|
|
 أبو الكلام
|
كنت أظن أن سعادة الفريق عمر قدور هو أكلم سوداني!
|
|
 
|
|
|
|
|
|
|
|
Re: أبو الكلام (Re: Hussein Mallasi)
|
البرنامج من تقديم نسيرين – افتراضاً – و قدور؛
و يشارك بالاستماع و الغناء كل من:
فرفور؛ عصام محمد نور؛ اسرار؛ عاصم البنا؛
و نادر خضر.
| |
|
|
|
|
|
|
|
|
|
Re: أبو الكلام (Re: omar ali)
|
الاخ ملاسى تحياتى
لقد شاهدت البرنامج
ورغم احترامى لهذا الرجل الموسوعة الاستاذ السر احمد قدور
الا اننى امتعضت مثلك تماما من تغوله على حق المذيعة فى ادارة الحوار
واندهشت لاستسلامهارغم انها من المذيعات الناضجات
اعتقد ان الامر يرجع لفارق السن والخبرة بين السر قدور وضيوف البرنامج والمذيعهة
للحد الذى جعله يقاطعهاقائلا (دقيقة يا ست البنات ) مسترسلا دون تبذل هى اى مجهود لاستلام دفة الحوار
وعلى الرغم من ذلك اعتقد انها كانت حلقة مميزة ومثمرة
مع ودى
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: لو قدر الله و انضم السر قدور لأي حزب سياسي؛
فيسكون – بلا شك – اخطر كادر كلامي في ذلك الحزب! |
هو لسة ما إنضم يا ملاسي؟
صح النوووووووم
رمضان كريم و كل سنة و أنت طيب
لنا
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: | Quote: كنت أظن أن سعادة الفريق عمر قدور هو أكلم سوداني! |
ياراجل |
كل ما نقول نبعد عن السياسة ناس نيازي يرجعونا ليها تاني!!
____
الله أكرم يا نيازي.
| |
|
|
|
|
|
|
|
|
|
Re: أبو الكلام (Re: خالد)
|
حسين .. كل رمضان وانت والأسرة بخير
في شأن الموضوع أعلاه ، كان من الأمثل أن يقدم قدور الحلقات كلها لأنه يملك كل المفاتيح والأختام .
قال لي صديق : ان الحلقات الأولى قمة في المحافظة وان القادم من الحلقات سيكون أكثر ادهاشا.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
والله و بالله - و حات نهار رمضان - يا ملاسي
كان ما كلامك ده..
أنا كنت متأكدة إنو البرنامج من تقديم السر أحمد قدور و نسرين سوركتي...
أتاريهو الراجل..ضيف..!!!
_____________________
رمضان كريم و تصومو و تفطرو على خير
تحياتي لأسرتك العزيزة.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ملاسي..
تابعت ليك حلقة الليلة متابعة حثيثة
- خدتَ بالك من (( حثيثة )) دي ؟؟-
و إكتشفت إنو (( السر قدور )) مُش بس مقدم البرنامج..
لكن كمان (( مُنتج )) البرنامج.
______________________
تمت إضافة نسرين للبرنامج بإعتبارها (( وجه حسن ))
مسكينة شايفاها أخدت ليها نومة خلال أغنية (( الأماني العذبة ))..!!
| |
|
|
|
|
|
|
|
|
|
Re: أبو الكلام (Re: Waly Eldin Elfakey)
|
Quote: قال لي صديق : ان الحلقات الأولى قمة في المحافظة
وان القادم من الحلقات سيكون أكثر ادهاشا. |
غايتو يا مرتضى لو ما نزل في الجماعة بالعكاز
ما أظن يكون في إدهاش اكتر من الحاصل دا!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: غايتو يا مرتضى لو ما نزل في الجماعة بالعكاز
ما أظن يكون في إدهاش اكتر من الحاصل دا!! |
والله (صديقي) قرا كلامك ده وياهو قاعد جنبي وقال ليك كلامك ده قريب من الصاح لكن بالشكل الأيجابي ضحك وقرقرابه وتوقيف تصوير عدة مرات ، بس انتظر الجاي.
خليك قريب.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: نسريت بقت تخطف الكلام خت - ط - ف:
- دي حيغنيها عصام
- غني لينا دي يا اسرار
- حنسمع دي من عصام |
+
- أهلاً بيكم في حلقة جديدة من (( أغاني و أغاني ))
و...
