|
|
 بورداب الدوحة : همتكم معانا للاحتفاء بخدر وبارعه ..
|
بعد برنامج نصار) (الخبطة) اصبحت التكنولجيا متاحة للجميع لطلال عفيفى وبنفس القدر لمحمد عبدالرحمن ....ولكن يبقى تفرد طلال فى القدرة على اختيار الجمال...ولنا التقاط مايجود به طلال ..
والله تعبتو معاى بعد ده ...والمدعو الباندويث يخلى نفسو طويل ...
|
|
 
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
سلامات
وعوافي
خدر جميل الروح ...
سعيد جدا كوني سالتقيك ... ودعني احسب الدقائق من الان وحتي الثاني من سبتمبر.
فانت واحد من اولاد الذين نحبهم..
لك الاشواق ..
الاحباب محمد عبدالرحمن وبكري الامين لكم الشكر علي هذا الخبر الجميل
اما العم ابوساندرا (فقاطعوا معاهو ناشف) يامحمد وبهاء دا انا رامي طوبتو..
ياخي ديل غالين غلا والبركة في خدرنا ..
بعدين ابوساندرا بعد الكامري 2005 خمسة انا مالاقيت كتير لكن اهي فرصة مع جيت خدر الواحد عاوز يقرا الحاصل بي (تروي).
وليكم المعزة الشديدة.
ودرملية في حالة فرح ممزوج بي دم الزنوج الحارة
تخريمة :
ياخدر سلم لينا بالله علي دكين شديد..
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: ودرملية)
|
مرحبتين حباب خدر فى الدوحه دوحة الجميع
يحل اهلا وينزل سهلا
سوف يحتفى به المطار القديم , الروضه , المنصوره , النجمه , بن درهم , المنتزه , ام غويلينه , فريق عبد العزيز , روضة الخيل , المرقاب , السد , السلطه , المعموره ,وادى السيل , الدفنه , فريق كليب , نعيجه , مدينة خليفه , الريان القديم والجديد , المناصير , السيليه , العزيزيه ,الوكره , المره , الغرافه , الخريطيات , سيلين , الخور , الشمال , الجميليه , ام صلال على , ام صلال محمد ....
وكل فرقان الدوحه فردا فردا
سوف يحتفى به
الطريق الدائرى الاول , الثانى , الثالث , الرابع , والخامس ..
اشارات مجنون
اشارات المنتزه
اشارات حفصه
اشارات السينمات
وكل اشارات الدوحه ودواراتها من الدوار المائل الى دوار الباراشوت
كورنيش الدوحه , جزيرة النخيل , الشيراتون و الفور سيزونز, المنطقه الدبلوماسيه , السيتى سنتر , الانتركونتننتال , الريتز كارلتون ,الخليج الغربى ...
قناة الجزيره ,لجنة الآسياد ,الرايه , الوطن , الشرق ,..
اهلا وسهلا والف مرحب بكل اللغات المكتوبه والغير مكتوبه
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: wadalzain)
|
مرحبا بالأخ والمبدع طارق "خدر"
ولنحتفي خدر ورفيقته "بارعة"، إحتفالا يليق بمعزتنا له ولها.
ويا محمد أنا لا أستحق أن أكون راعي، ما كلنا ديناصورات، وصحيح أصغر من طأبو ساندرا، لكن بهاء دا أنا أكبر منو.
تصحيح : مقر الإحتفالية "نادي مجمع حدائق الخليج"، وليس نادي قناة الجزيرة-ليس لها نادي- وللذين لا يعرفون موقع "مجمع حدائق الخليج السكني" فعنوانه كالآتي:
الدفنة(الخليج الغربي)-قرب مجمع الجازي، ومقابل محطة بترول الخليج الغربي، وعند دوار نادي قطر الرياضي.
ومن لم تتضح له الصورة يمكن الإتصال بأي من هواتف الأعزاء محمد عبدالرحمن أو ودرملية أو بكة الموضحة أعلاه، أو بهاتفي مباشرة 5871245.
