و نحنا المحبة احبابا و الجنة الليها نتشابا باكر ندق علي بابا و ندق و ندق و ندق! للجنة تجيب لأملنا نشق ان شاء الله قريب و تهلل علينا في قلوبنا الحزينة بشائر السنين
01-30-2007, 04:29 AM
osly2 osly2
تاريخ التسجيل: 10-17-2002
مجموع المشاركات: 3541
نظـرت لي نظرة جميلة طويلة..ثم أحنت رأسها قليلا وهي تتجه ناحيتي>> مسحت برأسها في ساقي بنعومة..ثم مرغت جانب وجهها الأيمن في نفس المكان.. كررت نفس الحركة بجانب وجهها الأيسر ..نزلت بساقيها قليلا وجلست..ثم كورت جسـدها ورقـدت بجانب ساقي في هـدوء شـديد.. مددت يدي ومسحت علي جـسدها الناعم بحب...
كانت ياسـعد قطة وديعة تبحث عن المودة بينما هي تمنحها لي..
02-05-2007, 11:09 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وجمعتني بك يا فقاد أرض كبيرة عزيزة كالفؤاد اسمها السـودان.. وأخري صغيرة لكنها ايضا عزيزة اسمهاالإمتداد..
وجمعتني بيك خـوة ومودة وصـادق إحساس.. لزول مابيجيب غير روعة وجمال اسمه عثمان حسين.. وبعد ده يافقاد جمعني بيك المكان العزيز ده..زي ماجمعني بأعزاء كثيرين.. اسأل الله ان يديم المودة بيننا ويزيد من نقائها بيننا جميعا..
01-30-2007, 11:16 AM
أبو الحسين أبو الحسين
تاريخ التسجيل: 11-07-2006
مجموع المشاركات: 7948
جيت جاري قايلا ( مودة ) دي بمعنى الموضة fashion عارفة نحنا زمان بنقولا كده .. زي ما الله خلقها : موضة .. هسه الناس بقو يقولو ليها : مودة .. حكمة الله .. و قلت منى دي قاعدة في بلاد بره تكون بقت حنكوشة كمان و عوجت خشما ؟؟ لا قدر الله
نقوم نجي للمودة .. المحبة الراقية .. و الشبعانة إهتمام بالزول التاني , و أمنيات ولا أحلى ليهو . هي لسه قاعدة يا منى الحاجات دي ؟؟ وللا حولوها للمتاحف ( أثراً بعد عين ) .. !! المغني قال ( و الله يكفينا شر قلنا و قالو ) : تاني بيني و بينك أيه ( المودة ) البيننا راحت .. سيب قليبي و فوت جراحو الأماني الحلوة ضاعت . و أبونا الشيخ عثمان حسين سلام ربي عليهو بيقول : بالمعزة , بـ (المودة ) البيننا بي أغلى الصلات بالهوى العشناهو بي أعصابنا خمسة سنين و مات .. تاني شنو ؟؟؟ أنا إتكلمت كتير .. مُش ؟؟
طيب .. ليك مودة يا منى .. تبراك وين مشيتي .. عشان لسه عندك الحاجات دي و بتتذكريها . و إحترام و تقدير .
Quote: ما انبل و اعظم المودة..لكن، ناس تحاول ليها مدة ما لقت غير الصدود وناس بتنعم بالمودة و ليها مجد الحب يعود
ويا أنور كان في برنامج في التلفزيون البريطاني عن مسك الأيادي بين الأزواج او الأحباء او الأصدقاء أثناءالسير في الطريق العام.. وكانت المودة وإظهارها هي المحور..تري لماذا يخجل الرجال والنساء من إظهار المودة بلغة الجسد..
لك مودة الدنيا كلها ياأنور..
02-15-2007, 03:41 PM
حواء سليمان ابراهيم حواء سليمان ابراهيم
تاريخ التسجيل: 02-13-2007
مجموع المشاركات: 2898
شـوفي ياحواء الفيل ده فرحان كيف وهو بيلعب? الإنسان بيحتاج يظهر مودته للكون.. للإنسان..الحيوان..النبات وكل الطبيعة.. الدنيا كلها بتبقي أحلي لما يكون في موده..
