أودعـكــم!

Quote: منى عوض خوجلي شوق الشووووووووق... وبس! ودالسر!

Quote: ولكن كانت جميلة حكاياتك كنت متابعة وكانت..ولكن كانت جميلة

غـيرك يا بارعـة للأسـف شـافها ماجميلة وزعـل مني لدرجـة المقاطـعة!!!
وردة عشـانك وعلشـان كـل الفهمو البوست في الأول وفي الآخـر في حـدوده..

Quote: أختى العزيزه منى كدى قبلى جاى خلينا نشوف الحاصل شنو.... ولو فى زول زعلك بكلمه...قولى لينا.... لو ما فتحت لى بوست أسأله ملاقاتى خلف هذا المنبر... أختى منى... نحن فى هواك نحن النبال... ولى البعكر صفاك نحن الجبال... أخوك أسامه خلف الله (عوض خوجلى)

Quote: العزيزة منى أودعكم أودع كيف ؟ متى كانت اللقيا حتى يكون الوداع ؟ سعدت بترحيبك بي عضو جديد في المنبر وفجاه أقرأ عن الوداع !! ولكنى سعدت بالتواصل والاستمرارية وحتما سنسعد أكثر بكلماتك الأنيقة الجميلة وأتمنى دوما الاطلالة بكل هذا الألق والبهاء

Quote: ام اية ازيك مسافر كيف تخلينا لشوقنا وزكري ماضينا

Quote: منوية انا ما شفته البوست ده الا هسه لي يومين ما دخلت البورد وبعدين انا هسه اكتر واحده قلبي انقطع من اودعكم دي لاني قريت أسف وزعل الناس كلهم على الوداع ده من اول لحظه صدقت لكن تاني فهمت انك بتودعي في كل اللحظات من فرح والم وحزن القضيتيها معانا والعكستيها لينا هنا وعايشناها معاك

Quote: لانه قلبي وقف من العنوان ولكن جيت بعد ما اتضحت الحكاية دمتي حبيبتي ودام القك الباهي ... محبتي ..

Quote: منى خوجلى انسانة رائعة تبحث دائما عن الجمال مني برغم اني جديد في المنبر الا اني حاسة انو انا قديييييمة وبعرفك من زمان من كتاباتك الرائعة وزي ما قالت الغنية الحزينة ما ترحلي

أفرحـتيني بوجـودك يانـدي

Quote: قمري الشفيف *** أنا يا قمر دايرك هنا كل ايام السنة تطرد الليل الهزيم وتبقى بس إنت الهِنا أو تبقى بس إنت الهَنا دايرك قمر دايرك وتر ترويني من فيض الغنا تنثر شعاعك في الفنا وأطفالنا تلعب هودنا أنا يا قمر عارفك قدر منذ الأزل مكتوب علي راجيني واقف منتظر تهديني أجمل سوسنا واهديك انا قلباً سرح نبضو المعاك أصبح بعيداً مو هنا أنا يا قمر دايرك تطل دايرك تحدق في الضلام شايل معاك باقات سلام وأحلى الكلام وأجمل حروف قمري الشفيف مالو لو جافى الخسوف واصبح ولوف قرب دنا كل العيون حوله بتطوف نظرة تأمل ممعنه تغسل أحزان المنافي وتنسل الهم الخرافي بسمة منك في المشافي للسقيم تبري وتعافي بعناية ربنا أنا يا قمر دايرك تهل تزرع قناديل الفرح تخلع هديمات اليتامى تلبس هديمات الأمل تمحي الضلامات والعتامى وأنا يا قمر دايرك هنا كل ايام السنة تطرد الليل الهزيم وتبقى بس إنت الهِنا وتبقى لي إنت الهَنا مع أغلى تحيَّة بدرالدين شنا

دقيقة ياشباب ...إهـداء لزول انا بأعـزه... وانتو كمان بتعـزوه




وهـذه الزهـور لك 'بـدرنا' علك تظـهر وتفرح أيامنا وليالينا..

Quote: تآلفنا ولم نتعارف تعارفنا فلم نتآلف إفترقنا دون وداع بت السنوسي طبعاً..!

Quote: ... فهل نترك للقلق!!؟

Quote: Munna You should stay with us for ever. A person such as you would never be aloof of our being. It is of a strange thing that leads you to think to depart, therefore be well found within through our Dwass and CHATS, in wich we discover Sudan and life. I admire your contributions and stands that will make the new Sudan. Be safe and all our hearts roads are open to you.

