|
|
|
 Re: رد افتراءات الصادق المهدي على الصحابة الك (Re: فؤاد)
|
بالعكس تنازل الحسن رضي الله عنه لمعاوية حقنا لدماء المسلمين دليل على أن معاوية كان يريد الحكم ويا يحكم يا تسيل الدماء عشان كدا تنازل له الحسن رضي الله عنه ليس لصلاحه وتقواه إنما خشي على دماء المسلمين .بعدين بعرف أن أركان الإسلام خمسة ومعروفة وأركان الإيمان ستة ومعروفة ليس من بينها الإيمان بالصحابة .رجاءا لو شخص فاهم يعلمنا لكن من يدخل للمهاترة والاستهزاء والتلاعب بالألفاظ أو استعراض بعض المعلومات فليس هذا مكانه
| |
 
|
|
|
|
|
|
|
|
Re: رد افتراءات الصادق المهدي على الصحابة الك (Re: فؤاد)
|
والطعن في جناب الصحابة (زندقة)
__________________________________________
حسب تقريرك صادق المهدي زنديق! تقدر تقول الكلام دا عديل؟ و لا حتقعد تلف و تدور؟
و بصفتك غيور و حريص على الدين، ما حكم الزنديق في الإسلام؟
صادق المهدي ما عارفه زنديق و لا غيرو لكن بتاع كلو
Jack of all trades master on none
| |
|
|
|
|
|
|
|
|
|
Re: رد افتراءات الصادق المهدي على الصحابة الك (Re: Omer Abdalla Omer)
|
Quote: أبدأ برد افتراءات الصادق المهدي على الصحابي الجليل كاتب الوحي (خال المؤمنين) معاوية بن أبي سفيان – رضي الله عنه – وإن مما افتراه عليه أنه غدر بالحسن بن علي رضي الله عنهما ودسّ له السم،
|
لك التحية د. عارف
وانا سأقوم بالرد على افتراءاتك بالدفوعات التالية :
- نعم معاوية قام بتسميم الحسن بن على وقد ورد ذلك فى كتب كثيرة نذكر منها مايلى على سبيل المثال :
- ذكر ابن عساكر فى ترجمة الحسن بن على مايلى :
( وقال قتادة وابوبكر بن حفص سم الحسن بن على سمته امرأته بنت الاشعث بن قيس الكندى وقالت طائفة كان ذلك منها بتدسيس معاوية اليها ومابذل لها فى ذلك وكان لها ضرائر
قال : اخبرنى محمد بن يعقوب الحافظ حدثنا زهير بن العلاء حديثنا سعيد بن ابى عروبة عن قتادة بن دعامة السدوسي قال سمت جعدة ابنة الاشعث بن قيس الحسن بن على وكانت
تحته ورشيت على ذلك مالا ) اهـ
- ذكر الامام الطبرى فى دلائل الامامة :
( وكان سبب وفاته ان معاوية بن ابى سفيان سمه سبعين مرة فلم يعمل فيه السم فأرسل الى امرأته جعدة بنت محمد بن الاشعث بن قيس الكندى وبذل لها عشرين الف دينار
واقطاع عشر ضياع من شعب سورا وسواد الكوفة وضمن لها ان يزوجها يزيد ابنه فـسـقـت الحسن الســم فى برادة الذهب فى السويق المقند فلما استحكم فيه السـم قــاء كـبـده ) اهــ ص 159
- ذكر الامام الطبرى فى المعجم الكبير :
( 2694 - حدثنا محمد بن عبدالله الحضرمى قال ثنا محمد بن عبدالله بن تمير ثنا يحى بن ابى بكير ثنا شعبة عن ابى بكر بن حفص ان سعـدا والحسن بن علي رضى الله عنهما ماتـا فى زمن معاوية بن ابى
سفيان رضى الله عنه { فيرون انه ســمه } اهـ ج3 ص 70
- روى ابن الاثير فى ( أسد الغابة فى ترجمة الصحابة ) ج1 :
( وكان سبب موته ان زوجته جعدة بنت الاشعث قد سقته السم ............... ) اهـ
- قال السيوطى فى ( تاريخ الخلفاء )
( توفى الحسن بالمدينة مسموما سمته زوجته جعدة بنت الاشعث بن قيس دس اليها يزيد بن معاوية ان تسمه فيتزوجها ففعلت .............. ) اهـ
ثانياُ :
الم يكن معاوية بن ابى سفيان هو الصحابى الذى ثبتت فيه حديثان صحيحان :
1- حـديث انه كان على رأس الفتنة وعلى رأس الفئة الباغية ( حديث عمار تقتله الفئة الباغية )
