|
|
 Re: معتصـم دفــع الله ... (Re: ودرملية)
|
ود رميلة الرجل الحساس الفنان
رمضان كريم يا غالي وتصوم وتفطر على خير ، ، ،،
Quote: بعدين يادكين سيب حقدك دا ..معتصم ما محتاج يتكسر في الجكس ..
تندلق في مساءاته الجكسويات الحسناوات بلا جهد يبذله ولا كبكبة ..
وانت في انبراشاتك الاسفيرية خير دليل علي سعيك الدؤوب نحو عوالم البهاء والجمال .. |
شوفت دكين ده كيفن حاسد يا ودر الرميلة . أها يا دكين جاك الموت يا تارك الصلاة . خليتك لي ودر الرميلة الينجضك .
Quote: انا المزعلني في الدنيا دي بس ..البنية السالتني منك ..
اكان لي مراد اختها في قزازة بيبسي واقفلا واديها الموية بالله شوف الغبيانة البتسال من دكين وجنبها ودرملية ..
الناس مزاجات فعلا ... |
لا وقال شنو ! قال كورة قال ، أها ود رميلة جابها من الآخر يا بتاع الكورة إنت !!!!! . معليش يا ود رميلة الناس فعلاً مزاجات .
شكراً على مرورك الكريم وفعلاً معتصم رجل نعجز عن إيفاءه حقه . ولكن ............... . وكل سنة وأنت بألف خير .
| |
 
|
|
|
|
|
|
|
 Re: معتصـم دفــع الله ... (Re: ودرملية)
|
صديقي ود رملية ..
ياخي إنتو كتبتوا ونظمتوا ونثرتوا ..
كلامكم دا وسام على صدري جملتم به دواخلي واسعدتوني ..
ربنا يديم المحبة بينا ويسعدك ويهنيك ..
أما الوغد دكين دا ما عليك منه ..
هترشتو دي مردوده عليه ..
صاحبي نعمل معاهو شنو ..
لك محبتي وتقديري ..
| |
|
|
|
|
|
|
|
|
 Re: معتصـم دفــع الله ... (Re: حسين حسن حسين)
|
يا عمــاد
( تكسير التـــلج ) .. في نهار رمضان أو بالليل رمضان ممكن يفطرك عادي جدا ..
بعدين الزول ده .. شهادتي فيهو مجروحة لعدة اسباب :
1- قبل يومين ( حرق الشوربة ) بتاعت الفطور.. ولا هماهو شئ ..
2- تاني يوم في رمضان .. انا كنت بتكلم في التلفون .. قلت ليهو يا معتصم خلي بالك ( للبصل الفي النار ده ) .. قام لما جيت لقيت البصل ( خاطف ) لونين .. بيد أنه اسووووود .. يعني زي النوعية دي .. بيرجعوهو بي ( خبيزو )
وبي دي كلوووو .. وفي رمضان الدخل لينا العضم ده .. الزول ده
( ود أمي وأبوي ) ..
نرجع للنقطة المهمة جدا ..
رشــا سالم.. أنت بت خالتك دي .. ( اتنين والا شنـــو ) ؟؟ مش قلتي لي حاجزاها ليك ؟؟
تولوس اللذيذ .. يوم ( الخميس ) كان جيت بنحسم الموضوع ده
ود الباوقـــة.. جزاك الله خير .. علي الدعوة دي .. جهز معاك العمة الما خمج وابقى مارق .. بعد كده عايزين نفرز عيشتنـــا..
.
.
ملحوظة:
-اعذروني .. لاني لا اجيد الحديث عن نفسي
| |
|
|
|
|
|
|
|
|
|
Re: معتصـم دفــع الله ... (Re: tmbis)
|
عزيزي وأخي الحبيب تمبس
صباحك سعيد .
| Quote: ( ود أمي وأبوي ) .. |
يسلموا أمك وأبوك الجابو رجل مثلك .
يا أخوي الفضائح لزومها شنو ؟ ولا عائز تطير الجكس البتنافس فيهو ده منو ؟
| Quote: رشــا سالم.. أنت بت خالتك دي .. ( اتنين والا شنـــو ) ؟؟ مش قلتي لي حاجزاها ليك ؟؟ |
شفت كيف يا تمبس !! ده إسمو بيع عديل كده الراجل سوقو حار شديد . البنية ما صدقت دخلت المزاد ونست الوعد ، أها شوف ليك حل .
بعدين شنو يا أخوي ماقلنا ليك تعال التمارين ، عارفنك بقيت بتجليها واقفه وكشك كان شاتوه بيعدي ، بس ما مشكلة أنا ومعتصم بنقيف ليك صمامي أمان . أها قلت شنو ؟ ح نشوفك يوم الجمعة إن شاء الله ؟ في إنتظارك عزيزي .
| |
|
|
|
|
|
|
|
|
|
Re: معتصـم دفــع الله ... (Re: tmbis)
|
انت البحر الما خلاني أعيش فرادي ..
كنت معايا ..
شلنا الهم بالجملة ..
وكم مازحنا ليالي الصيف ..
وحزن الغربة ..
عفواً ..
فأنت قلتها يا شقيقي لا أجيد الكلام عن نفسي ..
