هذه الرسالة مررها
    الي معاوية الطيب
    من
    دكتور عبدالقادر الرفاعي طالب
    كتاب
    1.من انطق الحجر علي عبدالقيوم
    2.أخر كتابين لي د.سمير امين
                  

06-23-2005, 04:16 AM

almohndis
<aalmohndis
تاريخ التسجيل: 05-05-2002
مجموع المشاركات: 2663

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    يا ودبركات
    عندي رسائل داير أختها أمانة في ظهر الزمن عندك
    أب كرش السمين سافر يشوف مولانا .
    يارتو قعد هناك طوالي بس ماجانا
    والتعلب كمن احسن يزح يختانا
    محمد تاج السر

    True people, like mornings you cant have them the whole day.. but you can be sure they will be there when you wake up tomorrow ..

    مولد المصطفي

    بلغ العلا بكماله ..
    كشف الدجي
    بجماله.. حسنت جميع خصاله.. صلوا عليه وآله.. أجمل التهاني بميلاد الحبيب المحبوب
    عيد الام
    زهرة بنفسج وطيب نسايم نيل قبلة في جبين انسانة أهدت لي عمرنا وطن جميل كل سنة وأمي طيبة.

    في زمن النسيان:
    .. للحزن ذاكرتان..
    وحده الفرح
    يطل.. بلا ذاكره...
                  

06-24-2005, 03:22 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    منال محمد علي :
    قالت:
    { عاوزه بس أرد عليك في البوست ده حبآ فيك }

    هذا وسام أعلقه على صدري يا منال وأسير في الشوارع بزهو وإفتخار
    والذي ينال حبك بلاشك راضي الرب عنه وأمو داعيالو
    نبادلك يا منال الحب والإعتزاز والإحترام
    ونتابع بتقدير مساهماتك الواعية في شأن سودان الغد
    ونقدر مبادرتك التي قلما نشاهد ونسمع بمثلها من بناتنا أن يتحركن بهذا الحب والحس الوطني الرفيع في مناطق الهامش



    وموت بغيظك



    يا صاحبي
                  

06-24-2005, 03:45 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    وصلتني هذه الرسالة

    .. أنت كنت أجمل صفحة في حياتي


    لكن









    جات غنماية أكلتها .

    ( أنتهي )


    أبو ساندراً تحياتي
    عجبني الاختصار( خ ح خ ) علي الايمان نمرة عربية بس حول غواصتكم مضروب يازميل وصدقني بنديهوا المعلومة الدايرنها بس .
    تحياتي للبنيات ولحماتي ( الوردة الفوق ) .

    (عدل بواسطة خضر حسين خليل on 06-24-2005, 03:56 PM)

                  

06-24-2005, 03:46 PM

رانيا بابكر
<aرانيا بابكر
تاريخ التسجيل: 11-26-2004
مجموع المشاركات: 177

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: (Re: أبو ساندرا)

    عزيزي ابوساندرا
    تحياتي و اشواقي

    وصلتني هذه الرساله الجميله على جوالي واحببت ان اشاركك بها في هذاالبوست. و اظن ان الاستاذ المرحوم مصطفى سيداحمد لو كان حيا لتغنى بها في حينها.
    و الرسالة تقول:-

    سرق ريدك قوافي غناي
    سكن عشقك سنين جواي
    سلك حبك مجاري دماي
    طرد صبحك ظلام دنياي
    ملك طيفك عقل شاشاي
    حرق ذكرك قليب نساي
    غلب شوقك بقيت غناي
    لو القاك و تمشي معاي
    دروب سفري المشيتها براي
    يكون يا غالي تم مناي
                  

06-25-2005, 12:18 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الأخ / سنجاوي:
    شكرآ يا سنجاوي وبالفعل السودان بلد المليون شاعر
    مرات كثيرة بتشرقني حلاوة الرسايل الواردة معظمها طاعم وحلو
    وذات التي شحتفت روحك وإتحفتنا بيها وصلتني قبل يومين من أم ساندرا مايدل على سرعة الإنتشار والتداول أو يدعم كلام ديموقرسي بأن هناك تيم مكلف بإنتاج هذا الإبداع ونشره على نطاق واسع ضمن مخططات سوداتيل التسويقية.
    ننتظر منك المزيد من تلك العينة التي شحتفت روحك
                  

