أسوأ ما لحق بنا: اغتيال الخضرة و الخُدرة في بلدي
شارك معنا فى الذكرى الثانية لاستشهاد هؤلاء الابطال
هولندا تبتهج وترقص زهورها طرباً مع النجم المتألق الفنان طه سليمان (الأحد 13 سبتمبر عصراً)
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-04-2015, 10:03 PM الصفحة الرئيسية

مدخل أرشيف النصف الأول للعام 2004مسيناريواليابسة "الهدهد"عاطف خيرى–مصطفىسيد احمد-اهداء خاص الى متوكل التوم
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-03-2004, 08:40 PM

sheba

تاريخ التسجيل: 12-15-2002
مجموع المشاركات: 1874
للتواصل معنا
FaceBook
تويتر Twitter
YouTube



سيناريواليابسة "الهدهد"عاطف خيرى–مصطفىسيد احمد-اهداء خاص الى متوكل التوم


    سيناريو اليابسة "الهدهد مخدوش الفضا" عاطف خيرى –مصطفى سيد احمد- اهداء خاص الى العزيزمتوكل التوم ولكم

    غنى مصطفى معظم نصوص ديوان سيناريو اليابسة للشاعر عاطف خيرى والنصوص هى :-
    سيناريو اليابسة والتى حملت اسم الديوان .. واقترح ..ثم شهيق ..والجالوص ..و اقراك مرة صاح

    الاخ العزيز متوكل ..
    ارجو ان تتصبر بالستة دقائق دى لحدى ما ننزل الاغنية كاملة لو ربنا سهل







    سيناريو اليابسة "الهدهد "
    عاطف خيرى
    *********
    مخدوش الفضا..
    طويل الحزن .. مفتول الحنين
    مصاب بالديانات والشرود
    نوح:
    يبلغ من الطول مسافة يشتهى الغرقان .. شهيق
    لونو زى سرك .. تكلمبو الصديق
    أمو تتوحـّم على طين البحر
    قبال تقابل والدو .. صدفة على الطريق
    عمرو ستة شهور حِلِم
    إنو الأرض مسجونة فى موية .. وكل الناس مراكبية
    اليابسة ... فِركة .. مدخورة لى يوم فيهو ساير النيل
    قطـّاع رحط كل الجزاير
    والبنات البفتحوا الباب للمطر
    وأنا جدولك شارف على كل الجداول الصاحية فيك
    والغباش فى دمى منك
    لو كسر ضلعين عذرتو
    لكن نهر كل العصافير البتلعب فى الوريد
    وفنـّاكى جواى زى حجر
    والبينـّا ما فات الدوائر
    الليل خِمار القمرة ..
    مجدوع فى الفراغ
    والرقصة لى البت فينا ..
    فوق كل المسامير الندقها فى البساط
    والرياح حكـّامة بى دلوكة مرّقت الشياطين .. المنها

    إتجنن فقير الحلة دقيناهو
    بى نفس السياط
    كل المجرات .. النيازك والشُهُب
    ودع راميهو الله على السما
    والدنيا زار
    يا هدهد هنا مرت مراكب نوح
    محملة بالبخور
    مين اللى شال من طاقة الطين البعيدة
    قنديل حبيبتى وطيـّب الجرح المثير
    مين السرق من بابا مفتاحو الملون .. والصرير
    منهوبة مقبرة الفواكه فيكى
    قولى معاى شرف القبايل .. جر
    الشاف تباريح الطلح فى النار
    شافنى مرقت من عندك ضرير
    أنا ليه تجينى الموية حفيانة ..
    وأدنقر ألبِّسا فى شبط أخضر
    وأبيت مبلول .. وأصلِّح فى الرباط
    أنا ليه شبابيك البيوت الواجمة .. والناس البُساط
    وليه يرجانى النخل
    فى السكة يفتح قلبى خمارة .. وخلاوى ..وبيت بكا
    تعبت من المساسقة والهتاف .. ياغيمة
    أتبنى جبهة القمرة
    السهر والحمى طول الليل تهضرب
    ويا هدهد لقيت أمك
    ترشرش فى السعف من عينها
    وتجبر خاطرا المكسور عليك
    ينكسر خاطر السعف فى إيدا
    يا هدهد قيام
    من السما الأول قيام
    من السما السابع قيام
    وأنزل مسافة تهبشك غنوة .. وأناولك كاس
    ومرت مراكب نوح محملة بالملوك
    ركعت على الموج الجنود
    من كل جندى تفوح ضحية
    ودم مشتت فى الأبد
    دسيت جبهتى من السجود
    بكى فى مخاض الخوف .. ولد
    إشتبهوا فينى ورا الجبل
    شافونى دسيت الهداهد والزبد
    صفا !
    إنتباه !
    وقعت من الهدهد بلد
    نهبوها .. وإتقسموا الحدود