شكراً تامبا يا إبن أمي وأبوي ..
| |
|
|
|
|
|
|
|
|
|
Re: معتصـم دفــع الله ... (Re: حسين حسن حسين)
|
الرجل الحاضر الغائب حسين حسن
رمضان كريم يا أخوي ، شنو الغيبات دي ، مالك مزعلنك ولا شنو ؟
| Quote: نموذج للشباب الذي يطمئنك بأن (الجاي أحلى) |
لأن روحه أحلى ومرحة لا تعرف اليأس ، دائم التفاؤل . حسن المعشر ، صادق اللسان طيب القلب . إنه معتصم دفع الله .
| Quote: والكلام عن معتصم يمكن أن أضعه في كتاب، وعيبه الوحيد أنه يغيب، ويأتي كالربيع مرة واحدة في العام.. |
يترك فينا غيابه الأسى والحرن , ويعود فيمطرنا برزاز كلماته وتسطيراته العزبة وينبت فينا الفرحة من جديد .
| Quote: دمتم حلوين وأوفياء |
وانت كذلك يا سيدي ، بس ما تطول الغياب تاني . والبركة بالرجعة .
| |
|
|
|
|
|
|
|
|
|
Re: معتصـم دفــع الله ... (Re: حسين حسن حسين)
|
صديقي الصحفي والرياضي المطبوع حسين حسن حسين ..
شكراً لجميل حرفك وكلماتك التي أثلجت صدري ..
حقيقي يا حسين معرفتكم كنز والواحد سعيد بيكم شديد ..
أشهد أن قيادتكم للرابطة ومجهوداتكم كانت الدافع لنا للعمل معكم ..
فكان نتاج مجودكم رابطة قوية ساهمت كثيراً في دعم العمل الرياضي والإجتماعي والثقافي بالرياض ..
وأذكر تلك الفترة التي عملنا فيها بلجنة الثقافة بالرابطة وتلك البرامج والخطط التي ساهمت كثيراً في جذب الكثير من الجمهور والأعضاء للصالحية ..
التحية لكم وأنتم تساهمون في هذا العمل الكبير وجمع السودانيين وتوحيدهم ..
شكراً أخي حسين لا تكفي ..
ولك مني كل التحايا والحب ..
| |
|
|
|
|
|
|
|
|
 Re: معتصـم دفــع الله ... (Re: عماد محمود علي)
|
كان أول من وقعت عليه عيناى و أنا أدلف
داخلا لأول لمة بورداب أحضرها و أنا عضوا
فى هذا البراح العامر ...
إحتوانى ترحيبه الدافىء فاتحا شهيتى على مصراعيها
لمعرفة كل الناس الفى الدنيا !!
أحسست بأنى تأخرت كثيرا فى التعرف عليه و بقية الرفاق ،
تمنياتى من القلب له ... و لكم جميعا .
| |
|
|
|
|
|
|
|
|
|
Re: معتصـم دفــع الله ... (Re: مصدق مصطفى حسين)
|
أخي مصدق
Quote: إحتوانى ترحيبه الدافىء فاتحا شهيتى على مصراعيها
لمعرفة كل الناس الفى الدنيا !! |
هذا هو معتصم ، الرجل الأنيق الطيب القلب ، رجل الخير والمحبة .
| Quote: أحسست بأنى تأخرت كثيرا فى التعرف عليه و بقية الرفاق ، |
هو شخص يعوضك بحبه كل ما فاتك من زمن لم تلتقيه فيه ، أنه رجل المحبة والإخلاص .
| Quote: تمنياتى من القلب له ... و لكم جميعا . |
ولك عزيزي , ورمضان كريم يا حبيب .
| |
|
|
|
|
|
|
|
|
|
Re: معتصـم دفــع الله ... (Re: مصدق مصطفى حسين)
|
مصدق حسين الفنان ..
وأنا أذكر ذلك اليوم ..
وحتى كلفناك أنا وتمبس بنقل الكراسي معنا ..
ومن ديك الحاجة دي بقت مخصصة ليك ..
سعادتنا بك لا توصف يا مصدق ..
ربنا يديم المحبة البينا ويسعدك يا رب ..
إحترامي وتقديري ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
شكرا لك اخي محمد عبد الرحمن
Quote: معتصم دفع الله يدخل للقلوب بدون استئذان
كما النسمة ...ذوق وتهذيب وهمة عالية ..
لذلك صار حبيب الكل هنا .. |
تحياتي اخي عماد وهنئيا لك بهذا الاخ الفريد
ولا عجب ان يكون بهذا الجمال فالارض الخيره دوما تخرج خيرا
فالتحية للاخ الحبيب معتصم دفع الله وعبره للاخ الصديق محمد دفع الله
ورمضان كريم للجميع .
| |
|
|
|
|
|
|
|
|
|
Re: معتصـم دفــع الله ... (Re: نيازي مصطفى)
|
أخي الحبيب نيازي مصطفى
صباح الفل والياسمين عزيزي ، ،،،
| Quote: ولا عجب ان يكون بهذا الجمال فالارض الخيره دوما تخرج خيرا |
صدقت أخي فهذا الرجل الجميل لا تخرج منه سوى الكلمات الطيبة الراقية كرقيه ، رجل من زمن الحب والنقاء .
والتحية لك عزيزي وتصوم وتفطر على خير ، ، ، ،.
| |
|
|
|
|
|
|
|
|
|
Re: معتصـم دفــع الله ... (Re: garjah)
|
Quote: والراس الكبير ده
يتلفت بيهو
بس ؟؟؟؟؟؟؟ |
بضرب بيهو هــد يا قرجة ..
ما تقول أخوك لاعب كورة بس بيني وبينك كده الكبر حصل وبقينا نجليها ثابتة ..