07-02-2005, 04:57 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الأعزاء المتداخلين هنا والذين أرسلوا رسائلهم الجميلة ومشاغباتهم الذكية ، أنا جد شاكر وأتمنى قبول إعتذاري على الغياب غير المتعمد ونواصل :

    أخوي الصغير { أحمد حنين }

    خابت حسادتك وجات بنتائج عكسية ، إت ماسمعت بالشجر الكبار فيهو شنو؟ الآن بحسن صنيعك فإن الهوا يملأ أشرعة زورقي المتوغل في اليم العميق
    حلوة توجيهاتك في { المابيك} وماتخاف ، نشطب ليك حنانو ذاتو ونحكو حك الويل ومن آخر ضميري
    شكرآ على المداخلة وخليك معانا وبلاش تفارق


    ايزابيلا :

    يا بنية قشقشي دميعاتك وبلي ريقك وإنتظريني
                  

07-02-2005, 05:39 AM

قرشـــو
<aقرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز ابوساندرا


    رائع بحق فقد اضفيت لمحة رائعة على المشاركات اعطتها زخما مرحا وجميلا وبصراحة الواحد تابع الردود واحد واحد على غير العادة ..

    آخر رسالة وصلتنى امس من السودان تقول :

    كونكان حريق :
    الصادق حرق .. الميرغنى نزلمعرج .. نقد ورقوا زايد ... الترابى قافل ... قرنق فاتح لكن راجى الخمسين ...

    حقيقة اهلنا فى السودان ابدعوا فى "المسجات" وخففوا غربتنا كثير ..

    لك تحياتى
                  

07-02-2005, 05:55 AM

Abubaker Kameir

تاريخ التسجيل: 11-25-2004
مجموع المشاركات: 420

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: قرشـــو)
                  

07-08-2005, 06:53 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    ايزابيلا
    وضيف ضمن من ذكرت صديقتنا والإبنة التي لم تنجبها رشيدة ، أضيف الشاعرة الماجدة صاحبة الصور الشعرية المدهشة شذى بلة ، التي زينت دفتر حضوري ببنت لحظة شاهقة المعنى ، ياريت لو سمحت لي بنشرها فهي تصلح للتداول الشعبي بالموبايل
                  

07-08-2005, 01:07 PM

DEEK_ALJIN

تاريخ التسجيل: 04-07-2002
مجموع المشاركات: 1622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)


    ابو ساندرا .. تحياتى

    لست ادرى كيف اعادنى موضوعك لايام المنبر الاولى


    1- بين اللهفه وسكة شوقك حاجه غريبه ..

    فكره بتشرح قصه رهيبه .. بيها اغنى ومره ادندن جوه حديقه ..فيها زهور مسقيه بحبك حاجه انيقه

    غايتو عموما ..انا ( بشتاقك ) انا ( بحتاجك ) كل دقيقه ..


    2- اجمل حاجه تكون متعذب بانسان متعذب بيك ..
    تقاسى الزمن القاسى عشانووبرضو يقاسى زمانو عليك
    تكون بتفتش عنو وتسال ..وبرضو يكون بيفتش فيت ..
    تبقى الريده عذاب متواصل ..وتشتاق ليهو ويشتاق ليك ..

    3 - يسمو البينا زى مايكون .. علاقه .. صداقه ..حب وجنون
    ويقولوا علينا زى مايقولوا اصلو القول معاك يهون
    لانو البينا مابيتقاس واكبر من خيال الزول

    4- بشتاق ليك مطر نازل يكب يروى الامل فينا
    وتر مشدود على الغيمات .. عمر ممدوم فرح لينا
    ودايما انت فى الخاطر ..حنين امت ..وقلدة جده لوليدات ..
    ريحة بن .. دعاش مطرات
    لبن بقرات .. ومعاك بتهون قواسينا

    5- رايك شنو اكتب عليك ممنوع دخولك ومرقتى ؟؟
    واسكن براى فى حته جواك حقتى ؟؟

    6- خساره الزول تغنيلو ومايفهم معانى غناك ...
    خساره الزول تناديلوومايفهم شنو الجواك ..
    خساره الزول تشيل همو ومايسأل شنو الهماك ..
    توسد ريدك الواطه .. وماتلقى البيدفنو معاك ..
    ولما يذيد عليك همك ..يسيب حزنك تعيشو براك ..

