|
|
|
 Re: ها بت ناوليني الدلوكة دي (Re: بدرالدين شنا)
|
الحبيب /بدرالدين شنا
سلام واحترام
حمي الدلوكه
الباندوووووث الباندووووث
الباندوث رقد في الساحه
الباندث اتهلط براحه
البانودوووث الباندوووث
جب جب جب
تر بعيد اجنا خلي الفسحه تكبر والهيصه تعمر
ارح
| |
 
|
|
|
|
|
|
|
 Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
الغالي هوب لس
سلام يا جميل
ياجماعة والله أنا جد عايز افطس في الصحراء القاعد فيها دي
ياخوانا والله لي فترة طويلة جداً ما غنيت إنتو بتبالغو ولا شنو؟؟؟
هوب لس ياخوي قول للبنات يمرقن وزح الشفع ديل من جنب المكرفون
الباندوث البندوث
آي سمح إنت وعسل إنت
الباندوث الباندوث
يلا شيلوا
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
..
.
يا ربي دى صبحية ولا شنو ؟؟
من الصباح دلوكتكم فى السماء
وكمان معاها جبجبة
والله يا بدر الدين دى خرمة عرس سااااى
لكن دا ما شوق للدلاليك
كدى خلى دلكتك دى فى الفضاية لمن الناس تصحى وتجيك
صباح بلفحة الصحراء
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بدر الدين
هاك طرِق بيها خشمك
كانت لنا أيام لن ننسى ذكراها
في وكرنا المذكور والصمت قد عمّ
تحلو لنا الشهوة والحب والنجوى
لن أنسى نجواك والهمس والبسمة
وحرارة الأنفاس في قبلتي لما
ضمتك يمنايا يا سعد دنيايّ
وغفوتِ في صدري نشوانة في الأحلام
كيف أنسى أيامي يا فتنتي الكبرى
يا محيا إلهامي ونجمة الذكرى
ذكرى لياليكِ في خدر واديكِ
الليل أهواهُ في شعركِ الناعم
والنور والنوار في طرفكِ الساهر
لكن تباعدنا دهراً وما عدنا
للوكر يا سلمى وعادت الأيام
وعادت الأيام
| |
|
|
|
|
|
|
|
|
|
Re: ها بت ناوليني الدلوكة دي (Re: ود الشيخ)
|
بدر الدين أخوى : صباحاتك خير :
قول بسم الله يا بدر ، دلوكة شنو ؟ قول جيتار ولا عود ،
دلوكة و مكرفون. ولا إنت عاوز تلبع ليك حاجةو السلام ؟
ممكن تنزل لينا عينة من صوتك يا أبو البدور ؟
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
الحبايب
بشرى
هوبلس
تبلدينا
ود الشيخ
سلام مجلبط بالمحبة
يا شباب والله والله جد جد أنا خرمان وعايز أغني اغنيات كتيرة
قائد السطول
فريع البانة
خمرة هواك
يجلي النظر ياصاحي
في الطيف أو في الصحيان زورني
بالإضافة إلى أغاني صغار صغار وأغاني بنات كمان
بس إنت شوفوا لي إمكانية الشئ دا كيف بحصل
أنا خرمان خرمان
ياشباب أنا غنيت في السودان قبل كدا والناس قالوا ما بطال
غنيت هنا في الصحراء دي البدو قالوا لي لاتصيح فينا كما الكلب
أها أسوي شنو؟؟؟
أفطس؟؟؟