كيفك يا حبيب ..
الشوق كميات وزمان ما سمعنا صوتك ..
يديك العافية ..
محبتي ..
| |
|
|
|
|
|
|
|
|
 Re: معتصـم دفــع الله ... (Re: ملكة سبأ)
|
أختي الفاضلة ملكة سبأ
أهلاً بك يا ملكة يا بنت الملوك ، ، ، ،
رمضان كريم وتصومي وتفطري على خير ، ، ،
الظاهر عليك يا أختي هلالابيه موت ، بس معليش علشان خاطر ( طارق ) السد المنيع .
معتصم دفع الله شيبه طارق أحمد آدم في فنه وسلاسة لعبه وصمام أمان من الطراز الأول . بس الحظ لم يحالفه للحاق بالركب الأول . تحياتي لك ، كوني بألف خير .
| |
|
|
|
|
|
|
|
|
 Re: معتصـم دفــع الله ... (Re: ود الباوقة)
|
عزيزي الأنيق ود الباوقة
صباحك عسل إن شاء الله ، ،، ،
يا أخوي الدكتورة شايفها في البطحاء واقفه ليها مع واحد باكستاني ، بقولوا تاجر سلاح ، غايتو الله يكدب الشينة بس ، الظاهر البنية الشرر بتطاير من عينيها ، غايتو أحذرك يا ود الباوقة أوعك تمشي العزومة بتاعت أبو حمودي ديك ، الماشي فيها مفقود أها أنا غايتو حذرتك ، ولا عذر لمن أنذر ، شيل شيلتك .
| |
|
|
|
|
|
|
|
|
|
Re: معتصـم دفــع الله ... (Re: ود الباوقة)
|
والله يا ود الباوقة أنا زاتي ما عرفتو ، قلت يمكن تكون إنت عارفو ،
غايتو ده كلام البنية ، أها شوف :ـ
Quote: اها كان جيت ولقيتك لازلتم تخوضون في هذا الحديث,الله
قال بقولكم.. بجيكم بكرة في عزومة ناس ابو حمودي
وبرش من طرف.. |
أها لو عرفتو كلمني علشان ما أمش الحكاية في قطع رقبة .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
ود الباوقة وعماد..جاكم السم القدر غداكم
تولوس قدم عروض انسحابية ونحنا حنتفاوض معاهو..
وحمزاوي باع القضية وفي مقولة اخري اتلقي مكالمة هاتفية
من معتصم شخصيا ابلغه فيها اعتزاره عن بتهم وانه ما داير
يعرس رطانية لانه ثقافته الماني بث!
اهااااااااا ما فضل غيركم انتوا الاتنين..
السلاح خلاص اشتريته وختيت جزء فوق راس التلاجة وحبة قنابل
عنقودية جوه حوض الخضار مع الطماطم .. باقي زمان ومكان
المعركة.وعزومة ناس ابو حمودي انا ذاتي ما عازمني فيها
وقلت اجي بس ابيدكم واتخارج لكن طلعتوا ما معزومين..
غايتو الاستخبارات بتاعتي لسه شغالة وبعرف تحركاتكم وبصلكم
ومعتصم ده بعرس بت اختي يعني بعرسها..وتحيوا وتشوفوا
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
يا دكتورة هسه كده أول عرفينا أبو حمودي ده يطلع منو؟ هسه أنا وود الباوقة قاعدين ذي الأطرش في الزفة !!! ما عرفناه تب .
وبعديــــن :ـ
أها الراجل ده شايفاهو !!! إنت ما قلتي ليهو بديك بت أختي !!! مالك نطيتي . أها شفت يا معتصم جنس ده ؟ إنت برضو الدور جاي عليك علشان كده أحسن ليك بنت خالتي .
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
| Quote: ود الباوقة وعماد..جاكم السم القدر غداكم |
قصدك السم القدر فطوركم انت نسيتي رمضان ولا شنو ...
ناس ابو حمودي انا ذاتي ما عازمني فيها
وقلت اجي بس ابيدكم واتخارج لكن طلعتوا ما معزومين
والله ناس ابو احمودي ديل عزاز علينا بس ما عزمونا مالهم السنة دي يا ربي ...
| Quote: ومعتصم ده بعرس بت اختي يعني بعرسها..وتحيوا وتشوفوا |
الشغلانة دي يا دكتورة الظاهر حا نسويها قرعة في العيد وربنا يقوي النصيب ..
ود الباوقة
| |
|
|
|
|
|
|
|
|
 Re: معتصـم دفــع الله ... (Re: ود الباوقة)
|
أخي الفاضل ود الباوقة
| Quote: الشغلانة دي يا دكتورة الظاهر حا نسويها قرعة في العيد وربنا يقوي النصيب .. |
والله يا ود الباوقة الاقتراح ده أنا إقترحته عليها قبل أن تبدأ الحرب الباردة ولكنها رفضت ، وهسه أنا كمان رافض تب ، ومعتصم ميا زولنا يعني زولنا . أها بس إنت إنسحب وخلي لي الدكتورة دي إنا بجيب ليك خبرها .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
Quote: معتصم دفع الله يدخل للقلوب بدون استئذان
كما النسمة ...ذوق وتهذيب وهمة عالية ..