2- وحـديث : أول ما يغير سنتي رجل من بني أمية
الراوي: أبو ذر الغفاري المحدث: الألباني - المصدر: السلسلة الصحيحة - لصفحة أو الرقم: 1749
خلاصة حكم المحدث: إسناده حسن رجاله ثقات
2- { ومايعاب على معاوية بن ابى سفيان هو انه هــــدم مبدأ الشـــورى في اختيار الخلفاء والذى كان سائدا واتى بمبدأ التــوريــث وبهذا الاجــراء أصبحت الخلافة كما قال الجاحظ في رسالته عن بنى أمــيـة :
مـلـكـا كـسـرويا وغصـبا قـيـصـريا ... ثم ذهبت معانى الخلافة ولم يبقى الا اسمها وصار الامر مـلـكـأ بـحـتـا وجرت طبيعة التغلب الى غاياتها واستعملت في اغراضها من القهر والتغلب في شهـوات
المـــلاذ } مقدمة ابن خلدون .. فصل في انقلاب الخلافة الى الملك
ثالثا : اليس هو صاحب المقولة الشهيرة التى سار بذكرها الركبان ( انّ لله جنودا من عسـل )
حيث انه كان يدس السم فى العسل لتصفية خصومه السياسيين والمناوئين له فى الحكم وذلك بتحريض البعض ليقوم بذلك
وأولهم كان الاشتر النخعى .
رابعا : وصف على بن ابى طالب كرم الله وجهه معاوية بن ابى سفينان بأنه من الطلقاء الذين لا تحل لهم الخلافة ولا تعقد معهم الامامة ولاتعرض فيهم الشورى
الامامة والسياسة ابن قتيبة ص 55
خامسا : مانعيشه اليوم فى السودان وماتعيشه الانسانية من حولنا فى العالم الثالث من كبت وتكميم ومصادرة للحريات وحقوق انسان سببه الاول : معاوية بن ابى سفيان بما
جاء به من توريث فى الحكم . لا فرق بينه وبين عمر البشير حيث ان الاثنان من عبدة كراسي الحكم .
| |
|
|
|
|
|
|
|
|
|
Re: رد افتراءات الصادق المهدي على الصحابة الك (Re: علاء سيداحمد)
|
هههههه عمر عبدالله عمر الجمهوري الناكر جمهوريته
| Quote: حسب تقريرك صادق المهدي زنديق! تقدر تقول الكلام دا عديل؟ و لا حتقعد تلف و تدور؟ و بصفتك غيور و حريص على الدين، ما حكم الزنديق في الإسلام؟ صادق المهدي ما عارفه زنديق و لا غيرو لكن بتاع كلو |
الزندقة درجات اخطرها وممكن تتطور لمن تصل الهرطقة زي حقت شيخك الهالك محمود محمد طه أما حقت الصادق المهدي دي خفيفة كفاية أنا ما كفر بالله ولا بالرسول ولا أدعي النبوة
أما شيخك الهالك فأدعي أنه بيتطور لمن يقي الله أستغفر الله من قوله وأعوذ بالله من ضالاته ويستاهل الأعدام
| |
|
|
|
|
|
|
|
|
|
Re: رد افتراءات الصادق المهدي على الصحابة الك (Re: حافظ سليمان)
|
أزيك يا أخينا حافظ سليمان الناكر شخصيته.. تناقضك غريب.. إنت وقت رجل دين و حريص زي دا ما تكتب بشخصيتك الأصلية.. إنت الناكر مش أنا..
شوف الفرق بين الأستاذ محمود و الناس الزيك، في زيارة لمعرض لقى الاستاذ درع حديد معروض! قال القائمون على امر المعرض، دا درع الأمام المهدي.. أها الأستاذ محمود قال ليهم، مهدي و خواف! أها دا فرق الإيمان و العرفان لو تعرف.. الرجل ما هالك! الرجل عارف.. الله يهديك " يالتجاني" بإسمك!
أقعدوا في كتب الالباني و الذهبي و العالم فلان رحمه الله و علان قدس سره. و كلهم من زمن لا يمكن قياس زماننا عليه! عشان كدا.. إنتو خارج الحلبة.. أنظر إستشهادات شيخ الركابي و هو أستاذ جامعي.. كلها قال الشيخ فلان رحمه الله. كلهم من عصور الظلام و يأخذ بكلامهم كأنوا مقدس.. دا الفرق هنا.. إنتم في عالم الظلام و لكن هذا زمان وعالم الأنوار.. الكل يترككم خلفه، حتى ملوك السعودية..
