|
|
 Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: كسرة:
لازم نعرف الاتى:
1. بقية المنولوج (إذا ليه بقية)،
2. زمان كان متين بالظبط؟؟؟؟ |
يا هاله
الزهايمر اجيب باقيهو من وين؟
اما بتين دي غاتيو حا اقول ليك سنة حفرو البحر
ولا اقول ليك وردي في عمر الزهور 19 سنه
و محطتك لسه ما جات،،،،،
جات و انا نزلت قبيل
لكن قلت يا ولد عمل بأصلك و جلا من لا يسهو
المهم جيت و لاقيتك في اللفه
اصلنا خيل حر
و البرج البناطح في السحاب ده انا و اولادي اشعلقنا فيهو سنة 2002 عالم عايشه و عالم دايشه
قال لمي جدادك و دنا عذابك, حكم و نحيا و نشوف لاهاي و اكامبو و المناضلة لبني و امل هباني
تسلمي
لطفي
| |
 
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: لكن يا منال،
كلو كوم و صور المطعم الحبشى داك كوم،،
معقولة يعنى ما أنزل منها ولا صورة ؟؟
ناس تبلدينا و ود الصايم ديل بموتوا،،
|
هالة 0 عارفة لو نزلتي اي واجدة منهم ممكن يحصل شنو ؟ أكيد عارفة -
وبعدين الموضوع تحدي مع مني وبس
شنو يعني صور في مطعم حبشي وفي لندن وفيهو واحدة سممممممحة شديد بتغني وبترقص - شنو يعني
صور البرد دي نزلي يا بت أمي زي مادايرة
Quote: أهااااااااااااااااا
غايتو الصور دي لو ما جات أنا ما مارق من هنا!
|
اها شفتي ود الصايم قال شنو
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Mohammed Haroun)
|
انت يا هاله دايره تشوفي بالمنظار دا كوكب زحل ولا شنو
البتاعه المدوره دي نحن من هنا شايفنها
انا غايتو داير اركب فيها عشان اشوف حاجه غير السودان دا من فوق لوووول
مني خوجلي الغبار بصلكم مصفي شكلو
لكن شاحد ربي لندن دي تجيها شمس من نهار الخرطوم الحار داك
يقولوا طبقة الاوزون اتقدت ويعملوا مظلات قدر بريطانيا ويرسلوها لينا بعد تقدم ويصنعوا الجديده
زي ما رسلوا لينا كبري ام درمان - شيخ الكباري في افريقيا والشرق الاوسط
| |
|
|
|
|
|
|
|
|
 Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: نوفل عبد الرحيم حسن)
|
يا نوفل،
Quote: انت يا هاله دايره تشوفي بالمنظار دا كوكب زحل ولا شنو
البتاعه المدوره دي نحن من هنا شايفنها |
مش كدة بالله؟؟
البتاعة و شايفنها من الطيارة،،
طيب دايرين يورونا شنو؟؟
أنا غايتو و بما إنى كنت بتكلم مع السودان فى اللحظة دى،
حسن ظنى ألهمنى إنو يمكن كدة الخواجات ديل ح يخلونى أشوف أهلى،،،
لكن طلعوا نصابين،
دة كلو عشان يسرقوا الـ20 بنس حقتى،،،
شوية صور من البتاعة يا نوفل،،
بين السماء و الارض
| |
|
|
|
|
|
|
|
|
 Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Mohammed Haroun)
|
يا منال،
| Quote: هالة 0 عارفة لو نزلتي اي واجدة منهم ممكن يحصل شنو ؟ أكيد عارفة - |
بما إنو دة تهديد واضح و صريح،
فيبقى سورى يا ود الصايم،
ما ح اقدر انزل الصور إياها،،،
الحذر واجب برضو،،،،،
Quote: (شنو يعني صور في مطعم حبشي وفي لندن وفيهو واحدة سممممممحة شديد بتغني وبترقص - شنو يعني)
غايتو جنس (حنبكه) ... يا أخي قولوا الحمد لله ... السماح فضلة خيركم. |
يا محمد هارون،،
ايوة ما قلنا حاجة،
لكن قول لمنال،
المغنية أأأآى سمحة،
لكن كانت هى البترقص برضو؟؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: يا منى،
إنتى بس قولى عايزة تمشى الدوحة و خلاص،،، |
يخرب عقلك يا تفيده..
بتفهميها وهي طايره!
ايه رأيك بدر الدين الامير عايز مترجمين ولا محررين ولا مترجمين محررين مافاكره..المهم عايزهم لمدة تلاته شهور..
المرتب الفين دولار..يعني ما بطال اذا اعتبرتيها اجازه ورجعتي بعدها شغلك..
علي كل حال السكن عليهم..
طبعا ما افتكر بدر الدين بيرضي بسكن اي كلام او ما مناسب..
علي كل حال لو مشيتي او اي زول من البوست ده مشي..
تبقي دعوتي " الهي دوحة تاخدنا" صابت..
