|
|
 كريان في اجازة
|
كان في جريدة الشرق الاوسط رسام كاريكاتير
إسمو كريان؛ الله يرحمو.
و عندما يكون في اجازة فإن الجريدة كانت تعيد
نشر بعض رسوماته القديمة؛ و تكتب تحتها؛ او فوقها:
كريان في إجازة و هذا من قديمه.
|
|
 
|
|
|
|
|
|
|
|
Re: كريان في اجازة (Re: Hussein Mallasi)
|
و لانني لست في اجازة؛ فإنني اعيد نشر الموضوع التالي:
مرة كان في واحد جارنا استاذ, و الاستاذ دا كان محترم في الحلة احترام شديد خلاص. و لمن الناس تقول استاذ العطا الكلام كان بيقيف ... اخوان استاذ العطا الصغار كانوا معانا في المدرسة ... و هو كان برضو استاذ في المدرسة ... و كان في حصصو كلها بيركز علي مكارم الاخلاق و الالتزام السلوكي و الامور الزي دي كدا.
المهم ما اطول عليكم, يوم انا و جقود و مصران _ و زي ما قلت ليكم كل زول عندو اسمين في حلتنا – كنا راحعين من المسرح القومي و قلنا نمشي الموردة نتعشى سمك... بعدين و قدام حديقة الريفيرا _ طبعا الكلام دا كان قبال 83 – نلقي ليك زولنا الما بنغباهو, استاذ العطا ذااااتو .... لقيناهو ليك واقع في ا########## طينة و كان بيعزف و قميصو مليان نغمات ... ما تتخيلوا الصدمة كانت كيف.... المهم رفعناهو و تكلناهو و هو ما قادر يقيف, و نحنا في الحالة ديك قام بال في روحو .... تتخيلوا .... جقود و مصران قعدوا يضحكوا و قالوا ليهو يا استاذ لو ما بتقدر عليهو بتشربو مالك. المهم و بصعوبة شديدة لقينا تاكسي و وصلناهو البيت.
و انا من الزمن داك و لي الليلة ما بقدر اعاين لاستاذ العطا في عينو و اعتقد هو برضو ما بيعاين لي .... لكين تتصوروا و رغم مرور اكتر من 25 سنة علي الحكاية دي الا انني ما زلت متألما ... فان تري استاذا محترما كاستاذ العطا في ذلك الوضع ليس بالشيئ الهين و ان ينهار لك مثلا اعلي هكذا في ثوان شيئ لا يمكن التعبير عنه ... بس تعرفوا لحسن الحظ – او سوءه ما عارف - ناس الحلة ما زالوا علي احترامهم لاستاذ العطا لانهم لم يشاهدوا ما شاهدته انا ....
Re: ملاسيات .......
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
| Quote: .حصل قاب كدا؛ و بعدين تم إختراع الانترنت |
والله يا ملاسي مو عاجبني فيك الا ردك السريع دا وعدم خوفك من المعايش
يعني المعني القاب الجائي دا كلو نردمو انترنت بس...مافي طريقة لي
انترنح...يخترعوه جديد...
قبل اسبوع بس يا ملاسي كنت في الخرطوم...وبعدين مشيت قصيت اتر صورك
بدءا من الكتدرائية وانتهاءا بالجوامع...والله لقيت البلد سمحه سماحا
لامن جاييكم تاااااااني صادي...
وبعدين انتو المشاكل القاعدين نقراها هنا دا...قاعده وين في الخرطوم؟
يعميني...حمتها شرق وغرب...بالليل وبالنهار...ومشيت لا الكدرو والكلاكلات
وسوبا...وصلت الساعة اتنين صباحا وزول واحد قال لي جائي من وين وماشي
وين مافي؟ وبعد داك كلو مشيت محل اسمو شنو كده جنب محطة سبعة الساعة اتنين
ونص صباحا...ويسعلني الله اتعشيت في امانة الله...عندو اقاشيه خطير...وسمك..وفول
اظنو اسمو ركن...جحا...والله ما متأكد....الاسم قالو سواق التاكسي...وانا
ما انتبهت للافته...
| |
|
|
|
|
|
|
|
|
|
Re: كريان في اجازة (Re: nazar hussien)
|
سلامات يا نزار؛
| Quote: قبل اسبوع بس يا ملاسي كنت في الخرطوم... |
و شنو ياخي؛ لا حس لا خبر.
Quote: وبعدين انتو المشاكل القاعدين نقراها هنا دا...
قاعده وين في الخرطوم؟ |
قاعدة في مخيلة من يكتبها.