Quote: تري لماذا يخجل الرجال والنساء من إظهار المودة بلغة الجسد..
خليك يا مني يا اختي من قصة مسك اليدين البسيطة دي،انا اليومين دي خاشي في تحدي فعلي مع الخزعبلات و العقد بشأن المرأة و الخزعبلة المرة دي في غاية الخطورة الخزعبلاتية، و بعون الله قررت انو اكسب التحدي، و الدافع لكسبه المودة الغامرة. كان الله في عون من يقع ضحية العقد الاجتماعية.
Quote: لك مودة الدنيا كلها ياأنور
و اضعافهالكي يا منوية
02-08-2007, 01:08 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وكتير ماتدينا الدنيا ضهرها..نزعلاحنا وننسي الجمال الفيها ونقول ليها في اسنكار وزعل
أخـدنا ايه من وشك لما تدينا ضهرك?!
لكن الحقيقة ياعمدة.. رغم بلاويها الكتيرة ومساختها احيانا..الدنيا حـلوة المودة بتخليها حـلوة..خلينا مع بعض في مودتنا..نقويها ونستعين بها في ايام الشقا...
أما الموضة والحنكشة فده موضوع تاني..ايه رأيك ياعماد تعمل بوست اسمه حنكشة?
02-07-2007, 00:14 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
المحنة يانور إحساس لا يمكن ان نخلقه.. بل هو يأتي ويسكن حنايا القلب دون استئذان.. الحنية..كلمة تنفرد حروفهاوتتمـدد.. ثم تأخـذك في احضانها وتطبق أحرفها عليك.. فتضيع انت في دنيا أحضانها.. بجرد ان تفكر في المحنة..تقفز الدموع الي عيونك ويطيب لك المقام.. فتقفز لك صـور كل من تحبهم ويصير كل من حولك قبلتك في ممارسة طقوسـها..
أغنية أكاد لا أتوقف عن سماعها يانور
01-30-2007, 12:17 PM
Adel Sameer Tawfiq Adel Sameer Tawfiq
تاريخ التسجيل: 10-05-2006
مجموع المشاركات: 1074
تسائلني صوت ناعم الأجراس يسكر مسمعي أعرفتني ؟ وأنا الذي قد ذبت فيها صبابة! نقرت نداوة حرفها قلبي فمالت أضلعي طربا وتيها وانبهار يا سحرها لما سرى فتزينت مقل النهار زهوا دلالا فاستثار كل البهاء وتفجرت كل الخواطر روعة شعر ا معبق بالبهار كم ارتجيك وفي فؤادي لوعة تنداح بين ثنايا انتظار
01-30-2007, 10:52 PM
إسماعيل حميم إسماعيل حميم
تاريخ التسجيل: 07-19-2005
مجموع المشاركات: 2251
ياسلام.. تعرفي يا منى في ناس كتار من قبيلة (الموداب) ما شافوا المساحة دي والا لتزاحموا عليك بالأكتاف والأقلام ، سأناديهم ، ولاّ أقول ليك ، بجوا براهم ناس شيقوق وفاروق وأبوبكر وهميم وغيرهم ليكملوا الكوكبة أعلاه .. الناس اللي كتبوا قبلي فوق ديل كلهم ناس موده وأنا شاهد. ما (فاشون) يا عماد. لك سلامي.
المودة اسبق ام التفاهم? قالت ... أحلم بمودة بيننا تغنيني عن شرح مواقفي.. وتغنيك عن شرحها..كأن عقلنا واحد وأفكارنا واحدة فتفهم اعتذاري دون ان اقوله..واعذرك انا حين لا تقوله هي المودة التي تقربنا وتقوينا وتطمئننا..
كل مودتي دكتور محمد الحسن
02-10-2007, 03:26 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ويا أختي حبيبتي بنت أمي وأبي.. هي مودة ابي وامي..تعلقنا بها واصرينا عليها بينا بعـد ان رضعناها من ثدي أمي.. هي دنيا طـفولة في منزل واحد..اجتمعنا فيه صباحا علي صينية العصير والشاي وعلي مصروفي ومصروفك.. وذهاب للمدرسة ثم رجـوع منها واجتماع علي الغداء.. مودة فيها ذكريات ايام جميلة.. اجتمعنا بحبنا وترابطنا كلنا فيها.. ومحمـد يدعي فيها الهدوء ويكيد المقالب ...ومقالب منك تحيل رقادنا صراخا مرعوبا.. و........