مـرحـب يا صـلاح...أنـا سـعيـدة بـوجـودي معاكم اسـرتي المتنوعـة العاقلة وشـقية أيضـا..
تسـلم أخـي صـلاح...وزهـور علشـانك...

Quote: إنتي المصوراتي بتاعك منو؟

كـثير ودي

Quote: ما ترحلي خلّيك معاي لو ترحلي بيزيد أساي خلّيك هنا جنبي وحِداي

Quote: كـان بـومي رائـع... فكـرة توديـع بوسـتاتي قفزت الي رأسـي فجـأة.... كـعنـوان البوسـت... أؤمـن أحـيانا كـثيرة أن التردد يفسـد كـل شـئ... مباشـرة كـتبت العنـوان ومـاتلاه ... ثـم جـاءوا أعـزائي... محـمـد عبـدالرحـمن.. معتصم الطاهر الجندرية عمـاد عبـد الله سـيف مسماعـد المعـز ...... .... وكـان المفروض طـوالي أوضـح أكـتر... ياخـوانا الكـلام ده عـن بوسـتاتي... لكـن باقي شقاوة لسة قـوية بجـواي.. قـلت يامـني خـلي اللعبة ماشية كـده... وجـات كلمة 'لكـن' زي الشـيطان ناطـة في راسي! لنـا الجميلة قـالت ضـغطـها ارتفـع... كـلمتها بالحقيقة.. وعـدتها أقـول ليكم الحقيقة... 'لـكن' المـوضـوع كـبير..و ذهـولي السـعيـد زاد... شـيطنة مـن ايام الطـفـولة البعيـدة لسـة معاي... إدريس أول واحـد فهم الموضـوع... لكـن أنـا خـليت محمـد عبـد الرحمـن يقـود.... 'درون' يامحمـد ومعتصـم الطـاهـر شـاهـد... 'معتصـم والمولود الجـديـد' ومعليش يا أسـاتذتي ياحـلوين ... أنـا كـنت قاصـدة بوستاتي... ومش انتو كـنتو جـوة بوستاتي? كـان البوست حـقيقة... الحقيقة فيها هنـا الحـدث.... وصـانع الحـدث..... والمشـاركـون في الحـدث... انتو ضـلع الحـقيقة التالت المستوي... وقعـدت فـوق كـنبتي واللاب توب فـوق رجـلي فـرحـانة... بيحـبوني وأنـا بحبهم... أقـول عـديـل.... لأ لسة شـوية... لكـن قيامة البورد قربت... برضـو انتظـري ....انتي ماخلصتي وداع أحـداثنا وحـقايقنـا.. وفي الهـوت ميـل جـاتني رسـائل جميلة مـن ناس بعرفهم ... وتانين ماكنت بعرهم... فرحـت اكـتر وباقي الشيطـنة زادت كمـان... عاطف عمـر قـال ابريـل... صـحكـت كـتير لأني مـرة فكـرت... ليه أبريل ما أرجـعـو تاني?! شـفتـو احنا مش أسرة واحـدة? عجـبتني كـلمة 'لـكـن' لما لقيت يازول متغاظ منها.. قهـقهت كـتير ...واستمريت بعـد ماغلبني أقـول الحـقيقة... كـترت الكـلام عـن المسـاحـات وأرضـيت ضـميري الشقي.. يا سـلام أستاذ كـمال عباس? أول مرة تشرفنـا بزيارتـك ..ومعاك برضـو تانيين... عجـبتني الحكـاية واحـلوت... واصـلو فرحي بأأسـتاذ قـاسم...... واستاذ محمـد عبـد الجـليل..... واستاذ ابو جهينة من زماااان بـدا.. أخـوي معز بخـيت كتب كـلام جميل شـديـد.. بعـده مسحت مـن عيـوني دمـوع فرحـانة.... وبـدرنـا خـلاني أفكـر فعلا أصـارحـكم في 'التو واللحظـة' تو شـنو? ولحظـة شـنو? شـوف كـوستاوي الفنان عـامل شـنو? بعـدين قلت نادية دي حـرام والله مابزهجها.. لكـن هي لـوكـانت جـاتني بالمسنجـر زي حـبايبي التانيين..كـانت عـرفت الحقيقة.. علي هي ماجـات! ويخـوانا بوستاتي عـزيزة.... وكـان لازم أودعها بما يليق بها! أسـة بناتـكم وأخـواتكـم لما يتزوجـوا ويمشـوا منكـم..