|
|
|
 Re: أبو الكلام (Re: Hussein Mallasi)
|
| Quote: فقد نال عاصم نصيبه من التسكيت |
غايتو بايخ بوخ
( اقصد قدور)
ولمن (قطّم) نسرين ( ياخي ماتقاطعيني) انا زعلت ليها
والغريبة بعد اقل من نص دقيقة تاااني قاطعتو
اها ياممكونة بركة الحلقة الفاتتك عشان المرة دي قال ليها: ( ياخي ما تركزي)
وأجابت بنفس الإبتسامة .. وكان مصرانك حا ينفجر 
يتخيل لي فرفور (هجس) خوفا من لدغات قدور دي
والله ياشباب النيل الأزرق حاتوحشونا
| |
 
|
|
|
|
|
|
|
|
Re: أبو الكلام (Re: ملكة سبأ)
|
ترى لو تمت استضافتة السر قدور في التلفزيون المصري كان
حيقدر يقطم المذيعة بالطريقة دي ( منى الشاذلي مثلاً  )
خليك من منى الشاذلي؛ لو كانت مقدمة البرنامج عفاف حسن امين؛
كان حيقدر يتفسح كدا!!
_____
بالله يا حسن فضل المولى المرة الجاية جيبوا
ليهو عفاف حسن امين عشان يعرف حاجة!!
| |
|
|
|
|
|
|
|
|
|
Re: أبو الكلام (Re: abubakr)
|
Quote: | Quote: جيبوا ليهو عفاف حسن امين عشان يعرف حاجة!! |
دي منو كمان دي؟ |
الجهل بالشيء خير من العلم به!!
| |
|
|
|
|
|
|
|
|
 Re: أبو الكلام (Re: Hussein Mallasi)
|
اجارك الله من (طولة بالها) يا محمد المرتضي
فعلا كان (كجك كجك) اتنفضت قامت خلت ليكم السر قدور في محلو داك
زي حركتها مع (بتاعة) اتحاد المرأة ، لكن كانت بتكون بالجد جد
| |
|
|
|
|
|
|
|
|
|
Re: أبو الكلام (Re: ملكة سبأ)
|
| Quote: يا حسين ما سمعت ب "بوسي شلبي " |
سمعت بها يا أبو بكر و بمنة شلبي؛
فهي ذرية بعضها من بعض* و لا قبل للسر قدور بمقاطعتهم.
____
* التعبير مستلف من جني.
| |
|
|
|
|
|
|
|
|
|
أم الكلام.. (Re: Hussein Mallasi)
|
فاتتني حلقة الأمس ف...
* كتب ملاسي سبعة مداخلات دسمة..
* كتب الزووول تقرير و لا أجمل..
----------------------------------------
الظاهر الليلة لازم أفطر بره برضو...!!!
| |
|
|
|
|
|
|
|
|
|
Re: أم الكلام.. (Re: mamkouna)
|
| Quote: الظاهر الليلة لازم أفطر بره برضو...!!! |
ده انا طلعت أي كلام... تتصوري ياممكونه أنا عمري ده كلو قايلك بتحضري الحلقات دي شان الغنا.
| |
|
|
|
|
|
|
|
|
|
Re: أم الكلام.. (Re: محمد المرتضى حامد)
|
أم الكلام الواردة في عنوان مداخلة ممكونة الأخيرة ذكرتني بأم النصر؛
فقد قال الأستاذ غازي سليمان مفاخراً؛ ان ابنته تحلف بالطلاق!!
_____
جاء ذلك في اللقاء الذي أجرته معه
عفاف حسن لقناة النيل الأزرق.
| |
|
|
|
|
|
|
|
|
|
Re: أبو الكلام (Re: tmbis)
|
اللهم اني صائم يا تمبس
ولولا الصيام كان كلامي معاك تاني
التسجيل طبعا مش مبالغة الهينة دي
دا كلام بجرح يوم الصايم من شدة الطرب والمتعة الفيهو
تسلم يا راقي
بس اللينك وين؟؟؟؟؟؟؟؟؟؟
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ياعزيزي تمبس
| Quote: .. كان ده التسجيل التحتاني دهـ .. تكونوا بالغتوا عديل .. حالتي عامل بيهــو نايم .. لكن ما خسارة فيكم ... اضغطو .. مع الرأفة .. |
ذاتوووو !! وكثير جمعتهم في ثمانية ملفات من اتنين سي دي .. .. انا تحصلت عليها من اخوي بحكم انو من طرف النادي او لجنة النادي ..
مودتي
ابوبكر
| |
|
|
|
|
|
|
|
|
 Re: أبو الكلام (Re: abubakr)
|
استاذنـــا ابو بكر ..
الله .. عتقك غايتو ، لانو كان ممكن اتصلبط فيك عادي وأقول ليك رسل لي المجموعة دي ..
لكن أخونــا ( إدريس الخليفة علم الهدى ) .. ما قصر .. نفس السيديهين بامكانية تسجيل عالية التقنية .. ودي راس مال عديل كده ..
بس ياريت لو تركز لي على أغنية ( منــال المعاني الطيبة .. فيك روح .. وألف روح وانت روحك طيبة ).. اسمع بلاي الشباب ديل ( جرسوها ) كيف ..؟
| |
|
|
|
|
|
|
|
|
 ما عافية منك يا تمبس.. (Re: Hussein Mallasi)
|
كان ما نزٌلت لنك الحفظ...!!
-----------------------------------------------
مسوا نوركم..
مسوا نوركم..و...شوفوا الجبينها صباح....
الصباح إن لاح.... لا فايدة في الإصباح
هل أتاكَ حديثَ الكوكب النضٌاح
قمره تمطر خُمره وحارسها الفضٌاح
إن تحيجنا محاسن الشمس للإيضاح
مابتحيجنا محاسن.. محيها الوضٌاح
القوام اللادن... الأريج الفاح
من جسيمها الناعم الأثمر التفاح
أدرى أو لا أدري صرت كاللمتاح
لو رضاكِ هلاكي.. أنا للهلاك أرتاح
ياليالي أحبابي.. ماشفيتي جِراح
بل شفيتي فؤادي بمدية الجرٌاح
صرت أتلو حديثِك في الوجود بصراح
لو تليتبو كتابي.. سُميت بالشرٌاح
ننظر الأيات في النور على الألواح
المعاني الحُرة ومُنية الأرواح
في العيون المرٌ.. السحر لاواح
يجذب الألباب أو يُفرح النُوٌاح
ياليالي أحبابي ما شفيتي جراح
بل شفيتي فؤادي بمدية الجراح
أدرى أو لا أدري صِرت كاللمتاح
لو رضاكِ هلاكي أنا للهلاك أرتاح
ماجنيت في هواكِ.. وماعليٌ جُناح
إشتكيت للقمري ولم يعيرني جَناح
يكفيك لساني الغنى ليك وليك كم ناح
لو رثيتبو حياتي ما إحتجت لي منٌاح.
و الله أعلم..!!!
| |
|
|
|
|
|
|
|
|
|
Re: ما عافية منك يا تمبس.. (Re: mamkouna)
|
السلام عليكم
ممكونة
شايفك زغت من التقرير اليومي
مع انك ما فاطرة بره
والدليل سوسن
المهم...
