لحـظـة مـن فضـلك!

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 12:08 PM الصفحة الرئيسية

مكتبة منى عوض خوجلى(Muna Khugali)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-08-2006, 07:42 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote:
    أطـفالها من لبنها... كـان ابيض ناصـع لبنها... لكننا كنا نشـمئز مـن فكـرة شـرب اللبن!


    الحمدلله عندي حساسية ضد اللبن ومشتقاتو والبيض وهكذا لا غنماية ولا جداد يتنفجرن علي ...بس لبن الحمار والكوتكوت مشكلة ..!!
                   |Articles |News |مقالات |بيانات

06-08-2006, 09:39 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: وسـاعتها كنا بنفهم كـلمة زفـر يعني كعب

    تعرفى يا منى لبن الغنم فعلآ زفر لامن يقعد ويتغلى فى النار
    لكن سبحان الله (من ضرع أمه) طازج و(نى) أجمل حاجة فى الدنيا
    شربناه فى الجزيرة وكنا دايمآ نتسابق عشان نحضر (الحلب)


    بالمناسبة أخوى فرح أدانى الرابط ده كان ما مر بيكم زوروا
    روعة رغم إمتلائه بالحزن

    مستر "طيب" ذاك الذي سقته الى حتفه ـ قصة حقيقية
                   |Articles |News |مقالات |بيانات

06-08-2006, 02:18 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    الفاضلة مني لك التحية

    Quote: فكيف يمكـن أن نجـد قياسـا يرضـي الجميع


    هذا بالطبع لا يمكن والسبب هو اننا بشر والاختلاف علي كل المستويات شي طبيعي اللهم الا اذا ارتضي "الجميع" منهجا موحدا لا يحيدو عنه

    حرية التعبير مرتبطة ارتباط تام بالمنهج الذي يرتضيه كل منا ويجعله اسلوب حياته فتجدي مثلا المسلم والمسيحي واللاديني كل له حدوده التي يلتزم بها لذا تجدي في الغرب يعتمدون اعتمادا كليا علي القانون الوضعي فاصبح عندهم المقياس لاي امر هو هل هذا الامر قانوني ام لا (بغض النظر عن اخلاقيته من عدمها) فاذا كان قانوني فلا حرج فيه والعكس

    Quote: سـأحـاول ان اناقش معكم مساهمة محمد عمر والتي أراهـا غنية بعـدة نقاط ...ربما
    مواضـيعها تصـب جمبعها في خـانة حـرية التعبير... وكيف تري وتطـبق هـذه الحرية
    مـن منظـور عالمي ومن منظـور محلي..
    النسبية والاعتبارات مثل ثقافات المجتمعات ..ايقاع الحياة واهم مـن كـل ذلك والذي
    هـو في قلب ذلك 'الإحسـاس والحرية' ..'حـريتي وحـريتـك' تبـدو هي الركـيزة الأسـاسية
    في مفهـوم حـرية التعبير..

    فكيف يمكـن أن نجـد قياسـا يرضـي الجميع?

    اي كيف يمكـن ان اضـع فكـرة في السـودان تخصـني حـتي وانا أراها عامة.. واصـدر فيها
    حكـما برؤيتي يفجـع اغلبية الآخـرين?

    قضـية خـدمة المجـتمعات عـن طريق الكلـمة... والكاركاتير وغيرهـا مـن الفنـون ..
    هـل يمكنها ان تكـون ذات فائدة ان طـبقناها بشـكل كـامل بعيـدا عـن الثقافات والموروثات الـدينية?

    هـل تتسـاوي الرؤيـة لحرية التعبير كمبـدأ انسـاني في درجـة ممارستها والفهم لها في
    فرنسـا وامـريكـا مـع السـودان مثلا?
    وبمعني آخـر هل تصل الفكـرة المطـلقة للحرية بنفس المستوي للمـواطـنين في فرنسـا
    والمواطـنين في السـودان?

    أم ان ايصـال اي فكـرة يحتاج الي تهيئة القبـول للفكـرة ...واسـلوب التعبير عنها



    كل هذه الاسئلة لا يمكن الاجابة عليها من دون ان يحدد ايا منا منهجه واسلوب حياته عندها وعندها فقط تصبح الاجابة في متناولنا سهلة وبديهية باذن الله

    واسال الله السلامة لي ولكم
                   |Articles |News |مقالات |بيانات

07-08-2006, 03:53 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Ahmed Hamza)

    عمـتي سـت نور تتذكـروها?

    لازم تتـذكـروها لو متابعني... ماهي الزولة الصـدمت اللـوري.... وصـاحبة الحـقة المليانة
    سـعـوط.... والقالت علي الآذان 'قـاع يكـورك' ..والمقررة لسـيـد التاكسي تعريفته مـن
    وجهة نظـرها الخـاصة...

    عمـتي سـت نور والتي كـنا نناديها في طـفولتنا ومراهقتنا بخـالتي ست نور... علما هي
    شـقيقة والـدي...قررت أن تعطيني درسـا في الجـذور كا فعل والـدي وأنا في طـريقي
    للخـرطـوم مـن لنـدن انـوي السـفر للزومة مع ابن عمـتي للمـرة الأولي...

    الدرس كـان انه لازم نفكـر في الزومة بشـكل جـدي شـوية!

    طـبعا ياخـوانا انا اتربيت في الخـرطـوم..والزومة او الشـمالية في تفكـيري زي الجـنوب
    في مخيلةالعرب!

    كـل ما أعـرفه عـن الشمالية اني مـن هنـاك...وماما عاشة وجـدي عثمـان هم الوحيـدين من
    بيتنا كـنت بشـوفهم بيسـافروا الشمالية...

    وكمان بالإمارة ماما عاشة كـانت مواظـبة علي السـفر في موسـم البلح علشان تشوف حـقها...
    أنا في الوقت داك كـنت قـايلاها بتمشي تقعـد تحت النخـل وتطـلع للنخـلة بنفسها علشان
    تحش التمر زي مابيقـولو أهـلي..لأنه ده كـان حـدود تفكـيري!!

    وبعـدين كنت بتـذكـر انها بتجـي راجـعة .. ومـعاها شـنطـة هـدومها المتوسـطة الحجم ..
    بنية اللون و شـنطـة مـن الصـفيح ..يعني صـفيحتين ملحـومات ببعض ولـونهم أخضـر ..
    واحـدة بيكـون فيا قرقـوش حـلو... والتانية فيها كعك بس انا ماكـنت باحبه عشان كـان شـكله
    مخـيف...كـبير وزي الحجـر... وغير كـده الكحكايه فيها نقـوش غـريقة جـدا... مازي كحكنـا في الخـرطـوم..أفتكـر الزولة الخـبزتو ما أخـدت اكـتر من تلاته دقايق في عجـنه.. وتقطـيعه..
    ووضـعه في الفـرن..

    وفكـرتا كـانت عـن الشـمالية... انو فيها عقارب كـتيرة أكـيد هاتعضـك لو مشيت..
    والكـلام ده كـنا بنسمعه مـن اهلنا لامن يزورنا ....بيقـولوه في وسط الونسه البنكـون
    متابعنها من بعيـد..

    والمشكـلة التانية إنه الوقت داك ماكـان فيها كـهرباء.. يعني طـيب الناس بالليل
    بتعمـل شـنو?

    وبرضـو كمان تلاجـات مافي... طـيب ده معناتو نشـرب مـوية مـن الزير بس والمصـيبة الأكـبر
    تلفزيـون برضـو مافي...غـايتو!

    ولما عـرفت انه مخـاوفي كـلها خـلاص بقي ماليها اسـاس... كـنت قـد إنشغلت بحياتي والـدنيا
    ونسيت الشـماليه...
    المهم رحـلتي مـع ود عمـتي كـانت نقلة كـبيرة لي..الواحـد لازم يشـوف بـلده مـوش?

    ولازم يحـاول يعرف ليه الزهـرة ونفيسـة خـالاتي ديل قـويات ..وونستهم سمحـة كـده?

    وليه خـالة ابوي الحـرم وسـرور طـيبات طـيبة ماليها حـد... وكـلامهم الشايقي وصـاف ومقعـد..

    وكـانت رحـلة جميلة شـديـد..والناس المشيت معاهم كـانوا شـايلني في رموش عيـونهم..
    العايزة اقـوله هنـا انه الخليفة انتقـل وكـان قايـل عنـده بيت كـبير مبني تمام في
    الشـماليه..
    وانـا مشيت بالفهم ده..أشـوف محـل ولـدو الخـليفه.. وعمي علي ..وعمتي فاطـنة
    وست نور..وكمان اقعـد فيه أتخيل حـبوبتي زينب بت يحمـد البلالية تعـوس كسرتها..
    وتفرك ملاحها.. ويجـي جـدي عبـد الرحمـن خـوجـلي جـايبله في يـد مخـلاية خضـار.. أبوي
    يجـري يشيلا منه وعمتي فاطـنة تلحـقـو بكـوز مـوية!

    وكـانت المفاجـأة...

    البيت علي مسـاحـة واسـعة وعالية وجـنبو بير مـويتـو ...المفاجـأة انو البيت موجـود
    لكـن كـان ما موجـود..كيف?

    أين ذهـب مـنزل الخليفة ياأحمـد حمـزة?

    نواصـل..

    مـني

    (عدل بواسطة Muna Khugali on 07-08-2006, 05:31 AM)

                   |Articles |News |مقالات |بيانات

07-08-2006, 04:34 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)



    البكـاء علي الأطـلال...جـزء في بيت الخـليفـة!

    نـواصـل...

    مـني
                   |Articles |News |مقالات |بيانات

07-08-2006, 05:35 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    منى الحبيبـة


    التعامل مع الحيوانات المختلفة تجربـة مهمـة في حياة الإنسان,

    بالذات ونحن الناشئين في بيئات ريفيـة,

    على العموم من كل تجربتي , فالضـأن هي اكثـر الحيوانات وداعــة,

    أهلنا يقولوا ليك:

    ديل ماتوا مـوت الضـان, (ميتة سهلة بدون مقاومـة) , لأن الضأن لا يقاوم كثيرا, غالباً تدهسـه السيارات في الطرق لأنه لا يسعى بقوة في الهـرب,

    الزول دا ضانايـة : إذا كان سهـل الخـداع,

    التعامل مع البقـر هـو الأخطـر على الإطـلاق, بالذات الثيران, فإثارة الثور سهلة وتكلف الكثير, الثور الهائج لا شئ يوقفـه, ويسمى في هذه الحالة (شــوش). رائحة الدم هي اكثر شئ مثير للثور,

    التعامل مع الإبل أسهـل رغـم كبر حجمها وارتفاعها,

    نعود لموضوع الغنـم , فهي شريرة بحق وتعد من عوامل التعرية تأكل كل شئ حتى جذور الأشجار,

    هناك نباتات لا تستسيغها أي حيوانات سوى الغنـم , الغنـم تأكل النباتات الشوكية المتواجدة بكثرة في وسط السودان (حزام السافنا,)

    وتأكل حتى عشاء (الخملة) من الناس - المثل - (الزول دا الغنماية تاكل عشــاه .. )

    من الأغنام المميزة عندنا في السودان , غنم جبال النوبـة وهي صغيرة الأحجام خفيفة الحركة دقيقة الشعر لا يبدوا عليها السمن وكثرة الشحم وقصيرة الحجم وتسمى (التـقـر),

    التقر حيوانات صغيرة لم أر في العالم غنماً مثلها سوى الغنم الصومالي وهو شبه ليس مطابقاً تماماً, لا تكون لبونة أبدا فأثداء الأنثى منها صغيرة لا تكفي الدر لسقي السخلان ولحمها قوي,

    عموما هي سياحة بينكم وهذا ما يطيبها

    لكم خالص ودي,

    أحمـد الشايقي
                   |Articles |News |مقالات |بيانات

07-08-2006, 06:45 AM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: أحمد الشايقي)

    Quote: الواحـد لازم يشـوف بـلده مـوش?

    لانو البلد راحة بال
    الانسان هنالك يعيش ببساطته
    والطبيعة التى من حوله
    اهدته السعادة فى اعمق معانيها
    والخضرة والماء يحسنان وجهه

    ______
    لما مشيت السودان السنة الفاتت، قضيت معظم الاجازة فى البلد
    الناس والجناين والبحر
    النيــــــــــــــل
    آآآآآآآآآآآآآآآآآآه
    والنيل من نشوة الصهباء سلسله وساكنو النيل سمار وندمان
    رحم الله الدكتور عبد الله الطيب


    شكرا شقيقتى منى للاتكاءات اللا معدودة throughout هذا البوست الرائع المتعدد الصفحات
                   |Articles |News |مقالات |بيانات

07-08-2006, 07:16 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: أحمد الشايقي)

    عزيزي احمد ... غنم حزام السافنا في السودان تسمي " Nubian Goat " وهي احسن سلالات الاغنام عند المختصيين بتربية الاغنام ( تعادل في ذلكم سلالات الخيول الاصيلة العربية عند المهتميين بتربية الخيول ) والاغنام النوبية تعرف باذنيها الطويلتيين وانف يطلق عليه الانف الروماني وهي قليلة اللبن الا ان لبنها غني بالدهن.. والاغنام النوبية ودودة ( مش بتاعة مشاكل يا مني) وتحب مصاحبة البشر الا انها تصير مزعجة وعنيدة ان ارادت شيئا

    توجد صورة :
    http://www.sudaneseonline.com/upload/passport/modified/00070.jpg
                   |Articles |News |مقالات |بيانات

07-08-2006, 06:24 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    EVERYDAY purified Goat's Milk Premium Cream Bath -Pamper your skin in purified Milk -Nature's finest skin in revitalizing Agent

    يامني وصباح اليوم دغش وانا اتصفح صحفية اليوم وجدت الغنماية -بيضاء - وصورتها علي زجاجة والكلام اعلاه ...وديل شركة من اليابان - يعني ما كضب -
    وقت يمكن الموضوع صدفة وياقوقل فتش ووجدت عشرات المواقع عن حليب الغنماية شئ لبشرة المراة وشئ للطفل وشئ صابون وشئ لوشن وريحة ( عشان ما تقولي تاني زفر )..وسع احسن ترجعي الزومة وحولي الاطلال الي مصنع لمنتجات حليب الغنم قبل واحد من العفاريت ديل يلطش الفكرة .. اهو عندك واطة الاطلال وغنم خيلانك وعماتك و ناس البابا والماما واكيد رافت حيفكر في الاستثمار كمستثمر خارجي ..
    وكان ما مصدقة شوفي الرابط دة :
    http://www.spiritgoat.com/categories.php?PHPSESSID=8435...b91381ab9553dfa4023f

    شايفة البيبي المتحكر في الوسط بعد استعمال اللوشن بتاع لبن الغنماية حلو وبيجنن كيف

    وتقولي لبن الغنماية "زفر "
                   |Articles |News |مقالات |بيانات

07-08-2006, 09:01 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: وتحب مصاحبة البشر الا انها تصير مزعجة وعنيدة ان ارادت شيئا


    طـيب نحـنا نعـرف كـيف إنها حـبت تكـون عنيـدة بس 'عشـان ارادت شـيئا'?