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
أخ العرب أبا جهينة
الأخوة أهل العوض
سلام وإحترام
Quote:
ممكن تنزل لينا عينة من صوتك يا أبو البدور؟؟؟
|
أبو جهينة قول كيف أنزلو وليك علي أنزلو
أهل العوض
الأغنية دي أنا حافظها بس إنت جيب لي البنوت
ودا عقابها
عامل قجتو الغجرية
بنطلون قماشتو قوية
وقضية العرس دي قضية
وعرس مافي
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بدر الدين شنا
صباح الخير
شنو ياخى الفضائح دى من الصباح
ياخى هسع بنياتنا ديل يقولن علينا ناس متخلفين اكثر مما نحن
تعرف الكثير من اولادنا وبناتنا الجداد تربية خارج الحدود ديل يكونوا ما سمعوا بالدلوكة دى
المحيرنى ليه الواحد بزعل لو قالوا ليه يا دلوكة
ما بحمسوها ويسخنوها وصوتها يبقى فى السماء
يعنى شنو
| |
|
|
|
|
|
|
|
|
|
Re: ها بت ناوليني الدلوكة دي (Re: قرشـــو)
|
بدر الدين يا اخوي شايف الناس الكبار ديل الغناء الهابط دااااك مانفع معاهم احسن نرتقي بمستوي الاغنيه شويه ...وعشان نطلع طلعه سمحه نمسك فوق شاعرنا المعجزه .._الأمي -..امسك المايك وهيص
عيون الصيد
عيون الصيد ناعسات عيونى وعيون النيل حاكن عيونى
نسيت قلبي وروحى ونسونى وفقدت الكانوا يآنسونى
ليالى هناى جد عاكسونى وأخاصم النوم كيف درسونى
فقدت صحابي لا تنصحونى خطاب وعتاب كف بارحونى
عيون الصيد الجرحونى سرورى يتم لو يلموحونى
مع الآلام هاجت شجونى وأطبا الكون ما عالجونى
جفوا وبي نفورهم هيجونى متين فى الطيف يصبوا ويجون
غلبنى أسير هيا درجونى على الأطلال ليل عرجونى
هواى شريف لا تحرجونى وعلى الأكفان لا تدرجونى
مقر أملى وفيهم ظنونى يزيدوا دلال وتزيد جنونى
لذيذ تعذيبهم لو ضنونى وصالهم آه راحتى ومنونى
| |
|
|
|
|
|
|
|
|
|
Re: ها بت ناوليني الدلوكة دي (Re: HOPELESS)
|
بدر الدين حلا اخوي ازيك
الله يديك العافيه ازلت عني هم الوحده في هذه الجزيره النايئه
طبعا الناس مفتكريني كاتبه بت الجزيره دي علي حقت اهل العوض
لكن هي جزيرة تانيه صغيره ونايئه بتكون سمعت بيها يابدرالدين
لكن دلوكتكم كاربه بس مافي بنات
المشكله اغاني الدلوكه دي اغاني البنات يعني شوفوا ليكم
بنيات يجن يغنن ليكم
لما مشيت الجازه الفاتت دي يعني بعد حقت اهل العوض
سمعت الاغنيه دي
ياماما ماتحومي
قطعتي دكتور شول
برااي بجيب الزول
لكم تحياتي
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
عمدتنا قرشو
سلام وإكرام
المحيرنى ليه الواحد بزعل لو قالوا ليه يا دلوكة
زمان كان جاء خبر في حلتنا قالوا في بص إنقلب وفيهو من الحلة فلان
