|
|
 يا جمــاعة... في انتايــة في المنبر دا عاجباني.... اها كيف الراي؟
|
لايووووق اجاركم الله.... ان اتشبكت في شي.... تاني ما بتتحلا مني بي هينة....علا زول حظي شوم وكعب..... والبتشبك فيها... قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب....زمان اتلحّتا سميرة بنت جيرانا... وحبيتا...... في اسبوع.... ابوها كسر كراعو.. وامها دافقت....وهي سافرت بورصودان .. بالباظ.... وانا كتبت فيها قصيدة.... يوم السفر..... قلت فيها:-
باظ بورصودان...
اب كراسي وهيطة
شلت حبيب قلبي
وخليت دموعي جارية... طيطة
.....
باظ بورصودان
يا اللحمر يا ود الكلب
ان شاء الله تعتر لك حفرة وتتقلب
في شان شلت حبيب القلب
شنو؟
مالك؟
مستعجل ..و
جاري كدي؟
انت اصلك باظ ..ولاّ .. كلب؟
.........
... الغريبة الباظ اتقلب..... ومافي زول جاتو عوجة غير سميرة... اضانا اليمين اتقطعت...اتقطعت من قعرا....وكانت مسيكينة قاعدة تلبس نضارات.... بقت في كيفن تلبس النضارة والاضان مقطوعة....؟؟؟.....لكن بعدين في دكتور شااااطر قال ليها.... تجيبي مشبك غسيل حق الهدوم..... تشبكيهو في شعرك قصاد الاضان.... وتجيبي ايد النضارة وتشبكيها في طرف المشبك....لكن اووووعك تتفلهمي وتقومي ترقصي في حفلة رقيص رقبة....
دحين حسي... والله تب.... اعجبت بانتاية هنا....والله يستر عليها....
|
|
 
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
السلام عليكم
الأخ سجيمان
يعني تطبيق لمقولة ومن الحب ما قتل
وأتاريني أقول يا ربي مشكلة ندى القلعة حقت الصورة اليومين الفاتت دي سببها شنو!!
داير أعرف حاجة واحدة
موضوع اعجابك ( الشّرير ) ده ما بينفع مع الجنس الخشن؟؟
عشان عندي كم واحد في البورد ده ...
دايرك تعمل فوقي معروف .....
وتحبهم لي
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: nashaat elemam)
|
بسم الله الرحمن الرحيم
الاخ سجيمان متعك الله بالعافية
الناس فى البورد ده الفرد للمجموعة والمجموعة للفرد
عليه انت بس اشر وتمحص وتأكد منها بعد القلتو دا إنها تبادلك
نفس الشعور بعدين سمى .. وتعال لينا إن شاء الله نعقدو ا ليك
على سنة الله ورسوله ... والتسمية عشان تكسر النحس الملازمك دا
وإن شاء الله لا إنت ولا هى تشوفوا شر .. الله يحفظكم ويرعاكم
وإن شاء الله بيت مال وعيال .
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: Elsamani A.Malik)
|
| Quote: قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب... |
وكمان
| Quote: يا جمــاعة... في انتايــة في المنبر دا عاجباني.... اها كيف الراي؟ |
سيجمان
علا نحدثها ليك
و
غنولك ياجميل..
شن قولك ياجميل..
 
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: ادم الهلباوى)
|
ادم الهلباوي
Quote: بسم الله الرحمن الرحيم
الاخ سجيمان متعك الله بالعافية
الناس فى البورد ده الفرد للمجموعة والمجموعة للفرد
عليه انت بس اشر وتمحص وتأكد منها بعد القلتو دا إنها تبادلك
نفس الشعور بعدين سمى .. وتعال لينا إن شاء الله نعقدو ا ليك
على سنة الله ورسوله ... والتسمية عشان تكسر النحس الملازمك دا
وإن شاء الله لا إنت ولا هى تشوفوا شر .. الله يحفظكم ويرعاكم
وإن شاء الله بيت مال وعيال |
.
ادم يا شفت.. احدسك بيها عشان تمشي تعرسها انت؟
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
Quote:
باظ بورصودان...
اب كراسي وهيطة
شلت حبيب قلبي
وخليت دموعي جارية... طيطة
.....
باظ بورصودان
يا اللحمر يا ود الكلب
ان شاء الله تعتر لك حفرة وتتقلب
في شان شلت حبيب القلب
شنو؟
مالك؟
مستعجل ..و
جاري كدي؟
انت اصلك باظ ..ولاّ .. كلب؟
|
اكيد ماعنيده لانها مامحظوظهQuote:
قاعدة تتحدف عليها نصايب الدنيا كلها.... يا تموت... او يجيها تصاقط شعر..فجعة كدي... وتصبح من صباحات الله تلقى راسا صلعة.... وحواجبينا صلعة.... وقدر ما فيها شعيرة تقع....او .... يرفدوها من شغلا..... او من قرايتا...... او من المنبر هنا....غايتو لو في اي زول زعلان من واحدة وداير يلحقها امات طه... يحدسني.... ويحرشني عليها واًعجب بيها....واتلّحلا... واباريها.....لومكم بي بعد اسبوع انجضا تب
. |
سي جي يا ختري,,,,انا عندي واحده عايزه الحقا امات طه
اها شن قولك
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
الأخ سجيمان.. يعني إنت تخاطب الأخوات الزميلات العضوات في المنبر بلقب( إنتاية)؟ يعني ماشايف ليهن أى قيمة غير إنتاية؟ من أي قرن أنت يارجل؟ ..
إعجابك شى والهظار شى آخر والسخرية شى مختلف..