    ومرت مراكب نوح محملة بالطيور
    واقف مع نوح الغراب
    ينضم ويأشر فى إتجاه
    باقى الطيور يتوسوسوا
    إلاّ الحمام .. إتوضا مارق للصلاة
    القانقرد فى حزنو يغزل
    شالة من صوف
    الطواويس شارّة قمصانا
    المزركشة فى الضحى
    الزرازير بى عراريقا
    المغبشة ..جات على
    أرجينى يا صالحة !
    ومشيت فى الموج
    يا النبى نوح أصل سالم
    يا النبى نوح أصل .........
    حجر الدُّغُش فى الموية
    يقلع ضُفرى يادم !
    ده ما وكت الرسم واللون
    وجات المغارب حننت إيدا .. ومشت
    سبحانك الأديتنا من حزنك فوانيس
    الغراب يا نوح طفش
    واليابسة وين ...؟
    يا الله ما يابس سوى حلقى
    المجرح بالدعا
    طير يا حمام !
    والحمام يا نوح يجامل فى السما
    وبيّاع مناديل خضرا فى كل العصور
    ارفع سوالك بوصل
    ليه الفجر مهجور تحت
    حاجب حبيب النايمة فى الجبل
    المشلخ بالرمال
    أنا ما خلقتك يا ظنون
    شان تبيتى الليل معاى
    وتجرى من فوقى الغُطا
    ما تشُرّى فى حبلى الوساوس
    والمعانى الداكنة .. والليل والشتا
    الهدهد تميمة الموت
    معلّق فى بيوت الناس .. نعش
    من خرافاتهم تعال
    من دياناتهم تعال
    نفّض نعاسك من كل بيت
    من كل حجوة حكوها عنك
    فى الليالى الباردة والأطفال نيام
    مين يشترينى من الملوك الخاينة
    فى الدم القديم
    مين يوصف للنحل ريق الحبيبة
    وحبة القمحة التقوم فوق محفضة حبوبة فى الزمن اللئيم
    مين اليوصف
    بيتنا لى هدهد يتيم
    مين النبى القادم؟
    من مكة !
    أو من دكة !
    فى شارع حميم
    مزيداً من الطين يا إله
    أبنى خوفى عليك .. ومنك
    أبنى آخر بيت .. حرام
    ومرت مراكب نوح محملة بالحجيج


    ــ وين ولدك ؟
    ــ تركتو على الجبل .
    ــ وين بلدك ؟
    ــ ضربتها فى مثل .
    ــ وين نحن ؟
    ــ مرقت على عجل .
    ــ يا نوح تخلينا
    زيتونك مخلل بالشمس
    نار الله والرِجل الغريبة
    نحن البلاد الشاكية جرحها للصديد
    جاتنا القوافل بالضجيج
    جرتنا من حلبة رقيص
    ورتنا كيف صلبوا المسيح
    ورتنا كيف كتلوا الحسين
    وبكينا أكتر منها
    ساقتنا فى الآخر .. عبيد
    مين يشترينى من الملوك
    الخايدة فى الدم القديم
    مين البوصِّف بيتنا لى هدهد يتيم

    يا هدهدى المهدود
    مين هدهدك .. نمت
    كل الطيور غنت ..
    منك يجينى سكوت
    مين الهداك للناس
    أو هدّ فيك الموت؟
    يا أوسم الجايين ..
    أنا قلبى حِلّة حنين
    والشوق فتحنى بيوت
    يا صالحة لا جنبك ..
    لا فتّ منك فوت
    دايماً معلق بين ..
    بين الحياة والموت
    أدخل ضلام الناس
    نورك يجينى خيوط
    وقبّال أقع فى الضو
    جوّاك سندنى خِفوت
    أنا برضى حلة شوق