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
Quote: Quote: MEMORIAL TO THE UNKNOWN HUSBAND
Often Imagined, Much Desired, Never Found
يا ربى قاصدين منو بالظبط؟؟؟ |
اختنا هالة
ربنا يجعل ايامك كلها سعادة
بس ورينا الجماعة ديل قاصدين شنو ونحن بنوريك قاصدين منو
الترجمة يرحمكم الله نحن في زمنا الجامعة عربوها بعدين كنا بنخش سينما شعب والبطل لمن يقول نكته
بنسمع ناس اللوج بيضحكوا اها نحن بعد دقيقة ونص بنضحك لمن يجيبوا الترجمة تحت ومن يضحك اخيرا يضحك كثيرا
كاااااااك
تخريمة
يامنال ممكن اعمل صورتك دي خلفية في الكمبيوتر
تحياتي لي منى كمان والعيال الصغيرين
زاتوووو
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: ALZOLZATOO)
|
زااتووو،،
Quote: ربنا يجعل ايامك كلها سعادة
|
و إياكم،،،،
Quote: الترجمة يرحمكم الله نحن في زمنا الجامعة عربوها بعدين كنا بنخش سينما شعب والبطل لمن يقول نكته
بنسمع ناس اللوج بيضحكوا اها نحن بعد دقيقة ونص بنضحك لمن يجيبوا الترجمة تحت ومن يضحك اخيرا يضحك كثيرا |
أتخيلت المنظر،
لكن كدة مش بفوتكم نص الفيلم؟؟؟
ههههههههههههه،،،
Quote:
بس ورينا الجماعة ديل قاصدين شنو ونحن بنوريك قاصدين منو
|
و لو إنو الترجمة دى إختصاص منى،
لكن دى من عندى:
MEMORIAL TO THE UNKNOWN HUSBAND
Often Imagined, Much Desired, Never Found
تذكار للزوج المجهول،
دائما ما نتخيله، كثيرا ما نرغبه(نتمناه)، أبدا لا نجده،،،،،
(قابلة للتعديل،،،،،)،
تفتكر قاصدين منو؟؟؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: طارق جبريل)
|
| Quote: انت يا هالة صورك دي خبر |
يا طارق جبريل،
أنا صورى الله خلقنى ما بتعجبنى،
أقوم أجيبها ليكم،
ضر يعنى؟؟؟؟
بعدين،
يجيبوا ليكم صور اللمات،
تتجرسوا،
نجيب ليكم المناظر (بس)،،
تتفق مع ود الصايم و تشيلوا حالنا،،
أركزوا ليكم على رأى،،،،
______________________________
شفت لمة بكرى الاخيرة؟؟؟
خيانات شديدة،،،،،،
ما عارفة المطرة ليه ما جات نزلت ليهم و طفت الشيشة دى؟؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: ايه رأيك بدر الدين الامير عايز مترجمين ولا محررين ولا مترجمين محررين مافاكره..المهم عايزهم لمدة تلاته شهور..
المرتب الفين دولار..يعني ما بطال اذا اعتبرتيها اجازه ورجعتي بعدها شغلك..
علي كل حال السكن عليهم..
طبعا ما افتكر بدر الدين بيرضي بسكن اي كلام او ما مناسب.. |
يا منى،
تصدقى كنت بفكر فى الموضوع دة بالتحديد لما رديت عليكى؟؟؟
فى رايى،
فى زول(ة) واحد(ة) بس مناسب للعرض دة،،،،
و عليه(ا) عدم الكسل،،،،
________________
رجل الجنازير لقيتو فيديو،
أنزله كيف؟؟؟؟
| |
|
|
|
|
|
|
|
|
 Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
تحياتي يا هالة
البوست جميل بجد
والصور اروع
ولندن بجد فقدت انسانة رائعة مثلك (بذهابك منها)
وكمان مثقفة ومتعلمة ومليئة بالطيبة وحب الخير للجميع
واتمني ان تكثر زياراتك للندن
لانو اتضح انو في اماكن نزهة كثيرة هنا
لم اكن اعرفها طيلة عمري
وغاية في الروعة لكن للاسف اكتشفتها قريب
السودان فعلا محظوظ بوجود امثالك فيه
وانتي فخر كبير ومكسب اكبر لكل السودان
وانا غاية في السعادة لمعرفتك ولمعرفة روحك الطيبة ونقائك
وربنا يحفظك ويسهل ليكي امورك محل ما تقبلي
تخريمة
مني ازيك
مشتاقين
اها رمضان ده كيف؟؟؟
هل في برنامج ولا كسل كالعادة
كلمونا من بدري عشان ما نفطر بدري
سلامي للجميع بلا فرز
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: يا اشرف ،
كتر خيرك،،
لكن الكلام دة كتير على شديد،، |
كتير عليكي شنو يا باشمهندس
انتي والله تستاهلي يدقوا ليكي تمثال في متحف الشمع
انتي هينة ولا لينة؟
بعدين انا كمان ما بعرف اجامل
يعني ده تعبير صادق من القلب
وهو اقل ما تستحقينه
| Quote: و لندن حلوة بناسها،، |
واحلي بزوارها
Quote: بالمناسبة،
انا ذاتى المرة الجاية إنشاءالله،
ح أعمل البرنامج قبل الإجازة،
عشان اكون جاهزة،
و ما (اضطر) أركب باص نامبر 10 دة كل يوم،،، |
المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس.
