*** الليلة السماية ...الما بجينى جارى خروفو لا بينى لا بينو ***

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 04:13 PM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
31-03-2010, 06:45 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


*** الليلة السماية ...الما بجينى جارى خروفو لا بينى لا بينو ***

    سلام بى شوقى الحنين ليكم من طرف
    الليلة السماية .. بكرى برا شورتى جرا تورو وجانا فى مسقط
    وجخخخخخخخخخخخ ضبحوا وناولنى اسمي الجديد فى حوشو.. اسماء الجنيد
    شال soma بره اللستة اظنها جابت ليهو الهوا
    قال اخير البت دى النوريها انه ضرس العقل قام ولازما ولا بد من تور و3 خرفان
    اها الراكوبة فى طرف الحوش مقجوجة وعندنا قوزين فيهن شوربة الضلع عشان تتلايق بى ام رقيقة
    قوز ماسكاهو عزاز . الله يستر ما تتلب فيهو باقى هى ما بتقدر على ضيافة اهل العوض الكتار
    والقوز التانى حق الكمونية ماسكاهوانعام عبد الحفيظ وممكونة وعشة بت فاطنة باقى خدمتو كتيرة
    داليا كباشى زولة سلطات ساااااااى
    فادية اليمنى شايفاها متلببة الشاى..
    ماما دوما قالت بتحمر الضلع
    المرارة اتقعدن ليها تماضر و ملقوفة ( احلام وهبى )
    الله يستر عليكم الليلة ما يكندكنا ليكم شطة تصوتها ليكم ملقوفة زى التركين
    نجاة قالت بترص عشان هى ست ميز
    والخدمة لسه رااااااقدة المتبرعين يجو
    لكن اي زول يجينى برا خروف ما برضا منو تب
    والكلام ليكم يا المنططين عينيكم
    واى واحده فيكن ما خدمت فى العيزومة دي
    تجينى شايلة كورتها فى سكرها وشاهيهاولا بنها
    الموجب اهم شىء
    الحالة كربة وكدة..
    ويا بكرى تانى شاور بالله قبل اتخاذ القرار
    عشان نعمل تصويت فى البورد وكدة .. اصلو دة زمن انتخابات
    التحية للجميع وحبابكم فى راكوبتنا ويومنا المفتوح
                   |Articles |News |مقالات |بيانات

31-03-2010, 06:50 PM

Amira Elsheikh


للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    سومة .... سلااااامت ....
    مبروك الاسم الجديد .....لكن سومة مالو ماسمح


    السماية دى نسوان بس يا سومة ؟؟؟

    امانة ما اتلومتى يا اختى


    تحيات ومحبات من غير حدود
                   |Articles |News |مقالات |بيانات

31-03-2010, 06:57 PM

فتحي الصديق
<aفتحي الصديق
تاريخ التسجيل: 17-06-2003
مجموع المشاركات: 6024

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Amira Elsheikh)

    Quote: التحية للجميع وحبابكم فى راكوبتنا ويومنا المفتوح

    أهلا بيك يا أستاذة ..أهلا بعودتك لبيتك التاني..
                   |Articles |News |مقالات |بيانات

31-03-2010, 06:58 PM

خدر
<aخدر
تاريخ التسجيل: 07-02-2005
مجموع المشاركات: 13188

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Amira Elsheikh)

    Quote: السماية دى نسوان بس يا سومة ؟؟؟

    سماية ولا رقيص عروس اصلو








    __
    انا غايتو اسمك ده من زمان حافظو لحدي اسم جدك (مسقط) اسماء الجنيد مسقط
                   |Articles |News |مقالات |بيانات

31-03-2010, 06:56 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    بكرى انا ما واجعانى السماية الجديدة ولا عاجبنى تورك الجيت شايلو ده
    لكن واجعنى تاريخى فى البورد المسحتو لى بى استيكة
    من اقدم الاعضاء انا هنا
    تاريخ تسجيلى اول شهر 9 سنة الفين واتنين 2002 سبتمبر
    تجى تكتب تسجيلي يوم 31/3 /2010 دى مى حقارة عليك الله ؟؟؟
    ترجع لى مكتبتى العريقة كلها ما مشكلة غير الاسم لكن التسجيل تكتبوا لى باثر رجعى
    ولا بعمل ليك انتخابات هنا وحسب التضامن انا رضيانة بى رأى الشعب المهمش
    قلنا ده وطن من لا وطن له
    لكن وحات الله وطنك الاسفيرى لينا ده بقى زنزانة عديل
    ما ممكن نكون مقيدين كده
    ولا شنو يا اهلنا ؟؟؟
                   |Articles |News |مقالات |بيانات

31-03-2010, 07:01 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    اميرة الشباب كيفك يا حنينة
    بالعكس ياخ انتو ناس الضيافة لكن كدى خلينا الننتهى من العوا دى
    اصلو اي سماية بتكون فيها عوا على الاسم .. بعدين ترضية
    انا ترضيتى يعتبر تسجيلى بى اسمى الجديد باثر رجعي
    بكرى ذكرنى ناس تخطيط الاراضي
    تكون حايز ليك ارض واااسعه يجوا يخططوا ليك يقرموها كلها بي جاي وجاي
    لوطلع ليك 100 متر بختك
    ويسجلوا اسمك كمشترك جديد وانك يا دوب اتسجلت معاهم
                   |Articles |News |مقالات |بيانات

31-03-2010, 07:02 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    هسي يا بت امي انا علي شنو
    ازغرد ولا ادخل الضيوف
    ولا أسكت ألوغد في الضلع
    ولا اقعد اجوعر واتنخج
                   |Articles |News |مقالات |بيانات

31-03-2010, 07:06 PM

كمال عباس

تاريخ التسجيل: 06-03-2009
مجموع المشاركات: 14092

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    ا لمحترمة أسماء الجنيد
    تحياتي وتقديري

    مبروك عودة الإسم وست الإسم ... وبالتوفيق ونأمل أن يشكل الإسم حصنا
    منيعا تتكسر علي أعتابه هجمات الهكر والتتر ...
    والإسم الجديد يجب ما قبله أنسي التسجيل والارشيف والمكتبة !!

    (عدل بواسطة كمال عباس on 31-03-2010, 07:37 PM)

                   |Articles |News |مقالات |بيانات

31-03-2010, 06:59 PM

عزاز شامي

تاريخ التسجيل: 08-01-2005
مجموع المشاركات: 5933

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    حمدلله على السلامة يا سوما و بركة بالجية
    و انا بامسك القوز بس افهم هو شنو لاني من الناطقين بغيرها
    مسكيني الدوكة و القراصة باجيها ليك تب :)
                   |Articles |News |مقالات |بيانات

31-03-2010, 07:16 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عزاز شامي)

    اصبر لى انت يا خدر
    قاعد لى للشماتة
    والله بكرى ما يغير ليك اسمك ده يا طارق ود ابو عبيدة
    الا اجيكم هناك وانت عارفنى قرررربت
    واعمل اعتصام فى دارك وبقن سومتين عليك
    وان كيدهن عظيم .. فتح عينك واتضامن قبلما نحط الرحال بطرفكم قريباااااااا
                   |Articles |News |مقالات |بيانات

31-03-2010, 07:23 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: أهلا بيك يا أستاذة ..أهلا بعودتك لبيتك التاني

    اهلا بيك اخى العزيز فتحي الصديق
    تسلم يا ود القبائل
    لكن عارف حكاية البيت التانى حاسة روحي غريبة غريبة الليلة
    زى البرالم المن اهل العوض وجابوهم الداخليات اول مره
    سواها فينى بكرى ما عافية ليهو
    ما عارفنى بت شيوخ ان اتحكرت ليك فى مصلاية بلحقك امات طه يا بكري
    رجع لى تاريخ تسجيلي القطاعة ما عافية ليك ان ما رجعتو لى
    يوم القيامة اشاكيك بين ايدي الله زى ماقلت خالتي بتول
                   |Articles |News |مقالات |بيانات

31-03-2010, 07:21 PM

Amany Elamin

تاريخ التسجيل: 24-01-2009
مجموع المشاركات: 3541

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عزاز شامي)

    الحبيبه سوما,,

    حمد الله علي السلامه,
    والتحليه في السمايه دي علّي,
    ماتكتروا من الخرفان عشان تقدروا تحلّوا بعديها :)




    ---
    في واحد صاحبنا اليومين ديل ماعنده باسويرد,
    لو بكري عمل فيهو كده وغيّر ليهو اليوزرنيم ياهو الحرد البورد
                   |Articles |News |مقالات |بيانات

31-03-2010, 07:29 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Amany Elamin)

    Quote: هسي يا بت امي انا علي شنو
    ازغرد ولا ادخل الضيوف
    ولا أسكت ألوغد في الضلع
    ولا اقعد اجوعر واتنخج

    طارق ود عمي جبريل
    اخجل اخجل آآآ جنا
    بعد الغيبة دى كلها جاي تتنخج لي هنا
    قالولك ده بيت نخجي
    نحن رافعين ضرعاتنا لا فوق نشحد فى الله ورسول مكة يرجعوا لي بياناتي
    بعدين ات لا متين بتتنخج كدي آآ ود امي
    ما سمعت المثل البقول لكل مكان نخجي ولكل سماية خروف
    اركز وجيب خروفك وتعال
                   |Articles |News |مقالات |بيانات

31-03-2010, 07:32 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: ا لمحترمة أسماء الجنيد
    تحياتي وتقديري

    مبروك عودة الإسم وست الإسم ... وبالتوفيق ونأمل أن يشكل الإسم حصنا
    منيعا تتكسر علي أعتابه هجمات الهكر والتتر


    العزيز كمال عباس تتبارك ايامك يا ود القبائل
    شكرا ليك كتير وكتر الف خيرك على الطلة يا ود الفريق والحلة
                   |Articles |News |مقالات |بيانات