    ولا وقتها بتاع العناد ده بيجـي متين ?


    بيني وبينك دي غنماية غتيتة..وغتاتها غميسـة!

    ونـواصـل..

    مـني
                   |Articles |News |مقالات |بيانات

07-08-2006, 09:15 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: ولا وقتها بتاع العناد ده بيجـي متين ?


    دة سؤال دة...؟ ما بتجي تقول" ماااا ماااا" والناس تتغاتت وما تديها ماء يعني الا تعرب الجملة "ماااا ماااا " ؟
                   |Articles |News |مقالات |بيانات

07-08-2006, 05:00 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: لما مشيت السودان السنة الفاتت، قضيت معظم الاجازة فى البلد
    الناس والجناين والبحر
    النيــــــــــــــل
    آآآآآآآآآآآآآآآآآآه
    والنيل من نشوة الصهباء سلسله وساكنو النيل سمار وندمان
    رحم الله الدكتور عبد الله الطيب



    عـارف ياياسـر...

    يـوم أنا هأمشي الشمالية لـو ربنـا كـتب لي عمـر...

    وشـوفتـواالبيت الفي الصـورة ده? او ماتبقي منه?

    أمشي أجـيب طـين كـتييييير..وأبني 6 حـيط (جـدران بالعربي) كـل 3 حيط اكـمل
    بيهم اوضـة...واشتري بابين و4 شـبابيك...
    وبعـدين أجـيب لكـل أوضـة 3 عناقريب كـبار...ودولاب
    وبعـدين أحـت عناقريب 6 في البرنـدا...وافرش رمـلة...وأكـون في الوقت
    داك...زرعت لي حـوضـين تلاته خضـار..وزرعت لي راكـوبة في ركـن فيها نبات متسلق
    وبعض الزهـور ..تكـون الراكوبة فيها زيرين وجـنبهم قلة صـغيرة..
    وبعـدين بنابر منسوجـة بالحبل..

    وجـنب الراكـوبة في المطـبخ ..طـبعا محـل الطـبخ في الأرض..وعنـدي حلل وصـاج
    ودوكـة وباقي العـدة وطربيزة حـشـب ما لامعة..يعني ماعليها بوليش..

    اما الناحية التانية مـن البيت فيها نخـلات حـلوات وجـنبهم زرع جميل..
    والشـبابيك والأبـواب يكونوا خشب ماعليه بوهية...

    الليلة نسيت أهم حـاجـة...عـرش البيت...المطـرة كـانت هاتهـد البيت تاني!!

    تفتكـروا دي حـاجـة صـعبة تتنفـذ?

    نـواصـل
                   |Articles |News |مقالات |بيانات

07-08-2006, 05:40 PM

ابي عزالدين البشري
<aابي عزالدين البشري
تاريخ التسجيل: 28-03-2006
مجموع المشاركات: 1178

للتواصل معنا

FaceBook
تويتر Twitter
YouTube


تعالي نغير الاسم (Re: Muna Khugali)

    الأخت منى، طالت رحلتي معك، وأنا الذي كنت أحسبها لحظة. ولسان حالي كما قال المغني : صديق أحمد

    (أنا فتر ، غلبني جاريه). والغريبة لم أمل لحظة، ولكن يبدو أن كثرة الزوار للبوست أرهقت كاهل

    السيرفر الالكتروني، فأصبحت أنتظر زمنا غير يسير ليفتح لي الصفحة كاملة. أنا لا أحتج وسأظل

    مداوما على الزيارات ، حتى لا تفوتني شاردة ولا واردة، على أن لا أفكر في كل التفاصيل.

    تعالي نغير الاسم ونجعله (تعال اسكن معانا).

                   |Articles |News |مقالات |بيانات

07-08-2006, 06:56 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: تعالي نغير الاسم (Re: ابي عزالدين البشري)

    وعلشـان خـاطـر ابوبكـر هأجـيب في البيت غنمايتين نوبيات قصـار..
    وأقـعـد اغيظـهم في الظـهرة عشـان أشـوف زعلهم كـيف..

    وعلي خـالي بيـديني حمار علشـان اعـمـل ليه كـارو اتحـرك بيه ..
    علشـان أبي سـاكن معانا واحيانا بنطـلع العصـرية بـدري في زيارات ..
    ايه رأيـكم نرتب رحـلة للسـودان?

    كـدي نفكـر في الموضـوع ده هنـا جـديـا..وماتخـافـوا ماهشـغلكم
    في بناء بيت الشمالية!

    لكـن اسه لازم عاطـف عمـر وسـلوي وسـعـد والناس الطـولت مننا دي كـلها يجوا يخططـوا
    معانا..مـوش?

    نواصـل...

    مـني
                   |Articles |News |مقالات |بيانات

07-08-2006, 09:28 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: تعالي نغير الاسم (Re: Muna Khugali)

    Quote: أين ذهـب مـنزل الخليفة ياأحمـد حمـزة?


    البيت موجود وعامر باحفادو
                   |Articles |News |مقالات |بيانات

08-08-2006, 00:05 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: تعالي نغير الاسم (Re: Ahmed Hamza)

    Quote: وعلشـان خـاطـر ابوبكـر هأجـيب في البيت غنمايتين نوبيات قصـار..


    يامني علشان قلنا اسمها "غنماية نوبية " افتكرتيها من بقية اهلي...ما كل السودان كانو بيقولو عليه نوبي وبعديين طلعتولنا بشايقي وجدهم سمير وحكاية عرب حر وكلام زي دة ...برضكم نوبيين حتي لو كنتو احسن شعرا وصافيين واحس غنايين واسمح ناس في الدنيا ....
                   |Articles |News |مقالات |بيانات

08-08-2006, 02:18 AM

عماد محمود علي

تاريخ التسجيل: 13-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: تعالي نغير الاسم (Re: abubakr)

    Quote: وقبل ما أمشي اقـوليك حمدلله علي سـلامتك ياعماد وربنا يتقبل..أدينا دعـواتك وانت لسه جـديـد.


    أصيلة يا بنت الخليفة والله دعيت ليك بالاسم وللوالدة أمنا ماما جارة وللخليفة ولمنال ولماجدة وللشهيد مصطفى ولكل الأسرة الكريمة .

    وشفتي يا منى ناس الامتداد ديل ولا واحد فيهم قال لي لما جيت مسافر تمشي وتجي بالسلامة ولا لما جيت مافي حد فيهم قال لي حمد لله على السلامة !!! شفتي كيف هنت عليهم ، معليش البركة فيك يا راقية .
                   |Articles |News |مقالات |بيانات

08-08-2006, 05:20 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: تعالي نغير الاسم (Re: عماد محمود علي)

    Quote: أصيلة يا بنت الخليفة والله دعيت ليك بالاسم وللوالدة أمنا ماما جارة
    وللخليفة ولمنال ولماجدة وللشهيد مصطفى ولكل الأسرة الكريمة .



    شـكرا علي دعـواتك الكريمة وصلت ...وكيفن ماتصـل وهي جـاية مـن بيت المصـطفي عليه
    الصـلاة والسـلام..تسـلم..


    Quote: وشفتي يا منى ناس الامتداد ديل ولا واحد فيهم قال لي لما جيت مسافر تمشي وتجي
    بالسلامة ولا لما جيت مافي حد فيهم قال لي حمد لله على السلامة !!! شفتي كيف هنت عليهم ،
    معليش البركة فيك يا راقية .




    ايه.. قـول بسـم الله! مـو وحـدك النسـيوه عمـاد خـيي..نسـونا زمان ناس الإمتـداد!
    إن كـان جـنبك كـان رابطـة كـور ولا كمان دكـان باسطـي.. كـان خـياني ديل ظـهرولك..
    أماني مابيريـدو البقالات ومحـلات الباسطـة والكـوره..

    حــبوبتي زمان قالت لي..

    كفي أحـشي!
    مو خـشـمي ده? بس قـفلتو ضـوم!

    نواصـل..

    مـني
                   |Articles |News |مقالات |بيانات

08-08-2006, 05:39 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: تعالي نغير الاسم (Re: Muna Khugali)

    Quote: واكيد رافت حيفكر في الاستثمار كمستثمر خارجي ..
    وكان ما مصدقة شوفي الرابط دة :
    http://www.spiritgoat.com/categories.php?PHPSESSID=8435...b91381ab9553dfa4023f



    يالله يا رأفت أنا مني الغنم والزريبة .. لقد آن الآوان
    أن نجعل من زفارة لبن الغنم إستثماراً .. وحاول وسع
    العملية شوية لأنو المنافسة شديدة في السوق ولازم نفكر
    صاح وما نرمي أي حاجة .. وتكون ساقية الاستثمار مدورة
    24 ساعة ولا سودانيزونلاين ولا مشاكل الوحدة والإنفصال
    ندهن شعر الغنم من دهان مصانعنا ونصنع منها حاجات
    للسوق علاج للصلع وشعار مستعار لكنه مدهون .. ونكتب
    على باب المصنع (ندهن مما نصنع) ..
                   |Articles |News |مقالات |بيانات

08-08-2006, 05:55 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: تعالي نغير الاسم (Re: Mohamed Abdelgaleel)

    Quote: على باب المصنع (ندهن مما نصنع) ..



    ويللا... هـو الكـدب بفلـوس?

    جـات علينا و حـرم?


    نـواصـل


    مـني
                   |Articles |News |مقالات |بيانات

08-08-2006, 05:52 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    أخـونا أبوبكـر


    غنمك ديل ما (تقــر) جبال النوبـة... ديل غنم دنقلا, في فـرق كبير جــداً بين نــوبي ونــوباوي.

    الحيوانات الأليفـة دي انا بعـرف فيها.


    والمتوحشـة أيضـاً في ( حزام السافنـا),

    لكم جميعا التقديــر,


    أحمـد الشايقي
                   |Articles |News |مقالات |بيانات

08-08-2006, 07:47 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: أحمد الشايقي)

    عزيزي احمد ..لا تغولا علي اختصاصك ولكن الظروف وعلاقة حيث اخي استاذ في علم الحيوانات معروف في اوساطهافي الامم المتحدة والمنظمات المتخصصة وحين طلب مني صديق اماراتي قبل عقدين ان اتي اليه بغنم نوبية سالت وعرفت واتيت باوراق من اخي حيث كان النت مازال في قبضة البنتاقون وعرفت ان هنالك غتم تسمي Nubian Goatوليس Noba Goat وهي نفس الاغنام التي كنت ارعاها في النوبة قبل السدالعالي (شبيهة بالصورة التي ارفقتها برسالة سابقة )..وهنالك مواقع عديده في الشبكة لافراد ومزارع تربي هذه الاغنام للتجارة وببحث بقوقل تحت Nubin Goat تجد الكثير ... وهنالك من يطلق علي سلالاتها المهجنة Anglo Nubian Goatواذكر في مطلع الثمانيات ان زرت اخي وكان مسؤلا عن وينروك ويوس ايد في كبنبا ورايت مزارع لهذه الاغنام يهتم بها ...
    انا ناشط نوبي (من النوبيين في الشمال) واعرف جيدا الفرق بين الاثنتيين ولدينا فرع من النوبيين في الجبال يسمس نوبي الجبال Hill Nubian اما نحن في الشمال فنوبي النهر ولمزيد في هذا الصدد امل ان تزور موقعي :
    http://thenubian.net
    ودمتم

    (عدل بواسطة abubakr on 08-08-2006, 07:49 AM)

                   |Articles |News |مقالات |بيانات

08-08-2006, 06:17 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    سلامي يا منى والتحيات .. لك ولأسرتك الكريمة
    متابعين ومستمتعين .. متعك الله بالصحة والعافية
    عجبتني جداً .. كفى احشا .. والألف في احشا (سايلنت)
    طالما قيلت لي .. وحاجات كثيرة زيها للجم شقاوتنا البريئة ذات زمان
    بتذكر منها : " الليلي إن بقا عمرك أردب سمسم آآبخليك .. في معرض الوعيد بعقوبة
    كنت بحب أردب سمسم دي وأسمعها كلمة واحدة (أردبسمسم)
    وتعجبني موسيقاها .. عاملة زي شنو عارفة ؟
    خيل جارية في شقها الأول .. وصوت يهمس في أذن ما في شقها الأخير
    ولزمان لم أحر لها معنى .. ولما عرفت معناها صرت أعد أردب السمسم دا
    سمسمة .. سمسمة .. عندما يطير مني النوم .. ومن أول عشر سمسمات بيض
    تتلوهن عشر بنيات .. ديك يا نومة
    سلامي من جديد
                   |Articles |News |مقالات |بيانات

08-08-2006, 07:20 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: hameem)

    Quote: عجبتني جداً .. كفى احشا .. والألف في احشا (سايلنت)


    آآي مـدغـومة..شـفت مـدغـومة دي كيف? حـاجـة جـات براها مـن ذاكـرة ايام المـدرسـة..
    طـبعا أنا دايما كـنت بفكـر القـواعـد والنـحـو ديل فايـدتهم شـنو?

    عرفت فـايـدتهم مـن نتيجـة الإمتحـانات..غصـبا عنـك لازم تجـيب نتيجـة كـويسـة والا
    تفقـد مجمـوعك... ومايكـون في مكـافأة..والمكـافأة ممكـن تتحمـل غيابها..لكـن
    النظـرات والتعليقات اياها دي تسـوي فيها شـنو?!

    ولا تجـيب كحكـات ويحـرق الكـحـك في الفرن.. وامكـن ينتهي أكـله وانت لسة سـمعتك
    الكـحكية علي كـل لسـان في البيت..وكـله الا كـده.. معتصـم عـوض خـوجـلي بس الكـان
    بيتحمـل منظـر الكحـك في الشـهادة... والتعليقات المستمرة لغاية نتيجـة الفترة
    الدراسية التانية..
    لكـن دلـوقتي فهمت اكـتر سـبب القـواعـد... اهـو برضـو القرش الأبيض ينفـع
    في اليـوم الأسـود..
    وبصـراحـة... كـتير جـدا بحـتاس في كـتابة كـلمة... وبقـوم اخليها علي الله
    ومرات بتمهااستهبال..ده كمان سبب تاني لفيـدة النحـو والقـواعـد...
    لكـن معقـولة ياخ نـدرس لغـة عـربية 12 سـنة وبرضـو لسـه بنغلط?
    دي حكـاية صـعبة شـديـد خـلاص!