كلمة إنتاية دي لى زمن عويص من سماعها.. وكنا نسمعها حمارة فلان( جابت دحشي إنتايي) وعنز أم الحسن جابت سخلة إنتاي..
صاح لك روح النكتة والفكاهة..لكن يا بلد وياجار تطاولت على حقوق بنات الوطن ولو كان هظاراً سمجاً..؟
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: منصوري)
|
المنصوري
الراجل الكلس.... الضكر
| Quote: كلمة إنتاية دي لى زمن عويص من سماعها |
غايتو كلمة عويص دي قدر ما قلبتها جاي جاي.. ما عرفتها وما وقعت لي.... لكن قلت يمكن تكون قاصد زمن قديم...
انتاية = انثى باللغة العامية.......في شهادة الميلاد لاي مولود سوداني بيكتبو النوع... ذكر..ولاّ انثى... لو بيكتبو شهادة الميلاد... بالعامية كانو كتبو انتاية او ضكر....الخواجات برضو ناس الجلد والراس وناس حقوق المرا... قاعدين يكتبو
male
female
ولو انت يا المنصوري.. مشيت البلد وقعدت تقول لي انتاية يا انثى... يضحكو فيك ويقولو بلد الخواجات قولبتو واتفلهم علينا....
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
أتاريهااااااااااا..
وأنا أقول ياربي البت دي مااااااااااا راكبه عدله ليها مدة ماله ؟؟؟؟؟؟
ان شاالله يا سجيمان .. بركة اللانام لا أكل الطعام .. بركة الليل الآمسى والأوكات الخمسة إن اتشبكت في الأنا قاصده ..
ان شاالله يا سجيمان تجيك انفلونزا الطيور .. بس
وتقعد تكاكي تكاكي كدي .. لامن صاحب الوداعة ياخد وداعتو
سجيمان .. أرعى بي قيدك ... هوووي
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
Quote: الشايقي..
ها ازوووول..
الزول قالك بوتبها طب
تقولو ساعدني؟؟؟
.. إت قنعان؟؟؟ |
طيفــور,
أخــوكا مفتح ما بنخــاف عليــه,
أول يا بادي,
أنا بمشي القصيــم,
وأول ما يختــوا لي الــرز باللبــن,
وقدام (أم الخير)
بفكلك الموضــوع, يعني الواســطة مشتركة (سجيمان وأم الخيـر),
وكان مشى لعب بي ضيلـه,
البطاح بشيـلـه,
أهـا شــن قولك, أخوك ما مفتّـح؟
| |
|
|
|
|
|
|
|
|
|
رد (Re: سجيمان)
|
انتاية
انتاية
ما اكرمهن الا كريم
وما وما
الا
الا
| |
|
|
|
|
|
|
|
|
|
Re: رد (Re: mohmmed said ahmed)
|
سي....جي..
يالذيذ...
ياراااااااايق...
رمضان كريم...
رفقاً بالقوارير...ما شفت لي زوول بدلع البنوت ذيك... !!!
أنت نطحك تيس والا شنو؟؟؟
| |
|
|
|
|
|
|
|
|
|
Re: رد (Re: mohmmed said ahmed)
|
محمد سيد احمد
ردك تب ما حيرني.....
حيرتني شلوفتك الفوق دي....من يومك الرديت وانا قاعد افكر..... يا ربي الزول دا سو لو عملية زي اللت نوال الزغبي.... حتى لو سواها رقعو ليهو الشلوفة من وين؟؟.... ترانا نوال عرفنا رقعوها من وين علا انت .. محنتنا وحيرتنا....والله يا ربي؟؟؟؟؟
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: Manar Mahsoub)
|
الملاحظ أن كلمة انتاية لم تستفز الاخوات الكريمات نادية وعنيدة ومنار لأنهن اعتقد مررن عليها بعفوية وبدون تعقيدات الجندر ـ
إلا بشوف الاخوين منصوري ومحمدسيداحمد زعلانين خلاس ـ إنتو يا شباب لو قالوا ليكم ضكور بتزعلوا ـ
سجيمان اعمل حسابك إن بقيت تصف نفسك بالشوم حتي لو كان هظار الناس فعلآ حتبتدئ تعتقد إنك شؤم ـ ماك عارف السودان ـ
الغايظني انك ليه ما قدرت تلحق لينا كوندي ديك امات طه ـ
| |
|
|
|
|
|
|
|
|
|
Re: يا جمــاعة... في انتايــة في المنبر دا عاجباني.... اها كيف الراي؟ (Re: سجيمان)
|
الاخ سيجمان
سلام وكل سنة وانت طيب
عاد يا ود امى تانى فى انتاية بتعاين ليك بعد وصفك داك فى الوليه الاسمها شوية على صعب
البنية الامريكانية ديك انا غايتو بحرش عليك نسوان المنبر ونسوى ليك داك ياالعمل يخليك
لا تسمع ولا تشوف غير القدامك نحن برضو مابندور ليك المضرة تراكا وليدا لينا والضفر
ما بمرق من اللحم... اها يا اخوى خليتك بعافية ونشوف نهايتها!!!!
انتصار
| |
|
|
|
|
|
|
| |
سجيمان
فيصل نوبي
saadeldin abdelrahman
ترهاقا
أحمد الشايقي
طيفور
الزوول
تولوس
Ahmed Mohammed Osman
ابو جهينة
طارق جبريل
nashaat elemam
ادم الهلباوى
Elsamani A.Malik
معتز تروتسكى
ghariba
عنيده
Emad Abdulla
mohmmed said ahmed
showgi idriss
Munir
JAD
انتصار محمد صالخ بشير
القلب النابض
اشرف السر
فيس بوك
تويتر
انستقرام
يوتيوب
بنتيريست