31-03-2010, 07:40 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: حمدلله على السلامة يا سوما و بركة بالجية
    و انا بامسك القوز بس افهم هو شنو لاني من الناطقين بغيرها
    مسكيني الدوكة و القراصة باجيها ليك تب :)

    العزيزة عزاز
    والله يا حبيبة فى اللحظة الشلت التلفون دايرة اتصل بيك وابشرك
    لقيت مداخلتك قدامي.. وشكرا لكل جهودك يا غالية من عندينا لوول
    ولا انا المن عنديكم .. يا ستي كلو فى الهواء سواء
    خلاص اديناكى انتى وملقوفة الدوكة والقراريص جيهوها لينا بالله
    ما تنسوا ضيوفنا شنافين بالزات اعمامكن ناس حمزاوي وابو جهينة
                   |Articles |News |مقالات |بيانات

31-03-2010, 08:08 PM

بشير جبريل علي
<aبشير جبريل علي
تاريخ التسجيل: 03-08-2006
مجموع المشاركات: 785

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    العزيزة ..سوما ..عفواً ..أسماء الجنيد ..
    حمد الله على السلامة ..وقالوا الجاتك في تاريخ ميلادك الإسفيري سامحتك ..
    أما عن بكري ..أرجو أن تجدي له العذر ..هذه الأيام كل قراراته تحت تأثير
    الهكر .. يعني لا تقدري تعرفي ده بكري المهكور ولا ده الهكر المبكور ..
    وما بعيد الرجع ليك الباسويرد وغير إسمك وتاريخ ميلادك يكون ده الهكر
    متغمس دور بكري ..
    ويجي بكري بعد شوي متغمس دور الهكر ويهكرك ..ويا بلد ما دخلك هكر ..

    يا زولة مرحب بعودتك ..كان من الهكر ولا من أبكر ..
                   |Articles |News |مقالات |بيانات

31-03-2010, 07:40 PM

منصوري
<aمنصوري
تاريخ التسجيل: 28-09-2003
مجموع المشاركات: 2366

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    صاحبة القلب العامر بمحبة الناس من طرف
    صاحبة الملكة والابداع
    صاحبة العلاقة الأخوية النضيفة
    السودانية الأصيلة بت القبايل
    نبداهو من وين هسي دي؟؟
    عايز اقول ليك أني متلوم..إن عذرتيني معك حق
    وإن لمتيني معك حق
    والله الظروف القاهرة هي اللي لومتنا معاكم من التواصل
    مرحبا بالهجرة ومرحبا بالاستقرار والفيها خير ربنا يسويها
    أكيد شايفاني طالع نازل في البورد وما سلمت عليك.. اكيد زعلانة
    بس برضو ظروف ومشغولية قدر سبيب الراس.. دعواتك
    مرحبا بالاسم الجديد
                   |Articles |News |مقالات |بيانات

31-03-2010, 07:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: منصوري)

    Quote: الحبيبه سوما,,

    حمد الله علي السلامه,
    والتحليه في السمايه دي علّي,
    ماتكتروا من الخرفان عشان تقدروا تحلّوا بعديها :)


    الحبيبة امانى سلام يا غالية من طينة اهلنا
    انتي اصلك ياختي شبه التحلية عشان كده خليناها ليك
    طلتك زاتها على قلوبنا ما احلاها من تحلية
    سلمتي يا ست البنيات لي حدهن

    ---
    Quote: في واحد صاحبنا اليومين ديل ماعنده باسويرد,
    لو بكري عمل فيهو كده وغيّر ليهو اليوزرنيم ياهو الحرد البورد

    واااااااا شريري عليهو يا أماني
    قولي ليهو بل راسك آ خوي سوما ودوها الصالح العام فى صمة خشيمها
    والحيكومة انقلبت خلاس .. علا ده زمن انتخابات
    هسه بنقوم شايلين لافتاتنا ونعتصم فى دار الرياضة امدرمان لوول
                   |Articles |News |مقالات |بيانات

31-03-2010, 08:03 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: صاحبة القلب العامر بمحبة الناس من طرف
    صاحبة الملكة والابداع
    صاحبة العلاقة الأخوية النضيفة
    السودانية الأصيلة بت القبايل
    نبداهو من وين هسي دي؟؟
    عايز اقول ليك أني متلوم..إن عذرتيني معك حق
    وإن لمتيني معك حق
    والله الظروف القاهرة هي اللي لومتنا معاكم من التواصل
    مرحبا بالهجرة ومرحبا بالاستقرار والفيها خير ربنا يسويها
    أكيد شايفاني طالع نازل في البورد وما سلمت عليك.. اكيد زعلانة
    بس برضو ظروف ومشغولية قدر سبيب الراس.. دعواتك
    مرحبا بالاسم الجديد

    اوووه اهلنا المنهم طولنا
    حباب المنصوري وحباب طلتك السمحه
    حاشاك اللوم يابا .. ات عارفنى بالحيل لا بلوم ولا بحمل ازعل زول
    دحين يا الحنين الجري كتير والزمن بقى لفحي
    ان شاء الله الظروف دي بس تبقى خير وتبقوا طيبين وسالمين
    وحاشاك ماك مليوم تب وحات خوتكم
    والله ما بلومك حتي لو كنت طالع ونازل فى البورد
    دائما بخت العذر وامكن تكون مشغول
    وعلى العموم البينا عاااامرة يا العشا
    دعواتكم بس ربنا يدي الصحة والعافية
    وان شاء الله نبقى طيبين وتبقوا طيبين والحي مصيروا يلاقي
    وما تنسانا من دعواتكم بالله
    وسلام شديد للعقاب والشوق ليهم محنة يعلم الله
    لك سلام الجميع من هنا
    وشكرا أردب محنة
                   |Articles |News |مقالات |بيانات

31-03-2010, 08:26 PM

عزيز عيسى
<aعزيز عيسى
تاريخ التسجيل: 18-09-2005
مجموع المشاركات: 1389

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    العزيزة سوما

    تحياتي،

    جمال أخوك قال ليك (كر عليك) بقيتي برلومة بعد الزمن دا كلو..
    والله لكن بكري ما ليهو حق مفروض يشوف طريقة يعيد بيها تواريخ
    التسجيل علشان تضمني حقوقك. على كل حال الله معاك.
    Quote:
    القطاعة ما عافية ليك ان ما رجعتو لى
    يوم القيامة اشاكيك بين ايدي الله زى ماقلت
    خالتي بتول


    Quote: الاصلو نخله منّو الخير ما بخلا
    والاصلو حنضل كان كبولو السكر ما بحلا
    ...(خالتي حاجه بتول)

    الكلام الفوق دا شعار جمال في منتدى ودمدني..
    الظاهر الخالة الحاجة بتول زولة ما ساهلة وبتعزوها
    كثير.
                   |Articles |News |مقالات |بيانات

31-03-2010, 08:09 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    وعلّم آدم الاسماء كلها

    تعرفي يا سوما/اسماء لما اشوف اسمك القديم أو الجديد، صورتك، بملامحها الطيبة والجميلة، وشعرك ببساطته وسودانويته، يملآن شاشة كمبيوتري وعقلي.


    جلّ الصانع البصير كما كانت تقول حبوبتى/أمي بت علي
                   |Articles |News |مقالات |بيانات

31-03-2010, 08:19 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: لحن الخاطر


    لحن الخاطر ..
    مدفون جواك..
    فى عمق الخاطر ..
    لامى معاك ..
    الريد الدافر..
    بتهجاك..
    واجمع فيك ..
    بقدرة قادر ..
    واستناك ..
    افكر فيك..
    لى يوم باكر
    واترجاك ..
    تشيلنى معاك .
    غيما ماطر.
    اتوه فى سماك ..
    وليك اسافر ..
    اعيش جواك..
    الملم فيك
    ونبضك طاهر..
    اتمناك
    اغنى معاك
    لحنا عاطر
    حروف منثوره..
    درر وجواهر ..
    وبيك اتحدى
    قيس الشاعر ..
    واحلم ديمة
    باجمل حاضر ..
    يحلق يرفرف ..
    بى جناح طائر ..
    يناجى الماضى..
    ويفضل فاكر ..
    كلمة رواها ..
    البدر الدائر ..
    عم شذاها ..
    النسم الحائر..
    يا يوم باكر .....
    انت الامل
    الاخضر ناضر
    وانت الريد
    الفيه بذاكر
    وانت القلب
    الكلو ازاهر
    يا يوم باكر....
    انت النيل
    البجرى مشاعر..
    وانت الحلم
    الليه بخاطر
    ادمر بيه
    قيود وعساكر ..
    اكسر تحته
    الحظ العاثر..
    وابدأ معاك
    العمر الزاخر
    بالافراح الليها بداية
    ومن دون آخر ..
    بالافراح الليها بداية
    ومن دون آخر ..
                   |Articles |News |مقالات |بيانات

31-03-2010, 08:28 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Adil Osman)

    Quote: العزيزة ..سوما ..عفواً ..أسماء الجنيد ..
    حمد الله على السلامة ..وقالوا الجاتك في تاريخ ميلادك الإسفيري سامحتك ..
    أما عن بكري ..أرجو أن تجدي له العذر ..هذه الأيام كل قراراته تحت تأثير
    الهكر .. يعني لا تقدري تعرفي ده بكري المهكور ولا ده الهكر المبكور ..
    وما بعيد الرجع ليك الباسويرد وغير إسمك وتاريخ ميلادك يكون ده الهكر
    متغمس دور بكري ..
    ويجي بكري بعد شوي متغمس دور الهكر ويهكرك ..ويا بلد ما دخلك هكر ..

    يا زولة مرحب بعودتك ..كان من الهكر ولا من أبكر ..