مودة تجمنا الي ان نرحل من هذه الدنيا بإذن الله....
01-31-2007, 07:53 AM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
عليكم الله عاينو الحمامة دي ووقفتها علي الحافة كيف.. وبعدين عاينو لنظرتها ماشية بعيد كيف..مش بالله زي الشكلها عايزة تمشي في الغيب? تنتحر يعني!
لكن ماتخافوا مابتقدر تعمل كده..لأنه اول ماتصل بمشاعرها ونظرتها للدرجة دي وتسلم نفسها لكده..جناحاتها هاتنشلها وتطير بيها وفي لحظة تتغير مشاعرها ومعاها نظرتها!
01-31-2007, 07:17 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: ياسلام.. تعرفي يا منى في ناس كتار من قبيلة (الموداب) ما شافوا المساحة دي والا لتزاحموا عليك بالأكتاف والأقلام ، سأناديهم ، ولاّ أقول ليك ، بجوا براهم ناس شيقوق وفاروق وأبوبكر وهميم وغيرهم ليكملوا الكوكبة أعلاه .. الناس اللي كتبوا قبلي فوق ديل كلهم ناس موده وأنا شاهد. ما (فاشون) يا عماد. لك سلامي.
كنت فاكر إنه الناس عارفة نسبى وحسبى !!!!! بس كيف ود المرتضى نسى أستاذ شكرى من القائمة ،،،،
لود المرتضى:أعرب ما تحته خط
لكم خاااالص مودتى و كثيرهااااااا
ش
02-22-2007, 11:04 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: بس كيف ود المرتضى نسى أستاذ شكرى من القائمة ،،،،
بالانابة ("نيابة" بتخوفني ) عن ود المرتضي وبالاصالة عن ودشيقوق والمحرب واحمد ابوحريرة وكل العراريب ( ما بقيت تابع ليهم .. اتخيل رطاني عراريب ) والفارووق وملكة الدوبيت وام احمد ونورالهادي العمتو بتخليني اعرف بكانو واخوات بت الخليفةوصاحباتن ونصار وصاحب المعلقات مصطفي محمود وسعدالدين وحميم والشايقي وعادل وابوالحسين وانور والنصراني حطب النار والمهلب وكافة اهل البلاد من نمولي الي حلفا ( ياريت لو في الخمسينات والستينات حكاية من نمولي لحلفا دي كانت موجودة اهو الواحد كان قاعد في بيتو بدل السمك البيعمل فيهو مؤتمرات كما هو الحال الان ) فانني اؤكد ان الاستاذ شكري في القائمة بس لانو بيكتب اسمو ثلاثي كتير كدة وكل مقطع اكتر من خمس احرف فلقد كتب علي الصفحة التانية ( اقلب الصفحة) .... وله "مودتي"
(عدل بواسطة abubakr on 01-31-2007, 07:36 PM) (عدل بواسطة abubakr on 01-31-2007, 07:40 PM) (عدل بواسطة abubakr on 01-31-2007, 07:43 PM) (عدل بواسطة abubakr on 01-31-2007, 07:45 PM)
02-23-2007, 05:43 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
مني ............. منى مودة بلا حدود وحدود المودة منى في زمن المودة منى .............. أبو بكر بركة البقيت طيب درزن مودة إخلع نعليك ... إنك بوادي المودة منى
نورالهادي
02-24-2007, 12:37 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
محمد المرتضي.. الصباح الليلة جميل.. استلمت فيه رساله من شخص لأول مره.. فيها كلمات عميقة تفو منها رائحة نبيلة .. لامست أحرفها كل جنبات قلبي وملأتني با وإيمانا.. بأن الموده هي الأبقي ..