    Quote: عجبتني جداً .. كفى احشا .. والألف في احشا (سايلنت)
    طالما قيلت لي .. وحاجات كثيرة زيها للجم شقاوتنا البريئة ذات زمان
    بتذكر منها : " الليلي إن بقا عمرك أردب سمسم آآبخليك .. في معرض الوعيد بعقوبة
    كنت بحب أردب سمسم دي وأسمعها كلمة واحدة (أردبسمسم)
    وتعجبني موسيقاها .. عاملة زي شنو عارفة ؟
    خيل جارية في شقها الأول .. وصوت يهمس في أذن ما في شقها الأخير
    ولزمان لم أحر لها معنى .. ولما عرفت معناها صرت أعد أردب السمسم دا
    سمسمة .. سمسمة .. عندما يطير مني النوم .. ومن أول عشر سمسمات بيض
    تتلوهن عشر بنيات .. ديك يا نومة
    سلامي من جديد


    وبين الجـري والهمسـة......اييييييييييك من احـاسيس!
    باقيلك بنلقاهن تاني?
    يبقا...ترانـا بنحـاول!


    علي فكـرة دي اسـرتنا كـلنا ياهميم وانت في قلبها معانـا

    ونـواصـل مـع السـسم أرادب والغنم والشـمالية

    مـني
                   |Articles |News |مقالات |بيانات

08-08-2006, 07:36 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    ولا آه... إنت تقصـد أسـرتي التانية?
    هـي برضـه بقت اسرتكم!

    كـدي عاين لحـاجـه الحـلوة الجـابا ابوبكـر دي..قـال دي غنم!
    بالعقـل كـده دي غنـم والعنـدنا برضـه غنم?






    نـواصـل

    مـني
                   |Articles |News |مقالات |بيانات

08-08-2006, 08:27 AM

ابي عزالدين البشري
<aابي عزالدين البشري
تاريخ التسجيل: 28-03-2006
مجموع المشاركات: 1178

للتواصل معنا

FaceBook
تويتر Twitter
YouTube


أحمد الشايقي ، يمتنع(زي مابقولوا) (Re: Muna Khugali)

    .

    الأخت منى

    ما عندي مانع أمشي الشمالية معاكم وأساعد في بناء البيت، بس بي شرط أحمد الشايقي ما يشغلنا (ترابله ويعمل هو الأسطى علينا).
    ولا ما حتبني جالوص ، الحمد لله الشايقي طلع بره، لكن الخوف يطلع لينا بي القانون، ما تخافي في خلا الله داك كان نضم بنعصرو. هو عارف قانونا (أبو عضلات) ولا ما قراهو؟.
    هوي تعليقي ده ما يشوفو، دسيه في قعر البيت



    .
                   |Articles |News |مقالات |بيانات

08-08-2006, 07:05 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: ابي عزالدين البشري)

    ما عندي مانع أمشي الشمالية معاكم وأساعد في بناء البيت، بس بي شرط أحمد الشايقي
    ما يشغلنا (ترابله ويعمل هو الأسطى علينا).
    ولا ما حتبني جالوص ، الحمد لله الشايقي طلع بره، لكن الخوف يطلع لينا بي القانون،
    ما تخافي في خلا الله داك كان نضم بنعصرو. هو عارف قانونا (أبو عضلات) ولا ما قراهو؟.
    هوي تعليقي ده ما يشوفو، دسيه في قعر البيت



    لالا...لا تخـاف شـي...مابشـوفه... هـو مـا بجـي هنا الا مرارا (مـن مرات)
    لكـن سـؤال..
    هـو بني البيت ده بالـطين ولا بالجـالوص?

    باقي لي بالطـين... لأنه التاني ده ذاتـو ماباقي لي متوفـر كـتير..كـدي النشوف
    الباقيين يقـولـوا شـنو بعـد داك ودالشـايقي بنـدخـلك معاه واسطـة ..

    ود حمـزة مالك ماظـهرت علينـا?
    كـمان عايزين رأيـكن ياغـادة وانعام..


    نواصـل...

    مـني
                   |Articles |News |مقالات |بيانات

09-08-2006, 03:14 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: Muna Khugali)

    Quote: كـدي عاين لحـاجـه الحـلوة الجـابا ابوبكـر دي..قـال دي غنم!
    بالعقـل كـده دي غنـم والعنـدنا برضـه غنم


    ومن الغنم ما شبع ..

    بالله شوفو معنوياته عاليه كيف؟
                   |Articles |News |مقالات |بيانات

09-08-2006, 03:32 AM

Manal Awad Khugali
<aManal Awad Khugali
تاريخ التسجيل: 03-05-2006
مجموع المشاركات: 407

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: Mohamed Abdelgaleel)

    إزيكم
    والله النصيحة دايرة أجي اتونس معاكم لكن ظـروف الخرطوم دي دمها تقيل خلاص,
    كان عنـدك مزاج تتونس تحصل ليك حاجات تمنعك الونسة, غايتو حال مابيتعدل
    بس المهم دايرة اسه أقول ليكم شكرا علي دعواتكم لماما جارة وزي مابتقول مي انتو
    فعلا اسرتنا البنحبها

    قلت ليكم

    أنا عندي صورة غنمايه لون جلدها برتقالي علي بني, وفيها نقط صفرا,
    وبعدين الغريبه اضنينا بني غامق, أجيبها ليكم هنا?
    منال
                   |Articles |News |مقالات |بيانات

09-08-2006, 11:46 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: Manal Awad Khugali)

    Quote: أنا عندي صورة غنمايه لون جلدها برتقالي علي بني, وفيها نقط صفرا,
    وبعدين الغريبه اضنينا بني غامق, أجيبها ليكم هنا?


    كيف والانترنيت عندكم ضارب وغنمايتك زي اشارة المرور بني علي برتقالي وكمان اصفر ..وبعدين لون جلدها يعني تحت الشعر طيب شعرها لونو شنو ؟؟ يابتي انت والا مني الكبيرة -يعني منو 15 ومنو 14 -علشان نحدد زيهامر مني دة جاي منيين ؟
    ورنا يخليلكم امكم وتكونن فرحانات دوم

    (عدل بواسطة abubakr on 09-08-2006, 11:49 AM)

                   |Articles |News |مقالات |بيانات

09-08-2006, 03:36 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: Muna Khugali)

    منى الحبيبة وأستاذي أبي عز الدين والأخوات والإخوة الكرام,

    منى كشفت نفســهــا: براهـا كشفت نفسـهـا وانا ما بدسـو ليها بكلمكم طوالي.....

    Quote: لالا...لا تخـاف شـي...مابشـوفه... هـو مـا بجـي هنا الا مرارا (مـن مرات)
    لكـن سـؤال..
    هـو بني البيت ده بالـطين ولا بالجـالوص?


    الجالوص والطين حاجـة واحـده البناء بالطين (أطواف) هـو ما يسمى بالبلدي أو الجالوص,

    ( منى عـوض خوجلي ..... حنكوشــة كبيــرة ..... )

    يلا يا جماعة حيـوا حنكوشــة المنبــر , دا لقب جـديد,.................

    ( هــو الحـليـب لبن ... يا أستاذ أبـي .. )؟

    أحمـد الشايقي
                   |Articles |News |مقالات |بيانات

09-08-2006, 05:39 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: أحمد الشايقي)

    Quote: يلا يا جماعة حيـوا حنكوشــة المنبــر , دا لقب جـديد


    أنـا حنكوشـة?

    أبـدا.. ابـدا...

    أنـا زمان كـنت حنكوشة... لكـن دلوقتي بقي خـلاص..بقيت شـاطـرة وملحلحة... وكمان بغسـل
    وأكوي واعوس قراصـة واعـمل الملاحـات كـلها ماعـدا الملاح الأحضر...وبفـطع البصـل عادي
    بإيـدي والـدموع ما بتنزل من عيني الا لماما'..

    وعلشان كمان تعرف زيادة ...أنا بركـب اللواري واسافر وابيت في الخـلا علي الرغـم مـن
    خطـورة ذلك..

    وأقـول ليك كـلام أخطـر?

    انا بركب المواصـلات العامة في الخـرطـوم..وانت عارف شـكلها كيف..وبرجـع مـن حـي مايو
    بعـد ما أخلص شـغلي في الحـافلات براي!
    صـحيح في زول لازم يكون معاي يركـبني... ويقيف لغاية مايوصـي السـواق علي... ولغاية
    العربية ما تتحـرك..
    لكـن ده برضـو في رأيي تصـرف آت مـن زول مامحنكش..

    ولو انت كنت بتركب حـافلات مايو الخـرطـوم دي.. كـنت آمنت بإني غير حنكوشـة علي الإطـلاق..
    طـيب إنت شـفت لما الولـد الكمساري الماعنـدو شـنطـه ولا تذاكـر يصـرخ فجـأة وبـدون
    مقـدمات بـكلمة كـده ..ولايطـطق بأصـابعة بما معناه ادفعـوا?
    وتقـوم واحـدة ترد بصـوت مسرسـع..

    ماعنـدي!

    يقـوم الكمساري يرد ليها والشرر في عيـونه أحمـر,

    وراكبه ليه وماعنـدك قروش?
    يللا أدفعي ولا انزلي!

    ويتكـرر الموقف مع عـديدين... وفي كـل لحظـة انا بأحس اني في خطـر لكـن بواصـل معاهم...
    كـنت عرفت يا احمـد انا ماحنكوشة.. ولو انا حنكوشـة كنت انزل ولا ما أرجـع تاني..

    اقـول ليك كمان حـاجـة تانية كـدليل ادعم به دفاعي?

    لأ ماهأقـول!

    قـال انـاحنكوشة!

    أمابالنسبة للطـين والجـالوس ... أنا استشرت وسـامح الله مـن أمـدني بتلك المعلومة
    وكويس يا اسمـك ايه' جـبت لينا الحـنكشة..

    طـبعا زمان لما كـنا صـغار يعني قبل مائة عـام...كـانو الناس بتبني بيوت الزباله ب
    'إخيييي معرفش ايه..وكـان بعض الجـيران بيكـرروا الترميم بسبب الخـريف..بيني وبينكم
    كـانت الريحـة فظـيعة مستمرة عـدة ايام..

    واحنا غصـبا عننـا نتحملها..وكـنا بنستغرب كيف المطـرة لما تجـي مابتسيح الهباب ده ..
    لكـن بعـد كـده ضـاع التساؤل ده وسط زحمـة الأسـئلة التانية... كـنا نقعـد نتسائل...
    طـيب ده بيتهم وهم حـرين فيه..يبنوه بالطـريقة البتعجبهم وبالمادة البتريحـهم ..
    بس احـنا ذنبنـا شـنو?

    واهـو رجـعنـا تاني لجـزئية في حـرية التعبير!

    أنـا دلوقتي كـان نفسـي أكـمل بني بيت الخليفة..لكـن الموضـوع دلوقـتي بقي صـعب..و

    انـا يـادوب يا جماعة فهمت الخـليفة كـان بيقـول لينـا عيب ليه لما كـنا نقـول اخيييي
    علي ريحـة الزباله المعجـونة!

    أتـاريه كـان عامل نفس العمـلة في الشـمالية!

    طيب يا أحمـد...انا اسه بجـيب الشـفع يجـروا وراك ويقـولوا ليك..

    الحنكوش اهـو.. اهـو


    ونواصل كيفما شـاء لنـا التواصـل

    مـني

    مـني
                   |Articles |News |مقالات |بيانات

09-08-2006, 05:48 AM

عماد محمود علي

تاريخ التسجيل: 13-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: Muna Khugali)

    Quote: اقـول ليك كمان حـاجـة تانية كـدليل ادعم به دفاعي?

    لأ ماهأقـول!


    قولي بالله قولي يا بنت الخليفة .


    منااااااااااااااااااااااااااال الف حمد لله على السلامة أخيراً ، وين الوعد يا منو ؟ طبعاً نسيتي . !!!!!


    فتكم بعافية يا بنات الخليفة .
                   |Articles |News |مقالات |بيانات

09-08-2006, 06:17 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: أحمد الشايقي ، يمتنع(زي مابقولوا) (Re: عماد محمود علي)

    ياتو وعـد ياعمـده?

    انـا موش زمـان قلت ليكم ماما جـارة قالت لي انتي جـاك الزهايمر?
    انت قايلني بهـذر موش?
    أبـدا... لا هي كـان اتهامها لي بباطـل ...ولا انا كنت بهـذر!
    انا فعـلا 'متزهمـرة'

    انتو الليلة وينو أبوبكـر?
    يكـون بيفسـح في بناته...

    نـواصـل بعـدين وعازماكم كـلكـم قهـوة بمزاج

    مـني
                   |Articles |News |مقالات |بيانات

10-08-2006, 03:23 AM

ابي عزالدين البشري
<aابي عزالدين البشري
تاريخ التسجيل: 28-03-2006
مجموع المشاركات: 1178

للتواصل معنا

FaceBook
تويتر Twitter
YouTube


وأعترض على وجود غادة أيضا (Re: Muna Khugali)

    .

    الأخت منى
    الحمد لله المشكلة الأولى محلولة، لكن برضو بعترض على وجود غادة
    والله كان مشت معانا الشمالية لا تبني معانا ولا تخلينا نبني
    تقعد تفتح لينا بكاء ولا تجيب لينا سيرة كلاماتها البتوجع القلب ديك
    وأنا ما عارف نحن شايلين معانا مناديل كفاية ولا لا
    والغريبة و هي في أرض الوطن حتكلمنا عن الغربة
    الكلام ده برضو كلام سر
    سويتك بيت وقعدت في ضلك

    (عدل بواسطة ابي عزالدين البشري on 10-08-2006, 03:33 AM)

                   |Articles |News |مقالات |بيانات

09-08-2006, 07:42 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: انتو الليلة وينو أبوبكـر?
    يكـون بيفسـح في بناته...


    البكان الانا فيه بعرفو احسن من الخرتوم ..في 30 سنه زرت الخرتوم 6 مرات اخرزيارة قبل 11 سنة وكلو القضيتو فيها يادوبك 5 شهور والبكان دة شهر كل سنة للعشر سنوات الماضية .. بعدما غرقو حلفا وذكرياتي غرقت وصارت تحت الماء مع السمك اي مكان هو المكان ,, مكان ما فيه ذكريات طفولة زي محطة القطر دي محطة وديك محطة ...

