أمل هباني تكتب عن بطاقة الخدمة الإلزامية الغبية

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 24-09-2018, 05:17 PM الصفحة الرئيسية

مدخل أرشيف النصف الثاني للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-05-2006, 01:34 PM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


أمل هباني تكتب عن بطاقة الخدمة الإلزامية الغبية

    الأستاذة أمل هباني تكرمت بنشر موضوعي الذي بعثته لها وهو عن بطاقة الخدمة الإلزامية (الغبية) و التي يدعي جلابي الضرائب و النهب القنن بانها ذكية و حققت طفرة نوعية وهي ليست إلا نوع أخر من أساليب الإحتيال على الشعب السوداني.

    لها كل الشكر و التقدير كما نتمني ان تواصل في في دعم كشف أكاذيب هؤلاء الحرامية و اللصوص بموضوعيتها المعروفة و إسلوبها الرائع.

    إليكم الموضوع :

    http://www.alsahafa.info/news/index.php?type=6&issue_id=961&col_id=27&bk=1

    Quote: اشياء صغيرة امل هباني

    البطاقة الغبية


    * الاستاذة أمل هباني.. صاحبة عمود أشياء صغيرة لك التحية... أنا عماد يس النور مغترب سوداني في دولة الامارات العربية، وأعمل مدير إدارة تكنولوجيا المعلومات في إحدى الشركات هناك.. وأود أن أسرد إليك هذه القصة عن معاناتنا نحن المغتربين من الاجراءات التعسفية والبيروقراطية التي تواجهنا كل عام وتتسبب في قطع الرحم بيننا وبلدنا الغالي. في شهر مارس من العام الماضي حضرت الى الوطن لقضاء عطلة صغيرة لمدة اسبوعين، وكالعادة ذهبت في اليوم التالي من وصولي لاجراء الاشياء الروتينية من دفع الضرائب والزكاة وأتاوة الخدمات وضريبة الاعفاء المؤقت من الخدمة الالزامية، وهنا مربط الفرس، ففي كل عام نحضر لاجراء الاعفاء المؤقت من الخدمة الالزامية نقوم بتعبئة بيانات في احد المكاتب ومن ثم نصوِّر بعض الأوراق منها صورة الجواز وننتظر بعدها إعطاءنا بطاقة بلاستيكية بها إذن الاعفاء المؤقت مكتوب فيها صالحة لرحلة واحدة فقط، وطبعاً عندما نذهب للمطار للمغادرة يقوم الموظف أمامك مباشرة بقطع هذه البطاقة ورميها في سلة المهملات.
    ظللت سيدتي الفاضلة اشاهد هذا الامر على مدى خمس سنوات وأنا متخصص في علوم الكمبيوتر ولي خبرة عملية واكاديمية، وفي المرة الاخيرة تجرأت وسألت احد الموظفين (بالله يا أخي ما فائدة هذه البطاقة بالنسبة لي كمغترب)، فأجابني بكل ثقة (نحن عملنا هذه البطاقة الذكية حتى نسهِّل الاجراءات عليكم فهذه البطاقة إلكترونية صادرة من الكمبيوتر)، فأجبته (هذه ليست سوى إيصال مالي، وما تستخفوا بعقولنا. ولو كانت فعلاً صادرة من الكمبيوتر وذكية زي ما بتقولوا كان ما في أي داعي إنو الواحد يعملها أكثر من مرة وممكن فترة صلاحيتها تكون خمسة أعوام أو أكثر بدل أن نقف كل مرة صفوفاً وندفع «60» ألف جنيه وتكون صالحة لرحلة واحدة، بعدين عارف إنو الايصال المالي احسن من هذه البطاقة في وضعها الحالي عارف ليه؟ اجابني ليه؟ قلت (لأنه اصلح واحفظ واكثر ملاءمة للبيئة لأن التخلص من الاوراق أسهل من اللدائن).
    الاخت أمل ألا توافقيني بأن هذا الامر عبارة عن احتيال من هذه الشركة التي اقنعت إدارة جهاز المغتربين بأنها حققت طفرة نوعية بإدخالها التكنولوجيا الحديثة وهي فقط ارسلت الصورة من طابعة ورقية الى طابعة بلاستيكية، وليس هناك أي حل تقني مذهل في هذا الامر إذ أن المغترب لا يستفيد اي فائدة لاحقة من هذه البيانات كما أسلفت، ولو كانت فعلاً ذكية لكان من الاجدى ألا نقوم بكل هذه الاجراءات العقيمة لأن كل البيانات يفترض أن تكون محفوظة، فقط يتم استرجاعها ومعرفة تاريخ إصدارها والمبالغ المدفوعة وتحديد المبلغ المطلوب آنياً.. والسؤال من هو المستشار التقني لجهاز المغتربين الذي وافق على هذه المسألة والحق انني اعذر هؤلاء الموظفين وليسامح الله هؤلاء الاستشاريين ذوي الدرجات العلمية المنتفخة من الجامعات الهشَّة والذين لا يعرفون مستجدات التكنولوجيا والتطبيقات الصحيحة لها، وانتهز هذه الفرصة لاحيي استاذنا العظيم بروفيسور عز الدين محمد عثمان أطال الله في عمره ومدَّه بالصحة والعافية الذي كان يحلم بأن يفوق إسهام التكنولوجيا في التاريخ القومي للسودان مساهمة القطن، هذا ما صرَّح به في ندوة علمية في جامعة الخرطوم عام 1986، ولم نستوعب الامر حينها حتى رأينا بأعيننا مدينة دبي تصدِّر التقانة للعالم، وحيدر أباد في الهند تتفوق على كبريات المدن الاوربية والعالمية، وعزاء البروفيسور عز الدين أن حلمه تحقق باسهامات طلابه في تصدير التقانة، ولكنه ليس في السودان بل في دول المهجر من اميركا واوربا ودول الخليج.
    تعليق:-
    * قد يفوت على الاخ عماد وغيره من المغتربين أن ذكاء هذه البطاقة يكمن في مقدرتها على (شفط جيوبهم) حسب (ستاندر) الحكومة، وان الذكاء قيمة لفهلوة الحكومة وليس لراحة المواطن أو تخفيف الاعباء عليه.. ويمكن أن يكون الجهاز الذي تحدثت عنه بأكمله يخلو من شخص واحد يفكر بطريقتك العلمية هذه