    7- أى زول فى الدنيا فاكر انو ممكن يملا خانتك ..
    او يحل جواى مكانتك .. يبقى مخدوع .. يبقى واهم ... يبقى ماشاف ابتسامتك ..

    8- بشتاق ليك ولما احتار وما القاك ..بنتسامر انا وصورتك
    تحجينى واجيها.. نعزم القمره للقهوه ..عشان تسمع حكاوينا وتواسينا ..حكاوى الريد ..
    وحكاية زول حالف يبكينا ..يشيل لبن الحنان كلو ..ويفطمنا ويودرنا ويخلينا

    9- لو عزتك يوم غرتك انك تذيد فى جفوتك .. وتذيد معاليك تفترى تتمادى ديمه فى غلطتك
    غلطانه افكار حضرتك ...ماكنت صدقت الظنون خليتها فى الناس ساقتك
    لو كنت فيك حبة ضمير ...ماكان جفيت ناس عزتك ...

    10- حكايتى معاك حكاية البذره والمطره ..
    كبر احساسنا باللقيا ..صبح ياروح ضل شجره ..
    ونستك ساى .. جبنه وشاى ..صباحك خير يولع فينى صوت الناى
    واقول ليك الغرام جرسه؟؟ اقول ليك القليب بكاى ؟؟


    ودى هديه للليمونى منوت

    قال عنتره بن شداد .. ولقد زكرتك والرماح نواهل منى وبيض الهند تقطر من دمى ..وودت تقبيل
    السيوف لانها لمعت كبارق ثغرك المتبسم .. ردت عبله ..هوى يا عنتر بوسنى وانت ساكت ما "تبرانى "

    ---- اشتقت ليك ورسلت ليك ولسه ردك ماوصل
    يمكن يكون ساعى البريد .. حرقو الشمار ..فتح الخطاب .. عجبو الكلام .. نايم عمل ؟؟

    ----

    واحده مسطوله لمن غلط .. شافت التيوس مصدرنها للسعوديه .. قالت أجى ياعمر البشير
    سفرت التيوس السعوديه .. ووديت الرجال الجنوب ..انحنا والغنم نجكس منو ؟؟؟

    ---------


    ديكو
                  

09-28-2005, 04:13 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الأعزاء المتداخلين

    آسف جدآ على الإنقطاع الذي أودى بالبوست للغياهب ، تصدقوا لقيتو في الصفحة 50
    أكرر إعتذاري فقد شغلني عن البوست :
    -فترة حدادي على الراحل العظيم جون قرنق الذي يتضح لي في كل صباح جديد معبأ بالمحبطات فداحة فقده وخسارة الوطن الضخمة
    - الفتنة التي أعقبت مصرع قرنق وكادت أن تعصف بالوطن ووحدته والتي تصدينا لدعاتها هنا

    أحتاج لمتكأ
    تعالوا هنا
                  

09-29-2005, 01:39 AM

Ishraga Haimoura
<aIshraga Haimoura
تاريخ التسجيل: 01-24-2004
مجموع المشاركات: 1463

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العزيز أبو ساندرا
    كيفك
    طولت من المنبر ولقيت موضوعك دا وعجبني شديد ..... وهاك دي

    الزول إن أباك من غير سبب ما تسكو
    أمسح إسمو من خارطة ضميرك حكو
    جامل البيجاملك والبيسكك سكو
    وحب البيحبك والبدكك دكو
    الناس زي الهدوم......
    فيها الراقي وفيها الزي جناح أم جكو
    واحد ساتر
    وواحد أحسن منو تمشي امفكو

    وبالمناسبة الكلام ليك يا .....................
                  

