|
|
 Re: ليل الشجن والشوق فى الغنا السودانى (Re: عامر تيتاوى)
|
سمار الليالي إين أنتم!!؟ لسه يا شباب
الليل طويل طول غريب ما فيهو ضو
والريح تنوح فوق الدروب
وا خوفي من هوج الرياح
لمن تنوح وتسوي هو
والله يا طير الرهو
ما كت مصدق إني بلقاك يارهو
أشكو ليك من جور زماني كيف رماني
قوم وراك شوف الزمن كيفن بسو
| |
 
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
سمار الليل نعود بكم الي روائع النغم وحقيبة الفن
عتيق - عزا علي قياسن
شادن غصنه لادن من اشرف سلالة ومن افخر معادن
في مشيه ان تقسم يتضوع رياه
واذا ليله اظلم يتالق ضياه
في ظلاله وهناه انا شاعر غناه
شخصه جميل وفاتن وانواع المفاتن هو من بدري فاتن
يالها من محاسن عزا علي قياسن
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
الاحباء سمار الليالى مع قاسم ابوزيد ومصطفى سيد احمد
ليه غبتى يالقمرا
نركب جياد الليل
ينشرا بينا صباح
سفر العتامير ليل
نرجاك فى المطرة
ارجع تعال يا شليل
درع الاميرة سرق
سوهو حدوة خيل
بحر العطاشا نشف
نشرب بواقى السيل
صد لى ملامحك ياحراز
ريح العوارض غربت
فرتق ضفايرك فى الرزاز
جية العصافير قربت
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
يا ليالي عودي تاني (اللحو )
ليالي ياليالي ليالي عودي تاني
ايام ماكنت لاهي ما بعرف الهموم
كاني انا ما عرفت السعادة مابتدوم
هب النسيم حمل لي جاب لي نغم حنين
ذكرني ليل سعودي ايامي الفي الدويم
ايام ما كت بريدك رسلت الشوق حنان
قالوه وينو زولك قال لي ده كان زمان
يا ريت ليالي زمان وايام زمان تعود يا عامر لنخبرها بما فعلت بنا ليالي وايام الحاااااضر
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
الشباب :
تيتا
متولي
خلّي
كرومة
لؤي
شنو يعني دايرننا نرجع للأيام الخوالي ونقول ليكم كلام الحفلات بتاع زمان "ما زال الليل طفلا يحبو وما زال حفلنا مستمر"
محمد ميرغني – كلمني يا حلو العيون
لو شفتو كيف مرّوا الليالي
حال المساكين الحيارى كأنو حالي
بتذكرك أنا والشواطئ مع العصاري
بتذكرك أنا والهواجس والظنون
كلمني يا حلو العيون
حيرني صمتك يا حنون
كلمني حاول حس بي
عاتبني وأرمي اللوم علي
كلمني والكائن يكون
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عاطفة وحنان
وقضينا باقي الليل مشوار يفوح أنغام
وسرحنا متقاودين نتساقى أحلى كلام
ينثر علي ألحان من فم رشيق بسام
بين رعشة الأنفاس وندواة الأنسام
عاطفة وحنان يا ناس انسان مليح وناس
وعيون تضوي الليل وقليب رقيق حساس
ضمتنا جلسة ريد نستنا دني الناس
ما شفنا فيها ملل ولا طاف علينا نعاس
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
بالله دي رجعوهم لي لصفحة صلاح بن البادية
يا ربي هل طاريني قلبو
يا ربي هل طاريني قلبو
ويحب دوام يلقاني قربو
ياربي وكتين يقعد براهو
ويتذكر الماضي الوراهو
في الوقت داك هل يفتكرني
وللا الغرام حالاً نساهو
في بعادو ساهرت الليالي
ولا لحظة ما فارق خيالي
أنا داير أصبر ولكن
الشوق يزيد نار اشتعالي
صدفة
صدفة غريبة لقيتو الليلة
بعد غيابو ليالي طويلة
صدفه غريبة جانا زائر
بثغره الباسم ووجه النائر
والأمل فرهد لي يوم باكر
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
الرائعون
صديقوف , خلو , متولى , كرومة , ياسر حنا , القردابى , انعام عبد الحفيظ , لؤى , ابو نورة
وكل زوار البوست سمار الليالى تحية بطعم اماسى الحلم
اليكم الجندول .. من وجهة سودانية من خلال صوت المبدع الكابلى :
اين عشاقك سمار الليالى
اين من واديك يامهد الجمال
موكب الغيد وعيد الكرنفال
وسرى الجندول فى عمق القنال
اين من عينى هاتيك المجالى
ياعروس البحر يا حلم الخيال
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
خلي
كرومة
متولي
لؤي
عماد
ياسر حنا
شنو يا شباب الظاهر عليكم شالتكم نومة , انا وتيتاوي ما زلنا مساهرين ونغني مع إبراهيم حسين
نجمة نجمة الليل نعدو
والسنين يا حليلنا عدّوا
وإنت ما عارف عيونك
لم تسرح وين وين بودوا
يا غيمة
الليل مساهر بينا والهم مقسم فينا
شلنا السهر بإيدينا وكحلنا بيهو عييننا
يا غيمة أمشي ديارة ما تقيفي زي محتارة
كان جبتي لينا إشارة هاك ديل عيونا بشارة
عصفورة الحنية بتنسي كل أسية
قالت مناها تجينا ما لاقية سكة جية
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
رحلتو بعيد نسيتو
رحلتو بعدي نسيتو الريد والحنان
الإلفة الجميلة والسعد اللي كان
لكن فرقتنا أقدار الزمان
في الليل يا حبيب نورك إنت ضاوي
حليلك وإنت جنبي بالزي السماوي
وجرح الفرقة يمكن الأيام تداوي
يوم سافرت إنت بقيت إنسان وحيد
بكيت من كل قلبي ولعهدي السعيد
متين ترجع لي حبك تبقى حياتنا عيد
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
رجعنالكم ومش حاتقدر تغمض عينيك
مصطفي سيداحمد - عمر الطيب الدوش في سحابات الهموم
سحابات الهموم ياليل بكن
بين السكات والقول وباقات النجوم الجن
يعزن في المطر فاتن عزاك رجعن
وشوق رؤياك زمان مشدود علي اكتاف خيول هجعن
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: لؤى)
|
يا جماعة
طيب ليل الشجن والشوق دى ..ماااااا ارق اغنية سودانية
هذا لحن من صنف موسيقى الملائكة
شكرا على الامتاع..يالؤى
"تانى اى كلام بيناتنا حيكون تحت مجهر الشمار المباشر"
وشكرا عامر على الخيط الحزين
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
Quote: الاستاذة تماضر ..