وانتو بتكـونوا عـارفـين هم ماشيين وين.. وانو انتو ممكـن تزوروهم.. مش برضـوا لسة بتحـزنوا? سـمح انـا ده الحصـل علي... لكـن غلبني برضـو أقـول.... وابـدا كـلامي 'بصـحيح العـبارة'! لـؤي الجميل جـاني بفـكرة وكـلام فنـان.. فرحت انا شـديـد... لأ قلت ....لسة مابقـول! نـور تاور اتذكـرت الخليفة وبكـت... في القاهـرة كـانت العشـرة الجميلة وحب الخليفة يساوي حـب قبيـلة... هنـا يانـور بتلقي حـب كـثير.... أنتي برضـو صـدقـتي يابيـان أنـا ممكـن أمشي? أنـا يتيمـة يابيـان وعمـو بكـري وفـر لي 'الأسـرة البـديلة' أفـوتها أمشي ويـن? ولـو كـنت مشيت... كـنت وين ألقي أنا والخليفة وآية في صـورة جميلة واحـدة زي العملها كـوستاوي? ولا ألقي معتصـم الوديع لاميني وآية في فرح قـديم وجـديـد? لسـة مابوريهم! أحـمـد الشـايقي دايمـا معاي ....أخوي وصـديقي وود أهلي... ان شـاءالله ماتغيب كـلو كـلو... دعـواتي ليه وليـكم كـلكـم... عيوشــة الحـلوة برضـو جـات ..أنـا وحياة الشـرق وناس الشرق.. عـم محمـود وحـاجـة خـديجـة.. مابخـذلهم.. ما بمشي..أمشي كيف? وحياة أيامي مـع سـميرة إدريس وموسي وعلي... أنـا مـن هنـا مابمشي! ويا شباب زينين وحـلوين...أفـوت عيـونكم أقبل ويـن? ولا شـنو يا فـرح وعمـر الماحي! لسـة برضـو مابكـلمهم... واحسـن الماكـلمتهـم... ثـابت جـه وقـال كـلامـو...وفـرحنـا كـتير بطـلته.. وكـرمـه قـال هـو مامصـدق..طيب ليه أنـا ماشية? ياربي أقـول ليهم أسـة كيف...أنـا ماماشية بس بوسـتاتي الماشية.. وطـيب يا كـرمة خليل الحلو ليه ماجـه? البوصـيري قـال وهـو زعـلان..موش علي كيفـك? فعـلا موش علي كـيفي...أنـا عضـوة ملتـزمة في أسـرة حـلوة ناسـها ملتزمـين... مافيش وكـالة بـدون بـواب.... في تفاهم... ترابط.... وسـكني في بعضـنا... لكـن برضـو لسـة ماهأقـول because I like the game ! تايسـا قلقت...ليه يامـني تبكـينا كـويس كـده? أنـا ياحـبيبتي لـو قـدرت أجـي أمسـح مـن أرواحـكم أي حـزن... ولمـا عـزاز جـاتني قررت أكـلمها علشـان أنـا عـارفاهـا حساسة قـدر شـنو لكـن شـقاوتي ماكمـلت لسـة! وقبيـل لمـا عمـاد عبـد الله جه وقـال كـالعاده كـلامـه اللطـيف.. أنـا قلت خـلاص يامـني ..إمكـن أحسـن تبطلي استهبال 'الغمـوض'... بس لكـن هم ليه ماشايفني قـاصـدة بوستاتي? الشـاذلي جـعفر زول رقيق...أول مـرة بجـيني... معقـولة ما أكـلمه? وكمـان أمـين موسـي زارني بـدري شـديـد... عيب يامنـي قـولي وأكـبري... لأ ..إبتسامتي وبعـدها ضــحكـتي طـلعت مـن قلبي مبتهجـة.. لسـة بعـد شـوية! ويا أمـيرنـا بـدر الـدين قـربت تعـرفـها .. بس غلطـتك بـديت بالإفـتراض الخطـأ...الموقف متعمـد ولا لأ... هـو كـان لأ...لكـن في النص حـب الشقاوة واللعب عمـلو نـوع... ياربي آقـول شـنو أسـه? واسـماعيـل وراق المهـذب قرب يخليني آقـول الحـقيقة.. بس كـلمة بعـدين كـانت أقـوي! ولمـا المعـز ابو نـوره جـه وقال أنا بفرحكـم...ضـميري أنبني.. بطـلي أمـور يامـني...