    ملاحظة : مكتوب في الموضوع (أنا عماد يس النور) و المقصود هو (أنا عمار يس النور) ، حيث أن هنالك خطأ في طباعة إسمي من قبل مدخل البيانات.

    كذلك

    Quote: الذي كان يحلم بأن يفوق إسهام التكنولوجيا في التاريخ القومي للسودان مساهمة القطن،


    و المقصود طبعا الناتج القومي للسودان.


    التحية مرة أخرى لأمل هباني و لكل الصحفيين الشجعان.


    عمار يس النور
    عاشق بخت الرضا
    [email protected]
                   |Articles |News |مقالات |بيانات

26-05-2006, 03:40 AM

ahmed haneen
<aahmed haneen
تاريخ التسجيل: 20-11-2003
مجموع المشاركات: 7977

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    الأخ ياسر

    موضوعك دا مهم جدا ..

    وهو يحكي عن عقلية جهاز المغتربين .. وناس الأنقاذ عموما..

    تعرف المقصود فعلا هو دفع ال60 الف جنيه وبث

    وقد اصطدمت واصطدم سنويا بهذة المشكلة

    فبعد ان غادرت السودان اخر مرة عام 94 ولم ارجع الأ عام 2002م
    صرت اتعرض كل مرة لهذة المشكلة ..
    ونفاش ساخن وشد وجذب مع المسئولين ..

    قال احدهم ان هذة هي ضريبة الوطن يدفعها كل من كان تاريخ ميلاده
    بعد عام 58 م .. وقال كل نة وف تخرج فئة .. وتدخل فئة جديدة
    لأنه سوف يتم رفع الحد الأدني للسنوات .. اي بعد سنة سوف يرتفع الحد الي
    مواليد 59 ثم 60 وهكذا
    ولكن لم يحصل اي رفع للسنوات .. حتي هذة اللحظة ...
    وكل العملية هو ان تدفع ولسفرة واحدة فقط ..
    ولو جيت راجع بعد اسبوع واحد .. تاني تقيف في نفس الصف وتدفع نفس المبلغ
    وانت تغادر المطار يتم تقطيع هذة البطاقة امام عينك ..

    فقل لي .. اي وطن هذا
    واي عقلية هذة ..

    واحول هذا الموضوع الي جهاز الضائعين بالخارج
                   |Articles |News |مقالات |بيانات

26-05-2006, 01:24 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ahmed haneen)

    عليكم الله اعصروا لينا في جنس الكلام دا...عسي نلاقي حل
    للصفوف والبطاقات البتترمي في سلة المهملات...


    الامر المحير ...ان الاجراءات هي هي لو تسافلر وترجع في السنة عشرين
    مرة لازم تضرب العشرين في ستين...


    يفتح لك ملف وتقيف صف وتدفع

    وتقيف صف وتتصور

    وتقيف صف ويندهوك


    انا شخصيا ليس لدي اعتراض...في الدفع وقلبي مات ...

    لكن ما ممكن تكون معلوماتي دي محفوظة في كمبيوترهم ...الملف دا لزومو شنو؟
    مش بي قروش...؟ هسي بكون عندي زي ستمية ملف ...كلها بنفس المعلومات...

