|
|
 اخوي جاااااااااااااكم..والله اداكم ..
|
اخي العزيز والغالي ..باشمهندس جمال سالم..
سعيدة جدا بأنه يكون عضو جديد في اسرتي الجديدة
اسرة سودانيزاون لاين..
مشكور باشمهندس بكري ابوبكر علي استضافته لينا
في حوشه الماهل..
الما بيرحب بأخوي حقه راح معاي
منور والله يا كارتر..
دايرين لينا غنية بتاعت ترحيب يا شباب!
|
|
 
|
|
|
|
|
|
|
 Re: اخوي جاااااااااااااكم..والله اداكم .. (Re: Sana Khalid)
|
الاخت سناء خالد..
| Quote: بس بالله خلو الكومانده صلاح سالم بعيد.. |
طبعا صلاح ده اخوي الاكبر من جمال..
وعلي ما اعتقد الصاغ صلاح سالم و الصاغ جمال سالم ديل كانوا
من الضباط
المصريين في زمن جمال عبدالناصر..
الله يخليك دايما من المبادرين بالخير..
| |
|
|
|
|
|
|
|
|
 أهلاً..و سهلاً.. (Re: رشا سالم)
|
و يا حبذا لو جاتنا أم رشا كمان..
عشان تكتمل فرحتنا..
لك و لأخونا جمال و للوالدة العزيزة أجمل التمنيات..
لطشت ليك عيدية من بوست مجاور....
هدية ليك و للوالدة العزيزة ..
كل التحايا و الود للأخ العزيز/ راكوبة.
يا غايب عن عيني.
| |
|
|
|
|
|
|
|
|
|
Re: أهلاً..و سهلاً.. (Re: mamkouna)
|
ممكونة اللذيذة..
شغلت الغنية لامي وقلت ليها رسلتها ليك ممكونة هدية..
قامت قالت لي بكل جدية والله: ممكونة من شنو يا حليلها؟
دحين امي بتشكرك ..وهديتك حلوة زي روحك..
وعاصم البنا اجمل عيدية..
ربنا يرجع الغايبين..
| |
|
|
|
|
|
|
|
|
|
Re: أهلاً..و سهلاً.. (Re: رشا سالم)
|
مرحب مرحب باشمهندس جمال سالم
أخو بتنا الدكتوره بت الاعداديه* وان شاء الله يطيب ليك المقام هنا والضل يعجبك وتدلو بدلوك.
البقراء كلامي دا يقول لي زمن هنا, اناوالله ذاتي عضو جديد زيك كدا بس ما عندي اخت هنا عشان
تفتح لي بوست ترحيب حار ذي دا عشان كدا قمت فتحت واحد براي والحمد لله جوا الناس ورحبوا ولقيت
أخوان وأخوات في المنبر دا.
اللهم أدم الخوة بيناتنا وثبتها شعارا نتزكره كلما اختلفنا بيننا , لا عنصرية , لا قبلية ولا
جهوية ......... اخوانية* 100%
آآآآآآآآآآآآآآمين يا رب
حاشيه:ـ
الاعداديه: هي الكلية التي يدرس فيها الطب بجامعة الجزيرة.
اخوانيه: من الأخوة الصادقة ولا علاقة لها بالتنظيمات السياسية.
| |
|
|
|
|
|
|
|
|
|
Re: أهلاً..و سهلاً.. (Re: mamkouna)
|
الف مرحب جمال سالم
عجبتنى عبارتك رشا(اخوى جاكم والله اداكم) لانها من القاموس السودانى ميه فى الميه.
لاكين جانى أحساس إنك ذى الماشه تخطبى لاخوك والعباره دى قلتيها لاهل العروس .
تانى مليون مرحب.
تحياتى
ابوبكر
| |
|
|
|
|
|
|
|
|
|
Re: أهلاً..و سهلاً.. (Re: ابوبكر عبد الرازق)
|
الاخ ابوبكر عبدالرازق..
مشكور علي الترحيب الحار..
| Quote: جانى أحساس إنك ذى الماشه تخطبى لاخوك والعباره دى قلتيها لاهل العروس |
شفت المثل بتاع كل فتاة بابيها معجبة؟ انا بقي معجبة بجمال اخوي ده
شديد..وهو بقي حريف واعجب بي صاحبتي د.رشا ..وقام ياسيدي عرسها ..
