عندما دخلت السجن فى جدة بسبب سودانى هزيل لا خلاق له ولا دين

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 06:32 PM الصفحة الرئيسية

مكتبة هشام شيخ الدين جبريل(يازولyazoalيازول)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-07-2006, 04:09 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


عندما دخلت السجن فى جدة بسبب سودانى هزيل لا خلاق له ولا دين

    كنت قد قصصت عليكم فى السابق حكاية الميكانيكى السودانى الذى أعطيته سيارتى المارسيدس (الصفراء) اللون ليقوم بتعمير مكنتها وسلمته قيمة العمل والقطع والأجرة كاملة ، ولم يعطنى سيارتى حتى اليوم ، بل سلمنى سيارة أخرى بإسم رجل سعودى لا أعرفه وهى نفس موديل سيارتى ولونها (أزرق) ليقول لى مشى حالك بالسيارة دى لحدى ما اصلح ليك عربيتك

    ما زلت احتفظ بسيارة الميكانيكى المارسيدس الأزرق ، وأقودها بدلا عن سيارتى التى ضاعت بسبب إهمال الميكانيكى ، بل حتى قامت البلدية بسحب السيارة الصفراء نهائيا من أمام الورشة لترميها فى أحد الحيشان النائية ، بعد أن قام الميكانيكى بتفكيك أوصالها الواحدة تلو الأخرى وبيعها بالقطاعى ودخول ريع قطع الغيار إلى جيبه الخاص (إن شاء الله ما تنفعوا)

    المهم فى الموضوع ، كنت أقود السيارة الزرقاء الخاصة بسعودى لا أعرفه ولا يعرفنى ، فاستوقفتنى دورية المرور ضمن تفتيش صباحى عادى ، وطلب منى الشرطى الرخصة والإستمارة ، (الإستمارة تعنى ترخيص العربة) ، فقمت بتقديم رخصة قيادتى وإستمارة السيارة خاصتى (الصفراء ) الملحوسة ، فقام الشرطى بالتشييك على الأوراق ، وقال لى صلاحية الإستمارة منتهية ، وأمرنى بالوقوف وتسليم الأوراق لشرطى زميل له فى الدورية ليقوم بتحرير قسيمة المخالفة لى ، فتوقفت وركنت السيارة جانبا وترجلت عنها وسلمت الورق للشرطى بغرض تحرير القسيمة ،

    هنالك وفى اثناء تحرير المخالفة إنتبه الشرطى إلى لون السيارة ، وقال لى هذه الأوراق تخص مارسيدس أصفر وأنت تقود مارسيدس أزرق فأين إستمارة المارسيدس الزرقاء ، وهنا أسقط فى يدى ، وغضب الشرطى غضباً شديداً ونادى على زميله أنه قد قبض على (مزور) خطير ، فاستدركت الموقف عاجلا ، وشرحت للشرطى أن سيارتى الصفراء توجد لدى الميكانيكى ، وأنه أعطانى هذه الزرقاء مؤقتاً لحين الفراغ من إصلاح سيارتى ، ولم يقتنع العسكرى بالمبررات ، بل قال لى أن هذا الأمر يدخلنى فى دائرة التزوير ولا بد من محاسبتى ، فقلت له دقيقة يا فندم دعنى أعطيك إستمارة السيارة الزرقاء ، وبالفعل فتحت الدرج وأخرجت له الإستمارة الحقيقية للسيارة والتى هى بإسم (سعودى) لا أعرفه ولا يعرفنى ، فإنتهى إشكال التزوير بعد أن إعتذرت للرجل وأنى قد أعطيته الإستمارة الخاطئة ظنا منى أنها إستمارة السيارة التى أقودها ، فإنتهى إشكال التزوير ، وقبل الرجل الإعتذار ، خصوصا وقد كنت مهندما ببدلة وكرافتة وملامحى تدل على أنى لست بمزور ، فأعاد لى إستمارة السيارة الصفراء ، وبقيت المشكلة فى من هو صاحب السيارة الحقيقى ، فقلت له لا أعرفه ، فأمر الشرطى بحجزى فى السجن وحجز السيارة إلى حين حضور صاحبها وإثبات ملكيتها

    فكان يوماً أغبرا

    قمت على الفور وقبل دخول السجن بالإتصال على الميكانيكى وشرحت له الوضع وأننى الآن فى طريقى لسجن المرور ، ولا أدرى إن كنت سأقضى بقية عمرى هنالك أم أخرج بالسلامة ، وإتصلت على الشركة التى أعمل فيها وأننى متوجه إلى سجن المرور لوجود مخالفة مرورية وذهبت مع الشرطى

