|
مـن دارفــور..... الي...دارفــار
|
الفار فرفر تحت الفروة الفار حسي بقى يفرفر ...و.... يقدل فوق الفروة..... الخوف دخلني وقلبي داير يتقطع.....وقدر ما اشوف فار... اقول يا النبي نوح. بقيت مرعوب من الفيران.....من الخوف بقيت لما ادور اقول دارفور..... اقول دارفار..... شوفتو جنس الحالة دي؟....جاتني حالة بتاعة فارفوبيا....وبقيت اريد الكدايس جنس ريدة ... ريدة عينة.......لحدي ما ام الخير شكّت وخافت اقوم ادبل فوقا بي كديسة....ومرة حلفت بي نظرا وعافيتا انو انا عندي علاقة مع الكديسة الزرقا الطوالي راقدة فوق الحوش ديك...عشان كدي هي مُصرة الايام دي تغير اسمها من ام الخير الي ....بُره...او.. سانتوت. وان سعلوها سانتوت يعني شنو؟ تقول لهم دا اسم سلوى لكن بالفرنسي انتو ما سمعتو بالمغنية الفرنسية الاسمها..سانتوت دي بافار؟.... كلو عشان ترضي زوقي وحبي الكدايسي النزل فوقي فجعه كدي........ فئران الزمن دا...ماهن مودبات.....وما ساعلات......ما بيعرفن الكبير من الصغير...ومافي شي غايظني غير قلة ادبن دي......دايرات شنو من كرعين الناس؟......اللاخر كلو سكتنا لو.....سكتنا لي مُساكاكاتن.....وجريهن في نص البرندة...كمان جانا قريّض الكرعين ؟ الكرعين حِكن الرغيف؟......وكرعين منو؟... كرعين ناس مو هينين.....؟....الفار يقرّض الكراع.....ويجي فايت فوقك جاكي ويكورك القرضّة دي لله......... .اما زي كرعينا ديل ياكلنهن....بالدس عشان مافي فار يشتمهم ويقول لهم يا مقطعين يا جيعانين. يا رمرامين يا البي تاكلو الكرعين من دكان البرقاوي......حسي انا دحين ان مت من الجوع زي كريعات سجيمان ديل بدخلهن في خشمي...لو ما صغرة نفس؟....ويقعد يتفشر ويتبوبر ويغني لي نفسو.......
فار الخُشش اللابد في الجلالبية
يا ليلى هوي
العشاهو........... كُراعن طرية
..لكن برضو نحرص علي كرعينا...النوم بالجزمة والشراب... والجلابية وتحتها بنطلون...والايدين جوا جيوب الجلابية.....يمكن يقوم فار نفسو صغيرة .... يتعشا بالكرعين.....ويحلي بالعنبة الرامية فوق بيتنا....وكلو كوم والعنبة كوم تاني........... ومافي شي مزعلني غير تربية الفئران في بيوت الحكومة..لو الواحد الظروف ساكت خلتو يبيت في بيت حكومة.... ممكن زول يقطع يدي....ومن الصباح يحلف بالتكسرو انو الفار اكل ايد الزول دا....والمصيبة لو اكلني من خلاف...ولاّ...لو جو لقوني مافي....وسعلو مني.... برضو يحلف ويقول الفيران البارح كان عندها عرس كورة واتعشت به.....وزيي انا دا عشرة فيران نفسهن عجباهن بي يقومن بي...غايتو انا من يوم الليلة ابقى ابو هريرة. و....وحالف ان ركبت طيارة سودانير كديستي تحت اباطي....ومحل ما امشي كديستي معاي...وفي البظبورتي ارفقها معاي..بي صورتا..ويبقى شعاري.......
شي بديع في.. غرامك
يا كديس يا .... سمين
ابراء ذمة أي كشط او تزوير لبيت الشعر الفوق دا... يعتبر لاغي .......... وانما الاعمال بالنيات
|
|
|
|
|
|
|
العنوان |
الكاتب |
Date |
مـن دارفــور..... الي...دارفــار | سجيمان | 07-14-04, 06:56 PM |
Re: مـن دارفــور..... الي...دارفــار | سجيمان | 07-15-04, 02:50 AM |
Re: مـن دارفــور..... الي...دارفــار | حبيب نورة | 07-15-04, 02:53 AM |
Re: مـن دارفــور..... الي...دارفــار | سجيمان | 07-16-04, 04:13 AM |
Re: مـن دارفــور..... الي...دارفــار | تولوس | 07-17-04, 04:12 PM |
Re: مـن دارفــور..... الي...دارفــار | حمزاوي | 07-15-04, 03:07 AM |
Re: مـن دارفــور..... الي...دارفــار | سجيمان | 07-16-04, 05:32 AM |
Re: مـن دارفــور..... الي...دارفــار | الفاتح يسن | 07-15-04, 05:52 PM |
Re: مـن دارفــور..... الي...دارفــار | سجيمان | 07-16-04, 09:56 AM |
Re: مـن دارفــور..... الي...دارفــار | توما | 07-15-04, 06:55 PM |
Re: مـن دارفــور..... الي...دارفــار | سجيمان | 07-17-04, 07:44 AM |
Re: مـن دارفــور..... الي...دارفــار | جمال السنوسي | 07-16-04, 01:30 PM |
Re: مـن دارفــور..... الي...دارفــار | ناجى الزبير الملك | 07-16-04, 02:16 PM |
Re: مـن دارفــور..... الي...دارفــار | سجيمان | 07-17-04, 08:07 AM |
Re: مـن دارفــور..... الي...دارفــار | سجيمان | 07-17-04, 08:01 AM |
Re: مـن دارفــور..... الي...دارفــار | abas | 07-16-04, 08:12 PM |
Re: مـن دارفــور..... الي...دارفــار | سجيمان | 07-17-04, 08:11 AM |
Re: مـن دارفــور..... الي...دارفــار | serenader | 07-17-04, 02:34 AM |
Re: مـن دارفــور..... الي...دارفــار | سجيمان | 07-17-04, 01:21 PM |
Re: مـن دارفــور..... الي...دارفــار | صديق الموج | 07-17-04, 01:34 PM |
Re: مـن دارفــور..... الي...دارفــار | ود محجوب | 07-17-04, 01:42 PM |
Re: مـن دارفــور..... الي...دارفــار | humida | 07-17-04, 07:27 PM |
Re: مـن دارفــور..... الي...دارفــار | مريم الطيب | 07-17-04, 07:59 PM |
Re: مـن دارفــور..... الي...دارفــار | nazar hussien | 07-17-04, 11:40 PM |
Re: مـن دارفــور..... الي...دارفــار | سجيمان | 07-18-04, 05:25 AM |
Re: مـن دارفــور..... الي...دارفــار | سجيمان | 07-18-04, 05:21 AM |
Re: مـن دارفــور..... الي...دارفــار | سجيمان | 07-18-04, 05:15 AM |
Re: مـن دارفــور..... الي...دارفــار | سجيمان | 07-18-04, 04:55 AM |
Re: مـن دارفــور..... الي...دارفــار | ahmed haneen | 07-18-04, 00:21 AM |
Re: مـن دارفــور..... الي...دارفــار | سجيمان | 07-18-04, 05:32 AM |
|
|
|