حلقة امبارح
كانت حلقة جبانة عديل كده
16:30 دقيقة بس
كانت في مجملها عن الرقابة الفنية والمراقب الصارم الشاعر ابراهيم العبادي
اللقطة الأبرز هي وصول الإستفزاز لمداه لأختنا نسرين المسكينة
وذلك عندما حاولت المسكينة اقتراح الإستماع لمقطع
فنهرها قائلاً خليني اوريك السبب يا سوسن
ولقطة أخرى
الغياب الكامل ل( زميلنا الجديد ) ونادر خضر
ولولا انهم رقصوا جلوساً وختوهو قرض في اغنية الجابري الجميلة بأداء عصام محمد نور
لما شعرنا بوجودهم
ولأن اسرار ما رقصت ( وما ينبغي لها)
فدلوقت انا بتذكر يا ربي كانت موجودة؟
هاكم آخر الحلقة وأغنية الجابري الجميلة التي مُنعت من التسجيل بسبب أداء الجابري (الهابط) لها
الرابط
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: ما عافية منك يا تمبس.. (Re: الزوول)
|
| Quote: بس ياريت لو تركز لي على أغنية ( منــال المعاني الطيبة .. فيك روح .. وألف روح وانت روحك طيبة ).. |
انا دووم مركز عشان افهم النضمي فالحاجز اللغوي مازال معشعشا في الداخل ..يعني لحد ما افتح المعجم الرطانة-عربي التلقائي بعض الكلمات بتروح فاعمل ري وايند ومرات فور ورد ...
ولذا انا ممتن لممكونة التي مكنتي من "مسو نوركم " فانا كنت شغال ريوايند فوور ورد في الاغنية دية لحد السحور ولحد ما نجدتني ..
وتحياتي لمراسل البوست الغنائي المهني جدا في نقله لاحداث البرنامج
مودتي
ابوبكر
| |
|
|
|
|
|
|
|
|
|
Re: كهربتنا كانت شاربة القهوة برة (Re: ملكة سبأ)
|
البوست ماخد من حلاوة البرنامج
قدر ما قلت اتابع البرنامج بفشل
والسبب الفطور البرة البيت
بس لو ممكن لو في زول سجل الحلقات ينزلها لينا
ممكونة
ملاسي
ملكة سباء
ابوبكر
الزووول
تمبس
و
عاصم البنا
تحياتي
احمد
| |
|
|
|
|
|
|
|
|
 نسرين الجنازة.. (Re: الزوول)
|
Quote: حلقة امبارح
كانت حلقة جبانة عديل كده
16:30 دقيقة بس |
و الله يا الزووول أول ما السر قدور حكى نكتة الفنان الأبو يجيزوا ليهو أغنيته عشان الكورس أو الشيالين ما أربعة..
قام قال ليهم ..الشايلينها أربعة دي.. غُنية و لا جنازة..!!
و...
نطٌت نسرين قالت ليهو...وأجازوا الأغنية؟؟!
..
.. بطني طمٌت و حِرِدتَ التقرير..!!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
بالرغم من جمال البرنامج وقيمة السرد الفيهو
لكن اتخيل لي البرنامج ناقص حاجة
اتخيل لي ناقص ليهو زول كبير تاني يكون حاضر مع عمك (ابوكلام)
عشان السرد يبقي ون تو بحيث تبعد المشاهد من اطار المحاضرة الفنية
وممكن الزول دا يكون مثلا الفنان مبارك حسن بركات او من في جيله
ولا ما كدا؟؟؟
| |
|
|
|
|
|
|
|
|
|
Re: أبو الكلام (Re: abubakr)
|
السلام عليكم
ممكونة
Quote: و الله يا الزووول أول ما السر قدور حكى نكتة الفنان الأبو يجيزوا ليهو أغنيته عشان الكورس أو الشيالين ما أربعة..
قام قال ليهم ..الشايلينها أربعة دي.. غُنية و لا جنازة..!!
و...
نطٌت نسرين قالت ليهو...وأجازوا الأغنية؟؟ |
ذكرتني بنكتة اخونا الذكي
لما جاء لقى الناس في البحر
سألهم : مالكم يا أخوانا؟
قالوا ليه : عندنا واحد غرق هنا ليهو تلاتة ايام
فكر كده وقال لهم : تلاتة ايام ؟؟؟ ياخوانا ده يكون مات
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: أبو الكلام (Re: Hussein Mallasi)
|
طبعا يا اخوانا الليله اخدته لى ضحكه من النوع ابو بكية فيكم .... عاملين زى الزول الداير يشترى حاجه وقروشه ناقصة يشيلا بى جاى ويجيبا بى جاى وبرضو ما تلفق معاهو وتانى يبدا..... فضل لى نسرين معاكم اقل من اسبوع .... حقو تشوفو الجميل عندها شنو... ؟ معقول زول يتحمل جنس الكلام ده مايكون زول جميل ؟؟؟ يا ملاسى البوست ده من اول يوم فى العيد تقلب اسمو يبقى (على صدى الذكرى) ... يا زول فتحوا لينا فى الحلقة قلنا نترتر لى ورا امكن يحسوا بينا (صبر جايك عثمان الشفيع ... امانا ما يترتر ابو الكلام زااااتو) ... يامرتضى يعنى انت شركتنى فى المحلة دى عشان تتخارج منى ولا كيف يعنى فاتح لينا كده .... (لوغات) .. ملكة سبا بالله دى حركات ملوك دى والله طلعتى ايى كلام ياجداع ..... يازول وينو الرابط انت رابط شنو ... خاتى لينا نوقط نوقط .. ديل قطره فى عين ممكونه ولا شنو؟
بس خلاص ...
للمنشور اكثر من زاوية والجمال لاينتظر .... ابحث عن فضولى بدلا عن ام النصر ....
ياناس بره عناء النادى الامريكى السنه دى شديد جدا معاكم عمك محمدية وزوربا واحمد المك بدون بسمات .. وعوض احمودى .... لما يجيبوا لى النسخة حقتى تشوفوا كيف بعدين ... الجديد شديد ...
رفعت الجلسة
من الليلة ممنوع الفطور بره
| |
|
|
|
|
|
|
|
|
|
Re: أبو الكلام (Re: ASIM AL BANNA)
|
السلام عليكم
| Quote: يازول وينو الرابط انت رابط شنو ... خاتى لينا نوقط نوقط .. ديل قطره فى عين ممكونه ولا شنو؟ |
زميلنا الجديد
فاقدنك
سوري يا جماعة
سيرفر بكري رفض يحمّل الملف
فحملناهو سيرفر حب النيل
http://upload.nilelove.org/BN2.wmv
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
أتعب عيوني..طول السهر... (Re: الزوول)
|
يا سلااااااااااااااااام عليك يا الزووول..
قطرَتَك ..فيها الشفاء..!!
---------------------------------------
طمع شديد:-
لو نزٌلت لينا (( الملامة )) ..تكون بالغتَ..!!
| |
|
|
|
|
|
|
|
|
|
Re: أبو الكلام (Re: ASIM AL BANNA)
|
| Quote: ملكة سبا بالله دى حركات ملوك دى |
تلقاك هسي تقول هي نسرين براها ؟!