وننتظر وقف تشرف بورداب الدوحة.
الأخ ودالزين
عليك بدكتور أحمد عثمان، وخطاب وراشد وكل شلة المحامين.
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: هميمة)
|
الف مرحب بكم جميعا ...وسعيد بهذا الحضور المشرف ...
ودرملية ....ابوساندرا ده....قبل ماتقول كلامك ده بقيت انت خارج
شبكتو و(مشفرك ) .... سيبك من الكامرى ام ساندار جايه قريب
والله تانى كان تشوفوا فى شاشتك دى ...
ودالزين ..انت بكلامك ده شكلك قديم فى البلد
وبرضو قديم فى المنبر ..جميل انو نلتقيك ...والبركة فى خدر ..
(الزعيم ) نادوس ...قالوا الخيل الاصيلة بتجى فى اللفه .
.فى النهاية حانمشى ونجيك وسوف نكون فى ضيافتكم كالعادة
...وكويس انك وضحت وصف المكان ...
بهاء ...والله ماقصرت تب معانا فى انتظار مزيد من الاسهام ...
عبدالرحمن ابوشيبة ...سعداء بانو حانلتقيك ...امبارح حاولنا ان نصل لرقم
تلفونك كثيرا ولم نوفق ...جميل ظهورك اليوم ...
الباشمهندس ودالطاهر ...والله يازول مافى (بلومه ) واحدة طارت ..
والشروط قائمة وللمعلومية العرض سارى لفترة محدوده ...(ههههه
هميمة ...والله دى قدرتنا مع ا لناس نسوى شنو ؟ وبعدين راعينا هو نفس راعيكم ..
تختلف الاسباب والموت واحد ...
محبتى لكم جميعا
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
1- ودرملية:
ياولدي مابنقدر على الوحايح بعد العمر ده
رطب القطع ده ليقع بردآ وسلامآ علينا
2- بهاء بكري:
بعد ماينتهي الأسبوع في قرد واحد حايطلع جبلو
اما الأسد حايرجع عرينو
إنت نسيت إنو اللبوة جاية يوم 1/9
غايتو بس الله ستر على خدوري
3- نادوس :
شرف لاندعيه وتهمة لن ننكرها
وأهو ظهر ديناصور أعتق ، الباشمهندس معتصم الطاهر
4- هميمة:
والله هنا في رعية تمام من إختصاصي
أما الرعاع فتبع { البوص } بتاعك
القائد بهاء
{ عمركم سمعتو ليكم بقائد إسمو كده ، غايتو إلا قائد روضة
5- معتصم الطاهر:
{ مشتاقة ليك كل التفاصيل المعاي
والذكريات الماتعة....
كل الأماسي الكنا فيها
وبيك صارت فارعة .... }
بالجد مشتاق لنفسك الشعري الجميل
ومشتاق لهويدا الهداية وبناتها الأحلى منها
6- القائد بهاء :
مرة أخرى
يا غبيان
أبنوسة في فيينا
هوزي في الأمارات
بت الحسين عرسوها
حفلتك دي حفلة عزابة
أنا ماجاي
ومعاي
ناس حلووووووين
6- محمد عبدالرحمن :
شكرآ ياحميم
وكبر عيونك
ووسع ماعونك
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: nadus2000)
|
شايف فى ناس مركزه على الجكس , ياناس انتو ما عندكم حكومات ولا شنو
حقو يكون فى لائحة الحضور ( منوع اصطحاب الحكومات )
يا محمد عبدالرحمن
انا فى البلد دى من من قبل ما يحفرو البحر لللؤلؤه والمطار الجديد
شفتنى قديم كيف ومعتت
وفى البورد ده من قبل مهاترات عادل عبد العاطى وحرد فات ومشى عمل ليهو حزب
الكترونى ومثل اهلنا بقول حردان السوق منو البرضى.