    الموظفين الكتاااااااار ديل لزومهم شنو؟ مش ممكن موظف واحد لديه جهاز كمبيوتر
    يقضي الشغلانة دي كلها...والبطاقه نفسها ...ما ممكن يعملو صلاحيتها لعدة سفرات
    وكلو بي حقو...ما حا نعترض...يعني مثلا مثلا...تكون داير ليك خمسه اعفاءات
    يقوموا يكتبوهن في البطاقة,,,ويضربو الخمسة في ستين...اول ما يخلصن
    اعفاءاتك تمشي تعبي بطاقتك تاني بي تلتمية الف لستة تاني...


    يا جماعة الكلام دا خلونا نصعدوا

    الناس تطالب بي نائب رئيس وقسمة ثروة وسلطة

    نحن بطاقة ساكت في بلدنا الواسع دا ما يصلحوها لينا

    انا غايتو البوست دا ما فايتو بلا صفوف بلا لمة
                   |Articles |News |مقالات |بيانات

27-05-2006, 06:42 AM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: nazar hussien)

    الأخوه الكرام
    أحمد حنين
    و نزار حسين

    شكرا للمرور على البوست و ياهو بوستنا كلنا و كل الناس المظلومين في دولة الجباية هذه.


    Quote: الامر المحير ...ان الاجراءات هي هي لو تسافلر وترجع في السنة عشرين
    مرة لازم تضرب العشرين في ستين...


    ما هو ده المحير كل الناس يا نزار بس مين المسؤل البيفهم.
    و عاوز ازيدك من الشعر بيت كمان:

    عارف اليوم واحد من أصدقائي مر على البوست قام إتصل بي و هو مقيم في دولة الإمارات قال لي : سبحان الله يا عمار هل تعلم إنو هنالك وفد من ناس الخدمة الإلزامية موجودين في الشارقة و نازلين في فندق المها ريجنسي بالشارقة. وفد فيه المستشار القانوني و مدير تقنية المعلومات (الكمبيوتر). عارف جاءوا عشان شنو ؟ عشان يشتروا برامج كمبيوتر متطورة للسرقة بتاعتهم.
    كويس عرفنا بتاع الكمبيوتر ، المستشار القانوني ده جاء عشان شنو ؟ و كمان حيقعدوا كم يوم و ح تقوم مجموعة من الشركات تعمل ليهم عروض Presentations و ده كلوا خصما على قروشنا ربنا يلعنهم و يحرق بطونهم آكلي السحت.
    و كمان عرفت إنهم سافروا على الخطوط الإماراتية على البزنس كلاس وهي ثلاثة أضعاف الدرجة السياحية التي يسافر عليها الغلابة دافعي الضرائب.
    موضوع الخطوط الإماراتية ده كمان موضوع تاني و عاوز ليه بوست براه. هل تعلمون بحكم تواجدنا هنا في الإمارات و التي هي مرتع خصب لرحلات الكيزان بمسميات مختلفة مثل شراء برامج ، أجهزة ، مؤتمرات ... الخ ، هل تعلمون أنه من النادر ان نقابل اي كوز بيسافر على الخطوط السودانية و التي يفترض ان تكون الناقل الوطني للبلد و لكنهم يفضلون الإماراتية و القطرية و اي خطوط اخرى و ليست السودانية التعيسة و المخيفة في نفس الوقت لطلاب الدنيا هؤلاء (اتمنى ان يفتح احد رواد المنبر بوست عن هذا الموضوع).

    و ازيدك كمان بيت : هل تعلم أنهم يفكرون الآن بأن يغيروا إسم الخدمة الإلزامية لتصبح فدية ... و حتشوف هذا الامر حيحصل قريبا. و بعد شوية ح يدفعونا جزية لاننا غرباء عن وطننا و يا من نشوف منكم يا مرابين و أكلي السحت.

    تخريمة:
    ممكن واحد يعطينا شوية معلومات عن الشركة المذودة للبرمجيات التافهة بتاعت الخدمة الإلزامية و إسمها شركة دايموند Diamond و حسب علمنا هي تابعة لأفراد من جهاز أمن الدولة.



    و لنواصل في فضح هذه العصابة.

