|
|
|
 Re: الهلال هله والمريخ جله مبرووووووووووك لكل الهلالاب (Re: sign)
|
يا أخواننا شيبة وين؟..يكون كتب بوست الشماتة قبل بداية المباراة ..غلبه ينزله بعد الرصاصتين..قلنا الحقد شين ..أزعلوا لكن ما تحقدوا..قال نيتو قال..زولكم دة متأكدين انو برازيلي؟..البرازيل جابت روبيرو..الخلف الكية..بارك الله في كبير..الحقنة الأولي..مزمل بكرة كان نط الخليج ما بحلو..
| |
 
|
|
|
|
|
|
|
 Re: الهلال هله والمريخ جله مبرووووووووووك لكل الهلالاب (Re: essam&amal)
|
نقلا عن سودانائل
الهلال يؤكد جدارته وتفوقه بهدفين في شباك المريخ
روبيرو
أكد الهلال تفوقه على نده المريخ في الدوري الممتاز للموسم الثالث على التوالي وذلك بالفوز عليه بهدفين دون مقابل في المباراة التي جرت بينهما مساء الاحد في ختام مباريات الدوري الممتاز في دورته الاولى احرز هدف الهلال الاول معتز كبير في الدقيقة السادسة من الشوط الأول بضربة رأسية واضاف البرازيلي روبيرو الهدف الثاني في الدقيقة 40 من الشوط الثاني بقذيفة أرضية قوية من خارج منطقة الجزاء فشل الحارس النيجيري شيكوزي في صدها وقد شهدت المباراة أهدافا مهدرة بالجملة من الفريقين , وبهذه النتيجة ارتفع الهلال بنقاطه إلى 20 نقطة في الصدارة بفارق الأهداف عن المريخ وتبقت له مباراتان مؤجلتان امام حي العرب ببورتسودان وأمام التاكا بالخرطوم بينما تبقت للمريخ مباراة واحدة مؤجلة أمام أهلي مدني بالخرطوم.
تفاصيل أوفى لاحقاً.
احتفال خاص على الطريقة الزرقاء بذكرى المولد
ابدى عدد كبير من نجوم الهلال تفاؤلهم باقامة مباراتهم امام المريخ اليوم وتزامنها مع ذكرى المولد النبوي الشريف مشيرين الى ان الهلال ظل في حالة تفوق دائم على مر التاريخ في مثل هذه المباريات التي ترتبط بمناسبات شهيرة.
واشار نجوم الازرق الى انهم اكملوا عدتهم ووضعوا كل الترتيبات لاقامة احتفال ازرق خاص على طريقتهم التي يعرفونها بهذه المناسبة.. خاصة وان المباراة ستقام بارضهم بالعرضة شمال..
| |
|
|
|
|
|
|
|
|
|
أحد الأفراح الكبرى (Re: essam&amal)
|
مبرووووووووووك لكل الهلالاب و اولهم انا و ناس بيتنا
والحبيبة الغالية ام وضاح
وش السعد صاحبة الاخبار الحلوة
ومعليش يا مريخاب
تعيشو و تاخدو غيرها
| |
|
|
|
|
|
|
|
|
|
Re: أحد الأفراح الكبرى (Re: lana mahdi)
|
المهرة الكنانية
اها وحاتك انت يا ا لرابحة نحن بى جاهك ربحنا
والضربة (( الحرة )) رسلتها الكنانية الحرة
وردفناها بى صاروخ وكسبنا يا فال الخير
ام وضاح
| |
|
|
|
|
|
|
|
|
|
Re: الهلال هله والمريخ جله مبرووووووووووك لكل الهلالاب (Re: essam&amal)
|
الغاليه ام وضاح
مبروك عليك
علي عثمان مبروك عليك
الحليله مبروك عليك
سمبتيكو مبروك عليك
مبروك عليكم كلكم
العزيزة ام وضاح والله مافي غيبوبه ولا شيء لكن الجهاز عندي فيه فايروس وما قادر ادخل فت دورت علي مقهي مالقيت واحد فاتح قريب مننا في العين والله زعلان لاني ما دخلت وما قدرت رديت علي الجماعه
لنا مهدي مبروك عليك واول مره اعرف انك هلالابيه
| |
|
|
|
|
|
|
|
|
 Re: الهلال هله والمريخ جله مبرووووووووووك لكل الهلالاب (Re: الزنجي)
|
ام وضاح سلام بنكهة فوز الامل ممزوج بعبق وعبير الكاسات البتحلوا بيها ومحمولة جوا متدثرة بثوب مانديلا
يا بت الشيخ منو القال ليك المريخ جله المريخ دائما في المقدمة بس أنو المجليييييييييييييييييييييين ومكنكشيييييييييين في المحلية بتاعتكم دي
قالت الهلال هلة هلا هلا
| |
|
|
|
|
|
|
|
|
|
Re: الهلال هله والمريخ جله مبرووووووووووك لكل الهلالاب (Re: ali othman)
|
الأخت أم وضاح .. مبروك أولاً وإن شاء الله دايماً الأفراح
الجماعة شلعوها الهلاليين .. الجهاز الفني اتلحس .. وما تموا المباراة جماعة المجلس .. يعني قررت ادارة نادي المريخ إعفاء جميع أعضاء الجهاز الفني ..(فني من فنانين ولا شنو؟) من عام 2001 لم يتمكن المريخ من هز شباك الهلال في الدوري الممتاز .. متوسط أعمار لاعبي الهلال 24 سنة ومتوسط أعمار لاعبي الند التقليدي ( الاتنين قبل الأربعة) .. لأنه الجماعة أكيد حا يجو يقروا البوستات دي متاوقة ساكت يعني من خلف حجاب ..