يازول أخوه أجّر عربية وملاها من ناس الحلة ومشوا مكان الحادث ما لقى أخوه وبدأوا يفتشوا في المستشفيات ونقاط البوليس المهم في النهاية فقدوا الأمل وكان في عرس في حلة جنبنا الجماعة وهم راجعيين قالوا يغشوا العرس عشان يأدوا الواجب
أها على دخلتهم لقوا ليك زولن بي فلقتو قاعد في العرس
قام أخوه بي زعل شديد قال ليهو
ياخي نحن ما خلينا مستشفى ولا بوليس ما فتشنا وإنت قاعد بي هنا يا دلوكة؟؟؟
أخوه زعل من النبذة دي زعل شديد ورد عليهو قال
دلوكة أنا يا..........؟؟؟؟
الحبيب هوب لس
سلام
ياخي عيون الصيد دي عايزة ليها عمّة و رِق ما بتجي بالدلوكة
الجزيرة ينق دوتر
سلام وإحترام
رايك شنو في ينق دي؟؟؟
| Quote: لكن هي جزيرة تانيه صغيره ونايئه بتكون سمعت بيها يابدرالدين |
سمعت بي بتها بس
وبعدين أنا وكتين أدي الدلوكة للبنات البوست أنا فتحه لي شنو؟؟؟
إنت عارفة أنا ما بستمتع إلا أغني بالدلوكة ووسط البنوت كمان وهن يشيلن
حلوة أغنية براااي بجيب الزول
لكن لمن ما لقتو قالت
يما أنا زولي ماجاء
يما أنا زولي ماجاء
| |
|
|
|
|
|
|
|
|
 Re: ها بت ناوليني الدلوكة دي (Re: بدرالدين شنا)
|
دلوكة في الحر ده يا بدرالدين الما شين ، لكن ما مشكلة بس اهم حاجة تغني لينا اغاني حقيبة
وبعدين ما تخاف صوتك سمعناه قبل كده يعني بنقدر نسمعه تاني
قصرنا معاك في جهنم المولعة دي
دمت يا استاذ
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
الغالية ميا
سلام وإكرام
الحقيبة دي تقيلة بتقدري تشيلي
فيها عفش زي النوع البقول ليك
زبرجد لونك ما ضرّ
ولع نار قلبي وإخضرّ
أنا قلبي فدايتك ما ضرّ
لو كان يديدق ياروحي ويضرّ
تسلمي يا ميّا
الموصلي السوداني
سلام وإحترام
أنا سمعت بي ليكم اللحم ولينا العضم .. لكن ليكم اللحم ولي الدلوكة دي أول مرة أسمع بيها
بعدين الخرفان هنا في عمان مستوردة من استراليا والصومال دا ما بغير في النغمة دحين؟؟؟
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
الحنين[/]
البدرى
اقدر خرمتك ووجع حلقك ونشاف ريقك
ومهاتاتك؟
لكن نسوى ليك شنو.؟
انت قايل بيت بكرى ده بيت عرس؟
اها اقيف النحدثك؟
والله قايلو بص ود اب حاروق؟
والله عرس فى جنس حلالكم
الذين لا يكترثون ولا يعملون اى حساب للمغنى ؟
اذ يوجد فنان حيره على طول؟
ولعمرى يحصل هذا واكاد اجزم
من ابوفوته غربا وحتى ابوعشر شرقا؟
ومن النخيره الى شواطئى المناقل؟؟
ما تقول لى المناقل ما فبها شاطئى؟؟
فيها؟؟
انا شفته؟؟
وكان معانا ناس من الخرتوم؟ وبعدين منتظرين البص على احدى دورانات كنار رئيسى؟canal?