    لكنى فى التابوت
    ومرت مراكب نوح محملة بالعبيد
    الجنة .. زى هدهد معلقة فى الكتاب
    ونحن العبيد
    باب الحياة السرِّى
    حرير فى فكرة الدودة الموجعة .. بالنسيج
    وصيوان عزا نوح
    المكفّن بالوعود
    الهدهد يرك فوق دفـّة المركب .. يدندن
    الريح سكن خيمة حريمو الأربعة
    النيل رجع فى اللوحة
    للوادى القديم
    البحار مكتوفة الأيدى
    .. الشموس فاقت
    ونوح بعاين فى مفاتن اليابسة
    تغسل فى حصا .. ومتبرجة
    سبحانك الأديتنا من ملكك سلاطين .. وإختفيت
    هاك أنبياءك سالمين
    وأنزل مسافة توجعك .. غابة
    رقيصنا الحى
    طبولنا...
    وليك شبال
    من اليابسة الممشّطة بالملح
    ... وهدهد

                   Subscribe on YouTube |Articles |News |مقالات |بيانات

02-04-2004, 06:24 AM

mutwakil toum

تاريخ التسجيل: 09-08-2003
مجموع المشاركات: 2319
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: sheba)

    وصل هدير الكون ياشيبة
    يا سلاااام يا سلاااااام علي العيدية يا شيبا .. هدهد اطعم من خروف العيد في الخيال ..
    اعيدا تاني واعود ليك تالت
    شيبا جد (غلبني ) اشكرك كيف ..
                   Subscribe on YouTube |Articles |News |مقالات |بيانات

02-04-2004, 06:54 AM

mutwakil toum

تاريخ التسجيل: 09-08-2003
مجموع المشاركات: 2319
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: mutwakil toum)


    عاطف خيري ..
    عشيق الكلمة يشكلها ما اراد .. له سيناريو رطب (يابس) عن النقد ..
    دع يا شيبا دهشتي تنــز في رقصة القصيدة لدية .المفردة تمسك بخصر التشبيه ويلف التشبيه يده بدوره في خصر التصوير ، ليهتز جسد القصيدة .
    له ميزان –جداً-دقيق –احياناً- يغش كفة الموسيقي .. تأتي القصيدة (معطونة) بالموسيقى .. تضيع معانيها وسط التطفف الموسيقي..
    يا هدهدى المهدود
    مين هدهدك .. نمت
    كل الطيور غنت ..
    منك يجينى سكوت
    مين الهداك للناس
    أو هدّ فيك الموت؟

    صعب ان تفلت من انهمار الموسيقى لتقبض بتلافيف المعنى .. صعب .
    * * *
    لا تتعارك تصاويره مع ميزانه الدقيق ، لا يسقط تصوير سهواً على حساب الموسيقى .. المفردة ..
    يا صالحة لا جنبك ..
    لا فتّ منك فوت
    دايماً معلق بين ..
    بين الحياة والموت
    أدخل ضلام الناس
    نورك يجينى خيوط
    وقبّال أقع فى الضو
    جوّاك سندنى خِفوت
    أنا برضى حلة شوق
    لكني في التابوت ..


    * * *
    .. حلًق باللهجة السودانية بعيداً وصل بها ساعات السحاب الاولى ..
    وصلنا شجر الحنة ..
    (فناك) جواي زي حجر ..
    لكن (نهر) كل العصافير البتلعب في الوريد ..
    كلمات عادية تستعمل بشكل يومي ..(فناك) ..(نهر) .. لكن عاطف يمفخ فيها روح ..تخرج.. تقلع كآبتها وتلبس الكلمة ابعاداً اقلها رباعية .. لمًاعة .. منيعة .. كأنه مكلف بأعادة تلميع اللهجة من البهت .من الغبش ..
    ومن حظ قصيدة عاطف ومن حظنا انه انتجها في زمن كان فيه مصطفى او رجل بقامة وطن
                   Subscribe on YouTube |Articles |News |مقالات |بيانات

02-06-2004, 03:15 AM

mutwakil toum

تاريخ التسجيل: 09-08-2003
مجموع المشاركات: 2319
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: mutwakil toum)

    uuupppp
                   Subscribe on YouTube |Articles |News |مقالات |بيانات

02-04-2004, 09:54 AM

sheba

تاريخ التسجيل: 12-15-2002
مجموع المشاركات: 1874
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: sheba)


