|
|
 فرســان في الميــدان..و..رقيــص الرقبـــة
|
قربت اصل ارزل العمر.....لكن لي حسي....كبكابة....وبشجع اللعبة الحلوة.....وما بدسو.... البيتعجبني....اي زول بيعرف انها عاجباني...... يعني الفضيحة والفضيحة متباريات...
حاسد ومغيوظ من ناس فرسان في الميدان..... البيقدمو البرنامج.....حاسدهم علي البنيات السميحات.....وبي يجن يسعلوهن....ولاّ يجن يقولن شعر....ولاّ يغنن.........
قلت امشي اقدم في التفلزيون....معاهم...يمكن ياخدوني معاهم في البرنامج دا....ويخلوني اقدم البرنامج..واتكبكب بي مزاااااااااج.......
أي بت تجي اسعلها اساعدها في الاجابة وممكن اجاوب لها........ أي ولد اعقدو....واطلع عينو....واسعلو اسعلةتكرهوو الكتابة والقراية...وتاني يافطة في الشارع ساكت ما يقراها..........
السعوال الاول....لبنتنا عواطف.....لما اجي اسعلها اعاين لها من فوق النضارة....واقعد اتحرقص واتنى واتلولو..زيادة رشاقة وكدا....واقول لها...عواطف دايرك تركزي معاي كويس....ماشاء الله عليكي.... فستانك حلو والله.....وعيونك فيهن ماس...واضنينك فيهن ماس....وكلك ماس في ماس....يا المافي غيرك في الناس. ورموشك ترمش سطر وتفط سطر...وباين عليكي زكية....ونابغة..........ا
السوعال هو:-
حيوان اليف..... عندنا في بيوتنا...ودائما مارق لسانو وراقد تحت المزيرة....عندو ضنب طويل وملوي.....وبيقول....هوْ هوْ هوْ.........ناس بيسموهو بوبي.....وناس بيسموهو جرقاس.....اها يا عواطف دا يطلع شنووووووو؟
عواطف....تبتسم..وتجر طرحتا فوق راسا....وتقول لي....... الاسد؟؟؟؟؟؟
انا اقولها..قرررررررررربتي..... بس ركزي شوية وعشان اسهل لك السوعال.... انا عارفو هو سوعال صعب...عشان اسهلو ليكي....الحيوان دا..... غير انو بيقول هوْ هوْ هوْ.....واقعد اهوهيو......انتي لما تنهريهو بتقولي ليهو....جرْ جرْ جرْ..........هنا عواطف تطير عيونا وتقول لي الكلب؟؟؟؟؟
انا انط واطلع فوق التربيزة واصفق....والكز الجماعة يصفقو....واخلي البنات الفي الاستديو كلهن يزغرتن.......وتجي واحدة من المذيعات وترقص رقيص رقبة وتدي عواطف شبال وتجي تديني انا شبال والجماعة الجنبي كل واحد شبال....وتمشي لي حمدي تديهو شبال....وتوزع علي الناس كلها شبالات حتى المصورين والمخرج.........ويقوم واحد اخو بنات من الجعليّن الحاضرين الحلقة....ويملص جلابتو ويحلف عليهو بالطلاق علا ينجلد في ضهرو عشرين جلدة اكراما وتقديرا للنابغة عواطف........
ويجي دور واحد من الاولاد المشاركين في الحلقة.....وانا جني وجن الضكور.....اول حاجة اجر فيهو نور طويل جدا......واصر ليهو صرة شديدة..... لحدي ما بطنو تكركب......واعاين ليهو باشمئزاز.....واتشهد.. لا اله الا الله.......يا ولدي حسي في ضمتك دي نخرة تجي تقابل بها الناس؟.....وأشر عليهو....واعاين لي حمدي بدر الدين...اقول لو..... انتو يا حمدي الحاجات دي؟ قاعدين تلقوها واقعة وين؟.....والوي شلوفتي احتقارا وا سعلو من اسمو......يقول لي اسمي......عبد التام جبر الله.......بالله حسي دا اسم تحوم بيهو في الحلة وتجي بيهو التلفزيون....وكمان خانق لي رقبتك بي لستك عجلة وعاملو كرفتة؟ واللستك فيهو ستاشر رُقعة؟....وبعدين دي حلاقة شنو؟ دي؟.... انت حالق عن ترزي؟.......... المهم احبطو.... واجيب نفسياتو في الواطة...عشان تاني مافي ولد يتشنّط في بنطلونو ويقول ماشي فرسان في الميدان......