- إلى اللقاء في الجلسة الجاية.
____________________________________________________
رُفعت الجلسة!
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
المشكلة يا مرتضى انو يكون "مقصود منّو انو يكون كدا"
الان فقط استطيع أن أتفهم مرارة التهميش الذي يعاني منه
معظم وزراء الحركة الشعبية في حكومة الوحدة الوطنية!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: الان فقط استطيع أن أتفهم مرارة التهميش الذي يعاني منه
معظم وزراء الحركة الشعبية في حكومة الوحدة الوطنية!! |
بس ياحسين الفرق انو ناس الأنقاذ ما حصل جابو ليهم (ضيف) وخلّوهو يشيل منهم (الدريكسون) زي ماعملت نسرين.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
سى حس
برنامج جميل جدا ورائع شفت السر دا مدهش كيف
كشف كل الهنابيل الاعلامية الطالعة فى الكفر
الجميل فى البرنامج انو معتق يعنى لى ناس السودان فقط ...................
الىهنا يجب على الضيوف الاستماع والانصات واغلاق الموبايلات والى حلقة الغد نحن فى الانتظار
| |
|
|
|
|
|
|
|
|
|
Re: أبو الكلام (Re: Hussein Mallasi)
|
بعد مرور تسعة حلقات من (( أغاني و أغاني ))
أستطيع أن أؤكد أن السر أحمد قدور هو أحسن مُقدم برامج..
و أحسن من يتحدث عن شعر و أغاني الحقيبة...
نحن- حقيقي - مستمتعين بالحلقات..
| |
|
|
|
|
|
|
|
|
|
Re: أبو الكلام (Re: mamkouna)
|
فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛
و لو تم توقيع الأغنيات و مطالعها مع الفرقة الموسيقية.
| |
|
|
|
|
|
|
|
|
|
Re: أبو الكلام (Re: ملكة سبأ)
|
Quote: شفت آخر مداخلة ليك الليلة الصباح في البوست وكان عندي احساس
قوي اني حالقاك معلق على كلام قدور عن تجميل نسرين للتوب مثلا |
غايتو لو كنت طولتي بالك شوية!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
(فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛
و لو تم توقيع الأغنيات و مطالعها مع الفرقة الموسيقية.)
الاستاذ ملاسى رمضان كريم حلقات اغانى اغانى اكثر من رائعة و اجمل مافيها كلام السر قدور الكثير ... حلقات تلقائية جدا و المجموعة كلها حلوة للغاية و بتتعامل بطبيعتها شديد و اذا كان حصل توقيع مسبق مع الفرقةالموسيقية كانت حتفقد حلاوتها..المجموعة منسجمة جدا و اختيار موفق للمجموعة .. اغانى ..اغانى حلقات مميزة و متفردة عشان كده مااتصفت بصفات البرامج التقليدية انو يكون فى مقدم برنامج و ضيوف ... اغانى اغانى خرج عن هذه الدائرة و عمل لنفسه مذاق خاص كل الموجودين مقدمين برنامج و فنانين و عازفين و شعراء و كلو فى كلو ...بس بطريقة متفردة جدا التحية و الاجلال للسر قدور الرجل الموسوعة فى مجال الشعر و اغنيات الحقيبة و لنسرين و لمبدع الحقيبة عاصم البنا و فرفور بصوته الجميل و نادر خضر بادائه المتميز و عصام محمد نور بصوته الحنين الدافىء .. اما اسرار فصوتها ملىء بالاسرار دى صوتها رهيبببببب ... التحية ليهم جميعا و رمضان كريم
| |
|
|
|
|
|
|
|
|
|
Re: أبو الكلام (Re: Hussein Mallasi)
|
| Quote: كان عندي احساس قوي اني حالقاك معلق على كلام قدور عن تجميل نسرين للتوب مثلا |
الملكَة أم عجَن..
ما فضل ليهو إلا يقول كما قال سجيمان...
