|
|
 Re: الفنان مصطفى السني واسماء الجنيد في قناة النيل الازرق الآن (Re: انعام حيمورة)
|
الناس السمحين
ناس الجروف والطين
الشوق نيلين
***
العزيز طارق جبريل
اسعدنى جدا مرورك وانت تزين صدر البوست
بى صورة البروفايل العائلية الجميلة
تسلم كتير
****
الحنين هشام امين كيفنك يابا
طبعا حبيبتنا نعومه ما ناقشة حكاية الرابعه دى
لما نتقابل يا نعومة ان شاء الله بحكى ليك
جيت السودان لكن زيارة سريعه اسبوعين بس
المره الجاية ان شاء الله نلاقيكم
تحياتى عبرك للاسرة الكريمة
****
الاخت الحبيبة فادية تسلمى على مرورك الجميل
وشكرا بالانابة عن مصطفى
تسلمى يا ستهن
****
الحنين ود الجروف والطين
عبد الرحمن ود عمى الحلاوى
والشوق الجارى عليك
عبيت كل الامكنه فرح
وفرشت كل الدروب خدار بى طلتك الندية
ذكرتنى الناس القبيل بى سماحتهم وطيبة خاطرهم
ود الحلاوى شكرا ليك يابا حواشات سكر
****
الاخ طارق مرغنى شكرا لى طلتك الجميلة
والشكر ليك مضاعف من ود السنى
***
حبيب نورة سلامات واشواق
طلتك سمحة بالحيل ..
شكرا مطر
****
ود الصايم سلامات يا زول يا جميل
شرفت البوست بى كلامك الطاعم والله
بوردابى يقدم الحلقة .. ليه ما تكون انت ؟ المرة الجاية ان شاء الله
بس اوعك تشبكنا يا عمك ويا عمك ( وش ضااااااااحك)
شكرا اخى محمد عبد الماجد
شكرا نيلين
| |
 
|
|
|
|
|
|
|
|
Re: الفنان مصطفى السني واسماء الجنيد في قناة النيل الازرق الآن (Re: soma)
|
الاخ العزيز اسماعيل عباس
سلام واحترام بعد غيبه طويلة
ان شاء الله انت وكل الاهل بالف خير
شكرا من الاعماق على طلتك الجميلة
معودنا دوما اخى الكريم على كلام مموسق وجميل
مارق من الجوف بصدق وشفافية
لك التحية من القلب للقلب
وشكرا رويانه طل..
***
الاخ ابراهيم عبد الحليم
شكرا اخى لمرورك الجميل
ولك الشكر والتقدير من الاخ مصطفى
***
انعام عبد الحفيظ يا بت امى الحنينة
يعلم الله مشتاقين يا الحبيبة
سمحة انتى وطاعمه...
وسمح كلامك يا بنية من نفس الاهل
طلتك فرحتنى يمه ان شاء الله نفرح ليك ديمه
شكرا دعوات حبوبة حنينة يا نعومة
***
العزيز السمؤل بدر الدين
التحية والتقدير ليك انت يا ود القبائل
وشكرا ملفحه حنين لى طلتك ومرورك الجميل
شكرا صباح عيد وفرحة اهل
***
العزيز ود ملوك النيل مهدى الصادق
يا حليلكم يا ابو الصادق
ويا حليل الحبيبة المن القليب قريبه ام الصادق
ويا حليل قعدتنا ولمتنا وفرحتنا وسطكم وبيكم
بى وجودكم سعدنا وطربنا حد الثمالة
والفنان مرزوق زول رائع بمعنى الكلمه
التحية له عبرك بالله ونتمنى ان نلتقى بكم مرات ومرات
والتحية عبرك ايضا للاسره الكريمه والشوق ليهم مطر يعلم الله
شكرا ابو الصادق على روعة وصدق المعانى النابعه منك
شكرا مطبوقه من ود السنى ليك
وتسلم يا اصيل
****
حباب العزيز هاشم احمد خلف الله
والتحية ليك انت ايضا اخى هاشم
ولكل اخوانا واحبابنا من بورداب المملكة
والرياض خاصة ..