مرحبا بها وهي تأتي بالحياه لمن يودها
02-24-2007, 09:10 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الورد يشعر بالإنسان البيحبة ويحس بجماله..النباتات عامه تشـعر.. خـلق الله الموده عنـد الانسان والنبات والحيوان.. أجمل موده يا آمنه.. هي التي تنبت من وفي أرض خصبة..ترتوي بنفس الماء وتكبر تحت نفس الشمس..والحمـدلله بيننا رغم المرارات المفروضة علينا.. توجـد بيننا تلك القواسم المشتركة..
مرحب بمودتنا..
02-01-2007, 00:24 AM
ombadda ombadda
تاريخ التسجيل: 10-10-2002
مجموع المشاركات: 6736
إلى الروح التي عانقت روحي مودة إلى القلب الذي سكب أسراره في قلبي رحمة إلى حبيبتي الغالية 00000
صدى صوتي من صميم فؤادها 000000 وخواطري انسابت على أوراقها 0000 كان الحديث خواطري وكان المداد 00 مدادها !!! وحنين الشوق أدمع للعيون سوادها 000 فكأنما عادت لنفسي روحها 000 ومزاجها فهل يا ترى لي في الحياة نصيب حين دخلت طارقا أبوابها00 ؟؟
كانت إجابتها كالحلم يرتجل النوايا ويمنح الشعور نشوة البوح الصريح !!!! فكأن قلبي وقلبها جناحان توحدا في الحب ليس يعيق وسعهما المدى 00 يتجاذبان المستحيل بموعد آن على حلم قد يطالعنا غدا 00 فأنا 00 وأنت مشيئة أزلية لا يبددها نفاق أو يشتتها الصدى ومثلما يسمو الضياء تألقا ، إنداح الصمت حديثا رطبا يفصح عن مكنونات هي في الفؤاد دفينة ، ولعل الطمأنينة والسكون هي كل ما يحتاجه القلب الجريح 000 كان جلوسنا في تباريح المغيب بصحبة النجم والليل البهيم وزخات مطر منهمر بدا طروبا ومحتفلا بنا ، وإن اختلفنا بمن يحتفي المطر ؟
أختي العزيزة منى
المودة قيمة ومضمون ومعنى ويكفي أنها وردت في القرأن الكريم لتصف علاقة الزواج
لك وللجميع مودتي ،،
03-07-2007, 00:15 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: صدى صوتي من صميم فؤادها 000000 وخواطري انسابت على أوراقها 0000 كان الحديث خواطري وكان المداد 00 مدادها !!! وحنين الشوق أدمع للعيون سوادها 000 فكأنما عادت لنفسي روحها 000 ومزاجها فهل يا ترى لي في الحياة نصيب حين دخلت طارقا أبوابها00 ؟؟
ولك في الحياة كل نصيبها...
03-04-2007, 03:30 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لما تمر الأيام وانت في الغربة.. بتتذكر الأهل والأحباب والجيران.. وتشتاق لأيام زمان.. لكن ايام زمان مابترجع.. بس احنا بنقدر نخلق ايام جميلة تانية.. نحب لبعض البنحبه لنفسنا.. ومانظلم ابدا زول.. 'يابخت من نام مظلوم وما ظلم' حقنا ناخده بس بدون ظلم..
اتعلمنا القرب من اهلنا الطيبين
02-26-2007, 12:14 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كلما اشتقت للإنسان والحياة..أتيت لكم أعرفك ياخلودتي منذ زمن طـويل لا يقاس بزمن الأرقام.. أعرفك من عاطفتك وبساطة مشاعرك.. أسعـد بمودتك القافزة في لطافة من بين السطور وأسعد بها.. ماذا نكون نحن بدون موده? ماذا يكون الإنسان ذوالقلب الخال منها?
نحمـد الله الذي ذرعها في نفوسنا..ومكننا من تبادلها..
