|
|
 اتحاد المــرأة.....فول حاجّات..و.. ضُــروس
|
كان اليوم المفتوح عن المراة.... التفلزيون كلو نسوان.. حبابن الف.. ياهن مواعينا...مؤتمر للمراة... كمية من النسوان..... اللفت نظري.... انو عدد النسوان الضعيفات... شوية....ومعظم الشفتهن سُمااااان....حمدت الله حمدًا كتيراً ..وعرفت انو الموسم الزراعي السنة دي كان ممتاز.... الفيتريتة رخصت.. والمديدة بقت تتشرب بدل الموية....المذيعة واقفة في خشم باب قاعة المُوعتمر.... وتقابض واحدة واحدة ... البتجي مارقة بس....وتسعلها وديك تنضم.... اتفقت كل المتحدثات ..... على ان المرأة " تبؤت"....اكتر من اربعة قالن كلمة تبؤت دي...كنت خايف تجي واحدة بت رجال.. وتشوف القدامها ديل قالن تبؤت.....وتسمعها غلط وتنطقها غلط قدام الكميرا.... ونبقى نحن في حاو...وتُُر....
البي تنضم انا ما قاعد اعاين لها لانو نفس النضم القالتو اول واحدة حتقولو المتحدثة رقم عشرين.. يعني هن حيكونن اخير من اخوانهن الرجال؟.....بقيت اعاين للنسوان البيجين مارقات من جوا.... كل واحدة تجي مارقة اشوفا قاعدة تاكل ووبعد شوية تقعد تصوط في ضروسا بي لسانا.... زي الفي شي متوكرة في الضُرس وهي دايره تمرقها..... شارطت نفسي انو النسوان ديل في الموعتمر ..جوا.. كان قاعدات ياكلن في مررو وتمر.. لانو ايام التأصيل كانت كلها مررو..ناكل مما نزرع ونتبؤ في بلدنا ما برا البلد...يا اتحاد المراة.. نسوانا ديل ضروسن كعبات... نحن عارفين النضم دا علا ساكتين عليهو.... ليه ما تجيبو ليهن عايس كريم وان قلتو العايس كريم غالي؟...جيبو لهن.. برميل مديدة وقرعة عائمة فوقو من برة.. وكل واحدة تاخد لها جٌغمة جٌعمتين...وتدشا وتجي علي الميكرفون "تتبواء"زي ما دايرة....وتتبواء دي عليكن الله اختنها.. بي تلومكن.... واللوم الزي دا ان وقع لمانو صعب.....وخصوصا في البلاط والبورسلان.... حسي تجي واحدة تقول لي يا سجيمان يا شين يا عدو المراة حتى المررو شايفو عليها كتير.....؟ والتبؤ كتير؟....ما تراكم انتو الرجال من الله خلقنا شايفنكم تتبواءو.. الواحد ما يلقى لو حيطة يتكل عليها ويتبواء...
|
|
 
|
|
|
|
|
|
|
|
Re: اتحاد المــرأة.....فول حاجّات..و.. ضُــروس (Re: سجيمان)
|
الدكتور سجيمان عدو النسوان في بحري وأمدرمان ، يا أخي هو يوم المرأة مش يوم كيبور ولا يوم الجمعة ولا يوم داك ، فبالضرورة لازم التلفزيون يخصص فترة بثه على الهواء مباشرة للمرأة ، ودا اليوم الدايرنو ليك ، وأوعك من عثمان حسين ولا عبد الله عبد القادر البعيو ولا محمد الأمين ولا كمال درماس ولا ترباس يجي يغني ، تجينا عاد يا دكتور اليوم داك ندى القلعة وحنان النيل وكوكب الشرق وحنة التاج الممتازة بس أياك أياك أن تجيب لينا ضكر والأخبار جكس والمسلسل زاتو يكون جكس وحتى حسين فهمي يعمل لينا عفاف شعيب ومحمود ياسين يكون ليلي علوى وأحمد بدير ما يجي خالص وهنيدي نغير في الإسم ونعمله هنادي.
بعدين هذا من مساؤي حكومتنا يقولو ليك نأكل مما نزع أها شن بقيتن ما زرعنا ورزاعتنا أكلها الطير نأكل نيم يعني ولا شنو ، وهو زاتو الشيخ قبال كدي قال لي هوي إنتو عاملين فيها ناس إسلام ودين وإنتو ما ناقشين حنانكم في الدين ، قلت ليهو كيفين يا شيخنا قال ليهو تقولوا نزرع والمفروض تقولوا نحرث ، قلت ليهو تحرسك كلاب اشلاق إن شاء الله ما بنزرع كيفين عاد ، قال لي ألم تسمع قوله سبحانه وتعالي ف يمحكم تنزيله العزيز:
(أَفَرَأَيْتُم مَّا تَحْرُثُونَ أَأَنتُمْ تَزْرَعُونَهُ أَمْ نَحْنُ الزَّارِعُونَ {64} لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ).
