|
|
|
 Re: هدايا العيد "3" - الشاعرة أسماء الجنيد - سوما - فيديو (Re: عبد المنعم سيد احمد)
|
وليد الحنين
التحايا ليك ممتده بطول النيل
كل سنه وانت طيب وربنا يحقق كل امانيك
شكرا ليك يا اصيل وحباب طلتك ..يديك الف عافيه يا رب
وان شاء الله ربنا يقدرنى واقدم البرضيكم
دعواتكم يا ود البلد
شكرا وليد شكرا قدر طيبتك وكرمك ...
***
اخوى الشاعر الشفيف عبد المنعم
تحايا واشواق يا ود البلد الطيب
كل سنه وانت طيب ..ربنا يسعدكم انت والمدام والعيد الجاى باذن الله
وسط الاهل فى بلدنا الحبيب السودان
شكرا ليك اخى عبد المنعم قدر تواضعك يا نبيل
التحايا من خلالك للاخت الحبيبه المدام
تسلمكتير وكتر الف خيرك..
شكرا من تانى لاخونا البطحانى
شكرا دوباى
| |
 
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: soma)
|
سمباتيكو... شكرا لك كتير كتير
والله انا متلوم لوم كبير خلاص.....ديمة فاتح خشمي واعابن للتفلزيون..... اليوم داك ما شفت الحلقة دي لي شنو يا ربي؟....و يا الله ويا الشيخ الجعلي تور كدباس.. يعيدزها تاني واحضرا كلها.........
سوما من نسوان بلدي الما ساهلات ...وما هينات....
ليها كوليقة من الورود
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: سجيمان)
|
سجيمان عشا الضيفان .. كل سنه وانت طيب يابا
ان شاء الله ديمه ايامك سعاده وعيد
وحاشاك اللوم انت يا العشا ..
كتر خيرك يابا على شعورك وكلامك ونضميك السمح
البركه فى طلتك ..وما تزعل يا الحنين ..كان ما عادوها ليك ..برسلا ليك فى سى دى ..
اها قصرت معاك ؟
عجبتنى يا الحنين الكليقه الاديتنى ليها
كتر خيرك كانت اجمل هديه تسلم ويسلم قلمك ان شاء الله
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: soma)
|
عزيزنا وزولنا الجميل : سمباتيكو
ياخي أنا ما عارف الحاصل شنو :
أشوف صورة فراشتنا الجميلة سوما
لكني لا افهم اي جملة بسبب حالة
( التقطيع المستمر في الصوت !!!)
هل بالفعل هو كذلك أم أن هناك خللا
في حاسوبي انا ؟؟؟؟..مع العلم بأن
الصورة واضحة تماما .
ارجو الافادة مع تحياتي لك ولها أينما
كانت وكيفما تكون .
ولك ودي .
خضرعطاالمنان
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: خضر عطا المنان)
|
الحنين .. ود الجروف والطين
خضر ود عمى عطا المنان
عشا الضيفان وكسوة العريان
سلام من تانى
بالنسبه للقطيع فى الصوت كم زول سالب من المشكله دى
انا زاتى كانت عندى
لكن تانى خليت الصفحه مفتوحه لحدى ما فتحت براها والصوت وضح ..زى نص ساعه كده
لانه الظاهر بتعمل داون لود براها الصفحه
وانا اختك غبشه ما بتخبر فى التكنلوجيا العمياء دى ..لكن فى النهايه سمعتها كلها
دحن افتح الصفحه يوم ..واشتغل فى شغلتك واقنع ليك من نص ساعة زمن ..بتلقى الصوت وصل للنهايه ..رجع القصيده من الاول واسمعا ..وان شاء الله تنجح يا يابا
بس حبيت اطمئنك انه ما عندك مشكله فى كمبيوترك ..الله لا جاب ليك مشاكل يا خوى الحنين
اها ودعتك الله
والبطحانى سلام تانى وينك انت ؟ ااه سجلت شنو تانى ؟ هههههه
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: sympatico)
|
الحبيب سيمبتيكو
لك التحية والتجلة
لقد أحزنتنى بحق فقد فاتنى حضور حبيبتنا وحبيبة الكل سوما الشاعرة الرقيقة التى طالما تغنت بما يجيش فى دواخلنا وعادت بنا الى وطن جميل اهله حنان واحباب وجعلتنا نهيم فى دياجير الغربة لنبقى بكلياتنا فى بؤر الحب والجمال وسط اهل الحب فى وطن الحب ..
الشكر لك سيدى رغم ان الصوت لم يعمل لدى فهل لك ان تعالج لى المشكلة حتى ولو ترسله لى على بريدى [email protected] الخاص واعرف ان هذا قمة الانانية والطمع ولكن مثل عزيزتنا سومة لا تفوت ومن عجب اننى لازمت التلفزيون رغم انه كان طاردا فى هذا العيد وحتى الاعادة لم ارها لهذه الحلقة الرائعة ..
التحية لك وللعزيزة سومه وارجو ان تحرمنا من ابداعاتها التى عودتنا عليها ..
لكم الحب
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: anwar abu gaidaa)
|
الاخ ياسر الشريف
سلام بى نفس الاهل
كيفنك واريت حالك زين
واريتك طيب
التحيه ليك انت اخى العزيز على الطله
وربنا ديمه يسعدك ان شاء الله
شكرا ليك خدار ومويه بحر
****
سوميــــــــــــــــــــــــــــــــــــتا
الخرزة والياقوتـــــــــــــــــــــــه
يا ضينا فى الضلام اشرق
كيفنك يمه ..وانتى طيبه يا الحبيبه
يعلم الله مشتاقين ..