نسرين..أحلى من القمردين..!!!
| |
|
|
|
|
|
|
|
|
|
Re: أبو الكلام (Re: mamkouna)
|
Quote: فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛
و لو تم توقيع الأغنيات و مطالعها مع الفرقة الموسيقية |
أخي الأستاذ حسين ملاسي
تحية رمضانيه وكل عام وأنتم بخير
أطلعني أخي محمدالمرتضى على هذا الموضوع ووددت توضيح بعض الاشياء املا ان تلقى عندك الاستحسان بما انى اوافقك الراى فى كونها ان كانت مرتبه بشكل افضل لوجدت مكانة بين البرامج التاريخية ولكن فكرة البرنامج مجسمة فى تلقائيتها وكاننا التقينا من نصف ساعة قبل التسجيل وفى الحلقات القادمة ستشاهد بعض التعديل من الاستاذ السر قدور وتوقيف التسجيل بى شكله بيننا وده روح التلقائية التى قصدها المعد مع انى لم الاحظها حتى الان .
لك احترامى وتقديرى
اخوك: عاصم البنا
مسقط فى تاريخه
| |
|
|
|
|
|
|
|
|
|
Re: أبو الكلام (Re: Hussein Mallasi)
|
| Quote: فعلاً الحلقات ممتازة؛ و كان ممكن تكون ممتازة جداً لو قلل فرفور من الحركات شوية؛ |
حلقة اليوم كانت ممتعة...تمتعنا خلالها بذكريات (( السر قدور )) و البعثة الفنية في جنوب السودان و إصرار الراحل (( حسن عطية )) على غناء أغنية واحدة فقط.
حاولت (( نسرين )) أن تتداخل كذا مرة لكنها لم توفق..لأنها كانت بتتدخل في لحظة الحبكة الدرامية للقصة و بدا تدخلها نشاز و مشتت لأفكار السر قدور و مثير لأعصابه أيضاً.
كان من الممكن أن تكون الجلسة ممتاااااااازة جداً لولا إنو قميص فرفور و بدلة عصام محمد نور عملوا لي عشى ليلي....!!!
| |
|
|
|
|
|
|
|
|
|
Re: أبو الكلام (Re: mamkouna)
|
Quote: قال لي صديق : ان الحلقات الأولى قمة في المحافظة
وان القادم من الحلقات سيكون أكثر ادهاشا. |
وضح - أخيراً - يا مرتضى انو صديقك مصدر موثوق جداً
و فنان جداً جداً
سلامات يا عاصم و كل سنة و انت طيب؛
فعلاً إن كانت التلقائية مقصودة فقد بدت الحلقات تلقائية للغاية؛
و كأن الجميع يجلس في صالون السر قدور في البيت.
الحلقات حرمتني من الإفطار خارج المنزل؛
فقد استغني معظم الناس عن الاريال لصالح الأطباق الفضائية.
و كدي سؤال على الماشي كدا؛ الم تسبب لكم كثرة الحلقات
ضغطاً لجهة إيجاد ملابس تكفي للظهور في كل هذه الحلقات؛
عمك السر مرق نفسو من الورطة دي من يوموا الحكى حكايتو مع علي شمو.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
فى واحد ياملاسى
يجيرك الله..يقول للسر قدور دة انت منو
نضام نضم شديد خلاس
والله فى كدى يوم ما ادانا اى فرصة نتكلم معاهو
استلم المجلس وهاك يا نضم
والجماعة يعاينوا لى واحد صاحبنا ويضحكوا لانو الزول دة غلبه عديل
وصاحبنا داك كان زول خترى فى الكلام..
اها صاحبنادةمالقى فيهو فرصة الا لمن سكت عشان يتف ولامؤاخذة اها من ديك وعيييك لى يوم الله ما اداهو فرصة يتم كلامو
| |
|
|
|
|
|
|
|
|
|
Re: أبو الكلام (Re: صباح احمد)
|
الواحد الليلة قدر يستمتع بالكلام و الغنا تمام؛
الظاهر انو وجود نسرين كان متنشن بالزول؛
اسه حتتكلم
اسه حيسكتها
يا الله حتلقى ليها فرصة تقول كلمتين
معقول الحلقة كلها ما تقول حاجة
....
....
____
مما كان يفقدني التركيز!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
من الليلة أنادي بتكريم الشفيع عبد العزيز في مهرجان سودانيز اون لاين القادم؛
ياخي أي برنامج تلقاهو عليهو القيمة تلقى الشفيع دا وراهو.
| |
|
|
|
|
|
|
|
|
|
Re: أبو الكلام (Re: mamkouna)
|
اشكرك واشكر نسرين
على التالق والكرسى
الحلقة الجايه حا اشيل الكرسى واقعد فى الشارع عشان مافى زول يقلعو منى
اخوك عاصم
| |
|
|
|
|
|
|
|
|
|
Re: أبو الكلام (Re: Hussein Mallasi)
|
مع فائق إحترامي و إعجابي المنقطع النظير بالمبدع عاصم البنا..
