لحظه من فضلك..3

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 09:23 AM الصفحة الرئيسية

مكتبة منى عوض خوجلى(Muna Khugali)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
28-07-2007, 09:06 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    اكثر ما يقتل الأأشواق والرغبه في التواصل..هو الحضور الي المكان المقصود في الوقت الخطأ!!
    ويبدو لي أن معظم الوقت في سودانيزأولاين قد صار وقت خطأ..

    ان تحمل أشواقك في أصابعك وتأتي لتحدث الكيبورد بها..حتي تصلكم كما هي نقيه وطيبه..ثم تاتي وتفتح الصفحة تلو الأخري لتصاب بالآلم ثم الملل..لهو شيء قاتل!

    الأفتراض أن العمر وحده كفيل بتعقيل من هم غير عقلاء أفتراض مهلهل وضعيف ..والدليل التنابذ والتجريح المستمر بين أهل البورد هنا..
    ومن ناحيه أخري يغيب المنطق تماما في مناقشة المواضيع.. وتتوه الفكره التي يجب أن يرتكز
    عليها النقاش بين أكوام الأهانات السخيفه..
    واي حب مهما صمد ومهما قوي..يتعب من الابتهال والتوسل والتكرار الممل.. ويعاني في النهايه من
    العزله..ونحتاج نحن المتمسكون "بالعروة الوثقي" ان نبذل جهد أكبر..وهذا يسبب ارهاقا أكثر
    وألم كبير..أقصد محاربه القبح..لكن يبدو ان هذا قدرنا ان كنا حريصين علي التواجد وعلي اضفاء
    معني لما نود قوله أو فعله..

    تحيات وحب كبير لكم اهل لحظه..

    مني
                   |Articles |News |مقالات |بيانات

27-10-2007, 03:39 PM

عبد الحميد البرنس
<aعبد الحميد البرنس
تاريخ التسجيل: 14-02-2005
مجموع المشاركات: 6891

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    Quote: لحظه من فضلك هي دعوه لكل شيء انساني..ولتفتيح المدارك علي ما كنا نظن اننا ندركه..
    للتصحيح او التعقيب او التثبيت لما يقال..
    لحظه من اجل الحب والضحك الجميل..
    التوثيق والمواكبه لما في الدنيا..
    الحوار العاقل المفهوم والذي نتبادله هنا في بساطه دون حرق اعصاب..
    للأختلاف بانسانيه وذوق واحترام ادب الأتفاق والأختلاف..
    لبساطة اللغه وعدم تعقيدها..
    للعوده للحياه النقيه والتمسك بها..
    لدعم انفسنا والآخرين عندما يضايقنا الزمن ببعض من سخافاته..
    لحظه من أجل كل شيء يزيد ترابطنا ويخلق مساحات من الود بيننا..
                   |Articles |News |مقالات |بيانات

29-10-2007, 11:38 AM

ابوبكر على

تاريخ التسجيل: 15-02-2007
مجموع المشاركات: 763

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    سلامات
    بت الخليفة
    كل سنة و انتى طيبة
    و الجميع بخير
    انا حارس جبنتى من شهر ستة الفات
    و لى هسع ماجات
    الحكاية شنو
    لو بالحمام الزاجل كان وصلت

    تحياتى
                   |Articles |News |مقالات |بيانات

16-07-2007, 01:57 PM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ..
    .
    لحظة من فضلكـِ
    عايز اقول مشتاق ورامى اللوم على الزمن ..

    ______________________

    الاخبار جيتو قريب ولا لسه بعيدين !!؟
                   |Articles |News |مقالات |بيانات

16-07-2007, 05:22 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    غايتو يامني ..؟؟ خلي بالك ؟ واوعك تحومي لحد ما رجلينك تتورم وبعدين نبقي في الزي دة ...
                   |Articles |News |مقالات |بيانات

18-07-2007, 07:40 AM

د.محمد حسن
<aد.محمد حسن
تاريخ التسجيل: 06-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: لحظه من فضلك..3 (Re: abubakr)

    ابوبكر

    الدكتور عندك

    خطييييييييييييييييييييييييييييييير بتاع الحمير
                   |Articles |News |مقالات |بيانات

30-07-2007, 01:52 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: abubakr)

    Quote: غايتو يامني ..؟؟ خلي بالك ؟ واوعك تحومي لحد ما رجلينك تتورم وبعدين نبقي في الزي دة



    ابو بكر..

    ماجده أمس رجلها ورمت وعملت فيها سندريلا..
    قلت فردة حذاء ومشت بواحده!

    مشتاقين كتير...

    نواصل..

    مني
                   |Articles |News |مقالات |بيانات

17-07-2007, 06:18 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    المشهد الثالث
    لقاء علي ود السره


    كانت الدقائق تمر خطوتين قدام واتنين وراء
    علي ود السره يوميا يحضر بعد صلاة المغرب
    اليوم لم ياتي المغرب
    مازال العصر مهيمين
    ...............................
    قفز علي ود السره كما الملسوع
    لقد غفي غصبا عنه لمدة دقائق
    ولكنها لم تكن دقائق فقط
    لقد ادلهم اليل و جاء علي ود السره
    و هو علي وشك الخروج
    علي ود السره : يا زول تعبت من الرقاد قلت اخير
    تنوم قاعد علي الكرسي
    السود اني الثاني : والله قاعد راجيك خفت ارقد في السرير انوم
    تجي و تمرق ما اشوفك .......
    دايرك لي موضوع
    علي ود السره : قوم صلي وتعال معاي انا ماشي القهوة
    ونكمل الحديث هناك

    ....................................................
    القهوة تقع في شارع خلفي
    عبارة عن دكان تعمل يه فتاتان اثيوبيتان
    تقدمان الجبنة و الشاي و المرطبات
    و الشيشة كمان
    و في بعض الاحيان الزقني
    99.9%من رواد القهوة العشرة سودانيون
    لاحظ السوداني الثاني ان بلدياته له مكانه
    خاصة عند الحبشية الطويلة
    وجاءت الحبشية الطويلة مرحبة بضيف علي ود السره
    وقدمها علي ود السره
    هيلين المشهورة بي طراوة
    ......................................
    لم يريد ان يدخل في مواضيع جانبية
    وجو القهوة لا يطمئن
    السوداني الثاني : شوف رحنا قابلنا الحاج في العقد في جامع 8
    الراجل ما قصر اول ما وصلنا نادني قعدني جمبه
    والله الناس الجات العقد كلها ناداهم واحد واحد
    وكلمهم عني وقالهم لا زم لازم لازم
    علي ود السره : باخي الحاج ماب يقصر والحكاية ارزاق
    وانت وحظك و ما تشيل هم بتشتغل
    السوداني الثاني : علي اخوي اول امس يوم مشينا نقابل الحاج
    وجينا مطعم النيلين جا معنا واحد من الجماعة ال مع الحاج
    واحد طويل و ضعيف ليهو حنيك و صاري عينو الشمال
    علي ود السره : خلو ده الصحاف ..... طبعا وصاك
    من هسع لي بعد ما تشتغل ........
    السوداني الثاني :بس الراجل تقول ممقوس منك شوية
    مالك مسوي معاه شنو .......
    علي ود السره : ده موضوع طويل ..........
    ما تقلب علي المواجع
    الموضوع ان كتبته كله في
    جواب و ما رسلته لي زول
    بعدين لمن نرجع البيت
    بديك ليهو تقراه
    ( طراوه جيبي جمر ... نارك ماتت)


    و نقراء معا جواب علي ود السره
    ..............................
    .......................... مش طوطحانية
                   |Articles |News |مقالات |بيانات

18-07-2007, 05:46 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    جواب علي ود السره

    الاخ العزيز حاتم
    لك تحياتي و اشواقي الحارة و لاسرتك الكريمة و خاصة الصغيرة
    ميسون و باقي الاهل و الجيران ، و يأخي تجدني شديد الاسف لانني
    لم اكتب لك فور وصولي .
    رغم اني تكلمت معك بالهاتف فأنتى تعرف رأي في الخطابات فأنا
    مازلت اعتقد ان القلم اكثر ارتباطا بقلبي من لساني ، فدعني اسود لك هذه الصفحات
    علها تجعلك معي حسا و ادراكا كما كن دوما قلبين و لسانين و غالبا راي واحد
    ابدأ لك من حيث لم اقل لك علي الهاتف
    وصلت وفورا الي الحاج ،مكة كل بلدياتنا القادمين
    الي هنا بحثا عن سعة الرزق
    بحثا عن رئة جديدة و كبيرة
    بحثا عن بديل لوطن جعلك تنكره عقلا و تقبله عاطفة
    و محنة و عشق و تاريخ
    و اخوان وخلان
    و حبييبة
    و صديقة و رفيقة درب
    وزملاء دراسة
    و رفقة عمل
    وناس الحلة واهل الحي
    و مراتع الطفولة
    و حلاوة الشقاوة
    اشياء اندملت عليها جروحك
    دخلت كيانك
    صارت جزء منك
    او صارت كلك
    انها الحياة
    انت تحتوي الوطن و هو يحتويك

    عزيزي حاتم
    قابلت كثير من الاخوان هنا
    جاءوا لواحد او اثنين
    او كل هذه الاسباب
    او لاكثر
    دائما السودانيون متعاونون
    مترابطون لكنهم نمطيون
    فتعريفهم للتكاتف و التعاون و المساعدة
    هو هو لاغيره الزمان
    و لا طوره المكان
    اشياء تعرفها انت وكنت تتوقعها
    كان الحاج كما وصف لك و لي
    كان سببا ورزقت بالعمل في احدي
    شركات المقاولات العملاقة
    كنت ممتنا له و ما زلت
    اكن له احترما ابويا
    وانت تعرف مبدئي
    ( سيد دينك سيد رقبتك )
    فللرجل علي جميلا لايمكن نسيانه
    و علي كثيرين غيري قصدوا هذا المكان
    كان من الرواد هنا
    و الرائد لا يكذب اهله

    و كما كنت تقول دائما
    لابد من خدش في الصورة
    او تكون تايوان
    وكما تعرف دائما الاقلية صوتها عالي
    و هذا العلوا في الصوت ضروري
    لاسماع الاكثرية
    و الاكثرية صوتها عالي
    انها تفترض انها
    الصح و لا يصح الا الصحيح
    وتظل الاقلية ضنينها عالي
    واحد بلدياتنا ذو ضنين كان مصر ان لا اذهب الي
    الحاج
    و ان اتابع الاعلانات في الجرائد
    واسجل في شركات التوظيف
    تلقي عرض احسن
    ويقول لومشيت للحاج تشتغل في الشركات
    وناس الشركة يشغلوك مجاملة
    يعني مجاملة معناها راتب اقل
    ودايرلك شهرين تلاتة لمن
    تقبض اول راتب
    المهم اخي حاتم
    عملت ده كلوا
    تابعت الاعلانات و سجلت وشركات التوظيف
    و مشيت للحاج
    وجاءت الوظيفة من ناحية الحاج
    ( من الابرول ابت تطلع )



    سقط الخطاب من يد السوداني الثاني
    الذي راح في إغفاءة تشبه الكوما

    والي ان يفيق نكمل معه قراءة الجواب



    ................... طوطحانية !!!
                   |Articles |News |مقالات |بيانات

18-07-2007, 07:23 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: ابدأ لك من حيث لم اقل لك علي الهاتف
    وصلت وفورا الي الحاج ،مكة كل بلدياتنا القادمين
    الي هنا بحثا عن سعة الرزق
    بحثا عن رئة جديدة و كبيرة
    بحثا عن بديل لوطن جعلك تنكره عقلا و تقبله عاطفة
    و محنة و عشق و تاريخ
    و اخوان وخلان
    و حبييبة
    و صديقة و رفيقة درب
    وزملاء دراسة
    و رفقة عمل
    وناس الحلة واهل الحي
    و مراتع الطفولة
    و حلاوة الشقاوة
    اشياء اندملت عليها جروحك
    دخلت كيانك
    صارت جزء منك
    او صارت كلك
    انها الحياة
    انت تحتوي الوطن و هو يحتويك



    ولو بتتذكر في رسالتي السابقه ليك ..كنت قد بدأت حديثي عن ذلك الوهم الذي يسكن اغلبنا وبدرجات مختلفه والونن مختلفه..كنت قد وصلت للحديث غن ذلك الرجل الذي كان يظن أن ورقة الطراده مازالت ساريه وأن الجنيه يكقي لشراء الفطور له ولأصدقاءه مع الشاي!
    المشكله ما كانت فيه هو بس..المشكله كانت في الناس البتحاول تقنعه بحديث مختلف!

