|
|
 مرحباً ميسون نجومي في البورد .... والويل لاعداء المرأة ..
|
هي شخص عادي يبحث عن وطن افتراضي شاركت اكثر من مرة في البورد عن طريق بعض الأعضاء ...
ولكنها الان هنا ..
اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية
يعني الناس البكتبوا الشعر للبنات في الايميلات ديل يبطلوا الحركات دي ...
اما اعداء الجندر والمرأة ... بقولوا ليهم الله يكون في العون ..
وصف النساء يزداد منعة ويطول قامة
وصف المفكرين يزدان بقلادة جديدة
.
.
|
|
 
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: عشة بت فاطنة)
|
| Quote: اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية |
نعم المتيني و نعم المتبناه ...
| Quote: يعني الناس البكتبوا الشعر للبنات في الايميلات ديل يبطلوا الحركات دي ... |
و خلاص حنبطل الحركات دى من جاي و لى غادي ....
مرحب يا ميسون و نتمنى ان تكوني اسما على مسمى ... نجمة من نجوم البورد
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
منذ مدة طويلة كانت راشيل بتاعة حلقات مسلسل فرند تذكرني بي بت شفتها وين ما عارف..
قبل شهر قاعد مع صديق ازرق هبل غير جميل قال لي بلاي دي ماحركات ميسون النجومي الله بسالك..
يا بورداباب
اتتكم زولة من الذاهلات المفلكبات غير المجمعات..
لكن زولة وطن ..
ميسون النجومي سلامات والبورد ده المكان الوحيد الكان ناقص حياتك الذاهلة عموما والسياسية
خصوصا اصلك ما خليتي جهة ما مشيتيها..
فضل ليك عالم المختلين واللادينين والادباء والنقاد واشباه الزعامات وبقايا الرسل القاعدين في حوش بكري ده..
اقامة طيبة وايام مديدة..
مديدة حارة
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
| Quote: اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية |
ابو امنة بتين اتعلمتا حركات ملاسي دي؟؟
امرقو منها انتا وملاسي وميسون براها بتعرف تشق طريقا..
دي شقت عصا الطاعة في حزب الامة ..
ما تشق طريقا في حوش بكري..
ميسون
يا انا يا ابو امنة اختاري
منو اليتبناكي؟؟
ابو امنه ده زول بحب المنطق والنقد والسياسة المنمقة بتاعة الاركان وبجيبك عديل بالباب ..
انحنا بنجيبك بي ضهر الدرب الوراني..
تخشي البورد ده من لا ابوابه ..
اها رايك شنو؟؟
| |
|
|
|
|
|
|
|
|
 Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
أهلا و سهلا ميسون
محتاجينك في صفوفنا بالذات الأيامات دي و اسألي أبو آمنه حيقول ليكي السبب
و تعالي أقول ليكي حاجة في أدانك عليكي بدكين فهو من ألد أعداءالمرأة في هذا البورد و الساعين لتدميرها و محو شخصيتها لكن لدينا محاولات جادة لترويضه، و حننجح قريب يلا ايدك معانا
انشاء الله بس ما يكون سمعني لأنه شراااني
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: بكرى ابوبكر)
|
الاستاذة تماضر شيخ الدين
هنالك عدد من الاشخاص الاذكياء والموهوبين بمقدرتهم علي البحث والتفكير ولكن كثير جدا منهم حينما يتحدثون .. يمكنك ان تقول لو انني اعرف ما هذه المعلومة لقلت مثله ..
ولكني حينما تحدثت مع ميسون شعرت بانني حتي ولو كنت اعرف ضعف ما تعرفه فلن استطيع ان افكر كما تفعل ...
ولذلك هي شخص مميز والذين يستطيعون استخدام عقولهم وتقبل راي الاخرين في هذا العالم يعدون قليلون جدا
هنا احدهم يطرق الابواب
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: بكرى ابوبكر)
|
عارف يا ملاسي وانا بكتب عبارة ااتبناها رسميا دي قبل ما تمها كنت شايف صورتك ..
يعني الواحد ما يلقي ليهو وجهة نظر معاكم ولا شنو ..
لكن انا عارف انو ملاسي بقي مشكلة في البورد لانو شايف رجاء ربضه كاتبه
لوووووول ملاسي..
تصدق وتآمن أنا كنت متأكدة انك ما حتفوتها..
يعني الواحد بقي يكتب ويراجع الكتابة املائيا ويراجع الكتابة لغويا
وكمان بقت برضو يراجع الكتابة ملاسيا ... ( اها السطر ده بالتحديد مابقدر احذفة ) حتي بعد المراجعة ملاسيا
كل الود
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: بكرى ابوبكر)
|
عارف يا ملاسي وانا بكتب عبارة ااتبناها رسميا دي قبل ما تمها كنت شايف صورتك ..