وجودك يهزم كل خيوط الحزن .. ويجعل الفرحة تعربد فى الدواخل
شكرا على مرورك الذى يجمل ليالى الشجن والشوق |
عامر تيتاوي ياسيد الحوش (الحوش الصغير ده عشان بكري ما يزعل)
بحثنا في ذاكرة الليل والشجن والشوق فلم نجد ما يرقى لتلك العوالي سوى روائع هاشم صديق ومحمد الأمين لتكون لسان حالنا في الترحيب بزيارة الراقية تماضر
كلام للحلوة
لما شفتك ليلي ضوا وبقّا نور
ونرجس الجنة المفرهد رف بجناحات عطور
غنّى فارسك ختّ صورتك في الاطار
وقال في وصفك لما بنتي
أحلى منك برضو إنتي
وما في زول غيرك معانا
حتى كان يالسمحة غبتي
الوحيدة وريده سيدي وريدي سيدها
الزمان لو حتى بالغ ما إظن في زول يعيدها
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: انعام عبد الحفيظ)
|
Quote: بحثنا في ذاكرة الليل والشجن والشوق فلم نجد ما يرقى لتلك العوالي سوى روائع هاشم صديق ومحمد الأمين لتكون لسان حالنا في الترحيب بزيارة الراقية تماضر
كلام للحلوة
لما شفتك ليلي ضوا وبقّا نور
ونرجس الجنة المفرهد رف بجناحات عطور
غنّى فارسك ختّ صورتك في الاطار
وقال في وصفك لما بنتي
أحلى منك برضو إنتي
وما في زول غيرك معانا
حتى كان يالسمحة غبتي
الوحيدة وريده سيدي وريدي سيدها
الزمان لو حتى بالغ ما إظن في زول يعيدها |
الانسان الراقى الشفيف صديق حمدتو (وطبعا الشفيف لانو الشفاف دى كلمة ماكويسة من زمن الابتدائى
ما اجمل كلماتك المعبرة وروحك الطيبة .. انتا زول رائع ياصديق الله يديك العافية ويمتعك بالصحة
ويحفظك ويصونك
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
رسمت الاستاذة انعام عبد الحفيظ بريشتها المترعة بالفن على جدران شارع ليل الشجن والشوق احلى
كلام وقالت
Quote: ياخي انتو الذ ناس واحسن ناس
الظاهر ان اقامتي ستطول بهذا البوست
فكل يوم يوجد ابداع وامتاع
|
ونحن اذ نرحب بالاستاذة انعام نتمنى ان تطول اقامتها معنا فى ليالى الشجن والشوق فى الغنا
السودانى لانها بحضورها البهى تزيد من سطوة الابداع والامتاع
شكرا انعام
سمار الليالى بقيادة صديق حمدتو وخليل ومتولى وياسر وابو نورة
والقردابى وعبد الكريم ولؤى وعامر وكل من مروا بليل الشجن والشوق
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
أوعك تخلف الميعاد
حبك نار بين ضلوعي نار الشوق والحنان
وأقول ياريت لو عرفتك وحبيتك من زمان
كان غنيت لليالي وكان صافاني الزمان
أوعك تخلف الميعاد وإنت عارف شوقي كم
وأوعك ترضى بالبعاد وتسيب لي الألم
بستناك وقلبي خافق في لحظات العشم
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
اين عشاقك سمار الليالي
كريم ماتطول الغيبة وقلت البوست دا حقك
مع الحقيبة وشاعرنا عتيق- ظبي السواحل
حلو الشمائل في شخصه جامع كل الفضائل
لطف النسائم وشذا الخمائل
ساحر قرايبه فاتن حبايبه لامعين ترايبه
وفي ليل ذوايبه اسفر هلاله
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
رحم الله سيد خليفة كم تأوهنا معه في رائعة هاشم صديق "النهاية"
والتحية لعمار السنوسي الذي جدد ذكراها في مطلع التسعينات
في يوم غريب فيهو الشمس لمت غروبها وهاجرت
بانت نجوم متفرقات زي الدموع
في خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية تقاربت
والكون حزين خايف الهجير
شاف الربيع غابت شهورو وغادرت
شفت الفريق ضامي الفرح في دار حبيب
ضميتو في قلبي الحنين
ماتت خطاي ضاع الأمل
واحترت في خوفي الدفين
وعاينت لقيت الحبيب
في عرشو في تاجو الحزين
حولو العيون فيها الفرح
بس الفرح في عيونو ما قادر يبين
والدمعة في عينيه بتودع طيف حبيب
خلاهو لي غدر السنين
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
تحية للعزيز متولي عاشق الليل والجمال
دعنا نتأمل هذا الأبداع الملئ بالتفاؤل والأمل الذي لا تنطفئ جذوته
الأماني السندسية - الموصلي
بكرة بصبح ذكريات حالي داك الكنت فيهو
تملأ أمالي العراض كل درب أقتفيهو
بكرة تجمعني الصلات بعزيز اصطفيهو
ترجع أيامي الندية بي لياليها الهنية
وسعدي يرجع لي تاني بالأماني السندسية
مهما فيك طولت صابر يا سنين عمري الشقية
ومهما طال فيك حظي عاثر وذوبت عمري الأسية
ما بقول أنا راح أواني عارفو ببسم لي زماني
وسعدي يرجع لي تاني بالأماني السندسية
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
مع ابوداوؤد نغني
سكر السمار في حان الغرام
واناالصاحي اري في النور اشباح الظلام
وبدات كاسي علي راحي بقايا من حطام
عادني الوجد الي ليلي وكاسي المترع عادني
وسعير الحب يشقيني ويشقي مضجعي يشقيني
ولهيب الحب يدعوني فهل انت معي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليل لكم التحية
مسكينة المحبة
راح زمان كان لي مكانة وكنت أقرب مني لي
فجأة أتغيرت إنت ورحت تتكبر عليّ
ياما طال صبري وهديتك قلت يوم حالك تسيبو
وابتديت أشعر بعمري وقلت الحق الفضّل أجيبو
ما نفع فيك التوسل وإنت زول برخص حبيبو
لو ضميرك راضي سيبني قلبي رضيان بنصيبو
قبل ما تغير دروبك كنا بنماسيك نصابحك
رحت ترخص في مقامنا ويلا بيعنا وشف مصالحك
ما بنعاكسك في طريقك بالعذاب ما بنصارحك
العملتو إنت فينا الله يا ظالم يسامحك
كم سهرت الليل شقاوة وسرت ليك مشوار يفتّر
كان بينفع وللا بشفع شوقي في دربك يخضّر
كم غلطت وقلبي سامح تاني يوم ألقاك مقصر
والله مسكينة المحبة تمشي لي ناس ما بتقدّر
مهداة للأخ عامر تيتاوي لا لغمز أو لمز في المعنى فقط لأننا نعشق سويا أن نسمعها بصوت الرائع فيصل الصحافة
تحيـــــــــــــــــاتي
صديقوف
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
صديقوف ياانسان يارائع ..