    حباااااب ود امي وابوي
    كيفنك آآآ البشير واريت حالك زين
    النبي شفت العملا فيني ابكر الهكر
    كان ابكر اكان الهكر شكيتهم علي الله
    كشفت راسي وقبلت على القبلة ودعيت عليهم بي جدودي التسعة وتسعين
    باكر بكري ده كان جاتو جضمارة قطع شك ده واحد من جدودي البروبو المويه
    ان فتح عينو خلاس .. وان طنش طناشو البسوي فيهو ده..
    بناغمهم تاني ينفخولو بطنو يبقي مملس فوق ومتمسح فى النص
    اصبروا ساي ان ما خليتو ليكم جاني كداري عند اهلي فى الضهاري
    تسلم يا بشير اخوي وطلتك بردت جوفي بالحيل آ الحنين
    شكرا يابا شكرا ليك نيلين ومقرن
                   |Articles |News |مقالات |بيانات

31-03-2010, 08:35 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: وعلّم آدم الاسماء كلها

    تعرفي يا سوما/اسماء لما اشوف اسمك القديم أو الجديد، صورتك، بملامحها الطيبة والجميلة، وشعرك ببساطته وسودانويته، يملآن شاشة كمبيوتري وعقلي

    الاخ العزيز عادل عثمان حبابك ويا حليل زمان
    مالك داير تبكيني اصلي اليلي ممغوسي على قول ود جبريل اخوي
    تتذكر يا عادل يا خوي تاريخ تسجيلنا الزمان ..
    الفين واتنين دي مرتبطة بي كل ذكرياتي
    يجي اب صلعة يمسحا لي
    ما عافية ليك يا بكري
    شكرا يا عادل وبركة الشفت ناس حلتي الزمان
                   |Articles |News |مقالات |بيانات

31-03-2010, 08:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: العزيزة سوما

    تحياتي،

    جمال أخوك قال ليك (كر عليك) بقيتي برلومة بعد الزمن دا كلو..
    والله لكن بكري ما ليهو حق مفروض يشوف طريقة يعيد بيها تواريخ
    التسجيل علشان تضمني حقوقك. على كل حال الله معاك


    الاخ الكريم عزيز عيسى حبابك يا الجيتنى بى ريحة اهلى
    هى يا جمال شفت البقي علي
    تعال لي آآ يابا خلينى النتفش بكاء
    شفت الحقارة البقت علي دي.. اتمنيت اكون هناك فى بلدكم ديك
    عشان امشي لي بكري في بيتو واشيل حقي
    علا هو عارف البكان بعيد
    لكن لومك علي بكور ده نلاقيهو فى زقاقت الجنيد ديك .. خسوسا الورا الجزارات ديك
    علا اجندلو الصاموتي صاحب خالتي بتول لوووووووووووول ومعاهو الكعوبية من فريق النص
    قول لى سنية حقوق القرابة محفوظة وانا مشاركاك بالنص بى عمتي فاطنة بت الخدر
    واجندلو تانى الجيدو من فريقكم .. وعثمان وريبة من فريقنا...
    وحات الله يسوقوه لا قدام فى البلدات الا يزرعولو صلعتو دى تبش وعجور
    والعجب كان كرينا ود البلة .. هيــع والله السريجاب راس لووول
    يا حليلكم ياخ

    على فكرة اخى عزيز خالتى بتول دي من شدة محنتها وبساطتها
    كلمة معزة شوية عليها.. وعندها جنس حكم وامثال ..
    آآآآآخ لكن هنا ما بتتقال ولا شنو يا جمال..
    على فكرة خالتك حرم غادرتنا تب اول امس لى البلد وهسه محكرة وسط بنياتها فى بحري
    اها ودعتكم الله ودحين يا عزيز ويا جمال بكري ده بطرفكم قومو بي واجب خيتكم سوما
    الحقروبا عينك يا تاجر ونصة نهار
                   |Articles |News |مقالات |بيانات

31-03-2010, 08:37 PM

كمبورة
<aكمبورة
تاريخ التسجيل: 14-01-2008
مجموع المشاركات: 2840

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    مرحبتين تلاتة بعودتك


    استاذتنا اسماء الجنيد لكي التحايا كلها وللعيال وابوهم متلها


    والله بكري معاهو حق سيبك من سوما اسماء الجنيد اسم مليان


    ورسلوا لينا حقنا عضم


    اهلا وسهلا ونورتي حوش بكري
                   |Articles |News |مقالات |بيانات

31-03-2010, 08:39 PM

Adil Osman
<aAdil Osman
تاريخ التسجيل: 27-07-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    اضافة الى الاحتفاء باسمك المنبري الجديد ، انا اريد ان احوّل هذا البوست يا اسماء/سوما الى احتفاء بيك وبتجربتك الابداعية وارائك الشجاعة، والى احتفاء بمن هم حولك، زوجك المبدع الفاتح الجنيد واسرتك واصدقائك.
    أول مرّة اسمع صوتك فى هذا الفيديو فى لقاء ليك فى القناة النيل الازرق:

    http://www.youtube.com/watch?v=Ynl7S34LflY
                   |Articles |News |مقالات |بيانات

31-03-2010, 08:59 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Adil Osman)

    Quote: مرحبتين تلاتة بعودتك

    استاذتنا اسماء الجنيد لكي التحايا كلها وللعيال وابوهم متلها

    والله بكري معاهو حق سيبك من سوما اسماء الجنيد اسم مليان

    ورسلوا لينا حقنا عضم

    اهلا وسهلا ونورتي حوش بكري

    اهلييين حبابكم يا اهلنا
    العزيز محمد كمبورة والله طلتك فرح قبيلة
    ياخوى كتر الف خيرك والاسم مانا مابينو والسماية اجابرية زى ما شايف
    علا بدور يرجعلي حقي الاسفيري بكري
    داير يحرمني من الورثة شكيتو على كل الاحزاب السياسية والمي سياسية
    يسوهو شعار لمنظمات الاغاثة الدولية لووول ...بكري الليلة شيل شيلتك معاي
    شكرا يا كمبورة والسلام عبرك للحبيبة الغالية والعيال
                   |Articles |News |مقالات |بيانات

31-03-2010, 09:04 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: اضافة الى الاحتفاء باسمك المنبري الجديد ،
    انا اريد ان احوّل هذا البوست يا اسماء/سوما
    الى احتفاء بيك وبتجربتك الابداعية وارائك الشجاعة،
    والى احتفاء بمن هم حولك، زوجك المبدع الفاتح الجنيد واسرتك واصدقائك.
    أول مرّة اسمع صوتك فى هذا الفيديو فى لقاء ليك فى القناة النيل الازرق:


    شكرا كتتتتتتتر خيرك يا عادل يا خوي
    الله يديك قدر يرضيك
    يعلم الله فرقت علي كتير
    ربي يعلي مراتبك ويعظم شانك
    وشكرا من تاني لكل المعاني النبيلة منك
    سلمت يا ود القبائل
                   |Articles |News |مقالات |بيانات

31-03-2010, 09:05 PM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: السماية دى نسوان بس يا سومة ؟؟؟

    الرجال يتفضلوا على الصيوان الفى الحوش لا قدام
    عاملين حوليه
                   |Articles |News |مقالات |بيانات

31-03-2010, 09:12 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: الفاتح الجنيد)

    Quote: الرجال يتفضلوا على الصيوان الفى الحوش لا قدام
    عاملين حوليه

    لووووووووووووووووول
    الدعوة دى لى خدر امشى البس ليك جلابية خدرا وجر سبحتك وتعال
    بعدين يا ود الجنيد ما تنشغل لى بالمديح والذكر والضيوف
    تعال اول شىء ادينى موجبي ..
    لا اقبل ولا اتنازل غير غويشة عيار تقيل
    عيار ادافع بيهو عن حقي فى سهلة بكري


    حكمة اليوم
    يسويها بكري وتقع فيكم انتو
    ***
    مثل جنيدابي
    البتقع من بكري يحملا الفاتح الجنيد
                   |Articles |News |مقالات |بيانات

31-03-2010, 09:18 PM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    اسماء الجنيد مسقط


    انا بوزع ليك الشاي البتعملو فادية دا

    لكن ناس سكري خفيف وشايي تقيل ديل يخفوا علي شوية وما بتجيهم عوجة وشايهم ما بنقص

    كان بقت جبنة كمان برضو بوزعها ليك


    ويابكري رجع للزولة دي تاريخها الاسفيري
                   |Articles |News |مقالات |بيانات

31-03-2010, 09:26 PM

نيازي مصطفى
<aنيازي مصطفى
تاريخ التسجيل: 22-08-2004
مجموع المشاركات: 4643

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: SHIBKA)

    مش كويس ما قال ليك العضو soma حان وقت رحولك
    عموما دا عنوان بوستين التاني هو
    الف مرحبا بالاخت اسماء الجنيد اضافة مميزة للمنبر الحر



    8 سنوات راحت بجرة ماوس ..
    لك التحية وان شاء الله يطيب ليك المقام شاعرتنا المبدعة ..
                   |Articles |News |مقالات |بيانات

31-03-2010, 09:27 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: SHIBKA)

    ويا اخى عادل عثمان اهديك وكل الاحبة زوارنا المتضامنين معنا اليوم
    القصيدة المشتركة
    مقدمتها اى الرمية من الغالي الفاتح الجنيد
    والقصيدة من خيتك الغبشة سوما
    واللحن والاداء للرائع مصطفى السنى
    وكانت فى نفس السهرة الاخترت منها الجزء فى مداخلتك الاخيرة
    واليكم بالرابط لاني ما بعرف انزل يوتيوب هنا


    http://www.youtube.com/watch?v=XH3HdFHVC70&NR=1
                   |Articles |News |مقالات |بيانات

31-03-2010, 09:26 PM

عزيز عيسى
<aعزيز عيسى
تاريخ التسجيل: 18-09-2005
مجموع المشاركات: 1389

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: الفاتح الجنيد)

    Quote: ودحين يا عزيز ويا جمال بكري ده بطرفكم قومو بي واجب خيتكم سوما
    الحقروبا عينك يا تاجر ونصة نهار

    ولا يهمك يا سومة..
    أهو أنا وجمال خارجين يا دوب من تكساس في طريقنا على أريزونا
    حنقوم بالواجب ولازم نأخذ ليك بتارك ونجيب ليك بكري لحدي عندك مقيد..
    كدا قصرنا معاك؟.