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: ASHRAF MUSTAFA)
|
Quote: كتير عليكي شنو يا باشمهندس
انتي والله تستاهلي يدقوا ليكي تمثال في متحف الشمع
انتي هينة ولا لينة؟
بعدين انا كمان ما بعرف اجامل
يعني ده تعبير صادق من القلب
وهو اقل ما تستحقينه |
برضو شكرا كتير يا أشرف،
و كفاية كرمك و كرم أخلاقك،،
الله يقدرنا نجازيكم فى الخير،،،
Quote: المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس. |
كلام تمام،
قدرها و قدود،،
إذن أتفقنا،،،
و فكرة الشينقن دى ذااتها لذيذة،
بس يا ريت الإجازة تكون مخططة من فترة زى الناس،
إحنا هنا شغلنا دايما اخر لحظة،،،
الله يسهل الامور،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: ASHRAF MUSTAFA)
|
Quote: المرة الجاية انشاء الله الواحد يكون عمل الرخصة
وتاني ما تحتاجي للبص
وانشاء الله تلقينا متفرغين خالص
بعدين اعملي ليكي شينقن فيزا من السودان
عشان كمان نمشي باريس بالقطر البمشي تحت الموية
اليورو ستار وكده
انتي بس قبل ما تجي
اديني نوتيس اسبوعين
عشان احنا كمان ندي العمل نوتيس اسبوعين
ونفكر في برنامج كويس. |
اشرف بالله لما تعمل رخصتك كلمني كان السنة دي ولا البعدها حتي لو بعد عشرة سنين..
علشان أعمل فيك الكان بيعمله جدي في الخليفه..
كل يوم من 6 صباحا اقعد ليك في العربيه وأهريك مشاوير..
مسكين الخليفه ياما كان صابر!
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: مني ازيك
مشتاقين
اها رمضان ده كيف؟؟؟
هل في برنامج ولا كسل كالعادة
كلمونا من بدري عشان ما نفطر بدري
سلامي للجميع بلا فرز |
كيف يا اشرف مافي برامج؟؟
يعني بعد الغمرات ديك كلها ورحلة الخوف من العطش والجوع..
نقوم نصوم بدون برامج؟؟
لالا لا ممكن!
زي ما قلنا لاخونا نبيل المره الفاتت وكده من غير استعراضات..
بنعمل عضيده بفيونكات..
وملاحات ملونه..أخضر..أبيض أحمر زي شفق المغارب..
وبعدين نتونس واحنا بناكل الحلويات والقهوه..
وبلاش نشوف مسلسلات لما نكون متجمعين..
وأهو كلمتك من بدري علشان ما تفطر بدري وقبل مواعيد الآذان..
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
Quote: و لو إنو الترجمة دى إختصاص منى،
لكن دى من عندى:
MEMORIAL TO THE UNKNOWN HUSBAND
Often Imagined, Much Desired, Never Found
تذكار للزوج المجهول،
دائما ما نتخيله، كثيرا ما نرغبه(نتمناه)، أبدا لا نجده،،،،،
(قابلة للتعديل،،،،،)،
تفتكر قاصدين منو؟؟؟؟ |
يمكن قاصدين جوز الهند
لكن الزولة الكتبت الكلام ده لو لاقيتها كنت عرستها عشان كتابتها دي
ارقدي عافية
زاتوووو
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: نقطة:
إنتو كويسين؟؟
كل يوم عايزة أتصل عليكى،، |
احنا؟؟
احنا مين؟؟
انا خلاص استويت..زي ماما جارة ما كانت بتقول لينا زمان..
تتذكري الشغل الكلمتك بيه؟؟
الحمدلله خلص ..أخد مني خمسه يوم أداء كل يوم 3 ساعات..
لكن معاه بقي شغل 24 ساعة!
ياسين يرمي البولز من الشباك ويقعد يبكي عايزها..
وأنا كل شويه اجري بره اجيبهم!
وآخرها كمان قال عايز يلعب معاي بوكس..
اوعي تغشك برائته الفي الصوره دي..عليه ضربات فظيعة!
وأعلمك بأننا ذهبنا الي اكيا لشراء ما نحتاج ..اشتريت نباتات كثيره اتنين فيهم شتلات فل..
لما تجي الصيف الجاي اهديك منهم فلتين اتنين بس..واوعي تسالي عن زياده!
ونضافة البيت ما بتخلص..
اهي مسكينة الغسالة اشتكت.. وانا اسه بشتكي!
أما آيه فهي في حالة تانيه..
فيوسف يعتقد انها بقرته الحلوب التي لا ينتهي منها اللبن أبدا!
ودي صورة يوسف بعد مارضع..
والراجل البولندي بيركب ليها في الخشب وبيتفاهموا بالاشاره علشان ما بيتكلم انجليزي,,
وقصة الديليفري الزمان ديك ما انتهت بس قربت..وده كله بالنهاو وعبدالرحيم في الشغل..
اها انتو اخباركم شنو؟؟
الناس البيشيلوا الرابيش..لسه بيجوا كل شهر مره لجمع القمامه وثلاثة مرات علشان يشيلوا الرسوم ولا بطلوا حركات قرعة؟؟
وطمنوكم انو الشمس بتغرب 6 مساءا ولا هايسيبوها زي زمان تغرب سبعه وشويه؟؟
قلبي معاكم يا أوختي!
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
يا منى،
حمدالله على السلامة خلصتى الشغلانة،،
ياللا ركزى لينا فى البعدها أهم،،
Quote: ياسين يرمي البولز من الشباك ويقعد يبكي عايزها..
وأنا كل شويه اجري بره اجيبهم!
وآخرها كمان قال عايز يلعب معاي بوكس..