مرحب مره اخرى بخدر والذى سيحضر معنا عيد وذكرى استقلال دولة قطر وتكون الاحتفالات متعدده بحضوره وبالاستقلال .
بس عايزينو يجيب لينا نسمات شويه من البلد الجاى منو تخفف وطأة الرطوبه هنا شويه
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: wadalzain)
|
يا اصدقاء
قلبي كهذة الصحراء .. اصبح غفر من جليد التسعة اعوام المنصرمة
لم اري هذا الجمال قريباً ..
اشتاقه,,
احنه,,
وابكي كلما تذكرت ,,
تكلست المفاصل مني و علاني الصداء
وما تفضلتم به من دفق و دفء يكفيني لتسع اُخر
فكيف وانا بينكم !؟
هل يقوي قلبي علي كل هذا !!
اهديكم امونة
شعر امين صديق
الحان و غناء الوغد طارق ابوعبيده
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
العزيز خدر ..
شكرا على النغم الجميل من الوغد المدعو (طارق ابوعبيدة ) ..
ولى مع هذا الفنان قصة ...كنت حين يجن الليل ويبدا الحنين
فى الهيجان ، اذهب الى ملفاتى الموسيقى واضغط على الملف
الذى فيه اللحن التآلى : (الحفظ مش ولابد )
يانسيم مابالك تتنى قامة البان
انت رايق وتلعب والعشوق تعبان
.............
من قليبو الجافى لقليبي الحان
النسيم يتردد عامل استمحان ..
ياالغرامك حل ورحل السكان
من مداين جوفك ...
ماالذ الناس السارجة بى لو كان
ابقى قلبى وقلبك فى الغرام سيان
قلبى لايسلاك انا لايطيب نكران
بين شاهد جفنك بالدموع عكران
درعك البتقمص ...
والضمير الميل صاحى ام سكران ...
وامارس كل اشكال التعبير مع هذا النص ..واخلد بعدها الى النوم ..
حتى علمت قبل ا يام بأن صاحب النص يسعى بيننا هنا ، يسعى بالمحبة
وبالفكرة وبالرأى وبالفن والرسم والموسيقى ..واعدت سماع النص مرة اخرى
وبأنطباع جديد فبانت لى محاسن اخرى فى النص كنت اجهلها كجهلى بهذا
المنبر المجنون الذى يحوى كل جمال بلادنا وبنفس القدر بعض تشوهاتها
وازماتها ..
شكرا خدر على الاهداء .. وياريت تلحقه بالنص موضوع الحديث ...
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: بهاء بكري)
|
واحد صاحبنا ظريف لكن شين شنــا مبالغ فيها و مصّر انو وسيم وسامة الريل،،،، المهم زعل مع احد ظرفاء الدفعــة...... و الزعــل جــاب اكــلام و النقاش احتد فمــا كــان من الظريف، و بعد أن اعئته الحيلة، الا أن يلتفت لصــاحبنــا و يقول ليهو:
وشــك العاجبك دهــا انحنــا بنصحــا بيهو من النــــوم
بـــدون تعليق يابهــاء و اؤكــد بــأن الصــورة قــد اخذت امس فى منزلــى بس بعــد الســـاعة 12 ليلاً!!!!
اللبيب بالاشــارة يفـــهم و لا شنو يا أبو ســـاندرأ؟؟؟؟؟؟؟
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
على المحبة نلتقي!!
حبابكم ألف.
تعوزني كلمات الترحيب. فاللغة دائما ماتخون المعنى. ويعزيني أنكم تعلمون مدى معزتكم عندي.
ستأخذنا الأيام بعيدا لذكريات لايمكن أن تموت. وتتفتق الدنيا عن حياة تتأبى على الموت مهما تطوف بها "البوم البعجبو الخراب". مكانكم مازال شاغرا و حضوركم قوي، فدعونا نسر ع الخطى للحظة التلاقي.
