|
|
 Re: دائما تتحداني النهايات (Re: اساسي)
|
لف شمين تتلولو ليك النهايات ويروح الدرب في الموية
او امشي دغري تحتار قصاصة الأتر فيك , ولمان تصل
هناك في كل إحتمال , قدر ما تدي تلقى , ومثلما تدين تدان وكل شاة مجبورة تلحق القطيع وإلا الويل لها من ديب الغنم القاصية .
كن جميلا زي ما قالوا ليك , أقلاها تلاقي وظيفة في شركة دعاية
كن كعود الصندل ما تريحك فؤوس قاطعيك .
فتش مدارات الزمن .. عن المعاناة العشتها
وأسأل .. ده اللي بسأل ما بتوه رغم تشتت الدروب وتفرعا
إمام الحلة كان بدعي بعد صلاة المغرب ومن ضمن دعاهو قال :
اللهم أجعل من فوقي نور ومن تحتي نور
وعن يميني نور
وعن شمالي نور
وأمامي نور
ومن خلفي نور
نط ليهو واحد من صفوف المستعجلة الورانية وقال ليهو : ( زد واي إنت في طريق الأربعين الساعة تسعة ليل ؟ )
اللهم نسألك السلامة
أضحك تضحك الدنيا معاك
أبكي تلاقي المعزين بعد تلاتة ساعات من الدفن بدوا نقاش الكورة والسياسة وحل الكلمات المتقاطعة .
أكل لنفسك
وألبس أيضاً لنفسك
وخالق الناس بخلق حسن تكسبهم وتسعد بيهم .
الناس ما لاقية شمع يا متشائم , بكرة يجي الخريف والهناي يطير في البتاع والشغلانة تبوظ ونقعد نفتش لي الشمع .
قالوا لقوا في واحدة من حفريات الفراعنة أم بتشكي لي بتها وتنوح علي ذكريات قوم مضوا بعد قعدة شايييك القلتها هنا حتى الكبابي ما غسلوها يظهر , المرة المتشائمة بدل ما تلم الصينية وتنوم قعدت تفتش في أترهم , إتخيل من زمن الفراعنة الناس دي بحنوا لي الماضي , ديل لو جوا في زمنا ده كان أجروا الإهرامات وقدموا لي لوتري في بلد الحبيبة ام شاكوشاً برة .
وفي النهاية سيرتك شاهد إنت منو وكنت شنو وعملت شنو
وفي النهاية برضو خليك زي ماقالوا ليك الناس الفوق معاك هنا تفاءل تجد الخير . وكان الله عند حسن ظن العبد مادام ظن العبد حسن به .
ما لقيت أتر لي دكين ؟
أبنوسي
|
|
 
|
|
|
|
|
| العنوان |
الكاتب |
Date |
 دائما تتحداني النهايات | اساسي | 06-28-04, 03:52 PM |
| Re: دائما تتحداني النهايات | ايهاب | 06-28-04, 04:13 PM |
| Re: دائما تتحداني النهايات | اساسي | 06-28-04, 04:45 PM |
| Re: دائما تتحداني النهايات | Abdalla Gaafar | 06-28-04, 04:33 PM |
| Re: دائما تتحداني النهايات | اساسي | 06-28-04, 04:54 PM |
| Re: دائما تتحداني النهايات | ShiningStar | 06-28-04, 08:59 PM |
| Re: دائما تتحداني النهايات | اساسي | 06-29-04, 06:04 AM |
| Re: دائما تتحداني النهايات | تولوس | 06-29-04, 02:15 AM |
| Re: دائما تتحداني النهايات | اساسي | 06-29-04, 06:14 AM |
| Re: دائما تتحداني النهايات | dreams | 06-29-04, 06:55 AM |
| Re: دائما تتحداني النهايات | اساسي | 06-29-04, 07:16 AM |
| Re: دائما تتحداني النهايات | Habib_bldo | 06-29-04, 07:25 AM |
| Re: دائما تتحداني النهايات | قلقو | 06-29-04, 07:43 AM |
| Re: دائما تتحداني النهايات | اساسي | 06-29-04, 08:08 AM |
| Re: دائما تتحداني النهايات | اساسي | 06-29-04, 07:59 AM |
| Re: دائما تتحداني النهايات | ShiningStar | 06-29-04, 08:54 PM |
| Re: دائما تتحداني النهايات | اساسي | 06-30-04, 10:17 AM |
| Re: دائما تتحداني النهايات | tabaldy | 06-29-04, 10:17 PM |
| Re: دائما تتحداني النهايات | اساسي | 06-30-04, 10:26 AM |
| Re: دائما تتحداني النهايات | ShiningStar | 06-30-04, 01:47 PM |
| Re: دائما تتحداني النهايات | اساسي | 06-30-04, 05:05 PM |
|
| |
فيس بوك
تويتر
انستقرام
يوتيوب
بنتيريست