    عمار يس النور
    عاشق بخت الرضا
    [email protected]

    (عدل بواسطة ياسر يس النور on 27-05-2006, 12:56 PM)

                   |Articles |News |مقالات |بيانات

28-05-2006, 05:28 AM

Hatim Al Jed

تاريخ التسجيل: 24-01-2006
مجموع المشاركات: 63

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    عمار يس

    لك التحية ويبدو انه انا وانت جاتنا مرضة منبر متاخرة والاثنين مستلفين الباسورد
    حقت منبر الادباء والكتاب دة

    والله قد اثرت موضوع ذو شجون ويا ليت كل واحد بتواجهه صورة مقلوبة زى دى بيكتب عنها ولا خير فينا ان نرى الخطأ ونغض عنه البصر وكعادتنا التى اوصلتنا لهذا الوضع التعيس الكل يقول مشى حالك ولن تستطيع ان تصلح الكون ولكن كثرة الطرق تلين الحديد
    خلينى ازيدك عن نفس المكان ومايواجهه المغترب من ذل ومهانة بالوقوف بالساعات فى الصفوف بل بالايام فلقد طال وقوفى فى صف الخدمة الالزامية مدة يومين تكونت فيها صداقات بينى وبين من وجدتهم فى الصف والجميع كانوا لطيفين حيث كل واحد التزم مكانه الى اليوم الثانى. هذا المكان به كمية جهل وتخلف كافية لاسقاط حكومات لو بدر يسير منها فى احدى الدول المحترمة واكثر شى يدهشنى ويطير بعقلى فى السودان انك تجد كمية عراقيل امامك وانت جاى تدفع قروش وكمان عملة صعبة و بدل ان يفرشوا لك الارض بالورود فانك تواجه بغلظة غير مبررة من الموظف الذى يبدا العمل عندما يحلو له ولا ادرى لما لايكون هناك اكثر من كاشير لخدمة هذا العدد من الناس مما يضاعف نسبة التحصيل اليومى والحفاظ على وقت العباد لو كان يهمهم ذلك والويل لك اذا ابديت اى ملاحظة وخصوصا مع جماعة الخدمة الالزامية فهم حسب فهمهم قوات نظامية واهل ربط وضبط ومن تكون انت ايها المدنى حتى تعلمهم شغلهم وسوف تطلع خسران من معركة غير متكافئة ويؤثر الجميع الصمت واحتساب الاجر عند المولى عز وجل والتضرع اليه ان يعيننا على ان نتغير ونتعلم من الشعوب التى من حولنا فهذه الامراض المتفشية فى اجهزة دولتنا قد تجاوزتها الشعوب التى تثمن الوقت . فبالله عليكم هل منكم من راى مثل ايصالنا المالى البنفسجى فى اى دولة؟ , اصرار وزارة المالية على هذا الايصال هو نوع من الرجعية والتخلف الادارى لان كتابته ووضع ورقة الكربون من اسفله تسرق وقت الناس والموظف لايهمه اذا استغرق الوقت فى خدمة عشرة مراجعين او مئة لان الامر سيان ولايعود بمصلحة لديه لعدم وجود نظام تحفيز ليضاعف انتاجيته – الامر الاخر انعدام الادارة التى من المفترض تدخلها لصالح انجاز مهام المواطنين ولكن للاسف دايما ينحازون لموظفيهم فى الاعوج والعديل هذا اذا اصلا كان موجود او بابه مفتوح لاستقبال الملاحظات والمهزلة الكبرى تخصيص شباك لكل عملة – شباك للدفع بالدولار وواحد للريال , فقد تصادف اننا جميعا فى ذلك اليوم نريد الدفع بالدولار فكانت النتيجة قرابة الخمسين شخص فى شباك الدولار ولا احد عند الريال وعنما اقترح احد الجمهور تحول البعض الى موظف شباك الريال لمساعدة زميله وبالتالى انجاز عدد اكبر من الجمهور رد عليه الموظف بوقاحة بان هذا ليس من اختصاصه ويجب ان يتقبل الامر كما هو او عليه ان يذهب ليعيش للابد فى دولة الاغتراب التى اتى منها!!!! هذا وقد قمت باحصاء متوسط مايستغرقه الموظف مع كل شخص تقريبا من 13 الى 21 دقيقة ولك ان تتخيل الدرامات التى تحصل اثناء الانتظار من مهاترات وعراك بالايدى مع الاخذ فى الاعتبار كيفية احترامنا للنظام وعدم ايماننا بثقافة الطوابير وهذا كله كوم والسخرة العظمى كوم تانى مايسمى بتاشيرة الخروج التى تحولت بقرار جمهورى من ورقة لاصقة فى احدى صفحات الجواز (استيكر) الى ورقة تسمى شهادة استيفاء معرضة للضياع او التلف لانها غير مثبتة داخل الباسبورت فبالله هل توجد سذاجة وسخف اكثر من هذا ولكن لانعدام احتجاجنا ورفضنا للتلاعب بحقوقنا واموالنا فلهم كل الحق فى ابداع اقصى مايمكنهم كى تلعن اليوم الذى استخرجت فيه جواز السفر.


    أحمد التجاني
                   |Articles |News |مقالات |بيانات

29-05-2006, 01:05 AM

james
<ajames
تاريخ التسجيل: 21-06-2002
مجموع المشاركات: 2716

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    مرحبا
    إثارة هذا الموضوع جديرة بالإشادة، وندعو لإيجاد آليات
    أخرى أكثر سهولة ( لشفط جيوب العالم )، بدل الذلة وشفط الجيب، أفضل تكون شفط جيب فقط!!!!!!!!!!!!!!!!!!!!!!
                   |Articles |News |مقالات |بيانات

29-05-2006, 10:34 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: james)

    يعني الناس دي كلها برة الخدمة...؟

    يعني يا كل الاعضاء فوق للستين
    او اقل من 15 سنة...

