|
|
 Re: أشياء من الذاكرة (العيد) (Re: بدرالدين شنا)
|
تحياتي يابدر الدين وأنت تنقل هذه الصورة الجميلة والعيد في القرية لابد أنه جميل والعيد في السودان كمان حاجة تانية والأطفال دائما فرحانيين وقضية الجزمة دي انا خشيت فيها العيد الفات المهم لحظة شراء الحذاء ياولد قيس قام الولد قاس ياولد أمشي قام مشى أها يامؤمن يامصدق اشترينا ادفع دفعنا اها وقمنا مشينا للصلاة كدراي وبينى وبينك المشوار بقى بعيد والكرعين بتاعة الولد قام فيهم البقاق و الولديا بابا( بابا دي والله ما بريدها؛ أنا يابا دي والله أبوي دي ماشايف في أحسن منها ؛ المرة تقول خليهم مع الزمن اريتوا زمن العدو) حلف لابد يبدل الجزمة اها نبدلها وين ياولد طيب نجيب ليك الجزمة القديمة قال العيد ما بلبسو ليه جزمة قديمة أها وبعد المنطق والفلسفة طيب ياولد قبيل انت ما اخترتها براك ومافي واحد اختارها معاك اها قست ومشيت كيف ما حسيت بيها قال والله كنت فرحان شفت يا بدر الدين الفرحة كيف بتنسيك ضيق الجزمة وضيق حاجات كتيرة الله يكفيك شر الضيق وزهج ابو الدقيق.
وألف تحية
والله أنت متعاطف مع الخروف لدرجة أكثر من جمعية الرفق بالخرفان
|
|
 
|
|
|
|
انور الطيب
فيس بوك
تويتر
انستقرام
يوتيوب
بنتيريست