للحبيب نادوس،بهاء ماقصر وصلنا في حين أن ود الزين لم يعمل بالوصية ولاتثريب عليه.
مناقرة أبوساندرا وبهاء ( الترتيب حسب العمر عشان بهاء مايزعل) المابتنتهي ودها خلف غليظ القول بائن، لكما الود وهدئوا اللعب شوية (ريسين بيغرقو المركب) ولا قبلتو الإثنين بمبدأ القيادة الجماعية؟
عموما محبتي للجميع و سعادتي بمقابلة الأحبة لاتوصف.
لكم كل الود.
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: فيصل عباس)
|
الاعزاء
خدر وبارعه الف مبروك
وان شاء الله بيت مال وعيال.
ويا بورداب الدوحه مابتقصروا والحمد لله ما عايزين وصيه.
اخونا خدر يستاهل كل الخير.
بس شويه شويه عليه في الملوخيه دي.
الملوخيه بتهيج المصران.
اوع تسمع كلامهم يا خدر ديل عايزين يودوك في داهيه.
مافي عريس بياكل ملوخيه.
وبعدين موصياك تأكل في بيت مريم بت الحسين
وتورينا بعد داك مطبخ ابله نظيره البوردابي انتاجه كيف؟؟؟؟
تحياتي ومحبتي لكم جميعا.
تراجي.
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: Tragie Mustafa)
|
يا بهاء الصوره قالوا بعد الساعه 12 وكلام الليل يمحوه النهار
اما ابو ساندرا انا ما بسألوا هسع عشان عندى شغل عندو بعد ما يخلص لى شغلى
ويا دكتور احمد لك العتبى حتى ترضى - الحقيقه انى لم اعمل بوصية نادوس لانو قبلها اتصل بى بهاء الدين ( وهو دائما يسارع فى الخيرات , خفيف عند الفزع ثقيل عند الطمع , وهو دائما يسعى لان يجمع الناس لتلطيف جفاف الغربه ) وقد علمت منه انك على معرفه وعلم .
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
خدر
عرفنا شعارك ، بس كان تقلب المثلث الدامي رأسآ على عقب عشان تكتمل التورية
هوزي
حضورك ضروري
نادوس
لمن كنت انا بشيل ساندوتشات السجك والبيض من جروبي وبحلي بالكنافة وانا بعد في الإبتدائي وترشقني النوافير برزازها
كنت انت بتكد الدوم في احراش الرديف
ولمن { بالغت} وغشيت G M H { صالة غوردون للموسيقى } والأتني وكوباكوبانا وفلامنجو كانت تلفحك روائح الموشك في طريقك إلى مدرسة حي النصر
راجع ليكم بعد ما أشطف الككو بتاعي ده ، قال قائد قال
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: بهاء بكري)
|
Quote: نادوس
لمن كنت انا بشيل ساندوتشات السجك والبيض من جروبي وبحلي بالكنافة وانا بعد في الإبتدائي وترشقني النوافير برزازها
كنت انت بتكد الدوم في احراش الرديف
ولمن { بالغت} وغشيت G M H { صالة غوردون للموسيقى } والأتني وكوباكوبانا وفلامنجو كانت تلفحك روائح الموشك في طريقك إلى مدرسة حي النصر
|
طبعا يا أبو ساندرا أعلاه يفضح جهل بطبغرافيا "المدينة الجنة كوستي"، ويفضح قدر شنو إنت ديناصور، فأنا على يقين بأن أغلبية البورداب لم يسمعوا بالاماكن دي إلا في حكايا أعمامهم وجدودهم.
والأهم من هذا يفضح إنك لسه واقف هناك، وما سمعت بأبيل بيز، وممكن هوازن أو بت الحسين يوروك ليهو.
الجميل د.أحمد عثمان
والله أشتاقك، وفي البال الكثير مما يستلزم النقاش، ولكن فرتكة الخيوط المشربكة دي شغلتنا.
