|
|
 كلام زول عادى
|
"ما هَـمْ نصل " ..
ما هَـمْ طريق غير الدروب
الفاتحة حُضن الريد أهل
ما هَمْ بيوت غير القلوب
الواسعة أكبر من مَهَلْ
الهَمْ .. مشاويرنا الَبدَنْ
ما يَلْحَقْ خُطاها حَـدْ
إتْـفاصَح صهيل البَدَنْ
خيل اللَّحوق يَتْلَبّدَنْ
فى اللَفّة يلقاكِ المَحَلْ
يوم كان حُضْنِك وهيط
واعَدْ البَرَم المَواسْم الطيبة
يَـقَّن ألوانو السبِيط
بى رِقة دقّ باب الطيبة ،
والوَعْد البسيط
واْستَبْدَلْ الدم نبضة هواك،
يا قاعدة
بين الجِّتة والروح وسيط
ورينى جدوى الجداول والمتَـر
تَغْسِل أصابْع الموية من وجع الفَتَرْ
والبينا خَصْب واستوائى !
******
|
|
 
|
|
|
|
|
|
|
|
Re: كلام زول عادى (Re: معتصم الطاهر)
|
معتصم
يا مهندس الحروف الندية يا كتاب
ملاصي :
غلبك تجيب حيدر هنا؟
بئس المرؤسين الذين لايتقنون التحنيس
يا سحس جيب لي حيدر هنا ضروري
والفت إنتباهو لبوست الديم
دي أحسن طريقة لجذب هذا المبدع المجذوب الضال
ضال زي معتصم الطاهر
كلاهما ضل طريقه إلى كلية الآداب
وضاع في الهندسة
والهواء السائل
| |
|
|
|
|
|
|
|
|
|
Re: كلام زول عادى (Re: أبو ساندرا)
|
سلامات يا ابو ساندرا
| Quote: بئس المرؤسين الذين لايتقنون التحنيس |
ليس ثمة مرؤسين؛ فالكتف بالكتف!
| Quote: دي أحسن طريقة لجذب هذا المبدع المجذوب الضال |
كل مرة اتأكد من انو معرفتك بيهو عميقة جداً.
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
يا شاطحة في وجع الحروف ..
يا ناطحة زي قرن الخروف ..
يا طاعمة زي موية الجروف..
والمستحيل إنك تكوني في عصب كل المواني..
والغريب إنو الدقايق تيقا اقصر من ثواني..
والعجيب إنو الغيوم تكسو حلم المستحيل..
يا الساكنة بين الشعبية وحلة حمد ..
وريني كيفنو الوصول !!!!!
ويا قاعدة في بمبر ..
وين الكراسي الجبتها ..
وين .. وين ... وين ..
والله عادي جنس عداوة في الدنيا دي ..
| |
|
|
|
|
|
|
|
|
|
Re: كلام زول عادى (Re: nashaat elemam)
|
المبدع معتصم
شكرا لهذا الابداع السوداني جدا
لفظا
وحسا
وبناء
وتشبيها
Quote: ما هَـمْ طريق غير الدروب
الفاتحة حُضن الريد أهل
ما هَمْ بيوت غير القلوب
الواسعة أكبر من مَهَلْ
الهَمْ .. مشاويرنا الَبدَنْ
ما يَلْحَقْ خُطاها حَـدْ
إتْـفاصَح صهيل البَدَنْ
خيل اللَّحوق يَتْلَبّدَنْ
فى اللَفّة يلقاكِ المَحَلْ
يوم كان حُضْنِك وهيط
|
ويا حليه الحضن الكان وهيط.
تعجبني سودانيتك يارجل فهل من مزيد؟؟؟؟
شكرا لك.
تراجي.
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
وما هَمْ نَصَلْ..
وهمِّـك نَصَلْ رمش الحقيقة
وحرّش على طيفِـك
زحم الّنِفس على ضيقـا
إتوهّط على كيفِـك
وعلى كيفِـك.. بعيد منِّـك
قريب شَهَوة مجاديفك
تطفِّر من نزيف آهة
يجدّف فى الوَجَع سيفِك
تقَرْيِفى ألَمِى البِقَردِن قشعريرة القهوة
كُل ما سَطَل فُنجان السفر كيفِـك
وكيفِـك.. تسلِّمٍى عَلَيْ ساكِت !!
سلِّمِى عَلَى النفس مُتصالحة
جازيتِك على عيونك
فِـكِّى الضّايَقَة يا صالحة
أبْرِى من دم العِشِق والخوف
تنَقِّيك المُويَة للوَرَتابْ
تضاريس الصبَيّة نِصَاب
زكّت للحبيب قبلة
وما عرفت يمينـها ما فعل الشباب !!
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
ود الطاهر معتصم
كيفنك يا عزيزي
Quote: يا قاعدة
بين الجِّتة والروح وسيط
ورينى جدوى الجداول والمتَـر
تَغْسِل أصابْع الموية من وجع الفَتَرْ
والبينا خَصْب واستوائى ! |
يا أخي كلامك دة قعد لى بين الفكر و الذاكرة .. و نبش حاجات كتيرة بالحيل ..
أكتر من روعة يا معتصم ..
فوق دربك يا زول ..
| |
|
|
|
|
|
|
|
|
|
Re: كلام زول عادى (Re: ابو جهينة)
|
ايوة يا فنان ..