بالمناسبة ياعاصم انت امس كنت نعسان صاح؟
هي الساعة كانت ثلاثة متين؟
وثم الجمال سيد الموقف هنا ، هو الأصل
يعني ما ممكن الناس دي تجي كل يوم تعيد منتهى الجمال .. قمة الروعة، فكان لازم يكون في موضوع خفيف الناس تكون بيه حولكم
كفاية دليل انه الناس بطلت تفطر بره
وحقيقي حاتوحشونا ياشباب النيل الأزرق وجلستكم كلها كدا على بعضها ...
| |
|
|
|
|
|
|
|
|
|
Re: أبو الكلام (Re: abubakr)
|
| Quote: (( سوسن )) دي منو..؟؟؟!! |
تعرفي يا ممكونة .. زمان كان في حركة كدا؛
و أظن السر قدور لسه رابط فيها؛
فسوسن مثلها مثل عوض و عوضية و بركة.
____
عندما يطبز خالي الذهن كان محدثه يعاجله متهكماً:
- دقيقة يا عوض!
- دا شنو يا بركة!!
.... الخ
| |
|
|
|
|
|
|
|
|
|
Re: أبو الكلام (Re: Hussein Mallasi)
|
صراحة حلقة امبارح كانت تمام و اجمل مافيها دخلات عاصم البنا البتأكد تماما تمكنه من اداء اغنيات الحقيبة يعنى بديك احساس انو شرابها شراب .. نسرين غايتو مسكينة مستحملة ابو الكلام و بتحاول تبلع احراجاته... تغيظ عاملها وشها السمح شديد داك ... خدشه واحده مافيه ..( كلام واحده حاسده مش كده ) بس لو ورتنى بتستعمل كريم شنو؟؟؟
| |
|
|
|
|
|
|
|
|
|
Re: أبو الكلام (Re: Hussein Mallasi)
|
علوية جمالات (دي على وزن سوسن يا سحس)
Quote: من الأغاني التى تربعت في المركز الأول لفترة طويلة..رائعة عثمان الشفيع (( الملامة )).
تألق فيها زميلنا الجديد و غناها بكل إمتاع وإستمتاع .. |
ياخ والله هضمتي حقوق فرفور وعصام ..
عاصم دخل في الزمن الضايع للأغنية والظاهر انو عاصم يحفظ المقاطع الاخيرة من الاغنية اكتر من البداية عشان كده اجاد في هذه الجزئية واداها بي صورة جميلة جداً ..
اسرار بابكر اثبتت انها في وادي والاغاني القديمة في وادي اخر وادتني إحساس إنها النوع البيحفظ اغاني نحتاج لترديدها في الجلسات والحدائق والبينشات فللأسف اسرار في هذه الاغنية إكتفت فقط بترديد ( يا روحي) .. ( يا حبيبي).. لحدي ما الاغنية انتهت ..
واسرار في معظم الحلقات كانت تسجل غياب شبه تام (ده ما بينفي انو صوتها جميل طبعاً)..
عاصم البنا (الشُرّاب) بتاعو كان شديد شدة السنين بُنّي شفاف وطلع ما زوقو ما زي زوق معظم السودانيين اللي عندهم غرام مع (الشُرّاب) اللونو أبيض !!!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
| Quote: نطٌت نسرين قالت ليهو...وأجازوا الأغنية؟؟ |
| Quote: عاصم البنا (الشُرّاب) بتاعو كان شديد شدة السنين بُنّي شفاف |
حكمة الله انتو زيكم نحن بكان ما شغال- نعمر مدن فيها بنايات كثيرة- محتاجيين ليهم لقدرتكن الفائقة في التقاط كل شاردة وواردة بنسميها اسناقنقن snagging يعني الواحد منا هنا عندو كام مئة بناية عايز يسلمها لا صحابهافي يوم واحد لكن بعد ما نجيب جماعة يطلعو لينا كل غلطة صغيرونة نصلحها اول ...انا كنت قايل ناس المعاشات او القربو المعاشات زي دييل في الغربة - وما في معاش بكان شغلنا-هم بتخيلو نفسهم قاعدين في راكوبة او "توقو -دي رطانة" ما يخلو واحد (ه) يمر قدامم الا وهات يا اسناقنقن ...
لكن اقول ليكم انتو كدة مع البرنامج حاجة رهيبة اعطيتوه البعد الرابع ( هي الثالث وانا رقيتها للرابع عشانكم ) يديكم العافية
عموما بحكم السن انا مع الشيبة السر قدور وياريت لو سلمو " س د تي في" - المغسة دي - عشان يحكي لينا ويغني لينا ويفرفشنا ويخلي زولنا ودالبنايصدح وما همانا الشرابات مدام فيها خد وهات مع عصام وفرفور .ولازم وجودكم ضروري..
مودتي
ابوبكر
| |
|
|
|
|
|
|
|
|
|
Re: أبو الكلام (Re: Hussein Mallasi)
|
و الله يا ابوبكر خليتنى اتخيل نفسى قاعدة فى التوقو يعنى مرقت من البولو و قعدت فى التوقو ( انشاء الله البولو دى تكون وقعت ليك) .... رغم الشرابات و البدل الكاروهات و المطرزة و صرة وش اسرار و سكوت نادر خضر لكن حقيقة برنامج مميز جدا حتى الخرمجة الفيهو مميزة و يا حليلهم خلاص قربو تانى شوفو ليكم شمار غيرهم و يا ممكونهامن ناحية الشمار الحار انتى اكثر واحدة حتتأثرى ...لكن ما عندك عوجة فى تغطية الحدث بضبانتو مفصلة على ناس السى ان ان زى ما قالوا اختصار لجملة سنوافيكم بالاخبار ( الشمار)نتشه نتشه ....
| |
|
|
|
|
|
|
|
|
|
Re: أبو الكلام (Re: Manar Mahsoub)
|
يا قريبتي سلام
| Quote: ( انشاء الله البولو دى تكون وقعت ليك) |
اهلي وقرايبي ما عرفيين علاقتي بالبولو اتتي نقرتيها من وين .. انا بعد ما خلست وسلمت اخر نادي للفروسية والبولو السنة الماضية- وطلع احسنهم في المنطقة يعني زي غني المسابقات امبارح بس من غير هت باريد- قررت مطلقا وتحت اي ظرف التعامل مع ام اربع واربعيين وكل الخيول كيتا في راكبي الخيول واصحابها الذين لا يعجبهم العجب وكل واحد فاكر نفسو فارس زمانو ... قررت ان امسح من الس في بتاعي شغل عشريين سنة و اشوف لي نادي للديوك او اشتغل مذيع ربط مع صاحبي السر قدور واكاوي ناس ممكونة وملاسي وتمبس وانت كمان عشان ما تلقو ليكم فرقة للشمار
مودتي
ابوبكر
| |
|
|
|
|
|
|
|
|
|
Re: أبو الكلام (Re: abubakr)
|
سلامات يا عصمت؛
يا ريت ياخي لو كان عندكم طريقة للنيل الأزرق ؛
لانو مرات بتكون عندهم اشراقات تمام.
_____
كل سنة و انت طيب.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
بلاي ده كلام ده !
انا بشوف البوست ده طوالي ، قلت ملاسي عندو الامور مع الصادق المهدي ،
فلم تحدثتني نفسي بالجهاد ...
اها فجاءةً قلت كدي النشوف البوست دي مالو مُهجج كده ،
القاكم مهججين " أغاني وأغاني " صورة وصوت ومعاكم الود بتاع
الحقيبة زاتو"علي قولة اسماء عمتي " ...
...