مرورك دايما مميز .. وحضورك مهم اخى هاشم
وان شاء الله تكون حضرت الاعاده..
تسلم اخى هاشم وشكرا مارقة من الجوف
****
الحنين جدا علاء الدين حيمورة
حبابك الف واريت حالك زين
يعلم الله انا زاتى افتقدكم بشدة
ربى يسعدك ديمه اخى علاء قدر ما بتسعدنا دوما بكرم اخلاقك
وجميل خصالك ..
النضم السمح الجانا منك جاب خريفنا مبكر ونديان
شاحده الله ربى يديك قدر يرضيك يا ود القبائل
وشكرا ملانه حنية .. من ود السنى ومن اختك سوما
| |
|
|
|
|
|
|
|
|
|
Re: الفنان مصطفى السني واسماء الجنيد في قناة النيل الازرق الآن (Re: soma)
|
العزيز ابى بكر سيد احمد
سلام بنكهة المحنه الجوة
شرفنى جدا حضورك الانيق
اخجلنى تواضعك يا نبيل
شكرامعتقه من نفس الاهل
وشكرا لرقة حروفك...
وشكرا من ود السنى ليك
***
مرتضى سلامات واشواق بعد غيبة
اكيد السهرة مسجلة وموجوده معاى
تشرفنا فى اى وقت والله ..وشيل السى دى طوالى
يلا اسرع وتعال طولنا من الونسة واللمه
شكرا يا مرتضى وتحياتنا عبرك للغاليين
***
ابو مريم ازيك يا الصادق يا حنين
والله مشتاقين كيفك وكيف مريومه الحبيبه
الشوق ليكم محنة يعلم الله
ما مشكلة يا الصادق لو الصوت ما اتصلح معاك
بنتصلح معاك نحن وبرسل ليك السى دى تحضر السهرة بمزااااج
اها قصرت معاك يا الحنين
شكرا يا الصادق شكرا نيلين
| |
|
|
|
|
|
|
|
|
|
Re: الفنان مصطفى السني واسماء الجنيد في قناة النيل الازرق الآن (Re: soma)
|
الاخ العزيز عبد الرحيم ابا يزيد
زادك الله خيرا وبركه فى هذا اليوم المبارك الفضيل
وشكرا اردب محنة لمرورك الجميل
****
الحبيب الفاتح الجنيد
هلا ابو رامى والشوق الجارى عليك
نورت البوست بنورك الذى اضاء كل حياتى
ربنا يحفظك ويغطيك
وشكرا محنة وريد
****
العزيز البحيراوى حبابك يا ضل الاهل
تسلم يا ود القبائل على السمح الجانا من تالاك
مميز حضورك بينا يعلم الله
نجيك فى السمح اخى البحيراوى
وشكرا فرحة بلد
****
الصحافة سلام يا زول يا شفيف
طلتك زادتنا فرح واطربتنا حدالسقف
شكرا نيلين اخى حسام
****
العزيز النزير حجازى
سلامات ومشتاقين يا ود الجروف والطين
سمحة طلتك بالحيل
ويا خوى السهرة قدامك موثقه فى نفس البوست ده
كدى قول بسم الله ولاحظ لى الروابط المنزلا العزيز يهاء
شكرا النزير شكرا مطر شرق
**** الشكر للجميع
وشكر كيمان للحبان الغاليةانعام حيمورة وبهاء عيسى بهى الطلة
بجمالكم وفرحتكم التى زفت دواخلى طرب وحبور
كان هذا البوست وكان هذا الحضور
شكرا لكم عديلة وزين
والتحية مجرتقه للجميع
| |
|
|
|
|
|
|
| |
النذير حجازي
فيس بوك
تويتر
انستقرام
يوتيوب
بنتيريست