                   |Articles |News |مقالات |بيانات

31-03-2010, 09:45 PM

الفاتح الجنيد
<aالفاتح الجنيد
تاريخ التسجيل: 19-08-2007
مجموع المشاركات: 1003

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عزيز عيسى)

    Quote: بعدين يا ود الجنيد ما تنشغل لى بالمديح والذكر والضيوف
    تعال اول شىء ادينى موجبي ..
    لا اقبل ولا اتنازل غير غويشة عيار تقيل
    عيار ادافع بيهو عن حقي فى سهلة بكري

    مثل جنيدابي
    البتقع من بكري يحملا الفاتح الجنيد

    جبتيها براك
    ما كفايه بكرى كسر ضهرى

                   |Articles |News |مقالات |بيانات

31-03-2010, 09:55 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عزيز عيسى)

    Quote: اسماء الجنيد مسقط


    انا بوزع ليك الشاي البتعملو فادية دا

    لكن ناس سكري خفيف وشايي تقيل ديل يخفوا علي شوية وما بتجيهم عوجة وشايهم ما بنقص

    كان بقت جبنة كمان برضو بوزعها ليك

    شبكة يا حبيبة يا غالية .. ما بتقصري والله عارفاك حنينة وهميمة
    اقول ليك حاجة .. قسمي الشاي وما تتلفتي وراك .. البناغمك تاني سويلو طناش بكري ده
    اصلو العيزومه دي انا مسوياها جبرية ساى ولي عين الناس..
    Quote: ويابكري رجع للزولة دي تاريخها الاسفيري

    بسسسسسس ركزي لي على دي
    وكان عندك حبوبة قريبة خليها التكرب لي الدعوات
    تسلمي يا شبكة من كل الشبك يمة
                   |Articles |News |مقالات |بيانات

31-03-2010, 10:13 PM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: بسسسسسس ركزي لي على دي
    وكان عندك حبوبة قريبة خليها التكرب لي الدعوات
    تسلمي يا شبكة من كل الشبك يمة



    حبوبتي وين القاها عشان اكلمها

    لكن بشوف ليك حبوبة صلاح غريبة حتى لو اغمت ليها
                   |Articles |News |مقالات |بيانات

31-03-2010, 09:45 PM

بكري عباس علي
<aبكري عباس علي
تاريخ التسجيل: 26-10-2009
مجموع المشاركات: 2253

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: الفاتح الجنيد)

    استاذة اسماء

    مبروك عليك الاسم الجديد

                   |Articles |News |مقالات |بيانات

31-03-2010, 10:08 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: بكري عباس علي)

    Quote: مش كويس ما قال ليك العضو soma حان وقت رحولك
    عموما دا عنوان بوستين التاني هو
    الف مرحبا بالاخت اسماء الجنيد اضافة مميزة للمنبر الحر

    العزيز نيازي مصطفى حبابك واليوم السعيد اللينا جابك
    حبابك ات والله وكتر خيرك علي الطلة يابا

    Quote: 8 سنوات راحت بجرة ماوس ..
    لك التحية وان شاء الله يطيب ليك المقام شاعرتنا المبدعة ..

    احيييييي انا وا مغيستي يا خوي
    حرق حشاي اب صلعه ان ما رجع لي حقي بقعد اداعي فيهو كده لامن يجي رمضان
    وبعد كل تراويح اديهو فاتحتين والعجب العشرة الاواخر .. بشتري لي سبحة جديدة
    شكرا اخي نيازى وكتر خيرك يابا على التضامن عارفاك ما بتقصر تب
                   |Articles |News |مقالات |بيانات

31-03-2010, 10:16 PM

emad altaib
<aemad altaib
تاريخ التسجيل: 27-12-2007
مجموع المشاركات: 5300

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    ــــ
    سلامات وحمداً لله علي الرجوع والله أستاذتنا وشاعرتنا

    جميلة الفكرة والحروف ... والراقية أسماء الجنيد.


    النصيحة إسمك سمح كان بالعربي وجديد

    أو الكان زمان soma


    ــ
    والجاتك في إسمك السابق سامحتك .
                   |Articles |News |مقالات |بيانات

31-03-2010, 10:32 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: emad altaib)

    Quote: ولا يهمك يا سومة..
    أهو أنا وجمال خارجين يا دوب من تكساس في طريقنا على أريزونا
    حنقوم بالواجب ولازم نأخذ ليك بتارك ونجيب ليك بكري لحدي عندك مقيد..
    كدا قصرنا معاك؟.


    آي عليكم النبي ما تقصروا معاي
    عفصوهو لي سمممممح بي كداري حصينكم دي
    والعلوق علي حق الحصين لووووووووووول
    بكري السويتا فيني يسوها فيك اهلي الغبش فى الضهره وغريقانة لووووووووول جمال
    اسمع يا جمال النبي فيك
    عزيز اخوي ده كان فتر من المشوار امسك فى كليمتك ديك
    ارااااااااااااااااااااااااااااح هييييييييي اعصر جاااااااي لووووووووووووووول
    ما تخلى وراك تب .واول ما بكري يفتح الباب تلبو في راسو
    لا لقهر النساء
    لا للظلم
    لا لتغيير الاسماء بدون اذن
    اطالب بحقى الاسفيري شرعيا وقانونيا
    والتحكيم فاشل يا بكري
                   |Articles |News |مقالات |بيانات

31-03-2010, 10:38 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: حبوبتي وين القاها عشان اكلمها

    لكن بشوف ليك حبوبة صلاح غريبة حتى لو اغمت ليها

    لووووووووووووووووووووووووووول يا شبكة دى قوية خلاس
    النبي اغمتيلها وانا ليك علي بقسم معاك الموجب لووول
                   |Articles |News |مقالات |بيانات

31-03-2010, 10:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: استاذة اسماء

    مبروك عليك الاسم الجديد

    تتبارك ايامك يا بكرى عباس يا خوي
    لكن آخوي بقت علي آخوى اشحدوا الله معاى يرجع لي حقي الاسفيري
    تسلم اخي بكرى وبارك الله فيك ان شاء الله
                   |Articles |News |مقالات |بيانات

31-03-2010, 11:00 PM

بدر الدين الأمير
<aبدر الدين الأمير
تاريخ التسجيل: 28-09-2005
مجموع المشاركات: 14504

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: اسماء الجنيد

    حروف إسمك الجديد
    سُكر الجنيد
    بس خرفان وتيران السماية بتور النفس
    ياسيدتى لك التقدير سوما واسماء واحتجاج
    وسؤال احتجاجى من شاعرة تشعر وتنقلب الاسماء
    والمسميات

                   |Articles |News |مقالات |بيانات

01-04-2010, 09:31 AM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: النبي اغمتيلها وانا ليك علي بقسم معاك الموجب لووول



    ما بتقصري والله

    اها بكري ما قال شي؟؟؟

    نرمي ليهو ودع ولي كيف النظام؟؟؟
                   |Articles |News |مقالات |بيانات

31-03-2010, 10:44 PM

كمال سالم
<aكمال سالم
تاريخ التسجيل: 13-02-2008
مجموع المشاركات: 4785

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: emad altaib)

    ألف مبروك الميلاد الجديد
    والإسم بالعربى دائما جميل
    وواضح وبيرسخ فى الذهن بسرعه
    فخيرا فعل بكرى ,,
    ماتنسونا من الكمونيه إنشاء الله بالدى إتش إل
    تحياتى للفاتح والعيال ,,
                   |Articles |News |مقالات |بيانات

01-04-2010, 08:41 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: كمال سالم)

    عليا المكسرات والتحلية


    وشامبيون
                   |Articles |News |مقالات |بيانات

01-04-2010, 09:03 AM

Dalal Ezzaldin
<aDalal Ezzaldin
تاريخ التسجيل: 19-06-2008
مجموع المشاركات: 1406

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عبد الدائم سيد أحمد)

    مبروك يا سوما وشايله اساميك الجديده ان شاء الله


    مضامنيين معاك في تاريخك العريق و تحويشة العمر المداخلات

    بتوجع والله
                   |Articles |News |مقالات |بيانات

01-04-2010, 09:20 AM

Yousif A Abusinina
<aYousif A Abusinina
تاريخ التسجيل: 12-11-2008
مجموع المشاركات: 1907

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Dalal Ezzaldin)

    ان شاء الله شايلة الاسم

    مبروك اسماء الجنيد ( سومة سابقا)

    وان جاهز بمسك كراس الموجب (50%) بس

    تحية وتقدير لشخص الكريم
                   |Articles |News |مقالات |بيانات

01-04-2010, 09:53 AM

وليد الطيب قسم السيد
<aوليد الطيب قسم السيد
تاريخ التسجيل: 30-04-2009
مجموع المشاركات: 2245

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Yousif A Abusinina)



    اها يا بت امى قصرت معاك الناس ديل كلهم يديهم والسماء الا انا

    سعيد باطلالتك الجديده......
    حتى انا تسجيل 2001 بكرى حرمنى منو واهو بنطط بالفين وتسعه
                   |Articles |News |مقالات |بيانات

01-04-2010, 09:55 AM

وليد عبد اللطيف
<aوليد عبد اللطيف
تاريخ التسجيل: 09-08-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Yousif A Abusinina)

    العضو الجديد / اسماء الجنيد
    الف مرحب بيك
    واقامة طيبة بين اخوانك واخواتك









    --------------------------
    تم تغيير الاسم ولم تغيري لون الخط ( والمهم فن التعبير والكتابة لم يتغير ) وتاني مرحب
                   |Articles |News |مقالات |بيانات

01-04-2010, 10:04 AM

انتصار محمد صالخ بشير
<aانتصار محمد صالخ بشير
تاريخ التسجيل: 23-02-2005
مجموع المشاركات: 1288

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: وليد عبد اللطيف)