    عندما غادرت الوطن لأسكن احدي مدن البترول العربيه..كان عقلي قد ثبت علي قيمة الأسعار قي ذلك الوقت..وعلي الرغم من اني فهمت تماما الزياده المطرده في قيمة العمله العربيه بالنسبه للجنيه.. الا أنني لم استطع أن اقهم لماذا ترتفع الأسعار بهذا الشكل الخرافي كما تقول زوجتي؟؟
    وزوجتي تتهمني بالبخل هي الأخري..فيكفي في رأيها أن يكون مرتبي مدفوع بالعمله الأجنبيه لأكون غنيا وقادرا علي تحقيق أحلامها أو وهمها!
    صحيح أنا وعدتها بوعود كثيره عند سفري منها ومغادرتي للبلاد ..لكني كنت ايضا موهوما ومصدقا لما قاله لي سعيد محمد أحمد..وربما كان هو ايضا موهوما..أو ربما كان عنده أسبابه التي لا أعلمها حتي هذه اللحظه؟
    مره سمعت زميلي الذي يسكن ايضا معي وأربعه آخرين ..يتسائل عن الفرق بين الحلم والوهم...واستمر النقاش في تلك النقطه الليل كله دون أن نصل لقرق واضح قاطع من أي منا..علي العكس بدأنا نفكر أن أحلامنا عندما تحدثنا عنها وعن زمن الذي استغرقته في النمو في دواخلنا وعدم تحقق معظمها..بدأنا نفكر اننا عالم موهومه..كيف يكون الوهم اذا اذا لم يكن كذلك؟!

    نواصل..

    مني
                   |Articles |News |مقالات |بيانات

19-07-2007, 05:07 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    كيفك مع الامطار يا منى ؟

    (عدل بواسطة الطيب شيقوق on 19-07-2007, 10:08 AM)

                   |Articles |News |مقالات |بيانات

19-07-2007, 10:52 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: الطيب شيقوق)

    أزيك ود شيقوق..


    Quote: كيفك مع الامطار يا منى ؟


    الأمطار في الخرطوم ما كتيره شديد بس امكن الأطراف والقري البعيده..لكن قبا أربعه يوم زرتنا في طريق الدروشاب!

    سنذهب ان شاء الله في مجموعه كبيره لمشاركة الآخرين احساسهم اليائس في بعض المناطق المتضرره من الأمطار..
    لكن لازم كمان نعرف انه الناس هنا في حالة مجابده شديد..والكوارث كتيره وألتزاماتهم أكتر..
    وكل شيء خاضع للضغوط المرهقه وللحظ أحيانا..وناس حملة دارفور شغالين ليل ونهار والبنات لما
    اهلهم في البيت بيشفقوا عليهم من التعب..لكن بيشفقوا عليهم أكتر لأنهم مابقوا يحضروا ليهم
    الغداء ولا شاي العصر ..
    لذلك ولأسباب كثيره تأخر القيام بذلك..وامكن يتأخر أكتر..لكن في النهايه بنمشي..
    وعلي فكره الأمطار سمعت انه اذيتها للقري فاقت كثيرا ما اعلن عنه..
    وبالمناسبه كمان..
    أي حركه عايزه بركه..
    والبركه ميزانيه بعد النيه..
    ربنا يسهل ويقدرنا كلنا علي ممارسة حب الوطن كله..

    نواصل..ورسلت ليك التلفون في المسنجر..

    مني
                   |Articles |News |مقالات |بيانات

19-07-2007, 06:35 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    دخلت للمرة الثالثة
    و السوداني الثاني نائما
    فاغرا فاه
    نومة يحسد عليها
    هذه المرة تركت الباب مفتوحا
    و اغلقت جهاز التكيف

    كلها دقائق ويقوم مهجوم

    ونواصل معه قراءة جواب علي ود السره
                   |Articles |News |مقالات |بيانات

19-07-2007, 09:54 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: دخلت للمرة الثالثة
    و السوداني الثاني نائما
    فاغرا فاه
    نومة يحسد عليها
    هذه المرة تركت الباب مفتوحا
    و اغلقت جهاز التكيف

    كلها دقائق ويقوم مهجوم

    ونواصل معه قراءة جواب علي ود السره


    يعني الزول طفش من البيت من صريخ الشفع.. وبطنهم المابتشبع دي..يجي يفتش لي غميضه سمحه
    تنفعه لما يشتغل في المكان التاني وردية ليل..تجي انت مسلط عليه وتستحسرها فيه..في شنو
    الحساده؟

    موش حرام عليك تقفل مني المكيف؟


    نواصل نوم بعد ماقمت مهجوم وشغلت تاني المكيف..بس!

    مني
                   |Articles |News |مقالات |بيانات

19-07-2007, 10:19 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    مازال
    نائما هذا العاطل
    ربما صار النوم
    عمله الرسمي الان

    خرجت
    خارج الشقة
    وضربت الجرس
    لمدة طويلة
    سمعت صوت باب الغرفة
    جريت نازلا
    بالسلم
                   |Articles |News |مقالات |بيانات

19-07-2007, 10:51 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    اخي حاتم

    هل ابدا لك من المكتب
    او من القهوة
    لا لا قبل ذلك
    لابد من وقفة مع
    نمط سوداني جديد وارد هنا
    (وانا جديد كمان ...... ولكنه سبقني قليلا )
    نفس ثقافة شيلني و اشيلك و دعوني اعيش
    وتمكنا يعني ان لا ندع غيرنا يتمكن
    ولمزيد من التمكن حدد دور الاخرون
    واجعهم حولك او خلفك
    وزع المسافات بينك وبينهم
    اجعل نفسك محور ارتكاز
    اسلب ارادتهم
    و اجعلهم يشعرون انك تمتن عليهم
    و تتكرم عليهم و تتنازل و تقبل ان تتزعمهم
    انهم محظوظون
    انهم محسودون
    انك عنوانهم
    انك امامهم
    ....................
    .....................
    اخي حاتم
    ادخل مباشرة في الموضوع
    بعد حصولي علي الوظيف بأيام
    زارني احد الشباب الذين اراهم دائما في رفقة الحاج
    و دعاني الي فنجان قهوة
    شاب نحيف القوام
    كثير الالقاب و الاسماء لست متأكدا من اسمه
    الحقيقي حتي الان لكن اشهر اسماءه الصحاف
    ولكن الاسم الذي اضحكني من الداخل و
    اقبله هو وش الرتينة
    هل تذكر عندما كنت صغيرا
    (اعرف انك لم تمر بمرحلة الطفولة )
    وتنظر الي وجهك في خزان الرتينة
    وتري صورة وجهك معكوسة بشكل بيضاوي طولي
    انه اسم علي مسمي
    المهم
    بعد مقدمة ملولوة
    قال انهم يحبون خدمة الناس
    ويحبون ذلك لله لله بدون مقابل
    ومتل الشغل هذا في شركات فاتحه مكاتب ليهو
    وتأخذ عليهو اتعاب
    وانهم يحبوا ان يكون الناس مع بعض
    وانك لازم تكون مع الناس
    يعني لازم تشترك في الصندوق الخيري
    و لازم تشترك في النادي
    ولازم لمن نجيك نقول ليك الحاج دايرنا في كده
    ولله كدة تقوم جري قيلنا
    .............................
    شرح لي المطلوب هذا عدة مرات
    وبكل الامثلة
    وتأكيد الهدف الاسمي
    وان هنالك صراع في الجالية
    وصراع في النادي
    وصراع في الحلبة
    ولازم نكون يد واحدة
    .................................
    ............................
    ياخي كلامك متناقض
    دي ما شروط وكان مفروض من الاول
    اكون عارف
    انو الخدمة معناها اكون في زمرتكم
    او جماعتكم
    حزبكم
    قبيلتكم
    قفتكم
    .......
    انتفض الصحاف واقفا
    والله ان من قالوا لي
    انك كنت نقابي في السودان
    قلبي اباك
    لكن الحاج دايما نحن نخدم بس
    و الناس بتميز
    قايتو انا ماب اعرفك
    لكن ولاد اهلك الجابوك لينا
    بنرجعلهم
    وسالته لماذا لقب بالصحاف
    فنظر الي شزرا و ان صرف
    ....
    ....
                   |Articles |News |مقالات |بيانات

19-07-2007, 11:44 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    يا المنى


    س
    Quote: نذهب ان شاء الله في مجموعه كبيره لمشاركة الآخرين احساسهم اليائس في بعض المناطق المتضرره من الأمطار..


    والله جميل خالص بس حتعملوا شوشرة لناس الانقاذ لانهم مستفرين كل وزرائهم بالمؤن لاغاثة مواطنى دوائرهم استعدادا للمعركة الانتخابية القادمة شفتى اللعب كيف . استثمار للكوارث .
                   |Articles |News |مقالات |بيانات

19-07-2007, 01:19 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ودشيقوق العرريب المتبندر ...اهو نهرك الجاف هو الوحيد المستفيد من الامطار والفيضانات دي ؟؟ اها يمكن بقي نهر جاري وهسع القرود اصحابك اخر مسابقة غطس ولا سواحل موريشوص ؟؟ سودانكويت قالو جات واها الملكة منتظراها هنا في مطار دبي وانت عليك تشد الرحال الي نهرك الجاري وتشارك اصخابك واللا بقيت زول بندر ونسيت الصداقة ...
                   |Articles |News |مقالات |بيانات

19-07-2007, 04:02 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: لحظه من فضلك..3 (Re: abubakr)

    Quote: ودشيقوق العرريب المتبندر ...اهو نهرك الجاف هو الوحيد المستفيد من الامطار والفيضانات دي ؟؟ اها يمكن بقي نهر جاري وهسع القرود اصحابك اخر مسابقة غطس ولا سواحل موريشوص ؟؟ سودانكويت قالو جات واها الملكة منتظراها هنا في مطار دبي وانت عليك تشد الرحال الي نهرك الجاري وتشارك اصخابك واللا بقيت زول بندر ونسيت الصداقة ...


    ها الرطاني والله تعبت معاى تعب اليوم اول مرة يشتغل النت معاى في البيت من اعصار جونو .

    نحن يا ارباب إندنا جاهزية للخريف وعاملين الرواكيب والسباليك لكن الناس الرحل عليهم المطر جديد ديل كيييييييييييف والله يموصكم موص زى ما قال هشاب هباني يكون بقى عليكم حصار اسرائيلي وكيزائيلي وميكائيلي .

    بت طلحة والمنى خوجلي بيتقابلوا في الخرطوم وحنعمل بوست نقول فيهو وتلاقت قمم يا مرحى .
                   |Articles |News |مقالات |بيانات

22-07-2007, 07:07 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    عزيزي حاتم
    هذه اول مرة اسمع فيها ان النقابي
    غير مرغوب فيه !!!!!!!
    كنت اعرف ذلك لدي اجهزة الانظمة الشمولية
    و لكنه ليس رأي شخصي
    حتي لاكثر افراد هذه الاجهزة تطرفا
    و لكن ان يكون هنالك فردا و يعمل في العمل العام
    من اجل الجالية السودانية
    و لا يحب النقابيون و قليه ينقمص
    لمجرد ذكرهم ........ انها حالة
    جديدة جدا ارجو ان تسجلها في دليلك
    المسمي ( ان كنت اذكر )
    الحالات الغير نمطية لديمومة السلطة الشمولية
    ربما تستغرب صمتي في هذا القاء
    و ذلك فقط لاني اندهشت
    الان بدأت ملامح اسباب رفض
    بلدياتي علي الامين ان اتعامل معهم
    و ان اعتمد علي الاعلانات و شركات التوظيف
    الان يجب ان اذهب اليه لتشمير الموضوع
    ( تشمير من الفعل شمار)
    و خاصة لقد صنفني قطب الميديا الصحاف
    واكيد وضعني من ضمن جماعة علي الامين
    و وضعت في اعتباري ان علي الامين
    من يوم ماعرف انني حصلت علي الوظيفة بواسطة الحاج
    واشعر انه غير مرتاح لهذا الموضوع
    ويعتبر نفسه وكأنه انتكس
    او فشل مخططه
    وقررت ان اتعامل معه عن طريق الصدمة
    ذهبن له من غير موعد
    وسردت له ما حصل بيني والصحاف
    مباشرة بدون مقدمات
    و تهللت اسارير علي الامين
    كمن بشر بالولد
    و قام و جلس
    وجلس و قام
    وضحك و سرح
    احضر شاي
    و ماء و ببسي كولا
    و سالني ان كنت تغديت
    ( فقد الرجل اتزانه )
    سالته ان يروق و يهداْ
    استعدل علي الامين في جلسته
    واتخذت تعابير وجهه نوع من الجدية
    ......................................
    ..........................................
                   |Articles |News |مقالات |بيانات