لذلك صار حبيب الكل هنا .. í . |
و أزيــد ... إنســان ودود و محتــرم عندما تتعرف عليه تحس و كانــك تعرف هذا الفتى منذ عهد
بعيــد فهذا يدل على سماحة خلقه و طيبه نفسه و حلاوة معشره ... بالإضافة إلى انه يتمتع بفن و
اسلوب راقي في فن التعامل مع الآخــرين ... فنتمنى لك طول العمر أيها الفتى المرهف معتصم..
و تصوم و تفطر على خيــر و كـل عــام و انت بألف خيــر...
مع محبتـــي
هيثـــــــم القـــوز...
| |
|
|
|
|
|
|
|
|
|
Re: معتصـم دفــع الله ... (Re: ملكة سبأ)
|
سجمي وسجمي منكم يا ناس البورد ده..
محنتوني وخليتوني امشي واتلفت !
انا اقالع في معتصم لبت اختي اجي القي
ملكة سبا دي قلعت مني تمبس...؟
عاد شكيتكم وشكيتكم..
| |
|
|
|
|
|
|
|
|
|
Re: معتصـم دفــع الله ... (Re: تولوس)
|
Quote: هوي يادكتورة انت وملكة سباء وود الباوقة اخوي
تصريحاتكم بمثابة اعلان حرب عديل كده والبادي اظلم (وش يحمل ملامح شارون) |
يعيش يعيش تولوس يعش يعيش
| |
|
|
|
|
|
|
|
|
|
Re: معتصـم دفــع الله ... (Re: ملكة سبأ)
|
أختي الفاضلة ملك سـبأ
يختي محجوز دي ما معانا هسه نحن الحين بنقاتل في معتصم تجي إنت براحة كده تجري تمبس ، هسه بس خلينا نخلص من موضوع معتصم ده وبنجيك راجعين ، الزول ده زولنا تب وهسي بعد ما رشا نطت منه الجو خلى لينا بيهو تجي إنت تخربي الصفقة علينا. ( عيون حمراء ذي جمرة النار ) .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
عماد كل سنة وانت طيب جد عرفت تختار بوست ناجح
معتصم ..ييييييييييييييييييييا ووووووووود ..
الجماعة ما خلو لينا حرف ولا كلمة ولا تعبير نقولوا
وكله حقيقة ..
ويادكتورة رشا جد بنت اختك محظوظه ...
اما تعليق تمبس ماعارفة بس إذا حقيقة على الاقل يكف العين عنك
حقيقي ما قدرت اختار الحروف التناسب قدرك
الله يحفظك ويسعدك ...
مودتي ،،،
| |
|
|
|
|
|
|
|
|
|
Re: معتصـم دفــع الله ... (Re: عمران حسن صالح)
|
الاخ المحترم ابو حمودي..
ياخ انا عارفاك وعارفه حمودي ..المتلومين عماد وود الباوقة..
كل ما اقول ليهم العزومة عند ابوحمودي يقولوا لي :ابو حمودي منو؟
عموما كنا دايرين نجي الفطور لكن كرامتنا وجعتنا في اخر دقيقة
لك العتبي يا ابو حمودي وربنا يحفظه ليك...
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
الدكتورة رشـــا :
صباحك فل إن شاء الله ، ، ، ،
| Quote: ياخ انا عارفاك وعارفه حمودي ..المتلومين عماد وود الباوقة |
..
| Quote: عموما كنا دايرين نجي الفطور لكن كرامتنا وجعتنا في اخر دقيقة |
شفت كيف يا أبو حمــودي ما قلت ليك ، أها اللوم راكبك راكبك .
أها شد حيلك كده وسويلنا عزومة كاربة كده أحسن من بتاعت الجماعة ديل أنا والدكتورة وود الباوقة برانا ، وإلآّ ما ديرين .
| |
|
|
|
|
|
|
|
|
|
Re: معتصـم دفــع الله ... (Re: عمران حسن صالح)
|
أخي الحبيب عمران حسن
عمرك الله في الدارين ، رمضان كريم وتصوم وتفطر على خير ، ، ،
Quote: والله إنتو ما حاسين لمه زي دي ممكن تعمل في الزول شنو
صلاح شتات / حميدة / معتصم / تمبس / أحمد حنين / دكين / وليد طه وأم رغد /ود الشيخ / الطيب جميل |
يا أبو حمودي بصراحة كده إتلومت ، يعني عازم الجماعة ديل بس وخليتني أنا والدكتورة وصاحبك ود الباوقة بره الصورة !!! يعني نحن الغرقنا المركب !!!! أنا كده خليني بس الدكتورة وود الباوقة إتلومت فيهم لوماً كبيراً تب ومافي شيتاً ببرد حشاهم إلا عزومة كده كاربة مافيها صحن فول تب .
تســلم يا حمـــودي بس إبــــوك إتلـــوم تـب .
| |
|
|
|
|
|
|
|
|
|
Re: معتصـم دفــع الله ... (Re: عمران حسن صالح)
|
Quote: الناس الحلوين ديل كانوا حضوراً في إفطارنا اليوم وزادوه بهاء وكل ما يقوم واحديقول طالع شياطين الدنيا تطلع في راسي
والله إنتو ما حاسين لمه زي دي ممكن تعمل في الزول شنو
صلاح شتات / حميدة / معتصم / تمبس / أحمد حنين / دكين / وليد طه وأم رغد /ود الشيخ / الطيب جميل |
عمـران .. والشنين كانوا وووووووووووين 
| |
|
|
|
|
|
|
|
|
|
Re: معتصـم دفــع الله ... (Re: خالدة البدوي)
|
الأخت الكريمة خالـــدة
| Quote: عماد كل سنة وانت طيب جد عرفت تختار بوست ناجح |
وإنت بألف خير وصحة وعافية ومن العائدين إن شاء الله ، الله يخليك ده من أصلك .