ها يا سجيمان يا أخوي إتبومت أصلي قادي دين وعربي وإنجليزي ورياضيات والشيخ حجتو قوية خلاص وغلبني النضم.
أها نسواننا فلذات أكبادنا ياكلن التمر اليابس والنبق والمررو ليه ديل نسوان ولا سناجب المفروض يأكلن أم على وولدها زاتو ويأكلن أيسكريم وكان خايف عليهن من الشحم بحسب وصفك لنساء العالمين ممكن يكون أيكريم دايت وأم على بدون شلوخ – أى واحد ونص كلوري –
وفي نهاية مقالك شايفك بقيت تستنكح ومدخل ليك رابط كلو إستنكاح وأنا أصلي ما بفتحو وقالو زمان البباري الجداد يوديهو الكوش ، وكوشة تعرفها ولا كوشة ما تعرفها وشيطانين ما بتلمو في كوشة واحده ، ويا حليل كوش الخواجات
| |
|
|
|
|
|
|
|
|
|
Re: اتحاد المــرأة.....فول حاجّات..و.. ضُــروس (Re: سجيمان)
|
البي تنضم انا ما قاعد اعاين لها لانو نفس النضم القالتو اول واحدة حتقولو المتحدثة رقم عشرين.. يعني هن حيكونن اخير من اخوانهن الرجال؟
ومش كـدة وبس ..نسـاء اتحـاد المـرأة خـلق بشـكله هـذا لخـدمة برنـامج الحكـومـة وليس المـرأة..
لايعنينينـا عـددهـن فـي السـفـارات أو فـي البرلمان أو فـي الوزارات..بل يعنينـا مـاقـدمنـه لـرفـعـة المـرأة..
فمثلا فعلـن تجـاه الحـروب بشـكـل عـام وتجـاه العنف ضـدالتسـاء يشـكل خـاص فـي دارفـور والشـرق ...قبـل ذلك الجـنوب وجـبال النوبة..إلخ?
ومـاذا فـعلن لـرفـع الظـلم عـن المـرأة فـي محـاكـم النظـام العام
وفـي التعسـف المضـعف عليـهم فـي الخـدمـة المـدنية وفـي معسـكـرات النـازحـين فـي العـاصـمـة ?..
اتحـاد المـرأة هـو أجـنـدة الحكـومـة لغش قـد أوشـك علي الانتهـاء أمـره!
مـني عـوض خـوجـلي
| |
|
|
|
|
|
|
|
|
|
Re: اتحاد المــرأة.....فول حاجّات..و.. ضُــروس (Re: Muna Khugali)
|
منى خوجلي
| Quote: ..بل يعنينـا مـاقـدمنـه لـرفـعـة المـرأة.. |
وما زال يعنينا ..ونتمنى في هذه المرحلة ان يتغير كل شي..... ان تقوم المرأة بدورها بعيدا عن السياسة...... واخص اتحاد المرأة.. من ارادت ان تعمل في السياسية عليها بالاحزاب.... تعمل من داخلها....و ليس باسم المرأة
| |
|
|
|
|
|
|
|
|
|
Re: اتحاد المــرأة.....فول حاجّات..و.. ضُــروس (Re: almulaomar)
|
الملا عمر
طالما انت يخربك قادي دين... ليه ما تغيّر اسمك.. وتققي شر الشبهة؟
Quote: ممكن يكون أيكريم دايت وأم على بدون شلوخ – أى واحد ونص كلوري –
وفي نهاية مقالك شايفك بقيت تستنكح ومدخل ليك رابط كلو إستنكاح وأنا أصلي ما بفتحو وقالو زمان البباري الجداد يوديهو الكوش ، وكوشة تعرفها ولا كوشة ما تعرفها وشيطانين ما بتلمو في كوشة واحده ، ويا حليل كوش الخواجات |
عايسكريم دايت دا ما سمعت بيهو والله.....وام علي ما عرفتها... صراحة... ما تشوفني كدي انا زول تربااااااال خلي بالك
| |
|
|
|
|
|
|
| |
سجيمان
almulaomar
Muna Khugali
bushra suleiman
فيس بوك
تويتر
انستقرام
يوتيوب
بنتيريست