بهاء واثق بأن ذكاؤك لن يخونك.
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: nadus2000)
|
الأحباء ساكنى الدوحة الوريفة
لكم الحب والأمنيات
كرمكم الحاتمى يفيض ويغرق كل من يغشاكم ويحل بينكم
هنيئا لطارق الحبيب وجوده بينكم وهنيئا لكم الأمتاع بجميل غنائه وإبداعه
كان معى الآن الأخ طارق وأخبرنى بزيارته لقطر وكم أسعدنى أن يلتقى الأحباب عيانا بيانا بعد اللقاء الأثيرى الذى دام سنوات من الحب وكم أسعدنى أن تستمعوا لطارق أبوعبيدة هذا الفنان الذى يحمل الكثير فى حقيبته ..
الود خالص لكم جميعا
عبدالعزيز خطاب
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
الدكتور أحمد عثمان
بمناسبة القيادة الجماعية مع البهاء
زمان في الجامعة حصل إنقسام وسط الناصريين ، واحد جبهجي { حقت زمان / مال أول } كان يسخر من قلة عددهم وحيلتهم قال : هم كانوا في حافلة هسع بقوا في تاكسيين ، أحسن كده أصلو لو خطفت الحافلة بيكون التنظيم كلو راح شمار في مرقة
دحين هسع أنا كون في قيادة جماعية مع ناس كل جمعيتهم العمومية بتجي في تاكسي واحد ، ولو إنقسموا بيجوا في ركشتين
في تنظيمات الأقليات دي أي ككو بيعمل قايد
نادوس :
معترفين نحن كبار وقالوا الشدر الكبار فيهو الصمغ ،
والشباب شباب القلب البكر
بس إت متين بتقر يابخيت
تراجي مصطفى
حق التذكرة علينا بس انت كيف تنوي
والقدم ليهو رافع يابنية
هوزي:
ماتنسي تجيبي زيكو معاك
في الشنط
واللا في القلب
ماب تفرق
بس تكونوا سوا سوا ياجميل
لو ما عشان خاطر خدر ، طيب عشان خاتر جنابو
بهوية:
شايف مس كولاتك العشرة
ومطقع ليك
خدر:
ماقلت لي جايب شعارك معاك
أحمد عثمان { تاتنيؤ
أول مرة أعرف إنك بتهرش من القائد بهاء
ودالزين
أها تمينا ليك عملك يللا فتو
صديق عبدالمنعم
عارف صاحبك صاحب دوللي هسع وين؟؟
قالوا والعهدة على الراوي :
كل يوم بيمشي إستاك
وعيونو محوصة
والنتيجة لم يعلن عنها بعد
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
أبو ساندرا ولك الود،
عايز تحرشني علي بهاء ولا شنو،
إنت ماعارف "المحرش مابكاتل".
على أي حال أنا ملئ بإستشراف لقاء الأحبه الآن ومن الصعب إستفزازي.
وبالمناسبة الإستدراك لم يكن لسلبك المشيخة بل لترطيب الأجواء من أجل قبول قيادة جماعية حاول بهاء أن يصرفها عن موضعها.
للجميع محبتي
وكل الودللقادمين
وألف مرحب مرة أخرى
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
الاخ محمد ...
تحياتي لك ولضيوفك ...
للاسف كمت بالامس مع عدد من الأصدقاء ولم يحضر الشخص الذي تنتظره وتنتظر مني رقم تلفونه .. فهو ليس له رقم تلفون هنا خاصة وهو في أسعد شهر من شهور حياته واظنه يقصد هذا عمدا ...
لذا عليك ان تستعد لما سيحل بك من لوم ولكن ....
إذا ما (إتزنقت) فأنا سأكون لك شاهدا !!