22-07-2007, 12:33 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    شوف يا زول
    في مجموعة من الناس هنا
    حول الحاج
    هم لجنته في مكان
    هم لجنة الرياضة
    هم لجنة الثقافة
    هم لجنة الصندوق الخيري
    هم لجنة ........
    هم في كل عزاء
    اسياد الوجعة
    هم في كل فرح اسياد العبة
    وطبعا هذا الاسلوب تعرفه
    و يمارسه بعض نقابيي الاتحاد الاشتراكي زمان
    ويسميه اخونا ود ابوي الحاج
    بالطوطحانية
    يعن من يو كراعك تدخل البلد تكرب طوطحانيتم و ما تنزل
    تفق حقك في اكتساب تجربتك الخاصة
    فكل شيء هم عندهم فيه رأي
    تأخذ رأيهم فقط
    لماذا تجرب انت و تعرف
    قد اسعدك الله بهم
    ليكفوك شر التجارب
    دعهم يفكرون هم لك
    هذا سوف يسعدهم
    و يرفع اسهمك
    فهولاء الميديا و علي رأسهم الصحاف
    هم جزمة الحاج التي يمشي بها
    وهم عينه التي يري يها
    و هم اذنه

    المهم يكون هو الرئيس
    وهذا هو لب المشكلة
    هم بالنسبة له ضمان الرئاسة

    و مقابل ذلك
    يترك لهم الملعب
    يلعبون كيف يشاؤون

    يوفرون له الرئاسة
    ........................
    قلت له اخي علي الامين
    هذه نتائج ممارسة نتائج ممارسة
    الوسائل الديمقراطية كجزء من العملية الاجتماعية
    اي ان تكون الوسائل الديمقراطية جزء من الحراك المجتمعي
    اي عملية هجين
    يتم الانتخاب و التصويت
    وحق العضو
    ولكن بعد الانتخاب
    يكون هنالك خلط كبير بين منصب الرئيس المنتخب
    و الزعيم القبلي
    او الشيوخ و الامراء
    و تخطلط حقوق و واجبات
    الرئيس المنتخب
    مع حق الاب و حق العم و حق الخال
    وحق الاخ الاكبر
    و حق الام و حق الزوجة
    بعد انتخابه مباشرة و اختياره للموقع
    تشعرك الميديا من حوله
    بانك محظوظ
    لقد قبل ان يكون رئيسا لك

    .......................
    قال علي الامين و هو يرتدي ملابسه علي عجل
    ليحق بالدوام المسائي
    لا لا لا لا لا
    سيبك من التحليل
    ديل مهندسين الموضوع و مزبطين كل حاجة
    لتحقيق فوائد مالية
    و شخصية اخري
    الموضوع فساد مالي و اخلاقي كبير
    بكره المساء تعال معاي
    و نقابل واحد معاهم كان في نفس الميديا
    بس لمن عرف الموضوع انسحب
    .......................................
    .............................................
    و نشوف بكره المساء
    مع جواب علي ود السره
                   |Articles |News |مقالات |بيانات

23-07-2007, 01:09 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    كل عشره صفحات وانتو طيبين..
    ذهبت لحظتنا الي مقرها آمنه في المكتب ونبدأ نحن هنا في انجاب شقيقتها الثالثه..علها تكون لنا ولهم خير رفيق




    هذا الاسبوع ربنا يعديه علي خير

    مني خوجلي تشكوا شفاها الله و عافاها

    علي ود السره
    منتظر علي الامين
    عشان يمشوا الي ميديا سابق
    وحتي يحصل ذلك

    وتعود لنا الاخت مني بالسلامة و العافية
    لحظة من فضلكم
                   |Articles |News |مقالات |بيانات

24-07-2007, 01:22 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    هذا الاسبوع ربنا يعديه علي خير

    مني خوجلي تشكوا شفاها الله و عافاها

    علي ود السره
    منتظر علي الامين
    عشان يمشوا الي ميديا سابق
    وحتي يحصل ذلك

    وتعود لنا الاخت مني بالسلامة و العافية
    لحظة من فضلكم
                   |Articles |News |مقالات |بيانات

24-07-2007, 02:14 PM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    عثمان رقيم ..

    كيفنك يا رائع .. وحتى تعود منى الى دارها .. اكتب نحن متابعنك ..
                   |Articles |News |مقالات |بيانات

24-07-2007, 03:39 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    شكرا اختي انعام
    وهذا لك مساهمة معك في مجهوداتك المقدرة
    ولك ان تنقليه لذلك البوست

    بعيدا عن الطوطحانية

    هل تمعنت يوما في دموع تنهمر
    علي خدي طفل
    هل مددت يدك لتكفف دمعته
    ام تقدمت خطوتين
    و اردت ان توقف الدموع
    و تقطع اسبابها
    هل نظرت حولك
    و وجدت امه
    حائرة خائرة قواها
    ينهمر الدمع
    في مصارينها
    هل رأيت ابوه
    ينظر الي الارض
    يبكي بدمه
    وينعي عجزه و عدم قدرته
    يطرق رأسه ويسبر نظره
    ظهر الارض
    ويحيل غضب عينيه
    ماءها الي بخر
    وبرفع رأسه مأملا
    الي ربه ينيب
    ان فرج ربك
    قريب
    ( ان الذين قالوا ربنا الله ثم استقاموا فلا خوف عليهم و لا هم يحزنون)

    ماذا تقول
    اكتملت عندك الصورة
    هنا يدخل الشيطان
    لحظة ضعف لك
    ولهم
    عندك اضعف الايمان
    امسح دمعه و واصل
    شاركهم الانين
    (هأنتم هؤلاء تدعون لتنفقوا في سبيل الله فمنكم من يبخل و من يبخل فإنما عن نفسه والله الغني وانتم
    الفقراء و ان تتولوا يستبدل قوما غيركم ثم لا يكونوا امثالكم )38 سورة محمد
                   |Articles |News |مقالات |بيانات

24-07-2007, 02:17 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)


    يا جماعة الخير ادونا رقم تليفون منى في السودان
    ولو عبر الماسينجر
                   |Articles |News |مقالات |بيانات

24-07-2007, 02:54 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: طارق جبريل)

    العزيز طارق جبريل

    معليش نركبك الطوطحانية

    واحد مني سافرت من الخرتوم

    اتنين سافرت القاهرة

    تلفونها في القاهرة
    موجود في بوست
    نشر قبل خمسة ايام

    معليش طوطحانية صغيرة

    ابورغيم
                   |Articles |News |مقالات |بيانات

30-07-2007, 03:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: طارق جبريل)

    Quote: يا جماعة الخير ادونا رقم تليفون منى في السودان
    ولو عبر الماسينجر


    ازيك يا طارق..
    أنا كويسه جدا والحمدلله..
    عارف مصر دي عايزه لمه حلوه كده زي لمتكم هنا..
    تلقاها يوم مشت الحسين..
    ويوم في الأوبرا..
    ويوم في باخره علي النيل..
    وأيام في قهاوي القاهره المختلفه..
    ويوم في السيد البدوي..
    وعيييييك..
    لكن كله بس يكون في الربيع..
    تسلم طارق..وسلم علي أسرتك..

    نواصل..

    مني
                   |Articles |News |مقالات |بيانات

24-07-2007, 03:06 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22532

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    والله يا ابو رغيم
    دي طوطحانية بطالة خلاص
    تشكر يا حبيب
                   |Articles |News |مقالات |بيانات

24-07-2007, 07:40 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: طارق جبريل)

    بكتب من نت كافي هيصه..
    وشفع المصريين جننوني بالزيطه والهيصه والكواريك الشديده مع اللعبات الكومبيوتريه..

    مصر سخنه جدا..بس برضه حلوه!

    معليش اذا كتابتي بقت علي استعجال ...انا جيت بس أقول ليكم مشتاقه ليكم شديد وللحظه شوق خاص..
    خاصه بعد عثمان مابقي يخلص فيها ويتحفنا بكتاياته..
    ولما البال المشتت بين الضيوف والسوق والتحضيرات يتوقف من التشتت..برجع ليكم بحكاوي كتيره
    حلوه زيكم..

    أوريكم الراجل الكبير المابيختشي جه عمل شنو في النت كافي؟
    ولده اتشاكل مع ولد تاني..
    هو جه علشان يشاكله بدل ولده..
    وكمان نادي صاحب المحل وفال ليه أطرده..
    عارفين قال شنو كمان؟؟
    قال..
    دانا ابني بيصرف عندك كل يوم ماية جنيه!!!

    ......

    ........



    عالم تحف صحيح..موش؟

    سلام أبو بكر وود شيقوق وعثمان وانعام وطارق..وكل من مر من هنا وغفلن عيني المسكينه عن
    رؤية اسمه..
    وحب كبير أرسله ليكم من مصر..

    نواصل..

    مني
                   |Articles |News |مقالات |بيانات

25-07-2007, 05:01 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)


    مصر
    يا اخت بلادي
    يا شقيقة
    .........
    .........

    مصر
    المؤمنة بأهل لله

    ..........
    .........


    انزلوا مصر ......


    اخوة يوسف
                   |Articles |News |مقالات |بيانات

25-07-2007, 05:49 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    انطلقنا انا و علي الامين
    صوب الميديا السابق
    اكد علي الامين
    اننا لم نحصل منه علي موعد
    هاتفه مغلق اغلب الوقت
    ظروف عمله غريبة
    لكن مواعيده مظبوطة اذا اداك موعد
    لكن انا اعرف برنامجه يوم الجمعة
    و سوف نذهب الي المكان الذي يختلي
    فيه مع نفسه
    : لا لا يا اخي كيف نتهجم عليه
    : لا ان قبل كده هو قال لي
    ان يوم الجمعة بمشي من الساعة سبعة صباحا
    الي هذا المكان واقراء كل الصحف
    و ممكن تجيني
    واذا انا كنت بالعاصمة يوم الجمعة فأنا
    هنالك
    ولكن اشترط علي شرط غريب
    ان يوم الجمعة عنده
    يوم غسيل للنفس
    من درن مشاكل العمل
    و منقصات الحياة
    وانه يوم يتصل مع امه واخوته بالهاتف
    لحديث طويل يشمل كل افراد الاسرة
    و هو يوم تجتمع فيه كل الاسر
                   |Articles |News |مقالات |بيانات

25-07-2007, 05:54 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    و هو يوم تجتمع فيه كل الاسرة
    علي فطار متأخر ينتهي
    مع اذان الجمعة
    و ترفع فيه الطلبات
    من العايز شيلة
    الي اليطلب عبية حملاء(عربية حمراء )
    يطلبها اصغر افراد الاسرة
    ................................
    ...............................
    و دخلنا الي هذا المكان
    (انه مثل الامكنة التي توصف في كتب الرويات بأنه ارستقراطي)
    عبارة عن صالة كبيرة بها كوفي شوب كبير
    وصالات لعب البلياردو
    وصالات لعب تنس الطاولة
    ومواقع للعب الشطرنج
    هذه اكبر قطع شطرنج اراها
    لقد جعل من قطع البلاط الاسود و الابيض
    من الحجم الكبير (70×70) رقعة شطرنج
    ويقف الاعبون حولها و يحملون القطع
    عند تحريكها
    ويدخل اللاعب برجيله الي داخل رقعة الشطرنج
    ..................................................
    ...................................................
    وجرنا علي الامين من يدي
    صاحبنا قاعد هناك
    فنظرت حيث اشار
    كان هنالك من يرتدي عمة و جلابية
    لقد خذلني هذا الميديا
    عندما دخلت المكان
    تخيلت صحبنا هذا من الصنف
    الحرباء
    الذي يتلبس المكان والزمان
    و ينسي و يتناسي
    ثقافتنا وكيونونتا
    لقد رايت مثل هذلاء بكثرة هنا
    ( و يسميهم علي الامين
    جماعة ايش لونك ايش حقه)
    قابلنا الرجل بود صادق
    وسلم علي بإسمي
    وبارك لي الوظيفة الجديدة
    و قال لي ان الجماعة في الشركة
    معتمدين علي جدا
    واخرج مذكرة من جيبه وارناي اياها
    مكتوب اسمي ورقم هاتفي
    الذي لم يمضي علي اقتناه اسبوع
    و قال انه كان سوف يتصل بي اليوم
    تدخل علي الامين
    حصل خير
    حصل خير
    حصل خير
    ......
                   |Articles |News |مقالات |بيانات

26-07-2007, 06:19 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    و قال انه كان سوف يتصل بي اليوم
    تدخل علي الامين
    حصل خير
    حصل خير
    حصل خير
    ......