    بقينا نحن تلاتة بس في الخدمة

    يا جماعة ما تصلوا علي النبي
    وتجوا تناشدوا معانا

    نحن غير المناشدة الناسا شوية دي الضارنا شنو؟

    هسي انا وجيمس وودياسين مناشدين...
                   |Articles |News |مقالات |بيانات

30-05-2006, 11:17 PM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: nazar hussien)

    الاخ نزار
    سلام

    Quote: يعني الناس دي كلها برة الخدمة...؟

    يعني يا كل الاعضاء فوق للستين
    او اقل من 15 سنة...

    بقينا نحن تلاتة بس في الخدمة

    يا جماعة ما تصلوا علي النبي
    وتجوا تناشدوا معانا


    و الله كلامك صحيح ، الحالة أنا عمري أقل من 15 سنة و شايل وش القباحة مع ناس الخدمة الالزامية

    و أحمد التجاني صاحبنا العزيز بالرغم من انو يبدو أكبر من ستين بس برضوا شارك و ناشد و لكن يبدو أن لا حياة لمن تنادي

    شنو يا جماعة ما قلنا عاوزين اي معلومات من شركة دايموند Diamond المذودة للبرامج التافهة للخدمة القسرية.

    عمار يس النور
    عاشق بخت الرضا
    [email protected]
                   |Articles |News |مقالات |بيانات

31-05-2006, 00:58 AM

معتصم دفع الله
<aمعتصم دفع الله
تاريخ التسجيل: 18-12-2003
مجموع المشاركات: 12683

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    تحياتي أخ ياسر ..

    الموضوع فعلاً في غاية الأهمية وليس له علاقة بالتكنولوجيا أو الكمبيوتر ..
    إنما نوع آخر من أنواع الجباية ..
    وجيش من الموظفين يمارسون تسلطهم على الخلق ..
    الموضوع دا كان شاغلني جداً وتناقشت فيه مع الكثيرين ..
    ولكن لا اجابة فالجميع مغلوب على امرهم ..
    وفعلاً يحتاج لوقفة مننا والضغط لوقف مثل هذه الاساليب من النهب والضحك على الخلق ..
    وفي آخر سفرة للسودان حدث لي هذا الموقف تم قطع هذه البطاقة ولكني إحتفظت بالجزء المتبقي عندي " كتذكار عزيز " عذراً للاغنية لمثل هذا اليوم ..
    وعن جهاز تعذيب المغتربين بالخارج حدث ولا حرج ..
                   |Articles |News |مقالات |بيانات

31-05-2006, 02:19 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: معتصم دفع الله)

    Quote: ولكن لا اجابة فالجميع مغلوب على امرهم


    يا معتصم ...نحن عايزين نيقي ما مغلوب علي امرنا

    قول لي كيف؟

    الحكاية وما فيها ان بطاقة الاعفاء المؤقت من الخدمة الالزامية
    والتي تستخرج عبر صفوف...وفتح ملف...وشبابيك...وموظفين...وتعبئة
    بيانات...وتصوير...وفيلم...وكهرباء...

    وطالب الاعفاء ...في النهاية يدفع ستين الف او تزيد قليلا
    لأنو ما تنسي مطلوب منك كل مرة صور شخصية وصور الجواز...
    وياخينا انت ما بتسمع قلنا ليك صور صفحة الاقامة...

    وانا شخصيا اسافر الي السودان احيانا في السنة مرتين او ثلاثة
    حسب مافي الجيب....والسودان عندي الذ بقاع الله في الارض...لكن
    كل ما اتذكر الحاجات دي بطني تقلب عديل كدي...واتذكر رجوعي
    البيت آخر النهار ريقي ناشف وما سويت حاجة...لذلك قررت ان لا
    يكون مغلوب علي امري بعد كده....سمعوا كلامنا سمعوه...ما سمعوه
    والله نوصلها نيفاشا زاتو...ما معقول ياخي...

    بمنطق بسيط انا عايز اريح نفسي من التعب...واوفر ليهم قروش
    دا هسي ما مطلب عادل جدا...

    الشغلة ببساطة...

    جهاز كمبيوتر يفرغوا فيه الملفات السابقة لكل طالب اعفاء
    انا عندي زي كم وعشرين ملف...والبيانات هي هي...

    الاسم...العنوان...جهة الاقامة...رقم الجواز...العمر...