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
ياخدارنا:
{ القائد } بهاء فخخ المدينة بإشاعة قوية بإنك حقاني وحقوقي
حتى يصرف عنك { رفقتنا} الحسنة ويستأثر بك وحده
شوف طريقة حل بيها نفسك من ديل وديك وكلاهما بيقدروا على الحنك وإغتيال الشخصية
ودالزين:
أها قطعنا الشوط الأول وسلمناك المعلوم ، يللا فك اخرك
صديق:
مازال صاحبنا يساسق بين كوبر وإستاك ولغاية الان لم يستلم شهادة البرآءة
في واحد نحس الكامري الفارهة فإتلحست مأسوفآ على شبابها الهائج
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: خدر)
|
عزيزى نازر
تحياتى لك ..
كتر خيرك كتير ماقصرت تب ...وزولى عارفو (مقطع ) ساكت ..
ياخى معقول فى زول فى الزمن ده ومغترب كمان يكون حائم
بدون موبايل ؟
انت عارف عمر ده انا اصلا زى ماقلت ليك كايس لى تلفونو
(خوفة ) بس وكويس انك فهمتنى بالله ماتقصر معاى ..وبعدين
فى حاجة تانية برضو كنت اتمنى انو انجزها بالاتصال ده ..هى
انى كنت عايز اواسى واعزى (بت الناس) دى على المصيبة اللمت فيها
دى ..غايتو ربنا يصبرا على البلوه دى ...
شكرا ليك كتير يانازر ..
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
صديق:
وقطعت الصور قول كل خطيب ، القائد أصلو كان في الرمق الأخير وأجهزت عليه قيادة لايحتمل تبعاتها ولم تتوفر شروطها فيه أصلآ
أما صاحب دوللي فمازال يساسق لاهثآ
خدر :
يجلد شنو ؟ والله ده إلا أديهو يدي { يجلد } بيها ، ده منتهي وماخدها { إسنافيك} مسفنك على كل المستويات لغاية ماراح { الخور} .
بالضبط كده حدد لي طيارتك حاتنزل الساعة كم ، بالضبط
أنا ماقادر أتصل ، رصيدي جف والكامري إتلحست وأتعرض لإبتزاز عائلي { بالحجم الكبير }
يا بورداب الدوحة
أعزموا :
الحاج الفحيل
الوليد عبدالعزيز
هشام الفيل
عشان تكون معنا النخبة لزوم الشيرنق أو العدل في رواية أخرى من جنوب غرب الديم والرايات ترفرف هنا وتطوى هناك
ياجماعة كل واحد يجيب معاهو { الرمة } بتاعتو ، والماعندو يستلف واللا يشارك واللا يمشي فندق سوفتيل
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: خدر)
|
يا ابوساندرا
( وتزايدت الادله على ان العنف المرتكب ضد المرأه فى خضم الصراع والفتره التاليه له لم يكن له دافع سوى كونها امرأه , وانه يعتبر صورة قصوى من صور التمييز والتفاوت بين الجنسين الذين تعانى منهما المرأه فى اوقات السلم . وكانت المرأه تتعرض يوميا لما يتهدد سلامتها الجسديه وينتقص من حقوقها الاساسيه وكان العنف الذى تواجهه المرأه فى وقت السلم يساهم ايضا فى التقبل العام للعنف فى اطار الاسره )
من التقرير العام 2005 منظمة العفو الدوليه - حالة حقوق الانسان فى العالم - افريقيا صفحة 20 .
انا بعرف لى جندريه , الصديقه ( زينب عباس ) لو كلمتها الا تركب الطياره من السودان تجيك ولو ما لقت طياره تجى كدارى وبعدين هى نافذه جدا شغاله فى الاتحاد الاوروبى حاتسعى لاستصدار قرار ضدك من محكمة ستراسبورج ومنها لمجلس الامن ومنها للمحكمه الجنائيه الدوليه وبعد داك شيل شيلتك مع المدعى العام بتاع المحكمه الجنائيه الدوليه لانو حايجى ويسوقك لى لاهاى وتتعاقبوا انت وخدر هو يجى بى هنا وانت تمشى مكانه هناك وبعداك الا تصاحب المقراحى .
