كبر لسارة عيسي: "انطلاقة خدم اخر زمن.."

Quote: الكوز خطاب تحياتي. قلت لي : Quote: متى ستنفك من عقدة الدونية ؟؟ كيف "بالعربي" شمالي سيد بلد "ودعرب" يقعد يقوم علي كيفوا، او فوق رقاب مقهوري السودان مسلط سيفو يكون عندو عقدة دونية؟ انت قايلني "فرخ" ولا فيني عرق يعني عشان ما اكون معقد؟!!!!!! مش دي بنود بروتكولكم ولا انا ضهبان؟ ولا عايزين تغيروا قوانين اللعبة في عز المباراة. انا صاحب امتياز من المهد او حتي في اللحد ذاتو، جايي تجردني منو واصفا اياي بالدونية كاي غرابي او نوباوي؟!!!!!!!!!! شفت بشاشا كيف خازوق او ركبكم؟ ماعندكم اي طريقة معاي بالمرة لانو معلبات النعوت الجاهزة مصممة بي مواصفات محددة لاتنطبق علي كشمالي بالمرة! قلت لي الناس سواسية كاسنان المشط؟ وين ده او ياتو ناس ديل؟ قصدك الجعل والشوايقة والمحس؟ جايز. اما لو قصدك ناس كوكو او ادمو فديل مابشر ذاتم في عيون ناس "جعلي حر"، خليك من اسنان المشط. شفت كيف انت عايش في دنيا تانية؟ بعدين كيف تكون عايش في هولندا كلاجئ او في نفس الوقت البتذكي روحك فيهو "كوطني حتي النخاع" تطعن في وطنية اللاجئين السياسين وتصفهم بالتطلع للاستوذار علي جماجم ملايين الضحايا؟ الميزة الخارقة الفيك شنو يعني عشان ماتكون وطني او كمان حتي النخاع وانت لاجئ في هولندا وغيرك انتهازي او وصولي؟ بعدين وطنية وين وانت بتعادي اليهود انطلاقا من حسابات ناس اجانب، مضحيا بي مصالح وطنك من اجل سواد عيون الغير! ما من اسباب موت الملايين في بلدنا هو وهم دفاعكم عن العمق العربي وحماية ظهر مصر، مش كده ولا انا غبيان، يا"وطني حتي النخاع"؟ ماعشان كده المصريين بفتكرو السوداني اهبل او ريالتو سايلة جداول بالميلاد. عشان كده خوف السوداني المسافر مصر من نصب وضحك المصريين عليه معروف في الثقافة السودانية، والسبب هو اعتقاد المصري بهبالة السودانيين "الطيبين"! او كمان تملي خشمك او تقول علي روحك وطني لمجرد معاداتك لي اسرائيل العمرها ما استعمرت السودانيين او استعبدتم كما فعلت دولة الخلافة الاسلامية بتاعتك لي مسلمي السودان؟ او برضو تقولوا لينا المسلمين خير امة. ثم مامعني احتجاجك علي "لفظي" وانا كعادتي لا ارمي القول علي عواهنه. محتجي علي وصفك بالكوزنة؟ طيب دي حقيقة ماثلة وواقع مجسم في مواقفك او كلامك المنشور علي الملا. لو ماكده عينك في الودو البلد في ستين داهية عشان خاطر عيون الكراسي القلعوها بي ليل، تتهم من شردوا واجبروا علي ترك ديارهم بالتطلع للاستوذار علي ظهور ملايين الضحايا؟ ده كيف يعني؟