    تلخبط كل شئ
    كنت ارسم خطط الاستدراج
    كنت اظنه رجل بسيط
    رأي ما لم يعجبه فإنسحب
    لكنه غير ذلك
    قررت ان استمع له فقط
    و بعدين نشوف
    قال علي الامين متضجرا
    انتوا اتعارفتوا وين
    و بعدين يا استاذ
    انا متذكر شرطك وعارف انه
    يوم غسيل ونحن جاين نسلم ونتونس
    وكان قصدي اعرفك بأخونا علي جبريل
    الشهير بود السره
    : لا انا تقابلت معه في مسجد 8 عرفني عليه الحاج
    و حدثني عنك احمد بنك وانا اخذت صورة من اوراقك منه
    وانا لقيت ليك الوظيف
    وما كنت عارف اتصل بيك كيف بعد سفر
    احمد بنك للسودان
    فكلمت الحاج
    و هو برضوا بيعرف ناس الشركة
    و كمل ليك الباقي
    بس في حتة صغيرة انا خليتا للذكري
    طبعا هم قالوليك المرتب ستة الف
    وانت لقيتوا في العقد تمانية الف
    وسكت علي كدة ......
    مش كده
    ...........................
    ..............................
    يا استاذ علي
    ( زمن طويل مافي زول قالي استاذ
    ...... ده انت الاستاذ)
    الحقيقة انا موصي عليك من السودان
    بس انا اخبرتهم بأنك جاري مع جماعة الحاج
    وانشاء الله يحصل خير
    بس تعالوا نتفق
    اليوم نتغداء مع بعض
    اصلوا عندي ضيوف
    ( و اشار الي حلقة الشطرنج )
    شايفين الشباب التلاته علي الكنبة
    ديل اولادي
    اول مرة نتقابل التلاتة مع بعض
    من سنتين
    ودي واحدة من ضرائب الغربة
    احكيها ليكم بعدين
    نصلي الجمعة في المسجد الكبير
    اتفقنا
    ( كشكرنا شوية وبعدين اتفقنا )
    علي الامين شعر بأن الموضوع
    طلع من يده
    : شوف يا استاذ
    نحن جاينك غشوة بس
    لفلفتنا كدي و دخلتنا في برنامج
    كدي قولي قصة شغل علي ود السره
    كانت كيف
    وبعدين نادي ولادك ديل نسلم عليهم
    .....................................
    ........................................
                   |Articles |News |مقالات |بيانات

28-07-2007, 09:37 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    ومصر المؤمنه يا عثمان لا تنام..
    تعمل بكد وتشقي من اجل لقمة العيش..وعند البعض..تعني لقمة العيش خبز وبصل!
    ان الفوارق بين الطبقات أصبحت مخيفه أكثر من اي وقت مضي..ومازالت في التزايد..
    اليوم رأيت احدهم يجمع في القمامه مايراه ذو فائده..ثم رايت علي عربته صندوقين احدهما
    اصغر من الثاني..
    فأحسست بأن الصغير له..والثاني لأداء وظيفته!
    منظر رايته ايضا في الخرطوم مع الطفال المشردين منذ عدة سنوات..

    لعن الله الفقر وما ينتج عنه!

    نواصل..

    مني
                   |Articles |News |مقالات |بيانات

29-07-2007, 02:19 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    كان الغداء مبالغة
    سطلة دكوة
    وسمك مشوي
    واحلي شيء كان النقاش
    تحلية عديل
    وبحكي ليك
    بس خليني ارتب المواضيع
                   |Articles |News |مقالات |بيانات

28-07-2007, 09:41 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14323

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    يا سلام يا ملكة

    أيام كانت,

    بدءا ألاف التبريكات والتهانئ على المناسبة السعيدة

    وبارك الله للعروسين وجمع بينهما في خير

    كنت أسعى واتمنى أن أشارككم الأفراح , فقط الظروف كانت أقوى

    بلغي تحياتي وتبريكاتي للاهل والأخوات .

    أوقات أخرى أرحب


    أحمـد
                   |Articles |News |مقالات |بيانات

30-07-2007, 12:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: أحمد الشايقي)

    Quote: ..
    .
    لحظة من فضلكـِ
    عايز اقول مشتاق ورامى اللوم على الزمن ..

    ______________________

    الاخبار جيتو قريب ولا لسه بعيدين !!؟


    معقوله بس يا صالح أجي لغاية عندكم وما ألقاك؟
    انت مش شايف الدنيا دي بتشيل الناس كيف؟
    خلاص يللا معليش..بس لما أجي راجعه لازم أشوفك..

    تحيات علي الطريقه المصريه..مليانه كلام حلو..

    نواصل..

    مني
                   |Articles |News |مقالات |بيانات

30-07-2007, 01:05 PM

saadeldin abdelrahman
<asaadeldin abdelrahman
تاريخ التسجيل: 03-09-2004
مجموع المشاركات: 8854

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    حمدلله على السلامة و ما تشوفي شر
    حاولنا الاتصال و لم نتوفق
    السودان اباني تب!
                   |Articles |News |مقالات |بيانات

30-07-2007, 01:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: saadeldin abdelrahman)

    Quote: كان الغداء مبالغة
    سطلة دكوة
    وسمك مشوي
    واحلي شيء كان النقاش
    تحلية عديل
    وبحكي ليك
    بس خليني ارتب المواضيع



    عارف كان نفسي في سمك وجمبري..
    ولماطلبوهو لي ماقدرت آكل!!

    Quote: سطلة دكوة


    وبعدين يا عثمان أول مره اعرف انه الدكوه بتعمل كده!

    وانا اقول الناس دي شكلها وتصرفاتها كده ليه؟!

    نواصل ..

    مني
                   |Articles |News |مقالات |بيانات

31-07-2007, 10:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: saadeldin abdelrahman)

    Quote: حمدلله على السلامة و ما تشوفي شر
    حاولنا الاتصال و لم نتوفق
    السودان اباني تب!


    أزيك يا سعد..
    احتمال الشبكه كانت ما كويسه..
    أو انت اتصلت بعد أنا سافرت والكرت مافي التلفون..
    انت جاي السودان متين؟؟
    حفلات الزواج كانت جميله لدرجه بعيده..
    ولأول مره من سنين طويله نتلما كلنا..
    والحمدلله علي كل شيء..

    سلام كتير..

    نواصل..

    مني
                   |Articles |News |مقالات |بيانات

30-07-2007, 01:14 PM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: أوريكم الراجل الكبير المابيختشي جه عمل شنو في النت كافي؟
    ولده اتشاكل مع ولد تاني..
    هو جه علشان يشاكله بدل ولده..
    وكمان نادي صاحب المحل وفال ليه أطرده..
    عارفين قال شنو كمان؟؟
    قال..
    دانا ابني بيصرف عندك كل يوم ماية جنيه!!!


    عالم جبانات بشكل!!! وناس (ع الذل صابره)

    ياللا واصلي عن حارتنا ..
                   |Articles |News |مقالات |بيانات

30-07-2007, 02:13 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Mohamed Abdelgaleel)

    Quote: عالم جبانات بشكل!!! وناس (ع الذل صابره)

    ياللا واصلي عن حارتنا ..


    ومن المشاهد التي أحب أن اغوص في تفاصيلها دون ملل أو فتر..
    مشاهد الفقر وعزة النفس!
    وفي مصر تختبيء تلم المشاهد وسط هذا الكم العجيب من الثراء الفاحش ومظاهره والجشع ..
    تجدهم في ملابسهم النظيفه وقناعة كلماتهم المؤمنه..
    لا يبدو أن هناك أي شيء ناقص عليهم..علي الرغم من كفاف الماده!
    الحمدلله لا تفارق شفاههم..ولا طيبة النظرات ووداعتها..
                   |Articles |News |مقالات |بيانات

30-07-2007, 02:45 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ومن المشاهد التي تقتل الفرح في قلبي..رؤيتهم في هذا الحر الخانق..راقده اجسادهم الصغيره
    علي فرشه تجمعت ثم تكومت أكثر تحت اجسادهم الصغيره في مكانهم بطرف و تحت السلم!
    اطفال البوابين والحياه..اين هي منهم الحياه؟
    واين هم منها؟
    ترامت أذرعهم الرقيقه فوق صدورهم..ثم تمددت سيقانهم الصغيره في اتجاهات مختلفه..وكان النوم
    عميقا رغم كل شيء!
    نظرت لهم في حيره وضيق..ثم ضغت علي زر الاسانسير..وصعدت وشقيقاتي الي الهواء والراحه..ومشهد أجسادهم الصغيره الهزيله مازال قويا في ذاكرة روحي!

    نواصل..

    مني
                   |Articles |News |مقالات |بيانات

30-07-2007, 03:12 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: أحمد الشايقي)

    Quote: يا سلام يا ملكة

    أيام كانت,

    بدءا ألاف التبريكات والتهانئ على المناسبة السعيدة

    وبارك الله للعروسين وجمع بينهما في خير

    كنت أسعى واتمنى أن أشارككم الأفراح , فقط الظروف كانت أقوى

    بلغي تحياتي وتبريكاتي للاهل والأخوات .

    أوقات أخرى أرحب


    أحمـد


    فقدناك كتير والله يا أحمد..خاصه اننا كنا متأكدين من حضورك..
    ربنا يخفف الظروف ونشوفك في الخرطوم باذن الله..
    والعرس وحفلاته كان جميل شديد..وأجمل مافيه لمتنا كلنا.. وما أظن تحصل بنفس الشكل قريب تاني!!

    تحياتي لك وللأهل..

    نواصل..

    مني
                   |Articles |News |مقالات |بيانات

30-07-2007, 02:50 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)




    الاخت مني
    ادام الله الافراح
    وجعل كل لياليكم حبور و سرور

    معليش فقدت الرغبة
    في الكتابة في هذا الموقع
    الكلمات صارت لها ريحة كريهة
    فجأة تنشب حريقة في بوست
    اتخيلي انك
    مرقت العناقريب
    و رشيتي المكان
    و حضرتي الموية الباردة في الحافظة
    ودخنتي الكبابي يالمستكة
    و رقدتي مكوعة تشاهدي التلفزيون

    ينط في وسط المربع هذا عدد من الديوك والدجاج
    في صراع غير مفهوم ولا مبرر
    وتنهريهم من هنا يطلعوا في عنقريب العدة
    هذا هو ما يحدث هذه الايام
    كل البوستات
    تبدأ بموضوع
    يدخل ود حلال
    و عينك ماتشوف الا النور
    وكما يقول
    المصريون
    الملافظ سعد

    اعتقد جازما

    اننا بدري علينا في موضوع
    تنتهي حريتك حيث تبدي حرية الاخرين


    ولكن سوف اواصل بس بدون نفس من هنا و الي
    ان تنعدل الامور
    لا احب الانسحاب

    و دائما الي الامام
                   |Articles |News |مقالات |بيانات

30-07-2007, 03:06 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: ولكن سوف اواصل بس بدون نفس من هنا و الي
    ان تنعدل الامور
    لا احب الانسحاب

    و دائما الي الامام


    وفي كل مره تخر فيها قواي..
    وقبلها تضيع مني الرغبه في المواصله..
    اصنع لنفسي ومن أحبهم ويحبوني..
    عالم من الموده والحب والأحترام..
    نزين لحظتنا بحلو الكلام..
    ومشاهد حقيقيه من الحياه..
    نخلق عالم متكامل من الناش الجاد والهذر والحي الجميل..
    وهذا في حد ذاته تحدي..
    التحدي هو ما يجعلنا قادرين علي المواصله..
    واصل يا عثمان..
    ولا تهتم لما هو غير قائم علي التقارب..
    لك ولكم ولهم حب جميل..

    نواصل..

    مني
                   |Articles |News |مقالات |بيانات

31-07-2007, 08:20 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    كنت اعتقد و الي وقت قريب
    ان من حق كل انسان ان يحلم
    كل احلام اليقظة
    و احلام ما يري النائم
    ولكني حديثا جدا
    اكتشفت
    انه تم مصادرة حقنا في الاحلام
    جربان تحلم الان
    واصل حلمك الي تخيل التنفيذ
    مد يدك
    ..................
    ....................
    .....................

    ما قلت ليك
                   |Articles |News |مقالات |بيانات

31-07-2007, 07:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: كنت اعتقد و الي وقت قريب
    ان من حق كل انسان ان يحلم
    كل احلام اليقظة
    و احلام ما يري النائم
    ولكني حديثا جدا
    اكتشفت
    انه تم مصادرة حقنا في الاحلام
    جربان تحلم الان
    واصل حلمك الي تخيل التنفيذ
    مد يدك
    ..................
    ....................
    .....................

    ما قلت ليك


    والأصل في الحلم هو خنق الآحباط..وصناعة عالم أجمل..
    ثم محاولة تحقيقه في الواقع..
    عندما يغتالون أحلامنا..نسعي لان نواصل تحقيقها بين عقلنا وروحنا..
    نخلق لها مساحه لا تعرف غير الأصرار..
    قد تبقي الأحلام مجرد أحلام للأبد بسببهم..
    لكن تبقي الحقيقه القاسيه عليهم ..
    أنهم لم يستطيعوا أن يمنعونا من أن نحلم!!


    نواصل..