يعني الواحد ما يلقي ليهو وجهة نظر معاكم ولا شنو ..
لكن انا عارف انو ملاسي بقي مشكلة في البورد لانو شايف رجاء ربضه كاتبه
لوووووول ملاسي..
تصدق وتآمن أنا كنت متأكدة انك ما حتفوتها..
يعني الواحد بقي يكتب ويراجع الكتابة املائيا ويراجع الكتابة لغويا
وكمان بقت برضو يراجع الكتابة ملاسيا ... ( اها السطر ده بالتحديد مابقدر احذفة ) حتي بعد المراجعة ملاسيا
كل الود
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: عشة بت فاطنة)
|
يا مراحب يا ميسون
اوعى من تبنى الرجال دا تعالى لخالتك الظلامية دى تتبناك
وتشاكل ليك اى زول حتى دكين الشرانى دا اتحداه انا ما بخاف منو
تعالى اوسوسك انا بس بخاف من ب. ش.ا.ش.ا
لكن ما عداه
اول نقرة حرف فى الكلايبورد يقعو واطة
| Quote: وده لا يعني اننا نعتبر الوقوع في الحب أو الزواج خنوع وضعف.. |
لوووووووووووووووووووووول يا رجاء على خطوط الرجعة
لكن
ما دام ود عمنا اعترف بانه ضعف للرجال
ما عندى كلام تب
زيادة
ود عمنا دا شايفة حصل ليه غسيل مخ شديد
بقى يكتب اخ/ت
منه العوض وليه العوض
ذى ما قال هوبفول
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: خالد الحاج)
|
ali othman
خالد الحاج
nada ali
مرحب بيكم
دكين
لكن وقعتك ما وقعة سوداء
برااااااااااك جبتو لي روحك
عليك الله كدي اضغط علي اللنك الانت عملتو في الرد بتاعك الفوق ده
عارفو بودي وين
ها ها ها ها برررررررة البورد
مبالغة
اها ده انت براك برضو قول بكري ابوبكر متامر عليك ...
اها يا ميسون ياو ده المكان العايز يوديك ليهو دكين قبل ما تدخلي البورد
ها ها ها
| |
|
|
|
|
|
|
|
|
|
blush!blush (Re: Abo Amna)
|
mumble …mumble…fumble….mumble
ما عارفة بماذا أرد؟
دايرة أقول كلام ما سخيف و معبر....
كل ما يخرج مني هو
لعثمة...
أبو آمنة؟؟؟؟ماذا أقول.....لو تراني الآن.....لعرفت
أستاذ ياسر...لا أمل من لقائه أبدا في أي مكان
بكري لم يكن ليتم الترحيب دون باقة زهورك
دكين؟! أعرف شخص واحد يكتب بهذه العاطفة العاصفة..و يدعي حق ملكيتي., كان يستمتع بالتفرج على في الجامعة
و ربما لا يذكر هو و لكني أذكر أنا....أني يوما تعثرت و لم يتأخر في مد يده...
ملاسي....لا أحد تعبر صورته عنه أكثر منك
بيان..... أستاذة
تماضر.....أول المرحبين و أول كل شيء
بلا ويلات يا نصار ...أعدك
رجاء طمأنني ترحابها بالدخول
عشة بت فاطنة....أتابعك بشغف...و كيف لا؟
جندرية....خلوني احتياطي احتياطي ....أخش الملعب فقط عند الحوجة أو الإصابة
تبلدينا....الحمد لله ما قال فيبي ...راشيل هينة، ألهمني الاسم "تبلدي"
و دقاسم..... سأكتب...و لك فيه نصيب
ود الشريف......شفتك قبل كدة....و شكرا
ملكة سبأ....يجمعنا الغزالي
ندى علي I promise you the best
I promise you the truth
علي عثمان......شكرا....تقول الدعاش؟ نعم الدعاش
خالد الحاج.........أبتسم و أنا أطبع ش ك ر ا
عجب الفيا.....تحية خاصة...بيني و بينه حلو الحديث
خالد عويس.....أنا أرقد قفا طول ما هو قاعد في الدنيا
أمدرماني......مشتاقيييييييييييين
تعريف سريع
كنت دوما أفكر فيما يعنيه وليام بليك بـ
نمور الغضب أكثر حكمة من خيول الإرشاد
(أعشق وليم بليك...اسميه الشاعر الحقود...لكن أوسكار وايلد كان يبصق على من يدعي أن فنه لا يحمل ضغائن)
أو ما قاله فروست
خشيت أن أكون راديكاليا عند الصغر فأصبح متحفظا عند الكبر