امرق زهجكـ و زعلكـ ( شِعر )
شوف يا فنان
اجمل شي في الدنيا انكـ تكون عارف انكـ متميز
لكن شرط ان يكون سلوككـ عاديا كما عرفتكـ الصيف الماضي
انت عادي .. اذن انت معتصم الطاهر
______________
عادي اي تمشي في عرصات البورد و تتفق و تختلف مع الاوغاد
| |
|
|
|
|
|
|
|
|
|
Re: كلام زول عادى (Re: ابو جهينة)
|
| Quote: يا أخي كلامك دة قعد لى بين الفكر و الذاكرة .. و نبش حاجات كتيرة بالحيل .. |
أبو جهينة
دخول كلامى فى هذا المكان الجميل ( الفكرة والذاكرة يأتى فى مصب مسئولية علينا )
| |
|
|
|
|
|
|
|
|
|
Re: كلام زول عادى (Re: سامى عبد الوهاب مكى)
|
Quote: ياريت الكلام كلو يبقي زي ده.
ولا زي كلام الكورة الفارغ حقنا. |
سامى عبد الوهاب
شوف الاسمين ديل كباتن المريخ
تعرف باكورد وكورة فى القون برضو قصيدة
واضافة للابداع الانسانى ..
الكورة ما كلام فارغ
ولا الكلام حولها
الفارغ هو الفارغ
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
وحات الله كنت داير ادخل البوست اشلعو لكن لقيت المحترم ابو جهينة فيهو
وعشانك يا ابو جهينة بمرق بس عندي مثل صغيروني كدا
منبر كل من إيدو إلو (مثل قرقيزي )
| |
|
|
|
|
|
|
|
|
|
Re: كلام زول عادى (Re: الأمين عثمان صديق محمد)
|
عزيزي الأمين
سلام كبير و إحترام أكبر
Quote: وحات الله كنت داير ادخل البوست اشلعو لكن لقيت المحترم ابو جهينة فيهو
وعشانك يا ابو جهينة بمرق |
و أنا أحترمك و الله و أحبك في الله ..
تعرف يا الأمين أخوى .. لو الكلام الكتبو معتصم دة كتبو واحد تاني حتى لو كان ما بيني و بينو مودة .. برضو لازم الواحد يقول ال جواهو .. فما بالك ال كاتبو معتصم الذي بيني و بينه كل محبة و تقدير ؟
تصدق في واحد هنا في منبرنا العامر دة .. قبل 3 سنوات إتهمني بي تهمة .. لو كنا في السودان كان حسع أمام محكمة جنائية .. رغم هذا لا أفوت له أي موضوع و بستعذب كتاباتو و بيناتنا ما بين المسلم و أخوه المسلم .. و دة السبب ال مخليهو ندمان على كلامو فيني.
دحين يا الأمين ياخوى عارفك زول حقاني و ما بترضى الحقارة .. و في نفس الوكت لا زم ندي الزول حقو.. ..
أرقد عافية
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
يا حسين
بالجد تحايل على هذا الحيدر
الزول ده كتااااب لمن غلط
وثقافتو عالية
ونحن شفع هو الذي دلني على صلاح أحمد إبراهيم
وكتب القصيد
ورسم اللوحات
وبيغلب زوكوف في الشطرنج
وبيديك إسنا في الوست
أول قصيدة كتبها ونحن بعد أطفال مازلت أذكر مطلعها
{ أبوك صاحب الدكان
البيعاكس النسوان }
أسألو
وأقنعوا
يا
كتفو
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
عادي أنت يا صديقي ..
Quote: ما هَمْ بيوت غير القلوب
الواسعة أكبر من مَهَلْ |
عادي لدرجة أود لو ( أتوهط ) في هذا الوساع العادي ..
يا زول يا عادي ..
بيشبهنا .
| |
|
|
|
|
|
|
|
|
|
Re: كلام زول عادى (Re: معتصم الطاهر)
|
| Quote: عادي اي تمشي في عرصات البورد و تتفق و تختلف مع الاوغاد |
من أجمل ما قرأت للمدعو خدر طيلة هذا الإسبوع ..
خدر الان أنت في طريقك الصحيح نحو اللاعادية ..
| |
|
|
|
|
|
|
|
|
|
Re: كلام زول عادى (Re: عمر الفاروق)
|
عمر الفاروق
اختاني .. انا عتقتكـ بعد ما خليتكـ تحكي تاريخ حياتكـ
علي الملاء
صعلقتي الجزء التاني و التالت لسة ما وريتكـ ليهم
اختاني .. اخير ليكـ
| |
|
|
|
|
|
|
|
|
|
Re: كلام زول عادى (Re: abuguta)
|
Quote: انقاذ مكنكشة
اجيال مشردة
احلام مهدهدة كاسحة
لظلم ...... وفساد
جميل انك عادى
وكلماتك انشادى..
زى طيبة اهل البودى..
وفرح الكادحين فى ليال قامرات
.وثمار مجمعة فى تقاوى الحصاد... |
كنكشة عجيبة..ورائع يا (boss)
| |
|
|
|
|
|
|
| |
معتصم الطاهر
Hussein Mallasi
أبو ساندرا
عمر الفاروق
nashaat elemam
Tragie Mustafa
ابو جهينة
خدر
تيسير عووضة
Mouawia El Tayeb
Emad Abdulla
أبوذر بابكر
عبدالكريم الامين احمد
Sahar Abdelrahman
بدر الدين الأمير
abuguta
فيس بوك
تويتر
انستقرام
يوتيوب
بنتيريست