Quote: كم سهرت الليل شقاوة وسرت ليك مشوار يفتّر
كان بينفع وللا بشفع شوقي في دربك يخضّر
كم غلطت وقلبي سامح تاني يوم ألقاك مقصر
والله مسكينة المحبة تمشي لي ناس ما بتقدّر
|
جتتى كلبشت وقد ذكرتنى بالذى مضى .. ايام الغناوالجمال مع المبدع فيصل الصحافة
ساعود ياجميل
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
تنكر جمال عشرتنا ديك
تمشى وتفوتنا وماعليك
انت البتهدى الناس امل
واشراقة من ضحكة عينيك
*
يابهجة الورد المنور
لابتسامات الصباح
مين بدلك مين شال
حنانك خلانا راح
ياحليل ضميرا ما استراح
*
انا من فقدت الابتسامة
الحلوة ما صادفت عيد
كلما السنين داوت جراح
يظهر مكانا جرح جديد
*
ساعات اتوه بالليل انا
واسرح مع النجمات بعيد
واتامل الزمن اللى راح
من عمرى فى عيونك سعيد
*
ناكر الجميل ما بلقى حق
وكيف تبقى ناكر للجميل
عشرة زمان ياحليلا فيك
وايه بدل الاشراقة ليل
ياصديق لوقلت لى منو انو الاغنية مهداة اليك ياصديقى دون غمز ولا لمز بصدقنالكننا كلينا نهيم
بالمبدع فيصل الصحافة خاصة ان ناكر الجميل من اغنياته الخاصة وفيها مافيها من الجمال
والشوق
ولما تجى ناكر الجميل بعد مسكينة المحبة تمشى لى ناس ما بتقدر .. اقدر اقول حاجة واحدة بس
انك ياصديق مبدع ومحفز للابداع ولكننى استميحك فى ان اهدى هذه الاغنية الجميلة الى الصديق
بدر الدين يعقوب وهو يحبها حب ما اعتيادى وياحليل ضميرا ما استراح
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
يا حليل لحظات حلوة وبديعة
اجمل ليالى مرت سريعة
اتذكر واقول يا حليل ايام
المودة الكانت قبيل
قضينا فيها اجمل ليالى
بالحب المؤكد العاش فى خيالى
والعاطفة الحنونة لسع فى بالى
يا اجمل حبيب يالكلك عواطف
ياالدايمابتحنو وطول عمرك تلاطف
اعميت البصيرة يالبصرى خاطف
*
مع فيصل ياصديقوف
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عزيزي عامر
ما زلنا نرواح محلنا عن علاقة أغاني الليل بالهجر ونكران الجميل و""مسكنة"" المحبة وأنا ما زلت مصرا على الاستشهاد بفيصل الصحافة فصوته كان ولا زال يهدهد روحي ويحملني في جناح أغر
حيرتا قلبي معاك
حيرتا قلبي معاك خليتو بيك مشغول
يا أحلى من ضماك ما بصح عذابو يطول
ويطوا الليالي هواك وحيرتا قلبي معاك
يا ما قضيت أيام أبني الأماني عليك
وأترجم الآلام غنيات عساي أرضيك
وأخفي الدموع عنك وأضحك امام عينيك
وتفيض عيوني حنان لمن تعاين ليك
أصلو العيون حاباك وحيرتا قلبي معاك
يا عاطفة في الوجدان يا صورة ساكنة العين
يا من بنور محياك أسعدت كل حزين
طاوعت ظنك ليه فرقت بين قلبين
وقطعت حبل الود الكان زمان موصول
يا حبي ما أقساك حيرتا قلبي معاك
عاهدت قلبي أعيش راضي السهاد والبين
يمكن أصل في يوم غاية الأمل يا زين
آخر طريق الشوق السرت فيهو سنين
وبين الأمل يا حبيب والخوف من المجهول
من إني ما ألقاك وحيرتا قلبي معاك
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
جيتكم يا حبايبي يا حلوين عموري وصديق وبقية الشباب .. جيتكم وشايل احساس العندليب زيدان بالغربة وده احساس مر بالحيل واسألو المجربين ( وانا ما منهم)
في اليلة ديك لا هان علي ارضى واسامحك ولا هان علي اعتب عليك
شلت الجراح والابتسامة وكل حرمان اليتامة جيت اهنيك واصافحك جيت اقول مبروك عليك
في الليلة دييييييك والناس تشارك فرحتك حسيت باني غريييييب هناك وغريبة انتي في دنيتك
حسيت معاني الفرقة حسيت بالوجود ماخد سواد من حنتك
شفت الدموع خلف الرموش مكبوتة بي حسرة وضياع ورعشة الكف الخضيب مقرونة بي نظرة ودااااااع جابو القدر في سكتك
آآآآآآآآآآ خ يا زيدان ده شنو البتسوي فيهو ده
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
Quote: جيتكم يا حبايبي يا حلوين عموري وصديق وبقية الشباب .. جيتكم وشايل احساس العندليب زيدان بالغربة وده احساس مر بالحيل واسألو المجربين ( وانا ما منهم)
|
امير الجمرى
حبابك الف ومليون مراحب
الفرحة غنت وصفقت والشوق حضن شتل الجروف
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
Quote:
ألفين سلام
يا يمه يا شتل المحنة الشب في وسط الجروف
ويا يابا ياالدرع المتين الليهو كم سجدت سيوف
ويا جدة يا أم صوتاً حنين حجواتها بالوادي بتطوف
ويا سمحة يا شمس الفريق الليها كم غنت حروف
في الغربة يا أهلي الحنان كم عشنا في قسوة ظروف
أشواقنا لي أرض الوطن ولي خضرة الوادي العطوف
|
صديقوف .. الله يديك العافية
تصدق تخيلت صلاح بن البادية وهو يتمايل مع هذه الكلمات الجميلة ولحنها الطروب
ياجنا تررررررررررررا ياجنا
ياجنا يييييييييييييا جنا
تررررررررررررررتن تاراررا
ترررررننننننا ترتتراراررارارررا
ايه رايك مش ذكرتك تلى
تاح تراح .. كجك كجك كجك
| |
|
|
|
|
|
|
|
|
|
Re: ليل الشجن والشوق فى الغنا السودانى ( وليد كرنديس) (Re: عامر تيتاوى)
|
عامر - كما عوتنا دائما بالروائع وجعلتنا نلتقي بالاحبة ونتمني ملاقاتهم ولكن عندما ياتي الليل
ويكون - الليل الهادي
نتزكر الاعزاء القرابين الي القلب وبعيدين المسافة
وهم في - ليل الغربة الصحبة
نعيش معهم احلي واقسى الليالي كما في ذلك الحي المتفرد
ولكن حقيقة- الليل مابنوم
لذكراكم المستوطنة بقلوب كل من ارتبط بكم- أمير الجمري ذلك الفريد من نوعه اصالة ونبلاً وبشاشة- استاذي صديف حمدتو وهو من كان له الفضل في تلقيني اول كلمة باللغة الانجليزية وهاانا ذا اجلس في اعلى كراسي الشركة الصينية للبترول.
