|
Re: صدقوني : هذا لا يليق !!! (Re: Mustafa Mahmoud)
|
الأستاذ خضر عطا المنان ..
معليش جيت متأخر .. لكن ما نعسان ..
و لا بكوس فى سكة .. ومانى ضهبان ..
العتب على النظر .. وعلى صاحبك العمشان ..
كلامك سمح بالحيل .. كلام شاعر فنان ..
المشكلة واضحة .. وحلها واضح ..
لكن تقول شنو .. لطنين الضبان ..
أبو العريف ..
عامل .. زوبعة فى فنجان ..
قال الله .. وقال الرسول ..
وشغالين .. قطيع فى الريسان ..
يا اخوانا الزرقاوى مات ..
لكن .. أحيوه فى السودان ..
أنا خايف .. ناس طالبان ..
يكونوا رحلوا .. سكنوا السودان ..
عليك الله .. ياود المنان ..
أكتب كمان وكمان ..
خلاص .. قربنا من الطفشان ..
وطول اليوم .. فلان زعلان ..
وعلان .. حردان ..
وأقولك .. بصراحة ..
أنا زاتى قرفان ..
لكن معليش ..
الصبر طيب .. وان كان مر ..
برضه .. مابضر ..
سلام ..
أخوك العجوز أرنست
| |
|
|
|
|