    مني
                   |Articles |News |مقالات |بيانات

31-07-2007, 08:18 PM

السمؤال بدرالدين
<aالسمؤال بدرالدين
تاريخ التسجيل: 17-02-2007
مجموع المشاركات: 1989

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    بت خوجلي
    المصرين ديل كفاهم
    تعالي راجعة
    تستقبلك الخرطوم بالدعاش
    اوعي تكون المحفة لحقت امات طه
    تسلمي
                   |Articles |News |مقالات |بيانات

31-07-2007, 10:47 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: السمؤال بدرالدين)

    Quote: بت خوجلي
    المصرين ديل كفاهم
    تعالي راجعة
    تستقبلك الخرطوم بالدعاش
    اوعي تكون المحفة لحقت امات طه
    تسلمي


    المشكله يا سمؤال أنا ما عملت حاجاتي كلها!
    قضيتها كلها خوف من الحر جوه البيت!
    اها اسه الأحوال كيف في الخرطوم؟
    محفضتي قاعده في أمان الله..بس الكان جواها ما قاعد!!
    الدنيا دي كلها جنت..
    اي شيء اسعاره خرافه..الناس دي بتاكل كيف ومن وين؟؟
    اسمك ده عذبني جنس عذاب في كتابته؟!
    لكن في الآخر قررت أغشه منك مع انه احساسي انت كاتبه خطأ!!
    شوفت الغلاط ده كيف؟
    سلامي لك وللخرطوم ومن يسكنوها..

    نواصل..

    مني
                   |Articles |News |مقالات |بيانات

01-08-2007, 07:18 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8839

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    هي لحظـــــــــــة فضلنــــــــــها أن تكون علي مقعد أسفيري بساطه كي بورد

    منسوجه أحرف جميلة مدوزنه علاماته @ و& بريدك مسافة طويلــة نوته غنه وأحساس

    كمان معزوف وتر مشدود في أوتار القلب ثبات ونبات عمر من عمر المني خوُج دواخلنا

    خريفه خيران مليانه جنان من زهرك وعطر النغم موزع بين الأنام والحلم بالتلاقي يامني

    دي دندنات سرعة ومشوار النت فيني أنقطع حبل الوُد نصله ليك عبر الأذمنه حملاؤه أسلاك

    الفائبر زبزبات محوله أشواقنا ليك Wireless ADSLفائق السرعة مهروله من فضلكـــــ

    منوو إيريال أستقبالك مقروس فينا جبالوا شايلأك في سمانا نجمة بعيدة المنال وطن

    بالفيهو نساوي نحلم نقراء نداوي ودوانا في حضورك الزاهي ده وأخيرا ألف حمد علي

    سلامتكـــــــــــــ ،،،،أبوقصي،،،،
                   |Articles |News |مقالات |بيانات

09-08-2007, 12:40 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: مجدي عبدالرحيم فضل)

    Quote:
    هي لحظـــــــــــة فضلنــــــــــها أن تكون علي مقعد أسفيري بساطه كي بورد

    منسوجه أحرف جميلة مدوزنه علاماته @ و& بريدك مسافة طويلــة نوته غنه وأحساس

    كمان معزوف وتر مشدود في أوتار القلب ثبات ونبات عمر من عمر المني خوُج دواخلنا

    خريفه خيران مليانه جنان من زهرك وعطر النغم موزع بين الأنام والحلم بالتلاقي يامني

    دي دندنات سرعة ومشوار النت فيني أنقطع حبل الوُد نصله ليك عبر الأذمنه حملاؤه أسلاك

    الفائبر زبزبات محوله أشواقنا ليك Wireless ADSLفائق السرعة مهروله من فضلكـــــ

    منوو إيريال أستقبالك مقروس فينا جبالوا شايلأك في سمانا نجمة بعيدة المنال وطن

    بالفيهو نساوي نحلم نقراء نداوي ودوانا في حضورك الزاهي ده وأخيرا ألف حمد علي

    سلامتكـــــــــــــ ،،،،أبوقصي،،،،



    واصبحت موزعة المشاعر بين أوطان عديده..
    كل منها يحمل لي احساسا بالفرح والطمأنينه..وبعض من الحزن
    لكن تصبح للطمأنينه في الوطن الأم طعما خاصا..
    لايشابهه أي طعم آخر..مهما كان جميلا..
    طعم ان حاولت تشبيهه أتعب كثيرا..
    فيه رائحة برتقال ممزوجه بروائح الرياحيين والمطر
    فيه صوت مصطفي آتيا بروائح من الجنه..
    طعم الجنزبيل المميز مع الهبهان في القهوة السوداء..
    فيه رائحة طبيخ أمي تستقبلنا انا واخوتي عند رجوعنا من المدرسه..
    طمأنينه تشبه حن عو خوجلي وحنان قلبه..
    طمأنينه من الماضي تأبي القلوب أن تقسي عليها أو تقارقها..
    فمتي تسكن الأرواح طمأنينة الحاضر والمستقبل؟؟


    ازيك يا مجدي..
    كنا في سيرتك والجميع يهدونك السلام..
    ماناوي تجي الخرطوم ولو لي أيام؟
    نطرق ابواب الامتداد سويا..
    ونلود بأحضان من تبقي منهم..
    ونتزود بحبهم لأيامنا القادمات!
    سلام لك وللأحباء الأحياء منهم والأموات!
    ولك مني سلام يصلك ويجدك في أحسن حال..

    نواصل..

    مني

                   |Articles |News |مقالات |بيانات

01-08-2007, 07:20 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    كان الغداء مبالغة
    سطلة دكوة
    وسمك مشوي
    واحلي شيء كان النقاش
    تحلية عديل
    وبحكي ليك
    بس خليني ارتب المواضيع


    كان اكثر ماشغلني
    و قلب خططي ظهرا علي رأس
    انه هو الذي وجد لي الوظيفة
    كان علي الامين يغلي من الداخل
    طيب ياخي لمن انت اللقيت الوظيفة
    ناس الحاج و الصحاف و باقي الميديا
    ناطين في الموضوع وعايزين يستثمروه ليه
    وكمان الصحاف قال للراجل
    اوعك تطلعي زي علي ود السره
    ضحك الاستاذ حتي دمعت عينيه
    و طيب خاطر علي ود السره
    بكلام ظريف و لكنه ركز علي نقطة
    ان هذه اساليب معروفة لهولاء
    لقد اوجدنا لك الوظيفة المقابل المطلوب
    الولاء المطلق
    صحت : لكنك من اوجد لي هذه الوظيفة
    : لقد اوجدها الحاج لك لقد عرفني عليك
    وطلب مني مساعدتك رغما عن اني موصي
    عليك من السودان ففي النهاية هو كان السبب
    كما هو معروف لهم ولك الان ..... (و ضحك)
    : طيب موضوع الوصية من السودان دي شنو
    انا ما في زول كلمني عليك .................
    : ياخي عشان اكون دقيق معاك انا قابلت زميل
    دراسة قديم في العمرة و الكلام جاب الكلام
    وقال انهى عندو نسيبه جاء الي عندنا
    : ببببببب الله ادريس عباس
    اي و الله قالي وصيت عليك زول
    ركن لكن طبعا ما ذكر لي اسم .....

    ::: باخي حصل خير
    نرجع لموضوع الشركة

    نواصل
                   |Articles |News |مقالات |بيانات

06-08-2007, 07:08 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    لحظة من فضلكم

    لكل شيء مقياس
    بالوزن او بالحجم
    او بأشياء اخري
    مثل ضغط الدم
    و الضغط الجوي
    و مقياس رختر

    ماهو مقياس الحب

    هل يمكن ان تقول

    احبك عشرة كيلو
    او
    احبك عشرة متر
    او
    احبك عشرة فاصل عشرة
    علي جدول رخيتر

    واظن الذي قال
    احبها و تحبني
    ويحب ناقتها بعيري

    قد اعلن عن حب خارج
    نطاق القياس
    وخارج نطاق الاحتواء



    والحب شئ من تخيلنا
    لو لم نجده علي الارض
    لاخترعناه



    رأيكم دام فضلكم
                   |Articles |News |مقالات |بيانات

14-08-2007, 09:25 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: لحظة من فضلكم

    لكل شيء مقياس
    بالوزن او بالحجم
    او بأشياء اخري
    مثل ضغط الدم
    و الضغط الجوي
    و مقياس رختر

    ماهو مقياس الحب

    هل يمكن ان تقول

    احبك عشرة كيلو
    او
    احبك عشرة متر
    او
    احبك عشرة فاصل عشرة
    علي جدول رخيتر

    واظن الذي قال
    احبها و تحبني
    ويحب ناقتها بعيري

    قد اعلن عن حب خارج
    نطاق القياس
    وخارج نطاق الاحتواء



    والحب شئ من تخيلنا
    لو لم نجده علي الارض
    لاخترعناه


    رأيكم دام فضلكم



    نظن احيانا ونحن في حالة حب..اننا نستطيع ان نقيسه!
    فتسمعا وتسمعه يقول..
    احبك قدر الدنيا دي..
    فيقارب القياس في تصورنا الضخامه والكبر وامتداد الأرض..
    ونقول أيضا..
    أحبك اكتر من نفسي..فيختفي الوزن ليأتي بدله تقييم يشابه السؤال
    فيستخدم الحب والمعزه في الآجابه عن مقدار الحب!
    وواحده تانيه تقول في أغنيه..
    أحبك
    قد روحي ونور عينيه..
    شوف بحبك قد ايه!

    وبعدين يكتر الكلام عن الحب..فيكون بين الأطفال..
    بحبك زي الملوخيه..
    زي الشكولاته..لما تكون في التلاجه!

    وفي رأيي ليس هناك ثبات في المشاعر بشكل مطلق..
    فالدنيا التي نحب الأخر بحجمها الخيالي الذي لا نستطيع تقديره..قد يصير عذابا غدا وتصبح الدنيا معه أضيق من خرم ابره!
    وممكن القلنا ليه احنا بنحبك اكتر من حياتنا يكرهنا حياتنا وبالطبع نكرهه هو قبالها..
    وممكن جدا برضه نكون صادقين في احساسنا..ونحب الزول والدنيا هنا مقياسها يكون الكون والوجود واسبابه..
    كلامي ده مبني علي تذكر احاسيس قديمه..دلوقتي الحب شكله كيف ومقداره ايه..الله أعلم..وما اكتبه ليس الا اجتهادات من الذاكره القلبيه!

    سبتك بعافيه انت والبتحبهم..

    نواصل بكل الحب..

    مني
                   |Articles |News |مقالات |بيانات

07-08-2007, 11:16 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ابحرنا صوب عينيك نسترق ابتسامة

    مددنا اشرعتنا واطلقنا قيدها
    من صواري المحبة و الهيامه
    نيف وعشرون مرت
    لا ندامة
    كأنها لحظات ،،،
    سويعات ،،،،
    شغلها الهوي
    ما حسبت ولا عدت
    دارت علي نفسها
    و مر الزمن
    حولها
    نيف و عشرون مرت
    منذ ابحرنا
    نسترق ابتسامة
    ما سبقتنا النيازك
    و الشهب العظاما
    تلقتنا ملائكة شفتيك
    تحف من حولنا
    تحمينا من الزجر
    و الرصد و القيامة
    شهدنا مولد
    انفراج شفتيك
    عن ابتسامة
    وجلسنا نيف و عشرون
    نسترق النظرة
    و توحدنا نحن
    في متن الابتسامة


    ابحرنا صوب عينيك نسترق ابتسامة

    مددنا اشرعتنا واطلقنا قيدها
    من صواري المحبة و الهيامه
    نيف وعشرون مرت
    لا ندامة
    كأنها لحظات ،،،
    سويعات ،،،،
    شغلها الهوي
    ما حسبت ولا عدت
    دارت علي نفسها
    و مر الزمن
    حولها
    نيف و عشرون مرت
    منذ ابحرنا
    نسترق ابتسامة
    ما سبقتنا النيازك
    و الشهب العظاما
    تلقتنا ملائكة شفتيك
    تحف من حولنا
    تحمينا من الزجر
    و الرصد و القيامة
    شهدنا مولد
    انفراج شفتيك
    عن ابتسامة
    وجلسنا نيف و عشرون
    نسترق النظرة
    و توحدنا نحن
    في متن الابتسامة
                   |Articles |News |مقالات |بيانات

11-08-2007, 10:10 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    ازيكم كلمكم..
    وبطريقة غناء وردي..والله مشتاقين!
    قرأت بالأمس ان من أسباب بطء حركة التصفح في المنبر الأغراق..
    والأغراق هنا ليس اغراقا في "شبر ميه" وميه دي علشان انا لسه جايه من مصر وكده يعني!
    الغراق هنا قالوا بكتابة بوستات كتيره لنفس المضمون ورفعها في صفحه واحده..وبلاش نفس المضمون..خلينا مع نفس الزول..يكتب بوستات عديده في نفس اليوم ولا نفس الوقت..
    وبعدين أنا علي حسب قدرتي المحدوده فكرت..طيب لو حصل أنا جيت في وقت معين محدد بالنسبه لي ورفعت بوستاتي بكلام ولا بعفريته حتي..هل يعد دلك اغراقا؟
    نفسي أعرف؟؟