ونبكي دائما ولكن - ستار ياليل لمن يضم كل القلوب العاشقة
ونقول روح الليل وتعال ياليل
لذهب العمر وتبقي ذكراكم حتى ملتقاكم
وكل عام وانتم الحب
وليد كرنديس
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليالي .. يستمر السمر ويطول السهر وتنشغل الافكار كل في محياه ونتكئ في مرافي عثمان الشفيع.
الشاغل الافكار سلمتو قلبي وسار هل من عوده ليّا
قابلتو دون اسار وسعدت بيهو مرار هل من عوده ليّا
اخلص لي والاخلاص يا ريتو لينا يدووم
ولمست فيهو شعور لي غيري ما معلوم
وتراني الليل والنهار وتراني ليل والنهار
انا اشكي انا ابكي انا اشكي الكنار الحبيب شالو القطار
وهل من عوده ليا
يلاك نزور الديار الفيها قطف الزهار هل من عوده ليا
حليلو ريدنا النبيل يا حليلو ريدنا النبيل ياحليلو ليلنا الطويل
انا كم رشفت رضاب من فاهو كالسلسبيل
تشهد نجوم الليل تشهد زهور الخميل
وفيما يجدي المزار او يسمر السمار غاب ظبي الديار
هل من عوده ليا .. الشاغل الافكار سلمتو قلبي وسار وهل من عوده ليا
خف الحبيب واختار قربي وهوايا شعار هل من عوده ليا
عرفتو اني محب بنظم هواي اشعار عرفني انو مدان لي قلبي دون إشعار
فتعالى يا ازهار يا شاغل الافكار نمرح مع الاطيار والحب يصفو ليا
الشاغل الافكار سلمتو قلبي وسار هل من عوده ليا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
ما زلت أذكر يا عامر تيتاوي تلك الليلة من عام 1988 والمبدع الراحل مصطفى سيد أحمد يشدو في جلسة الاستماع الخالدة بدار التحالف الديمقراطي بمربع 4 والأمسية تقترب من نهايتها عندما قدنا سويا حملة المطالبة بالاستماع لرائعة العملاق وردي قلت أرحل بصوت الراحل مصطفى سيد أحمد وقد كانت الاستجابة الرائعة منه وكيف لا وهو الذي عرف كيف يرضي ويسعد جميع عشاقه!!.
قلت أرحل - التيجاني سعيد - وردي
قلت أرحل أسوق خطواتي من زولا نسى الإلفة
أهوم ليل وأسافر ليل أتوه من مرفأ لي مرفأ
أبدل ريد بعد ريدك عشان يمكن يكون أوفى
رحلت وجيت في بعدك لقيت كل الأرض منفى
عيونك زي سحابة صيف تجافي بلاد وتسقي بلاد
وزي عيدا غشاني وفات وعاد عم البلد أعياد
وزي فرح البعيد العاد
وزي كلمات بتتؤه تتوه لمن يجي الميعاد
وزي وطنا وقت أشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتوه عمرنا صحيح
اصلو العمر كان دربا مشيتو كسيح
كان غرسا سقيتو بكاء وقبضت الريح
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليالي هل تذكرونها!!؟
تذكرتها وتذكرت معها أيام الدورات المدرسية حيث كنا نحن في الخرطوم الجديدة الثانوية نتفاؤل بها ونغنيها وونحن في طريقنا لآداء المباريات لإعتقادنا بأنها تجلب لنا الحظ والنصر ولكن للأسف ومع كل هذا لم نحصل على الكأس فبقيت هذه الأغنية في خاطري تمثل ذكرى لأيام جميلات
صورتك - البعيو
إنت لو صادق في ريدك زي صدق ريدتنا ليك
إنت زينا لو تساهر لو يطول الليل عليك
كان بفوت فرحك فرحنا يوم نشيل شوقنا ونجيك
كنت ما بتبخل علينا حتى لو نطلب عينيك
أنت صورتك ما أمانة كيف نفرط نحن فيها
قلنا نلجأ لأمانها من شقا الأيام وتيها
مهما قلت وأعتذرت غايتو إنت بخلت بيها
هاك بتذكارها شيلها صورتك الخائف عليها
فيها إيه إنسان بعزك لما يحفظ ليك صورة
فيها قامتك وابتسامتك وسحر عينيك الخجولة
فيها راحة وفيها واحة كلما يتعب يزورها
فيها ما بيملاها عينو كيف يخلي عيون تطولها
صورتك الخائف عليها ونحن ما خائف علينا
هاك بتذكارها شيلها وشيل معاها الفي عينينا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
أنت لي (عاهدتني) – أبو عفان
عاهدتني إنك تكون مخلص في بعدي
وحلفت يا ناسي تصون عهدك وعهدي
لو كان صحابك خدعوك في لحظة بعدي
أو أغرتك كلمة حنان فنكرت ودّي
ما تظن في يوم أسعى بوراك أو أسألك
وأسهر ليالي ضنى وأقول من حولك
كانت كنوز الدنيا ملكك وكنت لك
ومعا في جنات الهناء مستقبلي ومستقبلك
عاهدتني ترسل بدمع الشوق خطابي
مع كل نسمة من البلد تطفيء عذابي
وحلفت تسأل كل طائر عن مآبي
لكن نسيت عهدك ووعدك في غيابي
واحترت يا أهل المحبة وزاد في حيرتي
أهديه من عمري اشتهاري وكل صيتي
أوصيه بالإخلاص وما يحفظ وصيتي
وأصبر على ألمي وما يرضي سكوتي
وتتبدل الأيام يا ناسي وتصطفيني
أصفح عن الماضي وأسامحك وطول سنيني
أصلو الهوى دائي ودنياي وديني
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
يا عامر تيتاوي هل تصدق إني كنت ناسي لا تسلها بحالها
لا تسل عنى ليالى يا حبيبـــــى
لا تسلها فهى حلم عابر طاف بذهنى
لا تسلها كم تعانقنــا علــى رقة لحن
وقضينا الليــلة الأولى حديثا وتمنى
لا تســل عنــى ليالــى فقد بتنا حطاما
كم حرقناها شعـــورا وامانى وغراما
وســـل الشاطى لما كنت القاك دواما
ونذيب الليل همسا وعناقـــا ومـــلاما
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
انعام عبد الحفيظ
لما ترجع بالسلامة وترجع ايامنا الجميلة .. نغم شجى وكلام رفيع
صديقوف يارائع صراحة البوست ده من غيرك .... واصل ابداعاتك وتجلياتك فى الليل الهاجع
عبد الكريم
متولى
خليل
وينكم
**
ياحبيبى اقبل الليل علينا
وضفاف النيل قد اصغت الينا
ياحبيبى قلت لى فى اللقاء الاول
سوف تلقانى ولكن ما التقينا
**
صديقوف ياريت لو تاتى لنا بالنص الكامل لهذه التحفة الفنية
اقبل الليل او اللقاء الاول
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عامر تيتاوي بطلباتك دي يوم بتقتل ليك زول غايتو
ليتنا نتلقي قريبا يا عامر ونسمعها سوياً
قرشي محمد حسن صاحب الروائع (الفراش الحائر واللقاء الأول)
يا حبيبي أقبل الليل علينا
وضفاف النيل قد أصغت إلينا
وحباب الكأس ذابت في يدينا
وارتشفناها تباعا فارتوينا
يا حبيبي قلت لي
في اللقاء الأول
بين همس السنبل
وخرير الجدول
في المساء المقبل
سوف تلقاني ولكن ما ألتقينا
أقبل الليل وصمت الليل طالا
وضياء البدر في الأفق تلألأ
والربى ألقت حوالينا الظلالا
ثم ذاب الموج في الشط وسالا
قلت والكأس لديكا
ويدي في خصلتيكا
هاتها من وجنتيكا
وأسقني من كفتيكا
خمرة منها أرتوينا
يوم عدنا وألتقينا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
اجمل ما غنى عبد العزيز المبارك ( بتقولي لا )
بتقولي لا لقليب عليك يقطر حنان ويدوب وله
بتقولي لا ده قليب رهيف مااظنو لا لا لا بيحمله
بتقولي لا يا (بهجة) يا غالية يا ست القلوب يا مذهله
وحياة شبابك دبت في عينيك حنان ومغازله
سافرت في رحلة مشاعر ملهمة ومتأملة
شفت الورود من وجنتيك غيرانة جات متوسله
حتى القمر غار من صفاك واصبح يردد في الصلاه
وجاك المسااااااء يؤدي الفروض داعب شفايفك وغازله
شال لون جميل من وجنتيك مسح خدودو وبلله
واصبح يلملم في النجوم ينظم عقوده ويغزله
طرز لجيدك في الحرير احلى العقود وتقولي لا
انا بيك بدغدغ في القلوب يا حلوه احرف واشتله
املاها رقة ودندنة وعناق حنان ومبادله
انا بيك لو قلبك يحن عالم يجن من الوله
اسقيك حنان ما اظنو كان في الدنيا او كانت صله
وازرع هواك بين النجوم روضة حنان وادلـله
واهديك لحون يا غالية لا انصاغت ولا عود غازله
واخلي كل الكون يقول فنان يذوب في مذهلة!