    انا عندي شغلات كتار اتعلمتهن غير شغلانة البنايات - ولو انو مني اصلبتت وقالت حتبني بيت جدها لوحدها وانا كل سنة ببني خمسمائة الي الف بيت مكان ما شغال وكلهن بيشتروها ناس زي لكن حكمة ربنا ما قدرت اشتري ولا اودة وعشمانيين في ديك المافي الدنيا دية وجنياتي يشوفو ليهم بيوت بطريقتهم انا اقريهم وادلعهم لحد ما يخلصو واخلص انا
    واليوم انا في شغلانة من ديل وهي ال ITواهو بضبط لابتوبات بناتي وكمان بتاعي الضربو فلروس - تقول الانقاذ - ابي تب يتفك من الجهاز وهو عاملنو اندونيسيين - تقول الكوز الكبير باعشير بتاعهم وراء المؤامرة دي - عاملونا علشان زينا البتقندفو وبوصلو كمبيوترتتهم بالاسلكي واي فاي ...
    المهم البربري مشغول بي بناتو مش بناتو مشغولات بيهو...
    يامني اختك دي لقت انترنيت وين ما انترنيت السودان ضهب والخميس الجاي هو اخر يوم لشركة سوداتيل في سوق المال في دبي علشان يطردوها لانها فشلت وما قادرة توفي العليها ..ولو دة حصل تبقي وكسة فطرد سوداتيل من السوق سيخلق مشكلة لانو حتي شركات الاتصال الاخري كنار اريبا موبيتل مؤجرة منها القيتويGateway
    عموما نخليكم مع غنماياتكم والحليب الما لبن

    (عدل بواسطة abubakr on 09-08-2006, 07:48 AM)

                   |Articles |News |مقالات |بيانات

09-08-2006, 08:09 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: انا عندي شغلات كتار اتعلمتهن غير شغلانة البنايات - ولو انو مني اصلبتت وقالت حتبني
    بيت جدها لوحدها وانا كل سنة ببني خمسمائة الي الف بيت مكان ما شغال وكلهن بيشتروها
    ناس زي لكن حكمة ربنا ما قدرت اشتري ولا اودة وعشمانيين في ديك المافي الدنيا دية
    وجنياتي يشوفو ليهم بيوت بطريقتهم انا اقريهم وادلعهم لحد ما يخلصو واخلص انا




    ممكـن أرجـع عمـري 7 سـنوات وانطط وادور حـولك .. واشـاور عليك وانا باضـحك واقـول

    باب النجـار مخـلع هي ي
    باب النجـار مخـلع هي ي
    باب النجـار مخـلع هي ي
    باب النجـار مخـلع هي ي
    باب النجـار مخـلع هي ي
    باب النجـار مخـلع هي ي

    وأزن بيها كـده لغاية ما اتعب..

    كـاواية موش?

    نواصـل..

    مـني
                   |Articles |News |مقالات |بيانات

09-08-2006, 08:26 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: كـاواية موش?


    مش ومش

    وين الباب ذاتو علشان ينخلع ..
    هسي بيت جدك دة فيه باب .. كان فيهو باب ومن كترة كرم جدك وطريق بالعصاية واليديين طول اليوم خلعو .. ما الدنيا امان.
    انا دحين في شقة باب الاوتيل عنده كرت انفرا ريد اتوماتيكي و الاسانسير لو ما عندك كرت خاص بيهوبرضو IR ياكا القاعد في واطة الله برة والشقة لو ماعندك كرت ممغنط كمان تقول ياليل ما حد يعبرك .. والزي العندو سكري والبنات اتاخرن بالكروت وازنق يسوي شنو .. مش احسن الابواب المخلعة ...
    اها كدي نططي ودوري ...
                   |Articles |News |مقالات |بيانات

09-08-2006, 10:12 AM

عماد محمود علي

تاريخ التسجيل: 13-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: ياتو وعـد ياعمـده?



    ما ح أقول ليك لحدي ما تتذكري كده براااااااك .

    كاواي موش؟!!!! ( ميا الإتعلمناه منك ) .
                   |Articles |News |مقالات |بيانات

09-08-2006, 11:45 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: عماد محمود علي)

    السلام عليكم ورحمة الله
    أها حيتكم ويمكن أسكن
    تعرفوا قطعونى الحوامه. باين الإتصالات تمت وكملت .
    بقيت على مدرسة ود الجليل ولحاظكم النورآ بجهرا
    إزيك يا منال خوجلى وليك وحشة
    Quote: كـاواية موش?
    بس خلونا فى المكاوا دى .
    Quote: البكان الانا فيه بعرفو احسن من الخرتوم ..في 30 سنه زرت الخرتوم 6 مرات اخرزيارة قبل 11 سنة
    قالوا الحلفاوية ساكنة الكلاكلة . رجعت البلد سألوها الخرتوم كيف؟ قالت ليهم هناك نحن زاتنا بنقول رايحين الخرتوم.
    وبعدين يالشايقى سيبك من الطين والجالوص خابر (الريقيطاه)ولا إنت زاااااتك ...
    أها يا منى قصرت معاك
    واصلى
    وآدى قعدة
    رأفت
                   |Articles |News |مقالات |بيانات

09-08-2006, 01:32 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    Quote: قالوا الحلفاوية ساكنة الكلاكلة . رجعت البلد سألوها الخرتوم كيف؟ قالت ليهم
    هناك نحن زاتنا بنقول رايحين الخرتوم.

    وبعدين يالشايقى سيبك من الطين والجالوص خابر (الريقيطاه)ولا إنت زاااااتك ...


    أحمـد الشايقي لو ما جـه اسـه طـوالي يرد علي السـؤال ده..
    يكـون حـنكـوووووووووش متنكـر في شـكـل ينم علي غـير ذلك!


    Quote: أها يا منى قصرت معاك
    واصلى
    وآدى قعدة
    رأفت



    حـاشـاك ماقصـرت... وابـو بكـر خـلاص انا عرفتـه بيتكاوي..ياحـليلو!
    أنـا ذاتي اليوم داك في واحـد شـحـات انجليزي كـاواني هـو وصـاحـبه..
    بيشـحـت وبيتفشـخـر!

    أنا خـتيت ليه جـنيه استرليني بحـاله في الصـحن الخـاتيه جـنب كـلبه..
    حـنيت عليه... وبيني وبينك كـنت ماشـية امتحـان في الجـامعة وعايزة اعمـل خـير
    يـطـمني...

    الخـواجـة الشـحـات اول ماسـمع صـوت الجنيه بيرن في صـحـنه بعـد ماكـان مغمض
    رفـع راسه شـافني وطـوالي قـال لي...آسـف كـنت قـايلك انجـليزية!
    شـوف الزول العنصـري ده? داهيه تاخـدو!

    كـنت عـايزة اشيل الجـنيه حـقي مـن الصـحن... لكـن خـفت مـن الكـلب... ولا كمان هـو
    ذاتو يقـوم يصـرخ ويقـول حـرامي وأنـا منزله ايـدي في الصـحن..
    واكيـد كـان هايكـون شـكلي انا الحـرامي....لأنه شـحات مسـكين في نظـر الناس
    قـاعـد فوق الأرض.. واناالماشية وكمان ايـدي في صـحنه هـو!!

    هـو صـحيح قعـد يضـحك مـع صـاحبه الشحات التاني....علي اساس دي كـانت نكته منو..
    لكـن انا بيني وبينكم كـنت متغاظـه منهم!

    وديك كـانت آخـر مـرة اعمـل فيها حـسنة في شـحات في البـلد دي..خـاصـة لو لقيت
    عيـونه زرقا وشـعره اصـفر!

    (الريقيطاه)

    ممكـن يا رأفت اخـوي تزيـد لينا في فهمنا وتشـرحها لينا?



    ونـواصـل مـع آية والشـحاتين...

    مـني
                   |Articles |News |مقالات |بيانات

09-08-2006, 03:13 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    يـاللهـول إخـوة العرب..

    'الفتنة نائمـة لعن الله من ايقظـها'

    وكفاية كـده!

    بس هـانواصـل

    مـني
                   |Articles |News |مقالات |بيانات

09-08-2006, 07:55 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    لا يا منى,

    أنا زول شيخ عرب وود خــلا, يعني كله معروف بالنسبة لي,

    شكلك ما بتقري المسادير مع الاستاذ المفتاح تمشي هناك تلقي مسادير ياما, كلام وعــر المسالك ,
    يعني كدا الثقافة السودانية الناطقة بالعربية دي كلها تمام فيها.

    الكلاكلة لأنها بعيدة طرف الخرطوم الجنوبي بعرفها طبعا حمنا فيها برجولنا, و (كتلنا) حفلاتها في العلقة وصنقعت والقبة والكلاكلة الوحدة والكلاكلة قطعيـة,
    لفـة الكلاكلة أحلى شئ حيث الالبان والباسطات والعصائر والفرجة في الراكبين طالعين نازلين,

    خلاص , الرقيطاة دي رملـة البحـر ناصـعة البياض على صفرة , تنفع تتفرش وتترش بالموية لتبريد الجــو بعد شمس الظهيرة وتنفع (جلة) لياسـة البرندات والغرف بعد بيت الخليفة ما يكتمل من جوا طبعا ومن برا زبالة,...

    يلا مش شـاطــر ؟ الجائزة شــنو؟

    أحمـد
                   |Articles |News |مقالات |بيانات

09-08-2006, 03:09 PM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    بنمسي عليكم عابرين غير مقيمين .. هذا مع توفر كامل أسباب الإقامة والبقاء
    فالإيقاع هااااادئ والأنفاس المتداخلة متصااااالحة ..
    وما أدري كيف كان سيكون الحال لو أن الدخول إلى البوستات في (الضلمة) ؟؟
    بتخيل نفسي (أكبن) بحثاً عن بوستاً لطيف.. أنيخ عنده من وعثاء يوم حافل والدنيا ضلمة
    والتعرف على البوستات يكون باللمس .. يرد هنااحتمال أن تعفص ليك بوست لغم يقوم ينفجر فيك
    يخرب ليك وزنة سكونك .. يا ساتر
    وعلى وزن البحث عن الأشياء في الضلمة سمعت لي أمس نكتة .. (ما أمس بالضبط يعني)
    تقول : جماعة جو زيارة لواحد أو ألجأتهم إلى داره ليلة ممطرة .. ولم يكن في الدار متسع لكل الرهط فاضطرو إلى الإنحشار في أوضة واحدة رقوداً على الأرض ..
    (أنا بعمل النقطتين ديل لشنو ما عارف )
    واحد من الجماعة قام لقضاء حاجة وجاء راجع يتلمس طريقه إلى مكانه والضلام (تتكل عليه عصاتك)
    صوت : أأأأخ عفصتنا يا الماشي دا (وش محشور بين وشوش مبلولة)
    معليش يا .... دا منو دا والله الدنيا ضلام شديد
    الصوت : أنا (س)
    وبعد خطوات بذل فيها ما يكفي من الجهد كي يستقيم واقفاً ويتقدم لمقصده في ذات الوقت :
    صوت : الله .. ياخي ما تولع ليك بطارية ولا كبريتة عفصتنا طلعت زيتنا
    معليش يا خونا الحتة ضيقة شوية .. إنت (س)
    الصوت : أأي أنا زفت (وش صاري)
    وبعد مجموعة خطوات متعثرات معتبرات
    الصوت : ياخي إنت حكايتك شنو .. مالك عايز تعكر لينا الليلة دي ؟؟
    أوعى تقول لي إنت (س)
    أأأي ياهو أنا ذاتي
    يا سين ياخ انت أصلك عرق بطيخ
    (وشوش محايدة عايزة يتخت فيها التعبير المناسب)
    ـــــــــــــــــــــــــــــــــــــــــــــــــــ
    ملاحظات : ما حبيت السين داخل القوس بعد ما كتبتها
    ذكرتني بمفكوك القوس .. ولقيت نفسي قربت أضرب القوس في القوس
    لزوم صدق : النكتة طرأ عليها كثير من التحوير من عندياتنا
    مافي واحد يقول لي : عابرين غير مقيمين دي استعجلت فيها
                   |Articles |News |مقالات |بيانات

09-08-2006, 06:58 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote:
    حـاشـاك ماقصـرت... وابـو بكـر خـلاص انا عرفتـه بيتكاوي..ياحـليلو!


    شن بكاوي المكوة...؟ اهو تحرقي اصابعينك ونبقي في الكواريك

    صاحبنا بتاع الكلاكة: اصلا الخرتوم دي فين ؟زمان بنعرفها بسكة حديد ودي شالوها واهو مني بتسافر الزومة بالكارو -دي كمان قولي الحلفاوي قاطعها من راسو مافي صور ؟؟
                   |Articles |News |مقالات |بيانات

09-08-2006, 11:05 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: شكلك ما بتقري المسادير مع الاستاذ المفتاح تمشي هناك تلقي مسادير ياما, كلام وعــر
    المسالك , يعني كدا الثقافة السودانية الناطقة بالعربية دي كلها تمام فيها.

    الكلاكلة لأنها بعيدة طرف الخرطوم الجنوبي بعرفها طبعا حمنا فيها برجولنا, و (كتلنا)
    حفلاتها في العلقة وصنقعت والقبة والكلاكلة الوحدة والكلاكلة قطعيـة,لفـة الكلاكلة
    أحلى شئ حيث الالبان والباسطات والعصائر والفرجة في الراكبين طالعين نازلين,

    خلاص , الرقيطاة دي رملـة البحـر ناصـعة البياض على صفرة , تنفع تتفرش وتترش بالموية
    لتبريد الجــو بعد شمس الظهيرة وتنفع (جلة) لياسـة البرندات والغرف بعد بيت الخليفة
    ما يكتمل من جوا طبعا ومن برا زبالة,...

    يلا مش شـاطــر ؟ الجائزة شــنو؟

    أحمـد



    صـباحكـم خـير وسـعـد

    عـارف..
    نت علي الرغـم مـن اـك تأـرت في الإجـابة وقت يسـمح لك بالرجـوع وسـؤال خـالتي
    أم أحمـد أو حـتي الإتصـال بالوالـد والأعمـام في السـودان.. وامكـانية استنجـادك
    بمن يسـكـن الكـلاكلات لإضـفاء تصـوير رملي يجـعلنـا نقتع بما قلت..اقـول علي الرغم
    مـن ذلك..الا اننـا قررنـا ان نصـدقـك... ولا نقـول لك كـما قـال عادل امام الصـعيـدي
    في أحـد أفـلامه..