السوعال.....ركز معاي ما تتلفت......انا عارفك بليد وما منك فايدة....... السوعال هو:-
وكافٍ وكِف كافٍ وكفي..... بكفها
وكفَ كفوف الماءِ من كفها انهمل
ما هو اسم أم الشاعر؟
واسم أم...... بوش؟
واسم أم..... بلير؟
واسم أم كوفي عنان؟
تقول اسامي النسوان ديل كلهن....وان بقيت ماك عارف تلبس نعلاتك وتمشي اهلك......وتاني اووووووووعى اشوف كريعاتك ديل حايمات جنب النلفزيون................
|
|
 
|
|
|
|
|
| العنوان |
الكاتب |
Date |
| فرســان في الميــدان..و..رقيــص الرقبـــة | سجيمان | 10-12-04, 02:11 AM |
| Re: فرســان في الميــدان..و..رقيــص الرقبـــة | Ali Alhalawi | 10-12-04, 02:27 AM |
| Re: فرســان في الميــدان..و..رقيــص الرقبـــة | saif massad ali | 10-12-04, 02:35 AM |
| Re: فرســان في الميــدان..و..رقيــص الرقبـــة | سجيمان | 10-12-04, 12:15 PM |
| Re: فرســان في الميــدان..و..رقيــص الرقبـــة | سجيمان | 10-12-04, 07:10 AM |
| Re: فرســان في الميــدان..و..رقيــص الرقبـــة | المكاشفي الخضر الطاهر | 10-12-04, 02:33 AM |
| Re: فرســان في الميــدان..و..رقيــص الرقبـــة | سجيمان | 10-13-04, 01:01 AM |
| Re: فرســان في الميــدان..و..رقيــص الرقبـــة | سجيمان | 10-13-04, 08:49 PM |
| Re: فرســان في الميــدان..و..رقيــص الرقبـــة | كبسيبة | 10-12-04, 12:30 PM |
| Re: فرســان في الميــدان..و..رقيــص الرقبـــة | سجيمان | 10-13-04, 04:30 AM |
| Re: فرســان في الميــدان..و..رقيــص الرقبـــة | صديق الموج | 10-13-04, 01:59 AM |
| Re: فرســان في الميــدان..و..رقيــص الرقبـــة | سجيمان | 10-13-04, 08:04 AM |
| Re: فرســان في الميــدان..و..رقيــص الرقبـــة | سجيمان | 10-13-04, 09:30 AM |
| Re: فرســان في الميــدان..و..رقيــص الرقبـــة | قلقو | 10-13-04, 11:46 PM |
| Re: فرســان في الميــدان..و..رقيــص الرقبـــة | سجيمان | 10-14-04, 04:15 AM |
| Re: فرســان في الميــدان..و..رقيــص الرقبـــة | قلقو | 10-14-04, 04:40 AM |
| Re: فرســان في الميــدان..و..رقيــص الرقبـــة | سجيمان | 10-14-04, 04:53 AM |
| Re: فرســان في الميــدان..و..رقيــص الرقبـــة | abdalla BABIKER | 10-14-04, 07:43 AM |
| Re: فرســان في الميــدان..و..رقيــص الرقبـــة | سجيمان | 10-14-04, 09:50 AM |
|
| |
سجيمان
فيس بوك
تويتر
انستقرام
يوتيوب
بنتيريست