بتقولي لا يا لهفة المشتاق ويا طعم الحلا
بتقولي لالالالالالالالالالالا
والله يحمينا من فولة الـ (لا)
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
اين عشاقك سمار الليالي
المعذرة اخي عامر ولكنها مشغوليات الحياة واسمح لي ان اتوج الاخ صديق حمدتو نجم هذاالبوست دون منازع دا طبعا بعد اذنك
وردي
كفي ياقلبي انسي الفات وعيش من تاني وحداني
ياقلبي شفت الويل وليل السهد بكاني
ولو حنيت لعهد الريد اجيب من وين عمر تاني
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
وليل كأن الدهر أقصى بعمره
جميعا إليه فأنتهي في ابتدائه
يحدث بعض القوم بعضا بطوله
ولم يمض منه غير وقت عشائه
تتكاتف ظل الغيم فيه فلم يكن
به العين تدري أرضه من سمائه
وتغني الاستاذ كابلي برائعة ابوفراس الحمداني عصى الدمع ومن ابياتها
إذا الليل أضواني بسطت يد الهوى
وأذللت دمعا من خلائقه الكبر
تكاد تضيء النار بين جوانحي
إذا هي أذكتها الصبابة والفكر
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: داجيل)
|
مراحب ياامير وفعلا دى من اجمل اغانى عبد العزيز المبارك
وان شاء الله مافى زول يقول ليك ( لا )
عزيزى متولى حمد لله على السلامة المكان نور بعودتك
داجيل حبابك الف ياود محجوب وشكرا على حضورك الجميل فى شارع الليل والشجن
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
الرائع ابو داوود معاتباً نديمه الذي عاف الكاس والملعب
يا نديماً عبا من كاس الصبا
ومضى يمشي الهوينة طرباً طربا
بت اشكوهو لنجم في اليالي لمع
ولغيم عندما رق لحالي دمع
ولطل فوق زهر كاللالئ جمع
ونديمي عبا من كاس الصبا وسقاني
ثم عاف الكاس عاف الملعب وجفاني
هاهنا الروض وزهر يا نديمي واختلاء
وهنا الليل وبدر يا نديمي وضياء
وهناالكاس و خمر يا نديمي وانتشاء
وهنا الشادي يغني عجباً واماني
ونديمي عبا من كاس الصبا وسقاني
يا نديمي طافت الاحلام بالفكر حيارى
وسرت تسبقها الانغام في طهر العذارى
ونديمي حول الاطياف في الفجر توارى
يا نديمي واذا بالقلب اضحى لهباً كم يعاني
ونديمي عبا من كاس الصبا وسقاني
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
واطربني العميري كثيراً وهو يشدو :
ميل واعرض كتّر امراضي
بي هواكم والهوان راضي
جنّ ليلي وهاجت اعراضي
سح دمعي وطاشت اغراضي
هذا بعض البي عدا امراضي
وانت داري وقاضي ماك راضي
بالي جسمي ومن زمان قاضي
هاهو حبك بين انقاضي
هدّي روعك اوعة لا تقاضي
ما بشارعك بكوس قاضي
المضلل رشدي يا هادي
والمكتر في القضاء سهادي
الجبين الفي الظلام هادي
والقوام السيدو متهادي
يا حبيبي فيما تهديدك
طول عذابي وهجري ما بفيدك
روحي في ايدك ضاعت وحات ريدك
كيف ضاعت يا سلام ايدك
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
الاعزاء ناس ليل الشجن والشوق
عجيبة هي هذه الكلمات
علمتني معنى الحياه
يا أبو العيون الحلوة آه
عرفتني سحر الجمال وين منبعو
سمعتني نغمو الجميل ما اروعو
شوفتا النجوم في ثناياك يلمعو
لحظات واشراقات جمالك ودعو
عرفتني أهوى الجمال وأقدسو
وأيقظ مشاعر الناس عليه لو كان نسو
حب الجمال زي الهوى البتنفسو
لكن بخاف من العيون لو كان قسو
يا آية من صور الجمال المشرقة
يا جذوة من نار الغرام المحرقة
يا نجمة في طول الليالي مؤلقة
وقلبي الرهيف بي علاك لمن ارتقى
مودتي واحترامي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
الاعزاء ناس ليل الشجن والشوق
عجيبة هي هذه الكلمات
علمتني معنى الحياه
يا أبو العيون الحلوة آه
عرفتني سحر الجمال وين منبعو
سمعتني نغمو الجميل ما اروعو
شوفتا النجوم في ثناياك يلمعو
لحظات واشراقات جمالك ودعو
عرفتني أهوى الجمال وأقدسو
وأيقظ مشاعر الناس عليه لو كان نسو