    ويقوموا لما تجي لي موظف واحد بس ما غيرو...وما يكون
    قداموا اي ملف...وبي كده اكون وفرت ليهم حق8 مليون ملف
    الملف كان بي مية جنيه دي براها تمنمية مليون...

    الموظف دا تقوم تمد ليه جوازك وبالاسم ورقم الجواز يطلعك طوالي
    ويكون جنبو متحصل...يقول ليك عايز مدة صلاحية الاعفاء كم...وانت
    هنا حسب سفراتك...اربعة سنوات...تكون 4في الستين تدفعها في
    محطة واحدة وتاني اربعة سنين ما تجيهم...اها اذا لغوا اقامتك
    في الاربعة سنين دي تجيهم بي الدرب من المطار يا اخوانا ودوني
    الخدمة الالزامية...

    طيب كده بكون وفرت ليهم رواتب موظفين كتااااار...وتصوير...
    وزمن...وحق اقلام...ودفاتر...وكهرباء...وافلام تصوير...حتي
    لو كان ديجتال...ديل براهن بكونن مليارات...زايد بضمنو..
    حقهم كاش ومقدم كمان...يعني التلتلة لزوما شنو؟

    واهم حاجة بكونوا وفروها عدم زهج الناس منهم

    كدي بس القي طريقة الاقي مدير عام جهاز المغتربين
                   |Articles |News |مقالات |بيانات

31-05-2006, 12:06 PM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: معتصم دفع الله)

    الاخ معتصم دفع الله

    تحياتي

    شكرا على المداخلة في البوست

    Quote: الموضوع فعلاً في غاية الأهمية وليس له علاقة بالتكنولوجيا أو الكمبيوتر ..


    إنت عارف يا أخوي الموضوع بتاع أي حاجة نهب بلطجة سؤ معاملة و وهم بأنهم أدخلوا أحسن التكنلوجيا و البرمجيات لخدمة المغترب . و ممكن الواحد يستفذ هناك من قبل أي شئ من هذه الأشياء التي ذكرتهااو التي نسيت أن أذكرها. بس أنا طرقت موضوع التكنلوجيا ده لاني فعلا حسيت بالإستفذاذ من قبل ذاك الموظف و الذي حاولت أن أظهر شئ من البراءة عندما سالته "ممكن توريني إيه الفايدة من هذه البطاقة بالنسبة لي كمغترب" و هو رد علي قائلا : "هذه البطاقة ذكية و بتسهل الإجراءات".
    هكذا بكل بساطة مقنعين بأنهم سهلوا الإجراءات و لكن كما ذكرت في موضوعي الذي نشرته الأستاذة أمل هباني ، ذكرت إنو هذه البطاقة عبارة عن إيصال مالي فقط لا غير يثبت أنني دفعت فقط (راجع اللنك بتاع جريدة الصحافة).

    http://www.alsahafa.info/news/index.php?type=6&issue_id=961&col_id=27&bk=1

    و فعلا ذي ماذكرت و ذكر كثير من الإخوة في مداخلاتهم إنو لو كان الموضوع حل تقني مذهل ذي ما بفتكروا ناس الخدمة القسرية، كان مفروض ان هنالك قاعدة بيانات و إسترجاع للملفات و إحتفاظ بالبطاقة الغبية هذه لرحلات قادمة و تغذيتها برصيد و تقليل الإجراءات و عدم الحوجة للتصوير مرة تانية و تسليم صور من الباسبورت او أي شئ ؛ هنا فقط تكون البطاقة الذكية.


    شايف مثلا الاه نزار قال الكلام ذاتوا و بلغة مبسطة :


    Quote: الشغلة ببساطة...

    جهاز كمبيوتر يفرغوا فيه الملفات السابقة لكل طالب اعفاء
    انا عندي زي كم وعشرين ملف...والبيانات هي هي...

    الاسم...العنوان...جهة الاقامة...رقم الجواز...العمر...

    ويقوموا لما تجي لي موظف واحد بس ما غيرو...وما يكون
    قداموا اي ملف...وبي كده اكون وفرت ليهم حق8 مليون ملف
    الملف كان بي مية جنيه دي براها تمنمية مليون...

    الموظف دا تقوم تمد ليه جوازك وبالاسم ورقم الجواز يطلعك طوالي
    ويكون جنبو متحصل...يقول ليك عايز مدة صلاحية الاعفاء كم...وانت
    هنا حسب سفراتك...اربعة سنوات...تكون 4في الستين تدفعها في
    محطة واحدة وتاني اربعة سنين ما تجيهم...اها اذا لغوا اقامتك
    في الاربعة سنين دي تجيهم بي الدرب من المطار يا اخوانا ودوني
    الخدمة الالزامية...