وانا لغاية الليلة شغالة فيها ابتزاز لاني عملت فيها جميل وعرفتها علي
اخوي العاجبني..
ولما مشينا في سيرة العرس قربنا نقول ليهم :اخونا جاكم والله اداكم
بس خجلنا ياخوي والناس نسابة وكده..
| |
|
|
|
|
|
|
|
|
|
أهلاً..و سهلاً.. (Re: رشا سالم) (Re: رشا سالم)
|
يا مراحب يا باشمهندس, نزلت أهلاً و حللت سهلاً و حقاً ستكون إضافة قيّمة للبورد كما كانت الأخت رشا من قبل. مرحب بيك, أها مرقنا منك يا رشا, مش عشان التهديد لكن عشان نحنا عارفين آل سالم يستاهلوا كل الخير.
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: شهاب الفاتح عثمان)
|
ألف مرحب بالمهندس جمال سالم في منبر سودانيز أون لاين
و نتمني أن تجد ضالتك في المعرفة المعلوماتية والأدبية و الثقافية و التاريخية و الفنية و الرياضية و الدينية و السياسية بهذا المنبر المقروء عالميآ و الأوسع إنتشارآ مابين السودانيين و نأمل أن تكون إضافة إيجابية وأحد مشاعل الوعي و النور و النضج و المنطق و العقلانية مثل شقيقتكم الدكتورة رشا أحد أركان منبرنا البارزة .
بس في سؤال صغير من هو الأكبر سنآ فيكما أنت أم الخالة الدكتورة رشا
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: أبو ساندرا)
|
ابوساندرا..
Quote: يا كارتر مرحب بيك
لكن هي القصة دي بالقلبة ؟
من الصغير فما فوق
في الاول رشا
ثم انت
طيب حاننتظر
الصاغ صلاح سالم
مليون سلام |
كارتر ده اكبر مني بكم نفر كده يعني القصة ما بالدور ..
والصاغ صلاح سالم طلع لسه من القرون الوسطي..ايميل ماعنده
لغاية مايخش الالفية الثالثة بعدين بيخش حوش بكري..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: Adil Osman)
|
رشا والله يا اختي بقتوا آل سالم فعلا
وعقبال باقى العقد الفريد.
وتاني الواحد يعمل حسابه من الدقاق
وياكامل ما بالغته عديل كده
حسه خالتو رشا كيفن يعني؟؟؟
Quote: بس في سؤال صغير من هو الأكبر سنآ فيكما أنت أم الخالة الدكتورة
رشا |
يا رشا الجماعه ديل اقنعونا انه الخاله دي هنا من باب الاحترام بس فما تزعلي
رغم اني زعلت بالنيابه عنك.
تراجي.
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: Tragie Mustafa)
|
اختي الحبيبة تراجي..
مشكورة يا ام حازم ومابتقصري..
وعارفينك دايما قدامية..
وبمناسبة خالتو رشا دي اتذكرت لي قصة لذيذة,
عندنا جيراننا عندهم عمة كبيرة في السن وما عندها اطفال..
وكل البيت بيقول ليها يا عمتي..اها حتي اولادهم بقوا يقولوا ليها
يا عمتي بدل حبوبة..وهي القصة دي عاجباها وما دايره الكبر..
قام جاهم ود اخوهم من ابوظبي شافع شليق شبك ليك المره حبوبة حبوبة..
قامت مسكتوا كده علي جمبة وقالت ليهو براااااااحة: انا صح حبوبتك
لكن قول لي يا عمتي..
دحين انا لا خالتك ولا خالتك ياكامل..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: فاروق حامد محمد)
|
الاخ فاروق حامد..
كل سنة وانت طيب..
وكل اهلك واحبابك بخير..
| Quote: أكيد البابا كان ناصري ... |
صلاح وجمال ديل سمتهم حبوبتي ام ابوي..
وهي كانت زولة مثقفة وبتحب الراديو شديد..
لقطت ليك الاسامي واتدبسنا نحنا..
فيما يختص بابوي فهو مسئول عن تسمية اخواني التانيين
الشفيع وراشد
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: yasir Abdelgadir)
|
دكتور ياسر..