فرحتك براها بالدنيا ..ان شاء الله نفرح بيك وليك قريب
قولى آميــــــــــــــن يا نواره
سوميتا شكرا عديله وزين
*****
اخونا وعمدتنا الرزين قرشو
حبابك يا سقف الاهل
الله لا جاب يوم زعلك يا الحنين
كتر الف خيرك على كلامك السمح المن الجوف
وكتر الف خيرك على طلتك الديمه بتشرح الصدر
اخونا البطحانى سمباتيكو انا عارفاه ما بقصر تب
وبقوم بالواجب ..
لومك على لو عرفت اعاده الحلقه من وكت الا ارسل ليك مسنجر
ولا رساله فى اميلك ..باذن الله
وده شرف لى انا اسعد واحظى باهتمام ناس زيكم
ربنا ما يحرمنى منكم ويقدرنى اسعدكم ان شاء الله
عمدتنا قرشو ..شكرا قدر طيبتك يا ابيض..
*****
ود البلد الحنين ..
سلااااااااااااام ود اهلنا
وزينة شباب فريقنا
الشوق ليك نيلين يعلم الله
انور حبابك .. والدرب السمح اللينا جابك..
تسلم انت يابا ان شاء الله من كل بلا ..
قلت لى هديتك لى جدعة حنتوت ؟ لوووووووووووووووووول انور
خلاص انا بقاسم معاى البطحانى ده .. وكمان اخونا اب قوته
هسه الصف بكبر للحنتوت .. ولا اقول ليك نخلى البدرى يجى يقسم لى كل زول صفقه
شكرا انور شكرا جرف محكر فوق البحر
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: ايهاب)
|
سلام اخونا خدر .. شكرا على الطله
وشكرا تانى لى نهاجر فى بلاد الله
لكن بلا هجره اكتر من النحن فيها دى ..
بخسم السمبتيكو بالرسول المره الجايه يكتبها ليك
يتحكر وينقلا بى يدو..
تسلم كتير اخونا خدر وشكرا محنه..
****
وشكرا مرتين لى الهمباتى ..والله لكن يا البطحانى بقيت خترى بالحيل
تتفنن زى ما عايز .. كدى قول لى مش احسن نرجع لى همبتة اهلنا الزمان
ونلفح كمبيوترات بدل ابل ... هيــــــع على قول وسيم و مستر بين لووول سمباتيكو..
نخوف ناس البورد ديل بى بكريهم ..
الهمباتى شكرا ناقه بى جنياتا هديه منى ليك .. صنقع وقرطع لبنها ..برضو لووول
****
وليد سلام يا ود اهلى الحنان
ان شاء الله يايابا انت العافيه تباقلك رفيق طول الطريق
يعظم شأنك ويعلا مقامك ..
ربى يعليك فى المابيك
كتر خيرك وليد على طلاتك السمحه الديمه بتفرح ...
****
ايهاب
فى داعى تقيف لى فى نفسى
وتكورك بى طول حسك ده
وكمان تقول لى باااااااااااااع !!!
مآكل شنو انت يا جنا امس؟؟
ايهاب لوووول ..والجديه ما خايله فيك ضمه ..على قول يمه
شكرا خريف وخدار قيف
وسلامى لى سلام وعمى السنى
| |
|
|
|
|
|
|
|
|
|
Re: هدايا العيد "3" - الشاعرة أسماء الجنيد - سوما - فيديو (Re: soma)
|
الأخ سامباتكو
عمل رائع .. من فضلك كتر منه ..
الاستاذة سوما ..
فى الماضى كان الكلام .. وما أحلى الكلام .. كلام كلمات مرصوصة بقافية
موسيقية ..
وأخيرا ظهرت الصورة .. وأخيرا سمع الصوت .. وما أجمل اكتمال الشخصية
بالصوت والصورة .. كانت لقطة جميلة .. لكنها قصيرة بالحيل .. تمنيت .. أن يكون اختيارك لقصيدة أطول شوية .. عشان المدة تطول .. لكن معليش .. الجايات أكتر من الرايحات ..
المهم .. ابداع x ابداع = ابداع بدرجة جيد جدا ..
الى الأمام ياسوما .. ونحن بانتظار المزيد ..
الله معاك ..
عمك العجوز
أرنست
| |
|
|
|
|
|
|
|
|
 Re: هدايا العيد "3" - الشاعرة أسماء الجنيد - سوما - فيديو (Re: sympatico)
|
الحبيبة سوما..
طبعا البوست ده زي السمباتيكو عاملي لي فيهو عمل.. كل يوم أشوفه واقول أدخل اشوف هديته ليك شنو.. وما الاقيهو خالص..
الليلة شكله "الكدوك" يا قول سيجيمان اتفكا.. ودخلت لقيت لقاء عدييييل معاك والرائع مصطفى السني.. وكمان تشرفنا بنصك الحلو..
شكرا سيمبا العزيز.. وربنا يخليك دايما جلاًب مسك..
وفي النهاية لا يسعني إلا ان أضع الكارت المهكور من راوية اختي.. لأنه عجبني شديييييييييد..
وكل يوم وانتم في حب..
| |
|
|
|
|
|
|
| |
waleed500
عبد المنعم سيد احمد
سجيمان
خضر عطا المنان
Yasir Elsharif
Soumeta
قرشـــو
Rawia
خدر
waleedi399
ايهاب
Sudany Agouz
Raja
فيس بوك
تويتر
انستقرام
يوتيوب
بنتيريست