اوعي تغشك برائته الفي الصوره دي..عليه ضربات فظيعة! |
طيب يا ستى برمى البوووولز من الشباك،
مش كتر خيرو عايزك تتمرنى شوية؟؟؟
وبنفس المستوى هو يتمرن على البوكس فين يعنى؟؟
لا لا لا يا منى،
ظالمين الواد،،
Quote: وأعلمك بأننا ذهبنا الي اكيا لشراء ما نحتاج ..اشتريت نباتات كثيره اتنين فيهم شتلات فل..
لما تجي الصيف الجاي اهديك منهم فلتين اتنين بس..واوعي تسالي عن زياده! |
مبروك الفل،
لكن كان ما أديتينى أكتر من 2،
أنا عارفة عشان ما عايزانى أكشف سر فل لندن المغشوش دة،
دة حتى راشينه ريحة،،،،
أما عن يوسف،
ماشاء الله،
الله يحفظه،،
يعنى هو الواد قاعد فى حاله،
مش سايبينه،
و هو يا حرام،
ما عندو موضوع تانى غير يرضع،
طيب مكانه الواحد يعمل إيه؟؟
ح أحكى ليك باقى الحاجات بعد ما أخلص الفى إيدى،،،
أنزل ليكم صورة بشبوش المربوش؟؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: أحمد الشايقي)
|
أحمد محمد بشير،
سلامات،،
Quote: وين الصوره المكدساها معاك ديك
حاول طلعيها كيدا
انتي ما شوفتي ناس ناذر خليفه
و مزمل خيري بيصورا كيف..؟؟
|
لكن ناس مزمل و ناذر ديل ما بيصوروا نفسهم ايه؟؟
أها انا نفس المشكلة،
بصور و ما بحب أتصور،،،
و لما اتصور،
ما بحب أنزل صورى،،،
احلها كيف؟؟؟
Quote: يالا يا بت سريع كيدا وجيبي الباقي
لسع في بورداب كتااار ما شفناهم
في الصور.. |
حاااضر،
نجيب ليك صور الناس الظريفة،،
من اليمين،
مجاهد (أخ الزميل رافت)، منى ، رافت، محمد هارون، إبراهيم كوجان،،،
أنا(وراء ) الكاميرا،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
شكرآ هالة إشراكنا في هذه السياحة الترويحية والمتعة الذهنية...خصوصآ الحوار والمجادعة بينك وبين الأخت العزيزة مني خوجلي....إنجلترا لها طعم خاص ...عشت هناك فترة من عمري في مدينة ريدتش بالقرب من بيرمنجهام...كنت قد قبلت للتخصص في الأمراض الصدرية في East Birmingham Hospital ولكن القدر والظروف أتيا بي لبلاد العم سام....أختي هدي تعمل أخصائية أطفال في Canterbury / England منذ مدة طويلة ..أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين.....تحياتي وودي..
راشد
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Rashid Elhag)
|
الاخ الكريم راشد الحاج،
| Quote: شكرآ هالة إشراكنا في هذه السياحة الترويحية والمتعة الذهنية...خصوصآ الحوار والمجادعة بينك وبين الأخت العزيزة مني خوجلي....إنجلترا لها طعم خاص ...عشت هناك فترة من عمري في مدينة ريدتش بالقرب من بيرمنجهام...كنت قد قبلت للتخصص في الأمراض الصدرية في East Birmingham Hospital ولكن القدر والظروف أتيا بي لبلاد العم سام....أختي هدي تعمل أخصائية أطفال في Canterbury / England منذ مدة طويلة ..أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين.....تحياتي وودي.. |
تعرف زى ما أشرت فوق للسياحة الترويحية،،
هى فعلا إنجلترا بالنسبة لى،
بلد جميلة و عندنا معاها هوى خاص فى نفسنا،،
لكن الرحلة الأخيرة كانت مميزة أكتر بالناس الجمعتنى بيهم الظروف،،
عشان كدة البوست طلع زى ما إنت شايف،
مجادعة مع العزيزة منى خوجلى،
و تعرف إحنا فعلا قدرنا فى وقت بسيط جدا نفهم بعض و نتواصل بطريقة بدت للعيان كانوا فى كوود بيناتنا،،
اذكر بعد أسبوع واحد من وجودى بينهم،
كانت نزهة الأحد مع د. كوجان،،
و أنا و منى بنلقف لبعض الكلام من غير ما نقصد و نضحك،
فجأة إبراهيم قطع كلامو،
و قال لينا،
إنتو عندكم لغة مع بعض و لا إيه؟؟
حتى أكتشفنا ذلك،،،
| Quote: أتمني يا هالة أن تزورينا في كاليفورنيا في الإجازة القادمة حتي تعرفي الفرق بين البلدين..... |
اشكرك جزيل الشكر على كريم دعوتك،،
هى فعلا أمريكا دى أنا عمرى ما فكرت أمشيها،
مع إنو 3 مرات أعمل الإجراءات كلها لوالدتى،،
لكن إنشاءالله إذا ربنا قسم لينا الزيارة،
ضرورى نتصل عليكم،،،
مع تمنياتى بدوام التوفيق لك و لأسرتك الكريمة،،،
مودتى،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: مبروك الفل،
لكن كان ما أديتينى أكتر من 2،
أنا عارفة عشان ما عايزانى أكشف سر فل لندن المغشوش دة،
دة حتى راشينه ريحة،،،،
ايوة راشينه ريحة ولونه كما أبيض! |
عارفة يا هالة..