لكـن مـني الطـفلة ردت للكـبيرة لأ... ولا أمـور ولا حـاجـة عايزيـن نفرح... بحبهم بنفـرح.. وبزيارتهم بنفـرح وكـذلك بوستاتنـا بتفـرح... وعلي كـل حـال ماما عاشة كـانت بتقـول... 'العشـرة ماتهونش الا علي الكـافر'... وإحـنا ناس مـؤمـنين... وهـو ذاتـو معقـولة أمشي قبـل ما أحـتفل بعيـد ميلاد ياسـر في شـهر يوليـو? مش كفاية هـو نساهـو السنة الفاتت? يبقي إحـنـا لازم نكـون هنـا علشـان نـذكـره... زيـن العابـديـن قال أنـا ما أمشي...هـو انـا ذاتي بقـدر أمشي? بس طـلبي ليـك عليك الله انت الماتمشي بعيـد... شـوف فيصـل الزبيـر جميل كـيف? صـورتك... الأبيض والأسـود قـوي تعبيرهـا..قربت تخليني أكـتب... أنـا قـاعـدة.... 'لكـن' قلت يابت... اتقلي لسـة شـوبة... هم مش بيقولـوا التقـل صـنعـة يا إبراهـيم عـدلان...يبقي خـلاص..نتقـل... وبعـدين يا ابراهـيم أنـا معقـولة بس أضـيع فرصـة زي دي وأمشي? ده كـلام ده ياراجـل? سـيف لسـه مابقي كـويس شـديـد ودوبه طـالع مـن المستشـفي... سـيف أخـوي اكتب ليـك جـواب تلقي أول سطر بادي ب تجـدني في غـاية الأسـف لتسبيب الحـزن في قلبكـم العطـوف... ....... ...... أرجـو ان تكـون فهمت اسباب البوسـت.. أخـتك مـني.. ثـم أن لأمـاني الجـنـدرية مكـانة حـلوة كحـلاوتها.... والتي لا تصلهاحـلاة أخـري... كيف طـيب أمشي منها... وفي البال لسـة مكـتبة جـنـدريةواسـعة بإذن الله? وبعـدين رشـا دوبها جـات جـديـدة اقـوم افـوت وامشي? طـبعا لأ .. أكـيـد انتواالبتهظـروا ياجماعـه مش أنـا! اسـتاذ الموصلي اذا قـال كـلام يبقي انـا لازم أفـرح بيه ... علشـان كـده كـان نطـيطي فـوق الرمـلة... لكـن لسـة شـوية ما هأقـول! طـارق اداني الإذن أغيب مـن الامتـداد...بس ما أداني الإذن أغيب مـن هنـا.. وطـارق أخـوي وود حـلتي وكـلامـو مابكـسرو... ياربي أشـرح أكـتر واقـول بـودع بوسـتاتي? مـني الشقية لبسـتني أكـتر...لأ...لأ لسـة مابقـول! المعـز قبيل قـال لي ماتمشي..والمعـز عـزيز علي... بس خليه شـويه أكـيـد هايعرف بعـد شـوية.. إني من هـني .... ماني زاحـي... انـا لســة مـاكلمتكـم عـن دارفـور..ع ـن نسـائها وبناتها وأطـفالها.. وعـن زواج لصـغيرات لأزواج برضـو صـغار..زوجـوهم لبعض ولسة بعـد سنة ماشـافـوا بعض..ودي قصـة طويلة.. وماكـلمتكـم عن الجـنجـويـد ولا عـن قعـدتي معاهم.. وزوغـتي منهم! الكـلام كـتير يامحمـدين ود عمـي اسـحق... سـمح أمشي كـيف بـدون ماأوريـكم?

Quote: منى... باقة تحايا أريجها الخزامى بدأت بتحية متفائ... الوداع أقسى الملاحم الإنسانية... لا تقــولي وداعاً ... قولي إلى الملتقى... أنت دوماً بيننا روحاً.. فكراً.. وعطاءًً... نحتاجك بيننا دوماً إثراءً وأمل... إلى الملتقى ... إلى اللقاء (( أحسن كده)) ابوبكر

تسـلم ابو بكـر.... ونسـأل ربنـا ينعم عليـك بكـامل وعاجـل الشـفاء

Quote: نحنا فى الايام بقينا قصة ما بتعرف نهاية وأبتدت ريده ومحبه وأصبحت فى ذاتا غاية

Quote: كنت تمنحنى السعادة وليا ليا تتفجر عطايا لما اغرق فى دموعى بتبكى...بتبكى من قلبك معاي

تسـلم يالصـحـافة اسعـدتني زيارتـك..