    'وقعتـك جـل متعاصـة بجـل'


    والجـائزة أخـي ان تقـوم بتطـبيق ماذكـرته مـن معرفـة مادة البنـاء ..
    ان تتبرع لمنزل الخـليفة بطـين وزبالة وجـله وراقطـا وكـل ماجاء ذكـره
    هنـا مادة بنـاء...مايكفـي لبناء ثلاثة حـيط...
    ثـم عليك أيضـا ان تتبرع بجـزء مـن اجـازتك علشان تسـاعـد في عملية البناء بمافيها
    التنطـيط في داخـل المادة المعجـونة..

    كما نمنحـك جـائزة الشرف الأخـري... ونحكـم عليك بأن تشري ضـلفة شـباك لأحـد الغرف
    وسـأكمل انا شـراء الضلفة لأخـري...
    أرجـو ان تسعـدك هـذه الجـائزة ...علشان ده بيت الخليفة وانت تعلم قيمته تماما..

    نـواصـل

    مـني

    (عدل بواسطة Muna Khugali on 09-08-2006, 11:31 PM)

                   |Articles |News |مقالات |بيانات

10-08-2006, 03:13 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    العزيزة منى
    صباح الخير

    [
    Quote: B] لياسـة البرندات والغرف بعد بيت الخليفة
    ما يكتمل من جوا طبعا ومن برا زبالة,...

    تعرف يا الشايقى أنا عايز معاك هدنة. عشان ما لاقى المسادير بتاعة بتاعة المفتاح. خت لى اللنك بعدين نشوف ....
    وبعدين زكرتنى بى لفة الكلاكلة . كنا بنتمول منها ونحن فى رحلة (للغبش) فوق للشيخ الياقوت . زمن جميل.
    وبعدين الريقيطاء (طبعآ أنا كتبت الريقيطاه) غلطة إملائية كالعادة.
    الريقيطاء من اللون (أرقط) طبعآ منى الحن.. ما بتعرف الألوان دى . والأرقط يا منى لون شين جدآ .
    والريقيطاء هى تربةأمدرمان ، خاصة بين المسالمة و المهدية . هى تربة محبحبة كدة زى قطع الحديد المصدى . وبتطلع فى اليد وتوسخ الهدوم . بنوا بيها بيوت أمدرمان القديمة.
    والرملة بتاعتك عندها إسم تانى .
    ماشى المطار أوزع الجماعة وراجع
    رأفت

    (عدل بواسطة رأفت ميلاد on 10-08-2006, 04:39 AM)

                   |Articles |News |مقالات |بيانات

10-08-2006, 04:26 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)




    وبعـدين بعـد ماخـلص الجـوانب الناقصـة يصير المنزل هـكذا..
    وابوبكـر دي هاتكـون أول مـرة تبني بيت طين... بس هنـدسـته ما هاتتعبـك علي
    الإطـلاق..

    ونواصـل احـلامنا الجماعية...

    مـني
                   |Articles |News |مقالات |بيانات

10-08-2006, 10:40 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    في احتمـال نموت في لنـدن..يللا تعالوا قولولينـا سـلامتكم.. ولا بعـدالشر عليـكم
    before it is too late

    كويس?

    نـواصـل..

    مـني
                   |Articles |News |مقالات |بيانات

10-08-2006, 01:05 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: الأخت منى
    الحمد لله المشكلة الأولى محلولة، لكن برضو بعترض على وجود غادة
    والله كان مشت معانا الشمالية لا تبني معانا ولا تخلينا نبني
    تقعد تفتح لينا بكاء ولا تجيب لينا سيرة كلاماتها البتوجع القلب ديك
    وأنا ما عارف نحن شايلين معانا مناديل كفاية ولا لا
    والغريبة و هي في أرض الوطن حتكلمنا عن الغربة

    سويتك بيت وقعدت في ضلك



    لأ غـادة دي موضـوع تاني..


    وأصـلوا اذا احـنا ماشـين الشـمالية وغـادة جـاية معانـا..
    الفايـدة تبقي ايه?
    خـلينـا بره السـودان أحـسـن..
    متغربين.. وعارفـين.. ومقطـعنو في مصـارينـا وسـاكتين

    Quote: الكلام ده برضو كلام سر


    إنت أي حـاجـة تقـولها هنـا قـولها وانت مطـمئن تماما..سـرك في بير!
                   |Articles |News |مقالات |بيانات

10-08-2006, 03:46 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: في احتمـال نموت في لنـدن..يللا تعالوا قولولينـا سـلامتكم.. ولا بعـدالشر عليـكم
    before it is too late
    المصيبة هسة ما فى لندن . المصيبة فى الهوا فوق .
    بطلوا السفر وإنشاءالله سلامتكم
                   |Articles |News |مقالات |بيانات

10-08-2006, 04:19 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    تفضـل يا أخـا العرب..تفضـلوا اخـوتي فالأمـر عاجـل.. ولا بـد مـن النظـر والبت فيه في التـو!
    أرجـو ان تركزوا هنا ونحـن مجتمعين في هـذه الخيمة... والتي نسـعي لأن تصـبح خيمتنـا نحـن فقط...
    وانبهكم... لابـد مـن المحـافظـة علي ما إجتمعنا مـن اجـله وعلي كيانـنا الصافي هـذا..
    فوالله كـل من هو ليس منا يجـب الخـلاص منه..

    علينا ان نعين من بيننا من يحـافظ علي قبيلتنـا هـذه.. فلا نسـمح لهم

    1.........
    2.........
    3.........
    4........

    والطـريق في ذلك يتم كـالآتي

    1.........
    2.........
    3.........
    4........

    وفجـأة يسـأل رأس القبيلة وهـو ينظـر مـن فتحـة في الخيمة ..يري إحـدي الفردات
    (مـن أفراد) تـأتي بماعـون كبير ملئ بلبن طـازج حـلبته مـن ناقـة.. للحضـور..

    هـل نتوقف قليلا?

    وبين همهمات منخفضـة واخـري عالية.. تم الرد علي السـؤال باعتباره أمـرا

    خـلاص كـده

    (عدل بواسطة Muna Khugali on 11-08-2006, 01:10 PM)

                   |Articles |News |مقالات |بيانات

10-08-2006, 09:47 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: تفضـل يا أخـا العرب..تفضـلوا اخـوتي فالأمـر عاجـل ولا بـد مـن النظـر والبت فيه في التـو..
    أرجـو ان تركزوا هنا ونحـن مجتمعين في هـذه الخيمة... والتي نسـعي لأن تصـبح خيمتنـا نحـن فقط...وانبهكم لابـد مـن المحـافظـة علي ما إجتمعنا مـن اجـله وعلي كيانـنا الصافي هـذا..فوالله كـل من هو ليس مننا يجـب الخـلاص منه..
    علينا ان نعين من بيننا من يحـافظ علي قبيلتنـا هـذه.. فلا نسـمح لهم


    ادي اخرتها طلعتو البربري برة خيمتكم ياعرب... انا نوبي رطان.. وانتو عملتوها خيمة عرب ... ما كان العشم ياناس تابط شرا... مرة عبد حبش ومرة جامعة عربية وسد عالي...
    وعاملة مغيوظة من الشحات الانجليزي قال...قال خيمة عرب قال .. ...مالو بيت جدك ما كان شايل قبيلة عل اتفلهمتي وبقيتي عرب وعايزة خيمة بلاستيك بتاعة الانجليز... مالو الشدرة الصغيرة الجنب بيت جدك ماكفاية كلو واحد ياخد صفقة ويختها فوق راسو......يا بيت جالوص او الشدرة او قطية او باي باي.. ممنوع الاجاويد

    (عدل بواسطة abubakr on 10-08-2006, 09:53 PM)
    (عدل بواسطة abubakr on 10-08-2006, 09:59 PM)

                   |Articles |News |مقالات |بيانات

10-08-2006, 04:33 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    التحايا للجميع

    Quote: في احتمـال نموت في لنـدن


    يا بت الناس ما كان تخليها في سرك. الموت حق وما منو خوف, شخصيا,الخوف من الدفن في الغرب

    Quote: متغربين.. وعارفـين.. ومقطـعنو في مصـارينـا وسـاكتين


    نحن ساكتين المشكلة البسكت مصارينا شنو?

    احمد
                   |Articles |News |مقالات |بيانات

10-08-2006, 10:15 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote:

    في احتمـال نموت في لنـدن..يللا تعالوا قولولينـا سـلامتكم.. ولا بعـدالشر عليـكم
    before it is too late

    هي واشنطن دي في لندن ...... قالو التيارات المسافرة بين لندن وواشنطن ....
    آلت عرب آل .... وخيمة عرب كمان ...

    البربري الوايد وايد زعلان ( جدا جدا زعلان مترجمة من عربي الخليج الي عربي ناس الخيمة )
                   |Articles |News |مقالات |بيانات

11-08-2006, 00:08 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: يا بت الناس ما كان تخليها في سرك. الموت حق وما منو خوف, شخصيا,الخوف من الدفن في الغرب


    وهـل يضـيرالشـاه سـلخها بعـد ذبحها?

    غـايتو انـا خـايفة عـديـل مـن الموت ذاتو..
    انت عارف يا أحمـد أخـوي...
    ده نوع خـوف مقيم مابتعرف تعمـل معاهـو شـنو!

    امـا ان كـان لقطـيع المصـارين ده.. بس خـلو.. ده حـديثو برا!
    أسـه انـا جـيت افتح الصـفحـة لمحت اللون الأسـود في طـرفها..
    غلبني اتم فتحها..
    بس ابسلمت وقريت الفاتحـة واتشهـدت ..
    ولقيتو شـاب ياحلاة الدنيا فوقو.. صـورتو براها فرحـانه..
    دخـلت عـزيت بعـد ماخـدت بكيتي وجـيت بجـاي عايزه انسي..
    لكـن ان نسيت.. الأسـود مابخليني ..لا اسـود الموت المخـوفني ..
    ولا اسـود حـدادالبورد!
    الله يرحم موسـي ويرحم موتانا ويرحمنااحـنا كمان..

    نواصـل ...ونحـاول بـدون حـزن..

    مـني
                   |Articles |News |مقالات |بيانات

11-08-2006, 02:33 AM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: انت عارف يا أحمـد أخـوي...
    ده نوع خـوف مقيم مابتعرف تعمـل معاهـو شـنو!

    القران
                   |Articles |News |مقالات |بيانات

11-08-2006, 02:33 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    رحم الله أخونا عبد المنعم موسى
    وزى ما قال أخونا أحمدحمزة
    إنشاء الله في البلد
    جمب الأهل والأحباب
    إن لله وإنا إليه راجعون
                   |Articles |News |مقالات |بيانات

11-08-2006, 03:53 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    تعـالوا نكـمل البنـا..ونشـوه هميم ماشـي يبني معانا ولا هايعـد
    السمسم لغاية مالنعسة الـمحـة ديك تجـيه..
    أنـا غـايتو بشـتغل تربال بناول بس ..وي حـالة الطـين ده بس بناول ضــلفات الشبابيـك
    والمسامير و'الشاكوش' ..والأخـير ده مامشكـلة كـبيره موش يا أحمـد الشـايقي?

    وبعـدين بفرش ليكـم البيت رمـلة بعـد البني مايكـمل..والأهم مـن ده كـله..
    بسـويلكم الأكـل وانتو شـغالين..والضـحـوية بسـويلكم الجـبنه والشاي بالنعناع..
    بت الفحـل عمـتي زارعاهـو في حـوشها لصق بيتنـا البنبني فيهو ده..
    ياحـليلا اماني ماهي طـيبي!

    رأفت رملتك المنقطـة ولا الرمقطـة دي..ولا الرقطـاه ..بتجـيبا لينا للبنـا?


    نـواصـل.. نحنـا ذاتو عشان عارفينها زايلة.. قلنا نبني بالطـين بس..
    تراهـو سـقف لامي الناس ومريح البال..مي يا عماد أخـوي?

    مـني
                   |Articles |News |مقالات |بيانات

11-08-2006, 05:35 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: رأفت رملتك المنقطـة ولا الرمقطـة دي..ولا الرقطـاه ..بتجـيبا لينا للبنـا?
    رقيطة شنو يا بت الخليفة ما خلاص
    المهندس طلع بربرى وأنا قبطى بربري من نفس المنبع
    ودخلنا فى زمرة المهمشين دولاك
    خليك مع الشايقى ولد ناس بابا
    ينطط ليك فى الطين وتسوى ليه القهوة
    إعتزار ما بحل
    أكان ما مشكلة التيارات دى كان طلبنا إجتماع فى أبوجا
    ولا حقو الواحد يعمل بوست تجريم
    ويلم عليك خلق الله
                   |Articles |News |مقالات |بيانات

11-08-2006, 06:07 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    الليـلة ...اظـني نيلت الدنيـا!!
    طـيب وريني انـا قلت شـنو?
    كـله الا زعـل البرابره مسلمين كـانوا أم برابره اقبـاط!

    مـديحـة قـالت أنا مرات كـتيره برمي درابات..
    ياربي رميت شنو هنـا?

    ولا آآآآه..فهمت..
    موش الشـاكوش ده?
    هاك اتناوله انت!

    (كـله الا زعـل البرابرة مسلمين كـانوا أم برابره)

    أصـلا توجـد بعـد برابرة اقبـاط..ونسـيت ان أكـتبها لهذا كـانت
    الإضـافـة والتعـديل)


    نواصـل..

    مـني

    (عدل بواسطة Muna Khugali on 11-08-2006, 12:55 PM)

                   |Articles |News |مقالات |بيانات

11-08-2006, 09:10 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    (عدل بواسطة abubakr on 11-08-2006, 09:12 AM)
    (عدل بواسطة abubakr on 11-08-2006, 09:15 AM)

                   |Articles |News |مقالات |بيانات

11-08-2006, 09:26 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: المهندس طلع بربرى وأنا قبطى بربري من نفس المنبع
    ودخلنا فى زمرة المهمشين دولاك


    او كما قال : يامؤمن الاعراب يامؤمن المال كالتراب ( واعو واحد يقول دي بتاعتو ويتلعبط فيها )
    ما قريب لحد سنة 1640 كنا اخر السطة ومونوليتك ومسلميين حتي اتي الاعراب
    Quote:
    الليـلة ...اظـني نيلت الدنيـا!!
    طـيب وريني انـا قلت شـنو?
    كـله الا زعـل البرابرة مسلمين كـانوا أم برابره!


    امال " يا اخا العرب " و"القبيلة العربية " و "الخيمة العربية : دي بتاعة شيشة " ما دراب والا منجانيق من بقايا جيش العربي ابي السرح"...قالت اختي قالت ...