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: wadalzain)
|
بورداب الدوحة
ها انا هطلت علبكم كاالمطر
"هذا انا مذ انفجار قصيدتى الاولى
على حجر من رعاف الدم
ربى
اعنى
كى اقدم جثة اخرى لروح لا تظللها
استطالات الحسد ,,,,,"
الشكر لبكرى الذى جعل التواصل بيننا ممكن
مرحبا بالعزيز طارق(خدر) فى دوحة الخير
ولنا لقاء فى مساء السبت
ولنا فى ذاكرة الدنيا ذكر وذكرى ،،،،
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: waleedi399)
|
عزيزى وليد بن احمد
اخبارك وامورك ...
يازول خليك قريب صوت الساوند حايصلك فى
الرياض ..فقط هيء نفسك لتسمعنا فستسمعنا حتما ..
ياخى تجى بعد تلاتة يوم وتقول لى انا تفتيحة ..
على العموم مبروك نجحت فى اقتناص فرصة
الاختيار الواحدة ، تبقى لك اختبار اخر ويمكنك
الاستعانة بصديق لانو ده صعب شويه ..
| Quote: وين لقيت الداهي الاسمو الرقم |
ده تجاوب عليهو انت ..
شكرا على هذه الاطلالة ياوليد وفى انتظار ان تكمل
(التفتيحه ) ...محبتى لك
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
يا خدر
الباقي كم!!!!!
*
*
*
صديق عبد المنعم
لما كل هذا التعري ونشر الغسيل
واصل ولا اسكت الله لك حسا ولا اغمض عين أخرى للكاميرا
وهل من (فيديو ) يوثق لهذه الورططات القياديه
معاويه الطيب
صورتك مابت كلب عديل كده, بس اوعه تكون دي ياها (الخايف عليها )
ابو ساندرا
تحيات لرمتك عند وصولها
وعندما تحل مشكله (القياده) عليك الله ادونا خبر
ويا شباب
او القائمين على الامر خبرونا عنكم واقفين وين انتو
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: فيصل عباس)
|
سلام ياشباب ..
مداخلة (very ergent)
يااخوانا التنسيق البنتكلم عنو نقصد به (الكاش) الذى
فى احدى الروايات يقلل النقاش ..لذلك سنكون اليوم
من الساعة السادسة مساء منتظرين مكالماتكم للاستلام ..
فقط اتصل علينا وسنصل اليك حيث كنت ...
التوقيع :
بكرى الامين ...محمد عبدالرحمن ...
بجى راجع بعدين عشان ارد على الناس الجميلة المرت من هنا ..
وايضا سأضطر للنزول للدفاع عن نسيبى بهاء ودبكرى
ابوخالد (الكد)... فألاستهداف وصل الى درجة لايمكن السكوت عليها ..
محمد فى ساعات الدوام (على قول الجماعة )
فتكم بعافيه ...