الف شكر ليك علي جيتك وترحيبك..
لكن بيتنا كله مافيهو لون ازرق..
وكان لينا مراد السما ذاته نديهو جير اصفر فاقع لونه
يسر الناظرين..والنجوم منكير احمر يضيء من علي البعد
ويهدي التائهين في سوح الارض..
انا مش قلت ليك في بوستك الجبان داك الله يهديك؟
انت غايتو داير ليك محاية عند فكي..
| Quote: حللت اهلا ونزلت سهلا يااخي العزيز...ولو ماشالك الدار نشيلك في الراس |
مشكور يا ياسر ويسلم راسك..ربنا يديم المودة..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: عبد المنعم سليمان)
|
الاخ عبدالمنعم امواج..
مشكور علي الترحيب..
وليك حق ترحب بيهو لانه قروشه البيصرفه في
الاجازة كلها داخلة جيبك
يا كارتر عبدالمنعم ده صاحب كافتيريا امواج..
يعني ممكن ترفع فيهو قضية وتقول وجع مصراني بسببه..
غايتو يا عبدالمنعم كان ما عزمتني الشوربة ام 18 الف..
حاشهد ضدك في المحكمة وحقك بيروح معاي..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: عادل جبارة)
|
أهلا وسهلا وحبابكم عشرة اسرة سالم وكل سنة وانتو طيبين وسالمين ..
خفت ارد عليك مباركة العيد في البوست بتاع العيد واقوم اروح في الزحمة .
خلي المهندس يدخل لي جوه والحوش مااااااااااااااااهل .. والف مرحب بيك
افتقدناك ونحن نكرم الاستاذ عثمان حسين ..
| |
|
|
|
|
|
|
|
|
|
Re: الف مرحب ياباشمهندس جمال. (Re: Dr.Saeed Zakarya Saeed)
|
طيب يا دكتورة
عيدك سعيد و مبارك ..
مرحب بالباشمهندس جمال .. و جيدا جيت , بالجد إنتو من ريحة الناس الناس .. و الزمن الجميل .
رشا سالم دي يا جمال زولة براها .. شعلة من التوهج و النشاط و العافية في راسها المليان نقة ده ..
ما شاء الله عليها , و ما غريبة .. لأنها ديامية أصلية و أخت أخوان ..
منتظرين دخولك و مساهماتك ضد القباحة و الشنا وين ما كان .. شناة القيم و شناة الممارسات و شناة القول و الفعل ..
لوطن سمح و عالي و كبير ..
تحياتي ليك و للجميل صلاح سالم و كل ناس الحلة ..
عقبال صلاح سالم ياخد الباسوورد ..
( و يا جمال إنت دفعة صلاح عبدالله .. أنا يمكن دفعتين قبل دفعة الديناصور صلاح سالم )
شكرا بكري ..
و شكرا رشا سالم ..
| |
|
|
|
|
|
|
|
|
|
Re: الف مرحب ياباشمهندس جمال. (Re: Emad Abdulla)
|
عماد عبدالله..
مراحب بيك ..
انا ناس بيتنا قالوا لي ما تردي علي زول اكبر منك..
عشان كده يجوا ناس صلاح وجمال يردوا ليك..
Quote: رشا سالم دي يا جمال زولة براها .. شعلة من التوهج و النشاط و العافية في راسها المليان نقة ده ..
ما شاء الله عليها , و ما غريبة .. لأنها ديامية أصلية و أخت أخوان .. |
تاني جاب سيرة البحر..!
يازول هوي انا ما ديامية..انا بت راقية وحنكوشة..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: رشا سالم)
|
دكتورتنا الحلوة
حباب جمال سالم واهلا بيه
وبكل اسرة سالم ..
ده اخو حبيبتنا نحن نقدر ما نرحب بيه
وبعدين اللسان الطويل ده وخاصة بقى فيها اخو
سند ،،
الله يخليه ليك وكل اسرتك واحبابك يا رشا
وافتقدناك كثيرا ليلة السني الجايات اكثر ،،،
دمتم،،
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: خالدة البدوي)
|
كل يوم بنزور مكان
كل يوم بنزيد عدد
كل يوم نفتح بيبان
كل يوم بنزيل هدد
ما أحل القصائد في الشدائد والغنا
ما أحلى العيدان الخضر في الربع الخراب
هذا مقطع من قصيدة نجم قطعته لكم ليغنى
هنا ترحابا بالمهندس جمال .. والعيد مبارك
عليك د. رشا .. وزوار البوست الأعزاء
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: Mohamed Abdelgaleel)
|
يا دكتوره...