معذورين العبرة ما بتنزل بالساهل
قالوا قبل المباراة .. المريخ متصدر وله أفضل هجوم بعشرين هدف .. والهلال في المركز الثالث (مغالطات زمولي) لا جاب سيرة لعدد المباريات التي لعبها الهلال ولا حاجة
وقالوا قبل المباراة .. الفرق بين المريخ وباقي الفرق يحسب السنين الضوئية
وقالوا وتحسروا على كمال سيد الذي احتل صدارة الهدافين بتسعة أهداف
يعني مرقوا الهلال دة زيوا وزي آخر الترتيب
ثم جاهم الما بخاف الا من الخلقو ..
هـدّ قصور الرمال التي لبدوا فيها ممنين النفس ومتمنين الزين
رجعت الصدارة لأهل الصدارة
رجع الهداف لى ديوانو
أقوى هجوم اتعرف .. وأقوى دفاع اتعرف .. وأقوى من الله ما في شيء (قادر المولى ) وسبحانه
| |
|
|
|
|
|
|
|
|
|
Re: الهلال هله والمريخ جله مبرووووووووووك لكل الهلالاب (Re: essam&amal)
|
قادر الله فى ملكه يا سيف كيلى
الفصاحة كلها راحت
والناس مافى فص ملح وداب
والزنجى قال السواى ما حداث
ويوم الاحد قرب
يوم الاحد جاء وسوينا سواتنا
وراجين حديثهم اجارك الله كلهم اتبكموا
اعتز بهذا اللقب الذى كرمنى به تمبس
ابتداءا من امس الاحد انا ام كل الهلالاب
الفى المنبر والقراء كمان
شكرا يا تمبس يا راقى ولى الشرف
ام الهلالاب
ام وضاح
| |
|
|
|
|
|
|
|
|
 Re: الهلال هله والمريخ جله مبرووووووووووك لكل الهلالاب (Re: essam&amal)
|
يا ام وضاح ولسه يا خبر مجانى بكره يصبح بى فلوس ، ح اكون فى شطب ورجم ، وتسفير او تفنيش على قول ناس الخليج.
وقبيل اهديت لى ملكة سبأ بيتين من مشروع القصيدة الجديد ، وهاك واحد زيادة (سكر خفيف).
يا ملكة سبأ ، ماسمعتى النبأ
ما قالوا شكوزى الحبا
يا ام وضاح سودانا ارتاح
وين راكوبه وناس شيبا الكانوا فصاح.
سووها بقر ومراح.
| |
|
|
|
|
|
|
|
|
|
Re: الهلال هله والمريخ جله مبرووووووووووك لكل الهلالاب (Re: تاج السر حسن)
|
سلامات
وعوافي
نحن الهلالاب بيتنا واحد وفيهو الف باب من اي باب تخش تووووووش وتقول عايز قهوة والا شاي والاتقول عايز اي حاجة نرسل ليك معتز الكبير ولدنا يجيب ليك العايزو اصلو نحن مكرامين
ام بالنسبة لسرادق العزاء التي نقيمهالااخواننا في الضفة الاخري المظلمة من الكون لا لشيء لاشتهارنا بمشاطرة كل الاصدقاء والاعداء في سرائهم وضرائهم
افووووو نحن قوما لاتهلكنا الاحن
كــــــــع
| |
|
|
|
|
|
|
|
|
|
Re: الهلال هله والمريخ جله مبرووووووووووك لكل الهلالاب (Re: sign)
|
تظهر عظمة الهلال في رجاله ..
إذا سألت مصطفى يونس عن الهلال .. يحرجك بكلامه لأنه يتحدث بنبرة التصاق بهذا الكيان .. كأنه تربى في داره .. وليه لا مش الأهلي القاهري هو توأم هلال أم در .. ما سمعتوا تصريحو إنه على استعداد بتدريب الهلال بدون مقابل
عندما شنوا حملاتهم على المدرب برانكو ووصفوه بما وصفوه .. جاهم الرد من أكبر خبراء الكرة في مصر والدول العربية .. وعندما اشتد عليه النقد قالها بالفم المليان : ليس بينكم هلالابي أكثر مني .. وأعرف ما أعمل من أجل تطوير فريقي
فهذه جامعة الهلال العظيم .. الكل يتمنى الالتحاق بها (إلا من أبى) ..
أما الآخرون فأرجع لمقالاتهم عند حضور المدرب الألماني .. والله كلام يتمناه باكنباور ورود فولهر أو رومينيجا أو سيدكا .. وتفاخروا براتبه العالي الذي لم يحصل عليه أي مدرب أجنبى عمل بالسودان ..
والعبرة بالخواتيم
لم يشرف على الفريق إلا في مبارتين .. خسر الأولى أمام الخرطوم 3 وتعادل في الثانية أمام التاكا ..
وفي الأخير وصل الى شلعوها الهلاليين .. منطقة الألغام المدمرة لكل مدربي الرد كاستل .. يعني أكثر من 9 مدربين في أقل من سنتين ..
محبتى .. سيف كلي
| |
|
|
|
|
|
|
| |
essam&amal
mo
almohndis
ودقاسم
Ahmed Al Bashir
kamalabas
elhilayla
ملكة سبأ
ودرملية
lana mahdi
abas
الزنجي
ebrahim_ali
tmbis
saifkeli
waleedi399
بلدى يا حبوب
فيس بوك
تويتر
انستقرام
يوتيوب
بنتيريست