| Quote: ويادكتورة رشا جد بنت اختك محظوظه ... |
أااااهاااا ، بدينا الخطأ يا خالدة !!!! يعني شنو يعني ، خلاص عملتي معتصم نسيبها . لما تشوف حلمة أذنها ، ده بعد السماء عن الأرض ، قالت محظوظة قالت .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
مووووووووووووووو
والله يامعتصم خايفة قدر ما اكتب اتلوم فيك
لانو كان كنبت من هنا لغاية القلقاله مابنتهى الكلام
عماد رمضان كريم ليك وليهو
غايتو اخترت الرجل الصاح فى المكان الصاح
مودتى
| |
|
|
|
|
|
|
|
|
|
Re: معتصـم دفــع الله ... (Re: نجود حسن عبد الرحمن)
|
الاخ/ معتصم دفع الله
أهلا للتكريم بهذا البوست
كان جسر التواصل الذي عبرت به لمجموعة بورداب الرياض الرائعة 0
يمشي بين الناس بالخير ويلملم القواسم المشتركة بينهم مهما تباينت رؤاهم ( للحد من هجير الغربة القاسية)0
يتحلي بالقيم السودانية الاصيلة بالتالي يكون سفيرا شعبيا لوطنه 0
حفظه الله واياك الاخ/ عماد 0
| |
|
|
|
|
|
|
|
|
|
Re: معتصـم دفــع الله ... (Re: ود الباوقة)
|
ود الباوقة يا حبيب
صباح الخير عزيزي ، ، ،،
| Quote: لوووووووووووووووووول يا عماد ابو احمودي طلع اخونا عمران . والله انا كنت قايلوا احمد حنين |
الله يجازي شيطانك يادكتورة!!!! عملتيها فينا وفشلتينا
| |
|
|
|
|
|
|
|
|
|
Re: معتصـم دفــع الله ... (Re: mahmed alhassan)
|
أخي الكريم محمد الحسن
| Quote: يتحلي بالقيم السودانية الاصيلة بالتالي يكون سفيرا شعبيا لوطنه |
هذا هو معتصم ، رجل صعب أن نوفيه حقه فكل الكلمات وإن صغناها عقوداً من لؤلؤ لنوشحه بها لا يمكن أن توفيه حقه ، شكراً عزيزي على زيارتك الجميلة وحفظك الله وإيانا .
| |
|
|
|
|
|
|
|
|
|
Re: معتصـم دفــع الله ... (Re: mahmed alhassan)
|
الحبيب محمد الحسن
جمل الله أيامك بكل الخير ..
ما تم هنا من جهود هي بفضل وقفتكم وروحكم السمحة ..
لذلك كان بورداب الرياض وكانت كل الأعمال الجميلة التي تمت ..
تسلم كتير وربنا يديك الصحة والعافية ..
شكري ومحبتي ..
| |
|
|
|
|
|
|
|
|
|
Re: معتصـم دفــع الله ... (Re: نجود حسن عبد الرحمن)
|
أختي العزيزة نجـود حسن
رمضان كريم وتصومي وتفطري على خير ، ، ، ،
| Quote: والله يامعتصم خايفة قدر ما اكتب اتلوم فيك |
يا ستي الله لا جاب لوم ، مرورك هنا براه يعتبر عن إمتنناك لمعتصم ، وأحياناً يأبى التعبير أن يتخذ موقعة من السطور . شكراً على مرورك الكريم وتسلمي إن شاء الله .
| Quote: غايتو اخترت الرجل الصاح فى المكان الصاح |
ده بس من أصلك يا ستي وهو تعبير جميل لمعزتك لمعتصم .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
والله يا معتصم كسير تلج وفي رمضانLoooooooooooooooooL
بختك يا عم...
انا كنت فاكر مافي زول بكسر ليك التلج ..غير تمبس!!!
ما عايز اضيف اكتر من الكلام المكتوب اعلاه ..
عشان دا براه بكبر رأسك بصل من الرياض للقلقالة
تحياتي لك يا شفيف ..
ولكن بورداب الرياض الاستلموا البوست كله!!!!!!!!!!
شكرا عماد لهذا الوفاء ..فما يعرف قدر الكرام الا كريم,,,
تحياتي وودي للجميع وخصوصا ناس الرياض فانتم تمثلون المجتمع المثالي
لسودانيزاونلاين علي ارض الواقع خارج نطاق الوطن,,,
| |
|
|
|
|
|
|
|
|
|
Re: معتصـم دفــع الله ... (Re: Ehab Eltayeb)
|
مـعتصـــم رجـــل ابيض وانيـق الدواخــل
مـسـنجم مع امـزجــة الناس وكـأنة وتر معـبأ باشـجانهـم
رجـل خـلوق وشــفيف حــد النزف.