أحمد الله ....حياتي لم تكن تعرف الوسط قط(هذا ما كنت أعنيه بكل الخطايا يا أستاذ ياسر)....لا أدخل في الأشياء إلا كالثور الهائج
أتذكر نفسي الحار في حزب الأمة يا دكين؟.....أنت تضحك الآن...الواحد أصلو ما يزوغ من الماضي
و خرجت ساخطة كالثور الهائج (على شنو لا ادري)
حتى في اليفاعة...كنت من أنصار الشعر المقفى أكثر من المرحوم عبد الله الطيب
و في الجامعة ناديت بالحداثة و كأني كنت إليوت و كتبت الأرض الخراب
مهووسة بالأستاذ........ثم ألد أعدائه (نعم شاركت في رجمه)
تدينت حتى نبت لي الذقن.....و عبثية حد الجنون
كونت (جد جد في سنة البرلم) جمعية أعداء الحب..........و عشقت بهوس
جندرية و كأني المرأة الوحيدة في العالم....و عدوتها و كأن بيني و بينها ثأر
حملت لافتة عليها شحرور و نصر حامد أبو زيد و فرج فودة
و دست سهوا على الغزالى و الشعراوي و عمدا على عمرو خالد
كنت إمعة و كأني المعنية بالحديث النبوي
و أدمنت التفرد(أو ما أسميته بالتفرد) فأردد moi. et le deluge
أنا و من بعدي الطوفان
الآن
مرق النفس الحار
أقف على pedestal الحكمة.....الجدل فيه شيء من التثاؤب...دوما أتساءل الدوشة في شنو؟
دكين...تقلق على ميسون زمان؟ ما زالت قاعدة......تسأل كيف؟و أسألك كل الجن حينشفط يمشي وين؟
أنا الآن في خط الاستواء
مركز الدائرة
أجادل كناسك بوذي
أسمع كل الآراء....منافقة؟ مجادلة؟ بل مقولة لغاندي :بيتي بلا نوافذ و أبواب، تدخل منه الثقافات و الأفكار و الأديان كالهواء يمنة و يسرة و لكن دون أن تقتلعني من جذوري
و قد وجدتها يا دكين....جذوري!
لا أعرف الجندر....أعرف الإنسان....و أراه "مدهش أن شجر يمشي ...و لكنني أراه"
لا أسير إلى اليسار و لا اليمين....بل يا أستاذ ياسر أنت أعلم بما أعنيه....أمسك بطرف العروة بحبل السماء.....أنا إلى أعلى...لا لست ابن عربي...فأنا لا أطير...فقط أستطيل...قدماي على الأرض
السياسة أذكر الآن السبب القديم لدخولي معتركها ....السودان....هذا قبل أن يضيع في المهاترات و تخوين الآخرين و الاتهامات المتبادلة...نعم لي يد مغموسة في الدم الكذب...و اتهمت الذئب(و ما أبرئ نفسي)
سأضحك ملء الفم إن كنتم تظنون أن هذه توبة أو اعتذار
Oh please!!!
أنا فقط أشرح نفسي
التفرد دائي الكبير أقول شيء واحد
Complete individuality is such a lonely place
حزب الأمة :دخلنا فما ندمنا...و خرجنا فما حمدنا
عمرو خالد.....الفكر الحديث يشد على أذني...و لكن أقل شيء أن أحسن الظن بالناس
محمد الغزالي محرري الأول......الفكر الحديث يزن....و أقول له اسألوه كيف أفلت من قيود و مقابر الأزهر؟
شحرور ، نصر، فودة.....أقرأ بهدوء....الدهشة تساقطت
الأستاذ محمود.........مرحبا
الشعر الحديث و المقفى...الدوشة في شنو؟
بس خلاص! على قول شعبان عبد الرحيم
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
فتح لي صديقي كوة ال {بهاء}
فغمر ضيك المكان.
وعرفني ،
سليلة مجد تليد،،
تزود عن {حق} عنيد
تراه مهضومآ في الشارع اليومي ، وفي الولاءات القديمة والموروثة التي غادرتها بغير ندم ، وما إنتظرت فيها عشم. وتراه كذلك في ممارسات السلطة الدمار ، وفي الفتاوي الفتنة ، في الجد الكامن تحت جلد الحداثة والوعي الزائف.
بعين بصيرة ويد ما عادت قصيرة تسن قلمها وتشهر وعيها وتغامر صوب الجديد في الضفة اليسرى لنهر سوف يغمر بمياهه الهادرة البلدات والحقول والبيادر .