لكن..
أفتكر أغنية (( الشوق و الريد )) كانت لتكون أجمل لو غناها عصام محمد نور أو فرفور.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
الأخ الكريم محمد المرتضى حامد..
إنت أخو وليد حامد و الرشيد حامد
و لا..
أخو هشام حامد و سناء حامد..
إذا كانت الإجابة..لا هذا و لا ذاك..
فعذراً..
الظاهر ده مرض حامد !!!!
تقديري الشديد
| |
|
|
|
|
|
|
|
|
|
Re: أبو الكلام (Re: mamkouna)
|
ياممكونه.. انتي متمكنه و (نقّاره) بفتح النون.
دي بمناسبة
Quote: إنت أخو وليد حامد و الرشيد حامد
و لا.. |
وليد معي في مسقط والرشيد ده مرابط في السودان الجميل.
بمناسبة (مرض حامد) انتي ممكونه مالك؟
ياحسين.. عاصم قال ليك عندو مداخله طويلة ليك أديهو دقايق وجاييك.
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
خلاص خلينا نتلاقي - لامن تجي بالسلامة - في
النادي الاشتركت فيهو ليك زي سنة كدا .. 
تعرف يا عاصم؛ مرات كدا – بيني و بينك - الزول بيحاول
يشوف منو فيكم بيغني احسن من اخوهو ... بس المشكلة في
كل مرة بفشل في التحديد
سؤال كدا على الماشي يا عاصم؛
كنتو بتسجلو كم حلقة في اليوم.
____
سأبلغ تحياتك لشوقي
إن شاء الله.
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
| Quote: بمناسبة (مرض حامد) انتي ممكونه مالك؟ |
عشان أوريك أنا (( ممكونة )) من شنو ..ح أحتاج لحلقات أطول من حلقات (( أغاني و أغاني ))....
و ...
جلسة ما منظور مثيلها...
جلسة ما (( ممكون )) مثيلها..!!
تحياتي لكل الأسرة الكريمة
و أخص بالسلام الصديقات العزيزات دكتورة إيمان و دكتورة رشيدة.
| |
|
|
|
|
|
|
|
|
|
Re: أبو الكلام (Re: mamkouna)
|
Quote: تحياتي لكل الأسرة الكريمة
و أخص بالسلام الصديقات العزيزات دكتورة إيمان و دكتورة رشيدة. |
تعرفي ياممكونه مافي شي بجهجهني في البورد ده غير مداخلات الجنس اللطيف اللي كاتب اسمو بالكامل فما بالك باللي (شغال) بالأسم (الحركي) أو ب (اللغم) زي ناس المنظمة. انشاءالله السلام يصل لشقيقاتي لكن معقول أقول ليهم ممكونة بتسلم عليكم ؟ ممكونه كده حاف؟ أكيد حايقولوا لي ياتا فيهن؟
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
| Quote: تعرفي ياممكونه مافي شي بجهجهني في البورد ده غير مداخلات الجنس اللطيف اللي كاتب اسمو بالكامل فما بالك باللي (شغال) بالأسم (الحركي) أو ب (اللغم) زي ناس المنظمة. انشاءالله السلام يصل لشقيقاتي لكن معقول أقول ليهم ممكونة بتسلم عليكم ؟ ممكونه كده حاف؟ أكيد حايقولوا لي ياتا فيهن؟ |
ما تتجهجه يا محمد المرتضى..
أنا ح أتصل ب إيمان أو رشيدة..
و ح يوروك أنا ياتو (( لغم )) فيهن..!!
أرقد عافية
ممكونة حاااااف كده
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: الملكَة أم عجَن..
ما فضل ليهو إلا يقول كما قال سجيمان...
نسرين..أحلى من القمردين..!!! |
اها امس يا ممكونة نسرين ريحت نفسها وريحتنا على قولة ملاسي
وبرقت عينا السر قدور وهو يقوم بأعباء سوركتي برفع الجلسة المامنظور مثيلها
| |
|
|
|
|
|
|
|
|
|
Re: بعد اذنك ممكونة (Re: ملكة سبأ)
|
| Quote: بالله يامحمد حامد شيل الكلام دا بصمته وبلغه لعاصم عني |
انشاءالله ، لما يصحا ، بس يا(ملكة سبأ) عاصم بطريقتو دي (أم احمد) يوم بتلحّقو (سدمأرب).