شـكـرا عمـاد لفتحتك نافـذة البوح النبيل هـذي للرجـل الكميل
معتصـــم....فــهــــو يـسـتــحـــق.
| |
|
|
|
|
|
|
|
|
|
Re: معتصـم دفــع الله ... (Re: Emad Abdulla)
|
أخي النبيل عماد عبد الله
يسعد صباحك بكل خير ، ،،،
| Quote: أنا أحب معتصم دفع الله |
وكلنا نحب هذا الرجل الطيب القلب ، فهو رجل يجبرك على حبه ، والمحبة لك محبٍ له , وتسلم .
| |
|
|
|
|
|
|
|
|
 Re: معتصـم دفــع الله ... (Re: الخير محمد عوض)
|
أخي الفاضل الخير
سلامات يا رجل يا اصيل
| Quote: شـكـرا عمـاد لفتحتك نافـذة البوح النبيل هـذي للرجـل الكميل |
معتصم رجل يجبرك إن تفتح له قلبك ناهيك عن نافذة صغيرة لا تليق بمقامة السامي ، فشكراً لك عزيزي على مرورك الكريم . وتصوم وتفطر على خير .
| |
|
|
|
|
|
|
|
|
|
Re: معتصـم دفــع الله ... (Re: Ehab Eltayeb)
|
أخي الكريم العزيز إيهاب الطيب
| Quote: شكرا عماد لهذا الوفاء ..فما يعرف قدر الكرام الا كريم,,, |
شكراً عزيزي على هذه الكلمات الطيبة ، وده من أصلك يا سيدي والكرم يخليك يمشي وين بس يا أصيل .
| |
|
|
|
|
|
|
|
|
|
Re: معتصـم دفــع الله ... (Re: Ehab Eltayeb)
|
والله يا إيهاب أنا زاتو قايل كده ..
لكن أهو الحمد لله أدانا أصحاب وأحباب مثلكم ..
يجملون حياتنا ويسعدوننا بصحبتهم ..
شكراً لكل اللحظات السعيدة التي إلتقينا فيها ..
وشكراً للوطن الذي جمعنا في لحظات أنس وصفاء ..
أها ما قلت لي الإجازة الجاية متين ؟
رد الله غربتك وغربة الجميع لوطن معافى وسليم ..
كن بخير يا صديق ..
| |
|
|
|
|
|
|
|
|
|
Re: معتصـم دفــع الله ... (Re: walid taha)
|
الاخ عماد ،، وجميع مَـنْ بالجوار ،، سلام ورمضان كريم ،،
وشكراً على الاختيار الذي صادف أهله ، فالمعتصم ، جدير بالثناء
وأهلٌ للحمد الإخواني ، بما يقابل به الأخلاّء وغير الأخلاّء من جميل اللقاء ، وحُسنِ البِـشْر ، والإستعداد الصدوق لأداء الفرض والواجب والمندوب ، كواحدٍ من أؤلئك الذين حبَّـبـّهم الله إلى خلقِه ؛ أحاسن الناس أخلاقاً ، الموطّئون أكنافاً ، الذين يألـَـفون ويؤلَـفون . وهو بهذه الصفة ، " خيط شـلـّة " ، للمجموعة التى تزرع الجميل والمفيد بين أنفسٍ شتّى يضجّ بها المقام بفيافي " نجد " ، وتحتمل تلك المجموعة،في سبيل ذلك ، الكثير من المشـقـَّات ..
و ال " معتصم " كأنّه المعنيُّ في أبياتٍ لأبي الطيِّب المتنبي:
تملّك الحمدَ ، حتى ما لمفتخرٍ ،،، في الحمدِ حاءٌ ولاميمٌ ولادالُ
لا يُدرك المجدَ إلآ سـيـِّدٌ فَطِنٌ ،،، لما يشقُّ على السـّادات ، فَـعَّـال
لولا المشقة ، ساد النّاس كُلّهمُ ،،، الجودُ يُفقِـرُ ، والإقدامُ قـتــَّال
والمعتصم ، كذلك ، كأنّه المعني بأبيات أبي تمـّام :
تراه إذا ما جئتَه متهلـِّلاً ،،، كأنّك مُعطِــيه الذي أنتَ ســائله
ولو لم يكن في كفـِّه غيرَ روحِه ،،، لجادَ بها ، فليتـَّقِ الله ســـائله
تخريمة بوردابية !
----------------
بس يا معتصم ، أعمل حساب الحالة الفي " المقطع الوردي " :
الشــايل همــوم الناس ، همـُّو العندو ، غالبو يشيــلو !
| |
|
|
|
|
|
|
|
|
|
Re: معتصـم دفــع الله ... (Re: محمد أبوجودة)
|
أخي الحبيب محمد أبو جودة
رمضان كريم ، وتصوم وتفطر على خير ، ، ، ،
Quote: و ال " معتصم " كأنّه المعنيُّ في أبياتٍ لأبي الطيِّب المتنبي:
تملّك الحمدَ ، حتى ما لمفتخرٍ ،،، في الحمدِ حاءٌ ولاميمٌ ولادالُ
لا يُدرك المجدَ إلآ سـيـِّدٌ فَطِنٌ ،،، لما يشقُّ على السـّادات ، فَـعَّـال
لولا المشقة ، ساد النّاس كُلّهمُ ،،، الجودُ يُفقِـرُ ، والإقدامُ قـتــَّال
والمعتصم ، كذلك ، كأنّه المعني بأبيات أبي تمـّام :
تراه إذا ما جئتَه متهلـِّلاً ،،، كأنّك مُعطِــيه الذي أنتَ ســائله
ولو لم يكن في كفـِّه غيرَ روحِه ،،، لجادَ بها ، فليتـَّقِ الله ســـائله |
يا سيدي يا سيدي ، ما شاء الله ، يا حافظ يا حفيظ .
| |
|
|
|
|
|
|
|
|
|
Re: معتصـم دفــع الله ... (Re: محمد أبوجودة)
|
يا أبوجودة والله الكلام دا كتير ..