حب الجمال زي الهوى البتنفسو
لكن بخاف من العيون لو كان قسو
يا آية من صور الجمال المشرقة
يا جذوة من نار الغرام المحرقة
يا نجمة في طول الليالي مؤلقة
وقلبي الرهيف بي علاك لمن ارتقى
مودتي واحترامي
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
تحية ندية للعزيز متولي عاشق الليل والجمال ومرحب بالعودة بعد الغياب ومهداة لجميع السمار ولعشاق عثمان حسين منهم وأيضا لعشاق سماعها بصوت الرائع فيصل الصحافة
لو قلتو حبيبي سلاني
ودع حبه ونساني
ما بصدقكم ما بصدقكم
ده حبيبي الروح بالروح
أنا عارف حبه إلي
داري بعطفه علي
نساني نساني عذابي البيا
قاسمني الليالي هنية
ضم الفؤاد ذكراها
أزكى الخيال معناها
ولو قلتو حبيبي نساها
ما بصدقكم ما بصدقكم
دي حبيبي الروح بالروح
غرامنا أسمى غرام
ما بطولو أي حسود
زائد مع الأيام
وتصونو أغلى عهود
حبيبي العهود راعيها
مهما الزمن طال بيها
لو قلت لي نا سيها
ما بصدقكم ما بصدقكم
دي حبيبي الروح بالروح
خلاص اتجمعوا القلبين
ما خلاص أتوحدوا الأملين
واصبحنا رغم البين
روح واحدة في جسدين
مهما تقولوا ظلمني
أو باع لحبي وخدعني
ما بصدقكم ما بصدقكم
ده حبيبي الروح بالروح
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
لك كل الود اخي صديق والرائع تيتا كما يحلو للفردة خليل ان يقولها
سهرنا الليل وكملنا وعرجنا علي الشوق شوية
زيدني من دلك شوية وكتر الاشواق عليه
بكرة قلبك يصفو لي وتملاء بالانوار عينيا
في بحور الشوق مسافر زادي نظرة وابتسامة
يوم اشوفك ابقي قادر وارسي في بر السلامة
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
الاعزاء سمار الليالى
عشقتك وقالوا لى
عشقك حرام
يامبدد نار شجونى
يامجدد نور عيونى
ليتهم عرفوا المحبة
او عرفوا اسرار الغرام
عشقتك وقالوا لى تعشق
وايامك ربيع
تقضى ليلاتك مسهد
وابتساماتك دموع
زاد حياتك
ويبقى فى روضك شموع
وتنسى عشك
وتصبح احلامك حطام
لم يكن حبى متاعا
لا ولا كان التياعا
او لقاء او وداعا
حبى نابع من بلادى
من جمالا وانطلاقا
اودعت حسن حبيبى
من ديارا كل باقة
من صفاء الطيبة
والكلمة الحبيبة
والطلاقة
كل كلمة ترجمت سر
العلاقة
ياعوازل كيف تكون
الدنيا لوعاد الغرام
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
بلاد الله البعيدة .. كلمات خطاب حسن احمد .. غناء مصطفى سيد احمد
جلبت ليك من بلاد الله البعيدة
صنوف من الوجد الملح
درت القاك بالسمح
كنت اصطاد فى الظهيرة
من مناقير الكنار
بوصلة سكك الاغانى
ومن قرى الليل القصية
انتشل عطر الامانى
لو الاقى اللون ادسو
لما يغرس فينى حسو
لملاقاتك هدية
واتفقد الرعشة المعبية
فى ايديا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سيـــــد الاســــم - الجابـــــري
يوم جانا
شايل خطانا
الكايسنو راح
شايل الأمل فى عيونو
والحب والسماح
إرتحنا لما شفناهو
والليـــل إستراح
ضحكت نجومو وغنّى قمرو
معانا لـ عند الصباح
لادموع تانى تفصلو
لاهم لا جراح
وتضوي والليل ينهزم
وكتين يبالغ ويبتسم
والفرحه تملاها وتزغرد فيها
والشوق يرتسم
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
يلا يا متولي نواصل مفردات الليل مع الرائع الجابري
هوج الرياح
هات با زمن
جيب كل احزانك
تعال جيب المحن
جرعني كاس
من لوعة من الام
ما المحبوب خلاص
خلاني ليك الليلة راح
خلى النواح
ساب قلبي شمعة وحيدة
في هوج الرياح
رماني ليك انا يا زمن
وخلى الشجن
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
سمار الليالي ونحن نودع هذا البوست بعد أن سكبنا فيه أحاسيس ومشاعر خلناها تشابه أحاسيسنا، لا يبقى لنا إلا أن نغني مع عثمان حسين لكي يكون ختامه مسكاً بالفعل
الوكر المهجور (أو البوست المهجور إذا سمحتم لي!!!)