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ملاسي
السر قدور أمبارح قال نسرين مشغولة في استديو تاني..كدة ريحها..
رأيك شنو في الابتسامات البيوزعها أحمد المك (عازف العود)..
ويا عاصم
انت واسرار في غضبك جميل زي بسمتك...مبااااااااااااالغة
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
سلامات يا حليم و رمضان كريم
شنو ياخي مختفي كدا وين!!
ابتسامات احمد المك دي ما ابتسامات ساكت؛
دي ابتسامات معاها إيماءات ؛ فنسبة لعدم توقيع معظم
الأغنيات مع الفنانين فالدخول يتطلب تنسيق بين الفرقة
و المغني و هذا ما يقوم بع المك مصحوباً بالابتسامة التي نراها.
_____
ايه رأيك في النظرية دي يا عاصم
| |
|
|
|
|
|
|
|
|
|
Re: أبو الكلام (Re: Hussein Mallasi)
|
تعرف ياملاسى ... احمد ده واحد من الناس القلائل الممكن كان يكون مغنى خطير جدا لو كان عنده صوت مامبحوح .... والبسمات دى لزوم البوست
تحياتى
عاصم
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ياحسين ورطوني انت والمرتضي ببرنامجكم ده .. بعد ما قريت بوستك دة اكتشفت انو ال BN مش ضمن المجموعات المشترك فيها ولا المشترك فيها ولدي فطلبت من ارت الاشتراك جابولي خمسين محطة كرتون ووووو وBN فصار ضياء ولدي مستولي علي تلفزيوني وخلي حقو وانا ما عارف اسوي شنو واشوف البرنامج متيين والا اقفل التلفزيون متيين.. مرة وحيدونه لحقت جزء ولقيت واحد دموعو خانقاه فتاثرت وبكيت معاه .. ومرة طلع الشف اسامة فعجبني ( ياحسين دة ما تحيز ) اصلي حكاية الطبيخ دي هواية وارث !.. اهو يالمرتضي اخوك جني الرطان قال يمكن يلحقلو ثقافة غنائية بتاعت ناس امدر عشان يقدر يناضم د.القرشي الشغلانة باظت وقاعد اشوف كرتون
تحياتي
ابوبكر
| |
|
|
|
|
|
|
|
|
|
Re: أبو الكلام (Re: abubakr)
|
التحية لك اخى ابوبكر ... حدثنى عنك اخى محمد المرتضى اعجبتنى بعض مداخلاتك ... والطبيخ بقى فى ام در واحد من اهم اركان البيت الاساسية مع المراسيل وحياتك ... اهدى لك بقية الحلقا واتمنى ان تلاقى ذوقك
مع شكرى وتقديرى
وفائق احترامى
اخوك عاصم البنا
مسقط
| |
|
|
|
|
|
|
|
|
|
Re: أبو الكلام (Re: Hussein Mallasi)
|
التقرير اليومي:-
* أبدعتَ يا عاصم البنا في (( همسات من ضمير الغيب )) و أبدعت في (( الكَسرة )!!!
* أبدعت أسرار في أغنية (( بلال تزورني مرة )) و بدا إعجاب عاصم البنا بصوتها و أداؤها جلياً واضحاً !!!
* ما زال فرفور كثير الحركة...و ما زال قميصه المخطط مع الكنبة المخططة يذكروني ب فيلم (( عماشة في الأدغال ))...!!!
* حلقة اليوم إمتداد لحلقة أول أمبارح و الدليل هو بدلة عصام محمد نور التى نافست بدلة شعبان عبد الرحيم و هو بيمسي ع السودان!!!