    سوما الحبيبة

    اسمك علم جديد وقديم

    الاهم قلمك الرائع.......
                   |Articles |News |مقالات |بيانات

01-04-2010, 10:08 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    شاعرتنا الأنيقة soma الشهيرة بـ اسماء الجنيد
    ياخ أنت من يعطي للأسماء ألقها

    وكت العزومة نسوان ساااااكت ..
    والمطلوب مننا نجيب الخرفان ونتخارج
    أحسن نأخد حقنا ( قطيعة )
    أولاً بالتبادي
    أنا ما بحب ( أشنف ) حاجات الناس
    لكن هسع بكري ( قدس الله سره ) لو كان كتب اسم ( اسماء ) دا زي ماقالوا أهل اللغة بهمزة القطع ( أسماء ) كان بيحصل شنو في الدنيا دي ؟؟؟
    وتانياً
    ياهو دا الـ ربنا قدروا عليهو يشيل ( كل تاريخ ) مشاركاتك ويختك مع ( البرالمة ) ؟؟
    أها باكر أكان قلت ليك راياً سااااكت ما عجب سيد البوست يقوم ينهرك ديك يالنهرة

    "اسكتي يا برلومة إنتي الخبرك بي جنس كلامنا دا شنو ؟؟ "

    غايتو

    مخير الله في حكمو ... " كلمة الحبيبة الوالدة بت التلب "
                   |Articles |News |مقالات |بيانات

01-04-2010, 10:34 AM

البشير دفع الله
<aالبشير دفع الله
تاريخ التسجيل: 27-12-2007
مجموع المشاركات: 3014

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عاطف عمر)

    مرحبتين أسماء الجنيد في ثوبها الجديد

    والف مبروك الأسم الجديد

    صعب أرسل خروف من جده ينفع أرسل 20 بروست البيك بالدلفري
                   |Articles |News |مقالات |بيانات

01-04-2010, 10:38 AM

عماد الدين عبدالله
<aعماد الدين عبدالله
تاريخ التسجيل: 10-09-2009
مجموع المشاركات: 3675

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عاطف عمر)

    الف الف الف مبروك الميلاد الجديد

    لشاعرتنا المبدعة أسماء الجنيد

    وبقدومك بيتنا نور وكلو زينة

    تحياتي واحترامي
                   |Articles |News |مقالات |بيانات

01-04-2010, 10:50 AM

عفاف الصادق بابكر
<aعفاف الصادق بابكر
تاريخ التسجيل: 10-08-2009
مجموع المشاركات: 4185

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عاطف عمر)

    الحبيبة الغالية soma

    الرزينه دهب الخزينه اسماء الجنيد ..

    يا اختي كل الحروف تضوي عربي ولا تيني ..

    المهم انتي انتي .. صاحبت القول والفكر ..

    اها يا بت أمي انا وسط اخياتي ديل ..

    لكن بصراحه ما بحب الخدمة لا ضلع لا شاي ولا قهوه ..

    بس ونسه ساي وضحك .. اصلي ما بحب اخدم في المناسبات .

    اما بكري وضياع حقك .. فكرة شبكة حلوه مع حبوبه غريبه ..
                   |Articles |News |مقالات |بيانات

01-04-2010, 11:17 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عفاف الصادق بابكر)

    Quote: سلامات وحمداً لله علي الرجوع والله أستاذتنا وشاعرتنا

    جميلة الفكرة والحروف ... والراقية أسماء الجنيد.

    النصيحة إسمك سمح كان بالعربي وجديد

    أو الكان زمان soma

    ــ
    والجاتك في إسمك السابق سامحتك .


    العزيز اخوى عماد الطيب
    حبابك يا الخزين
    المشكلة يا عماد اخوي كان بقت على الاسم ما مشكلة
    الاسم المغيسى على قول طارق ود عمي جبريل
    وقعت فى تاريخي الحبيت فيهو فى حوش بكري ده اردح لامن صوتى انقرش
    علا الله غالب
    يوم عليهو ويم علينا .. انا غايتو كان سويت لي بورد فى الدنيا ام قدود دى
    بكري ده بعمل ليهو بروفايل تحفــــــة .. بقعدو فى المتحف
    وبرص جنبو صور ناس آمون رع وخوخ مين ما عارفة وامنمحيت الاول والطيش
    شكرا يا عماد تسلم وتتبارك ايامك يابا

    (عدل بواسطة اسماء الجنيد on 01-04-2010, 11:44 AM)

                   |Articles |News |مقالات |بيانات

01-04-2010, 11:41 AM

ماجدة عوض خوجلى
<aماجدة عوض خوجلى
تاريخ التسجيل: 25-12-2006
مجموع المشاركات: 7279

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)


    الحبيبه اسماء
    اها انا جيتك وبخروفى من الصالون طوالى وعليكى
    مابنقدر على زعلك ابدا حبيبه وحمدآ لله على روجعك لينا بالسلامه
    تسلمى من كل شر يارب ...
                   |Articles |News |مقالات |بيانات

01-04-2010, 11:26 AM

عبد الفتاح زوما

تاريخ التسجيل: 03-09-2009
مجموع المشاركات: 363

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عفاف الصادق بابكر)

    الاستاذة / اسماء ... مهندسة الحرف الانيق
    لك التحايا النواضر
    مرحب بيك فى الحوش العامر
    يكفى اهل الحوش انك القوية الامينة على مفاتيح بوابة الادب والشعر بركن الحوش الاخضر ...
    جاى ابارك بى ( زريبة مواشى فيها من كل زوج سبعة )
    يكفينا انك الآن بيننا ومعنا
    عودا حميدا ..
                   |Articles |News |مقالات |بيانات

01-04-2010, 11:29 AM

Hassan Makkawi
<aHassan Makkawi
تاريخ التسجيل: 27-02-2008
مجموع المشاركات: 5981

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عفاف الصادق بابكر)

    كلكم مابتعرفوا تجيبوا
    قال خروف قال!!!!










    مرحباً بالعودة!!!
                   |Articles |News |مقالات |بيانات

01-04-2010, 11:50 AM

علاء الدين حيموره
<aعلاء الدين حيموره
تاريخ التسجيل: 08-08-2006
مجموع المشاركات: 5671

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: Hassan Makkawi)

    خروف بس يا سوما القديمة واسماء الجديدة ؟؟

    تور كبير بقرونو كمان ...







    التغيير سجل في المحكمة وللا كيري ساي ؟
                   |Articles |News |مقالات |بيانات

01-04-2010, 12:03 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: علاء الدين حيموره)

    Quote: حروف إسمك الجديد
    سُكر الجنيد
    بس خرفان وتيران السماية بتور النفس
    ياسيدتى لك التقدير سوما واسماء واحتجاج
    وسؤال احتجاجى من شاعرة تشعر وتنقلب الاسماء
    والمسميات

    تشكرات الاخ بدر الدين الامير على التضامن
    ارجو انت تشجب ايضا تصرف بكرى المستنكر جملة وتفصيلا
    وبالله نزل لي الشجب ده عندكم فى الجريدة
    عشان تبقى فضيحة بجلاجل
    وشكرا من تاني وتحيات عبرك لصديقتى الحبيبة
                   |Articles |News |مقالات |بيانات

01-04-2010, 12:12 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: ما بتقصري والله

    اها بكري ما قال شي؟؟؟

    نرمي ليهو ودع ولي كيف النظام؟؟؟

    هلا شبكة
    والله ما قال شىء يا بت امي
    لكن ودع ما بنفع معاهو
    ده داير ليهو كجور راسو عديييييييل
                   |Articles |News |مقالات |بيانات

01-04-2010, 12:21 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: ألف مبروك الميلاد الجديد
    والإسم بالعربى دائما جميل
    وواضح وبيرسخ فى الذهن بسرعه
    فخيرا فعل بكرى ,,
    ماتنسونا من الكمونيه إنشاء الله بالدى إتش إل
    تحياتى للفاتح والعيال ,,

    العزيز كمال سالم سلام واحترام لك ولكل الاهل ليكم وحشة والله
    الاسم مافيهو شىء والله يا كمال يا خوي
    لكن الوجعه فى مسح السجل القديم وبدون سابق انذار
    وبدون مقدمات.. غايتو راجين الله فى الكريبة كان بكري يوضح الحاصل
    ولا يرجع تاريخ التسجيل القديم..
    البركة فى المكتبة غايتو ما غيرها لسة.. ده اثبات واضح ضد المحكمة
    شكرا يا كمال وسعيدة بطلتك والله
                   |Articles |News |مقالات |بيانات

01-04-2010, 12:26 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    اسمر يا اسمر


    نقلوك الجنيد تبع السكر
                   |Articles |News |مقالات |بيانات

01-04-2010, 12:35 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: khaleel)

    Quote: عليا المكسرات والتحلية


    وشامبيون

    العزيز عبد الدائم سيد احمد سلامات
    مشكووووووووور يابا على الطلة والهدية القيمه
    لكن لابد من انكم تضامنوا معاى
    عشان بكري ما يفتكرني نسيت تاريخي القديم
    ببقي ليهو كده زي جرح السكرى ينتح ينتح كده كلو مرة
    الف الف شكر اخى العزيز لطلتك الجميلة
                   |Articles |News |مقالات |بيانات

01-04-2010, 12:42 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: مبروك يا سوما وشايله اساميك الجديده ان شاء الله

    مضامنيين معاك في تاريخك العريق و تحويشة العمر المداخلات

    بتوجع والله

    الحبيبة دلال عز الدين
    حبابك يا حنينة من بطن الاهل
    تتبارك ايامك ان شاء الله
    ويباركوا ليك الجديد يا يمة.. قولى آمييين
    اسكتي ساي من تحويشة العمر دي
    ما بخليها لي بكري ان برك لي فكي
    نقيف معاك فى السمح مو شين
    تسلمي يا دلال وشكرا لمة حبان
                   |Articles |News |مقالات |بيانات