    طيب كده بكون وفرت ليهم رواتب موظفين كتااااار...وتصوير...
    وزمن...وحق اقلام...ودفاتر...وكهرباء...وافلام تصوير...حتي
    لو كان ديجتال...ديل براهن بكونن مليارات...زايد بضمنو..
    حقهم كاش ومقدم كمان...يعني التلتلة لزوما شنو؟

    واهم حاجة بكونوا وفروها عدم زهج الناس منهم




    تصدق يا نزار الموضوع بسيط و حلوالتقني مش معقد و ممكن يوفر الراحة لكل الناس بس الجماعة ديل ما عايزين الراحة لهذا المغترب الملعون من هذه الدولة. و ذي ما قلت ليك في مداخلة سابقة عرفت من مصدر موثوق جدا إنهم الأيام دي في الإمارات و في فندق المها ريجنسي بالشارقة و بيشوفوا في حلول تقنية تانية بعد كل هذا النهب و معاهم المستشار القانوني كمان و جاءوا بالخطوط الإماراتية على البزنس كلاس (مدلعين نفسهم).


    ملحوظة:
    أنا عمار يس النور كاتب هذه الموضوع و فاتح البوست و ليس شقيقي ياسر يس النور صاحب الإشتراك في منتدى سودانيز اون لاين.

    و لكم تحياتي

    عمار يس النور
    عاشق بخت الرضا
    [email protected]
                   |Articles |News |مقالات |بيانات

31-05-2006, 03:31 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    Quote: أنا عمار يس النور كاتب هذه الموضوع و فاتح البوست و ليس شقيقي ياسر يس النور صاحب الإشتراك في منتدى سودانيز اون لاين.



    مالك يا عمار خفت علي اخوك والله شنو؟

    يا زول الناس تطالب في منصب نائب رئيس الجمهورية
    وانت بطاقة زي البطاقات خايف علي اخوك منها...انت قول انا داخل بي اسم اخوي
    واخوي زاتو مناشد ليه كم سنة...عشان كده يا ناس الخدمة اسمعونا...
                   |Articles |News |مقالات |بيانات

01-06-2006, 02:07 AM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: nazar hussien)

    أفو يا نزار


    Quote: مالك يا عمار خفت علي اخوك والله شنو؟


    ياسر أخوي ما بيخافو عليه.
    بس و للحقيقة هو عايش في السودان و مش مغترب و ممكن ينط ليك بكرة واحد من كيزان البورد او المتخفين و يقول ليك، هو ياسر يس ده مشكلتوا شنو مع الخدمة الإلزامية ما هو عايش في السودان و يعمل ليك كانوا إكتشف الذرة.

    بالمناسبة أنا برضو عندي أخ شقيق أصغر مني ب 6 سنوات إسمو نزار و عايش في السودان.


    و تسلم يا ود حسين
    و دمت يا الحبيب

    عمار يس النور
    عاشق بخت الرضا
    [email protected]
                   |Articles |News |مقالات |بيانات

01-06-2006, 05:01 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    Quote: و ممكن ينط ليك بكرة واحد من كيزان البورد او المتخفين و يقول ليك، هو ياسر يس ده مشكلتوا شنو مع الخدمة الإلزامية ما هو عايش في السودان و يعمل ليك كانوا إكتشف الذرة.


    يا زول كيزان البورد زاتهم عايزنهم يناشدو معانا...

    والله تصدق يا ياسر انا لي هنا من سنة الفين واتنين
    يوم واحد ما صنفت زول هنا علي انو كوز والله ما كوز
    بتعامل مع خلق الله هنا بانسانيتهم وكتابتهم...ومواضيعهم
    ان جذبتني دخلت وقرأت وان ما عجبتني ...ما بكمل القراية
    وان زعلتني برد طوالي...والداير يصنف نفسو كوز والله شيوعي
    والله بعثي والله حزب امة علي كيفو...انا زول طلقيت ساكت....
    اميل حيث الحق...واؤمن تماما انك لن تجده حزمة واحدة عند جماعة...

    اها نرجع لي بطاقتنا...

    لازم يعملوها لينا لعدة سفرات وبي حقو...
    والله يلغوها كلو كلو وبرضو بي حقو...الزمن العليناده
    زول بقول ليك هاك دي مجان مافي...ويا حليل زمن
    لوية اللوبا البرموها لينا بي فوق لي الحيطة لا قرش لا ملينة
    داك زمان تاني ما بيجي...الزمن العلينا دا البوصف ليك صيدلية
    داير حقو...
                   |Articles |News |مقالات |بيانات

02-06-2006, 11:32 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: nazar hussien)

    اها قالوا شنو...؟ والله نناشد بي يافطات
                   |Articles |News |مقالات |بيانات

03-06-2006, 04:43 AM

Hatim Al Jed

تاريخ التسجيل: 24-01-2006
مجموع المشاركات: 63

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    عمار يس يامناضل
    كتبنا ليك الايميل على الماسنجر لكن ماشفنا حاجة
    واهو مرة تانية [email protected]