| |
|
|
|
|
|
|
|
|
 Re: أبو الكلام (Re: mamkouna)
|
شكرا ياممكونه على الاطراء .... لكن شكلك ممكونه وصابره .... على فكره نسيت ان اعقب على سؤال ملاسى عن الهدوم .. فى الواقع تم تسجيل الحلقات فى فترة 6 ايام متتالية ... وكل 3 حلقات بى غيار ..... ولو كان كل حلقه بى غيار قطع شك كان تعرفنا عليك ياممكونه .. وممكونه من شنو لاننا كان لفينا السودان كلو ندق الابواب نشحد غيارات للجلسة
الله يحلك بالسلامه
اكرر شكرى
اخوك عاصم البنا
مسقط فى تاريخه
رفعت الجلسه
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
Quote: شكرا ياممكونه على الاطراء .... لكن شكلك ممكونه وصابره .... على فكره نسيت ان اعقب على سؤال ملاسى عن الهدوم .. فى الواقع تم تسجيل الحلقات فى فترة 6 ايام متتالية ... وكل 3 حلقات بى غيار ..... ولو كان كل حلقه بى غيار قطع شك كان تعرفنا عليك ياممكونه .. وممكونه من شنو لاننا كان لفينا السودان كلو ندق الابواب نشحد غيارات للجلسة
الله يحلك بالسلامه
اكرر شكرى
اخوك عاصم البنا
مسقط فى تاريخه
رفعت الجلسه |
عاصم البنا شخشياً ....ما111ا1ا بصدقكم (( على طريقة عصام محمد نور )) .
يا للسعادة و يا للهناء..
صحٌيت الممكون من النوم و صرخت في وشو بالخبر..قال لي..
ستين مرة قلت ليك رمضان ده وكت ما بتقدري عليهو..أفطري!!
ودي و تقديري الشديد لروحك الرياضية و يا ريت يا عاصم تكلمنا زيادة عن ماذا تقصد بوجه الشبه بين سميرة دنيا..و أسرار بابكر.
ممنووووووونة و شاكرة.
---------
يدي في قلبي من غيار الليلة..!!!
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
عارف يا محمد المرتضى..في كل تلفزيونات العالم..هنالك stylist ..يحدد للممثلين و المذيعين طريقة لبسهم و يساعدهم في إنتقاء المناسب من الأزياء.
مشكلتنا ك سودانيين إنو ال stylist حقنا زاااتو محتاج ل stylist ..!!
قد يبدو الموضوع ده تافه و سطحي للكثيرين لكننا أصبحنا في عصر الصورة و المنظر العام..و قد فُتحت عدة بوستات تناقش كيف أن المظهر قد يتفوق على أعلى الشهادات في مسألة التوظيف.و كيف أننا ك سودانيين لا نعرف كيف نسٌوق أنفسنا..
we don't know how to sell ourselves ..
أي ممثل أو فنان ينادوه للتلفزيون..أو أي زول عندو interview ...يفتح حقيبة ذكرياتو و يطلع بدلة عرسو و أحياناً بدلة تخريجو من الروضة .....أو يلبس بدلة أخوهو الكبير مع قميص ود جيرانهم و كرفتة خالو....مع إنو في الإمكان الظهور بقميص بسيط و بنطلون أبسط..أو الظهور بجلابية نضيفة و عِمٌة..
يا جماعة...
المظهر البسيط..جذٌاب..
و المظهر المبالغ فيهو ...منٌفر.
بس خلاص!!!
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
| Quote: بالله مش فاجعة أن يتم ادخال نوافذ ألمنيوم مزججه باللون الأزرق على مباني شارع النيل وهي من المباني التاريخية المنشأه على الcolonial style ؟ |
في انتظار جرعة اليوم من البرنامج اردت ان اعلق علي ما اتي به المرتضي والذي اقتبسته اعلاه:
لسوء حظي واكب اهتمامي بعمارة وتصميم يطلق عليه Adaptive Reuse حيث يعاد استعمال وحدات معمارية قديمة وتقليدية (شبابيك - ابواب ..الخ) ومباني شيدت لاغراض اخري في عمارة جديدة ان علمت باستباحة معمار القصر الجمهوري وتشوويهه بمواد لا تناسب كانت فاجعة وعندها كنت اسافر الهند ابحث عن تلك الوحدات القديمة واتي بالقديم وادخله متناسقا مع جديد فيعود ماضي عمارة سابقة صار العالم مهتم بها كاهتمام الناس بطراز لاثاث من عصور ملوك واباطرة في زمان قديم.. ما شاقني حينئذ هو جهل من استباح مبني القصر بالمفردات الجمالية لعمارة القصر فتراي له ان شبابيك الالمنيوم هي التي ستاتي له بحضارة وجديد فتشويه القديم ولم ياتي الجديد
| |
|
|
|
|
|
|
|
|
|
Re: أبو الكلام (Re: mamkouna)
|
انشاء الله ما يجى على يوم واتمكين(بكسر الكاف) منكم ... والله انت لا ممكونه ولا حاجه انت ماكنه عصام واقعة بيهو الخور عديييييييييييل كده ... والله يستر من الفنيله
طوالى بديت استرجع ماذا لبست لبقيى الحلقات اكثر من ماذا قلت والله ماوقعنى فى يدكم انت ومحمد المرتضى..