    (عدل بواسطة abubakr on 11-08-2006, 09:28 AM)

                   |Articles |News |مقالات |بيانات

11-08-2006, 10:27 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: ما قريب لحد سنة 1640 كنا اخر السطة

    دى زى قولة رئيس الوزراء الشرعى المنتخب
                   |Articles |News |مقالات |بيانات

11-08-2006, 11:45 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    Quote: دى زى قولة رئيس الوزراء الشرعى المنتخب


    ات بس ما متابع الملوكية بتاعتنا ...االناس في الخرتوم الايام الفاتت ما كانت مشغولة بترندادية جات تفتش علي اهل اجدادها الملوك وهاك ياحفلات وهي وعودات وفي الاخر مستشفيات وسجن ..
    وقبل كم سنة وايام الانتخابات الرعاشية في السودان ما اتصلت بت مسكينة من امريكا بتسالني عن وليدات اخر ملك نوبي لانو واحدمنهم في امريكا وعندو جنسية سودانية سحب من حبوبتها وجدها مئة الف دولار عشان هو نازل الانتخابات ضد البشير و انو العجائز دايرين يدوهو زيادة لانو الانتخابات باقي ليها شهر وهو محتاج علشان الدعاية والحاجات ديك.. قلت ليها ياغبيانة اخر ملك عندنا ما كان عندو جنيات وهو ظاطو شبع موت من ايام 1640 دييك ...
    خيو الناس بدها ملوك مش رؤساء وزارات .. غايتو انا في الصف وكمان لاني معروف في النت والصفحات الاليكترونية بتاع نوبيات فيمكن تضرب وبعدين تبقي الراهب الاول اصلو بعد الملوك طوالي الراهب الاول وما عندنا مساعدي يايات زي ناس القصر الابيض ..بس ملك وراهب اصلو الاهرامات بتاعتنا صغيرة وما بتشيل ..وكمان ما عندنا خيم ولا جمال واصحابنا ديل مع ملكتهم"بتاعة اخا العرب " غايتو نشوف ليهم وادي من الوديان ونعمل ليهم سوك عكاز عشان يقولو دوبيتهم ..اهو نستضيفهم لحد ما يرحلو الي ديار بني لهب يرجعو الي خيمهم الكتار هناك ....

    (عدل بواسطة abubakr on 11-08-2006, 11:48 AM)
    (عدل بواسطة abubakr on 11-08-2006, 11:48 AM)
    (عدل بواسطة abubakr on 11-08-2006, 11:55 AM)

                   |Articles |News |مقالات |بيانات

11-08-2006, 11:16 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: بفرش ليكـم البيت رمـلة

    أما وقد فرشتموه رملة فعاد زحوا لي من الرش
    الله .. الله لما تجيك ديك يا ريحة البلد وانت بترش في رملاتا
    (على فكرة الريحة دي بتتشم بأنف الروح)
    الماعندو نخرة روح أحسن يروح
    أها وبعد الفراغ من هذه المهمة المتعة .. سأتولى أمر توزيع جبنة منى
    وأعفوني من غسيل الفناجين
    عامرة داركم بالحب

    ــــــــــــــــــــ
    كان الحرف البولد دا مزعج كلموني
    نكتتي الفوق ديك ما جابت راس مالا
    عل التفكيك المتثاقف أفسدها
    حبي
                   |Articles |News |مقالات |بيانات

11-08-2006, 12:38 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: hameem)

    Quote: اتصلت بت مسكينة من امريكا بتسالني عن وليدات اخر ملك نوبي لانو واحدمنهم في امريكا وعندو جنسية سودانية سحب من حبوبتها وجدها مئة الف دولار عشان هو نازل الانتخابات ضد البشير و انو العجائز دايرين يدوهو زيادة
    ما يمكن تكون ملكة ترنداد نسيبتها ولا حاجه ورجعت حقهم !
    مش أخير مارسلت لينا بوش .
    وبعدين أنا يا خوى إنسحبت . مهمش أخير من التصنيفات الشللية الجديدة .
    وطالما جبت لينا سيرة عبدالله بن السرح , جبت لينا (الهوا) - حلوة دى ثقافة ممبرية -
    أخير لى أضرب جالوص فى الزومة .
                   |Articles |News |مقالات |بيانات

11-08-2006, 01:32 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    Quote: واحد من الجماعة قام لقضاء حاجة وجاء راجع يتلمس طريقه إلى مكانه والضلام
    (تتكل عليه عصاتك)
    صوت : أأأأخ عفصتنا يا الماشي دا (وش محشور بين وشوش مبلولة)


    إنت متـأكـد انو مشي...ورجـع?
    ماظـنيتو .. باقي لي مـن كـترة العفيص في الضـلمه قـايل نفسـه
    مـرق ورجـع!

    أنـا بيني وبينك هميم اخـوي... بس خـفت علي رقبتي ..وقلت احـدثـك وقت ألقـاك براك..
    الرسـول كـان ماغيرت جـزمتك دي ..الشي عفصـتها حـاري..

    والضـلمة ياها مافايتانا وان كـان عفصـتني تاني بجـزيمتك دي..
    روحـي بتمرق وحـاة سـيـدي الـحـسـن في لحظـتا..
                   |Articles |News |مقالات |بيانات

11-08-2006, 03:38 PM

ابي عزالدين البشري
<aابي عزالدين البشري
تاريخ التسجيل: 28-03-2006
مجموع المشاركات: 1178

للتواصل معنا

FaceBook
تويتر Twitter
YouTube


عفوا يا جماعة، البناء ده قايلنوا ساكت؟ (Re: Muna Khugali)

    p>عفوا

    كنت مرهقا ، و أتيت من مشوار بعيد. جسدي يندى بالتعب ،مفاصلي تئن من طول الطريق ورئتاي ضاقتا بمصادرة الشمس لكل ذرة أكسجين. ففتحت نافذة هذا البوست لعلي استريح. اسمحوا لي أن استرخي، سأمد رجليَّ، فمعذرة. ربما سرحت، فلا تشغلوا أنفسكم بذلك. ربما غفوت قليلا على وسادة ذكرياتي، وحينها سأشرككم معي. أو ربما غفوت، حلمت وسأروي لكم رؤياي.
    لا عليكم، فصاحبة البيت، قد خرجت منذ قليل، لأمر أجهله. ربما اشتاقت إلى مغامراتها مع الغنم. ولكنها ستعود. (الحوش مقشوش ومرشوش و أزيارها ملاني، ملمعات ومدهونات بالحيمور ورامية فيهن قشة الزير، رابطاهن بي فوط وكوزها نضيف وموية نقاعه متل موية الجنجبيرة)، والله النصيحة لي الله هي البنية دي ما عندها عوجي.
    بس ، هسي طلبتكم بي الله دي حرا يمرقوا فيها ، كان ما البنية دي غبياني ساكت.
    هـُـس! اسكتوا يا ده حس رجليها تجرجر فيهن بتل فارة النجار وكتين يجرجرها في خشب الموسكي. ما فتراني من الحوامة وهلكاني من الشمس الزي نار جهنم دي. أنا قلت حاجة؟ هس!
    - حبابك بت الفكي خوجلي، والله هسع كت بشكر فيكي للناس ديل . قلت ليهم بيتك سمح ومجيَّه ( من الجيهة والوجاهة). أها، جيتك لي موضوع البناء حق البيت. باكر تجيبي التراب والرملة و تدفعي حق الموية، باقي موية السد لب هسع ما فتحوها لينا، وكمان حق اللواري البنقلن التراب، وحق الطلب البعجنو المونة وحق الأسطوات البدقو الطوب. بعدين حق البنايين تدفعيهو مقدم. وحق العرش والأبواب وحق ترحيل الخشب ذاتو. وبعدين في النهاية لازم تدفعي حق برميلين زيت رجوع نجيبن من كريمي عشان نمسح بيهن العروق و المروق ، باق الأرضة دي حشرة سغيلي وما بتخلي ليك الخشب الأبيض، والله تلحسو زي الدقيق. بعدين دايرين حق تراب تاني عشان يردمو بيه البيت. والله قالوا السيل السنة دي ناوي نيةً سوداء. وتدفعي حق الرجال البيحفرو ليكي المجاري لي الموية ، عاد كيفن عايزة بيت الطين ده يتماص زي السكر. هي نسيت السباليك حقات الموية. و حق البوهية والجير، الشجرة دي قالولك بتلد الخشب مضروب بوهية ولا شنو؟ و العمال البيبنو في البيت ديل لازم تسوي ليهم الأكل بي رقبتك، ما برضهم ضيوف ولا شنو؟ واعملي حسابك البنايين والطلب ديل أكالين، الواحد فيهم حرف القراصي الواحد ما بكفيه لا زم خمسة لي كل نفر في الفطور وخمسة في الغداء، تصحي بدري وتخمري عجينك وتوقدي الدوكي. و الدنيا الحارة دي لازم تسويلهم أكان عصير ليمون ولا قريب، عاد دايراهن يموتوا بالحر ولا شنو؟ وحق السجاير والتنباك باق الناس ديل كييفيين ولا بد من القهوة والشاي و الحمد لله الشيشة دي ما بعرفوها ، ربنا نقذك منها. جيبلك بروش لي الصلاة وأباريق وكيزان ألمونيا كبار وكان مالقيت إن شاء الله حقات طلس، باق الناس ديل ما بدورو الشحتفه وشراب الكبيبيات الصغيرات ديل ، عاد مالهن كمان بقوا زي ناس المدن اللا بعرفوا الأكل ولا الشراب. وبعدين كان يوم ما جوكي لي الشغل ما تقلقي ، أصلهم إن قالولك باكر إمكن بعد شهر، لكن شغلهم بي صراحة نضيف وما فيه كلمة، بس ما تنفي فيهم.
    أها خليني الناخد لي نفس ونوريكي باقي الحاجات، أصلنا لي هسة ما جينا في اللحم الحي، مالك ساكتي ومبلمي كدي؟
    إنت ما عندك في بيتك ده قهوة نقطع بيها حر النهار ده ولا شنو؟ الماعندك شنو؟ السكر والبن تحمدي الله راقدات في مخزنك المسدود داك بتل خزنة الحيكومة. مالك حتى الشاي ده مستخسراه علينا؟
    والله أنا أسع جيتك مشتاق، مالك ما بتنضمي؟
    و لنقول ليك كلام كدي على بال ما سويتي الجبني ، عشان بعدين أوريك شمارات الجنوي ديل، استغفر الله قالوا كلام ، يطرشن البنات من المتلو، و انتي عارفاني ما بدور سيرة الناس، هي مالك ساكتي؟

    (عدل بواسطة ابي عزالدين البشري on 11-08-2006, 03:55 PM)

                   |Articles |News |مقالات |بيانات

11-08-2006, 05:07 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: عفوا يا جماعة، البناء ده قايلنوا ساكت؟ (Re: ابي عزالدين البشري)

    داير النصـيحي?
    الله يعلم... قايلاه مجـاني!
    مالك ســكتي قـاللي ..
    سكـت مهجـومي

    Quote: كنت مرهقا ، و أتيت من مشوار بعيد. جسدي يندى بالتعب ،مفاصلي تئن من طول
    الطريق ورئتاي ضاقتا بمصادرة الشمس لكل ذرة أكسجين. ففتحت نافذة هذا البوست لعلي
    استريح. اسمحوا لي أن استرخي، سأمد رجليَّ، فمعذرة. ربما سرحت، فلا تشغلوا أنفسكم بذلك.
    ربما غفوت قليلا على وسادة ذكرياتي، وحينها سأشرككم معي. أو ربما غفوت، حلمت وسأروي
    لكم رؤياي.



    في ضـمتك ..التعب الوصـفتو ده قاصـد بيه تعبي أنـا ولا تعبك انت ?
    الله يسـعلني جـسـمي ده كـلو ينتح..
    كـريعاتي موجعاتني..راسي بس يسـوي دو دو دو..
    مشيتلي مشـيويرن سـغير جـيت منو معقله كـلي..

    Quote: والله أنا أسع جيتك مشتاق، مالك ما بتنضمي؟


    تقـولي انت التعبان? وتسـألني كاضمـة مالي?
    بسبب حـديثـك ده ..سويتلي البنـا دا شـي صعب خـلاس..
    بيت طـين يكـلف قـدر دا?

    Quote: باكر تجيبي التراب والرملة و تدفعي حق الموية، باقي موية السد لب هسع ما
    فتحوهالينا، وكمان حق اللواري البنقلن التراب، وحق الطلب البعجنو المونة وحق
    الأسطوات البدقو الطوب. بعدين حق البنايين تدفعيهو مقدم. وحق العرش والأبواب وحق
    ترحيل الخشب ذاتو. وبعدين في النهاية لازم تدفعي حق برميلين زيت رجوع نجيبن من
    كريمي عشان نمسح بيهن العروق و المروق ، باق الأرضة دي حشرة سغيلي وما بتخلي ليك
    الخشب الأبيض، والله تلحسو زي الدقيق. بعدين دايرين حق تراب تاني عشان يردمو بيه
    البيت. والله قالوا السيل السنة دي ناوي نيةً سوداء. وتدفعي حق الرجال البيحفرو ليكي
    المجاري لي الموية ، عاد كيفن عايزة بيت الطين ده يتماص زي السكر. هي نسيت السباليك
    حقات الموية. و حق البوهية والجير، الشجرة دي قالولك بتلد الخشب مضروب بوهية ولا شنو؟
    و العمال البيبنو في البيت ديل لازم تسوي ليهم الأكل بي رقبتك، ما برضهم ضيوف ولا شنو؟
    واعملي حسابك البنايين والطلب ديل أكالين، الواحد فيهم حرف القراصي الواحد ما بكفيه
    لا زم خمسة لي كل نفر في الفطور وخمسة في الغداء، تصحي بدري وتخمري عجينك وتوقدي الدوكي.
    و الدنيا الحارة دي لازم تسويلهم أكان عصير ليمون ولا قريب، عاد دايراهن يموتوا بالحر
    ولا شنو؟ وحق السجاير والتنباك باق الناس ديل كييفيين ولا بد من القهوة والشاي و الحمد لله
    الشيشة دي ما بعرفوها ، ربنا نقذك منها. جيبلك بروش لي الصلاة وأباريق وكيزان ألمونيا
    كبار وكان مالقيت إن شاء الله حقات طلس، باق الناس ديل ما بدورو الشحتفه وشراب الكبيبيات الصغيرات ديل ، عاد مالهن كمان بقوا زي ناس المدن اللا بعرفوا الأكل ولا الشراب. وبعدين
    كان يوم ما جوكي لي الشغل ما تقلقي ، أصلهم إن قالولك باكر إمكن بعد شهر، لكن شغلهم
    بي صراحة نضيف وما فيه كلمة، بس ما تنفي فيهم.