    طيب قالوا الونسه ممنوعه علشان السيد السيرفر تعبان من الكلام الكتير..خلوا بالكم السيرفر ده زي ناس كتار مننا..اسه لو قعد جنبكم زول بيتكلم كتير مش بتزهجوا ويجيكم صداع زي ما بيحصل لي أنا مع "..." لما تقعد تتكلم بدون توقف؟؟
    أهه هو كمان بيتعب!
    لكن برضه الواحد بيكون عايز فهم أكبر ومحاولة معالجه أحسن..
    ماهي المواضيع الجاده للنقاش؟
    هل هناك معايير ثابته؟
    هل كل ما نراه نحن جادا..يعتبر جادا ولأم انه يدخل تحت مسميات مثل..
    ده موضوع ما عنده معني..ده نقاش سفسطائي وجدل بيزنطي وهستريكا في الربيكا..
    وبعدين نجي للبيصطادوا في المويه العكره..ديل بيقترحو حاجات وسط الزحام..علشان ايه..
    علشان يعملوا حاجاتهم ويرجعونا لوهم الصفوه المعشعش في شعرهم المنكوش وظوافرهم الطويله!!
    طيب لو عملنا بفكرة النقاش بس..ياتري العزاء والمجاملات هايدخل فيها ولا شكله ما مناسب للنقاش؟ وما مناسب للصفحه؟
    طيب هو أساسا خاصية المنبر هنا شنو؟
    مش التمازج والتنوع والتداخلا تالأجتماعيه..الثقافيه..والسياسيه والكلام الجاد العلمي وغيره.. والهظار والغنا وكل دلك؟
    يبقي الحل وين؟؟
    أفهم تماما ان هناك أشياء كثيره تثير الغثيان هنا..لكن السكوت عليها هو سبب ما يحدث هنا..
    شويه كده ونواصل..

    مني
                   |Articles |News |مقالات |بيانات

11-08-2007, 10:16 AM

د.محمد حسن
<aد.محمد حسن
تاريخ التسجيل: 06-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    منى عوض خوجلي

    انت الان وين
                   |Articles |News |مقالات |بيانات

11-08-2007, 11:11 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: د.محمد حسن)

    أنا في الخرطوم أنعم ببعوضها ومستنقعاتها وناسها الحلوين!
    وأعمل حسابك كلامك ده ماتخليه كده..
    حاول تعمل موضوع نقاش..لأنه الكلام كده ممكن يدخل في صميم الونسه ولا الشات..
    خليك حريف وأسألني أسئله نوع كده..
    كيف يبدو منطق الخرطوم في هدا الوقت المترقب فيه تعديلات وزاريه..وقت يقال فيه حمار
    و يعين في مطانه بغل؟

    وماهي التوقعات في مخيلة السودانيين عامه.. والجنوبيين خاصه والدارفوريين علي وجه الخصوص ..عن دور المصريين في قوات التحالف الأمميه في دارفور.. وفي البال دورهم السابق في ميدان مصطفي محمود وفي الحدود المصريه الأسرائيليه وقتلهم للدارفوريين وآخرين من السودانيين..
    وممكن برضه تنهي النقاش بهدا السؤال الهادف جدا ولدرجه بعيده..
    هل توقف السودانيين عن العيش بمصر؟
    هل رجع كل الدارفوريين للسودان بعد المجازر اياها؟
    هل رجع كل الجنوبيين للسودان؟
    وسيبك انت من الشماليين الهناك..واسألني..
    ماهو عدد السودانيين بمصر؟
    وبكده نكون طلعنا من الآتهام.. ان حصل وجانا..بالونسه!

    حريفه ..موش؟؟

    سلام ليك وللأسره ..

    نواصل..

    مني
                   |Articles |News |مقالات |بيانات

11-08-2007, 03:44 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    واحدي المشاكل السودانيه المزمنه هو غياب تفعيل وتطبيق القوانون..
    تطبيق القوانين علي الجميع يعني ان الجميع متساوين أمامه..ويؤكد علي أهمية الآسباب التي صدرت بسببها القوانين..
    وغياب القوانين وعدم تطبيقها.. يعني للكثير.. مزيد من الأستهتار وعدم الأهتمام بنتيجة استهتارهم..
    تفعيل القوانين وتطبيقها يتطلب تواجد واستمراريه من المسئول عن تطبيقها مع اليقظه التامه..فالقوانين التي تغفل عن تطبيق فقراتها أحيانا.. وتفتح أعينها احيانا أخري
    للعقاب هي قوانين جائره ولا تخلق الا احساسا بالظلم..

    ولكن كثيرا ما نتمني أيضا ونفضل ونعمل علي ان نخلق لأنفسنا قوانين أخلاقيه نلتزم بها دون الحاجه الي تدخل القوانين المكتوبه..ومثل هده القوانين اكثر فعاليه وصدقا لأنها ناتجه من النفس..وليس من الغير..

    نواصل..

    مني
                   |Articles |News |مقالات |بيانات

11-08-2007, 09:01 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: واحدي المشاكل السودانيه المزمنه هو غياب تفعيل وتطبيق القوانون..
    تطبيق القوانين علي الجميع يعني ان الجميع متساوين أمامه..ويؤكد علي أهمية الآسباب التي صدرت بسببها القوانين..
    وغياب القوانين وعدم تطبيقها.. يعني للكثير.. مزيد من الأستهتار وعدم الأهتمام بنتيجة استهتارهم..
    تفعيل القوانين وتطبيقها يتطلب تواجد واستمراريه من المسئول عن تطبيقها مع اليقظه التامه..فالقوانين التي تغفل عن تطبيق فقراتها أحيانا.. وتفتح أعينها احيانا أخري
    للعقاب هي قوانين جائره ولا تخلق الا احساسا بالظلم..

    ولكن كثيرا ما نتمني أيضا ونفضل ونعمل علي ان نخلق لأنفسنا قوانين أخلاقيه نلتزم بها دون الحاجه الي تدخل القوانين المكتوبه..ومثل هده القوانين اكثر فعاليه وصدقا لأنها ناتجه من النفس..وليس من الغير..
    كيفك يا منى
    الضمير يا منى أصبح عملة نادرة

    تحياتى للجميع
                   |Articles |News |مقالات |بيانات

16-08-2007, 08:57 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: رأفت ميلاد)

    Quote: كيفك يا منى
    الضمير يا منى أصبح عملة نادرة

    تحياتى للجميع

    ليس هناك ضمير جمعي..لم يعد موجودا!
    فالبؤس نال من كل شيء حتي من كثير من الضمائر التي كنا نظن أنهافي حالة
    يقظه دائمه!
    والبؤس ليس الفقر في المال..وان كان الفقر في المال كثيرا ما يسبب بؤسا..
    هنا بؤس اصاب القيم بسبب الطمع..
    وبؤس أنعكس في العيون فظهر جشعها..
    استثمار من قهر الآخرين ونزيفهم..
    حده مغلفه ببرود كأنهم لم ينتموا يوما للأنسان القريب..وللذي ذهب ..
    عمارات ترتفع وتسقط معها النفوس..ولكن مع ارتفاع العمارات وسقوط النفوس
    ترتفع صوت ضحكاتهم..فرحه بلحظه مهما امتدت..سيأتيها الحساب يوما في شبر واحد..
    وستنطلق الألسن بفضائح الضمير الذي قتل نفسه بطمعه..
    ولكن..
    هناك كثيرون يحفظون كلمتهم وشرفها ..
    لا يحتاجون لأن يرجعوا لضمائرهم وحسابها..فقد وعت الدرس منذ الميلاد وتلقته في
    تنشأتها الأولي فصارت تلقائيه في التصرف..
    وبعضهم رغم تلقائية التصرف النظيفه العفيفه..
    مازالوا يراجعون كل تصرف..خوفا من غفله..
    فمساكين هم من ماتت ضمائرهم..
    مخلوق انسي بدون ضمير..مخلوق بلا روح أو عزة نفس..
    فالنحاول أن نحافظ علي ندرة الضمائر..

    الخرطوم تشتاق لك يا رأفت..
    هذه المدينه المطينه بكل الطين خريفا وحارقه معظم شهور السنه..
    مدينه وصلت درجة حرارتها مره "50" كما أخبرني التاجر..فساحت البطاطين المعروضه
    في متجره من الحراره..
    هذه المدينه التي يتحكم فيها أكثر البشر لؤما وخبثا..
    مازلنا نحبها فوق الوصف..
    تتكرر تعليقاتنا مع سائقي عرباتها عندما نوحل..
    ونتضايق عندما نضيف لميزانية العيش فيها علبة بف باف كل يوم أو يومين
    لقتل الباعوضه المتمرسه في نقل أمراضها..
    ونموت غيظا عندما نجد من كان أسفلها خلقا ومالا صار عاليها..
    الا اننا نعشقها..
    عديل كده نعشقها..
    نعشق تعليق سائق الركشه الذي يطلقه لك فجأه..
    السائق الذي يكفكف كم قميصه البسيط..ويعلق تميمته الخاصه أمامه
    ثم يبتسم وهو يحاور الشوارع بعجلاته الثلاثه..باحثا عن طريق بدون حفر أو مستنقع ماء
    أخضر ذركشت حوافه بطين أكثر خضره..
    نعشق ابتسامة طفل في جانب الطريق سعد كثيرا لأن غيره في الغربات المكيفه قد تصدق
    عليه بألف ورقيه متهتكه ورقتها أو ابتسامه..
    ونطير فرحه وسعاده بتلفونات تأتيك منهم تود خلق برنامج نجتمع فيه علي الكلمه الطيبه
    والمشاعر التي تشع جمالا في السلام والكلام..
    اعشق فيها ذكريات عمر سابق واماني مازالت تراود الفؤاد وتوعده وتسأله الترقب..

    فلماذا لا تأتي تشارك الخرطوم في حزنك..وتشاركها حزنها وفرحهها؟؟
    هذا الوطن وهذه المدينه ليست ملكا للأغبياء فقط..
    ولا للمجرمين..
    ولا لسارقي قوت الشعب..
    هذه المدينه الوطن ملكنا جميعا..
    حتي وان حاولوا أن يزيدوا عزلتنا بفقر أخلاقهم..
    تعال يا رأفت..
    فهناك كان يتجول سليمان..
    ومن أمام بيتكم كان يذهب يوميا الي عمله..
    وفي ذلك الشارع مشيتم سويا..
    تستطيع أن تحس وتري خطواته مازالت مرسومه في شارع تأبي ذاكرتك أن تمحو خطواته..
    و....
    وليكن الضمير العمله النادره..قوتنا الحقيقيه

    نواصل..

    مني
                   |Articles |News |مقالات |بيانات

12-08-2007, 02:13 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    فاتك بالأمس يوم لطيف خالص يا عثمان رغيم..
    تجمع فيه البورداب واستمتعنا فيه بغناء الشفيع..
    عثمان حسين ومحمد ميرغني..
    وتنوعت الونسات بين المجموعات وتلونت الضحكات و
    ساد الفرح الجميل..
    سؤال كده مر بالبال..
    مالدي يجعلنا نسعد بلقاء بعضنا ونحن لم نتعارف الا هنا؟؟
    كيف نحمل لبعضنا توقعات "لصورة كل منا" ثم نفاجأ بالصوره المغايره؟
    مالدي يجعلنا نتوقع ان "كل وصورة" أي عضو هنا..لها تقاطيع محدده للغايه
    ولون ايضا محدد وربما تبعا لهدا صوتا محدد؟
    هل توحي لنا الكلمات بملامح وجه وجسد محددين؟

    اها جاي السودان متين؟؟

    نواصل..