كل سنه وانتى والاسره بالف خير
وذى ما قال ليك دكين شنو انتو عملتو الدرب ساساقا..
وبعد شويه نلقى آل سالم كلهم هناومعاهم ود الجيران بازمبا
على العموم مادام جمال اخوك فهو قطعا اضافه حقيقيه للبورد
ودى من باب معكوس (لو عايز تشوف رشا فى النت شوف جمال فى بوست)
تحياتى للحاجه وكل سنه وهى بالف صحه وعافيه
اهلا مجددا باشمهندس جيمى
ويلا ارمى ...
وقبل اى شى يا حبيب خليك عارف الحكم قرقوش..
لكم اصفى الموده..
| |
|
|
|
|
|
|
|
|
 Re: اخوي جاااااااااااااكم..والله اداكم .. (Re: mohamed elshiekh)
|
يأ ألف مرحب بالنبيل أخ النبيلة، وبي طلتك بيتنا نور ولله نور وكلو زينة.
ويابكري كتر من العينة دي عليك الله
ويا دكتورة أخوك العريس المحتفى به ويينو؟ ولسه ماظهر لي؟ لأنو بصراحة أنا جني تقليب بروفيالات، وبصراحة أكتر الشمار كاتلني وعايز أشوفو من بورداب ياتو حتة؟! وإن شاء الله يطلع من تيمنا، وأخشى يكون من بورداب الرياض، لأنو زي ماعارفة بورداب أمريكا وبورداب الرياض (وهما الأغلبية هنا) الشحمة والنار  ، وأبو جيمي دا ح يكون لاعب خطير(على وزن شقلبة المثل: تشوف مُحمد فى السوق تعرف فاطنة ال في البيت) ولو طلع من بورداب الرياض ح يكون مخسر مع عمدتنا كوستاوي (وعشان كدا أظنو ماجاء رحب بيهو، لأنو مكجن بورداب الرياض، وقال ديل كلهم ظلاميين )
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: النذير حجازي)
|
النزير حجازي..
الله ينور دربك شقيش ما تقبل..
| Quote: ويا دكتورة أخوك العريس المحتفى به ويينو؟ |
الراجل ده ما عريس..ده معرس ليهو ترليون سنة وعنده بتين زي العسل..
ونحنا مفكرين ندبل ليهو
| Quote: وبصراحة أكتر الشمار كاتلني وعايز أشوفو من بورداب ياتو حتة؟! وإن شاء الله يطلع من تيمنا، وأخشى يكون من بورداب الرياض، لأنو زي ماعارفة بورداب أمريكا وبورداب |
الزول ده من بورداب الدمام..وبرضه من بورداب اميركا..
اصلوا ياسيدي عنه اللوتري..وبيمشي امريكا دي كتير..
وبيجيب لينا الملايات الما خمج
وكوستاوي ده قول ليهو رشا سالم قالت ليك كان ماجيت رحبت باخوها
الله قال بقولك ..نحنا مستنيرين جدا لكن لو حكمت بنحلف طلاق ظلامي جدا
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: mohamed elshiekh)
|
الاخ محمد الشيخ..
انا امي هسه بعلم فيها الكتابة بالكيبورد ..بقت تكتب
20 كلمة في الدقيقة..لكن لما تصل 50 بنشوف ليها بكري..
وبازمبة ده جاكم هنا وشاكلتوهوا ..عشان كده مابيجي تاني
| Quote: وقبل اى شى يا حبيب خليك عارف الحكم قرقوش.. |
ما فهمتها لكن قلبي بيقول لي حاجة تبع الكوشتينة..
| |
|
|
|
|
|
|
|
|
|
Re: اخوي جاااااااااااااكم..والله اداكم .. (Re: خالدة البدوي)
|
خالبدة البدوي..
كدي خلينا من جمال ده..