    شـي طـلبه..شـي طـين شـي رمـله..

    أهـا كمان قـال يجيبوا زيت في شـان يمسـحـوا عـروق الخشب..
    العروق اريتا طـايري ...المسيح المالقيتو لكريعاتي الموجعاتني ديل ..

    في شـان كـدي ابوبكـر زايغ... وهميم يقـولي برش الرملة..
    هي نان وينا الرملة في عضما?
    ورأفت سـواها لينا الرملة زي الحـديـد ..ده كـلام نصـاح ده?
    وعمـاد بس فات بوشـيه..
    أنـا حـديثك كـله سـامعا وخـابرا..
    علي لاكـين ماني قادرة عليه..وبس انهجمتبو!

    أحمـد حمـزة بس في كـبيوتراتو الـداير يوصـلا السـودان..ود الشـايقي
    لاتصـدق كـلاكـلاتو دي..
    وبس هسه أخوي مافي غيري وغيرك..نسـوي شـنو?
    كـدي اشرب جـبنتك دي واخـد لك غميطـي ان درت بعـد داك نتفاكـر..
    سـمح أخـوي?
    اييه...شـخرت?
    وا شـريري اتاريـك فتران بالصـح!
                   |Articles |News |مقالات |بيانات

11-08-2006, 08:14 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: عفوا يا جماعة، البناء ده قايلنوا ساكت؟ (Re: Muna Khugali)

    سلام يا مني وكل الاخوان والاخوات

    Quote: أحمـد حمـزة بس في كـبيوتراتو الـداير يوصـلا السـودان


    والله يا مني شي عجيب زول كدة بالغلط قال لي عووك مافي (كل الاحترام والتقدير ليكي والاخت القلب النابض) قلت شاركونا حتي ولو بالدعوات والله حتي اللحظة دي مافي حتي ولو بهمسة. لكن انشالله مافي عوجة ارسلا لاولاد الاهل هناك ومابقصروا. قصة غريبة.

    ومازلنا بنتعلم من الايام
                   |Articles |News |مقالات |بيانات

11-08-2006, 08:03 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: في شـان كـدي ابوبكـر زايغ.....


    الزائغ منو ياناس .. عملتيها خيمةعرب وخليتينا برة وقلنا نقعد تحت الشدرة لحد ما الاسطوات يبنو البيت .. الزوغ اخوي رافت خلاني براي ..مثل البنا دة بسمو الادوبي وما في الزومة دة في المكسيك ونيو مكسكو واستراليا اغلي البيوت بس شوية اضافات تكنلوجية وبس.. وبنيت متلهم بس الزبالة دحين سوي ليها بدايل ومافي ازوم لرشة الرمل برضو ليها بدايل..يعني العمال ما يشربو شايك كلو ويجعصووهاك ياونسة وسفة ونومة ضهرية الشغلة دحين صارت ساهلة
                   |Articles |News |مقالات |بيانات

11-08-2006, 08:30 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    الاخ رأفت

    Quote:
    وزى ما قال أخونا أحمدحمزة
    إنشاء الله في البلد
    جمب الأهل والأحباب


    بالله مش احسن

    رحم الله أخونا عبد المنعم موسى

    إن لله وإنا إليه راجعون
                   |Articles |News |مقالات |بيانات

11-08-2006, 09:01 PM

Ahmed Hamza

تاريخ التسجيل: 11-07-2006
مجموع المشاركات: 347

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Ahmed Hamza)

    الاخ حميم التحية

    Quote: وما أدري كيف كان سيكون الحال لو أن الدخول إلى البوستات في (الضلمة) ؟؟


    يااخوي هو شاشة الكمبيوتر منورة والاوضة نورا منور والجيران نورهم منور وبعد ده كلو شوف العالم دي عاكة كيف تقولي تدخل البوستات في الضلام

    لك ودي

    احمد
                   |Articles |News |مقالات |بيانات

12-08-2006, 02:22 AM

Mohamed Abdelgaleel
<aMohamed Abdelgaleel
تاريخ التسجيل: 05-07-2005
مجموع المشاركات: 10414

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Ahmed Hamza)

    Quote: و حق البوهية والجير، الشجرة دي قالولك بتلد الخشب مضروب بوهية ولا شنو؟ و العمال البيبنو في البيت ديل لازم تسوي ليهم الأكل بي رقبتك، ما برضهم ضيوف ولا شنو؟ واعملي حسابك البنايين والطلب ديل أكالين، الواحد فيهم حرف القراصي الواحد ما بكفيه لا زم خمسة لي كل نفر في الفطور وخمسة في الغداء، تصحي بدري وتخمري عجينك وتوقدي الدوكي. و الدنيا الحارة دي لازم تسويلهم أكان عصير ليمون ولا قريب، عاد دايراهن يموتوا بالحر ولا شنو؟ وحق السجاير والتنباك باق الناس ديل كييفيين ولا بد من القهوة والشاي و الحمد لله الشيشة دي ما بعرفوها ، ربنا نقذك منها. جيبلك بروش لي الصلاة وأباريق وكيزان ألمونيا كبار وكان مالقيت إن شاء الله حقات طلس، باق الناس ديل ما بدورو الشحتفه وشراب الكبيبيات الصغيرات ديل ، عاد مالهن كمان بقوا زي ناس المدن اللا بعرفوا الأكل ولا الشراب. وبعدين كان يوم ما جوكي لي الشغل ما تقلقي ، أصلهم إن قالولك باكر إمكن بعد شهر، لكن شغلهم بي صراحة نضيف وما فيه كلمة، بس ما تنفي فيهم.


    أبي عزالدين البشرى .. والله يا زول البشوفو في كلامك ده
    البيت تم تب .. خلاس .. أخير تسقفو ..

    لكين كان تنصح بت الخليفة تدي الطيانة حق الاكل عشان
    يدبروه براهن .. والله إنتا عاوزه بعد تشوفم بلفو
    حروف القراصة ثقافته تتغير .. وبعد ما كانت بتصور
    السخلان وتجيب صورن في البورد .. تبقى كلما شافت ليها
    سخل تقولوا (تك ياكلوك الطيانة) .
                   |Articles |News |مقالات |بيانات

12-08-2006, 02:43 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    اقبض حنكشـــة ,..... ... ..


    Quote: والجـائزة أخـي ان تقـوم بتطـبيق ماذكـرته مـن معرفـة مادة البنـاء ..
    ان تتبرع لمنزل الخـليفة بطـين وزبالة وجـله وراقطـا وكـل ماجاء ذكـره
    هنـا مادة بنـاء...مايكفـي لبناء ثلاثة حـيط...
    ثـم عليك أيضـا ان تتبرع بجـزء مـن اجـازتك علشان تسـاعـد في عملية البناء بمافيها
    التنطـيط في داخـل المادة المعجـونة..



    خفـج الطيـن, اسـمـه,
    Quote: التنطـيط في داخـل المادة المعجـونة..


    المـلــطـــم , اسـمـه,
    Quote: المادة المعجـونة..


    بعدين كان جينا للسريقات والمروق والرصاص والسباليق, حنشــوف عــجــب......



    أحمـد الشايقي
                   |Articles |News |مقالات |بيانات

12-08-2006, 03:19 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: أحمد الشايقي)

    Quote: بعدين كان جينا للسريقات والمروق والرصاص والسباليق, حنشــوف عــجــب......



    ناقصـين إحـنـا يا أحمـد?

    ماشفت لسـت احتياجـاتنا لإكـمال البنا او حـتي بـدايتو بتاعة أبي..
    وجـه كمـان أكـد عليها محمـد ود الجـليل?

    كمان جـايب لينـا زيادة!

    أقـول ليكم كـلام?
    أنـا هأبني البيت ده... واوريـكم كـيف بعـد شـوية ..إنتظـروني قبلكم!

    نـواصـل البنـاء

    مـني
                   |Articles |News |مقالات |بيانات

12-08-2006, 04:45 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    أنـا ماشية أعمـل نفير مـن جـاراتي علشـان يسـاعـدوني..

    واسة سـويت لي لسته حـقت أسـماء وواجـبات

    أم الحـسـن ..
    فاطـنة
    امـيرة
    يسـون الشـاي والملحـات والقراصـة ..والميزانية موجـودة

    خـديجـة
    زينب
    مـني محمـد
    بت المنـا
    فاطـنه بت صـديق
    سـعدية
    أم الخـير وبنياتها التلاته
    احسـان
    مـني خـوجـلي
    بـدرية
    عـوضـية
    شـامية
    سـامية
    آسـيا جـعفر
    محـاسـن جـعفر بس نحـدثا شـافعا البكـاي ده ماتجـيبو معاها

    أهـا ديل للبنـا...

    وبالتـال هانقلل التكـاليف... ونقلل نقة الرجـال البيجـو في المغيرب عين مفتحـة
    والتانية مغمضـة وكمان دايرين جـبنه!

    ونقـة التانيين البيجـو الصـباح كـده يكسـرونا ويقـولو لينا حـناكيش!

    نسـاء دارفـور شـاطـرات وهميمات..أهه شـوفوهم في كـاس بـدارفـور
    قاعـدات يبنن براهـن..





    نواصـل ارادتنا ونوريكـم الحـنكوش منو..

    مـني
                   |Articles |News |مقالات |بيانات

12-08-2006, 06:59 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    وانا يي دي..
    قاع اشـوي في لحمـتي احمـدالله..
    وبعـد ماأنزلها أرمي قراصـتي ..
    وملاحـي بس أولي سـويته ..
    مـلاح باميي بالشمار..

    اهـا قتو شـنو?




    رأفت المطـار ده اصلـو وين أخـوي?

    نواصـل..

    مـني
                   |Articles |News |مقالات |بيانات

13-08-2006, 08:09 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14322

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    تعرفي يا منى,


    الفوق دا هـو الأسطى’

    لكن البناولوهو ديل هم الترابلة (الترباليات) بالصح,


    ترابلتك (عـيـنـة )



    أحمـد الشايقي
                   |Articles |News |مقالات |بيانات

12-08-2006, 07:43 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    يا سلااااااام ..
    الشية مية المية
    بس يا ريت تخليها شوية
    باقي لي قوية شوية
    ــــــــــــــ
    دسيلك صحين كدي لا غادي .. وناوليني ليهو بفوق الحيطة هي
                   |Articles |News |مقالات |بيانات

12-08-2006, 09:12 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: hameem)

    قـالوا النـاس المسافرة مـن بريطـانيا منـوع تشـيل اي حـاجـة في ايـديها..غـير كيس بلاسـتك شفاف تحمل فيه فقط الباسبورت والتذكـرة
    والقروش..والأدوية..
    اما ماهـو غير ذلك فيوضـعفي الحقيبة الكبيرة والتي يتم شـحنها بعـد الكشف عليها
    أمنيا..
    يعني مثلا لو الزول عايز يسـافـر الخـرطـوم... ومحتاج طـبعا يشيل الموبايل بتاعه
    معاه... يبقي لازم يضـع الموبايل في الشنطـة الكبيرة..

    وده يعني إحـتمال ضياعه..ليه?

    لأنه في شـكـاوي كتيره من مسافرين شنطـهم اتسـرقت منها حـاجـات كتيرة
    في المسـافة الزمنية بين تنزيل الشـنط من الطائرة... ووصـولها الي
    صـاحبها محـل السـير الكهربائي في مطـار الخـرطـوم!

    يعني بصـراحـة بختهم الحرامية بالموبايلات والكـاميرات وماشـابه ذلك..
    وأهـو الإرهاب في بريطـانيا بيجـيب فايـده في الخـرطوم!

    ونـواصـل..

    مـني
                   |Articles |News |مقالات |بيانات

12-08-2006, 12:25 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    يا مني .. وانتي شايلة موبايلك معاكي ليه ... ما اجازة ....اجازة للاستماع والاستمتاع .. انت بس تسمعي النضمي وتوفيريهو لحد ما ترجعي لينا بالسلامة ... امشي خفيف علشان ما تدي فرصة للحرامية في متار الخرتوم ..واصلو لو شلتي حاجة كان ما الحرامية شالوها غيرهم بشيلها ....
    اجزي وانسي كل الوراك في لندن وفي لحظة من فضلك ! علشان لما ترجعي ترجعي فرش وهاك يانضمي ...
                   |Articles |News |مقالات |بيانات

12-08-2006, 02:11 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: خـديجـة
    زينب
    مـني محمـد
    بت المنـا
    فاطـنه بت صـديق
    سـعدية
    أم الخـير وبنياتها التلاته
    احسـان
    مـني خـوجـلي
    بـدرية
    عـوضـية
    شـامية
    سـامية
    آسـيا جـعفر
    محـاسـن جـعفر بس نحـدثا شـافعا البكـاي ده ماتجـيبو معاها


    جيت زمان من المطار بس مع الجندريات ديل رزقنا طار فى الشغلانة
    يعنى الشية القوية شوية زاتا ما عندنا فيها نصيب
    يعنى مع الهامش بقينا فى الصالح العام
    بداه الصادق وكمله البشير وتميتى إنتى
    وبالمناسبة السودان رجع ليه النت ?
                   |Articles |News |مقالات |بيانات

12-08-2006, 11:12 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: يعنى مع الهامش بقينا فى الصالح العام


    تعرف يا رأفت ابو عاج ده عينة ما عارف ما ختوه في متحف خاص بالمخلوقات العجيبة براه ليه ... وانا يادوبك سنة تانية شغل وكان لسه اسمي مكتوب بقلم الرصاص - زي ما كانو بيوصفو ا لمهندسيين وغيرهم اللسع في كيو وما خلصو السنتيين والقومسيون الطبي وترقو لدي اس - ارسل الي و24 مهندس معظمهم دفعتي وريقة بالرونيو احالنا فيها الي المعاش للصالح العام ..اتصور مهندس مؤقت التوظيف و لسع ما ثبتو يقوم رئيس البلاد شخصيا ينزلو معاش للصالح العام هو انا اصلا كنت طلعت علشان ينزلني اهو خلينالهوالجمل بما حمل ولليوم حايميين في بلاد الله ثلاثيين سنة واكثر ..وانت بس عشان فاتتك الشية زعلان ما كفاية تشم الريحة قبل ما ينزلوك معاش وبرضو للصالح العام عشان ما تزعل ..