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
كنا راحعين من المسرح القومي و قلنا نمشي الموردة نتعشى سمك... بعدين و قدام حديقة الريفيرا _ طبعا الكلام دا كان قبال 83
قبل 83 وكنت في المسرح وتتعشي برة البيت
ارجوك نزل صورة حديثة يا عم ملاسي
| |
|
|
|
|
|
|
|
|
|
Re: كريان في اجازة (Re: jini)
|
كيفك يا جني؛
كحيل - الله يرحمو - جاء بعد ان غادر كريان؛
و لمزيد من التأكد دعنا نحتكم لاحمد علاء الدين.
| |
|
|
|
|
|
|
|
|
|
Re: كريان في اجازة (Re: awadnasa)
|
Quote: انا كنت فاكر استاذ عطا ما بقدر يعاين
ليك في عيونك لانو ( مابقدر يرفع راسو ) |
غايتو؛ الله يكون في عونو يا ناسا.
| |
|
|
|
|
|
|
|
|
|
Re: كريان في اجازة (Re: nazar hussien)
|
حسين ملاسى ليك وحشة
يا من قربت الخمسين
وكيف أخبار صاحبك قرادة
وما قلت لى الطماطم اللحمر بكم الكيلو بقى اللى عنده
سلامى لكل الأهل وقل لهم بى خيييييير
عمك وأخوك
صديق ضرار
هوبفل لا لامى فيه فى تلفون ولا رقم عادى وافينى به
فى
[email protected]
| |
|
|
|
|
|
|
|
|
|
Re: كريان في اجازة (Re: siddieg derar)
|
سلامات يا صديق؛
| Quote: وما قلت لى الطماطم اللحمر بكم الكيلو بقى اللى عنده |
مصدري في سوق الخضار الايام دي الظاهر
لقى ليهو حاجة تانية تشغلو؛ عشان كدا
طول ما رسل لي اخبار!
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
Quote: مصدري في سوق الخضار الايام دي الظاهر
لقى ليهو حاجة تانية تشغلو؛ عشان كدا
طول ما رسل لي اخبار! |
ملاســي ..
يبدو أنو سافر مع الوفد المتجه الى (...)
لتغطية حدث مهمة وعاجل جداً جداً جداً  
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
أحمد مختار
_________
أخذ الشَرشَف الشاحب الخضرة ينشج في سعال ٍ مُمض ٍ داساً بقع الدم
النازف من رئةٍ نهشها الداء في طيّات منديل أزرق عندما سلـّمته والدتي
مظروفاً يحوي سلامي من الأرض الخفـيضة ومبلغا من المال زهـيد
صعقـت الدهـشة والدتي وأرملة شقـيقه المرحوم سائق تراكتور الجمعيّة
التعاونيّة أورثه شقاء السل وأعـباء العناية بالحواشة المتدنّي سقـف إنتاجها
والبيت العامر بالأفـواه. تلك كانت المرة الأولى التي شوهـد فـيها ماركسي
عائـلـتـنا يبكي أمام الناس
ملأت رائحة الدم الموبوء بالبؤس الناطق بلسان ذكريات خرساء ـ لأحمد
مختار عـندي منزلة خاصة فهو من شعراء عائـلتي ومن القلائـل الذين
إحتـفـوا بأشعار تـنكـبي لسكة اليسار في صبا خجول مع أنه لم ينضم
للحزب الشيوعي مكـتـفـياً بمناصرته وخدمته من خارج الصفـوف نموذجا
لعديدين ماركسيين حيارى غـير معمّدين بماء التنظيم وشيوعـيين مشرّدين
مسرّحين بعد يوليو71 مطحونين بين مطرقة نبذ رفاق منكمشين و ريّابين
و مأسورين بعبادة حجر التأمين على حساب توسيع مواعـين إستقـبال
الطارقـين الباب المبروك وسندان عـداء البيئة المحيطة و طراد السلطة
الغاشمة ـ في نهنهة مكـتومة أقـضّـت مرقـد الشَرشـَف على لحاف مهتريء
وعـبير مَحـنـّة في عـروق عـشيرة تـتـفـجّر بشوق بخار مضغوط هـواءَ
المنضرة المفـتقـرة للأثاث فـيما عـدا سرير من وادي حلفا ومَـلك ثقـيل
الظل مستغرق طوال الوقـت في إعادة تـقـليب صفحات كـتاب متآكل
حواف الغلاف بجوار مخدة عـليلة لم تـتـبـيـّن والدتي عـنوانه المغطّى
بطبقة من العـفـويّة يزينها عـَرَق أنكوج وهـمبرتي وسعدة و وحل بطانة
يطمر رماد أحطاب تبيع الشاي الأحمر لأمسيات نادي القـرية تلاتة
وعشرين
رأت والدتي قـدح الشر في نظرات المَـلك وتبرّمه الظاهـر بحضورها
و بفحوى المظروف وطريقـته المستـفـزة في تقـليب صفحات كتاب
لايخصّه فـقـرّرتْ مغادرة المكان
أصيب أحمد مختار فتداعت له أحلام شرق بلادي بالـسعال العنيد
عـُوفي أحمد مختار قـبل أشهر قلائل بعد مغالبة للداء بدواء عناد إنـتـزع
كـتاب حياته سالم الغلاف ـ أرجّح أن عـنوانه الذي إستعصى على نظر
والدتي هـو عـنوان قـصيدة يكتبها أحمد بالتـزامن مع ماأكتبه عنه هنا
ـ من يد ذلك المَلك المتغطرس و طرده من صدر أشعاره
عثمان محمد صالح
| |
|
|
|
|
|
|
|
|
|
Re: كريان في اجازة (Re: Osman M Salih)
|
Quote: فجاجة و عبث
لا يشرف المنبر |
اما انا؛ فتعجبني كتاباتك التي تشرف المنبر؛
تلك التي تكتبها وحدك؛
و تقرؤها وحدك؛
و ترفعها وحدك؛
و تقوم بلصقها في بوستات الأخرين وحدك.