    أدخلونى لقسم الشرطة والعسكرى ممسكا بيدى (حتى لا أهرب منه) ، وإستلموا السيارة وتحفظوا عليها فى حوش كبير داخل مبانى الشرطة ، واتجهت صوب الحراسة ، وهنالك عند باب الحراسة تم تفتيشى بدقة ، فأخذوا منى الموبايل ، والسجائر ، وحتى ربطة الكرافتة أمرونى بخلعها وإستلموها منى بعد أن تأكدوا عدم وجود (ممنوعات) بحوزتى ، وفتحوا درابزين الحراسة ، وزجوا بى إلى الداخل وقفلوا الترباس من خلفى ، لأجد نفسى وسط شرذمة من متهمين وسكارى ومخالفين لأنظمة الدولة ، ويا لقبح ما شهدت ، ويا لعفن ما شممت

    جلست القرفصاء حزينا أفكر فى أسرتى ، وفى عملى ، وفى سودانيز أون لاين وصحبى الكرام ، وعاد شريط طويل إلى رأسى ، وأنا فى كف عفريت لا ينقذنى منه إلا سعودى لا أعرفه ولا يعرفنى ، فما تلك المصيبة التى ألمت بك يا رجل ، ويا لتعس وبؤس ذلك الميكانيكى الذى إستطاع أن يدخلنى إلى السجن لأول مرة فى حياتى بعد غربة نظيفة إستمرت زهاء الثلاثين عاما

    جاء أحد (المقطعين) الذين وجدتهم فى الحراسة ، وجلس إلى جانبى ، للترحيب بعضو جديد ، وسلم علىّ بأدب ، وسألنى عن حكايتى فقصصت عليه الحكاية على مضض ، ثم سألته ما الذى أتى بك إلى هنا؟ فقال أنه مضى عليه اسبوع بالتمام والكمال هنا ، (طبعا عفن لا يمكن وصفه) ، وأنه قد تم عليه القبض وهو يقود سيارته فى شوارع جدة ، سكران لط ، وكان سعودى الجنسية ، وكان من المفترض حتى يخرج أن يأتى احد أفراد أسرته ليكفله ويكتبوه تعهد على أن لا يعود لمثل هذا الفعل الشائن ، وقد يجلدوه أيضا ، وقد تهرب كل أقاربه ومعارفه من الحضور للكفالة لكثرة ما كان يتردد على السجون

    جلست محتارا أقلب يدى وأتعجب ، ولم يمض وقت قليل (زهاء الساعة) أو أقل ، حتى سمعت مناديا ينادينى بإسمى من الخارج ، وعندما ذهبت صوب الباب ، وجدت الميكانيكى وقد احضر معه (شاويش) فى المطافىء ، هو صاحب السيارة السعودى الحقيقى ، وكانت المطافىء مجاورة للمبنى الذى حبسونى فيه ، وصادف أن كان هذا الشاويش يعرف العساكر الآخرين فى قسم الشرطة ، ورغم ذلك أتانى خائفا يتصبب العرق من على جبينه ظنا منه أننى قد أكون إرتكبت مصيبة بسيارته قد تؤدى لكارثه فى حياته ، فقال لى ماذا فعلت بالسيارة ، هل حملت فيها مخدرات أم مسكرات أم إرتكبت بها عملا إرهابيا أم ماذا؟ ، فطمأنت الرجل وأنا داخل الحراسة ، وقلت له يا راجل حرام عليك ده تفتيش مرور عادى وأنا ذاهب إلى مكتبى ، فماذا تقول بالله عليك ، هل يشبه شكلى الإرهابيين أم تجار المخرات ، فصدقنى الرجل وذهب مع الميكانيكى للشاويش الذى قبضنى واثبت هويته وملكية سيارته فخرجت من هذه المحنة بقدرة قادر ، وقاموا بتسليم السيارة إلى صاحبها الحقيقى ، ولا أدرى حتى اليوم سر الإتفاق الذى بين الميكانيكى وبين السعودى صاحب السيارة حول هذه السيارة ، وكل ما أعرفه أنهم سلمونى السيارة مرة أخرى بعد خروجنا من مركز الشرطة ، وقمت بقيادتها حتى المنزل ، و (قرشتها) هنالك حتى يحدث الله أمراً كان مفعولا ، ولم أقم بقيادتها بعد ذلك أبدا ، وما زالت السيارة (مقرشة) أمام المنزل ، وضاعت سيارتى الصفراء إلى غير رجعة وضاعت فلوسى التى سلمتها للميكانيكى التافه ، وقد باعنى الترماج القابع أمام منزلى دون أن أعرف كيف أتصرف فى هذه المعضلة العجيبة التى زجت بى الى داخل السجون السعودية