نرتجيك هنا وهناك فاعلة نشطة ومؤثرة.
| |
|
|
|
|
|
|
|
|
|
عدت ثانية (Re: Abo Amna)
|
أبو ساندرا ...كنت أظن أن المرء يقدم قربانا كي تطل على بوسته
لكن أظنني مبروكة.....فهمنا الرسالة الضمنية
ملاسي...قالوا لي البروفايل راجل...لكن مكسلة أغيره
دومة....ٌقالوا لي لما تكتبي انتظري رد دومة...و هأنذا...سأكتب كي ترد دومة
فيصل...اشكرك جدا جدا على الكلام و أعتذر أني لم أرد على ايميلك السابق
أستاذ عجب الفيا...ماذا أقول شكرا...تاني و تالت و و و
أبو امنة هانذا أكتب ...و كما قلت المدد متوقف لظروف العمل....طبعا عمل دي أنا قاشرة بيها شديد...كل ما يجيبوا سيرة المرأة العاملة تلقاني راخية اضنيني (طلع جديد)
أمل و ايهاب.....أحلى اسم في البورد....انا ذاتي دايرة ثنائي
الاسم طوالي بجيب في ذهني التوائم الملتصقين ببعض
خالد الطيب i am honored
ايهاب شكرا على دفء الاحساس
زمراوي تحياتي و شكرا
ما دايرة أكتب يوم الجمعة زي الموظفين
لذا سأحاول جاهدة...لكن الان لقد عدت لتوي من العمل...و لم أملص الشراب
oops
| |
|
|
|
|
|
|
|
|
|
مرحبا (Re: Maysoon Nigoumi)
|
مرحب بميسون النجومي
من خلال قراءتي لكل المداخلات الفوق دي وردودك الانيقة ، بكل ثقة أقول ان المنبر
كسب قلما مثقفا واعيا
بس
في
مشكلة .......... واحدة
المقدمة الركيكة والعنوان الأرك ؟؟؟
منو الكتبهم بالله.
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
والله يا ابو امنه ...زولتك دى بي مولوده بي سنيناتها..
الغريب .. انها ومن اول بوست ... خلتنى اقري وانا فاتح خشمى ..
ميسون .... مرحب .. بس نصيحة ... خليكي براك .. تكسبي ..
اكثر المرحبين ... يحاولون .. انك ما تكونى براك ...اقرئي جيدا ..واستنتجى ..
المكان الوحيد في العالم ..الحبيت اكون فيهو وحيـــد ..هو هذا البورد اللعين .... اياك والشليليات..
وحنشـــــــــــــــــــفك يا ....مترعه
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: samo)
|
خالد الطيب
انا متأكد من مقدرتها علي تقديم اضافة حقيقية للمنبر واقصد انها اضافة مميزة .. ومختلفة وتجربة يمكن الحديث عن انها فريدة .. واظنها قادرة علي التعبير عن ذلك او كما قال ( دكين ) ...
essam&amal
ام وضاح تسلمي ويسلمو عيونك ...
اسعد ابراهيم
تحياتي
اها المرة دي فضيت ليك خالص
قلت لي في مشكلة واحدة وطلعت ليك مشكلتين هسي .. العنوان والمقدمة ديل زي اهم خمسة حاجات في العسكرية ثلاثة هي الضبط والربط مش كده
بعدين انا عارف لا العنوان ولا المقدمة ما حاتعجبك والاسباب معروفة
العنوان بكل تأكيد لانك من الد اعداء المرأة لكن يا خوي انا ما عندي بيك شغلة وشيل شيلتك معاهم
اما المقدمة ما متاكد
تكون يا ربي انت من نوع ناس ملاسي البرسلو الجوابات في الايميل ولا شنو ...
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: samo)
|
Lana Mahadi
منذ مدة لم افرح لدخول احد المنبر كما فرحت اليوم ياابوامنة لدخول ميسون كالعاصفة ، نعم تعريفها لنفسها عاصف و عنفوانى بشرنا بان الاف الاحجار ستهز اركان تلك البرك الراكدة وتملا سماوات سهونا ولا مبالاتنا
الف مرحب بميسون التى احببتها قبل ان اراها
كل الود
عارفة
امس وانا براجع في الموضوع ده حقيقي كان عندي نفس الشعور ( شعور الفرح ) واحتمال ما كنت فاهم ده جايي من وين .. لكن اظن ميسون مليانة بكميات من الفرح بتكفي العالم كلو ... عشان كدة كان في احساس زي ده ...
