|
|
 ونســــة.... في بيـت... العــرقــي
|
سميرة.....دا الاسم العرفتها بيهو....اسمها الأول ما بعرفو......مربوعة....طواالي تقبل علي اليمين وتبصق.....كنت احترمها جدا.... لانها ما تغش في العرقي......لا حجار بطارية...ولا نيم..ولا بنج حصين.....تديك ليهو عرقي صااااااافي......شعارها.. الأمانة والإتقان.......ومن غشنا ليس منا.......ساكنة في بيت فيهو حوش....... في خشم الباب في كلب ديمة راقد .....يوم واحد ما سمعتو هو هو....وفي نص الحوش في اوضيّن.... زعلانات وحردانات من بعض...وكل واحدة مقبلة علي جيهة....في ركن الحوش الغربي في ادبحانة...ما فيها عرش....راكوبة قدام التكُل....كمية من البنابر مجدعة في الحوش...وتلاتة عناقريب... أي عنقريب فيهن الكرّاب حقو ناقص وجزء من حبالو مقطعّة..ولازمن تكون فيهو كراع مشقوقة من فوق...ومجبرا بي سلك........الحلة كل بيت فيهوكهرباء..علا بيت ناس سميرة.....وقت نجي نشتري العرقي.. عندها فانوس... تشيلو وتدخل جوا التكل....ونحن نتقطع وراها..... بالرغم من ثقتنا المفرطة في امانتها لكن برضو ..قلبنا قاعد ياكلنا.....ونخاف تغشنا في العرقي..........عندها تلاتة شُفع...اعمارهم بين تسعة سنوات وخمسة......ديمة عرايا.......دائما لما اجي... القاهم نايمين فوق عنقريب.... الاتنين الصغار بي راس..والكبير بالراس التاني......الشافع الوسطاني حاقر بي حقارة شديدة.... اول ما ادخل واقيف وانا منتظر امو تديني الكوتة... يصحا من نومو...ويجي يقيف جنب كرعي ...... ويقعد يبول........موقت ساعتو البايلوجية علي مواعيد جيتي......اشتكيت لي امو منو....وانو الولد ما شاف شغلة غيري....... قالت لي وهي زعلاااااانة....... يعني يبول في العنقريب؟.......
مرة جيت.. اشيل الكوتة..... لقيت البيت فاضي من الزباين...عرفت انو في عوجة حاصلة..... وسميرة راقدة ومتغتية بي بطانية..... سعلتها من الكوتة.... قالت لي الليلة مافي... انا عيانة..... عندي ملاريا........ سبيت للملاريا وللبعوضة ولي حقن الكوانين......" ينعل ميتين الملاريا...... الملاريا دي ما لقتك علا انتي يا سميرة؟...... الحلة دي مليانة نسوان..... نسوان ما منتجات ..وما منهن أي فايدة..... ليه ما تجيهن هن؟...تجيكي انتي ليه؟..."............
سميرة مرا طيبة.... علا عيبا الوحيد.. تحب الغُلاط زي عيونا....ومافي شي في الدنيا دي عاجباها.....مرة كنت معاها وسمعت محمد الامين يغني في غنية يا معاين من الشباك....... قلت ليها ..الله دا محمد اللمين بيغني يا معاين من الشباك....... شفتي الغنية دي سمحة كيفين؟....... قالت .... لا لا ...لا سمحة ولا حاجة.....في زول في الدنيا دي بيغني لي زول في حراسة؟......ا ي ي ي..حراسة...... هو منو بيعاين من الشباك علا زول في حراسة........قلت اغير الموضوع......كانت لابسة فستان اصفر...وعليهو نقوش لزهرة السوسن......قلت ليها تعرفي يا سميرة الزهور الفي فستانك ديل..دي زهرة السوسن....... ...قالت لي..."هوءئه...لا...لا سوسن ولا حاجة....... سميرة".........
سميرة دي ياها زاتا القبل كدا قلت لكم ناس اللجان قالو يرحلوها من الحلة......لانو بيتا ملاصق مدرسة الاولاد......انا سمعت الخبر وجيتا..وكنت زعلان جدا....وقلت ليها" شفتي الناس الحاقدين ديل بالله؟......قالو يرحلوكي من الحلة...... خايفين على الاولاد الفي المدرسة الجنبك دي......."..قالت لي" هم ظااااااااطم...ما يرحلّو مدرستهم".....صراحة زاد اعجابي بيها.... وبي وعيها بحقوقها الدستورية...في السكن والإقامة....وحرية الرأي والتعبير...............