إنت ما تخلي الشيخ "عارف الركابي" يرد! يقول عديل صادق المهدي زنديق و حكمه في الأسلام هكذا! و لا خايف من الانصار؟
بالمناسبة إنت لو بتفهم أنا ما ناكر جمهوريتي لكن متقاصر عنها! يعني أنا ما في مستوى الفكرة الجمهورية بعد عشان أقول أنا جمهوري. لكن أنا مؤمن بكل حرف في الفكر الجمهوري و أنا لا أرى دين حق غير الفكر الجمهوري. لكن قلت ليك مرارا ، لو أنت إنسان أمين، الفكرة الجمهورية فيها قيام ليل، و صيام , و تصدق " عفو"، و فيها عزم أنا ما قدرت عليهو عشان كدا قلت أنا ما جمهوري بالإلتزام.. لكن بالإيمان أشهد إني أرجو أن أكون جمهوريا.. الكلام في الجمهورية لازم يكون دقيق بميزان الذهب.
طيب جيب لينا درجات الزندقة عشان معاك نقيس صادق المهدي زنديق خفيق و لا أيش .. و هل الزندقة درجات.. و إن كانت كذلك لماذا لا يقول الأستاذ الجامعي هذا في مقاله الطويل هذا؟ أي درجة صادق المهدي في الزندقة؟..
لمان زنديق خفيف بقولك، شيخك الركابي دا كاتب عنو بالإجتهاد دا ليه؟
| |
|
|
|
|
|
|
|
|
|
Re: رد افتراءات الصادق المهدي على الصحابة الك (Re: Omer Abdalla Omer)
|
عمر عبدالله عمر
والله مشتاق وسعيد ياخ الواحد يلاقيك أحسن حاجة أنك زول شجاع وبتناقش وبتقتنع وما كضاب وبتاع لولوة زي المهووس الشراد ياسر الشريف
بالجد فرحان
| Quote: زيك يا أخينا حافظ سليمان الناكر شخصيته.. تناقضك غريب.. إنت وقت رجل دين و حريص زي دا ما تكتب بشخصيتك الأصلية.. إنت الناكر مش أنا |
ياخ شخصيتي الحقيقية داير بيها شنو مش أنتو بتاعين مناقشة افكار ما عندكم شغلة بالشخوص لنفترض أنا قلت ليك زيد من الناس الحايفرق شنو وحا يتغيير شنو من كلامي حك صاحبك ياسر الشريف حا يوريك
| Quote: شوف الفرق بين الأستاذ محمود و الناس الزيك، في زيارة لمعرض لقى الاستاذ درع حديد معروض! قال القائمون على امر المعرض، دا درع الأمام المهدي.. أها الأستاذ محمود قال ليهم، مهدي و خواف! أها دا فرق الإيمان و العرفان لو تعرف.. الرجل ما هالك! الرجل عارف.. الله يهديك " يالتجاني" بإسمك |
غلطان الأستاذ وفهمه قاصر الرسول صلى الله عليه وسلم كان عنده درع وعنده سيف وربنا قال (وَلَا تُلْقُوا بِأَيْدِيكُمْ إِلَى التَّهْلُكَةِ) إيمان شنو مش ياهو دا هو عمل فيها شجاع نميري لحسه زي الترتيب وخلي دينكم ناقص بعدين يا عمر ياخ عرفان شنو عليك ما تلاوز لينا بي كلام المدغمس عرفان ولدني وباطني وأصالة هههه أصالة نصري
بعدين كلامه فيه جلافة وقلة ذوق أنا أنت محمود محمد طه وناس كتار حتى الصادق المهدي زاتو عارف أنه حكاية المهدي دي ماسورة وما عندها أي سند وأنه محمد احمد المهدي صوفي دايش اتوهم انه مرسل من عند الله وصدق من سماه المتمهدي لكن برضه بنشوف الأنصار وعقيدتهم المنحرفة بنسكت وبنحترمهم ما بنسفهها ليهم وربنا يهدينا ويهديهم ويهديك ويهديكم
| Quote: اقعدوا في كتب الالباني و الذهبي و العالم فلان رحمه الله و علان قدس سره. و كلهم من زمن لا يمكن قياس زماننا عليه! عشان كدا.. إنتو خارج الحلبة.. أنظر إستشهادات شيخ الركابي و هو أستاذ جامعي.. كلها قال الشيخ فلان رحمه الله. كلهم من عصور الظلام و يأخذ بكلامهم كأنوا مقدس.. دا الفرق هنا.. إنتم في عالم الظلام و لكن هذا زمان وعالم الأنوار.. الكل يترككم خلفه، حتى ملوك السعودية |