09-29-2005, 03:09 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    يا شباب أسمحوا لي بتجاوز الصف للمرة التانية للترحيب بالعزيزة إشراقة حيمورة

    هلا يا إشراق
    والله العظيم قبل أيام معدودات كنت في البال وتذكرت أخر يوم شفتك فيهو وبتفاصيلو الحلوة عندما كنت بين يافطتين ، { رشيدتين } بت المغيرة التي أهواها وبريده ويهوي ناقتها بعيري ومولانا تيتا
    ياااخ مشتاق ليك ولمناكفاتك الحلوة
    ورسالة موبايلك خطيرة ولذيذة خاصة
    {تمشي أمفكو }
    وكان ياريت
                  

09-29-2005, 05:55 AM

إسماعيل حميم
<aإسماعيل حميم
تاريخ التسجيل: 07-19-2005
مجموع المشاركات: 2251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)





    أخي الحبيب أبو ساندرا

    والله ليك وحشة .. وكمان شوق عديل.
    عطشي أرض ملاين الكيلومترات المشقوقة بي مكونات النيل
    العظيم لي طئ أقدامكم.

    اواصل معك في هذا البوست الظريف زيك بي نكات أبداعات
    الرسائل الموبايليه.

    { (مشهود بالكرم وارواحنا بيك تنجم
    حاشاك البخل ده معاهو ما بتتلم
    دراج الكرب كشاف حوائج الغم
    يا بحر السخا بالدنيا ومابتهتم
    رسل لي رصيد وعليهو ما بتندم)
    شايقي بينفخ في جعلي }


    ابقي نسمع منك ... سمح


    إسماعيل حميم




                  

09-29-2005, 05:47 AM

Yasir Elsharif
<aYasir Elsharif
تاريخ التسجيل: 12-09-2002
مجموع المشاركات: 48584

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    شكرا يا أبو ساندرا بوستك جميل لمن غلط.

    [شوفت كيف؟؟ ما اتعلمت بسرعة؟]

    مع أني ما قريت إلا بسيط.. وسأعود..
                  

09-29-2005, 09:00 AM

wadalzain
<awadalzain
تاريخ التسجيل: 06-16-2002
مجموع المشاركات: 4701

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: Yasir Elsharif)



    هاك يا ابو ساندرا بلغة الفرنجه : -

    if a kiss was a rain drop
    I send you showers
    if a hug was a second
    I send you hours
    if a smile was water
    i send you ocean
    if happiness was a person
    i send you meeeeeeeeeeeee
                  

09-29-2005, 10:24 AM

منوت
<aمنوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    عوداً حميداً يا اباها ،
    و لك ، و لنا كامل العزاء ..

    و واصل البوست يا رفيقَ ( ركشتي ) الجنوخرطومية !!!
                  

10-02-2005, 04:07 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    خضر حسين خليل:
    ياريت تكون لميت في عمار جمال { ودجبرة} وماتكون البت الحديقة المكنية بإيزابيلا جلتك

    عثمان محمد صالح :
    على نار هادئة ينضج عقلي ، لذا قد يستغرق الأمر وقتآ يطول
    على بال مايشيط / يحترق

    محمد عبدالرحمن :
    { لم يغب الثناء عليك مني }
    صدقت
    و

    نحن ما إتلومنا حاشى بس أنت
    قصرت فينا

                  

10-03-2005, 02:50 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الأعزاء:
    1- ودعقاب
    { يا عيدنا طالت وقفتك }
    ياااخ ده تعبير معبر جدآ ، تعرف إنو يوم الوقفة ده أصعب يوم في رمضان وفيهو الناس بيكون حيلها ما شايلها ، والعجب لو كان يوم جمعة وحار وفيهو كتاحة
    نشكرك على المشاركة ومشتاقين ليك

    2- أبوقصي :
    { إن كتر الرصيد الزول بخابر زولو
    وإن قل الرصيد البركة في مس كولو }

    شفت الناس دي طيبة ومتصالحة مع الظروف والأحوال كيف ؟

    3- الملا عمر :
    { وقفتنا لط }
    ولولا حكمة وحنكة بت المغيرة عندما كانت ملهمة وأحضرت معها كميات تجارية من أم فت فت والدكوة وفي بيت رامية شجرة ليمون شايلة والشطة الخضراء الملهلبة من الهندي المجاور لإستقبلنا رمضان وهي بايتة معانا بعد لطت أمس الكاربة ب

    الحليب
                  

10-10-2005, 00:26 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    ياأيها الصائمون
    هل من رسائل لذيذة تبل عطشي ؟
                  