الفل ده بيذكرني هو والياسمين بقعدة مسائية صيفية في بلكونه في مصر!
باليل في الصيف الياسمين والفل بيكون عطرهم طاغي في المكان..
وكل نسمة مارة تزيد من أريجه ومن استمتاعنا بالجلسة..
ايه رأيك الربيع نمشي مصر وسيبك من اي رحلة تانية؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Rawia)
|
يا راوية كيفك؟؟
Quote: غايتو ياهالة ...... كروتينا
للصفحة التانية الصور ما تامة العشرة
وشحتفة ساكت عشان مصغراهم شديييييد
ياخ عليك الله عيدي نظر وراعي لينا
وأعملي حملة ...(من أجل صفحة تالتة مليئة بالصور) |
يا جماعة حكاية (يوجد حكى ) الفوق دى ما عاجباكم و لا شنو؟؟؟
:D :D :D
غايتو يا راوية إنتى لوعرفتى مشكلة الصور دى معاى شنو،
أكيد ح تعذرينى،،
لندن (أى بلد) أكيد حلوة ،
لكن عايزة اللمة،،
بالمناسبة،
إنتى كان مفروض تمشى بعد ما أنا رجعت بشوية،
غيرتى رايك و لا إيه؟؟؟
يا ريت نقدر نبرمج إجازات فى أوقات متقاربة،،،
اقعدى عافية،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
يا هاله اولا: حمدالله بسلامة رجوعك لاهلك غانمه وسالمه...
تانيا: والله نحن متحسرين لعدم شوفتك هنا في بلدنا الكلها مطره دي ...
تالتا: يا باشمهندسه... نحنا المره الجايه حاجزينك من المطار وعدل علي الريف الانجليزي ...ومن هسي ناس غزلان (الفي الصوره) حاجزين ليك العجله وحالفين يفسحوك الريف بتاع هاردفوشير كله ...وماتخافي لو اشتقتي للندن مننازي خمسه وعشرين دقيقه بالقطر لحدود كنقس كروس ...
مني بت خوجلي تحياتي الزاكيات ...
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Elsanosi Badr)
|
العزيز السنوسى بدر،،
| Quote: يا هاله اولا: حمدالله بسلامة رجوعك لاهلك غانمه وسالمه... |
الله يسلمك و يديك العافية،،
| Quote: تانيا: والله نحن متحسرين لعدم شوفتك هنا في بلدنا الكلها مطره دي ... |
وأكيد إحنا الخسرانين بعدم رؤياكم،
لكن إنشاءالله الجايات أكتر،،
| Quote: تالتا: يا باشمهندسه... نحنا المره الجايه حاجزينك من المطار وعدل علي الريف الانجليزي ...ومن هسي ناس غزلان (الفي الصوره) حاجزين ليك العجله وحالفين يفسحوك الريف بتاع هاردفوشير كله ...وماتخافي لو اشتقتي للندن مننازي خمسه وعشرين دقيقه بالقطر لحدود كنقس كروس ... |
والله يا السنوسى أنا مبسوطة جدا من دعوتك دى،
لأنى حسيت بيها نابعة من القلب،
على العموم مشكور كثيرا،
و فعلا المازار الريف الإنجليزى ما يعتبر نفسه مشى إجازة،
هناك حيث الجمال الحقيقى و الهدوء و الناس الرايقين،،
و طبعا أجمل حاجة فى إنجلترا (أوروبا) كلها،
إنو الواحد يركب القطر،
متعة ما بعدها متعة،،
تعرف يا السنوسى،
إحنا مرة قعدنا حوالى 3 شهور فى سيربتون،
المنطقة جميلة و البيت مريح ،،،الخ،
لكن كانت متعتنا إننا ننزل لندن بالقطر،
و اليوم الماشيين فيه أنا شخصيا بكون مرتاحة نفسيا كدة فى مشوار الذهاب و العودة،،،
غايتو عندى تخطيط كدة كان ربنا أذن لينا،
أمشى مرة إجازة لأى بلد أوروبى و أطلع من هناك بالقطر (أو المركب)،
الف على كام بلد كدة،،،
الله يسهل الأمور بس،،،
سلامى الحار للأمورة غزلان (الله يحفظها) و لكامل الأسرة،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
يا تبلدينا،
سيبك من صور منى دى كلها قوقل،،
دة اكسفورد الجد جد،،
ناصية أوكسفورد سيركس،
تشترى و تدخل على ستار بكس و تريح الرجلين شوية،،
(تتملى) و تطلع (زعلان)،،،
صورة لسيلفردجز (بالشقلوب)،،،
بعدين يا تبلدينا،
أكلمك،
فى تجارة رابحة جدا ممكن نعملها مع سيلفردجز دة،
الفانوس (الواحد دة) ببيعوا بـ20 إسترلينى،،،
بالله أجمع لى زى الف فانوس كدة،
و (انا) أمشى أبيعهم هناك قدام المحل بسعر أقل،،
(التذكرة على المشروع طبعا)،،،
قلت شنو؟؟؟
Quote: بدون مبالغه يا تبلدينا..
هاله بتمشي شارع اوكسفورد ستريت الطويل ده مرات مرتين في اليوم!