وأنا هسي حيلي إنهد من شيل جمايلكم علينا ..
ربنا يقدرنا ونكون عند حسن الظن دائماً ..
ويديم المحبة بينا ..
من فوائد الدنيا علينا صحبة الأخيار ..
وأنتم نعم الصحبة ونعم الأخوان ..
جمل الله أيامك بكل الخير وأسعدك في الدنيا والآخرة ..
| Quote: الشــايل همــوم الناس ، همـُّو العندو ، غالبو يشيــلو ! |
آآآآآآآآآآآآآخ يا محمد ..
ما أكثرها الهموم وما أصعبها ..
تسلم كتير يا حبيب ..
محبتي وتقديري ..
| |
|
|
|
|
|
|
|
|
|
Re: معتصـم دفــع الله ... (Re: بدرالدين شنا)
|
إعلان هااااااااااااااااااااااااااام
انا الدكتورة رشا وبكامل قواي العقلية وشخصيتي الاعتبارية
اعلن لكل المتداخلين في هذا البوست إنه: ده طرفي من معتصم دفع الله !
وذلك لأن الأخوة تولوس وعماد وود الباوقة وحمزاوي( الخال المزعوم)
قد قاموا بأرسال كمية من التهديدات لشخصي الضعيف.. وقد آثرت السلامة
فليعلم غائبكم وحاضركم اننا في حل من هذا المعتصم وابنة اختنا ( لاها هينة
ولا ها لينة ليكم) واننا من هذا البنبر ايضا نعلن تمسكنا بالمدعو
تمبس ولا تراجع عنه مهما كانت قوة التهديد والوعيد..
والزارعنا غير الله..........
| |
|
|
|
|
|
|
|
|
|
Re: معتصـم دفــع الله ... (Re: رشا سالم)
|
| Quote: فليعلم غائبكم وحاضركم اننا في حل من هذا المعتصم |
الله أكبر ، الله أكبر ، جاء الحق .
Quote: واننا من هذا البنبر ايضا نعلن تمسكنا بالمدعو
تمبس ولا تراجع عنه مهما كانت قوة التهديد والوعيد |
وين وين تلقوا ده ، ده خلاص جانا والله أده . يا دكتورة الراجل زعلان زعلاً ما شفت زيو تب ، إنت قلتي بنت أختك لي معتصم من هنا وهو كنصل الموضوع من هنا . وجانا براه عارفنا بنحبه وبنريده وما ناساً بنط من كلامنا. هسه الراجل خلاص حجزنا ليهو بنت عمتي . ما في طريقة تاني شكوفي ود الباوقة كان عنده زولاً يديكي ليهو لي بنت أختك دي .
| |
|
|
|
|
|
|
|
|
|
Re: معتصـم دفــع الله ... (Re: ملكة سبأ)
|
Quote: ونصيحة اخت حاولى تكثفي جهودك مع معتصم الايام دي
تمبس (نائم) |
دا نايم نومة اهل الكهف وانا خايفو لما يصحى يكون قد بلغ ارزل العمر ..
لكن ابشر الجميع نحن كمان معتصم دا ما ديرنو يعرس كلو كلو . وهو بيني وبينكن قال ما داير عرس لما سالتو ليه يا شفيف ..
قال لو ماعرس صلاح شتات هو ما حا يعرس عشان كدت شوفليكن زول غيرو ..
وصلاح شتات قال رافض مبدأ العرس من اساسو .. اها اتخارجن بدون شوشرة
ود الباوقة
| |
|
|
|
|
|
|
|
|
|
Re: معتصـم دفــع الله ... (Re: ود الباوقة)
|
عزيزي ود الباوقة
يسعد صباحك يا سيدي ، ، ،،
| Quote: لكن ابشر الجميع نحن كمان معتصم دا ما ديرنو يعرس كلو كلو |
يا أخوي السياسة دي ما بتمشي معاي ، الود ولدنا ونحن عارفين مصلحته وين ، سياسة التطفيش دي قولها للدكتورة بس أنا ما بتشتغل معاي خالص ، الولد نحن معرسين ليهو يعني معرسين ليهو غصباً عليه . أها كمان شتات ذاتو ح يدخل معاه في نفس اليوم سوى أن رضى أو أبى .
| |
|
|
|
|
|
|
|
|
 Re: معتصـم دفــع الله ... (Re: ود الباوقة)
|
Quote: يا ود الباوقه ...
يااخى انت لايص فى البوست دا كدا مالك
فى شنو يازول ...؟ |
يا ابورزقة صاحبك ود الباوقة دافعين ليه بالعملة الصعبة عشان يعمل الدعاية الكاربة للجوز التحت دا
دعاية محنت الكاردينال ود الشيخ
وشتات تعابيره تصرخ : برىء ياااابيه
قال شوشرة قال
ماحانطلع إلا بالطبل البلدي ياود الباوقة
| |
|
|
|
|
|
|
|
|
|
Re: معتصـم دفــع الله ... (Re: mohamed elshiekh)
|
[| Quote: يا ابورزقة صاحبك ود الباوقة دافعين ليه بالعملة الصعبة عشان يعمل الدعاية الكاربة للجوز التحت دا |
وبعدا يا ود الشيخ تقول لي لايص .. شوف التهم دي كلها عشانكم انتو الجوز ..
