|
|
 صوت الأحبّة ، يدفئ ظلامَ الحجرة // ليلى عبد المجيد
|
قصائد
*****
دفء
عدنا ،
نغسلُ المسالكَ
بصوتِ الأحبة
وهو يدفئُ ظلام الحجرة .
***
عبوس
سلامٌ لظلالنا
تعبُرُ السهولَ
تلحقُ بطفولتنا
تخطُّ ضفائرَ صغيرةً
عابسةً
أمام الكاميرا .
***
عزلة
ولَكَمْ أويتُ إلى نفسي
في عزلةٍ مبكرة ..
وكانت عيناي ، أحياناً ،
حالما تهدأ أحزاني
تغمضان بسرعةٍ لا تمنحني
متّسعاً من الوقتِ
أقولُ فيه : إني وحيدة .
***
ترقُّب
لم يكن طرْقاً على الباب ..
كانت تنقرُ الطيرُ ، ظمأى ، صخرةَ الروح .
لم يكن وقعَ خطاكَ من البعيد
كان على ريحِ ترقٌّبي يرتبكُ الثرى .
***
سأم
أيها الموت
يا صديقي
تعال ، واجلس أمامي ،
كفاكَ قنصاً اليوم
وجهك تبقَّـــعَ بالسأم .
تعال ،
أقرأ لك الليلةَ
بعضاً من شعري .
///
ليلى عبد المجيد / أثينا ـ 97
|
|
 
|
|
|
|
|
|
|
|
Re: صوت الأحبّة ، يدفئ ظلامَ الحجرة // ليلى عبد المجيد (Re: ميرفت)
|
Quote: ولَكَمْ أويتُ إلى نفسي
في عزلةٍ مبكرة ..
وكانت عيناي ، أحياناً ،
حالما تهدأ أحزاني
تغمضان بسرعةٍ لا تمنحني
متّسعاً من الوقتِ
أقولُ فيه : إني وحيده |
تُرى .. هل هي شكوى المبدع وحدته وغربته النفسية عن العالم ؟ هل هي نبوءتها ( تغمضان بسرعه .. لا تمنحني متسعاً من الوقت ) ؟ لم تمنحها الأيام .. ولم تمنحنا .. فرصة أوسع لأن تقول ولأن نسمع أبداً علاء
| |
|
|
|
|
|
|
|
|
|
Re: صوت الأحبّة ، يدفئ ظلامَ الحجرة // ليلى عبد المجيد (Re: ميرفت)
|
أمين محمود
ود أمي وأبوي
أحلى الأمنيات الجميلة ، ليك
ونحنا في " قساوة الموحش / الزمن المكهرب بالحريق "
وما عندنا غير ما نتمادى في الأمل ، ونتشعبط في المحبة اكتر واكتر
ليلى كانت ـ يا الله ،، قدر شنو بقيت أكره فعل الماضي ده ـ شقيانة بالأمل ، شايلاهو زي سيف المحارب ، وصايله بيهو في ساحات مطرزة بجنود الوجع البجي من اي فجة .. ابداً ما خسرت معركة ، حتى مع السرطان اللعين ، لأنها قابلته بابتسامة عريضة لحدي ما خجل من نفسه .. واتمنى لو يغير مهنته .. وعيون مروة ومهيد شاخصة في عيون المرض الجبان ،، تفتكر ما اتبرجل من نظراتهم الحادة ، الأسيفة ، الموشكة على تذويبه !! اكيد اتبرجل .. الموت ذاتو اتبرجل
وهي واجهت كل الظلامات ، بالكتابة ، وبمحبة الحياة والناس .. والناس بادلتها المحبة في كل الاوقات ، لما كانت معاهم ، وحتى لما غادرتهم وقالت : سلام
منها بستمد قوتي الجاية
منها بتعلم اصحح طريقة مبادلتي محبة الناس بأحسن منها
منها عرفتا كيف اكورك جواي ، وبرّاي يكون صافي ومسالم
وعرفتا منها كيف يكون غصن نيمة طري ، شعار مغزاه عميق ، يقدر يهد حيل العسكرية الغاشمة
ومن مروة ، ومهيد ، زهرتيها الجميلتين ،، عرفت يعني شنو تصبر على المكروه ، وتحب الله بعد ده
ومن اصدقاء ليلى وصديقاتها ، اتشرّبتا بمعاني الوفاء وصدق المحبة
ومنك بالذات يا أمين ، اتأكدتا تماماً ، انو ليلى ما ماتت
مات الموت
| |
|
|
|
|
|
|
|
|
|
Re: صوت الأحبّة ، يدفئ ظلامَ الحجرة // ليلى عبد المجيد (Re: ميرفت)
|
علاء السنهوري
وليك من المودة ، ما يكفي لرحلة الزمن الصعب
ليك نغمة " كمنجة " صادحة بمواويل الأحبة ،
وناثرة الشجن أغنيات اغنيات ..
وحدة المبدع ، مضنية .. " تعضّ ما في القلبِ من عسلٍ " على قول محمود درويش ، وتهدد دايماً بالموت من الوحشة ..
ليلى مثال حقيقي لقلق المبدعين ، وسؤالاتهم المربكة
عاشت زي علامة استفهام
ورحلت زي علامة استفهام
وخلتنا نتفاوت في التخمين : يا ربي ،
هي مالها كانت حزينة كدهـ !
وليه الموت كان طايف بخيال حرفها ، حتى وهي في عز شبابها !
وحدة شنو دي ، وهي زولة متزوجة ( عن حب بالمناسبة ) وعندها ولدوبنت!
ما قلت ليك ، ليلى علامة استفهام !!
| |
|
|
|
|
|
|
|
|
|
Re: صوت الأحبّة ، يدفئ ظلامَ الحجرة // ليلى عبد المجيد (Re: ميرفت)
|
الجندرية ،،
وليك يا أماني ، كل الأمنيات الجميلة
كل الحب
شتاءات ليلى ، تشبهكم/ن كلكم/ن
وبتشبهني كمان
لأنها ، من زمان ، حاسة إنو الصقيع مش من البعاد وبس
الصقيع بيجي للواحد / ة حتى في خط الاستواء
الغربة ، غربة روح ، وغربة واقع ، وعدم كفاية في الخيال
غربة الناس البموتوا بالوحدة ، حتى وهم وسط اهلهم وناسم
.. نحنا بانتظار وطن تاني غير ده ، ونشوف الاحصاءات حتقدر عدد الماتوا بالوحدة في السودان ، بنسبة كم !
وتاني يا جندرية ، وباستمرار .. ليكي كل الحب
| |
|
|
|
|
|
|
| |
Habib_bldo
Ala Asanhory
الجندرية
noha_g
Abo Amna
منعمشوف
Ehab Eltayeb
فيس بوك
تويتر
انستقرام
يوتيوب
بنتيريست