مرة تشتري..ومرة ترجع تغير الاشترته! |
ياخوانا منى دى بتسوء فى سمعتى،،
المرة التانية دى كانت عشان أصور،
بعد ما أرجع البيت أخت المشتروات،،،،
بث،،،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote:
يا منى لو سمحتى ورينا الناس الماشيين تحت ديل منو؟؟؟
طبعا لاحظوا أنا عندى (فيرشين )تانى للصورة بدون طرف الكابينة الظاهر دة،،
لكن قصدت أجيب النسخة دى،
عشان ناس تبلدينا ما يجوا يقولوا لى قوقلتيها،،، |
اولا دي قبة عندهم عملوها بعد الفتوحات الاسلامية..
لكن هم خافوا بعد سبتمبر اليفن من الضربات الانتقاميه ضد المسلمين وقرروا يزيدوا عليها قبات بتلف ويسموها لندن آي..
وما تصدقي الاشاعات بتاعة الالفيه وما شابه ذلك..
وأفتكر ساعتها وعلي ما يبدو زي ما كانت بتقول أم سعاد..انتي كنتي بتصوري من الطياره ومش من أعلي الكوبري..
وعلي فكرة زمان آيه كان في اي مرة نطلع فيها كوبري..
تصفق وتغني..
نحنا فوق الكوبري..
والناس تحت الكوبري!
شاعره مجيدة بتي دي..موش؟؟
علي فكره كاميرتك ناقصة ألوان زاهية..وأوعي تقولي ده الضباب!
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: معتصم محمد صالح)
|
Quote:
اشرف بالله لما تعمل رخصتك كلمني كان السنة دي ولا البعدها حتي لو بعد عشرة سنين..
علشان أعمل فيك الكان بيعمله جدي في الخليفه..
كل يوم من 6 صباحا اقعد ليك في العربيه وأهريك مشاوير..
|
جدا يا مني
لو ما خدمناكي انتي نخدم منو؟؟
ما شايفا الناس هنا بتحلف براس الملكة في المحاكم وكده
يعني انتي هنا الكل في الكل
و 6 صباحا اهريني بالمشاوير
انا دائما تحت الخدمة
وكمان فوتي جدك ظاطو
ههههههههههههههههههههه
ولا اقول ليكي حاجة
فوتي الرقم القياسي عشان تدخلي جينتس
اها قصرت معاك
تخريمة
بث ما تنسي التقلية في رمضان يا مني
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
Quote: لكن ما يغركش المنظر،
انا شخصيا ركبت لى قطر كدة (ياااى) من الكنبة،
تصور فيها خرم؟؟؟؟؟ (بضم الخاء طبعا)،،، |
عارفه ياهالة ما كنت عايزه اقوليك الكلام ده قبل كده..
اولا في لحظتها خفت اكلمك تقومي تصرخي..
عارفه الخرم الفي مقعد القطر ده كان من شنو؟؟
ده الفار الصغير خالص البيكون جاري في المحطات تحت القطارات..
ساعات بيدخل القطار لما يكون مبركن!
والخرم ده معناته احتمال كان بيتوالد داخل المقعد..
علي فكره واحده من مشاكل لندن الفيران الصغيره!
اهو الجماعة طلع عندهم فيران!
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: jini)
|
Quote: دا قطر ولا عقد!
مغسل ومتمر تقول طقم صينى!
بمعيار النضافة من الايمان نحن كفار ملاحدة ومشركين عديل!
نحن القطر حقنا الا تلبس ليك رداء عشان ما تتوسخ يعنى كان عندك اجتماع الا تشيل يارك معاك !
ما عندنا طريقة للناس ديل الا نكفرهم ونجاهد فيهم ولسان حالنا الفيك بدربو وحق الناس اقدلبوا!
جنى |
واهو القطر ياجني بتاع الكفار..فاتح بابه ومستنيك..
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
يا منى،
Quote: وعلي فكرة زمان آيه كان في اي مرة نطلع فيها كوبري..
تصفق وتغني..
نحنا فوق الكوبري..
والناس تحت الكوبري!
شاعره مجيدة بتي دي..موش؟؟ |
على فكرة،
الغنية دى ما ساهلة أبدا،
و لازم تعلموها لياسين و يوسف عشان ما تنقرض،،
دة تراث دة،
أمال إيه؟؟؟
Quote:
علي فكره كاميرتك ناقصة ألوان زاهية..وأوعي تقولي ده الضباب! |
لأ،
دة التصغير،،،،،
بكرى قاصدنى أنا بالذات،
أى حجم أكبر من كدة،،،
fail to upload.....
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
العزيزه هاله...لك التحيه والاحترام مجددا Quote: و طبعا أجمل حاجة فى إنجلترا (أوروبا) كلها،
إنو الواحد يركب القطر،
متعة ما بعدها متعة،، |
ايووه طبعا السفر بالقطار ده متعه ما بعدها متعه...
طبيعة عملي بتطلب مني انو كل يوم اسافر بالقطر من البيت لحدود مكان العمل...
وتصدقي يا باشمهندسه كل يوم بستمتع بالرحله دي ...ذهابا وايابا... نفس الشخوص والابتسامه المستعجله والتحيه الصباحيه ونفس الكرسي ونفس قهوة الصباح من نفس المحل وبتقرض الساندوتش الجايبو معاك من البيت ...