    الشاعر المرهف عاطف خيرى

    يا لها من صور جمالية رائعة وياله من مبدع هذا المسمى عاطف خير ى وكما قلت اخى التوم ان من حسن حظ عاطف انه قد تزامن مع الراحل المقيم مصطفى سيد احمد فلا اعتقد ان فنانا عاقلا يمكن من يفكر فى ان يتغنى بنصوص مثل نصوص عاطف خيرى ؟

    اعتقد جازماً ان مصطفى كان سيلبس هذا النص " الهدهد " ثوبا اخر بل كان سيكون اشبه بمسرحية كاملة كما فى عم عبد الرحيم والحاج ود عجبنا والضو وجهجهة التساب

    تعالو معا لنتامل هذه الصور :-

    .................
    أنا ليه تجينى الموية حفيانة ..
    وأدنقر ألبِّسا فى شبط أخضر
    وأبيت مبلول .. وأصلِّح فى الرباط

    ..................
    ومرت مراكب نوح محملة بالطيور
    واقف مع نوح الغراب
    ينضم ويأشر فى إتجاه
    باقى الطيور يتوسوسوا
    إلاّ الحمام .. إتوضا مارق للصلاة
    القانقرد فى حزنو يغزل
    شالة من صوف
    الطواويس شارّة قمصانا
    المزركشة فى الضحى
    الزرازير بى عراريقا
    المغبشة ..جات على
    ..........

    نحن البلاد الشاكية جرحها للصديد
    جاتنا القوافل بالضجيج
    جرتنا من حلبة رقيص
    ورتنا كيف صلبوا المسيح
    ورتنا كيف كتلوا الحسين
    وبكينا أكتر منها
    ساقتنا فى الآخر .. عبيد
    مين يشترينى من الملوك
    الخايدة فى الدم القديم
    ...............

    الهدهد يرك فوق دفـّة المركب .. يدندن
    الريح سكن خيمة حريمو الأربعة
    النيل رجع فى اللوحة
    للوادى القديم
    البحار مكتوفة الأيدى
    .. الشموس فاقت
    ونوح بعاين فى مفاتن اليابسة
    تغسل فى حصا .. ومتبرجة
    سبحانك الأديتنا من ملكك سلاطين ..
    ..................

    ترى لماذا كل مبدعى هذا البلد فى بلاد الغربة؟؟

    التحية للشاعر عاطف خيرى فى منفاه الاجبارى باستراليا
                   Subscribe on YouTube |Articles |News |مقالات |بيانات

02-16-2004, 00:47 AM

mutwakil toum

تاريخ التسجيل: 09-08-2003
مجموع المشاركات: 2319
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: sheba)

    UP
                   Subscribe on YouTube |Articles |News |مقالات |بيانات

02-16-2004, 00:57 AM

mutwakil toum

تاريخ التسجيل: 09-08-2003
مجموع المشاركات: 2319
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: mutwakil toum)

    شيبــــــــــــة ..
    هل من مذيد .
    اعني مضى من الزمن 6 دقائق .. في انتظار الاكتمال ..
    أعتذر عن طمعي
                   Subscribe on YouTube |Articles |News |مقالات |بيانات

02-16-2004, 00:58 AM

أم سهى

تاريخ التسجيل: 09-29-2002
مجموع المشاركات: 1431
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: sheba)

    يا شيبا مبدعنا
    ويا عاطف الله يلنا في غربتنا
    ويا حلوين يلا استمتعوا بي بهجتنا
    لكم ودي وحاضر تحياتي
                   Subscribe on YouTube |Articles |News |مقالات |بيانات

03-17-2004, 11:25 PM

sheba

تاريخ التسجيل: 12-15-2002
مجموع المشاركات: 1874
للتواصل معنا
FaceBook
تويتر Twitter
YouTube



Re: سيناريواليابسة "الهدهد"عاطف خيرى–مصطفىسيد احمد-اهداء خاص الى (Re: sheba)

    كل الود
                   Subscribe on YouTube |Articles |News |مقالات |بيانات

اراء حرة و مقالات

Latest Posts in English Forum

Articles and Views

اخر المواضيع فى المنبر العام

News and Press Releases

اخبار و بيانات

فيديوهات سودانيزاونلاين Sudanese Online Videos

صور سودانيزاونلاين SudaneseOnline Images

[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:

سيناريواليابسة "الهدهد"عاطف خيرى–مصطفىسيد احمد-اهداء خاص الى متوكل التوم فى FaceBook

· دخول · ابحث · ملفك ·

فيس بوك جوجل بلس تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
News and Press Releases
Articles and Views
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de