    مني
                   |Articles |News |مقالات |بيانات

12-08-2007, 02:59 PM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    مني
    سلام كبير

    كنت من هواة المراسلة و كنت اكتب اسمي
    في مجلة الاحد البيروتية في السبعينات
    و راسلت عدد من الاصدقاء
    فترة من الزمن
    وذهبت هذه الهواية في مرحلة الدراسة الجامعية
    وكان هنالك صديق كويتي استمرينا في المكاتبة
    الي منتصف الثمانينيات لم نتبادل الصور
    تقابلنا في فندق في احدي المدن الاوربية عام 1996
    وظلننا نسترق النظر الي بعضنا لوقت الي ان تقدم
    مني وسالني ان كنت سوداني

    و الاذن و العين في القراءة حواس

    شكرا علي تزكري بالسودان
    ولكني هذه الايام
    في حالة كره للخرطوم
    فما زالت الاخبار المحزنة
    تردني
    قبل ايام توفي ابن اخر الرجال المحترمين
    في تنقاسي
    و هوابنه العزيز لديه
    حزنت لحزن الوالد عوض الحردلو شامي
    وحزنت لفقد محمد عوض الحردلو
    رمز من رموز شبابنا
    مساء( فجر اليوم) فقدت صديقي و حبيبي
    شقيق زوجتي محمد الحسن شامي
    ولم اتمكن مشاطرة اسرتي
    ولا اسرة الفقيد واهله و اخواني و و اخوانه
    هذا المصاب بسبب ظروف العمل
    ( صدق القذافي في كتابه الاخضر حين قال
    ان الاجراء مهما تحسنت اجورهم هم نوعا من العبيد)
    وعموا لله ما اعطي و لله ما اخذ و انا لله وانا اليه راجعون

    واسف جدا ان نقلتك من فرحك هذا الي حزني

    و لكن هذا حال الدنيا
    كل يوم نحن في شأن
    و تحياتي الي من كان معك

    و سوف اكون بإذن واحد احد بالخرطوم
    بعد رمضان
    لن اقول العيد
    حتي لا تهرب مني فرحته
                   |Articles |News |مقالات |بيانات

12-08-2007, 08:24 AM

انعام حيمورة
<aانعام حيمورة
تاريخ التسجيل: 29-06-2006
مجموع المشاركات: 11083

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    منى .. حمد لله على السلامة ..

    طيب انا عندي سؤال .. ممكن؟؟ كيف بتقدري تلمي الناس دي كلها؟؟ و على الحب كمان ..

    و يا سلام يامنى الخرطوم من غيرك ما حلوة ابدا ..

    انا سعيدة وجاية اليوم بنفسيات مختلفة تمام رغم الحزن الانا فيه ..



    الله يخليك يا ام واخت وحبيبة الكل ..
                   |Articles |News |مقالات |بيانات

12-08-2007, 09:59 AM

salma subhi
<asalma subhi
تاريخ التسجيل: 29-06-2006
مجموع المشاركات: 4817

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    هي لحظة أوقفتنا لنسلم عليك منى

    كل الود والتقدير
                   |Articles |News |مقالات |بيانات

12-08-2007, 10:04 AM

عماد محمود علي

تاريخ التسجيل: 13-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    مني سلام ... بحجم ...الأمطار

    وعافية ...بالكيمان ...ردمية

    شرق ... وزلط غرب ...تحيط بيك

    إمتدادات ... شوق ...وولف

    حمدا علي السلامة ... وقناطير

    أشوانا لميدان الرابطة والقسم

    ولحينا ... وحيكم ... وكل الجيران


    رغم ...ظروف النت ... عندي ..دي

    مداخلة...ود.. لست الوُد ..منو.
                   |Articles |News |مقالات |بيانات

15-08-2007, 11:27 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: عماد محمود علي)

    تضيع روح الكتابه منا ونفقد قراءنا عندما نعجز أن نحتفظ
    بحساسيتنا لحظة الكتابه..
    نفكر تري ان كتبت هذا الحديث بهذه الصيغه..هل يتضرر الأخرين؟
    من يتضرر؟
    كيف نعر أفكارنا وفي عمق تفكيرنا كتابه غير جارحه أو مثيره لضيق الأخرين؟؟
    هل استفزاز القارئ هو ما نهدف له؟
    هل يحق لنا أن نسعد البعض باتعاس البعض الأخر؟
    هل نفرح بيق الآخرين حتي لو صفق البعََض لنا؟

    سلام يا عمده كيف حالك؟
    تمنيت كثيرا وجودك بيننا هنا!

    ونواصل..

    مني
                   |Articles |News |مقالات |بيانات

16-08-2007, 10:15 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: انعام حيمورة)

    Quote: منى .. حمد لله على السلامة ..

    طيب انا عندي سؤال .. ممكن؟؟ كيف بتقدري تلمي الناس دي كلها؟؟ و على الحب كمان ..

    و يا سلام يامنى الخرطوم من غيرك ما حلوة ابدا ..

    انا سعيدة وجاية اليوم بنفسيات مختلفة تمام رغم الحزن الانا فيه ..




    الله يخليك يا ام واخت وحبيبة الكل ..
    الآصل ان من يعشق الجمال ويجتهد في البحث عنه..يستطيع ان يجده فيتمسك
    به كما يتمسك البعض بالعروة الوثقي..

    والخرطوم حلوه بأهلها الكرام..

    سلام نعومي لكب ولكل الطيبين معك..

    نواصل..

    مني
                   |Articles |News |مقالات |بيانات

16-08-2007, 06:53 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    الحكم علي مواقف الأفراد المتحده في موقف معين..
    علي انه موقف ناتج من منطلقات واحده..
    هو حكم محكوم عليه بقصور النظر..
    قد نتفق في ضروره ابعاد فلان من المكان الفلاني..
    لكن اتفاقنا هذا قد يكون ناتجا او قائما علي آراء مختلفه..


    Quote: هي لحظة أوقفتنا لنسلم عليك منى

    كل الود والتقدير


    مرحب بالجميله سلمي..
    ونفتقدك في تجمعاتنا في أرض الواقع..

    نواصل..

    مني
                   |Articles |News |مقالات |بيانات

16-08-2007, 07:11 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    من المفيد كثيرا لنا نحن النساء أن نقرأ ما يكتبه الرجال بتمعن..
    واخترت ذكر النساء والرجال هنا لتفكيري في مواضيع محدده في لحظه محدده..
    ولولا ذلك لقلت علي الأنسان أن يقرأ ما يكتب بتمعن...
    قراءة ما يكتبه الرجال في يعض البوستات ..كتابه تحمل بين حروفها اسقاطات كثيره
    عن "المرأه".. وكيف يجب أن تبدو المرأه..وبالقطع من منظور الكاتب أو المعلق الذكوري..
    ويصير كل ما هو خارج هذا المنظور "الملفوف" غير ذا قيمة تذكر..

    نواصل....

    مني
                   |Articles |News |مقالات |بيانات

16-08-2007, 08:33 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ثم يكون الأطار المطلوب "للأنثي" واضحا وقاطعا..
    ويظهر في احاديث مكتوبه مثل هذه ..
    لو عرفت الانثي ان ما يحبه الرجل هو....لأتبعته..
    او شيء من هذا القبيل..

    وكأن حياة المرأه يجب ان تبدأ وتنتهي عند راء الرجل فقط!


    نواصل..

    مني
                   |Articles |News |مقالات |بيانات

17-08-2007, 07:50 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    هل هناك فرق بين الأنثي والمرأه؟

    ما هو الفرق بينهما؟

    أي منهم أشمل واقوي عند الرجل المثقف؟


    نواصل...

    مني
                   |Articles |News |مقالات |بيانات

17-08-2007, 08:45 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    مرحبا بك متي من القاهرة

    بسرعة يوجد فرق
    المرأة هيالانثي التي
    نعيش معها كي يوم

    الام الاخت و و و
    و الانثي هي المرأة التي في خيالنا

    القاهرة ليست التي زكرت
    وصلتها هذا الصباح لمدة يومين
                   |Articles |News |مقالات |بيانات

17-08-2007, 09:24 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    Quote: القاهرة ليست التي زكرت
    وصلتها هذا الصباح لمدة يومين



    في شان شنو تمشي القاهره بعد ما رجعنا منها؟؟
    عليك بشارغ شريف القهاوي خلف البنك المركزي والبنك الأهلي..
    تلقي أرنب القهوحي
    تسلم عليه وبعد ما تقعد شويه
    تسأله اين هو مقر الجمال والقائمين علي أمره
    ثم تذكر له اسم الأستاذ تاج السر ..تجلس معه وتنضم للكوكبه..
    وطبعا تسأل أرنب نت تاج دي محاوله لآغاظة تاج..
    امشي ليه هو طوالي من تمانيه بالليل..

    ننتظر منك تقرير بعد يومين عن القاهره كما رايتها وأحسست بها..
    ياتري موجة الرطوبه والحر خفت ولا لسه؟؟

    نواصل..

    مني
                   |Articles |News |مقالات |بيانات

17-08-2007, 12:28 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: المرأة هي الانثي التي
    نعيش معها كي يوم

    الام الاخت و و و
    و الانثي هي المرأة التي في خيالنا


    تتمايل وتسير في دلع..
    ترسم الحنه بعنايه ليظهر رسمها الذي يحبه..
    متسقا مع لون حذاها العالي المكشوف..
    ترسم شفاها بلون يناسب لون الثوب الحريري المتموجه الوانه في دلال..
    يكشف بربطته القويه في الخاصره شكل جسدها..
    يبدو وصفه كمحاولة وصف السهل الممتنع..
    يغطي الجسد في النظره الأولي
    ولكنه يكشف اكثر مما يغطي فيما تبعته من نظرات..
    يفعل دون قدره علي ادانته..

    فكرة التغطيه مع الأثاره فكرة تناسب تفكيره..
    وتسمح لها بارتداءه.. وله بالتفاخر بها..واشياء أخري..

    ثقبت نظراته جسدها الملفوف بحرير..
    وتسائل في نفسه..
    كيف وصلت "الأنثي" الي هذا الشكل المرضي اجتماعيا وغريزيا
    في نفس الوقت..
    فكر هو في نفسه..
    هو التوب الساتر ..ولكن عريزته هو غير ساتره..

    لا بأس..فالمشاركه الاحساس به وعن وصفه..
    مقبوله بضمير معلن ومستترزز

    نواصل...

    مني
                   |Articles |News |مقالات |بيانات

17-08-2007, 09:17 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: حمد النيل.. (Re: Muna Khugali)

    تعالي المديح وتصاعد ايقاع الطبول..
    وقفوا صفوفا غالقين فيها الدائره الكبيره..
    وأمامهم وقف هو في جلبابه المصفر بياضه..
    يمد احدي ساقيه قليل أمامه..
    ثم يتكيء علي عصاه القديمه..
    نظر امامه فغابت نظراته بعيدا..
    ترك يده اليمني في لا مبالاه..يتناولها البعض بحرص..
    يقبلونها ثم يتركوها تنزلق بسهوله وطيع الي مكانها..

    نواصل..

    مني
                   |Articles |News |مقالات |بيانات

19-08-2007, 00:54 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: حمد النيل.. (Re: Muna Khugali)

    مال بجسده الي الأمام قليلا..
    ومن هناك مطي رقبته وارسل وجهه للأمام أكثر..
    أغمض عينيه ثم بدأ في الدوران..
    وزاد من سرعة الدوران حول نفسه..
    ومن حوله الأجساد تراصت في جانب واحد..
    تتمايل بحركه سريعه الي الأمام..ثم بنفس السرعه للخلف
    واللسان كالقلب.. لم يتوقف عن الذكر..

    الله حي!


    نواصل..

    مني
                   |Articles |News |مقالات |بيانات

17-08-2007, 09:20 PM

محمد عثمان

تاريخ التسجيل: 10-11-2006
مجموع المشاركات: 6485

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    على سبيل التحية و السلااام
                   |Articles |News |مقالات |بيانات

18-08-2007, 09:01 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: محمد عثمان)

    ونقبل التحايا يا محمد عثمان ونرد عليها بتحايا أخري جميله..
    شكرا علي امتاعنا بأجمل الأغنيات..
    وعليك بالأتصال بانعام أو بي سريعا لو ممكن..
                   |Articles |News |مقالات |بيانات

18-08-2007, 06:10 AM

عادل فقاد

تاريخ التسجيل: 18-08-2003
مجموع المشاركات: 378

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    حيران اسأل نفسي ايه كان السبب اصل الغياب

    لقيت مافي سبب الا جري الدنيا والمشغوليات اللا مشغوليات

    وبقول رجعنالك وجينا نقول مشتاقين

    اخبارك ايه يا ست الكل

    ليك وحشه

    مع تحياتي
                   |Articles |News |مقالات |بيانات

18-08-2007, 10:17 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: عادل فقاد)

    Quote: حيران اسأل نفسي ايه كان السبب اصل الغياب

    لقيت مافي سبب الا جري الدنيا والمشغوليات اللا مشغوليات

    وبقول رجعنالك وجينا نقول مشتاقين


    ومادمت يا عادل قد بادرت وبدأت بعثمان حسين..
    وأتيت بمقطع جميل منه سرعان ما اتي هو بلحنه لوجداني..
    فأحسست بذل القدر العجيب من الحيره فيه وفي اداءه ..
    فانني أقبل اعتذارك!

    ولأبناء الأمتداد والأعزاء منهم..مكانة خاصه يغطيها التسامح
    الأخضر..
    واشواقنا بالأكتر..