غايتو ما بعرف لكن القطار ده اصبح جزء من حياتنا اليوميه...بحس انو الواحد برتب فيهو افكارو وهو ماشي علي الشغل ولا جاي منو ...Quote: غايتو عندى تخطيط كدة كان ربنا أذن لينا،
أمشى مرة إجازة لأى بلد أوروبى و أطلع من هناك بالقطر (أو المركب)،
الف على كام بلد كدة،،،
الله يسهل الأمور بس،،، |
انت انوي بس والباقي علي الله ...
عندنا القطر مسافة خمس دقايق من البيت بوديك اوروبا كلها... بس بتغيري في كنقس كروس ...
عندي واحدي جاري لذيذ كده ... طلع الصباح قال رايك شنو نطلع نشرب قهوه في فرنسا ونجي راجعين ...تصدقي عملناها... وضربت لي ناس البيت قلت ليهم انا في باريس ...
تعرفي من اليوم داك وانا مربوط لي (elctronic tag ) في رجلي من قبل ناس البيت كلما يشوفوني مع جاري ده ...
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Elsanosi Badr)
|
عزيزنا السنوسى،،
| Quote: عندي واحدي جاري لذيذ كده ... طلع الصباح قال رايك شنو نطلع نشرب قهوه في فرنسا ونجي راجعين ...تصدقي عملناها... وضربت لي ناس البيت قلت ليهم انا في باريس ... |
حظكم والله،
هى دى الحياة،
لما الواحد يكون عندو (أوبشنز)،،،،
| Quote: تعرفي من اليوم داك وانا مربوط لي (elctronic tag ) في رجلي من قبل ناس البيت كلما يشوفوني مع جاري ده ... |
D :D :D
من حقهم طبعا،،
أنا لو منهم،
أسلط عليك القمر الصناعى ذاااتو،
طول ما جارك دة موجود،،،
بالمناسبة،
كنجز كروس دى جار منى خوجلى،،
مسافة 7 دقايق و نص بالرجلين،،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Tabaldina)
|
Quote:
ازيك يا منى ,,
والله مشتاقين .. انا ما عارف بقيت بخش
ولا بسلم .. كلو بسبب الطشاش وعوامل التعريه
بعدين ورونا انتو رحتو ووينو وركبتو ياتو بص
وشربتو قهوة فى الادجور ستريت ولا اسمو شنو ؟؟
هاله دى صورها ما مقنعة بالنسبة لى ولودالصايم
_______
غايتو الانا شايفو غير صورة المنظار
والمتحف مع الملكة وود آيه البتجارى مع حبوبتو فى الحديقة
الباقى كلو من الويب سايد.. |
معقوله يا تبلدينا ياخ..
تنسي طوالي كده؟؟
اصله ده انت الفي حياتك شفع شياطين ولا أنا؟؟
طيب ده احد المداخل لمحظة الاندرقراوند في ايدجوار رود..
ياما تهنا فيهاأنا وهالة!
تصدق تهنا في مشوار بتاع 3 محطات ما يحصل العشرة دقايق قريب للساعة؟!
حاجة غريبه..
يعملوا لينا خرط..ونسكن في البلد..وبعدين يكتبوا وينبهوا..
وبرضه مافي فايده!
صدق القال..
مهما تعلم في المتبلم يصبح ناسي!
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
Quote: قال ما تغشك مني قال!
هانكذب يا هالة؟؟ |
طيب يا تبلدينا تعال أحكم،،
أنا لى يومين بس فى البلد , و
نازلة ضيفة يعنى ما مفترض أبدا أكون عارفة القطر البودى لماما
which one
معايا؟؟؟
طيب نزلنا عشان نمشى المشوار برفقة الدليل،
دخلنا المحطة و ركبنا،
لقينا نفسنا فى منطقة غريبة و محطات أغرب،
أتارى ركبنا الإتجاه الغلط،
نزلنا وركبنا مرة تانية فى الإتجاه المعاكس،
و مفروض نحول القطر فى محطة معينة،
فاتتنا المحطة و نزلنا فى محطة بعديها،،،
نزلنا و حاولنا نرجع المحطة المفروض نغير فيها الخط،
تانى لخبطنا الإتجاه،،
المرة دى،
نزلنا فى الشارع و ركبنا البص،،،
تفتكر مقارنة بالحكاية التحت دى،
مين بالظبط إللى تاه؟؟؟
لأنو بعد اسبوع واحد بس،
مشيت نفس المشوار لوحدى ووصلت نفس العنوان فى زمن قياسى جدا،
مع إنو فى (واحدة) توهتنى و وصفت لى محطة غلط أنزل فيها،،،،
أنا راضية بحكمك،،،،
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Hala Hassan)
|
| Quote: أنا راضية بحكمك،،،، |
راضيه بحكم مين؟؟
حكم ربنا ولا تبلدينا؟؟
Quote: طيب يا تبلدينا تعال أحكم،،
أنا لى يومين بس فى البلد , و
نازلة ضيفة يعنى ما مفترض أبدا أكون عارفة القطر البودى لماما
which one
معايا؟؟؟
طيب نزلنا عشان نمشى المشوار برفقة الدليل،
دخلنا المحطة و ركبنا،
لقينا نفسنا فى منطقة غريبة و محطات أغرب،
أتارى ركبنا الإتجاه الغلط،
نزلنا وركبنا مرة تانية فى الإتجاه المعاكس،
و مفروض نحول القطر فى محطة معينة،
فاتتنا المحطة و نزلنا فى محطة بعديها،،،
نزلنا و حاولنا نرجع المحطة المفروض نغير فيها الخط،
تانى لخبطنا الإتجاه،،
المرة دى،
نزلنا فى الشارع و ركبنا البص،،،
تفتكر مقارنة بالحكاية التحت دى،
مين بالظبط إللى تاه؟؟؟
لأنو بعد اسبوع واحد بس،
مشيت نفس المشوار لوحدى ووصلت نفس العنوان فى زمن قياسى جدا،
مع إنو فى (واحدة) توهتنى و وصفت لى محطة غلط أنزل فيها،،،، |
طيب لو البيتكلم مجنون يبقي السامع عاقل..