والله يا ملاسي عملتها واضحة ، كان تعزمونا ...
...
غايتو انا البرنامج ده اكتر حاجة مريحاني فيهو "بعد عصام محمد نور"
معرض الازياء الحبشية والجلابية والملفحة ام توب ديك ، ...
...
...
| |
|
|
|
|
|
|
|
|
|
Re: أبو الكلام (Re: Ibrahim Algrefwi)
|
| Quote: معرض الازياء الحبشية والجلابية والملفحة ام توب ديك ، ... |
كلها من "البيئة " ومن القارة ذاتهأ يعني ما يجو ناس يقولو ما من البيئة ؟
ياجريفاوي ليه همشت الما بتهمش السر قدور ؟ ..دة المهم .. اهو راسي حجر .. ماني بربري يعني لو اشعلقت في حاجة موت موت عديل ...؟؟ نضمي الشواب وسلطنة السر دي عاجبنبي آووي ....؟؟
في انتظار حلقة اليوم ...
مودتي
ابوبكر
| |
|
|
|
|
|
|
|
|
|
الزووووووووول السمح..الفات الكُبار و القدرو.. (Re: الزوول)
|
عااااااااااااااجزة عن الشُكر..
ياخي دي أجمل عيدية..
لكن...
حالة الطمع لسه مستمرة..
دايرين (( يا رشا يا كحيل )) عشان خاطر أم رشا. !!
و دايرين (( جاني طيفو طايف )) عشان بعد القطرة , العيون تبقى قذايف !!
و دايرين (( لمٌا ترجع بالسلامة )) عشان أهلنا و أحبابنا المتغربين يتشجعوا و يعٌيدوا معانا..
!!
أهأأأأأأأ..
نعمل شنو..؟؟!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
ملاسي ..
الليلة فاتك عاصم البنا في النادي العائلي !!
غايتو كان يوم ملان جداً . كمية من الفنانين الشباب (والغير الشباب) زايد شعراء زايد ملحنين زايد فرق كوميدية والاهم من دا كلو حضور عوض أحمودي !!
عاصم أبدع والله في غنية (أسمعنا مرة) والاجمل غناها معاهو عبد اللطيف الحاوي الملحن وغايتو كان يوم روعة ، انا شخصياً سعدت والله بالتعرف على ود البنا عن قرب ..
صنفرة :
العافية حسن ... صوت جميل .. ربنا يحفظا ويقويها !!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
الحمد لله الحمد لله الف مره بقت على الشراب .... يا شفافين
شكله الكلام بقى ابو كلام ودخل الحوش ... وزميلكم والله والجديد ما قايل كده
ياممكونه جايكم بى غادى ... جهزى القطره ... شوية مناديل
الناس تتباكى والدموع تتقطر ... وانا الملامه على بس كانت ماكناننى من الاول ماحبيت اتحشر خايف من الاحراج استاذ السر زولى وبعرفو ... لمن شوية تحانيس كده اتفشيت ... تعرفى حفظ ملامه ده زى دوها يادوها ... بس جات من الله كده
موسى ود نفاش رحمه الله جوهو ناس ابو العلا عشان يوزع ليهم صدقة جمب جامع امدرمان الكبير ... شال شوالات البلح مشى بى الكارو قدام المسجد .. اتلموا فيهو المساكين هيجه شديده ... قاليهم اقيفوا اقيفوا .. دايرين اوزعا ليكم توزيع رب العالمين ولا توزيع ود نفاش .؟ قالوا ليهو توزيع رب العالمين ... نادى الاول اداهو تمرتين نادى التانى اداهو شوال نادى التالت قاليهو شيل الشولات كلها ... الجماعة قالوا ليهو ده شنو ياود نفاش .. قاليهم هو قاعد يدى كده فيكم زول سالوا ليه؟
الله يجيب العيد ياملاسى لومك على كان ما تشتاقوا لى ابو الكلام لما تتكلموا براكم
عشان بنفعل ليكم ... ليق ليقلق
بالمناسبة انتو لسه فى خط 18 ... الجاى .. ولا مافى داعى
يا ملاسى بكره الثلاثاء فى منتدى الخرطوم جنوب وانا العازمك رمضان كمل وفترتنا ... امرق انت لابد وين
| |
|
|
|
|
|
|
|
|
|
Re: أحمد المك (Re: ASIM AL BANNA)
|
السلام عليكم
أحمد المك
حسن عطية خالو لَزمْ ...مافي اعتراض
لعب في المريخ مع كمال عبد الوهاب... مافي مانع
عَزّاف في العود ... ما قلنا غلط
مبتسم دائماً مما يذيدو وسامة ..كلام صحيح
لكن..
عايز أعرف دورو شنو
الليلة 24 يوم ولغاية هسه ما سمعت صوت العود مع انو كانت هناك فرص كتيرة للنقرشة والتجلي
يكون خايف يا ربي؟؟؟
حليلك يا عوض أحمودي
اتخيلو كان في مكانو
كان الموقف حا يكون كيف في الأمم المتحدة؟؟؟
توزيع البسمات يمين وشمال ...ما كفاية
أصحى ...يا بريش
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
 داير تظهر..ألبس أصفر..!! (Re: Hussein Mallasi)
|
أعزائي المشاهدين..
طبتم مساءاً و عمتم صباحاً..
* دار النقاش في جلسة اليوم عن الثنائيات في الغناء السوداني ك أولادة الموردة..أولاد شمبات ..ثنائي النغم..ثنائي العاصمة..إلخ.
* عرفنا إنو ثنائي العاصمة..كان (( ثلاثي الأبعاد ))..أقصد ثلاثي العاصمة..لكن الفردة الثالثة و هو واحد إسمو محمد الحويج إنسحب.
* أبدع ولدنا أبو أحمد في (( يا رشا يا كحيل )) .
* أبدع فرفور في (( جاني طيفو طايف )).
* كانت مفاجأة الجلسة هي رائعة ثنائي العاصمة (( لمٌا ترجع بالسلامة)) بصوت الفنان الهاديء المُهذب..نادر خضر.
*كانت جلسة اليوم فرايحية اللون. إزدان كل من عاصم البنا, المك, أسرار..و نسرين بألوان صفراء فاقع لونها..تسُر الناظرين.
** حلقة اليوم من الحلقات الجميلة جداً جداً و المميزة.
| |
|
|
|
|
|
|
|
|
|
Re: أبو الكلام (Re: Hussein Mallasi)
|
تعرف يا معز:
Quote: سعد الطيب و محمدية و الباقين,
أكثر أمة لا تكترث للموسيقيين |
كلامك صاح وما صاح ..
صاح لأنو فعلاً الناس ديل شغالين شغل جميل جداً بل هم السبب الرئيسي لي نجاح العمل ده ..
وبالجد الفرقة هي اللي كانت العميل رقم صفر والأجمل انو الفرقة هي اللي اثبتت انها الاكثر حفظاً لأنو الفنانين ديل كل زول طلع حافظ جزء بينما الفقة اشتغلت ليهم كلهم بل وبتشيل اغلاطهم وترمما سريع سريع ..
تعرف يا معز انا اكتر زول عاجبني في الفرقة دي كلها مليجي في الايقاع ومعاهو بتاع الطبلة ..
أول ناس بيقوموا بي نمرة واحدة لي بداية العمل والعربية لو قامت صاح بتواصل صاح فعشان كده بحس إنو مليجي ده هو ضابط الشغل ده كلللو وعزفو رايق ياخ..