    مره أخري..مبروك الولد..
    و
                   |Articles |News |مقالات |بيانات

18-08-2007, 09:31 AM

د.محمد حسن
<aد.محمد حسن
تاريخ التسجيل: 06-09-2006
مجموع المشاركات: 15182

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    مازلت محتجز في نقطة تفتيش البطانة

    ليكم سلام ام صبا
    وصبا والتومات

    حراجي القط
                   |Articles |News |مقالات |بيانات

18-08-2007, 12:46 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: د.محمد حسن)

    اليوم دا دخلت البورد ولقيت عنوانين بوستات كتيره فيها كلمة
    "بطانه" قلت البورد هايبطنوه خلاص!
    وعندنا في الخرطوم الأيام دي جروب من البطانه.. ناس حلوه شديد
    طيبين وسمحين ومهذبين وبيت الشعر في لسانهم..ضوفت يف؟
    لو انت حاجزنك هنا يبقي بختك يا محمد الحسن..
    تحايت للتومات الشقيات أولا..
    ثم لصبا..
    ثم لأم صبا..
    ثم لك...

    ....

    ....

    الخرطوم مدينة البراءه والأجرام..
    الأدب الجم والتحلل منه في دون حياء..
    مدينة التكافل الحميم..والأنانيه المفرطه..
    الحجاب والعنايه بالشرف..
    الحجاب للأستهبال بالشرف..

    مازلت احبها كسنوات طفولتي البعيده..
    وأدهش رغم علمي..بغرابة تركيبتها..

    نواصل..

    مني
                   |Articles |News |مقالات |بيانات

19-08-2007, 07:12 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: الخرطوم مدينة البراءه والأجرام..
    الأدب الجم والتحلل منه في دون حياء..
    مدينة التكافل الحميم..والأنانيه المفرطه..
    الحجاب والعنايه بالشرف..
    الحجاب للأستهبال بالشرف..

    مازلت احبها كسنوات طفولتي البعيده..
    وأدهش رغم علمي..بغرابة تركيبتها..


    صباح الخير يا بلد
                   |Articles |News |مقالات |بيانات

19-08-2007, 09:04 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: عبد الدائم سيد أحمد)

    Quote: صباح الخير يا بلد


    صباح تجمع علي بنابر صغيره..
    حوالين بنيه لطيفه..ومنقد..
    شاي وقهوه ونسمة هوا وريحة مطر..
    سما صافيه..وقلوب فرحانه لله!

    كيف حالك عبده..

    نواصل..

    مني
                   |Articles |News |مقالات |بيانات

19-08-2007, 07:23 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    سلام كبير
    وصباح الخير
    من روكسي

    تنتهي نهمتي في القاهرة مساء اليوم
    قيل منتصف اليل بقليل
    لان اتمكن من شارع شريف
    ينفع اشوفلك ارنب فندفي
    ارنب 7 نجوم
    ارنب ريسبشنست

    لكن اوعدك بتقرير
    عن القاهرة التي لم
    تزوريها
    و الي لقاء قريب
    ان شاء الله
                   |Articles |News |مقالات |بيانات

19-08-2007, 07:55 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: osman righeem)

    قووووووون
                   |Articles |News |مقالات |بيانات

19-08-2007, 08:29 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    جلس امام الكومبيوتر يحدق في شاشته..
    واضعا يده اليسري علي خده الابسر والأخري علي الماوس..
    وقفت أمامه وسالته بصوت عادي..

    الكوره كيف؟

    لم يرد علي..

    كررت سؤالي!

    نظر لي وتمتم بشيء لم افهمه..

    اعدت سؤالي بصوت اكثر وضوحا..

    رد هذه المره بصوت ضعيف..
    والله ماعندي فكره..امكن المحلات التانيه يكونوا عارفين..
    ولم تمض دقيقتين..
    دخل شباب الي المحل وأخبروه بالنتيجه..القون الأول للهلال

    ظل وجهه مسود وهو كظيم..
    أتاريه..

    مريخااااااابي!

    يا عيب الشوم!

    نواصل..

    مني
                   |Articles |News |مقالات |بيانات

20-08-2007, 09:00 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    خرجنا بعد انتصار الهلال كأغلب أهل الخرطوم نحتفل بشكل تلقائي..
    مررنا بشارع المطار كله..ثم شارع القصر جنوب لشارع السجانه ..
    والغناء للهلال في الراديو بهز العربه ويرج الوجدان..
    وعلي امتداد كل الشوراع توزعت الجماهير بالأعلام الزرقاء..
    ثم انطلقنا الي امدرمان السودان..وتزايدت الأعداد في طريق الرجوع من
    الأستاد..وامام البيوت وفوق العربات وبداخلها ..أجساد ترقص علي لحن
    النصر العظيم..
    ونساء تزغرد في قرح..
    هي بانت معقل الجنون لأهل الهلال..
    اذا ما رقصت..بتغني..
    واذا ماغنيت بتصفق..
    واذا ما صفقت بتصفر..
    ولا تزعرد..
    أو تسلم نفسك لمهرجان الفرح وتفعل كل هذا دون أن تدري..
    تفعله عمليا بجسدك..أو بروحك المنتشيه بالنصر!


    نواصل مع هلالنا الفخر..
    ومبروك ليكم ولينا وللسودان أمنا..

    نواصل..
                   |Articles |News |مقالات |بيانات

20-08-2007, 11:10 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 11-03-2007
مجموع المشاركات: 8839

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    لحظــــة من فضلك أكتمل الهـــــــلال

    منو؛؛؛؛؛؛؛


    نهديك الفوز ونهدية لصديقي المشاغب معتصم عوض خوجلي الهــلالأبي الخرخار

    ،،،،أبوقصي،،،،
                   |Articles |News |مقالات |بيانات

20-08-2007, 11:13 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ولم أكن أتخيل أن عددنا كسودانيين كبير بهذا القدر..

    حتي خرجت للشارع وشاهدت حشود الهلال في كل مكان!



    تواصل..

    مني
                   |Articles |News |مقالات |بيانات

20-08-2007, 04:04 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    ننتظر عثمان رغيم يصل ويكلمنا عن انطباعاته في مصر اليومين..
    وخساره سافر قبل الكوره..كنا عايزين نعرف انطباعات مصر الشارع عنها..

    نواصل..


    مني
                   |Articles |News |مقالات |بيانات

20-08-2007, 04:40 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: نهديك الفوز ونهدية لصديقي المشاغب معتصم عوض خوجلي الهــلالأبي الخرخار

    ،،،،أبوقصي،،،،


    ازيك يا مجدي..شكرا علي الأهداء المافي أجمل منه الي حين اشعار أخر..
    عارف أمس بالليل لما مشينا أمدرمان بانت..
    لقينا واحد شكله زي معتصم 100%..
    أنا ومنال قعدنا نصرخ...معتصم معتصم..
    والله قربنا نحلف انه ده هو..
    وأنقر شنو؟

    كان شايل علم الهلال وبينطط جوه عربيه!
    قلت لمنال معتصم أكيد قالب الدنيا في مصر دلوقتي..

    ياخ فوز الهلال ده فرح السما ذاتها.. خلاها تصب وتجيب هوا باااااارد..

    وبمناسبة المطره..سيف الجامعه حكي لي دلوقتي نكته لطيفه..
    قال في زول ساكن ".." المطره كسرت ليه بيته وبهدلته..

    اتصل بصاحبه في الرياض..وقال ليه

    كيف حالكم ان شاء الله المطره دي ماتكون أذتكم؟

    صاحبه رد ليه..

    أبدا والله..المطره دي حلوه..نضفت لينا الحيط وخلت لون الجير جميل
    كأنه مغسل اسه دي..

    صاحبه اتغاظ وقال ليه..

    ان شاء الله تجي صاقعه تكويه ليكم!

    نواصل..

    مني
                   |Articles |News |مقالات |بيانات

21-08-2007, 05:32 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    قررت أن اضايق الجرسون المصري اليوم..
    ليست بقايا ميول عدوانيه..اعتقد فقط انه فعل شيئا لم يريحني..
    اتمني أن لا أكون في حالة تعليل لنفسي قبل أن أعلل لكم..
    فالنفس البشريه غريبه وأحيانا لها تصرفات أغرب!
    فجأه وبدون مقدمات سألته بعد أن احضر الوجبات..

    انت أهلاوي من الهلال؟
    أو شيء من هذا القبيل..

    تغير لون وجهه ..ورجع خطوه للوراء في غضب حاول أن يخفيه..ولم يرد!
    ضحكت أنا في استمتاع بعد أن عرفت أنه قد أغتاظ!


    نواصل..

    مني
                   |Articles |News |مقالات |بيانات

22-08-2007, 09:41 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    تحايا صباحيه تعاني قليلا بسبب ضعف شبكة موباتيل..
    وأعاني أنا معها ومعي من ضعف حروف عديده في هذا الكيبورد!

    زيارتي للخرطوم هذه المره ليست كالمرات السابقه..
    فيها حب وفيها وفاء واصدقاء يسعون لأسعادك دون من أو أذي..فيها اشياء كثيره..
    ولكنها قطعا ليست كسابق الزيارات!

    زيارتي هذه ينقصها الأحساس القوي العميق بمحنة الغير كماتعودت ان أحسه دائما!

    انتقاد...ومحاولة فهم للأسباب يصاحبها تعليل!

    اختفت ملاحظاتي لحد كبير بحال الفقراء والمشردين ومن يسير علي طريقهما..
    ربما لحالة اليأس التي تملكتني بعد استمرارية انتشارهم..وليس من جديد في
    أي ملاحظه تكتب عنهم بعد زياراتي السابقه!

    انشغالي ايضا بقضايا خاصه..ودرجه جديده من التبلد تتحكم لحد ما..بي أنا!

    احساسي بالمواقف السياسيه المختلفه ضعف..فالحال مايل لدرجه بعيده..ماعدا علي
    مستويات قاربت أن تكون انفراديه..
    وعلي الرغم من حالة البلد الضائعه في كل يوم أكثر..الا أن التبلد قد وصل عظام
    الجميع..فظهر علي وجوههم..هذا علي الرغم من حرج الوقت..ورحلة النهايه التي تبدو
    علي قوب قوسين أو أدني!

    مرحب بطبق الفول الذي تليه تعسيله تبلدنا أكثر!

    نواصل..

    مني
                   |Articles |News |مقالات |بيانات

23-08-2007, 11:42 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    Quote: مرحب بطبق الفول الذي تليه تعسيله تبلدنا أكثر!


    الأخت منى خوجلي .. تحياتي ..

    مازلت بقندهار؟


    وكلامك ده يعني نقرأ البوستات القديمة
    ونضيف لواقعها قبح إضافي لنعرف الحاصل
    والله شنو؟ والله ربك يهون بس
                   |Articles |News |مقالات |بيانات

23-08-2007, 09:44 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Mohamed Abdelgaleel)

    Quote: وكلامك ده يعني نقرأ البوستات القديمة
    ونضيف لواقعها قبح إضافي لنعرف الحاصل
    والله شنو؟ والله ربك يهون بس


    انا لم أعد أنا..او هكذا يخيل لي..
    واشعر بالفرق عندما ارجع في نهاية اليوم وأضع رأسي علي الوساده
    وابدأ رحلة الحساب اليومي المعتاد الذي يليه رضاء أو غضب من النفس..
    رحلة المحاسبة اصبحت قصيره..يتبعها توهان..لا هو تبلد وليس توهان..
    ثم نوم استيقظ بعدها لروتين تبلد آخر!

    نواصل؟

    مني
                   |Articles |News |مقالات |بيانات

23-08-2007, 10:46 AM

osman righeem
<aosman righeem
تاريخ التسجيل: 21-06-2007
مجموع المشاركات: 10872

للتواصل معنا

FaceBook
تويتر Twitter
YouTube


Re: لحظه من فضلك..3 (Re: Muna Khugali)

    الاخت مني
    سلامات وتحايا عطرة
    اليوم اكتب لك علي عجل امامي كوم عمل
    وفروقات نوم 36 ساعة والامل في الجمعة و السبت

    اولا بخصوص ردود الافعال علي ماتش الهلال و الاهلي
    احلي تعليق من ناس الزمالك
    بقول : لا تعايرني و لا اعايرك الهلال طايلني و طايلك

    زملكاوي قال ناس الاهلي ابتدوا صيام رمضان عشان هلالهم هلا

    وعن مصر التي في خاطري و لم تحكي عنها عندما كنت هنالك
    الاسبوع القادم

    وعن التبلد واثار الفول و سلطة الدكوة
    حددي موقفك هل اصابتك الحالة البروتينية النباتية
    ام ما زال لديك القليل من الاحساس بالغير
    لانه من اهم مظاهر الحالة البروتينية
    هي عدم الاحساس بالغير
    و هي ايضا ليست حالة انكفاء
    ولكن يمكن وصفها ( السرحان في ملكوت الرحمن )

    و سلام
    والي لقاء قريب
                   |Articles |News |مقالات |بيانات


[رد على الموضوع] صفحة 2 „‰ 9:   <<  1 2 3 4 5 6 7 8 9  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de