مالها كتب الألباني والذهبي بعدين قدس سره دي بتاع جماعتكم الشيعة ما تحشر عليك الله من كيمانكم ، بعدين عارف الركابي هو أستاذ جامعي ومتعلم وبعلم لكن العلم كتير والشيوخ دي يزيدو عليه في العلم وكتبهم صحيحة وأقوالهم موثوقة ومتفق عليها عاوزه يسوي ليك شنو يألف ليك ولا يمشي الفكرة ياخد يجيب لينا الهضربة المدغمسة علم الله لمن شاء ومتاح ومهما بلغت من العلم قد يكون من هناك اعلم منك في شيء واو قد تكون لا تعلم شيء لكن يعلمه من هو أقل منك علما
بعدين ما تقعد تنقنق وتنتقد لو عندك حاجة في كتب الالباني ولا الذهبي تعال كبها وتكون علمتنا ورينا راي محمود محمد طه في كتب الالباني والذهبي شنو عليك الله كمان؟
| Quote: إنت ما تخلي الشيخ "عارف الركابي" يرد! يقول عديل صادق المهدي زنديق و حكمه في الأسلام هكذا! و لا خايف من الانصار؟ |
ما خايف من الانصار والصادق المهدي أكتر زول بتمسخر منه الناس في السودان والانصار ما متعصبين ولا حا يسوو ليه حاجة طيب سوو لي محمود محمد طه لمن اتمسخر من المهدي وقال ليهم مهدي وخواف لكن الصادق ما زنديق لكن يفعل فعل الزناديق وأنتقاد الصحابة فعل الزناديق
بس انت داير تقوله وتحشره في حتة ضيقة لقيتك حاقد يا عمر
| Quote: بالمناسبة إنت لو بتفهم أنا ما ناكر جمهوريتي لكن متقاصر عنها! يعني أنا ما في مستوى الفكرة الجمهورية بعد عشان أقول أنا جمهوري. لكن أنا مؤمن بكل حرف في الفكر الجمهوري و أنا لا أرى دين حق غير الفكر الجمهوري. لكن قلت ليك مرارا ، لو أنت إنسان أمين، الفكرة الجمهورية فيها قيام ليل، و صيام , و تصدق " عفو"، و فيها عزم أنا ما قدرت عليهو عشان كدا قلت أنا ما جمهوري بالإلتزام.. لكن بالإيمان أشهد إني أرجو أن أكون جمهوريا.. الكلام في الجمهورية لازم يكون دقيق بميزان الذهب |
هههه حلوة متقاصر دي طيب أنت مؤمن بالفكرة الجمهورية ومتقاصر تكون شنو يعني هسع أنت مسلم زينا كدا ولا جمهوري عاصي ولا نفهم شنو
طيب قصورك دا كيف معاك يعني نحنا مسلمين هسع كان خلينا الصلاة والصوم مثلا نبقى عصاة وربنا بحاسبنا ولو شفنا زول تركهم ننصحه ونهديه وواجبنا عليه أها أنت هسع هل عليك ذنوب عشان تركت العبادات الجمهورية دي ولا كيف وطيب الجمهوريين ديل ليه ما قاعدين يناصحوك ويطلبو منك كمؤمن زيهم هسع أنت أخ جمهوري ولا تعتبر أخ بالرضاعة جمهوري هههه (بهزر يا عمر)
هههه أول مره أشوف جمهوري من منازلهم (جمهوري إنتساب)
للضمان كدا عشان ما تجي تعمل حركاتكم ديك علي وتغشي ياسر الشريف قال صلاة الثلث بتاعت الجمهوريين فرض عليكم هسع أنت تعتبر تارك صلاة بي فهم الجمهوريين
غايتو دينكم عينه يأمن وما يطبق طيب فايدة الإيمان شنو بي حاجة يا أخوي دي ضلالة ساي الشيطان غاشيك ومصور ليك أنك زول فاهم وأفهم من الناس تصدق ممكن زول أمي أحسن منك لانه مأمن بي الله ومصدق رسولة وبتبع كل ما يقوله رسوله
ثم تعال الفرق شنو بي ما دعى ليه الرسول واللقيته في الفكرة الجمهورية وأمنت بيها يعني الفكرة أحسن من فكرة الرسول الدعا بيها شنو يعني بالواضح دين محمود أحسن محمد صلى الله عليه وسلم بي شنو الخلاك تأمن بيه
Quote: طيب جيب لينا درجات الزندقة عشان معاك نقيس صادق المهدي زنديق خفيق و لا أيش .. و هل الزندقة درجات.. و إن كانت كذلك لماذا لا يقول الأستاذ الجامعي هذا في مقاله الطويل هذا؟ أي درجة صادق المهدي في الزندقة؟.. لمان زنديق خفيف بقولك، شيخك الركابي دا كاتب عنو بالإجتهاد دا ليه؟
|
أنا ما عالم ولا قاري حاجات لكن بتخيل ليك ممكن الزول ما يكون زنديق ويعمل حاجات الزندقة زي سب الصحابة وزي ما سوا الصادق المهدي وممكن يصل لي مرحله يدعي فيها انه المهدي المنتظر وممكن تصل لي مرحله خطيرة وهي الهرطقة الهي يدعي أنه بيتطور لي يبقى الله أستغفر الله