وما صاح لأنو حتى السر قدور في معظم حلقاته تجاوز للحن والموسيقى ونادراً ما يتطرق لها وده اللي خلى الناس هنا ما تركز على الجانب اللحني والموسيقي ..
وبالمناسبة يا معز ما السودانيين براهم كل العالم شغال بي نظرية :
" الخيل تجقلب زي الشرا في القندول " أو كما قال محمد نعيم سعد ..
تحية وإحترام لهذه الفرقة الجميلة ..
| |
|
|
|
|
|
|
|
|
|
Re: أبو الكلام (Re: Hussein Mallasi)
|
المعز كيفك ..
Quote:
لاحظوا للسودانيين , يا الموصلي..
التركيز كلو علي الغنا و المغنيين و النضمي و اللبس,
لغاية هسة ما في زول علق علي الموسيقي و الموسيقيين..
سعد الطيب و محمدية و الباقين,
أكثر أمة لا تكترث للموسيقيين
و الموسيقي عندهم زي سواق التكسي !
ده كلام يا ممكونة , ناذر و تمبس !?! ..
|
لا حظ إنو اول مداخلة لي في البوست دا أنا إتكلمت فيها برة موضوع حلقات النيل الازرق وبرة موضوع السر قدور ، إتكلمت بس عن إستماعي ومقابلتي لي عاصم البنا في النادي العائلي ..
عارف ليه انا ما إتكلمت في حلقات النيل الازرق وعن الموسيقى المصاحبة للحلقات ؟
لأني والله العظيم لحدي هسي ما شفت ولا حلقة من برناكج السر قدور وبحش البوست دا بقرا بس عشان اعرف الحصل شنو في الحلقات ، يعني متابع من بعيد لبعيد ، والسبب المخليني ما أشوف ولا حلقة من البرنامج لانو بي بساطة مواعبدو بتتضارب مع برنامج تاني أنا ملتزم بيهو !!
شفت كيف !!..
| |
|
|
|
|
|
|
|
|
|
Re: أبو الكلام (Re: ناذر محمد الخليفة)
|
| Quote: تحية وإحترام لهذه الفرقة الجميلة .. |
بي كده ياعمر يكون البوست "إتوزن" شوية,
| Quote: وما صاح لأنو حتى السر قدور في معظم حلقاته تجاوز للحن والموسيقى ونادراً ما يتطرق لها وده اللي خلى الناس هنا ما تركز على الجانب اللحني والموسيقي .. |
ده معناه إنه كلامي صاح لامن غلط , قلت لي المسألة بايظة من كبارا !..
أولاد المليجي !: ياخي أنا حضرت سهرة ل"السمندل" لكن أكثر ما شدني بنقز أسامة المليجي و الزوق الإيقاعي الغاية في الرقي و الزوق , مسألة كده إلا تسمعها..
خليك معانا يا عمر و تابع لينا مساهمات الفرقة( سعد و محمدية حته واحدة !) بختكم!..
تحياتي و رمضان كريم,
ناذر,
سلامات..
| Quote: والسبب المخليني ما أشوف ولا حلقة من البرنامج لانو بي بساطة مواعبدو بتتضارب مع برنامج تاني أنا ملتزم بيهو !! |
غايتو كدة يادوب الواحد لقي معاك سبب تتخارج بيه من تهمة الأمية الموسيقية .. بجد أنا كنت مستغرب أنك ممكن تتجاوز مساهمة مخضرمين مثل محمدية و سعد و شايف كمان فيها واحد من أولاد المليجي,
تحية و رمضان كريم
| |
|
|
|
|
|
|
|
|
|
Re: قلبي حبٌاك..أموت أنا..مالي بنساك...!! (Re: mamkouna)
|
السلام عليكم
Quote: كان جمال فرفور نجم جلسة اليوم..
بلا منازع!!! |
ركّزي معانا يا ( سوسن)
اقصد يا ممكونة..!!!!
..........
الحلقة معادة..
أكلونا في حلقة ...
الله يستر ما ياكلونا باقي الحلقات
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: قلبي حبٌاك..أموت أنا..مالي بنساك...!! (Re: الزوول)
|
Quote:
ركّزي معانا يا ( سوسن)
اقصد يا ممكونة..!!!!
الحلقة معادة..
أكلونا في حلقة ...
الله يستر ما ياكلونا باقي الحلقات |
و الله يا عوض..
أقصد يا الزووووول..!!
الجلسة دي أول مرة أشوفها..
فعلاً بت حلال..الظاهر دي جلسة يوم كنت فاطرة بره.!!
| |
|
|
|
|
|
|
|
|
|
واحد إستعداد... (Re: ASIM AL BANNA)
|
| Quote: لان من المفترض تبث الحلقة الاخيرة لمدة ساعتين على الهواء يوم الوقفة . |
يعني نزٌعف..
و ننٌضف..
و نخبز..
و نشتري هدوم العيد من بكرة؟؟!!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
تانى ياممكونه نسيتى القطره .... اعملى العين الشمال دى لانها ماشايفه كويس
يوم الوقفه ممكن تزعفى عادى لان الحلقه فى موعدها بعد الفطور سبعة وربع بالتوقيت المحلى وعلى مشاهدينا فى الاقاليم مراعات فروق الوقت ....
يا اخوان ملاسى شديد؟؟؟؟
ولا يكون السر قدور قبل عليهو؟؟
| |
|
|
|
|
|
|
|
|
|
Re: أبو الكلام (Re: ASIM AL BANNA)
|
| Quote: عرفنا إنو ثنائي العاصمة..كان (( ثلاثي الأبعاد ))..أقصد ثلاثي العاصمة..لكن الفردة الثالثة و هو واحد إسمو محمد الحويج إنسحب. |
بالغتي يا ممكونة لكن؟
بالله بعد البوست ده انا كنت قايلك ..... !
| |
|
|
|
|
|
|
|
|
|
يا عينيٌ..يا عينيٌ... (Re: ASIM AL BANNA)
|
| Quote: تانى ياممكونه نسيتى القطره .... اعملى العين الشمال دى لانها ماشايفه كويس |
بعيد عنك العيون الإتنين شِمال..
و فيهن شي يحيٌر..يغيٌر إتجاه الزول...
قايلني ممكونة من هين؟؟!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
| Quote: الله شاف ليكم عادوا الحلقة لانو ثلاثة اساسين واحد رحع القاهرةواحد فى الدوحة واحد فى العمرة وبرجعوا فى اخر يوم فى رمضان وزميلكم الجديد كان ناوى ليكم نيه فى قمر السما ... لان من المفترض تبث الحلقة الاخيرة لمدة ساعتين على الهواء يوم الوقفة .. بما ان السجل فعليا 29 حلقة يعنى مافى اى احتمال رمضان 29 يوم حكم علينا بالصيام 30 يوما مسبقا من قناة النيل للبترول والله شاف ليكم |
ما قدرت افهم يا عاصم الحته دى يعنى كده الحلقات المسجله الـ29 انتهت و باقى الاخيرة الحتكون على الهواء ... انتو رمضانكم خلاص فضل ليه يوم واحد ... طيب نحن مالنا لسع باقى زى اسبوع كده ؟؟؟؟... شايفه فارق التوقيت رهييب.. و له شنو يا محمد المرتضى فهمنى يمكن انت قريب لينا بتقدر توقع لى المعلومة اصلو فى رمضان المخ بيصاب بالتقلة شوية خاصة الايام الاخيرة ...
| |
|
|
|
|
|
|
|
|
|
Re: أبو الكلام (Re: Hussein Mallasi)
|
| Quote: لذا كان لابد من الذهاب لمنتدى الخرطوم جنوب لأخذ جرعة الطرب اليومية |
وما أحلى ساعات اللقاء
استمتعنا مع إبداعات (الزميل الجديد) الذي تجلّى البارحة..