لكن مسالة حبيتها قبل ما اشوفها بقولوا فيها .. بدون تعليق ... انتي قائلة الارهاب ده الا بي قنبلة .... يعني الواحد في البورد ده ما عندو ايي حرية يعبر عن مشاعرو ساااااي كدة لله تجوا كمان تقولوا لينا جندر .. وحرية شنو كمان الفي البورد
.
.
| |
|
|
|
|
|
|
|
|
|
خجلتونا يا جماعة (Re: Abo Amna)
|
كيف أنسى لالوبة...ببالغ!...لالوبة الرائعة...كيفك يا بت؟
لنا مهدي...أذهلتيني بالثناء....لقد أسعدتي يومي
أبو أمنة، ولما لا اكون مليئة بالسعادة ، وأنا مباركة بك
و بكم
الأستاذ عادل....استاذ و كفى...أقرأ liberal sudan, very impressive
سامو....فهمت عليك...كما يقول اللبنانيين....طبعا أنا عندي حقارات، دايما أحب أتمسكن....عشان أتمكن...فلماذا تكشف غطائي يا صديق؟
أسعد يا وسيم، شكرا على الترحاب
زمراوي التحية لك
أنور...الترحاب معبر home
أشعر أني في داري
GIwey
أعطيك الشبال على الزغرودة (بس مافي شعيرات)
| |
|
|
|
|
|
|
|
|
|
Re: خجلتونا يا جماعة (Re: Maysoon Nigoumi)
|
سامو انت براك الفاتح خشمك لووووول انا من يوم داك لسه ما صميتو لكين شايفاها اتعزز الليمون عشان بالغنا في ريد يا ميسون خلاص كفاك ضيفه اقلعي الشرابات وادخلي ارض المعركه
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
الاخ ابوامنه ...كل الشكر لك لاقناعك ميسون بالاشتراك ....وميسون ياناس ذي ماقال الاخ عجب الفيامن جيل متعب التعامل معه يحتاج لادوات جديده وميسون ممثله شرعيه لهذا الجيل , لقد حاورت ميسون كثيرا وفي كل مره كانت تضيف لي واخرج انا من الحوار مقطوع النفس . هي مبادره ولديها تصورات كثيره وتوقعات كبيره ودوما متفائله بغد اجمل . ورغم صغر سنها الا ان لديها تجربه حصنتها بحكمه السنين كلها
للاخ ابوامنه الود والشكر مره اخري ولليست اخيره ولميسون ود قديم متجدد
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: بهاء بكري)
|
الأخ بهاء بكري
, لقد حاورت ميسون كثيرا وفي كل مره كانت تضيف لي واخرج انا من الحوار مقطوع النفس . هي مبادره ولديها تصورات كثيره وتوقعات كبيره ودوما متفائله بغد اجمل . ورغم صغر سنها الا ان لديها تجربه حصنتها بحكمه السنين كلها
للاخ ابوامنه الود والشكر مره اخري ولليست اخيره ولميسون ود قديم متجدد
اجمل مافيها هو هذه الروح المبادرة التي لا تنطفئ والتي لا نريد لها ان تخبو
ولذلك كان لزاما علينا ان نخرجها من دائرة المطبخ والعمل الي دائرة اخري مهما كانت جهنمية الا انها ستبقيها مشتعلة
كل الود
| |
|
|
|
|
|
|
|
|
|
Re: مرحباً ميسون نجومي في البورد .... والويل لاعداء المرأة .. (Re: Abo Amna)
|
مرحب ميسون حبابك عشرة بلا كشرة .. آسف لتأخر الترحيب .. العتب على النظر . لفت نظري اسم نجومي فهرولت نحو البروفايل ليتأكد الظن .. أهلاً بنت العم .. أكاد ألمح جينات أمير الأمراء سارية المفعول تعكس قوة الشخصية وقوة المنطق و(سد الفرقة) .. أترقب مساهماتك في منبرنا الحر .
تحياتي لك ولأحبابك
أبو آمنة
لك الود
| |
|
|
|
|
|
|
| |
Abo Amna
Tumadir
سجيمان
عشة بت فاطنة
Hussein Mallasi
Abdel Aati
Yasir Elsharif
Raja
نصار
بكرى ابوبكر
ملكة سبأ
bayan
الجندرية
nada ali
ودقاسم
elsharief
Giwey
Muhib
yumna guta
doma
فيصل عباس
أبو ساندرا
Ehab Eltayeb
Khalid Eltayeb
Agab Alfaya
essam&amal
ASAAD IBRAHIM
WaD OmI
lana mahdi
samo
بهاء بكري
فيس بوك
تويتر
انستقرام
يوتيوب
بنتيريست