معاك ياعمر عليك الله ما تغيب
| |
|
|
|
|
|
|
|
|
 Re: رد افتراءات الصادق المهدي على الصحابة الك (Re: ABDALLAH ABDALLAH)
|
قولك:
بعدين ما تقعد تنقنق وتنتقد لو عندك حاجة في كتب الالباني ولا الذهبي تعال كبها وتكون علمتنا ورينا راي محمود محمد طه في كتب الالباني والذهبي شنو عليك الله كمان؟
+++++++++++++++++++++++++++++++++++++++++++++++++++++++++++++++++++++++++++++++++++++++++++++++
الله يسلمك يا حافظ و يديك العافية، والله أنا كذلك سعيد بنقاشك و بكتابات الركابي رغم خلافنا معها و في النهاية تفاكر و الله هو الذي يهدي..
لا أنا ما عندي راي في كتب الألباني في عضمها و الأستاذ ذاتو يعتبرهم عملاء إجلاء و يجلهم و يسلم لهم بما قدموه في عصرهم و كيف حل مشاكلهم فجعل منهم أعلاما على رؤوسها نار. لكن يقول الأستاذ أن عصرنا هذا قفز بالعمود و به طاقات لا يمكن لما قدمه هؤلاء العلماء الأجلاء أن تستوعب هذه الطاقة و قد ثبت بالعمل أن فقهم تقاصر عن حل ما يقابله العصر اليوم من إشكالات و على رأسها المساواة و الحرية. لهذا الوقت لابد من إستنباط فهم و فقه جديد لإستيعاب طاقة هذا العهد و لذلك تدعو الفكرة الجمهورية لطريق محمد و سنته لأنها جاءت ليس من الحاضر و إنما من المستقبل مع إنها إجملت في الماضئ "لا حظ السنة و ليس الشريعة".. الشريعة خلاص غربت شمها و لا يمكن لها أن تشرق من جديد إلا عن طريق السنة و ستكون شمسها قطعا ليست كشمها التي غربت..
قولك:
هههه حلوة متقاصر دي طيب أنت مؤمن بالفكرة الجمهورية ومتقاصر تكون شنو يعني هسع أنت مسلم زينا كدا ولا جمهوري عاصي ولا نفهم شنو
++++++++++++++++++++++++++++++++++++++++++++++++++++++++++++++++++++++++++++++++
أنا كدا مسلم زيكم كدا للاسف.. و كل المسلم خير.. و أمره خير و لكن هنالك درجات.. أقول كلامي هذا بحسرة.. السابقون السابقون.. الله يهون لنا بس و نأخذ بالعزائم و أكون جمهوري و أرجو أن أكون.. جالك كلامي.. المسلم الجمهوري ارفع منزلة من المسلم العادي و هو من أولي العزم .. المسلم الجمهوري يحاول مجتهدا مع سبق الأصرار على العيش حياة الفكر و الشعور و يتأسى بحياة الرسول صلى الله عليه و سلم..
قولك:
ثم تعال الفرق شنو بي ما دعى ليه الرسول واللقيته في الفكرة الجمهورية وأمنت بيها يعني الفكرة أحسن من فكرة الرسول الدعا بيها شنو يعني بالواضح دين محمود أحسن محمد صلى الله عليه وسلم بي شنو الخلاك تأمن بيه
++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++
يا شيخ حافظ.. واضح إنك مشوش عليك كثير في أمر الفكرة الجمهورية.. كل الدعوة الجمهورية قائمة أصلا على إحياء سنة سيدنا محمد صلى الله عليه و سلم.. يعني تقول الفكرة أن المسلمين اليوم ليسوا على شئ لانهم يعيشون على قشور الإيمان و يحاولون تطبيق شريعة لا تلبي حاجة عصرهم فصاروا منفصميين.. لا هم طبقوا الشريعة و لا هم أقتنعوا أن الشريعة لا يمكن تطبيقها لأن عصرها قد إنتهى فصاروا في حالة إنفصام و هوس و لف و دوران.. يعني أنا ما آمنت بالفكرة إلا لأنها عرفت مقام سيدنا محمد و تحدثت عن الحقيقة المحمدية و بشرت المسلم بأن إتباع سنة محمد صي الله عليه و سلم هو العروة الوتقي و هي التي يرقى بها المسلم لمراقي الإيمان. يعني الفكرة الجمهورية ما كانت فكرة إلا بإحياء فكرة النبي الأكرم.. يعني الأستاذ ما جاب كلمة من عندو.. كل القالو أعرفوا نبيكم كما يجب و أعزموا " قل الله".. أتبعوني يحببكم الله.. هذا هو جوهر الفكرة لا قبلها و لا بعدها..
