|
الأميــر شارلــز..من..ديـانـا... الي الكركــار
|
البابا دا اتاريهو زول مو هين ومو ساهل......غايتو كترة امة جات البكا دا.....مافضل ريس ولاّ مسعول علي ضهر الدنيا ما جا....الما جا رسل لو زول ورسل معاهو حق الكشف........هميت للناس الكتار ديل.. يرقدو وين؟....البلد دي ما اظن فيها عناقريب تشيل الناس دي كلها......ومن صُحي وقت شفت ساحة القديس بطرس مليانة امه وعالمين...... اتمنيت يكون عندي كشك ليمون في نص الساحة دي..... وابيع كباية الشربات بي يورو واحد....لكن حسي يسمع بها صلاج ادريس يركب طيارتو ويمشي يشتري ساحة القديس بطرس....ويشتري القديس بطرس زاتو ويسجلو في نادي الهلال....... نحن صلاح ادريس بي يخلينا نستثمر معاهو؟؟؟؟؟؟.......لكن هو راجل طيب وعديّل...... الامير شارلز.. عرس واحدة اسمها كاميلا.....قالو كانو قاعدين يريدو بعض ليهم خمسة وتلاتين سنة.....كل زول عرس...... هي عرست لها راجل وهو عرس المرحومة ديانا....ال اتقصت واتفصت في شبابا......نان النبيح النبحوهو الناس في ديانا اصلو بي يكتل..... من يومو الشارلز جدع فوقا حبلو....والنضم شغال..... ديانا الشهر دا الدورة فطتا......ديانا حامل....ديانا رمت...ديانا ولدت...ديانا حاربت شارلز.. ديانا حردانة....... ديانا دخلت الحمام.......يوم واحد ما نامت عند اهلا خشُما كارس ومافي زول نضم فيها..... وفي النهاية ديانا ماتت سكرانة وحامل في شهرا التالت وهي مطلقة.........لكن ديانا ...... ما مرا عاد..... الرقبة.... متل رقاب النسوان البيرسموهن في فتايل الريحة......لكن انا ديانا دي مناقضا في شي.... ديمة تانيا رقبتا ومدنقرة .....ومكتلا عويناتا.......وحسب فهمي وعرفتي في الناس الشغلة دي شغلة غتاتة...كانت غتيتة. الله يرحما ويسامح لها....وغتاتا دي هي الخلت شارلس يطلقا......ويجدعا الجدعا ديك.....وبعدين الامير شارلز زاتو زول اشتر.... في بطن الواطا دي مشيتو شترا.... اكنكم كدي عاينو لو..وهو ماشي....وقت يجي يلف ما تعرفو لافي يمين.... ولاّ.... لافي شمال.....و ما بيعرف يقدل....القدلة بعرف لها انا أي والله.....علا الدنيا مقابلاني يا كافي البلا.....علي باليمين ابقى امير اقدل واكره الناس القدلان... امشي واقدل و ارفع كراعي....وانزلا..وارفع التانية... وعشان اوريهم العنطظة والفلهمة وقلة الادب ما انزلها علا بي قرار من مجلس الامني......... مرتو الجديدة.. قالو مرا صدّافة ومرا دبّاااارة....ومرة بيت....علا ماها سمحة متل ديانا.....وفي ضُمة الناس النضمو البارح ديل في بيت العرس..... قالو كاميلا دي هي.... السوت لي شارلز عمل وخلتو يكجّن ديانا ويطلقا.......فشان كدي الملكة ام العريس شفتها خاترها ماهو طيب.....وزعلااانة ومُتنارية....... غايتو ان بقت كاميلا خاته اللوم دا....... حماتا ليها حق.....
|
|
|
|
|
|
|
العنوان |
الكاتب |
Date |
الأميــر شارلــز..من..ديـانـا... الي الكركــار | سجيمان | 04-09-05, 11:02 PM |
Re: الأميــر شارلــز..من..ديـانـا... الي الكركــار | Yasir Elsharif | 04-09-05, 11:05 PM |
Re: الأميــر شارلــز..من..ديـانـا... الي الكركــار | ابو جهينة | 04-10-05, 00:31 AM |
Re: الأميــر شارلــز..من..ديـانـا... الي الكركــار | سجيمان | 04-11-05, 03:47 AM |
Re: الأميــر شارلــز..من..ديـانـا... الي الكركــار | سجيمان | 04-10-05, 01:52 PM |
Re: الأميــر شارلــز..من..ديـانـا... الي الكركــار | سجيمان | 04-10-05, 03:06 AM |
Re: الأميــر شارلــز..من..ديـانـا... الي الكركــار | محمد الامين احمد | 04-10-05, 08:26 AM |
Re: الأميــر شارلــز..من..ديـانـا... الي الكركــار | ست البنات | 04-10-05, 08:42 AM |
Re: الأميــر شارلــز..من..ديـانـا... الي الكركــار | سجيمان | 04-10-05, 11:03 PM |
Re: الأميــر شارلــز..من..ديـانـا... الي الكركــار | سجيمان | 04-11-05, 11:24 PM |
Re: الأميــر شارلــز..من..ديـانـا... الي الكركــار | albagir altahir | 04-10-05, 08:46 AM |
Re: الأميــر شارلــز..من..ديـانـا... الي الكركــار | سجيمان | 04-11-05, 06:36 AM |
Re: الأميــر شارلــز..من..ديـانـا... الي الكركــار | سجيمان | 04-12-05, 09:16 AM |
Re: الأميــر شارلــز..من..ديـانـا... الي الكركــار | صديق الموج | 04-10-05, 02:30 PM |
Re: الأميــر شارلــز..من..ديـانـا... الي الكركــار | Marouf Sanad | 04-11-05, 11:11 AM |
Re: الأميــر شارلــز..من..ديـانـا... الي الكركــار | انور الطيب | 04-11-05, 12:39 PM |
Re: الأميــر شارلــز..من..ديـانـا... الي الكركــار | ahmed babikir | 04-11-05, 01:12 PM |
Re: الأميــر شارلــز..من..ديـانـا... الي الكركــار | سجيمان | 04-13-05, 04:45 AM |
Re: الأميــر شارلــز..من..ديـانـا... الي الكركــار | سجيمان | 04-13-05, 02:04 AM |
Re: الأميــر شارلــز..من..ديـانـا... الي الكركــار | سجيمان | 04-13-05, 10:10 AM |
Re: الأميــر شارلــز..من..ديـانـا... الي الكركــار | سجيمان | 04-13-05, 00:20 AM |
Re: الأميــر شارلــز..من..ديـانـا... الي الكركــار | سجيمان | 04-12-05, 11:24 PM |
Re: الأميــر شارلــز..من..ديـانـا... الي الكركــار | سجيمان | 04-14-05, 02:11 AM |
Re: الأميــر شارلــز..من..ديـانـا... الي الكركــار | wadabdean | 04-12-05, 04:44 PM |
Re: الأميــر شارلــز..من..ديـانـا... الي الكركــار | سجيمان | 04-13-05, 07:31 AM |
|
|
|