|
|
 استقــالتي..من المنبــر الحــر.....والراجــل يجي يحجزني
|
شفتو الزول المارق النار من خشمو دا؟... الجنب العنوال دا؟....دا انا....زعلان وداير اطرشق
والله الليلة قبال استقيل ما اخلي لكم صفحة ترقدو عليها.....انتو عندكم منبر هو؟.....بكري باعو لعادل عبدالعاطي.....وباعنا نحن معاهو.....انا..انا.. زول طويل عريض يقولو سعري مائة دونار..... انااكل ملوخية ساكت....مكلف اهلي الفين دونار.....ورودا بخمسن دونار...غايتو الحمد لله تراني اغلى منها....وفي اعضاء كدي قالو كل عشرة بخمسة دونارات.....وفي اعضاء تانين... كل واحد في عادل وبكري يدفر فيهم علي التاني ويتحالفو في الطلاق.....النضم دا كلو قالو لي زول في الماسنجر....وانا اصلي قواااااال.... الحبة ما تتبلا في خشمي......
وقال لي تاني...... انت قايل بكري دا عندو صلعة؟.....لا لا..اوعك تصدق...... دي باروكة ولابسا بكري عشان يتنكر.....وخلى شعرو يغني لو كنت ناكر للهوا زيك.......
انتو عنك منبر هو؟.....الواحد فيكم سااااكت ان عزم لو زول علي كباية شاي.... نجي من دغش الرحمن...ويلقى بوست كبير ومكتوب عليهو"فلان كمّل سُكرنا".....
انتو عندكم منبر؟..... قومو بلا منبر بلا الله ادناي طرادة....تلقى واحد لابس عراقيهو وقاعد قدام الكمبيوتر....ويكتب...ما هو حكم... كديس وكديسة لقوهم في خلوة غير شرعية فوق راس متبخ ناس ستنا؟..... يطلع واحد تاني وعامل فيهاابو حنيفة النعمان....ويقول ليهو.... لو الكديسة جات ماشة كويس ..تكون مافي خلوة غير شرعية....اما لو الكديسة جات جارية وتصرخ.... فاعلم هداك الله ان هناك خلوة و الفاحشة قد وقعت......
وواحد تاني... محكر سفتو...ويكتب بوست.. ويقول فيهو انو الفنان محمد وردي كان سبب في طلاق..كديسة يوم العرس حقها.....وانو العروس الكديسة طلبت من العريس الكديس انو يجيب لها ساردين... و...صير.. في الشيلة.....والعريس ما جابن....تقوم العروس عشان تكاويهو...تطلب من وردي في الحفلة يغني غنية...توعدنا وتبخل بالصيرة؟....والعريس يرمي عليها يمين الطلاق وهي في كوشتا.....؟
قومو فرتقو كدا ولاّ كدا...انتو عندكم منبر؟....اتنين حسهم مارق للبوردات الجنبكم...متشكلين....ومتغالتين في حد الزنا لي كلب....وانو لازم يكون في شاهدين عدلين ولاّ لا؟...... شفتو الغبا دا؟....الكلب هو ساعل فيهم؟..... علي اليمين ان وقفو عشرين شاهد...وصوروهو.....ان ما تمّ العشرين دقيقة حقتو دي....ما بيمشي يشوف شغلتو.........
وواحد يجي يقول...على المراة احترام زوجها...وان لاتقول له في وجهه...اوفٍ.....ولا وب علي....ولا جي يا يابا......ويقول دخلت امراة النار لانها ...ويوبت..و...جيجيت... في وجه زوجها
ايها السادة
انا سجيمان وفي كامل قواي العقلية.... اتنازل عن الباسوورد بتاعتي في المنبر..لي زول...عزيز علي..كلمت ليهو بكري لي حسي ستة شهور... بكري ما هببو لنا .....وعليكم الله يا عادل غيرو ليهو النيكنيم ...... سمح؟
|
|
 
|
|
|
|
|
|
|
 Re: استقــالتي..من المنبــر الحــر.....والراجــل يجي يحجزني (Re: بلدى يا حبوب)
|
| Quote: وفي اعضاء كدي قالو كل عشرة بخمسة دونارات.....وفي اعضاء تانين... كل واحد في عادل وبكري يدفر فيهم علي التاني ويتحالفو في الطلاق..... |
يا سجيمان انت ورودا باعوكم بالقطاعى ,و فى واحدين اتباعوا بالكوم , وواحدين اتباعوا بالقفة , وواحدين تانيين مافى زول عايزهم , طيب ديل ما يفرتقوهم عضو عضو ويبيعوهم قطع غيار مستعملة , اكيد فى حاجات فيهم نافعة .
| |
|
|
|
|
|
|
|
|
|
Re: استقــالتي..من المنبــر الحــر.....والراجــل يجي يحجزني (Re: سجيمان)
|
رجاء
بوستات سجيمان دى تقريها وانتى واقفه حياطى!!