    موضوع فوق الستين دة شقاوة حال ليس الا
    حتى اعفاء مالقينامن وراه
    ماجبت لى اخبار الشريف سعد
    الزول دة انت عارفه بقى محمول وابوبنات يعنى لازم تسلوا منه وتواصلوه

    أحمد التجانى
                   |Articles |News |مقالات |بيانات

03-06-2006, 04:53 AM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: Hatim Al Jed)

    عمار يس..
    والله بطاقة الالزامية دي خوفتنا عديل..الواحد ماشي السودان
    وخايف الناس يل يقولوا عاوزين ضباط..
                   |Articles |News |مقالات |بيانات

03-06-2006, 01:01 PM

ياسر يس النور
<aياسر يس النور
تاريخ التسجيل: 17-12-2005
مجموع المشاركات: 53

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: عبدالكريم الامين احمد)

    عبد الكريم كيكي ،

    Quote: والله بطاقة الالزامية دي خوفتنا عديل..الواحد ماشي السودان
    وخايف الناس يل يقولوا عاوزين ضباط..


    ما تخاف و لا تشيل هم طالما شايل الريالات معاك أدفع ساكت و ممكن تلاقي واحد في الباب يخلص ليك أي حاجة.
    و ممكن تستعين بخالك الدكتور شبه الكوز الكان شغال في الدويم مش هو صاحب ... الوالي... و لا مش كده؟

    و الله ممكن يساعدوك و تطلع ليك كمان بمشروع و تنسى قطر و الجزيرة الرياضية ذاتها.

    أتمنى أن يكون خالك بخير و صحة جيدة.

    الحاجة الوحيدة الممكن تخوفك هو إنوا الجماعة المتواجدون الأيام دي في الشارقة يكونوا كملوا الإستجمام و المستشار القانوني بتاعهم إختار ليهم البرامج الذكية الجديدة و طبعا إنت عارف الجماعة ديل لازم يسددوا فاتورتهم على حسابكم و يكونوا زادوا الرسوم و عقدوها زيادة.
    بأقترح عليك تعمل العمرة في الرجعة و تشد العربية شديد عشان تسبقهم! أعمل حساب الربع الخالي و ما تعمل فيها عنترة و سوق بالنهار مع أمنياتنا لك برحلة موفقة.

    أحمد التجاني

    Quote: كتبنا ليك الايميل على الماسنجر لكن ماشفنا حاجة
    واهو مرة تانية [email protected]


    وصل الإميل و تم حفظه و سوف يصلك مكتوبي قريبا

    Quote: ماجبت لى اخبار الشريف سعد
    الزول دة انت عارفه بقى محمول وابوبنات يعنى لازم تسلوا منه وتواصلوه


    شرفنا الشريف سعد بزيارة قصيرة قبل شهر بمناسبة مرور الأخ نادر الزين (إبن الشهيد البطل خالد الزين قائد حركة شهداء 28 رمضان الأبطال).
    مرور نادر خالد للإمارات كان مناسبة جميلة جدا إحتفلنا بها بعد غيبته من السودان لأكثر من 14 سنة و تجمع فيها مجموعة من الإسكوليين و خريجي جامعة الخرطوم في جلسة طيبة في الشارقة و قد كان سعد محمد علي فاكهة الجلسة.
    مفكر أسجل زيارة إلى سعد نهاية هذا الإسبوع بس إمكن أأجلها شوية بسبب إفتتاح كاس العالم (و إن شاء الله البرازيل تكمل نص الدستة).

    الأخ نزار ود حسين

    Quote: اها نرجع لي بطاقتنا...


    مواصلين المناشدة و أهو كسبنا إثنين الباشمهندس أحمد التجاني من السعودية و المهندس المساح الذي سوف يمسح يحسب طول الربع الخالي من قطر إلى نجد المهندس المبدع عبد الكريم كيكي. و أكيد ح يحكي لينا مغامرته مع ناس الخدمة الإلزامية الغبية.

    تحياتي

    عمار يس النور
    عاشق بخت الرضا
    [email protected]
                   |Articles |News |مقالات |بيانات

04-06-2006, 04:08 PM

nazar hussien
<anazar hussien
تاريخ التسجيل: 04-09-2002
مجموع المشاركات: 10190

للتواصل معنا

FaceBook
تويتر Twitter
YouTube


Re: أمل هباني تكتب عن بطاقة الخدمة الإلزامية الغبية (Re: ياسر يس النور)

    Quote: المهندس المساح الذي سوف يمسح يحسب طول الربع الخالي من قطر إلى نجد المهندس المبدع عبد الكريم كيكي. و أكيد ح يحكي لينا مغامرته مع ناس الخدمة الإلزامية الغبية.




    يكون دا كرم -جامعة السودان لما كانت المعهد يا ربي والله زولا تاني
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de