|
Re: كم بقى من العمر لاحلم (Re: sharnobi)
|
يوم جيتنا لقيتنا صفوف ولهانه تدافر بس دايره تشوفك تنعم الشوف القاصر بالزول الحلم ماكان ذى ليلة قدر يوم فجيت الارض وبقيت فينا ساطع ضوك بملامح الزرقة رئيس وكان حديثك برنامج دخل القلب بلا تصريح حبوك الزرقة واتلموا الحمرة عليك والرطانة المثلى والعرب العاربة قالوا خلاصنا شفناهو فيك حبوك القلبهم يابس واتبركوا فيك الفقرة يا صالح عهدك يا حافظ وعدك يا زول يا رايع هل غار الرب منك واخدك منا ليه ما خلاك وبس لى يومين تانى يا نازع كل سكينتا يا راحة البال الرحلت قبل ما ترك فوق شدرا يابس وطنك مهجور بعدك نضب معين العشق راهنت بآخر الرمق قلت انك قادم فاجى زحام الدنيا وانك متعادل متصالح وفيك اتوسمت الخير ذى ضمان رهان الدنيا بقيت متأكد منك ومن قدوم الفارس المغوار ما كان من رسم خيالى ولا هواجس بنات افكارى شفتك بام عينى وحادثتك وسمعتك ما كضبتك. ما.كان من عقم الارض والنخل العاقر جوعنا سنين وضاربت وراهنت قمار بآخر فلس والمكنة تدور وتقول يا بخت الفايز الفيهو ملامح شعبى وبقه الفرح من جوه بقوة واحترق النازك
وتلاشى الجاهر لضوء العين طفت كل الشمعات خلتنا فى ضلمة يبس جمام العين التروى جمال الابالة وجفت ترعة المجير احتاروا البقارة وزراع القطن كضبنا الشينة
رغما .. عن اذاعات المطر وعن خبر واحباط مفواض بوطنو مراهن كان ذى حلم ورجوانا سماوات عاقرة تفتح باب الرحمة الموصود قدام هذا الشعب المبلى بصبرو لاحت غيمة جنوبية فوق الاماتونج القبلى شال سنو الطورية شتتوا تيراب الماريق ادخروه من حق غداهم ومن جحر النمل اتلمه فى عز صيف لافح تتفتح بادرة قمح تلاقى دعاش المطر خالج فيها حنين للدنيا
|
|
|
|
|
|
|
|
|