01-04-2010, 12:47 PM

وليد عبد اللطيف
<aوليد عبد اللطيف
تاريخ التسجيل: 09-08-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    يا اسماء الجنيد
    انا بجيك بخروف اسود بقرنين
    وضباح في فمو ودعة
    والضابحين يجن زاحفين
    والماضابحين شايلين الشموع واقفين
    واغني واقول : بت الفلاته ياحوا رقصت حلاته ياحوا
    وبت اللوليه ياحوا رقصت لولية ياحواء
    وضيفنا الخواجه لابسلو ردا







    -------------------------------
    يا اسماء شايف المراح بتاعك إتملى ... خلاص دقي ليك زار كمان ولازم تكرمي بالخرفان دي وتكون مناسبتين مره واحده
                   |Articles |News |مقالات |بيانات

03-04-2010, 09:05 PM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    مبروك الاسم الجديد
    نحن طبعاناس { ودربيعة } زعلانين وقالوا ليش تسمي نفسك { أبوحراز }
    المهم عرضنا { الاسم } للتقبيل
    لكن والله عليك أمان الله ولا زول واحد ما قدم عرض عشان نديهو ابوحراز
    هسي الواحد لو كان اسمو صلاح ادريس
    او جمال الوالي وجاء يبيع الاسم
    والله العظيم الجماعة الا يقيفوا بالصف

    اها جينا نشارك في السماية
    ماخليتوا لينا اي حاجة
    طبعاً بكره في الدنيا دي حاجتين
    ملاح القرع والراجل البيقعد وسط النسوان في المناسبات
    غايتو لمن اشوف واحد ملقوف زي دا الأكل والشاي بطلع كلو من راسي

    المهم انا عاوز أكسر ليكم { التلج }
    لكن جيبوه لينا في الديوان

    بالله مشاركاتك 57 بس !!!
    لا انس يوم قدمتك لسودانيز اون لاين
    كان ذلك في عام 2002
    وما بين 2002 و2010 عطرت كلماتك كل صفحات المنتدى
    وتوهجت حروفك حتى استحى منها قوس قزح
    أمنياتي لك ولوزوج وللأسرة الكريمة مزيدا من التوفيق
                   |Articles |News |مقالات |بيانات

01-04-2010, 12:44 PM

د.نجاة محمود


للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    حــــــروف إســـــمك


    حروف أسمك . . جمال الفال . . وراحة البال
    وهجعة زول بعد ترحال . . وتنية حلوة للشبال
    دنيتنا ومشاويرنا . . وغنواتنا الما . . بتتقال
    :حروف أسمك . . نجوم ركت على . .الياسمين
    فرح فى عين . . جمال . . . . . . . . و حزين
    أساور فى ايدين طفلة . بتحفظ فى كتاب الدين
    زفاف عاشقين بعد فرقةوسط باقات دعاالطيبين
    حروف أسمك . . عقد منضوم . . بخيت النور
    وطلةوردة من السور. . ونغمة تنادى من طنبور
    وشعلة فرحة فى الوادى تشع جزلانه ليها شهور
    حروف أسمك . . وكت أشتاق . . وأرحل . . ايك
    واسرح فى عسل عينيك تخضنى قبل المس أيديك
    تارجحنى وتفرحنى . . تخلينى أدق . . . صدرى
    واقيف وسط البلد واهتف بريديك يا صباح عمرى

    مرحب بيك يا ملكة باسمك الجديد
    ولو اسمك القديم فيه حنية شديدة
                   |Articles |News |مقالات |بيانات

01-04-2010, 12:49 PM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: د.نجاة محمود)

    سلامات يا سوما
    بالقديم ولا الجديد منورة ..
    نفتقدكـ مع الهلال في الفترة الماضية ..
                   |Articles |News |مقالات |بيانات

01-04-2010, 12:50 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: د.نجاة محمود)

    Quote: ان شاء الله شايلة الاسم

    مبروك اسماء الجنيد ( سومة سابقا)

    وان جاهز بمسك كراس الموجب (50%) بس

    تحية وتقدير لشخص الكريم

    العزيز يوسف ابو سنينة حبابك يابا
    يباركوا ليك السمح وجديد ان شاء الله
    لكن يا العشا بتدور تشيل حقى فى الموجب القدر قدرو ده ؟
    النص كمان ؟ امانة ماك طماع آ يوسف آ خوي
    تبقى علي ميتة وخراب ديار
    ودران تاريخ ونقصان قروش
    وآآآآآ شريري عليكي يا سوما

    ولا اقول ليك تعال نتفق
    اديتك الكشف كلو
    عليك امان الله ماني مشاركاك فيهو
    علا بى شرط
    اقدر لي علي بكري ده وشيل لي حقي منو سمح ؟
    ما تنطط لي عينيك ساي
    شكرا اخى يوسف وسعيدة بطلتك الحنينة
                   |Articles |News |مقالات |بيانات

01-04-2010, 12:56 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: اها يا بت امى قصرت معاك الناس ديل كلهم يديهم والسماء الا انا

    سعيد باطلالتك الجديده......
    حتى انا تسجيل 2001 بكرى حرمنى منو واهو بنطط بالفين وتسعه

    حبااااااااااااب وليد كيفنك يابا
    حاشاك ات من التقصير عارفاك ما بتجي يدك فاضية
    نجاملك آآآآ يابا فى السمح والزين.. قول آمين
    لكن وحات خوتك بكري اتلوم معانا بالحيل
    وحقربنا حقارة عدوك آآ خوي
    علا بس خلينا انتلحوا كده ده لامن يفهم حاجة
    شكرا يا وليد انا الاسعد بى طلتك يعلم الله
    شكرا أردب محنة
                   |Articles |News |مقالات |بيانات

01-04-2010, 01:28 PM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 27-04-2005
مجموع المشاركات: 14684

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    بأي الأسماء جئتنا فانت صاحب الكلم الجميل والحرف الشفيف

    تقديري لك دوماً , هي حالة من حالات المنبر فيوماً ما سيبتسم

    القدر يا سيدتي وسينجلي الليل, فاقد الشئ أيعطيه؟؟؟








    * أها خروفي بضع مفردات للتحاور الجميل أتصلح للسماية ؟؟؟







    .......................................................حجر.
                   |Articles |News |مقالات |بيانات

01-04-2010, 01:48 PM

khaleel
<akhaleel
تاريخ التسجيل: 16-02-2002
مجموع المشاركات: 30134

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: الرفاعي عبدالعاطي حجر)
                   |Articles |News |مقالات |بيانات

01-04-2010, 03:16 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: khaleel)

    العزيزة سوما وبالجديد اسماء الجنيد
    التحية للمبدعة التي ينصاع اليها عنان الكلم ويتنزل علينا فنا زكيا
    .
    .

    الناس سبقتني وجابو خرفانن وتيرانن
    ولكني جئت اليك كما جاء احد الانصار عندما رأى الابل والابقار والخرفان تنحر امام السيد الصادق المهدي وهو لم يترجل من المارسيدس
    فوضع عنقه تحت لستك المرسيدس وقال حررررررررررم انا جيت كرامة لود المهدي حررررررررم ما برجع حي .... خلو العربية تمش فوق رقبتي دي
    وتكسرا كععععععععععع كرامة لود المهدي .... حرررررررررم مابرجع حي ...
    شاعرة رقيقة لاتتحمل ان تكسر امامها رقبة ديك رومي ..... ولكنه الشعور بالفداء لمن نحب .....
    .
    .
    اسماء الجنيد اسم لايحتاج البحث عنه ولا الالتفات لتاريخ اضمامه للمنبر
    ولو لا تنبيهك هذا لم ينتبه له الاعضاء
    تحياتي وتقديري ويربى في عزك يابرلومة 2010
                   |Articles |News |مقالات |بيانات

01-04-2010, 04:10 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: عبدالله ود البوش)

    Quote: العضو الجديد / اسماء الجنيد
    الف مرحب بيك
    واقامة طيبة بين اخوانك واخواتك


    حباب وليد ود عبد اللطيف
    سلام يا اهلنا
    لكن يا وليد اتلومت معاي..
    شايفاك تكشر فى سنيناتك ساااي شمتان في خيتك
    كمان لا خروف لا شوال سكر..
    الخريف بجي واللوارى شنو ؟ بقولو شنو
    ؟
    الخريف بجي واللواري ما بتمشى القضارف لووول
    القضارف دى طبعا عشقي الازلي .. عشان كده ما بنسوقك معانا يا وليد
    اقعد فى حوش بكري ده ان شاء الله يرجعكم السودان بي ركشة

    --------------------------
    Quote: تم تغيير الاسم ولم تغيري لون الخط
    ( والمهم فن التعبير والكتابة لم يتغير ) وتاني مرحب

    ده تراثنا يابا وارثنا فى الزايلة ام قدود.عاد كيفن نغيره؟
    شكرااااااا وليد على الطلة الظريفة
                   |Articles |News |مقالات |بيانات

01-04-2010, 05:18 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: سوما الحبيبة

    اسمك علم جديد وقديم

    الاهم قلمك الرائع.......