الحقنا يا ملاسى ... اها كلامك جاب الكلام ابو كلام زدوهو حبه جابوهو ليك..
عاصم
مسقط والليله اخر يوم حا اشتاق ليكم كلكم يا شمارين والمفارق عينو قويه بكتح الناس بالتراب
لكنى شايلكم معاى فى اعماق تحمل لكم اطيب الامنيات واصدقا بالخير للجميع
مع شكرى لضيافتكم
رفعت الجلسه
فى تاريخه
| |
|
|
|
|
|
|
|
|
|
Re: أبو الكلام (Re: محمد المرتضى حامد)
|
Quote: رفعت الجلسه
فى تاريخه |
ياخي كتح تراب ولايهمك طالما انت فنان شديد كدة .. الليلة ياهو لحقت حلقة ولقيتك لابس ابيض في ابيض واخر السطة وعرفت ليه انت البترفع الجلسات كل يوم ومعاك المدعي العام (المرتضي)...
تصوم وتفطر بالسلامة ولتاريخه ...
مودتي
ابوبكر
| |
|
|
|
|
|
|
|
|
 Re: حقيقي ياممكونة (Re: Hussein Mallasi)
|
بعيد عن البدلة والكرسي (المشخت)
عصام محمد نور صوت مرتاح ومريح جدا
ومليون مسا عليك يا زول يافنان
وسلامات تاني عاصم وسلام لأحمد وامو كمان
شفت كيف يامارب
| |
|
|
|
|
|
|
|
|
|
Re: حقيقي ياممكونة (Re: ملكة سبأ)
|
أمتن قوافى واخصبا لى مدحو مافى مناسبا
ملك الملوك الفى سبا
شكرا ياصاحبة الجلاله واحمد وامو بسلمو عليك بالشوالات
صدقتى فى كلامك عن عصام محمد نور
كدى امشى افك ليك مكنتو من ممكونه
| |
|
|
|
|
|
|
|
|
|
التقرير اليومي. (Re: محمد المرتضى حامد)
|
* أبدعت يا (( عاصم كرومة )) و أنت تشدو مع (( جمال شمبات )).
عمل رائع و قمة في التطريب.
* لا يفوتني أن أُشيد بالأناقة و البساطة و التناسق الجميل و المُريح لكلٍ (( غيارات )) أسرار و نسرين.
(( ما دايرة أجيب سيرة (( كرفتة )) فرفور عشان ما تقولو على نبٌاشة و شنٌافة!))
* كادت لتقوم شكلة بين (( نادر خضر )) و (( فرفور )) في حسابات و مسائل مادية..تمٌ إحتواء الموقف..بقطع اللقطة!!!!
* أصبحت حلقات (( أغاني و أغاني )) جزء لا يتجزأ من برنامج أي اسرة سودانية..ما عارفة ح نعمل شنو بعد نهاية الحلقات!!!
تحياتي لأم أحمد يا عاصم...من..another أم أحمد..!
أتمنى ليك التوفيق في محطتك الجاية.
و...
شكراً ليكم يا عاصم و مرتضى على حُسن متابعتكم و على ردودكم خفيفة الظل.
| |
|
|
|
|
|
|
|
|
|
Re: حقيقي ياممكونة (Re: ملكة سبأ)
|
أمتن قوافى واخصبا لى مدحو مافى مناسبا
ملك الملوك الفى سبا
شكرا ياصاحبة الجلاله واحمد وامو بسلمو عليك بالشوالات
صدقتى فى كلامك عن عصام محمد نور
كدى امشى افك ليك مكنتو من ممكونه
عاصم
| |
|
|
|
|
|
|
|
|
|
Re: حقيقي ياممكونة (Re: ملكة سبأ)
|
أوافقك تمااااااماً يا ملكتنا...
عصام محمد نور صوت دافيء و مريح..سلس و عذب..
و أنا حسي مشغلة ال سي دي بتاع (( عبقرية الكاشف )) و مُحلقة في آفاق جميلة.