نبوية الملاك دي كمان قصتها قصّة.. صوت ينسرب لمسام الروح بسلاسة عجيبة.. ياريت يدوم هنانا.. ياحبيبييي أنا فرحان..
شادول وروح الحاضر دوماً حسن الزبير..
ليلة ويالها... من ليله
أحمودي ورمضانية ما حتتنسي في حضرتو..
كتر خيرك.. يامُرتاح ومُعذّب غيرك
كتّر خيرك.. يامجنون ومُجنّّن غيرك
كتّر خيركم ياناس جنوب الأمبارح كلّكم
| |
|
|
|
|
|
|
|
|
|
Re: أبو الكلام (Re: الفاتح وديدي)
|
لا أعرف العلاقة بين أن يعمل المرء صفيفاً في مطبعة؛
و بين أن يكون نطقه للحروف و الكلمات ممتازاً !!
_____
الواحد خايف انو قدور يكون
بيتفسح فينا الوكت دا كلو!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
السلام عليكم
Quote: الواحد خايف انو قدور يكون
بيتفسح فينا الوكت دا كلو!! |
فعلا يا حسين بيتفسح فينا
تذكّر لما حاول يتفلسف وقال ان الحضارة دائماً تنكون على شواطي البحار
و
جاب مثال مشاتر للغاية
قال شنو !!!!
انو مدينة الأسكندرية لها حضارتها الخاصة بسبب تأثرها بالبحر المتوسط كما أن اسوان لها حضارة مختلفة لأنها تأثرت بالبحر الأحمر
غايتو نسرين المسكينة ما قدرت تقول أي حاجة...
تخيل لو كانت عفاف أمين ، تفتكر كانت فوتتها ليهو ؟؟
أنا شخصياً لسه مغيوظ
 ........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
حضارات سادت..ثم بادت.. (Re: الزوول)
|
Quote: فعلا يا حسين بيتفسح فينا
تذكّر لما حاول يتفلسف وقال ان الحضارة دائماً تنكون على شواطي البحار
و
جاب مثال مشاتر للغاية
قال شنو !!!!
انو مدينة الأسكندرية لها حضارتها الخاصة بسبب تأثرها بالبحر المتوسط كما أن اسوان لها حضارة مختلفة لأنها تأثرت بالبحر الأحمر |
تعرف يالزووول أنا اليوم داك زعلت..لكن أكلتها..عارف ليه؟
لأنو الزول ده ما طلع لينا في التلفزيون قال أنا مؤرخ أو فيزيائي أو عالم فضاء..و لو قعدت حسبت كمية المعلومات المغلوطة البيذكروها المثقفين و المتعلمين ح تحتاج لمعلقات و دفاتر و موسوعات.
بعدين هو قال (( الحضارة بتكون دايماً على شواطيء البحار..و ما بتكون على شواطيء الأنهار )).which is very untrue ...
لكن بصراحة قصة أسوان و البحر الأحمر دي ما سمعت بيها إلا هنا!!!
| |
|
|
|
|
|
|
|
|
|
إنت صاحي..و لا..نايم..؟؟!!! (Re: Hussein Mallasi)
|
Quote: واضح انو قدور تحضيرو لحلقة اليوم كان ضعيف.
____
او احتمال كلامو يكون كمل! |
و الله يا ملاسي انا استمتعت جداً بجلسة اليوم .
السر قدور عندو علاقة شخصية مع ابو داؤود عشان كده كان متحمس ليهو جداً و حكى عن قوة حضوره و خفة ظله و تاريخه الوظيفي و قوة صوته..إلخ.
بعدين ياخي الزول حكى كمية من الحكاوي...
* حكاية أبو داؤود مع زنقار.
* حكاية القطر و الفطور الما إندفعت قروشو.
* حكاية قروش المرشدات الحاولوا ياكلوهو فيها لكن إتعشي بيهم و رجعها مدبلة.
* حكاية الخواجة سيد المطبعة السمح لابو داؤود بالتأخير تقديراً ل فنه.
* حكاية لقاء ابو داؤود و برعي محمد دفع الله و الأمي في الابيض و بداية التعاون بينهم في (( أحلام الحب)).
و كان ممكن يحكي زيادة لو سوسن أدتو فرصة!!!
شايفاهو ما رضى منها قصة الكبريتة...
* بعدين ياخي في علاقة قوية جداً بين الصفيف و نطق الحروف...
و هي نفس العلاقة بين إنو أبو داؤود شغٌال في السكة حديد و بيغني من بف نفسك يالقطار!!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
الأخ ملاسى
والاخوة الاعزاء
لكم الود
أعنقد أن اختيار الاخت نسربن سوركتى لتقديم البرنامج جانبه التوفيق
ولا أرى اى داع لوجودها او وجود مذيعة من أصلو
فالسيد أبوالكلام قام بكل الادوار بما فيها دور المذيعة
و أن لم يكن هناك بد فلتكن المذيعة عفاف حسن أمين
او سلمى(لا أعرف الاسم بالكامل)ولكنها قدمت حلقات ممتازة مع الشاعر عوض أحمد خليفة
أما الزميل الجديد فهو نجم الحلفات بلا منافس سوى عصام محمد نور
فرفور كان أقل منهم بكثير
أما صديقى العزيز نادر و الفنانة أسرار فكانااختيارا غير موفق للمعدين
| |
|
|
|
|
|
|
|
|
|
Re: أبو الكلام (Re: ALGARADABI)
|
| Quote: يالروعتك واعزازى بتلبيتك الدعوة كانت جزء من جمال البرنامج |
هكذا عهدناه ملاسي ،، صديقا ودودا ورائعا ..
أشواقي له ،، وتحياتي لك أخي عاصم وللجميع ..
نتابعكم بإعجاب هنا وهناك ..
لقمان همـّـام
| |
|
|
|
|
|
|
|
|
|
Re: أبو الكلام (Re: لقمان حسن همام)
|
| Quote: او سلمى(لا أعرف الاسم بالكامل) |
أعتقد أنك تعني المذيعة المقتدرة سلمى سيد ..
وأعتقد كذلك أن اسم (سوسن) الذي ذكره السر قدور
يعود لــ (سوسن نافع) وهي من منتجي البرنامج ..
أقول (أعتقد) ...
والله اعلم ..
| |
|
|
|
|
|
|
|
|
|
Re: أبو الكلام (Re: ASIM AL BANNA)
|
| Quote: شكرا يا حبيبنا القرضابى على الثناء لكن ... حب الناس مذاهب ... وحياة خوتك الكل مبدعين |
الأخ عاصم
تحياتى
لا أنكر ابداع الأخ نادر و أنا من أكثر المعجبين به لما يمتاز به من أسلوب مختلف ومتفرد فى الأداء لا يشبه من سبقوه...