انا والله ندمانة كما لم يندم الكسعي..(مين الكسعي ده)
لاني ما جيت عيدت عليكم وما لاقيتكم وجها لوجه..
والله بس ظروف قاهرة جدا جدا..
وكان نفسي ارحب بالفنان السني دفع الله..لاني بريد اخته شديد
كنت دايره الاقيك والاقي ودالباوقة الظلامي..
وابوجهينة ..والخال صديق الموج..
و..و..و..
لكن ما عندي حظ..
ياخ ما تخليني اقلب البوست ده بكا..
| |
|
|
|
|
|
|
|
|
|
WELCOME MESSAGE (Re: رشا سالم)
|
الاحبه سفيان,بهاء/فيصل نوبي/ابوساندرا/ايمن/فاروق/منتصر/عبدالمنعم/عبدالعظيم/انعام/ابوجهينه/خالده/عزاز/عادل/علاءالدين/الملك/حاتم/ابوبكر/عبدالله/شهاب/تولوس/عبده/خالد/ASAAD/ADIL/TRAGIE/YASIR/GAFAAR/MUNA/KAMEL/OMER/SAIF/SANA/MAMKUNA/MOAWIA/DR.SAEED/EMAD ABDULLAH/MOH'D ABDUGALEEL/DR.MOH'D/DKEEN
بشيلك جوه في عيني
اخاف من رمشه ... تقسي عليك
ولو ضاقت كمان عيني
بشيلك في القلب همسه
والدقات ترحب بيك
او كما قال
الاحبه
في موسم الخير . . نتمني الخير .. لاهل الخير .. وكل عام وانتم بالف خير
مشكورين علي التحيه والترحاب وانشاء الله دايما نجيكم في السمح
وياعلاء حيموره لو عندك صله بخالد قول ليه اول دفعتكم بسلم عليك
وياعماد عبدالله سلم علي صلاح وقول ليه صلاح سالم دفعتك بسلم عليك
يابورداب امريكا انا نصي في الدمام والتاني في WITCHITA-KS
| |
|
|
|
|
|
|
|
|
|
Re: WELCOME MESSAGE (Re: doma)
|
أهلآ وسهلآ بالباشمهندس جمال....طالما إنت أخو رشا...فلا بد أن تكون أنيق الكلمة رقيق الوجدان مثلها...وطالما أنت أخو راشد (أنا)..فلا بد أن تكون ....غريب بلاد وغريب أهل...بلادك في سود المقل (مثلي)....نورت الديار..
| |
|
|
|
|
|
|
|
|
|
Re: WELCOME MESSAGE (Re: Rashid Elhag)
|
الاخ المحترم..راشد الحاج..
كل عام وانت بخير..
مشكور علي الترحيب ..
| Quote: ....غريب بلاد وغريب أهل...بلادك في سود المقل (مثلي). |
ده كلام كبييييييير..داير ليهو قعدة..
| |
|
|
|
|
|
|
|
|
|
Re: WELCOME MESSAGE (Re: doma)
|
الخالة الحبيبة دوما.. doma
كل سنة وانتي طيبة..
| Quote: معجبه باراء دكتوره رشا ومواقفها من اول بوست |
دي شهادة اعتز بيها جدا...
ربنا يديم الود والاحترام..
| |
|
|
|
|
|
|
| |
رشا سالم
saif massad ali
تولوس
mamkouna
Moawia Mohammed
ابوبكر عبد الرازق
عبدالله شمس الدين مصطفى
Gaafar Ismail
Muna Khugali
شهاب الفاتح عثمان
Kamel mohamad
omer almahi
سفيان بشير نابرى
بهاء بكري
فيصل نوبي
ASAAD IBRAHIM
أبو ساندرا
Adil Osman
Tragie Mustafa
فاروق حامد محمد
منتصر الامين
عبد المنعم سليمان
علاء الدين حيموره
الملك
حاتم هاشم
عاطف محمد أحمد زكريا
Dr.Saeed Zakarya Saeed
Emad Abdulla
انعام عبد الحفيظ
ابو جهينة
خالدة البدوي
Mohamed Abdelgaleel
mohamed elshiekh
النذير حجازي
doma
Rashid Elhag
فيس بوك
تويتر
انستقرام
يوتيوب
بنتيريست