ود الباوقة
| |
|
|
|
|
|
|
|
|
 Re: معتصـم دفــع الله ... (Re: ود الباوقة)
|
أخي الحبيب النبيل ود الباوقة
صباحك زين يا سيدي ، ، ،،
| Quote: اه يا ود الشيخ عشان ما تزعل نفسك طلعت من البوست |
أول مره في حياتي أشوف لي واحد بيمشي يخلي بيتو !!!! يعني ماشي تسكن في فندق !!!!
ود الباوقة خروجك من هنا صدمة للأخ معتصم قبل أن تكون صدمة كبرى لي ، ابقي أخي الدار دارك واالمطرح مطرحك . والشاي جاهز كمان .
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
معتصم دفع الله..ياصديقى
لا يليق ُ بك ِ غير الشعر ...
وفواتح ُ الكتب النبيلة ..
ومواسم الربيع ..
والسوسن .. !
فبين شعاع الشمس ..
والقمر الجميل ..
لم تزل لك ِ .. انشودة ،
و " صفصافة " .. ترقص ُ معك ِ الفرح
وتغنى معك الاغنيات.. والامنيات.
فكن نبضا لنحيا بك
| |
|
|
|
|
|
|
|
|
|
Re: معتصـم دفــع الله ... (Re: bushra suleiman)
|
صديقي الجميل بشرى سليمان ..
أنتم من يفتحون لنا أبواب الربيع ..
لندخل بها على كل جميل ..
نتنسم عبير كلماتكم شعراً ولحناً ..
وتعزفون لنا سيمفونية الحياة ..
وتعيدون لنا بعض رحيق ..
دم بخير يا صديقي ..
| |
|
|
|
|
|
|
|
|
|
Re: معتصـم دفــع الله ... (Re: salma subhi)
|
الأخت النبيلة الفاضلة سلمى صبحي
رمضان كريم وتصومي وتفطري على خير سيدتي ، ، ،،
يسعدني كثيراً مرورك الجميل ، فقد إفتقدناك كثيراً جداً وعودتك بمثابة عودة الروح للجسد ،
| Quote: لكما التحية... عماد ومعتصم |
ولك مني ومن صديقي آسمى آيات التحايا القلبية الصادقة ، ونتمنى عدم حجب قلمك النير عنا سيدتي . كوني بخير .
| |
|
|
|
|
|
|
|
|
|
Re: معتصـم دفــع الله ... (Re: salma subhi)
|
ما أجملها من عرفه يا سلمى ..
وما أسعدني بها ..
حقيقي الواحد تشرف بمعرفة الكثيرين هنا ..
فكانت نعم العشرة ونعم الصحبة الحلوة ..
شكراً لرقيق كلماتك ..
وربنا يديم المحبة بيننا ..
محبتي وتقديري ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
الأحباب جميعاً ..
جمل الله أيامكم ..
سعيد بوجودكم هنا وبكلماتكم التي رطبت دواخلي ..
وعذراً لعدم تمكني من الرد عليكم فالوقت عندي ضيق ..
وأعدكم بالعودة لكم جميعاً فرداً فرداً ..
شكراً لا تكفي ..
محبتي لكم جميعاً بلا حدود ..
| |
|
|
|
|
|
|
|
|
|
Re: معتصـم دفــع الله ... (Re: عماد محمود علي)
|
رمضان كريم
شكرا عماد
مع اني ما بحب مثل البوستات دي
لأن اهلنا قالوا الشكروا قداموا نبذوا
لكن معتصم حاله نادرة في هذاالزمن الاغبر
الذي قل ان تجد فيه الصديق الصدوق
والانسان المهذب المتفاني الذي يحب الخير للجميع
عرفته في الرابطه الرياضيه ثيرباك المتمه
ذكرني شيخ ادريس كباشي الله يرحمه
خفيف وحريف ويجيد اعاب الهواء
ولايحب الكروت الملونه
وعرفته في سودانيزاونلاين
اخواخوان هاش باش والبسمه لاتفارق محياه
واكثر ما يكون متوجس وقلق عندما تكون هناك
مشكله ولا خلاف بين البورداب ويسعي حتى تنتهي
بس عيبه الوحيد 00000000
| |
|
|
|
|
|
|
|
|
 Re: معتصـم دفــع الله ... (Re: عماد محمود علي)
|
أخيراً فزت كما توقعت ( بصفقة الأخ النبيل معتصم ) وكانت ( صفعة ) للدكتورة رشا سالم . ويا دكتورة الحكاية سياسة وديمقراطية مش عنترية . يعني خلي روحك رياضية وباركي لي زواج بنت خالتي من معتصم .
ولا عزاء لتولوس وود الباوقة وملكة سبأ ، هنيئاً لنا به . 
| |
|
|
|
|
|
|
| |
معتصم دفع الله
tmbis
Ahmed Abdallah
نيازي مصطفى
ملكة سبأ
garjah
رشا سالم
حمد فتح الرحمن
Haytham Abdulaziz
تولوس
خالدة البدوي
عمران حسن صالح
waleedi399
mahmed alhassan
Ehab Eltayeb
الخير محمد عوض
Emad Abdulla
walid taha
محمد أبوجودة
بدرالدين شنا
mohamed elshiekh
bushra suleiman
salma subhi
طارق عبد اللطيف نقد
غادة عبدالعزيز خالد
فيس بوك
تويتر
انستقرام
يوتيوب
بنتيريست