كذلك الفنانة الرائعة أسرار بابكر والتى أنصفها من هم أفضل منى بمنحها العديد من الجوائز على المستويين المحلى و الاقليمى
لكننى أعنى أن وجودهما فى هذا البرنامج بالذات لم يكن موفقا فى رأىالشخصى ..لعدم حفظهما للأغانى القديمة و عدم تعودهم على أدائها
والشكر و التقدير للجميع
| |
|
|
|
|
|
|
|
|
|
Re: أبو الكلام (Re: Hussein Mallasi)
|
السلام عليكم
Quote: بعدين هو قال (( الحضارة بتكون دايماً على شواطيء البحار..و ما بتكون على شواطيء الأنهار )).which is very untrue ...
لكن بصراحة قصة أسوان و البحر الأحمر دي ما سمعت بيها إلا هنا!!! |
كَدي شوفوا الفايل ده
http://www.up00.com/v/570429/BN_Fos7a.wmv.html
بس للتوثيق وكده
ملحوظة:
الفايل محتاج Downloading عشان أخونا بكري مقفل خدمة رفع ملفات الفيديو
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
 مصدقاك... (Re: الزوول)
|
اخوي العزيز ..الزوول..
ياخي أنا ما مغالطاك..أنا فعلاً أول مرة أسمع الكلام ده هنا..
بعدين ياخي لنكاتك دي ما قاعدة تتفتح لي..الحاصل شنو؟؟
بالمناسبة..فاتتني حلقة اليوم برضو..
زوجنا الممكون راجل كريم و أخو أخوان و ضيوفو حرموني من جلسة الليلة !!
لك فائق ودي و تقديري
| |
|
|
|
|
|
|
|
|
|
Re: مصدقاك... (Re: mamkouna)
|
الكلام كان أي كلام يا ممكونة؛
دار حديث يا ممكونة عن أغنيات زمان الهابطة التي
تم تفريغ الحانها من الكلمات و تعبئتها بكلمات مقبولة؛
و لم يعلق قدور – كالعادة – على ملاحظة نادر خضر بأن الغناء
الهابط ليس حكراً على شباب الأيام دي.
كما ان أغنية عثمان حسين التي صدحت بها أسرار
أثبتت انو عثمان حسين فنان ما ممكن يتكرر.
| |
|
|
|
|
|
|
|
|
|
Re: تقرير المراسل الفني ( بالوكالة) (Re: Hussein Mallasi)
|
السلام عليكم
ممكونة :
ما قصدته اسماعك وبقية ممن لم ينتبه لما قاله الأستاذ السر قدور
وما قصدته أيضاً هو ايصال رسالة بصورة ما الى كل من يتحدث في منبر عام كالتلفزيون والصحف أن ينتبهوا جيداً لما يقولونه
وأن يستوثقوا جيداً من معلوماتهم
فهذا عصر كل شىء فيه قابل للتوثيق ومن ثم للنشر
وباختصار (ما تتفسحوا فينا ساي)
....
نعود لحلقة اليوم ...
جرعة عالية من الطرب
والنجم بلا منازع أسرار بابكر
كانت الحلقة
مراعاة الآداب والأخلاق في الغناء
وتركزمعظم الحديث عن الشاعر السر دوليب
ولفت نظري قولة شهيرة للشاعر ابراهيم العبادي
( الأغنية الأختك ما بتسمعها ، ما تكتبها)
وربما نكون محتاجين لتطبيقها في هذا البورد بعد تغيير كلمة الأغنية بكلمة بوست
المهم..
كانت هناك رابطة تسمى رابطة الأدب القومي تنشط لمكافحة الفن الهابط وتضم عدداً من الشعراء المجيدين
ابراهيم العبادي
سيد عبد العزيز
عبدالرحمن الريح
عبيد عبد الرحمن
عمر البنا
محمد بشير عتيق
أحمد حسين العمرابي ( صاحب أندب حظي أم آمالي )
تجلت فيها أسرار بابكر
وله ايضاً ( قلبي مالو اليوم من جسمي فرَّ وراح)
وأيضاً كان صوت أسرار هو الطاغي
كان هدف هذه الرابطة الدفاع عن القيم ومن أمثلة ذلك
اعترض فوراوي على أغنية وردي التي كانت ( سبعتاشر سنة ) بحجة أن عمر ال17 غير قانوني
فتم اضافة سنتين فصارت 19 سنة
وكانت طريقة حرب الهبوط في غاية الجمال وهو ملء لحن الأغنية المنتشرة الهابطة بشعر رصين
وأمثلة كثيرة ..
اهواك يا ملاك بدلاً عن لحن (يا استاذ بالقزاز)
اللون الخمري بدلاً عن لحن (التكاسة) ....ظاطووو
كل البينا بقى حكاية على لحن (دوّر بينا البلد ده)
يتميز شعر السر دوليب بالتفأول وهذا نادر في الغناء السوداني الملىء بالدموع والحزن ( لعناية أحمد القرشي وممكونة)
كأغنية وردي ( حبيبي فكر وقدر ايه الجبتو ليك هدية)
وكأغنية عثمان حسين ( ما بصدقكم )
وكأغنية عثمان حسين ( مسامحك يا حبيبي)
التي غنتها أسرار كما لم تغني من قبل
ولم يملك البقية الا الآستماع والأستمتاع
ولم يملك أعضاء الفرقة الموسيقية الا التفاعل المدهش
وتبقى كلمة حق يجب أن تقال
فبضدها تُعرف الأشياء
ولولا أن هؤلاء الشباب اتاحوا لنا الفرصة لتأمل أعمال الفنانين المتميزين وصعوبة ما أدوه من غناء لما عرفنا ذلك
فشكراً لهم..
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: تقرير المراسل الفني ( بالوكالة) (Re: الزوول)
|
تسلم يازول والله كلمتك دى بالدنيا لانها كلمة حق .... والحق يقال نشكر السر قدور اولا واخيرا على هذه اللفته الرائعة ولو قلنا الماعندو قديم ماعندو جديد نكون اوفينا وحقو يستفيد التلفزيون القومى من مثل هذه القامات بدل ما يبرونا ببرامج عجيبة فى محاوله لتخفيض رسوم الانتاج وتطلع النتيجه رسوب الانتاج ....
انا بهدى ليكم بكل الحب عيد الكواكب بصفة شخصية من زميلكم الجديد وانشاء الله تعجبكم
والحقيقه حبى بعيد وبعيد سماهو
شكرا يازول يا اصلى
معليش ياممكونه الجاتك فى حلقتك سامحتك
ملاسى .... باقى الصور وين ؟؟
محمد المرتضى حاربنا الزعلو منو ؟
رفعت الجلسه
| |
|
|
|
|
|
|
|
|
|
سر اسرار والابداع..! (Re: mamkouna)
|
ممكونة اختي..
اسمعي كلامي انا..
ما تسمعي كلام ملاسي..ملاسي ده بيسمع باضانه..
اسرار دي امبارح غنت من حنجرته وطوالي الالق بيصل
جوه في حتة كده بعيدة وغريقة جوه قلب الزول..
بتحسي بروحك دايرة تسمعي ودايرة تقومي تطيري..
انا غايتو بعد سمعت مسامحك يا حبيبي..
سامحت اي زول بعرفه في الدنيا دي..
بما فيهم سيد البوست
اها فتك بعافية..