02-06-2007, 05:27 PM
معتصم عبدالرحيم معتصم عبدالرحيم
تاريخ التسجيل: 01-24-2007
مجموع المشاركات: 425
Quote: بالانابة ("نيابة" بتخوفني ) عن ود المرتضي وبالاصالة عن ودشيقوق والمحرب واحمد ابوحريرة وكل العراريب ( ما بقيت تابع ليهم .. اتخيل رطاني عراريب ) والفارووق وملكة الدوبيت وام احمد ونورالهادي العمتو بتخليني اعرف بكانو واخوات بت الخليفةوصاحباتن ونصار وصاحب المعلقات مصطفي محمود وسعدالدين وحميم والشايقي وعادل وابوالحسين وانور والنصراني حطب النار والمهلب وكافة اهل البلاد من نمولي الي حلفا ( ياريت لو في الخمسينات والستينات حكاية من نمولي لحلفا دي كانت موجودة اهو الواحد كان قاعد في بيتو بدل السمك البيعمل فيهو مؤتمرات كما هو الحال الان ) فانني اؤكد ان الاستاذ شكري في القائمة بس لانو بيكتب اسمو ثلاثي كتير كدة وكل مقطع اكتر من خمس احرف فلقد كتب علي الصفحة التانية ( اقلب الصفحة) .... وله "مودتي"
منى خوجلي - عليك الله تذكريهو ميلاد حنا ومولانا عادل سمير اللوم بيجي بالغفلات .
02-08-2007, 11:26 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22488
أنا أحتفظ لك بقدر عظيم من الموده اخي أبوجهينه.. بعض من ذلك يرجع لكتاباتك عن المرأة..انت دائما في حـالة سبر غور المواقف التي قـد تضيع المرأة دون حق..كذلك العلاقة بين المرأة والرجل وتعقـداتها.. أحب نقاشك لتلك المواضيع..
وفوق كل ذلك لمودتك مع الكل..
03-09-2007, 08:17 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
إنت جيت طبعامن السودان يالطيب شيقوق غرقان ومليان بالموده.. وهو في أجمل من مودة الجيران وخاصة في العصريات? وقهوه وشاي ولقيمات وتمر? وعمك وأبوك يرفعوا رجلينهم في العناقريب بعـد مالدنيا ليلت وصلوا المغرب والعشا?
03-07-2007, 11:29 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وبالمودة البينا بعمق الصلات... زمان كنا بنشيل الود وندي الود وفي عينينا كان يكبر حنان...شفتي يا منى غنانا دا مليان مودة كيف ..
مودة جبيبتي Noon3 لا بد من أن نحييها في النفوس.. ونزيدها ان كانت هناك.. ماذا يضير في اظهار الرحمة لمن يحتاجها? في مشاركة صادقة بالإحساس والفعل.. والكلمة الطيبة?
03-05-2007, 05:41 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وهل هناك أعظم من أن يكون مشتقا منها إسم المولى (الودود)
أو الوصية في الأثر النبوي القائلة (تزوجوا الودود الولود)
مع خالص مودتي لك ولكل ساكني البورد
ألمودة تراها في تناغم ألوان الزهور... في فرع الشجر الكبير ونمو فروع أخري منه.. في شقاوة الحيوانات الصغيرة ولعبها.. في شـروق الشمس.وضوءها السعيد.. في سفر الطيور الجماعي... أنظر حولك وفي قلبك تجـدها تغمرك بالإرتياح والرضاء... شـوف انت كلمة أخـتي القلتها لي دي جميلة كيف? ملتني طيبة وإطمئنان ..
دمت أخوي كمال ودامت الوده والمحبة بيننا
02-10-2007, 11:21 PM
AlRa7mabi AlRa7mabi
تاريخ التسجيل: 08-15-2002
مجموع المشاركات: 1343
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
altahir_2
نصار
Mustafa Mahmoud
saadeldin abdelrahman
osly2
أبو الحسين
Emad Abdulla
حواء سليمان ابراهيم
Adel Sameer Tawfiq
أحمد الشايقي
ماجدة عوض خوجلى
د.محمد حسن
إسماعيل حميم
محمد المرتضى حامد
انعام حيمورة
waleed500
مهلب خلف الله القريش
abubakr
شكرى سليمان ماطوس
AMNA BAGRAB
محمد سنى دفع الله
ombadda
عبدالمنعم الرزوقي
Tumadir
خالدة البدوي
معتصم عبدالرحيم
Kamal Karrar
الطيب شيقوق
ابو جهينة
هاشم أحمد خلف الله
AlRa7mabi
حبيب نورة
khaleel
فيس بوك
تويتر
انستقرام
يوتيوب
بنتيريست