    (عدل بواسطة abubakr on 12-08-2006, 11:13 PM)

                   |Articles |News |مقالات |بيانات

13-08-2006, 04:24 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: اتصور مهندس مؤقت التوظيف و لسع ما ثبتو يقوم رئيس البلاد شخصيا ينزلو معاش للصالح العام
    ما تزعل ياخوى برضو Record
    سمعت نكتة التفاخر بين إنجليزى وأمريكى وسودانى ؟
    الإنجليزى: عندنا واحد كراعه إنكسرت ركبنا ليه واحدة حديد بقى أحسن لاعب كورة قدم
    الأمريكى : عندنا واحد يده إتقطعت ركبنا ليه واحدة بلاستيك بقى أحسن لاعب كورة سلة
    السودانى : عندنا واحد رقبته طارت ركبنا ليه راس طين بقى رئيس جمهورية

    Quote: عشان فاتتك الشية زعلان
    والمزعلنى أكتر الراقد فى بيتم
    وما جاى الشغل تجيه اللحمة بالحيطة . عشان شايقى ؟

    وأنا و إنت برابرة ساكت . أرحكاكا لي مسادير منصور
    قال هناك

    Quote: الدار للجميع أبوابا طب مشروعه
    لا فى شروط دخول مافيش خلق ممنوعه
    ناس ود عقيد شامرين بفقدو ربوعه
    والضيف إن حلف لا بد نقول مرجوعه
    هنا لا حيطة ولا نفاج .

    فلانة بتربط شايلة كريمة
                   |Articles |News |مقالات |بيانات

13-08-2006, 05:27 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    ...
    Quote: فلانة بتربط شايلة كريمة

    كريمي شنو ..ماناس لندن قالوليها تشيل حاجاتها في كيس بلاستيك .كيفن تروح كريمي بكيس بلاستيك والمسيخات هناك كتار وهي ما بتقدر عليهن .. ياها الواصلة الخرتوم وصادة راجعة لندن لا جالوص ولاشية .. دة ما حق البرابرة وقالو ايه العايز ياكل لوحدو بيفطس ... قال شية قال ..
                   |Articles |News |مقالات |بيانات

13-08-2006, 07:21 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    Quote: فلانة بتربط شايلة كريمة



    Quote: كريمي شنو ..ماناس لندن قالوليها تشيل حاجاتها في كيس بلاستيك .كيفن تروح كريمي
    بكيس بلاستيك والمسيخات هناك كتار وهي ما بتقدر عليهن .. ياها الواصلة الخرتوم
    وصادة راجعة لندن لا جالوص ولاشية .. دة ما حق البرابرة وقالو ايه العايز ياكل
    لوحدو بيفطس ... قال شية قال ..


    اتخيل منظـري سـافرت الخـرطـوم ومنها خططت للشمالية..
    وانـا في ايـدي في كيس بلاسـتك ..وقابلتني شـايقية مسـيخـة
    زي حـبوبتي المسـيخة ديـك..
    شـافت كيسـي الفاضـي وغلبها تسـكـت وقالت لي

    ده يـاهـو عمارك الجـبتيهو لينـا?
    ثب فـوقـك!

    والشية والشايقية راجـعنلهم

    ونـواصـل..

    مـني
                   |Articles |News |مقالات |بيانات

14-08-2006, 06:01 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    Quote: فلانة بتربط شايلة كريمة


    أنـا كـريمة وامغستي.. مابقـدر اصـلا!
    لا هـديي فيليـد لا قروشن نغمطـن لحبوبة رأفت أخـوي..

    نواصـل..

    مـني
                   |Articles |News |مقالات |بيانات

13-08-2006, 07:42 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote:
    وانا يي دي..


    في زغللة ما شايف الصورة كويس والله دي ريحة الشية طمشت عيوني الاصلها طمشانة... الخط الابيض الفي الحيطة دة شنو خط بارلييف ؟
                   |Articles |News |مقالات |بيانات

14-08-2006, 05:40 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: abubakr)

    دي الشية أبو بكـر ...عاين دخـانها كـتير كـيف ?

    والخط ده محـل حيطـة هميم القال اناوله الشية منو.. مـاك دايرلك صـحن?
    أكـنك ضـوقا شـوفا كيف طـاعمة!

    نواصـل الشية والمسـاخـة..

    مـني
                   |Articles |News |مقالات |بيانات

13-08-2006, 07:59 AM

hameem
<ahameem
تاريخ التسجيل: 10-01-2005
مجموع المشاركات: 325

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    Quote: ده يـاهـو عمارك الجـبتيهو لينـا?
    ثب فـوقـك!



    ما تنسي توصفي الإشارة اليدوية البتكون مصاحبة لـ (ثب فوقك )
    ثاني
                   |Articles |News |مقالات |بيانات

14-08-2006, 00:18 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: hameem)


    يا حليل الفرع بقت النيلين
                   |Articles |News |مقالات |بيانات

14-08-2006, 01:16 AM

عماد محمود علي

تاريخ التسجيل: 13-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: رأفت ميلاد)

    Quote: يا حليل الفرع بقت النيلين



    أخي رأفت ميلاد


    والحين بقت نيل واحد مش ( نيلين ) والله يستر بكره ما تصير ( نهر ) .



    فتكم بعافية .
                   |Articles |News |مقالات |بيانات

14-08-2006, 08:22 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: لحـظـة مـن فضـلك! (Re: Muna Khugali)

    ياجماعة "اين مني؟ "
    ماقالت الطيارة الثلاثاء ؟ وكمان مافي شروات وشنط بس اكياس بلاستك يعني ما ممكن تكون بتسوق للسفر ؟
    اية معلومة ؟
                   |Articles |News |مقالات |بيانات

14-08-2006, 01:23 PM

ابي عزالدين البشري
<aابي عزالدين البشري
تاريخ التسجيل: 28-03-2006
مجموع المشاركات: 1178

للتواصل معنا

FaceBook
تويتر Twitter
YouTube


خبر عاجل، مصروفات البناء نقصن (Re: Muna Khugali)

    .

    خبر عاجل، سعر المواد نقص
    الأخت منى
    سلامات
    جيت أبشرك بإنو سعر المواد، نقص كتير جدا
    اول التبادي الجير ده بلاش
    بدل ما تمشي وتشتري شوالات جير ولا صفائح جير هايلوكس من السوق، وده بالشئ الفلاني. جنب البكان الدايرة تبني فيه ده، في وادي مليان جير. بس ترسلي الراجل سيد الكارو يحفر شوية كدي ويعبئ الشوالات ويجيبن ليك. يعني جير الأرض ده بلاش، ما رحمة. تكاليف البناء ما نقصت شوية؟
    والراجل زاتو العربجي سيد الكارو دي أنا بعرفو واسمو خدر و أنا بكلمو ليك يجيب ليك أحسن جير.
    ما كلام سمح؟
    لكن عليك الله الراجل ده تديه حق اليومية أول بي أول. الراجل ده محمول وعندو مرتين. مرتو الكبيرة والده تسعة ، خمسة بنات وأربع أولاد. والصغيرة عنها بس ولدين وتلاته بنات. حق اليومية ياهو السبعة آلاف ديل. وكمان ما تنسي الراجل ده مرتو الكبيرة دي والله بجيها صداع طوالي كدي و وجع راسها ده غلب الداواي والفكي. وقالوا ليها تسوي صور مقطعية في الخرتوم. الرسول كان ما سقتيها معاك و قطعت ليها عند أحسن طبيب مخ وأعصاب. ده ما عمل لي الله يا بت فكي خوجلي. ولا شنو؟ مالك مبلمي؟
    وعليك الرسول ، بنات المرة الصغيرة دي حلاتن ثلاتة بنات بطلن المشي لي المدرسة عشان ما عندهن هدوم وقالن البنات بضحكن عليهن، فصلي ليهن فساتين سمحات و ينوبك خير، بتقصري يا بت الخليفة؟ ما لك سكتي؟
    والراجل ده زاتو قصدي خدر والله كراعو اليمين دي تاعباهو تعب ، وياهو شغلو بيها هي. والله تورم بلا سبب وبقى يعتب منها، ويشيل الليل قنتي، والدكاترة قالوا ليهو يسوي صور أشعة ويقابل أخصائي في الخرتوم. سوقيه معاك و على الأقل ده الراجل العليهو الحمل. ترضي أولاده يشلهتو ويتبهدلوا ؟ حاشاك والله ما بتخليهم.
    نسيت أقول ليك بت المرة الكبيرة دي قبلوها في جامعة أم درمان، سوقيها تسكن معاكي في البيت واتولي مصاريفها، عشان لمن تنجح وتتخرج تقدر تساعد أخوانها. مو كدي؟ ما تنضمي.
    وكمان قالو لي كلام يوجع القلب ، قالوا بت المرة الصغيرة دي ، اسمها يا ربي عديلة؟ أظنو كدي. قالوا عندها حالة نفسية، ما بتتكلم مع زول وبتسرح ومرات تشرط هدومها اللأبساهن ديل ذاتهن ، والدكتور قال الفقر دا ذاتو هو سبب حالتها دي. وديها لي دكتور نفساني و رقديها في مستوصف خاص، آآآآآي عشان المرض ده داير جو. ولا زم تهتمي بيها. ولا شنو يا الملكة؟
    كدي قبال ما أنسى ( ما تخافي برجع بتم ليك قصة خدر وأولاده عارفك حنينة) عندي ليك خبر سمح.
    عندنا دومة وقعت . وأنا قلت ليهم ما تتصرفوا فيها، دي هديتي ليك عشان تسويها مرق في السقف وتقلل ليكي المصاريف، ده ما واجبنا كمان . ولا شنو؟ مالك ماليكي حس؟
    والله الدومة دي حلاة الدنيا عليها. الدومة دي قالوا جدي زرعها يوم الترك دخلوا البلد. عليك الله ما تاريخ؟ ما تقولي شئ لكن؟ بتسكتي كدي لي متين؟ والله كلامي ما عاجبك؟
    برجع بحكي ليك ولي قصة الدومة دي وسبب الشكلة البين ولاد عتمان و أخوالي بي سبب الدومة دي.
    أسع بجيك بس أشرب لي موية.


    .
                   |Articles |News |مقالات |بيانات

14-08-2006, 07:39 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: خبر عاجل، مصروفات البناء نقصن (Re: ابي عزالدين البشري)

    Quote: كدي قبال ما أنسى ( ما تخافي برجع بتم ليك قصة خدر وأولاده عارفك حنينة)


    لاحول ... هي قالت ماشي تبني بيت جدها بالنفير والله تبني فروع لمنظمة كير واوكسفام ....اهو قالت اتحلت من شيلة الهدايا لانو ناس لندن منعوها لاسباب امنيةعلة كيس البلاستيك وانت لميت ليها البلد كلها تصرف عليهم ..خايف تقوم تحرد وما تسافر اصلها خايفة من ركوب الطيارات ...
                   |Articles |News |مقالات |بيانات

15-08-2006, 00:41 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: خبر عاجل، مصروفات البناء نقصن (Re: abubakr)

    Quote: لاحول ... هي قالت ماشي تبني بيت جدها بالنفير والله تبني فروع لمنظمة كير واوكسفام ....
    اهو قالت اتحلت من شيلة الهدايا لانو ناس لندن منعوها لاسباب امنيةعلة كيس البلاستيك
    وانت لميت ليها البلد كلها تصرف عليهم ..خايف تقوم تحرد وما تسافر اصلها خايفة من
    ركوب الطيارات
    ...

    هن كـلهن 200 دولار.. (مائتين عشـان ماتزيـدوهن اصفار مـن عنـدكم)

    ادفعن للمواصـلات?

    ادفعن لفسـحة آية?

    اصـرهن في منـديلي وادسـهن لعلاج الملاريا الجـاياني?

    ولا بس افكها وأوزعها لأفـواه وأرانب?

    هي ذاتها بتـكفي?

    السنة الفاتت اسلام ولـد منال كـان عمره 6 سـنين..

    جـاني قـالي..
    خالتو ..اديني أمشي اشتري ببيسي
    أديتو عشـرة ألف..قلت ليه جـيب الباقي..

    الشافع فنجـل لي عيونه لامن خـفت ..بعـدين رفع لي حـاجب وقال لي في استنكـار خجـلني عـديل..وتاني خـوفني..

    هي عشـرة ألف وكمان عايزة فيها باقي?

    واها الحـديث ماهـو بالتلفـون شـي أبي خـيي..ات وكت عـرفت ظـروفهم
    مالك ماحـولتلم?

    أخـير لي خـياني اخلي قريشـاتي في صـرتن وارجي الملاريا!

    نـواصـل

    مـني
                   |Articles |News |مقالات |بيانات

15-08-2006, 00:56 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: خبر عاجل، مصروفات البناء نقصن (Re: Muna Khugali)

    Quote: ما تنسي توصفي الإشارة اليدوية البتكون مصاحبة لـ (ثب فوقك )
    ثاني


    أصـلها من بوكـانا ماقامت..
    كـان مكوعة فـوق صـفحتا الشمـال ..
    توبها يغطي نصها..ونص توبها مكـوم متل المخـدة فـوق عنقريبـا القـديم كـانت
    مكـوعة فيه..
    رفعت يـدها بطـن يـدها اليمين ناحية وشـي..اصـابعينا الغرقانات في
    سـواد الحنة فرقتن مـن بعضـن شـويي..ومتل الكـورة وقـت تضـرب في العراضـة بالزاويه
    حـركـت كفها سـريع وقالتلي..

    'ثب فـوقـك'

    ونواصـل..

    مـني
                   |Articles |News |مقالات |بيانات

15-08-2006, 01:14 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: خبر عاجل، مصروفات البناء نقصن (Re: Muna Khugali)

    Quote: هن كـلهن 200 دولار.. (مائتين عشـان ماتزيـدوهن اصفار مـن عنـدكم)



    دولار امريكي ؟؟؟ يعني كم بالسوداني ؟؟ تمن ايجار ركشا والا كارو ؟؟ قالو التوم بيطير الباعوض وعلشان كدة الامريكان سوي اسبري توم ؟ وعموما تطحني وتعجني ويبقي مرهم او لوشن وتتمسحي بيه بعدين كان شفتي باعوضة تهوب ناحينك قولي البربري كضاب ؟؟ ان قرايت الموضوع دة في موقع طبي في النت قبل سنتيين ومنتظر اسافر يوكا ما متمسح بالتوم ؟؟ ما احسن من ر يحة الصينيين الملو الطيارات الماشة السودان من هنا ؟؟
                   |Articles |News |مقالات |بيانات


[رد على الموضوع] صفحة 15 „‰ 22:   <<  1 2 3 4 5 6 7 8 9 10 11 12 13 14 15 16 17 18 19 20 21 22  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de