| |
|
|
|
|
|
|
|
|
|
Re: كريان في اجازة (Re: معتز تروتسكى)
|
Quote: فان تري استاذا محترما كاستاذ العطا في ذلك الوضع ليس بالشيئ الهين
و ان ينهار لك مثلا اعلي هكذا في ثوان شيئ لا يمكن التعبير عنه ... |
تُرى؛ ما الذي دعى استاذ العطا لذلك؛
الم يكن من الافضل له - و لنا - ان يحتفظ باحترامه لنفسه.
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
سلامات يا عثمان محمد صالح؛
ان كان ما أثار حفيظتك؛ ظنك بأنني اقصدك بهذا البوست
فانني اقسم بانك لم تخطر على بالي عند كتابته و اعادة
نشرة لا من قريب و لا من بعيد.
و ان كان ما اثار حفيظتك تقييمك له بانه ركيك و غث
و اقل من مستوى المنبر؛ فيا سيدي المنبر مليئ بالركاكة
فإن تتبعتها ستصرفك عن ابداعك؛ لذا دعك من تتبع الركاكة
و الغثاء و تفرغ - بدلاً عن ذلك - لكتاباتك المجودة الرصينة.
| |
|
|
|
|
|
|
|
|
 Re: كريان في اجازة (Re: Hussein Mallasi)
|
كريان لاكوست
عليك الله اكتب لينا زيادة عن (( الرجل الدلوكة)).....
ماهي مواصفاته؟ 
ماهي مميزاته ؟
ماهي عيوبه ؟؟؟
عندي كم واحد شاكة فيهم ....
و زي ما قال سمير غانم....
المتهم بريء حتى تحضر خالتو.........
| |
|
|
|
|
|
|
|
|
|
Re: كريان في اجازة (Re: mamkouna)
|
سلامات يا ممكونة؛
Quote: عليك الله اكتب لينا زيادة عن (( الرجل الدلوكة)).....
ماهي مواصفاته؟
ماهي مميزاته ؟
ماهي عيوبه ؟؟؟ |
من مواصفاته انه معلم الله من المميزات.
| Quote: عندي كم واحد شاكة فيهم .... |
في مثل هذه الحالات؛ هم كذلك الى ان يثبت العكس.
| |
|
|
|
|
|
|
|
|
 Re: كريان في اجازة (Re: Hussein Mallasi)
|
Quote: عندما يأتو بشهادة طبية تقرر
ان يعامل حاملها معاملة الاطفال. |
أفهم من كده أن الرجل الدلوكة.....
نقي....وديع...جميل....هاديء...helpless ....
و بيسمع كلام الأكبر منو.....
...كالطفل البريء..؟؟؟؟؟!!!
| |
|
|
|
|
|
|
|
|
|
Re: كريان في اجازة (Re: mamkouna)
|
بالغتي يا ممكونة؛
Quote: نقي....وديع...جميل....هاديء...helpless ....
و بيسمع كلام الأكبر منو..... |
معقول دي تكون صفات من يحمل شهادة بأن يعامل
معاملة اطفال!!
من يحمل مثل تلك الشهادة يصبح غير مؤاخذ في تصرفاته؛
فهو ممن رفع عنهم القلم.
| |
|
|
|
|
|
|
|
|
|
Re: كريان في اجازة (Re: بدرالدين شنا)
|
العزيز حسين ملاسي
سلامات
لا أدري لماذا أحببت أن أوقع في هذا البوست قبل الأرشفة!
صدقني لقد تعاطفت معك و مع أستاذ العطا.
شعرت أنك كنت تحبه حباً جما. وأنك خذلت خذلاناً مبينا.
وشعرت أنه مسكين مسكين.
ليته أبقى على تلك الذكرى الجميلة.
وليته عاد كما كان محترماً عند نفسه وطلابه.
ولو كان الأمر قريباً لطلبت منك أن تعطيه فرصة أخرى.
| |
|
|
|
|
|
|
|
|
|
Re: كريان في اجازة (Re: Hussein Mallasi)
|
فعلاً يا نزار؛ فقد كنت احب استاذ العطا حباً كبيراً؛
و كان خذلاني بكبر حجم حبي له.
| Quote: ولو كان الأمر قريباً لطلبت منك أن تعطيه فرصة أخرى |
الاستاذ/ة سادر في غيه؛ كلما اعزم على ان اتقبله؛
اجده يتفنن في ان ينفرني – و الاخرين - منه!
فاجادته/ها لفن التنفير ..... لا تضاهى!!
| |
|
|
|
|
|
|
| |
Hussein Mallasi
nazar hussien
jini
معتز تروتسكى
waleedi399
محمد الامين محمد
mamkouna
بدرالدين شنا
نزار محمد عثمان
فيس بوك
تويتر
انستقرام
يوتيوب
بنتيريست