(رد اول)
غور يا سجم الرماد، انت شن طعمك، من شدة هوانتك لما ناس الصحافه الهاملين حقروا بيك
(رد تانى)
ياى سجومى لا يمكن تستقيل، حرام امبوسبل،oh my heart حيتكسر بكوز اى لف الكلام البلدى الانتا بتكتبو وبتعلم كتير عن الكلشر بتاع الناس البلدى الى زيك please please Mr. Sijjjjeamn stay
please don't go
(رد تالت)
انى ارى راسك قد اينع وحان قلعو، اتتهكم على العقيده ياهذا، ان الدين شامل كامل لكل شئ، سننتظر هذه العشرون دقيقه ونرى ان كان المكحل فى البرجل ام لا، وانك لعلى ضلال و زيغ و تيه و عقلك شمخرير
(رد رابع)
هذا المدعو هو الذى كان ولم يكن، لقد قلت فى بوستك بتاريخ 3/5/1941
المعنون
http://دراسات حول شنكبيات سجيمان السكران
انك كنت ولكنك لم تذكر كيف كنت ولماذا كنت، وعدت بتاريخ 2/2/1950
المعنون http://القزازه والبزازه فى العواره والزفاره
لتقل انى كونت نفسي تكوينا، لكن بما ان الكون كان فانت ذو كنه كنانى مكوكن
(رد خامس)
ان التنوع الثورى لتكوينك البرجوازى المتلخظم لم يماهى وعى العناصر المتقولبه فى ذاتياتها المتفاعله مع سومطيقا السوسيولوجيا المنبثقه فى تفاعلات التهميش الدائرى لمناطق السمولوجيا العرقيه
و صحى : فكونا كدى قرفتونا وكرهتونا يا مرض
| |
|
|
|
|
|
|
|
|
|
Re: استقــالتي..من المنبــر الحــر.....والراجــل يجي يحجزني (Re: Ahmed Khalil)
|
يعنى لو استقلت يا سجيمان البورد حيقفلوا ولا بكرى حيستقيل ولا داير يغنوا ليك حنسونى يا ناس حنسونى .. والله يفكوك زى الورقة عكس الهوا ويركبوك التونسية وبعدى شوية يجيبوا ليك تهم تهد حيلك وتنشف دمك لو بقا من الكوبيا ولا من الويكاب .. احسن ترجع وتقول باعلى صوتك ( ان الثورة تراجع ولا تتراجع ) والغلبوا منو يا ناس الغلبوا منو .. واوعا تدراى عينيك بالنضارة وكده .. انا حا اطلع بى مظاهرة فى اقرب وقت ..تطالب بطردك من المفصل والكوع والبوع حتى العرقوب وشنقلى طوبايا وان شاء الله يودوك الامريكان مع الجنجويد او اى فئة تختارها انت الى غوانتا... هم على فكرة ناس غوانتا ديل ناموا وين واحى يا الحر
شاك
| |
|
|
|
|
|
|
|
|
|
Re: استقــالتي..من المنبــر الحــر.....والراجــل يجي يحجزني (Re: shak)
|
| Quote: انا سجيمان وفي كامل قواي العقلية |
 ......
لا بكرى لا عادل زول هبهب ليك مافى .....انهبهب ليك أنا .....
استقالـــــــــــــــــــــــــــــــــــــــــــــــــــــة
مرفوضــــــــــــــــــــــــــــــــــــــــــــــــــــــة
بس اوع يبقى فيك قول .....الشمات
وجع ....أستقال.....ورجع
| |
|
|
|
|
|
|
|
|
 Re: استقــالتي..من المنبــر الحــر.....والراجــل يجي يحجزني (Re: سجيمان)
|
لاكين ما بالغته عديل في حكاية الصيره ....... يازول شكلك كده من ناس المورده والصير.... وبالغته عديل في دقة الملاحظه وحكاية العشرين دقيقه دي ياربي وقفته حسبتها والا درستها في الكليه ........... وبعدين اوعه تفكر في حكاية الاستقاله دي وهو في صير اقصد في فرح وفاكهه في البورد من غير زولنا الحبيب الدكتور مفرح الناس غيرك
| |
|
|
|
|
|
|
|
|
|
Re: استقــالتي..من المنبــر الحــر.....والراجــل يجي يحجزني (Re: سجيمان)
|
أخي الدكتور عادل
ألا تعلم بأنك فاكهة هذا المنبر ؟ وعموماً أقول لك:
ماأروعك أيها الحار كالبهار
الطاعم كالملح
الحلو كالسكر.
واللبيب بالإشارة يفهم .... مع خالص ودي .. ولو كانت الإستقالة حقيقية فنلقدم جميعنا هذه الإستقالة .. ولسع الونسة ما كملت معاك .. والقهوة في النار ..
نجم الدين علي حسن
| |
|
|
|
|
|
|
|
|
سجيمان البوم كان تتقل شوية ..انا سمعت تحت تحت بلموا ليك فى كشف عشان ترجع
وهسع الرقم قبل ما ادخل على جمال الوالى وصلاح ادريس واسامة داؤد كان زى
1500000 دولار...الله يخربك يا ابو حظا سجم..اها خم وصر قالوا حا يحولوها على دارفور.
| |
|
|
|
|
|
|
|
سجيمان
شمهروش
saif massad ali
Raja
Sidig Rahama Elnour
إيمان أحمد
بلدى يا حبوب
Adil Osman
alfatih
عثمان عووضة
خضر عطا المنان
Dr. Moiz Bakhiet
Walid Safwat
المكاشفي الخضر الطاهر
aosman
willeim andrea
معتز تروتسكى
المسافر
Nejmuddin Hassan
Adil Ali
صديق الموج
osly2
Khaalaleyaal
مريم بنت الحسين
لؤى
فيس بوك
تويتر
انستقرام
يوتيوب
بنتيريست