|
|
 
|
|
|
|
|
| العنوان |
الكاتب |
Date |
| ونســــة.... في بيـت... العــرقــي | سجيمان | 05-13-05, 11:23 AM |
| Re: ونســــة.... في بيـت... العــرقــي | محمد الامين احمد | 05-13-05, 11:46 AM |
| Re: ونســــة.... في بيـت... العــرقــي | سجيمان | 05-13-05, 02:01 PM |
| Re: ونســــة.... في بيـت... العــرقــي | هشام مدنى | 05-13-05, 04:07 PM |
| Re: ونســــة.... في بيـت... العــرقــي | سجيمان | 05-15-05, 02:57 PM |
| Re: ونســــة.... في بيـت... العــرقــي | سجيمان | 05-15-05, 02:21 AM |
| Re: ونســــة.... في بيـت... العــرقــي | سجيمان | 05-14-05, 02:01 PM |
| Re: ونســــة.... في بيـت... العــرقــي | تولوس | 05-13-05, 04:00 PM |
| Re: ونســــة.... في بيـت... العــرقــي | سجيمان | 05-15-05, 06:05 PM |
| Re: ونســــة.... في بيـت... العــرقــي | Mohamed Elbashir | 05-13-05, 06:11 PM |
| Re: ونســــة.... في بيـت... العــرقــي | سجيمان | 05-16-05, 04:08 AM |
| Re: ونســــة.... في بيـت... العــرقــي | abas | 05-14-05, 01:03 AM |
| Re: ونســــة.... في بيـت... العــرقــي | سجيمان | 05-17-05, 01:01 AM |
 Re: ونســــة.... في بيـت... العــرقــي | willeim andrea | 05-14-05, 02:15 AM |
| Re: ونســــة.... في بيـت... العــرقــي | ابو جهينة | 05-14-05, 02:39 AM |
| Re: ونســــة.... في بيـت... العــرقــي | سجيمان | 05-16-05, 11:22 AM |
| Re: ونســــة.... في بيـت... العــرقــي | willeim andrea | 05-14-05, 03:12 AM |
| Re: ونســــة.... في بيـت... العــرقــي | ابو جهينة | 05-14-05, 03:37 AM |
| Re: ونســــة.... في بيـت... العــرقــي | صديق الموج | 05-14-05, 04:59 AM |
| Re: ونســــة.... في بيـت... العــرقــي | ود شندي | 05-15-05, 02:16 AM |
| Re: ونســــة.... في بيـت... العــرقــي | سجيمان | 05-17-05, 10:08 AM |
| Re: ونســــة.... في بيـت... العــرقــي | سجيمان | 05-17-05, 04:40 AM |
| Re: ونســــة.... في بيـت... العــرقــي | bushra suleiman | 05-15-05, 03:08 AM |
| Re: ونســــة.... في بيـت... العــرقــي | سجيمان | 05-17-05, 11:48 AM |
| Re: ونســــة.... في بيـت... العــرقــي | Khaalaleyaal | 05-15-05, 03:21 AM |
| Re: ونســــة.... في بيـت... العــرقــي | Abureesh | 05-15-05, 06:12 PM |
| Re: ونســــة.... في بيـت... العــرقــي | tmbis | 05-16-05, 04:17 AM |
| Re: ونســــة.... في بيـت... العــرقــي | garjah | 05-16-05, 09:01 AM |
| Re: ونســــة.... في بيـت... العــرقــي | عماد شمت | 05-16-05, 01:25 PM |
| Re: ونســــة.... في بيـت... العــرقــي | نادية عثمان | 05-16-05, 05:14 PM |
| Re: ونســــة.... في بيـت... العــرقــي | حسام يوسف | 05-16-05, 05:43 PM |
| Re: ونســــة.... في بيـت... العــرقــي | Yassir Hamid | 05-17-05, 00:08 AM |
| Re: ونســــة.... في بيـت... العــرقــي | سجيمان | 05-19-05, 03:37 AM |
| Re: ونســــة.... في بيـت... العــرقــي | سجيمان | 05-19-05, 03:18 AM |
| Re: ونســــة.... في بيـت... العــرقــي | سجيمان | 05-18-05, 01:56 AM |
| Re: ونســــة.... في بيـت... العــرقــي | سجيمان | 05-18-05, 09:25 PM |
| Re: ونســــة.... في بيـت... العــرقــي | سجيمان | 05-18-05, 00:51 AM |
| Re: ونســــة.... في بيـت... العــرقــي | سجيمان | 05-17-05, 09:00 PM |
| Re: ونســــة.... في بيـت... العــرقــي | سجيمان | 05-17-05, 03:45 PM |
| Re: ونســــة.... في بيـت... العــرقــي | سجيمان | 05-17-05, 03:07 PM |
 Re: ونســــة.... في بيـت... العــرقــي | بلدى يا حبوب | 05-19-05, 04:52 AM |
| Re: ونســــة.... في بيـت... العــرقــي | سجيمان | 05-19-05, 05:13 AM |
| Re: ونســــة.... في بيـت... العــرقــي | سجيمان | 05-19-05, 12:45 PM |
|
| |
سجيمان
فيس بوك
تويتر
انستقرام
يوتيوب
بنتيريست