    الغالية انتصار سلامات واشواق حنينة
    تسلمي انتي يا حبيبة
    سرتني طلتك جدا يا انتصار
    يديك الف عافية يا رب
                   |Articles |News |مقالات |بيانات

01-04-2010, 05:39 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: شاعرتنا الأنيقة soma الشهيرة بـ اسماء الجنيد
    ياخ أنت من يعطي للأسماء ألقها

    وكت العزومة نسوان ساااااكت ..
    والمطلوب مننا نجيب الخرفان ونتخارج
    أحسن نأخد حقنا ( قطيعة )
    أولاً بالتبادي
    أنا ما بحب ( أشنف ) حاجات الناس
    لكن هسع بكري ( قدس الله سره ) لو كان كتب اسم ( اسماء )
    دا زي ماقالوا أهل اللغة بهمزة القطع ( أسماء )
    كان بيحصل شنو في الدنيا دي ؟؟؟
    وتانياً
    ياهو دا الـ ربنا قدروا عليهو يشيل ( كل تاريخ )
    مشاركاتك ويختك مع ( البرالمة ) ؟؟
    أها باكر أكان قلت ليك راياً سااااكت ما عجب سيد البوست يقوم ينهرك ديك يالنهرة

    "اسكتي يا برلومة إنتي الخبرك بي جنس كلامنا دا شنو ؟؟ "

    غايتو

    مخير الله في حكمو ... " كلمة الحبيبة الوالدة بت التلب "

    الاخ العزيز عاطف حبابك يا اصيل
    غيبة طويلة ان شاء الله طيبين
    يا خوى منو القال ليكم السماية نسوان ساي؟
    ما شفت ود الجنيد قال ليكم فى حولية للرجال ؟ لووول
    الحكاية عاااااااامة وفارشين فى السهلة
    لكن يا ود امي هو بكري صبر لامن يوهط الحروف والهمزات ؟
    ده لفح الاسم وقال النتخارج من بت الجنيد دي...
    عملنا ليهو سافوتا ناس عزاز بي جاي .. ود المحرب بي جاي .. وليد بي هناك
    الفاتح الجنيد وايييييييك ... اتحزم واتلزم واتخارج
    لكن والله صدقت واجعني تاريخي الفقدتو وبي سببو قطع شك باخد لى كم نهرة كده
    الله يستر بس........ فعلا مخير الله فى حكمو على قول بت التلب
    يديكم الف عافية ان شاء الله يا عاطف وتحياتي عبرك للعقاب...
                   |Articles |News |مقالات |بيانات

01-04-2010, 06:27 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: مرحبتين أسماء الجنيد في ثوبها الجديد

    والف مبروك الأسم الجديد

    صعب أرسل خروف من جده ينفع أرسل 20 بروست البيك بالدلفري

    الاخ البشير حبابك يا خوي ان شاء الله طيب
    الله يبارك فيك يابا .. يباركولك الجديد ان شاء الله.. قول آمين
    هسه يا البشير اخوي البروست ده يدوهو لمنو ؟
    ات وكت داير ترسل ما ترسل حق الخروف يابا بروست شنو ؟ لوول
    شكرا يا البشير وكتر الف خيرك على التضامن والمجاملة
    نجيك فى السمح ما شين يا يابا
                   |Articles |News |مقالات |بيانات

01-04-2010, 06:48 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    بكري يا متخلف..... امشي كدي يا سودان قديم

    رجع للزولة دي شيتاتا كلهن.. من ضمنهن اللسم!!!!



    سكتنا لي مساككة الكدابس كمان جانا غير اللسامي؟ .. وكسيّر العدة
                   |Articles |News |مقالات |بيانات

01-04-2010, 07:01 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: الف الف الف مبروك الميلاد الجديد

    لشاعرتنا المبدعة أسماء الجنيد

    وبقدومك بيتنا نور وكلو زينة

    تحياتي واحترامي

    الاخ العزيز عماد الدين عبد الله
    سلامات يا رجل من الزمن الجميل
    وبقدومك انت يا اصيل هلا خريفنا باكرية
    تسلم اخي عماد وما عدمناك ان شاء الله
                   |Articles |News |مقالات |بيانات

01-04-2010, 07:16 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: الحبيبة الغالية soma

    الرزينه دهب الخزينه اسماء الجنيد ..

    يا اختي كل الحروف تضوي عربي ولا تيني ..

    المهم انتي انتي .. صاحبت القول والفكر ..

    اها يا بت أمي انا وسط اخياتي ديل ..

    لكن بصراحه ما بحب الخدمة لا ضلع لا شاي ولا قهوه ..

    بس ونسه ساي وضحك .. اصلي ما بحب اخدم في المناسبات .

    عفاف زينة البنيات لالالالالالالا حدهن
    تسلمي يا حنينة بت امي
    الله يجبر بى خاطرك يا الغالية ست الصون والعفاف
    انتى ما تخدمى يا الحبيبة ..
    تعال اقعدي جنبي وخلينا النقطع فى بكري ونفش غبينتي
    ونسينى يونسوك وليداتك يا الحبيبة


    Quote: اما بكري وضياع حقك .. فكرة شبكة حلوه مع حبوبه غريبه ..

    لوووووووووووووول اسكتي ساي يا عفاف ما شفتى البقت فينى اليلة
    فكرة شبكة الله يجازيها بالخير الليلة حصل لي جنس موقف تحـــــــفة بس
    وحات الله الشمار لي هسه ما وصلتو لي شبكة اضحك من قبيل براى...
    قاعده فى امانة الله فى الفيس بوك
    يجينى ليك صلاح غريبة الما يغبانى
    قال لي سوما حبوبتى بتسلمممم عليك وراجياك تغمتي ليها لوووووووووووووووووووول
    والله يا عفاف لامن نطيت هههههههههههه
    ضحكت جنس ضحك الليلة مباااالغه
    قلت يا شبكة السويتيها فينا يا بت امي بكري ما سواها
    لكن بالجد الزول ده نقي وبسيط جدا الله يديه الف عافية
    تااااني يا حوش بكرى مافيك شمار تب
    تسلمي يا عفاف والونسة معاك يعلم الله بترجع البلد وتذكر اللمة
                   |Articles |News |مقالات |بيانات

01-04-2010, 07:27 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    وهل كان الأسم إلا تميز بيننا
    تظلي أنت فينا
    الأديبة المرهفة الشاعرة جدول دفاق لايمل الجريان خريرا
    تظلي بألوان قوس الله في سماه

    قلك كل المودة والتقدير أسماء الجنيد ( سوما )
    نقول بإقتران الأسم في القسمية والبيت منادياً وفي منبر بكري
    ودا برضو يستاهل ثيران كرامة لك

    تحياتي ومودتي
                   |Articles |News |مقالات |بيانات

01-04-2010, 07:28 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: الحبيبه اسماء
    اها انا جيتك وبخروفى من الصالون طوالى وعليكى
    مابنقدر على زعلك ابدا حبيبه وحمدآ لله على روجعك لينا بالسلامه
    تسلمى من كل شر يارب ...

    مجووووووووود ست الكرم والجود
    انتى يا ماجدة تتعلى ما تدلى يا الحبيبة
    لكن الخروف ما عندك يا بت يا قشرة لوووووووووول
    ده هسه يضبحوه معقول بس ؟؟
    ده ما ياهو الخروف البيج زاااتو حق صاحبنا العريبي يا حليلو
    تسلمي يا ماجدة وربي يديك قدر ما يرضيك ومبروكة علينا كلنا عرس الحبيبة نعومة
    شايفة ناس منال هاجيييين وقاجين ما شاء الله ومنورين الحنة
    بختهم والله
    نتلم فى السمح ان شاء الله
    شكرا يا حنينة...
                   |Articles |News |مقالات |بيانات

01-04-2010, 07:38 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: الاستاذة / اسماء ... مهندسة الحرف الانيق
    لك التحايا النواضر
    مرحب بيك فى الحوش العامر
    يكفى اهل الحوش انك القوية الامينة على مفاتيح بوابة الادب والشعر بركن الحوش الاخضر ...
    جاى ابارك بى ( زريبة مواشى فيها من كل زوج سبعة )
    يكفينا انك الآن بيننا ومعنا
    عودا حميدا

    الكريم ود الاكارم اخى العزيز عبد الفتاح الزوما
    فتح الله عليك كل ابواب الخير والنعيم
    ومتعك بالصحة والعافية واليقين.. قول آمين
    تتبارك ايامك ويباركولك الفال السمح ان شاء الله
    عبيتنى فرح يا جميل الحرف والمعنى
    ووشحتني بى كرمك المدفق ومالي السهلة
    يكفينا فخرا اطلاتك المشرقة يا ود الزوما
    يعلم الله بردت كثيرا من ضجيج الغربة
    شكرا غيمتين ومطيرة ضهرية
                   |Articles |News |مقالات |بيانات

01-04-2010, 10:11 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: كلكم مابتعرفوا تجيبوا
    قال خروف قال!!!!

    العزيز حسن مكاوي حبابك يا الدخري
    تزورك العافية ان شاء الله ..
    والله ات بس الياكا فيهم
    عرف ليه
    الخروف ده انا داخراهو لي شيتا كتر لووول
    ده ما ينضبح ده يا خوى ... كفاية الانضبحن
    علا خروفك ات وخروف ماجده يقعدن لى شيتا تانى..
    اولا بالتبادي خروف الحبيبة ماجده نختو كده لزوم منظرة
    اما خروفك ات يا الدخريي تناطح لي بيهو الفي بالك وبالي
    عشان اخلس حقي .. الخروف ده مو خروف اكل تب
    ده خروف مناطحة ساااااااااي عيني باردة
    اها قول لي صاحبنا امانة ما جاك بلا .. اركززززز
    شكرا يا حسن وبالجد خلقتوا لي برنامج خفف علي كتير
    شكرا مطر
                   |Articles |News |مقالات |بيانات

01-04-2010, 10:22 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: خروف بس يا سوما القديمة واسماء الجديدة ؟؟

    تور كبير بقرونو كمان ...