تقديري و إعجابي و إحترامي الشديد للفنان الأصيل عصام محمد نور
و أرجو ألا تٌفسد (( البدلة ))... للود قضية..!!
| |
|
|
|
|
|
|
|
|
|
Re: حقيقي ياممكونة (Re: mamkouna)
|
| Quote: شكراً ليكم يا عاصم و مرتضى على حُسن متابعتكم و على ردودكم خفيفة الظل. |
العفو..
عاصم أمبارح ظبط حفله لناس مسقط مامنظور مثيله وغادر هذا الصباح الى الخرطوم الجميله على وعد بالمتابعه من هناك بالأيميل وسأنشر مداخلاته لمن يهمه/ا الأمر وسجن سجن غرامه غرامه. طبعا القاضي (أم أحمد).
الجميل في حفلة مسقط انو فيها عاصم براهو بدون مذيعات وختف كلام وهدوم مشخّته وبالتالي جاءت خالية من الحاجات البتنشن حسين وضيوفه هنا.
| |
|
|
|
|
|
|
|
|
 Re: ولا شنو ؟ (Re: ملكة سبأ)
|
شكرا لكم وانتم تنقلون لنا نحن المكتوب علينا الغربة جمال الفن
واغاني الابداع و اغاني الحوار.
التقيت بالسر قدور عدة مرات في مباني صحيفة الخرطوم واستاذ السر متمكن وله قراءة للطرب و اللحن عميقة ومختلفة!.
حقا انه نسيج وحدة وواصلوا..... معكم.
| |
|
|
|
|
|
|
|
|
|
ما محبة إلا بعد عداوة..!! (Re: ملكة سبأ)
|
الصورة دي فيها تناغم تام مافي إتنين تلاتة يا ملكَة..
لكن (( الشكلة)) الأنا بتكلم عنها كانت في حلقة تانية..
حتى بالأمارة فرفور كان لابس بدلة و كرفتة و جنبو عاصم لابس عمٌة و جلابية.
و كان ما مصدقاني...أسألي محمد المرتضى!
| |
|
|
|
|
|
|
|
|
|
Re: أبو الكلام (Re: دينا خالد)
|
من نعم الإله على العباد انو دينا خالد
لا يتوفر لها الانترنت خلال الاسبوع إلا في
الفترة التي تسبق - و تلي - الإفطار مباشرة!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ممكونة وملكة سبأ..(السر قدور)
ملاسي..(بت سوركتي) مع فرق السماحة ..
بسبب البرنامج ده اخوي عمل لي اشتراك ورسله لي
من الدمام(مسافة اربعة ساعات بالقطر) ..وكل يوم بدي البواب
بتاع العمارة السيد خان 5 ريال سعودي عشان يظبط الطبق..
لغاية ما بقيت اظن( وإن بعض الظن اثم) انه هو ذاته البيلخبته..
ده كله عشان الزول يستعدل مزاجه لليوم التاني..
وعشان امي تعاين لعاصم البنا وتقول: سماحة الجنيات لحدهن
دي امي والله ما انا..
| |
|
|
|
|
|
|
|
|
|
Re: أبو الكلام (Re: رشا سالم)
|
شريكاتي و شركائي في هذا البوست؛ أتمنى ألا تلقوا بالاً لمداخلة دينا؛
نحن في الشدة بأس يتجلى ... موقفنا كان – و سيظل – معاً ضد التهميش.
_____
سنفشل – معاً - كل مخططات
تفتيت جبهة البوست الداخلية!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
Quote: شريكاتي و شركائي في هذا البوست؛ أتمنى ألا تلقوا بالاً لمداخلة دينا؛
نحن في الشدة بأس يتجلى ... موقفنا كان – و سيظل – معاً ضد التهميش.
_____
سنفشل – معاً - كل مخططات
تفتيت جبهة البوست الداخلية! |
تهليل..!!
| |
|
|
|
|
|
|
| |
Hussein Mallasi
انعام عبد الحفيظ
omar ali
عاطف محمد أحمد زكريا
نيازي مصطفى
lana mahdi
معتصم مصطفي الجبلابي
خالد
محمد المرتضى حامد
mamkouna
Waly Eldin Elfakey
ملكة سبأ
صباح احمد
osly2
abubakr
Sidig Rahama Elnour
شهاب الفاتح عثمان
دينا خالد
رشا سالم
فيس بوك
تويتر
انستقرام
يوتيوب
بنتيريست