كانت لنا أيام
في قلبي ذكراها
ما زلت أطراها
يا ليتنا عدناها
أو عادت الأيام
إن أنسى ما أنسى
ذكراك يا سلمى
في وكرنا المهجور
والصمت قد عمّ
تحلو لنا الشدوى
والحب والنجوى
لن أنسى نجواك
والهمسة والبسمة
وحرارة الأنفاس
في قبلتي لمّا
ضمتك يمنايا
يا سعد دنيايا
وغفوتي في صدري
نشوانة بالأحلام
كيف أنسى أيامي
يا فكرتي الكبرى
يا وحي إلهامي
أنا عمت بالذكرى
ذكرى لياليك
في خدر واديك
الليل أهواه
في شعرك الناعم
والنور والنوار
في ثغرك الباسم
لكن تباعدنا
دهرا وما عدنا
للوكر يا سلمى
أو عادت الأيام
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
للعزيزين عامر تتياوي وامير عوض حامد الجمري,,, كل واحد شايل ليلو, البدبر لانقلاب, الجعان وما تعشى, الحزين, الفرحان ومنطرب من اثر... , والمتيم
إهداء مني لكما العزيزين ولكم التحايا والسلام
ضامر قوامك لآن
وقلبك قسى وجافيت
الصيد يا جدي الغزلان
أسهرته جفني ملان
يزرف دمع نازل
كالمزن في الهملان
ما بصح ليك يا فلان
طرفك دوام ناعس
وأنا طرفي ما عقلان
كالظبية في اللفتان
أما الخديد ناعس
زي زهرة البستان
تجد الطباع امتن
وحسن بديع رائع
منظر جميل فتان
ظهرنه شكلك بان
كوكب منير أشرق
من فوق لغصن البان
كم ليك محب تعبان
درب العشق ساهل
ودرب الوصال صعبان
القمري في الأغصان
ذكرني ألحانك
وقلبي انطرب فرحان
بتوارى لي لمحان
بروق درر فاهك
ذو الراحة والريحان
لا يحصي وصفو لسان
وجهك بدر كامل
من البدور إحسان
ما قصدي فيك لمسان
مقصودي بس شوفتك
لا,, ضيعني يا إنسان
ليه كفك اتحنن
وليه قلبك القاسي
ما فيهو لي حنان
باالراقص الفنان
حبك ملك قلبي
وجننته عقلي جنان
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
استأذن الغالي عامر (الاب الروحي) في الترحاب بابن العم العزيز خالد علي محجوب واقول ليهو طلتك نورت ليل البوست يا (قمر) .. نتمنى التواصل والمشاركة الثرة في هذا البوست الملئ بالجمال والسمر والمتلألئ بنجومه (عامر وصديق ومتولي وداجيل وانعام وعبد الكريم وخليل) .. وفي سكون الليل دعنا نجتلي الصمت الرهيب .
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عامر تيتاوي
| Quote: وياامير بالغت فى سكون الليل دى .. بس عاوزين الباقى |
ينفع إتمها أنا يا تيتا
في سكون الليل دعنا نجتلي الصمت الرهيب
إن في جنبيّ معني فوق إدراكي عجيب
لست أًعنَي لست أعبأ طالما كنت الحبيب
هاهي الأضواء أخفت والدجي أصغي إلينا
والمني في الحلم رفـّت وإستقرت في يدينا
والذي عيناك أخفت قد بدا لما إنتهينا
فإنطلق يا روحي إنا قد نزعنا القيد عنا
فاحتسينا وإنتشينا ما علينا ما علينا
ثم عدنا وافترقنا كلنا يمشي وحيدا
باكياً قلباً وجفنا خائفاً إلا يعودا
أين منا الأمس أينا المني والحب أينا
في سكون الليل دعنا نجتلي الصمت الرهيب
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: صديق حمدتو)
|
روعة ياصديقوف
Quote: ينفع إتمها أنا يا تيتا
|
كيف ماينفع وانت المرجع .. الله يديك العافية ويخليك دايما جميل وشفيف وحافظ
ياصديقوف الكلمات التالية كنت انت دائما تترنم بها فى لحظات البهجة الشديدة
والانبساط العميق
انا فى التمنى ديمة هديلى ساجع
ما لقيت لى مغيث ولا لقيت لى مراجع
**
اقيس الليل بشعرو والقى الفرق شاسع
اقيس الفم بودعة والقى الودع واسع
دى مابلقاها زولا زى انا صيدو ناجع
برضو حاتصل بصديق واتمنى ان تكتمل معاك روعة الكلمات ودينا النص الكامل
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: Mutwali Malik)
|
الفاضل وابن العم العزيز أمير الجمري ,,,سلامات مفعمة بريحة طعمية اب جبون , وباسطة القلع,, وفول مصلح من امتداد الدرجة الثالثة,,, وكمان سلامات مكندكه بتراب شندي ,,, وما ننسى واحده كمان مخلوطة برائحة بعر البقر والغنم من مويس.