قولك:
أنا ما عالم ولا قاري حاجات لكن بتخيل ليك ممكن الزول ما يكون زنديق ويعمل حاجات الزندقة زي سب الصحابة وزي ما سوا الصادق المهدي وممكن يصل لي مرحله يدعي فيها انه المهدي المنتظر وممكن تصل لي مرحله خطيرة وهي الهرطقة الهي يدعي أنه بيتطور لي يبقى الله أستغفر الله
+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++
الأستاذ محمود كان يقول أن أمر الفكرة دي دقايق حقائق الدين و بالتالي تناولها لازم يكون بالجدية و العزم اللازمين و كذلك لابد من الأقبال عليها بعقل مفتوح و قلب سليم و يصبر السالك على الذي يشتكل عليه و يؤمن. هنالك أشياء كثيرة العقل الذكي يتفكر فيها و حتى الأنبياء كانوا يتفكرون و يسألون و يشكون فتتحفز عقولهم و أرواحهم للتلقي..
اهلنا بقولوا الجمال كلها ماشية لكن فيها البشاري البوديك من بوادي الجوامعة لديار الكبابيش في ليلتك! و فيها السقى و شايب الجمال و الاطرق البوتصلك دار الكبابيش في ليالي عديدة و فيها جمل العصارة بدور في محلو!
اها الوهابية ديل سايرين لكن مثل جمل العصارة لافي في ركزتو
هذا و لك الإحترام و الله يهدينا و يهديك..
| |
|
|
|
|
|
|
|
|
|
Re: رد افتراءات الصادق المهدي على الصحابة الك (Re: Omer Abdalla Omer)
|
مرحب يا عمر سعيد بحضورك تاني
| Quote: الله يسلمك يا حافظ و يديك العافية، والله أنا كذلك سعيد بنقاشك و بكتابات الركابي رغم خلافنا معها و في النهاية تفاكر و الله هو الذي يهدي.. لا أنا ما عندي راي في كتب الألباني في عضمها و الأستاذ ذاتو يعتبرهم عملاء إجلاء و يجلهم و يسلم لهم بما قدموه في عصرهم و كيف حل مشاكلهم فجعل منهم أعلاما على رؤوسها نار. لكن يقول الأستاذ أن عصرنا هذا قفز بالعمود و به طاقات لا يمكن لما قدمه هؤلاء العلماء الأجلاء أن تستوعب هذه الطاقة و قد ثبت بالعمل أن فقهم تقاصر عن حل ما يقابله العصر اليوم من إشكالات و على رأسها المساواة و الحرية. لهذا الوقت لابد من إستنباط فهم و فقه جديد لإستيعاب طاقة هذا العهد و لذلك تدعو الفكرة الجمهورية لطريق محمد و سنته لأنها جاءت ليس من الحاضر و إنما من المستقبل مع إنها إجملت في الماضئ "لا حظ السنة و ليس الشريعة".. الشريعة خلاص غربت شمها و لا يمكن لها أن تشرق من جديد إلا عن طريق السنة و ستكون شمسها قطعا ليست كشمها التي غربت.. |
تمام وكويس أنه ما عندك راي في كتب الالباني وغيره من علماء االمسلمين المجتهدين لكن قول الاستاذ خطأ ما تزال كتب وإجتهادات الالباني وعلماء المسلمين صالحة حتى الأن والدليل إستشهاد دكتور الركابي وغيره العلماء بيها حتى الان بينما ماتت افكار محمود ولم يقبلها الناس والأن عصرنا الحالي فيه قفزة أعلي من زمن كتابات محمود وكلامه ومازالت إجتهادات هؤلاء العلماء موجودة وحاضرة بينما كلام محمود اصبح غير صالح وغير مناسب لهذا الزمن
| Quote: أنا كدا مسلم زيكم كدا للاسف.. و كل المسلم خير.. و أمره خير و لكن هنالك درجات.. أقول كلامي هذا بحسرة.. السابقون السابقون.. الله يهون لنا بس و نأخذ بالعزائم و أكون جمهوري و أرجو أن أكون.. جالك كلامي.. المسلم الجمهوري ارفع منزلة من المسلم العادي و هو من أولي العزم .. المسلم الجمهوري يحاول مجتهدا مع سبق الأصرار على العيش حياة الفكر و الشعور و يتأسى بحياة الرسول صلى الله عليه و سلم |