    اهلييين اهلنا الحنان
    والفرحة تكبر فى الحكر بى زفة الحبيبة نعومة
    والله يا علاء كنت اتمني ان اكون بينكم الان
    الف الف الف مبروك للحبيبة المن القليب قريبة
    وان شاء الله ربنا يسعدها ويهنيها يا رب
    وكتر خيرك يا الحنين على كرمك المبهول ديمة
    نجازيك فى السمح وفى جديد وليداتك


    Quote: التغيير سجل في المحكمة وللا كيري ساي ؟


    تصدق كيرى يا علاء ؟ شفت الحال دي كيف
    الله فى
    سلمت اخى العزيز وخالص الامنيات والتهاني القلبية للحبيبة نعومة
    تحياتي عبرك لكل الاهل
                   |Articles |News |مقالات |بيانات

01-04-2010, 10:40 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: اسمر يا اسمر


    نقلوك الجنيد تبع السكر

    خلي العيش حرام ...
    نظام شماتة يعني ولا شنو ؟
    صبرا يا هذا
    يوم ليك ويم عليك
    زي هلال مريخ
    لو لقيت فيك فرقة يا خليلكو
    ان ما دقيت ليك نقارة البالمبو تضحك علي
                   |Articles |News |مقالات |بيانات

01-04-2010, 10:48 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: يا اسماء الجنيد
    انا بجيك بخروف اسود بقرنين
    وضباح في فمو ودعة
    والضابحين يجن زاحفين
    والماضابحين شايلين الشموع واقفين
    واغني واقول : بت الفلاته ياحوا رقصت حلاته ياحوا
    وبت اللوليه ياحوا رقصت لولية ياحواء
    وضيفنا الخواجه لابسلو ردا


    -------------------------------
    يا اسماء شايف المراح بتاعك إتملى ...
    خلاص دقي ليك زار كمان ولازم تكرمي بالخرفان دي وتكون مناسبتين مره واحده

    الليلة آآآ وليد ود امي مالك مقبل علي
    تبقى علي انت وبكري وخليلكو؟
    شايفة خليل بي هناك كمان يتطاول ويتقاصر
    خلاص مدام فيها زار دقوا لي سيد البيت امكن مدستر يا اخوانا
    امرقو منو دساتيرو دي كان الحال ينعدل شوية
    تسلم يا وليد وشكرا على الطلة الفرايحية ام دساتير لووول
                   |Articles |News |مقالات |بيانات

02-04-2010, 07:41 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: حــــــروف إســـــمك


    حروف أسمك . . جمال الفال . . وراحة البال
    وهجعة زول بعد ترحال . . وتنية حلوة للشبال
    دنيتنا ومشاويرنا . . وغنواتنا الما . . بتتقال
    :حروف أسمك . . نجوم ركت على . .الياسمين
    فرح فى عين . . جمال . . . . . . . . و حزين
    أساور فى ايدين طفلة . بتحفظ فى كتاب الدين
    زفاف عاشقين بعد فرقةوسط باقات دعاالطيبين
    حروف أسمك . . عقد منضوم . . بخيت النور
    وطلةوردة من السور. . ونغمة تنادى من طنبور
    وشعلة فرحة فى الوادى تشع جزلانه ليها شهور
    حروف أسمك . . وكت أشتاق . . وأرحل . . ايك
    واسرح فى عسل عينيك تخضنى قبل المس أيديك
    تارجحنى وتفرحنى . . تخلينى أدق . . . صدرى
    واقيف وسط البلد واهتف بريديك يا صباح عمرى


    يا سلااااااااااااام يا نجاة ياخ .. هبشتيني فى وتر حساس
    اختيار قمة فى الروعة بشبهك براك يا الحبيبة
    هدهد الدواخل وبرد الجوف..
    ويا ريت يطل علينا الضي ولا حسام وينزلوا اللحن بصوت ود الامين
    تسلمي يا نجاة على الطلة الحنينة
    وين اراضيك الشوق محنة يعلم الله
    Quote: مرحب بيك يا ملكة باسمك الجديد
    ولو اسمك القديم فيه حنية شديدة

    ومرحب حبابك انتي
    المحنة جايانا من تالاك
    ارقدي عافية
                   |Articles |News |مقالات |بيانات

02-04-2010, 07:51 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    Quote: سلامات يا سوما
    بالقديم ولا الجديد منورة ..
    نفتقدكـ مع الهلال في الفترة الماضية
    ..
    فيصل يا نوبي.. الرجل الهلالابي الغيور
    سلامات واشواق
    تتنور ايامك كلها بالسعادة قول آمين....
    ما تفقدك شينة يابا
    ما كنت مهكرة يا الحنين..
    شايفاكم ما مقصرين
    علا كنت حايمة بى برة
    العين بصيرة والايد قصيرة
    لكن ما شاء الله كما عهدناكم ماسكين الراية تب
    شكرا يا نوبي يا اصيل...
                   |Articles |News |مقالات |بيانات

02-04-2010, 08:03 AM

حبيب نورة
<aحبيب نورة
تاريخ التسجيل: 02-03-2004
مجموع المشاركات: 18578

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    سومة

    صوتك طيبان رويان


    دي من غير مناسبة

    لكن وحاة الله يطرشني كان سمعت
    عاد كان بجيك بي خروفي
    وعلي اليمين أدي الهكر حق اللبن!

    لكن بيني وبينك
    أنا بتفق مع أميرات بت الشيخ
    سومة كان أحلي و ولوف
    وفيه طعم من مزيكة نورا
                   |Articles |News |مقالات |بيانات

02-04-2010, 09:11 AM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: حبيب نورة)

    Quote: بأي الأسماء جئتنا فانت صاحب الكلم الجميل والحرف الشفيف

    تقديري لك دوماً , هي حالة من حالات المنبر فيوماً ما سيبتسم

    القدر يا سيدتي وسينجلي الليل, فاقد الشئ أيعطيه؟؟؟

    * أها خروفي بضع مفردات للتحاور الجميل أتصلح للسماية ؟؟؟

    الاخ العزيز جدا الرفاعي حجر
    سلام بقلدة محنة وشوق اهلنا
    لك التقدير بحجم احترامك يا رجل ياشفيف
    طلتك براها يا ود القبائل تكفي وتوفي يا فالنا السمح
    يديك قدر يرضيك اخي العزيز
    يعلم الله اسعدتنا الطلة
    تسلم يا ود الفريق والحلة
    وشكرا ليك مطامير فرح
                   |Articles |News |مقالات |بيانات

02-04-2010, 09:18 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    ناس بيتنا نباتيين فممكن نجيب معانا كوسة مثلا ....
                   |Articles |News |مقالات |بيانات

02-04-2010, 09:27 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: abubakr)

    اها بمناسبة الاسم الجديد القديم ولعشاق الفيسبوك تفاديا للخبطة وتاكيدابانو هي ذاتها سوما :

    اشعار اسماء الجنيد الاصالة و التجديد'

    http://www.facebook.com/pages/sr-sm-ljnyd-ll-w-ltjdyd/264518338036?v=wall

    ________

    دة بدل الخروف لاننا نباتيين
                   |Articles |News |مقالات |بيانات

02-04-2010, 09:25 AM

SHIBKA
<aSHIBKA
تاريخ التسجيل: 14-01-2009
مجموع المشاركات: 5736

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: اسماء الجنيد)

    سوما


    Quote: فكرة شبكة الله يجازيها بالخير الليلة حصل لي جنس موقف تحـــــــفة بس
    وحات الله الشمار لي هسه ما وصلتو لي شبكة اضحك من قبيل براى...
    قاعده فى امانة الله فى الفيس بوك
    يجينى ليك صلاح غريبة الما يغبانى
    قال لي سوما حبوبتى بتسلمممم عليك وراجياك تغمتي ليها لوووووووووووووووووووول
    والله يا عفاف لامن نطيت هههههههههههه
    ضحكت جنس ضحك الليلة مباااالغه
    قلت يا شبكة السويتيها فينا يا بت امي بكري ما سواها




    قلت لي جاتك في صمة فيس بوكك

    ما قال غريبة حبوبته بتقبل ياتو عملة عشان نسهل عليها الصرف وكدا





    بقرا في ردك دا وبتخيل نطتك لما صلاح قال ليك حبوبته منتظراك
                   |Articles |News |مقالات |بيانات

02-04-2010, 11:34 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: SHIBKA)

    ست الاسم سوما
    يا ست اللهيج السكري

    مبروكات اسماءك
    قديم وجديد يا وريفه
    ويتباركن كل اياماك
                   |Articles |News |مقالات |بيانات

02-04-2010, 12:46 PM

اسماء الجنيد
<aاسماء الجنيد
تاريخ التسجيل: 31-03-2010
مجموع المشاركات: 4730

للتواصل معنا

FaceBook
تويتر Twitter
YouTube


Re: *** الليلة السماية ...الما بجينى جارى خروفو لا بينى لا بينو *** (Re: doma)

    Quote: العزيزة سوما وبالجديد اسماء الجنيد
    التحية للمبدعة التي ينصاع اليها عنان الكلم ويتنزل علينا فنا زكيا
    .
    .
    ود البوش سيد الحوش
    الحيشان الكبار لا فلهمة لا بوبار
    اهل الجود المشتت فى السهلة
    حبابك انت يا خي البنيات

    Quote: الناس سبقتني وجابو خرفانن وتيرانن
    ولكني جئت اليك كما جاء احد الانصار عندما رأى الابل والابقار والخرفان
    تنحر امام السيد الصادق المهدي وهو لم يترجل من المارسيدس
    فوضع عنقه تحت لستك المرسيدس وقال حررررررررررم انا جيت كرامة لود المهدي حررررررررم ما برجع حي .... خلو العربية تمش فوق رقبتي دي
    وتكسرا كععععععععععع كرامة لود المهدي .... حرررررررررم مابرجع حي ...

    والله يا ود البوش ما طالبنى حليفة
    لكن قصتك دي شدة ما ضحكتني بقيت كل يوم اجي اقراها واضحك ههههههههه
    الهاشمية يا يابا الهاشمية
    سلامتك ات يا يابا وسلامة عمرك
    تكفينا طلتك المشرقة يا ود القبائل..

    Quote: شاعرة رقيقة لاتتحمل ان تكسر امامها رقبة ديك رومي .....
    ولكنه الشعور بالفداء لمن نحب .....
    .
    .
    تسلم يا عشانا وما نعدمك يا ضل اهلنا
    Quote: اسماء الجنيد اسم لايحتاج البحث عنه ولا الالتفات لتاريخ اضمامه للمنبر
    ولو لا تنبيهك هذا لم ينتبه له الاعضاء
    تحياتي وتقديري ويربى في عزك يابرلومة 2010

    يكفينى فخرا ان يعرفنى ويقدرنى امثالك يا طيب السريرة
    ربي يعز مقدارك ان شاء الله
    تسلم ود البوش
    وشكرا قدر طلتك السمحة
    شكرا حواشات سكر
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de