|
**** شدولك ركب فوق شعبك الجحجاح كــــــع ****
|
سلام يا الحبان ,, مشتاقين ليكم جميعا ,,, والله صحي
وجعني بالحيل رقيص رئيسنا امس ودريقتو في ساحة الرقيص وسط الصغار , مسح بي هيبة السودان وكرامتة الدلجة البرقص فيها .. من حقو طبعا يرقص وينقز ويجعجع .. لكن لما يكون مسعول من روحو بس / مو مسعول من السودان يا جماعة في برتكولات و اوضاع خاصة بتحتم على اي إنسان في مركز عام إنه يلتزم ويراعي تصرفاته , ناهيك عن رئيس دولة , بتكلم بإسم الشعب وبمثل البلد , يعني الرقيص البرقصو ده ما بقولوا عمر ود البشير رقص , بقولوا رئيس السودان الرقاص , والله صحي ,, هاكم القصيدة دي مهداه ليهو هو في البداية ولي شعبنا صامت خشمو و قاعد يتفرج
شدولك ركب فوق شعبك الجحجاح
خازوق البلد النجض المرتاح
جعجاع المسيرة الدمر الإصلاح
المال بهمك وإن ما كمل ما بترتاح
********* البطن الجابتك والله ما بتنلام
دي القسمة الغريبة وكلها اقسام يا الصقر الختف الفي حشانا ونام
يا دود الصريف الفي الحرابة نعام
********* بابك مطبل ومركوبك يجيب الشوم
لا بتعرف الكرم ولا بتعزم المضيوم
نضفت البلد من الكان كتير مردوم
وفي ساعة الرقيص فايت الحروم
********
ابواتك قبيل عرفوك زول عوجات
عافنك بنات الخالة والعمات
في الدم والقتل إيديك دوام بارزات
يا اب قلبا محجر ما بعرف الرحمات
******
طبعك بالفتن دائما تجيب اللوم
في وسط الخلوق وفي الفارغة بتحوم
تلقط في الكلام النصو ما مفهوم
يتبروا منك ناس البادية والخرتوم ناس البداية والخرتوووووووووم والله صحي ... ***** مع الإعتذار لشاعرنا الراحل المقيم ود الحسين ولفنانا الراحل المقيم سيد خليفة
|
|
|
|
|
|
|
العنوان |
الكاتب |
Date |
**** شدولك ركب فوق شعبك الجحجاح كــــــع **** | اسماء الجنيد | 11-17-11, 11:05 PM |
Re: **** شدولك ركب فوق شعبك الجحجاح كــــــع **** | معاوية عبيد الصائم | 11-17-11, 11:09 PM |
Re: **** شدولك ركب فوق شعبك الجحجاح كــــــع **** | الامين موسى البشاري | 11-17-11, 11:20 PM |
Re: **** شدولك ركب فوق شعبك الجحجاح كــــــع **** | يحي ابن عوف | 11-18-11, 01:11 AM |
Re: **** شدولك ركب فوق شعبك الجحجاح كــــــع **** | اسماء الجنيد | 11-18-11, 10:16 AM |
Re: **** شدولك ركب فوق شعبك الجحجاح كــــــع **** | اسماء الجنيد | 11-18-11, 10:18 AM |
Re: **** شدولك ركب فوق شعبك الجحجاح كــــــع **** | ود الباوقة | 11-18-11, 10:24 AM |
Re: **** شدولك ركب فوق شعبك الجحجاح كــــــع **** | اسماء الجنيد | 11-18-11, 10:53 AM |
Re: **** شدولك ركب فوق شعبك الجحجاح كــــــع **** | اسماء الجنيد | 11-18-11, 11:00 AM |
Re: **** شدولك ركب فوق شعبك الجحجاح كــــــع **** | Abdlaziz Eisa | 11-18-11, 11:14 AM |
Re: **** شدولك ركب فوق شعبك الجحجاح كــــــع **** | اسماء الجنيد | 11-22-11, 04:54 PM |
Re: **** شدولك ركب فوق شعبك الجحجاح كــــــع **** | بلدى يا حبوب | 11-22-11, 05:10 PM |
Re: **** شدولك ركب فوق شعبك الجحجاح كــــــع **** | عادل فضل المولى | 11-22-11, 05:11 PM |
Re: **** شدولك ركب فوق شعبك الجحجاح كــــــع **** | مهيرة | 11-22-11, 07:48 PM |
Re: **** شدولك ركب فوق شعبك الجحجاح كــــــع **** | اسماء الجنيد | 11-25-11, 08:55 PM |
Re: **** شدولك ركب فوق شعبك الجحجاح كــــــع **** | اسماء الجنيد | 11-25-11, 09:03 PM |
Re: **** شدولك ركب فوق شعبك الجحجاح كــــــع **** | اسماء الجنيد | 11-25-11, 09:19 PM |
|
|
|