ليه الأسف علي النعمة لاحول ولا قوة إلا بالله
بتبالغ كمان الجمهوري أرفع منزلة من المسلم العادي ومن أولي العزم كمان يعني ياسر الشريف الجمهوري الملتزم أحسن من المسلمين الزينا كلهم بي كضبة ولولوته دي ، ياعمر ياخ من اكتر الجماعات كذبا وجبناً هم الجمهوريين
بعدين يا عمر استغفر ربك أنت ولا محمود ولا أي بشر ما بزكي العباد ربنا هو بزكيهم مدام أمنو بيه ووحده وأمنو برسالة رسولة صلى الله عليه وسلم والهدايه دي من ربنا وربنا يهدينا جميعاً الله بس هو الأعلم بي عباده وبي أجتهادهم في العمل وبزكيهم ويفضلهم علي بعض سبحانه
بعدين دليلك شنو علي أنه الجمهوري أرفع منزلة من المسلم العادي
| Quote: شيخ حافظ.. واضح إنك مشوش عليك كثير في أمر الفكرة الجمهورية.. كل الدعوة الجمهورية قائمة أصلا على إحياء سنة سيدنا محمد صلى الله عليه و سلم |
ما مشوش ولا حاجة عارف أي حاجة وكلامك غير صحيح الفكرة الجمهورية كانت لهدم السنة ومحمود ما أحيا السنة بل عطلها نهائي عشان يفرض شريعتو القاطعها من رسوا وسنتو العجيبة بل الحمد لله ربنا خيب فعله محمود عطل السنة وخلى حتى الصلاة وترك الصلاة علي الرسول صلى الله علية وسلم ومازال الجمهوريين حتى الأن لا يصلون علي النبي وفرض عليهم ثلاثة من عنده وقال واجبه وترك الصلاة في المساجد وصلاة الجمعة وعطل الاضحية والوليمة والحج وحاجات كتيرة وقال كلام السلف وأجتهاداتهم ما تصلح للزمن بتاعو ودا كله معروف وواضح جاي تقول لي الفكرة قايمة علي إحياء السنة معليش يا عمر ياخ احترم عقلي شوية
محمود مهندس والمهندس عشان يبني حاجة لازم يهدم اي شيء موجود في الارض عشان يبني محمود مفتكر أنه لو هدم السنة ممكن بعد دا يجيب شريعتو العجيبة محمود كان ضد السنة عشان داير يجيب شريعتو وبالفعل مازال الجمهوريين متبعين سنتة ومخالفين لسنة الرسول صلى الله عليه وسلم ما بحجو وما بضحو ولا بصلوا في المساجد ولا بصلو الجمعة ولا بولمو في زواجهم ومحمود حدد ليهم المهر الما حددو خير البشر صلى الله عليه وسلم ومازالو شغالين بي شريعتو وعاملنها سنة
| Quote: يعني تقول الفكرة أن المسلمين اليوم ليسوا على شئ لانهم يعيشون على قشور الإيمان و يحاولون تطبيق شريعة لا تلبي حاجة عصرهم فصاروا منفصميين |
لا حول ولا قوة إلا بالله دا كلام شنو ياخ الإيمان دا في القلوب محمود عرفهم كيف عايشين علي قشور الإيمان وبي ياتو معيار حدد أنه إيمانهم قشرة ياخ الناس البقومو في عز الشتاء يتضو ويمشوا في الضلمة يصلو الصبح ديل إيمانهم قشرة ساي الناس البتبذل روحها في سبيل الله قشرة الناس البتبذل مالها ووقتها في المساجد وفي التلاوة وفي التصدق وفي العمره والحج والسجود والركوع والخشوع وقيام الله ديل كله إيمانهم قشرة
والله محمود دا خطير يعرف في قلوب الناس وإيمانهم ويعرف إيمان ناس قد يكون ما سمع بي بلادهم زاتو (تعرف في دولة إسمها قيرغيزستان عرفتها قبل فترة بسيطة وفيها مسلمين) هل محمود سمع بي مسلمين أسمهم الإيغور في الصين وحدد إيمانهم كمان وطلعو قشرة ساي
ما ملاحظ أنه الفكرة دي محدودة خالص يعني بس بين أمدرمان الثورة ورفاعة وبين ناس محددين طلبة جامعة ومعارف بس هسع زاتهم أنقسمو وبقو متشاكلين