بعدين فى واحد قال ادونى الكاميرا عشان اصور جنب الشاطئى؟؟
بالله عليك نعمل ليهو شنو؟
غنى يا زول بالدلوكه بالجردل
بس رجاء ما تمشى جنب الرتينه وتعمل لينا عمايلك ديك؟؟
الرتينه ذات قاعده مقعره؟؟ حلوه؟؟ ممكن تعمل من وشك حاجات عجيبه؟؟
بعدين جلد الخروف الصومالى مش بغير النغم وبس؟؟
ده احتمال انفجر فيك
واحتمال اطلع من القاعده؟؟
اما الاسترالى ده انا شخصيا ما بحبذه لانه مع التحالف
وممكن ينفر ليك ناس اللمه
ليك الود
اسعدتنى شخصيا بهذه الاستراحه
وليكم الود يا حلويين جميعا
انور
يوم العركه الفى الحراره
بتشبع الصقار مراره
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
الأخ بـدر الما شـيـن ســــــلام
و الله حالتك تحـنـن لكن !!!! لحـصـل ليك شنو ما كنت كويس
و الله خايفك تكون داير ليك ظـــار عـديـل كــدا
أسـمـع عـنـدي لـيـك فــكــرة
قـدم دعـــوة لـي الفـنـان قـــدورة خـلـي إجـي إربـهـا ليك
و الله كـان عـنـدي دلـوكــة كان رسلتها ليك بالـDHLـ إنشاءالله
حـلـوة ليكم اللحم و لينا الجـلـد و هـو الموصـلـي دا ليهو كم يوم
شايفوا بتذكـر في العـضـة ما لو ســعـران و لا شـنـو ؟؟؟
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بدر سامي علاه
زي ماقال العزيز قرشو دلوكة شنو العليك انت عايز البنات ديل يقولوا علينا شنو؟
اها انا جبت ليك فرقة كاملة من مركز شباب السجانة، تصدق قاعد راجيهم من الصباح قالوا كان عندهم صبحية في حبرة
لكن شرطا تغني لينا اول شي خمرة هواك يا مي صافية وجلية
| |
|
|
|
|
|
|
|
|
|
Re: ها بت ناوليني الدلوكة دي (Re: بدرالدين شنا)
|
بسم الله الرحمن الرحيم
ود بتول الغناي
سلام وريد شديد
طبعاً إنت أكتر زول بتكون حاسي بي خرمتي دي
ما تقول لى المناقل ما فبها شاطئى؟؟
وفيها منتجع صيفي إسمو (شرم الشيخ أهل العوض) كمان وفيها بيتزا هت كان ما عجبك
حبيبي الموصلي
سلام
أنا حا احكي ليك قصة
عندنا جماعة هنا النوع الهلكتم الغربة وعانو منها كثيراً
أها يوم مشوا يزوروا واحد في المستشفى ولمن خلاص دايرين يوقفوا العربية في (الباركنق) صاحبو قال ليهو ياخي ما شايف العلامة دي ؟ دي خاصة بالمعوقين فقط .. فرد عليه قائلاً
هو عليك الله في معوقين أكتر مننا نحنا الجايين نتحاوم في البلد دي
فأنت يا صديقي دايرني أضبح ؟؟؟
دحين في ضبح أكتر من الشلهتة دي؟؟؟
الغالي أبو حسين
سلام وكمية اشواق
أنا قالولك نطا علي حرامي عشان أنادي قدورة ولا عشا البايتات؟؟؟
الظريف قرجة
سلام وإعجاب
ياخوي طرزان دي بتقوم علي الهوب لس
المحبوب ياسر حنا
سلام يا حبيب
أنا لمن قلت أغني بالدلوكة عشان قصة حق العازفين دي
وبعدين كان داير تجيبهم جبيهم متعشيين لو سمحت
الحبيب سيف كلي
سلام يا جميل
Quote: وعليك الله أهبكها هبِك نضيف لامن تقوم فينا الشعرة
طبعاً في جماعة لامن تقوم فيهم الشعرة بفتشوا على العنجاوي ويركزوا |
[blod]
ياخوي إنت الكلام دا كاتبو كداري ولا شنو؟؟؟
أشرح عشان النواعم زي ما قال قرجة
الصديق أبو مهند
سلام وشوق
أذا كان بتشوف كلام الموصلي صاح بدل ما تجيب صاحبك جيب الخروف
قال سجمي القرد قال
الغالي مبيوع
سلام وعاطر تحايا
هي الدلوكة دي أنا داير أدقها ولا أحلبها ماسك لي الشتم ؟؟؟
دحين الشتم دا مو جنا الدلوكة الصغير؟؟؟
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
bushramk
ابو جهينة
Ahlalawad
قرشـــو
bint algazeira
Elmosley
ABUHUSSEIN
garjah
Yassir7anna
saifkeli
مبيوع
فيس بوك
تويتر
انستقرام
يوتيوب
بنتيريست