10-11-2005, 02:01 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    وينك يا ابوساندرا ورمضان كريم
                  

10-12-2005, 04:03 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    عطشان يا كرومة
    والنيل بعيد
                  

12-15-2005, 02:37 AM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    Quote: { خصمتك شوفي لي الحرشن علي مين خاصة الجندرية }

    انت قاليني من العينة البتعرف تحرش ياريييييييت
    لكن كدي شوف الناس البتحصن صباح ومساء يرسلو لينا من بخورهم دا حبة
                  

12-15-2005, 08:35 AM

دفع الله خطاب
<aدفع الله خطاب
تاريخ التسجيل: 08-31-2005
مجموع المشاركات: 82

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: الجندرية)

    ابوساندرا ،،

    لك التحيات الطيبات ,,

    وبلغنى انك ما زلت تسأل عن مطار الدوحه !!؟؟؟

    ارعى بى قيدك ..

    من نكات الموبايل التى يتم تداولها :

    " روى عن صدام حسين انه قال اربعة لا يدخلون الجنة :

    السيستانى ، والطالبانى ، والبرزانى والذى دل الامريكان على مكانى "

    والعهدة على من روى .
                  

12-16-2005, 01:57 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    الرفيقات والرفاق اللذيذين المتداخلين:
    لن أمل الأسف وأرجو أن لاتفعلو بشأن القبول فقد غيبتني الظروف عن الوست حتى حتل
    ولولا براعة الشبلة الجندرية لحق علي لومكم
    أتعهد بالرد على جميع المداخلات وفقآ للأقدمية والأسبقية
    ونبدأ ب:

    الباشمهندس عثمان :
    هل مازال الدكتور عبدالقادر الرفاعي يسأل عن { من أنطق الحجر } ؟
    الديوان بطرفي وسوف أدبر أمر توصيله لك في أقرب فرصة
                  

12-17-2005, 00:49 AM

سيد محمد احمد سيدنا
<aسيد محمد احمد سيدنا
تاريخ التسجيل: 11-21-2005
مجموع المشاركات: 1252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    اخى الغالى ابوساندرا



    من كترت ما ضحكت ما قادر اعبر


    عشان كده برفع البوست للعوده


    مره اخرى0



    ما احلاك ايغظت فينا البسمه


    بعد طول غياب وذكرتنى ايامنا


    كان هناك شعر اخر ذى ( ورده فوق الباص زايده فى الاخلاص)


    عشان الدنجوانات فى محطة الزهره0


    شوقى لك0
                  

12-17-2005, 03:17 AM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: سيد محمد احمد سيدنا)

    الاخ ابو ساندرا انت عارف وانا في اخر زيارة لي للسودان ومع حفلات العرس كانت هناك

    اغنية بنات لفتت انتباهي كثير

    وهي تقول
    ده كلو من وائل وائل قفل الموبابيل

    لا مس كول لا رسايل

    وهناك ايضا مقطع اخر يقول


    ده كلو من شيحة شيحة باع الشريحة بالاقساط المريحة


    وحتي عودتي هنا لم اجد اجابة لماذا تصرف وائل وشيحة هكذا
                  

12-17-2005, 02:57 AM

wadda7a
<awadda7a
تاريخ التسجيل: 02-06-2003
مجموع المشاركات: 92

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    سلامات ياأبوساندرا يازول
    موضوع لطيف جدا..وأكتر ما عجبني فيه تنوع المداخل والنوافذ
    Quote: تعرفي قبل دخولك ظنيت أن أحد { المخاليق المطاليق } غافلني وكتب على البوست { للرجال فقط والنساء يمتنعن


    هاهاها..بصراحة كنت متابعة من بعيد ونويت الزيارة أكتر من مرة وربنا ما سهل
    وجيت يادوب أدلي بدلوي زي ما بيقولوا

    Quote: وأسوا ما تسرب منهم ووصل حتى البيوت مصطلح { قطع جاف } أو { قطع ناشف } وهذه قلة أدب عديييل ، مرة إستخدمتها بنتي فصعقت وإضطريت أن أشرح لها معنى المصطلح فإنتقلت { الصقعة } لها ، وبالمناسبة { الصقعة } مصطلح وارد من المساطيل ، بيقولوا فلان { مصقوع } أي مسطول جدآ