بعدين محمود دا عرف كيف المسلمين إيمانهم قشرة وهو ما طلع شاف المسلمين خارج السودان وحياته كلها بين رفاعة وامدرمان وحتت بسيطة في السودان
محمود بشكك الناس في إيمانهم عشان عشان يأمنو بيه
والقايل ليه الشريعة ما بتناسب العصر منو ياهو دي مطبقة في السعودية والحمد لله من أعدل الدول في العالم وأحسن مننا بي ملايين المرات وأحسن من الدول وهم رضانين بيها وتطبق علي الأمير وعلي الفقير ، قد تكون الشريعة بتاعت نميري (قوانين سمبتمر زي ما بتسموها) مدغمسة شوية لكن يمكن ببساطة تطبيق الشريعة في السودان
| Quote: قشور الإيمان و يحاولون تطبيق شريعة لا تلبي حاجة عصرهم فصاروا منفصميين.. لا هم طبقوا الشريعة و لا هم أقتنعوا أن الشريعة لا يمكن تطبيقها لأن عصرها قد إنتهى فصاروا في حالة إنفصام و هوس و لف و دوران. |
طيب الشريعة ما مطبقة الأن الناس هسع إيمانهم قشرة ولا لب ولا حاجة تاني طيب في دول ما طبقت الشريعة نهائي المسلمين الفيها دين إيمانهم شنو ، ثم تعال علاقة الشريعة بي إيمان الناس شنو بي الله وبي رسوله صلى الله عليه وسلم شفت التشويش وين والفصام عند منو
Quote:
الحقيقة المحمدية و بشرت المسلم بأن إتباع سنة محمد صي الله عليه و سلم هو العروة الوتقي و هي التي يرقى بها المسلم لمراقي الإيمان. يعني الفكرة الجمهورية ما كانت فكرة إلا بإحياء فكرة النبي الأكرم.. يعني الأستاذ ما جاب كلمة من عندو.. كل القالو أعرفوا نبيكم كما يجب و أعزموا " قل الله".. أتبعوني يحببكم الله.. هذا هو جوهر الفكرة لا قبلها و لا بعده
|
ما صحيح ولا قاعدين تورو الناس لي طريق محمد ولا حاجة قاعدين تورو الناس طريق محمود الضال وتبعدوهم عن طريق محمد صلى الله وسلم وتدلو الناس علي موقع الفكرة وتسفهو كلام الشيوخ والعلماء المسلمين وتقولو كلامهم غير صالح وما يصلح لهذا الزمان
حقيقه محمد صلى الله وطريق محمد قاعدين يرشدو ليه ناس دكتور عارف الله يجزية ويزيد في أجره ومحمود حاول يضل الناس عن طريق محمد ويجيب من عنده بس هو زاته آفقة ضيق وما مثقف كفاية وما متفقه ومتبحر في الدين عشان كدا جاب لي كلام ملخبط غير مفهوم (الحقيقة محمود ربع مثقف يجيد الكتابة) لكن غير قادر على إنتاج شيئ جديد أو حتى تطوير الموجود
بعدين معرفه نبينا ما عاوزة محمود لأنه كتار القاعدين يورونا طريق محمود هسع طيب في زمنا دا لو عاوز أعرف طريق محمد ممكن عن طريق قوقل اجيب اي حاجة او امشي اقرب مكتبة اجيب كتب العلماء القدام زي الالباني وغيرهم البتتريقو عليهم ديل واقرى واعرف محمد صلى الله عليه وسلم وتقول لي برضه ما صالحه لهذا العصر ههههههه
طيب محمود اتلحس يعني خلاص طريق محمد ضاع وحا نفضل قشرة رغم إننا ما طبقنا الشريعة ههههههه غايتو جنس دغمسة غايتو الله يهديك يا عمر ويخليك ويطول عمرك ويديم تواصل (تصدق كنت عاوز أرش عبدالله عبدالله الفوق دا لكن اتذكرت أنه صاحبك استحيت وخليتو احتراماً ليك شفت بنحبك كيف)
أخخ فترت
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عارف عوض الركابي
Omer Abdalla Omer
علاء سيداحمد
ABDALLAH ABDALLAH
فيس بوك
تويتر
انستقرام
يوتيوب
بنتيريست