في زول ممكن يتوه من بيت امه حبيبته؟؟
لا ممكن!
انا عارفه مثلا أخونا وصديقنا (...) ربنا ياخد بيده ويطلعه من أزمته..
تاه من بيت الزوجية!
ودي كان ليها اسبابها يعني..
لكن أتوه من بيت أمي التي أنجبتني ثم قبل ذلك حملتني في بطنها 9 أشهر وهن علي وهن؟؟
ياللهول ..
الكدبه دي واسعة شويه يا هالة!
هو بالمناسبة مشوار التوهان ده كان لماما ولا كان لبيت آسيا ربيع؟؟
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
..
.
لا حولااااااااااا
ما لكن بتتغالطن كدا ..
ليكن يومين منى ودرتنى لا هالة ودرتنى
ركبنا القطر من الايدجور رود لا ركبنا بص
ماشين بيت ماما ماشين لاسيا
عموما يا منى ..
رغم انك حبوبة وكدا ..
لكن يبدو لى جلياً انك رحت من بيتها وبدل ما تمشى
بقطر شرق ودى بتنا دى بقطر غرب
بعدين زولة جديدة لو راحت ليها العذر انت
البخليك تروحى شنو ؟؟
غايتو انتو دراويش فى بلد الانجليز :)
_____________
اها شربت اكسبرسو ولا كابتشينو
دى ما دايره غلاط 
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: طارق الكوتش)
|
Quote: ناس حلوين ورحله ممتعه وذكريات روعه وتوثيق اروع
تخريمه
انتو تكاسى لندن لونها شنو ؟ |
سلام يا طارق..
خليك معانا في البوست العجيب ده..
نصه مغالطات..
دي صورة تماسي لندن..
التاكسي لونه اسود ولامع..
زي الباذنجان الجديد..
مستحيل تالقي فيه خربشه ولا بوهيه طالعة في حته منه..
وبعدين من جوه واسع وقعدته زي القاعدين في غرفه..
وبين الركاب والسواق فاصل من الزجاج..
ومافي زول بيقعد بجانب السواق..ممنوع..
النور المنور في كلمة تاكسي معناتها التاكسي غير مشغول..
طارق تعال اتونس..
| |
|
|
|
|
|
|
|
|
|
Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
يا كوتش،
Quote: وبعدين يا طارق التاكسي ده بالعداد وغالي جدا..
تلحق توقفه وتدخل بأول رجل العداد يجري..
اها شوف بقي لماتدخل برجلك التانية! |
منى قصدها كدة يعنى.....
طيب نجى من الاخر،
أقل مشوار بالتاكسى هزار كدة،
ح يكلفك بتاع 60 إسترلينى،
إحسبها إنت بئى،،،
يعنى التاكسى دى فى بريطانيا زى قصر الملكة،
و لازم الزيارة (للمنظر السياحى)،
و إلا تكون معاك أسرتك و شايلين كتير و مشوارك بعيد،
حتى تفكر و تتهور و توقف (بلاك كاب)،
و بعدين حذارى من الونسة مع السواق،،،
لأنو ما ح يعبركش،،،،
منظر تانى للتاكسى،،،
أما عن سؤالكم إذا التاكسى (بيجيب قووون) و لا بيطلع تعادل و لا لأ،
فـ دة احيله للمختصين،،،،
| |
|
|
|
|
|
|
|
|
 Re: و أخيرا يا منى....ذكرياتنا فى لندن...دعوة للجميع...يوجد (صور و حكى)!! (Re: Muna Khugali)
|
Quote: لكن أتوه من بيت أمي التي أنجبتني ثم قبل ذلك حملتني في بطنها 9 أشهر وهن علي وهن؟؟
ياللهول ..
الكدبه دي واسعة شويه يا هالة! |
و هى دى تيجى؟؟؟
لا ممكن طبعا،،،،
لأ و اللذيذة،
بعد ما أتعهدت إنو،
ما أفتحش بئى،،
هم وحدهم اللى حكوا،،،
| Quote: هو بالمناسبة مشوار التوهان ده كان لماما ولا كان لبيت آسيا ربيع؟؟ |
و كما قال ود الصايم،
أنا ألتش حاجة........
بالمناسبة،
توهان اسيا ربيع دة،
كان تحت زخات المطر،،،،
و بالليل.............
| |
|
|
|
|
|
|
| |
Mohammed Haroun
Manal Awad Khugali
نوفل عبد الرحيم حسن
Muna Khugali
ASHRAF MUSTAFA
طارق جبريل
ALZOLZATOO
احمد محمد بشير
داليا حافظ
أحمد الشايقي
osman righeem
Rashid Elhag
Rawia
Elsanosi Badr
معتصم محمد صالح
رأفت ميلاد
فيس بوك
تويتر
انستقرام
يوتيوب
بنتيريست