    أنا معاك في النقطة دي،وكلامك ده ذكرني بكم موقف في السودان أثناء الونسة مع أولاد الأهل
    بلقى نفسي قلت مصطلح من البسمعهم لكن كم مرة جا زول ونبهني لاني ما استعملولانو ليهو معانو خافية علي !!!!والقى نفسي في موقف باااااايخ
    فعلا في كلمات كتيرة ظهرت اساسا لغرض معين او لوصف حالة أو شئ قد يكون خاص وتم استعماله كتمويه للمقصود الأساسي،وبعد داك ينتشر والناس ماعارفين هو أصلا اتقال متين وليه

    أذكربرضو في أول اجازة لي من الجامعة ،كنت بستعمل في البيت كلمة "شمار" كتير
    وكانت عاجباني جدا،لكن حسيت من نظرات الوالد انو ما عاجبو الأسلوب ده،لكن في يوم وهو في أثناء ونستو ،وصف حاجة بانها كانت"قابضة الجو".هاهاها..فالمفردات مستخدمة على مر الأجيال،و بتعكس اهتمامات كل جيل وواقعه ونظرته للأمور .


    بالنسبة لرسايل الموبايل..فهي أسلوب لذيذ في التعامل وفعلا قللت اللوم بتاع اختفاء الناس وعدم الزيارة وصعوبة التواصل،،تلفوني عادة حافل برسايل ظريفة اخترت ليكم منها اتنين ..الأولى وفية جدا للمفردات الجديدة

    يالجافينا عووووووك...فات الغياب الحول
    ليك شوقنا فاض واحشنا تب يازول
    عارفين انشغالك متخطي حد القول
    ما بنعشم اتصال أكشحنا بمسكول

    والتانية أشبه بحكمة أو دعوة للتأمل

    عندما يولد أحدنا..يؤذن في أذنه دون صلاة
    وعند موته..يصلى عليه دون آذان
    فكأن حياتنا وقت مابين الاذان والصلاة

    ودمتم بخير
                  

12-18-2005, 04:20 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    حانرجع للصف تاني ونذرآ عليا نجاوب على الجميع ونفرع اليوم بي ايزابيلا
    - إيزابيلا :
    في ذات تلصص على موبايل البت ماهيتاب التي أودت بصبر قرمبوز الشوية ، تعرفت على روائع دكتور أنس مصطفى التي عجبتني جدآ فإستعنت بها وأعدت إرسالها لصديقة بائسة صدقتني وغرقت لشوشته في هواي ، وياشباب انا ماعارف الشوشة دي وين ولو طلعت حتى ممنوعة من الصرف والإقتراب والتصوير واللمس فأنا أقدم إعتذاري مقدمآ وانا كنت قايل الشوشة عند البنات تعادل الركب عند الرجال ، أما إذا نزلت شوية عن هذا المستوى فانا ما مسئول عن أي إغراق
    أما عبدة كمال وعمار ود جبرة فلم يكتشفوا ماهي ولا ساندرا حتى إكتشفهم لكن سأفعل من خلال موبايلك يا شذى ، وبالنسبة لسمارة ماعندي أي مانع تديها رقمي ولو غرقت لشوشتها ان برضو ما مسئول
    مش قلتي حاتجي راجعة أو صادة على قول اخونا ثروت
                  

12-20-2005, 03:58 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    خالد الطيب:
    الرسائل بعد المباريات فيها العجب
    وهيثم طمبل
    أما التعليقات الحية داخل الإستاد فبتعجبني تلك المتعلقة ب { الحاج } فاروق جبرة { بالردمية}

    محمد الأمين محمد :
    أرجو ان لايكون سبب محنتك الباينة في الصورة مسألة ضيق سبل العيش في السودان
    تحت رايات الجبهة الإسلامية
    المنكسة
                  

12-26-2005, 05:59 AM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ثقافة الموبايل...مصطلحات ، نكات و ... رسايل (Re: أبو ساندرا)

    العم قرشو:
    كلامك الحلو في حق بوستنا شهادة نعتز بها وسنضعها وسام على الصدر
    وياريت تواصل معانا
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de