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
الأعزاء في الأعالي:
1- أبوشيبة : بالكسرة يا ابوعلي
2- ودالزين :غايتو لو مشيت أبوغريب حا يامنو هم ، ماتقول معاهم رمم ، وأسال خدر يحكي ليك حكاية الككو والموية بتكذب الغطاس
اما بخصوص حقوق الإنسان والمرأة أنت الحا تقع فيها أنا قلت الرمة وانت فهمت إنو الرمة دي هي ، أها الإساءة جات من وين
ولو عندكم مشكلة تاخدوها من الجيش والعقيد عبدالعظيم عوض سرور فهم الذين صاغوا المصطلح
3- القائد بهاء :
ياسعادتك واضح إنك ذهبت للمعنى البعيد ونحن نقصد معنى أقرب اليك من حبل الوريد ونتمتع ببراء’ الأطفال
يا خدر :
جيب لي معاك:
علي عوض
احمد عكاشة
خالد الحاج
آمال الربيع
مشتاااااااق ليهم حتى الثمالة
فيصل عباس:
شيل شيلتك يا المسنوح أصلها شاماك وتميت الناقصة
وعثمان البشرى بيموت { بعد خرف } وشوف البيعزيك منو ، حانعزي ميرغني الماحي وعبدالله الزين ده لو ما بادروا وسبقوه
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
ابوساندرا
هذا ليس بالمقام لكن فقدنا لمحمد الحسن كان اكبر من شق السماء لمن يتكئ
بس انت اطلع منها
والبينا وبين رشيده وطن ابوابه واسعه وارضه حنينه تماما وكذلك يعرف يستوعبنا
برزايانا واخطاءنا فيه ، وطالما انها قبلتك انت بكل ما تملكه من ورطات ، اكيد
سيكون عندها لنا مكان يسمح بمراقبتنا من بعد
وانت موت بغيظك
وعثمان بشرى شبييب للهبييب فليذهب كل هؤلا الذين نحبهم (ميرغني ،عبدالله الزين، بدريه
بركات) الي سابع حميم
وسلام يابن بركات الخالي من البركات
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: فيصل عباس)
|
اولا : مرحب بدفع الله خطاب فى المنبر العام والبورد
نتمنى ان يرفد البورد بالنقاش الهادف المفيد وهو اهل له وان يدعم المنبر بالجديد
ثانيا : - يا ابو ساندرا شايفك بقيت تتزاوغ وتفتش للمعانى الخفيه وياخى انت ابو العارفين - يقول القانونيون : - اذا كانت العباره واضحه فلا يجوز الانحراف عنها عن طريق تفسيرها للتعرف على الاراده .
ويقول الاصوليون : - اعمال الكلام اولى من اهماله ( الاصوليون بتاعين اصول الفقه مش الاصوليين بتاع اليومين ديل )
غايتو الا تطلع بيان زى محمد طه محمد احمد .
| |
|
|
|
|
|
|
|
|
|
Re: بورداب الدوحة : همتكم معانا للاحتفاء بخدر وبارعه .. (Re: محمد عبدالرحمن)
|
عزيزي محمد ......... فات عليك ان تنوه بان ضيفا شرف حفلتنا هما الدكتور safe78 وزوجته الامدرمانية الاصيله , وبالمناسبة الدكتور سيف عضو بالبورد معنا ,الا انه قليل المشاركة لظروف عمله الضاغطة , اتمني ان يجد متسعا من الوقت مستقبلا حتي يثري حواراتنا , مبروك لسيف وزوجته الامدرمانية .. ومرحب بخدر بعد وصولة
| |
|
|
|
|
|
|
|
|
|
وتنزلت بركات الولد المعتق بالسماحة (Re: بارعة)
|
سلامات
وعوافي
امسية انيقة كـ (خدر)
... ومازال الود المعتق بالسماحة يصدح كهشات النسيم .. كان جميل الحضور وبشوش الملامح .. احسست بانه يريد الجلوس في كل طاولات النادي ويريد الحديث مع كل الحضور ولو اسعفه الزمن لانشد كل القصائد ... هو هو (خدر) بالقه ووداعته سرًج مساء الدوحة بالضياء ..
ويابارعة فاتتك فوتة ..
| |
|
|
|
|
|
|
| |
محمد عبدالرحمن
ابوبكر الامين يوسف
Siddig A. Omer
ودالعباسية
ودرملية
wadalzain
nadus2000
عبدالرحمن عبدالله أبوشيبة
بهاء بكري
معتصم الطاهر
خدر
أبو ساندرا
مريم بنت الحسين
خضر حسين خليل
ebrahim_ali
أحمد عثمان عمر
keiga2000
فيصل عباس
Tragie Mustafa
waleedi399
عزيز
ناذر محمد الخليفة
Samer Osman
دفع الله خطاب
Omar Bob
بارعة
فيس بوك
تويتر
انستقرام
يوتيوب
بنتيريست