عندي تسجيل للحلقة لكن ما بعرف انزله ليك..
| |
|
|
|
|
|
|
|
|
|
Re: سر اسرار والابداع..! (Re: رشا سالم)
|
رشا ياكحيل سلام ... ماقالوا ليكم سيعرض نفسه للمسالة القانونية .... تقولى لى ممكونه سجلتها ؟؟
سلمى على الحاجه وقولى ليها عاصم قاليك كل سنه وانت طيبه ياست الناس كلهم
| |
|
|
|
|
|
|
|
|
|
Re: سر اسرار والابداع..! (Re: ASIM AL BANNA)
|
سجمي يا عاصم البنا..
Quote: رشا ياكحيل سلام ... ماقالوا ليكم سيعرض نفسه للمسالة القانونية .... تقولى لى ممكونه سجلتها ؟؟
|
الكلام ده حتي لو كان التسجيل لغرض غير تجاري؟
عليك الله نورنا عشان نتصرف قبل ما يودونا السودان بالانتربول..
| Quote: سلمى على الحاجه وقولى ليها عاصم قاليك كل سنه وانت طيبه ياست الناس كلهم |
الحاجة بتسلم عليك وقالت ليك كل سنة وانت طيب
وام احمد واحمد في احسن حال..
| |
|
|
|
|
|
|
|
|
|
Re: أبو الكلام (Re: Hussein Mallasi)
|
الاعزاء..
يبدو ان شوابنا " وانا كهل ساكون شايبا عما قريب " اشطر منا كثيرا .. امستمعت الي السر قدور يحثنا كيف كان من سبقونا يحاربون الفالت من الغناء بوعي وذكاء دون شعارات وتنظيمات وقوات امن خاص و مجتمع ... اليوم لو اتي واحد غناي شاطر ومشهور وبدل كلمات لحن " راجل المراة دة - للعلم لم اسمعها فانا في واد ولم احضر عرسا سودانيا الا عرسي قبل اكثر من عقديين لاسمع غناء الاعراس -" لو بدل كلماتها بكلمات مفيدة ذات معني وهدف لا بعدناعن اذان اجيالنا قبيح الكلام ....
رمضان في اخر ايامه وسنفتقد السر قدور وحكاويه وابداعات الشياب و جميل مداخلاتكم التي اعطت هذا البرنامج عمقا ..وان بعدت بيننا المسافات وصار لقاء السودانيين بعضهم البعض عصيا فالفضل لعالم افتراضي وسايبريا زماننا التي جمعتني بكم ...
لكم شكري فلقد تعلمت منكم والحق يقال ولتكون ايامكم اعيادا ويزينكم المولي بعافية تزيدكم القا
وكل عام وانتم وكل احبابكم بالف خير
مودتي
ابوبكر سيد احمد
| |
|
|
|
|
|
|
|
|
|
Re: أبو الكلام (Re: abubakr)
|
السلام عليكم
Quote: لكن حيٌرتوني..
حسي (( أسرار )) أبدعت و لا بدٌعت..!!! |
استغربت جداً من تعليق ملاسي .. ولكني حملّته على قصد أن عثمان حسين أبدع في تلحين الأغنية
عني شخصياًحقيقة لم استمتع منذ فترة طويلة كما استمتعت بأداء اسرار للاغنية
عموماً كفض للأشتباك عندك حل من اثنين :
أولهما ولحسن الحظ ( زميلنا الجديد) معانا هنا وممكن يفتي أحسن مني ومن ملاسي خاصة انو كان ( خاتي قرض أثناء الأغنية)
ثانيهما انقري بالماوس على اللينك التالي ثم اعملي Download للملف BN_Asrar واسمعيهو ( برواقة بالله ) وأرجعي لنا برأيك
http://www.up00.com/v/3851377/BN_Asrar.wmv.html
تخريمة:
تحياتي للأخ أبوبكر والأخ ( زميلنا الجديد) وسأعود لكم قريباً
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
..أبيض عارفو قلبك.. (Re: الزوول)
|
أُرشح الأخ (( الزووول )) لسيادة هذا البوست..
بعد أن ثبت - بالدليل القاطع - عدم مصداقية سيد المولد !
--------------------------------------------------------------
حرمتني (( الجمعة اليتيمة )) من متابعة جلسة اليوم...
كل سنة و الجميع بخير..
ربنا يرحم موتانا و موتي جميع المسلمين.
و كل جمعة يتيمة و إنتو بألف صحة و عافية
| |
|
|
|
|
|
|
|
|
|
الزوول يا احلى زول (Re: الزوول)
|
يديك الفى مرادك يا اخو والله قمة الابداع
انك خليتنا نشترك معاك المتعه دى
والشباب اصحاب البوست ... ما قصرتو
وكل سنة وانتوا طيبين
وتعود الايام
| |
|
|
|
|
|
|
|
|
|
Re: الزوول يا احلى زول (Re: mulhim)
|
Quote: أُرشح الأخ (( الزووول )) لسيادة هذا البوست..
بعد أن ثبت - بالدليل القاطع - عدم مصداقية سيد المولد ! |
يبدو ان المحاولات الفاشلة لإقصاء صاحب البوست لم تجد نفعاً؛
فتم تدبير مكيدة لاغتيال شخصيته بالترويج لمثل هذه المقولات!!
| |
|
|
|
|
|
|
|
|
|
Re: أبو الكلام (Re: Hussein Mallasi)
|
يازول حبابك قدر عين الشمس .... قلت ليكم للهرم اكتر من زاويه عملتوا نايمين تحت القبه فكى سويتوها شرابات ومشختات ..
وتقول لى نتلاقى بالصدفه ؟ وانا الخاتيكا دون الناس براااااااك ياغالى فى كفه
هديت ليكم عيد الكواكب فتحتوا لى ...
اسرار يازول متفرده وصريحة فى غناها والخبره بكره تعلمها اكتر واكتر
اما بالنسبه لى موضوع الحت وكده يعنى انا خلينى انت رايك شنو... ماحتيتو بالروابط يازول
الحق يقال : المبدعين فى خلال القرن المنصرم والذين تشملهم موهبة الشعر والتلحين والغناء فى آن واحد قله تحصرهم على اليد الواحده ياملاسى ولا بد من وقفة فى حقهم (3 in one) وعلى الترتيب عمر البنا .... عبدالحمن الريح ....السر قدور .على الرغم من انه لم يغنى بصفة رسمية الا انه غنى فى المسرح ... الكابلى ... واحمد الفرجونى ... وكما وضح الاستاذ قد يفوق العدد الحصر ولكن من تفوق عدد بسيط كان له حق الاعتراف علينا بتلك الموهبة الالهية المتفرده ...
كل سنه وانتو طيبين ...
ياملاسى ... الحكمه فى كونك بخيل واهلك اربيب الندى
يا ناس محمد المرتضى غطس وين ؟
اصحى يابريش
| |
|
|
|
|
|
|
| |
ناذر محمد الخليفة
ملكة سبأ
Hussein Mallasi
محمد المرتضى حامد
abubakr
mamkouna
tmbis
Ahmed Mohammed Osman
الزوول
عمر الفاروق
Ibrahim Algrefwi
saadeldin abdelrahman
خالد
الفاتح وديدي
ALGARADABI
رشا سالم
mulhim
فيس بوك
تويتر
انستقرام
يوتيوب
بنتيريست