اخي لا اعتراض على زوقك وانا على علم بسلامة زوقك في الشعر السوداني,,, قلت انو اجمل ما تغنى به عبد العزيز بتقولي لا,,, نعم هي غنية جميلة لكن تغنى ايضا ود المبارك بأغنية رائعة (( ليل الغريب )) للأسف لا احفظ كلماتها لكن بقول ما احفظه منها
ليل الغريب والريح تجيب من ثغرو داك حبة عطر
والنار تبق جوه الضلوع أماالدموع سيل منهمر
ليل الغريب
الذكرى جمرة تحرقو والوحشة تأكل من حشاه تأرقو
أطرى البلد وناس البلد
وافضل يعد,,, يعد وينسى العدد
أهدي السلام وكل الحنين ناس البلد
ليل الغريب
الليل غريب ما زي ليالينا الزمان
والقمره في ليل الغريب
ما زي قميراتنا الحسان
والدنيا في ليل الغريب
نشفانه عدمانه الحنان
يا حليل زمان وسط الحبايب والاهل
يا حليل زمان
وطبعا الغربة الواحد ما بجيها حباً فيها لكن ظروف ضاقطة بترفس الزول تطلعوا من بلدو,, رد الله غربتنا وأياكم الافاضل الاعزاء سالمين غانمين نجتر ذكرى الايام الحلوة في الباقي من عمرنا,, ولا نملك الآن ألا ان نتغنى ونقول في حلنا وترحالنا
ياطير يا ماشي لأهلنا
بسراع وصل رسائلنا
والشوق ما تنسى يا طائر
لكل البسألك عنا
قول ليهم علي العهد ما زلنا وما زلنا
ذكراهم أمست مشاغلني
(عدل بواسطة خالد علي محجوب المنسي on 05-11-2006, 03:28 PM)
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
ويتواصل الطرب والفن الاصيل والسمر في الزمن الجميل مع الحنجرة الذهبية ابوداوود
آلفني في البرهة القليلة وفارقني ما بين يوم وليلة
صادفني بداخل خميلة هتن الطل سقاهو بعيونو الهميلة
الاوراق تداعب اغصانها وتميلة ثغر الفجر ضاحك والزهرة الجميلة
خطرت لي والخاطر يجيله من قلبي المعنى ومن روحي الوجيلة
الصدفة هي العجيبة والفرقة العديلة والقعدة اللذيذة الفي تلك النجيلة
تختال لي انا لا زال اخيلة في ظاهر عيوني وفي داخل المخيلة
روضة رشح نداها يفوح طيبة وخميلة بي باسمات زهوره وبي باسقات نخيلة
صدفة وكان معناها ودليله رات العين حبيبة وروت الروح قليلة
مشهد كان يمثلو قيس يوم لاقى ليلى بالحب المؤكد والعاطفة النبيلة
فارقني ما باليد حيلة ساب الروح دواما تتقلب رحيلة
يا خدودو الندية ويا عيونو الكحيلة هل من شوفة تاني ام هي مستحيلة
آلفني في البرهة القليلة وفارقني انا ما بين يوم وليلة
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
العاقب محمد حسن صوت متفرد اداء متفرد
ظلموني الحبائب وقالو لي انسى
من بعدالمحنة العشتها همسة همسة
بعد ما قلبي حبّ وعشت مع الاحبة
تكفي عيوني نظرة وتكفي قليبي لمسة
قالو لي انسى وكيف انسى الليالي
والعين الخجولة والخد البلاليء
كانت امسياتم حلوات زي حلاتم
فيها الشوق بيظهر والحب المثالي
ظلموني الحبائب وقالو ليا انسى
من بعد المحنة العشتها همسة همسة
قالو ليا انسى وما عرفو العليا
لو عرفو الحبائب كانو يعودو ليا
ونعيد الخوالي ونسهر في الليالي
ويفضل ريدنا يكبر ويبقى الليل شوية
ظلموني الحبائب وقالو ليا انسى
من بعد المحنة العشتها همسة همسة
بعد ما قلبي حب وعشت مع الاحبة
تكفي عيوني نظرة وتكفي قليبي لمسة
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: عامر تيتاوى)
|
عمت بشائرنا ودام الفرح لينا ضاءت ليالينا
الدنيا ابتهجت وتجلو بدرينا
وين يا بلابل الدوح الليلة سامرينا
نذكر احبتنا واقوال مسرتنا
نطرب بلحن الحب ولذيذ اغانينا
نذكر محاسن ام در نحضر امانينا
ونحيي وادي النيل بعظيم تهانينا
وبعد التهاني هناك تهبط مراسينا
وبين النجوم كانت موضع كراسينا
اصبحنا في فرحة ونفوسنا منشرحة
وقلوبنا بي (بهجة) ازدان تحسينا
وين يا نجوم ارجوك بالله آنسينا
اخضر وادينا وردد بلحن الحب العذب شادينا
شفنا الحواري العين امامنا مجتمعين
ومنظر يسر العين وبلابل الافراح سجعت تناجينا
عمت بشائرنا ودام الفرح لينا وضاءت ليالينا
| |
|
|
|
|
|
|
|
|
|
Re: ليل الشجن والشوق فى الغنا السودانى (Re: امير عوض الجمري)
|
الاخ الحبيب امير الجمرى
Quote:
عمت بشائرنا ودام الفرح لينا وضاءت ليالينا |
ان شاء الله دايما
سهران بهاتى انا طول
الليل بنادى على الحبيب
الراحل زايد نار فؤادى
ياقلبى ضاقت روحى من شكواك
اصبر قليل يمكن تهون بلواك
يمكن حبيبك فجاة يوم يطراك
ينزل من علاهو وتبتسم دنياك
| |
|
|
|
|
|
|
| |
صديق حمدتو
Mutwali Malik
عامر تيتاوى
امير عوض الجمري
Yassir7anna
لؤى
Tumadir
khaleel
انعام عبد الحفيظ
طارق جبريل
خالد علي محجوب المنسي
فيس بوك
تويتر
انستقرام
يوتيوب
بنتيريست