|
|
 وحي من حيطه . . هبوب سبتمبر/اكرم محمد زكي
|
بى وحى من حيطه
مكتوبه فى الحيطه
----------------
قاطع كراعك ليه
اتنيها او مِدّا
تقفل شوارع التيه
بالقهر وتسِدا
لو عربى من سيبويه
او كيشه ديك عده
الغضبه جايه عليه
وان طالت المده
عاشت عصور الهم
مستعمره الحته
يسقط شعاع النور
بى فوقا او تحتا
يا كوشي تمنك كم
بالجمله والحته
بعرف كتابتى قلم
وين راح وكيف كنتَ
ادِفنّا جوه هرم
نرجاكَ لو مُتّا
أستفرغَك يا دم
رغوة غسيل حته
كيف تغسِل الكليه
والقلب اتحتا
جرح الهناك عفن
والنهر شال ِمدّه
طل القمر سكران
كايسلو كم جلده
ابلع حقوق انسان
منتهية المده
دبوره يانجمه
بى نورك استهدا
والتاكل الِعمّه
فى طبعو زول اهدا
قطْع الرزق عَمّ
وسع خُرُم قدا
توبِك ستر لما
عيب الوطن غتا
الدقنو كم لمَّ
حتى الدقيق عَدّا
إستودعى الأُمّه
بتحملِك أنا دَا
بدأت تهب . . رياح . . أو ذكرى
اللهم ارحمنا أجمعين
اكرم محمد زكي
|
|
 
|
|
|
|
اكرم محمد زكى
فيس بوك
تويتر
انستقرام
يوتيوب
بنتيريست