    ولذلك أنصحكم مرة أخرى أن لا تذهبوا إلى أى ميكانيكى سودانى فى حالة إحتجتم لإصلاح سياراتكم فقد يدخلونكم السجن وأنت لا تشعرون



    تخريمة:
    كل ما اذهب إلى هذا الميكانيكى صرت أرى (قروحاً) تقوم لوحدها فى كل مكان من جسده دون سبب ظاهر وهو يئن من الألم ،

    فأتعجب وأضرب كفاً بكف ، وهو من خبث افعاله لا يكف

    حسبى الله ونعم الوكيل
                   |Articles |News |مقالات |بيانات

05-07-2006, 04:20 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    يازول

    الجاتك في سيارتك سامحتك

    وربنا يهدي الميكانيكي ده قبل ما يوكَر ليهو زول سمح تاني في السجن او يوكَر نفسو

    اما سجون البلد ديك أسألني منها، سبق ان قضيت 18 يوم في الترحيل وهو لايختلف عن السجن طبعاً
                   |Articles |News |مقالات |بيانات

05-07-2006, 04:39 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: حيدر حسن ميرغني)

    حيدر حسن ميرغنى

    بارك الله فيك وشكرا لدعواتك الصالحة ، وسجن ساعة واحدة كفيل أن ينقل لى معنى حبسك 18 يوما ، فهذا لا شك فظيع ، كفارة وألف سلامة ليك يا راجل

    وخلى الأمور كلها على الله ، هو جدير بأخذ حقى من هذا الرجل القبيح
                   |Articles |News |مقالات |بيانات

05-07-2006, 04:45 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    Quote: كفارة وألف سلامة ليك يا راجل


    يازول (الحبسة) ديك كانت قبل 11 سنة
                   |Articles |News |مقالات |بيانات

05-07-2006, 04:50 AM

عصام أحمد

تاريخ التسجيل: 09-05-2006
مجموع المشاركات: 3848

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    يازول

    التحية والتقدير

    وحمد لله علي السلامة ..والجاتك في مالك ســـامحتك

    القصة مؤثرة جدا ..ولدي قصة قريبة منها لكن مع ( نجار) في أمدرمان ومنذ ذلك لحين أصبحت لا أثق في أي نجار مهما كان أمينا. ولا أسلم أموالا الا بعد إكمال العمل وأحضر المواد بمفردي .!!

    بحكيها ليكم قريب.


    وحمد لله علي السلامة
                   |Articles |News |مقالات |بيانات

05-07-2006, 05:29 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: عصام أحمد)

    عصام أحمد

    ولك الشكر أجزله على الحضور والمشاركة

    وما حصل لك مع النجار حصل لى مع الميكانيكى (الرمة)

    خليها على الله يا عصام ، وفى إنتظارك تحكى لينا المزيد من التفاصيل

    تحياتى
                   |Articles |News |مقالات |بيانات

05-07-2006, 04:44 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    لا حوووووله ياهشاااااام

    Quote: قال لى أن هذا الأمر يدخلنى فى دائرة التزوير


    ياخى الف حمدالله بالسلامة

    أنا كنت فى جدة 7 سنوات

    عارف كويس تهمة التزوير معناها شنو فى السعودية

    الحمدالله الجات على كدة

    عفانة عفانة الله مرقك ياخى

    يا زول إتخلص من العربية و رجعها ليهم بأسرع وكت

    وألف ألف حمدلله على السلامة
                   |Articles |News |مقالات |بيانات

05-07-2006, 04:48 AM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37790

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: رأفت ميلاد)

    يا زول إتخلص من العربية و رجعها ليهم بأسرع وكت

    dear hisham
    rafat advise is a good one get rid of it
    it may cause you more problems god forbid
    all my love and respect
    mustafa
                   |Articles |News |مقالات |بيانات

05-07-2006, 06:09 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Mustafa Mahmoud)

    دكتور مصطفى

    شكرا جزيلا ، سأعمل وفق النصيحة
                   |Articles |News |مقالات |بيانات

05-07-2006, 05:04 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: رأفت ميلاد)

    شكرا يا رفعت على تجاوبك معى ، وهذا حال بعض السودانيين عديمى الضمير الذين إبتلانا الله بهم فى جدة وسأعمل وفق نصيحتك

    تحياتى يا راقى
                   |Articles |News |مقالات |بيانات

05-07-2006, 04:52 AM

Haytham Abdulaziz
<aHaytham Abdulaziz
تاريخ التسجيل: 28-05-2006
مجموع المشاركات: 2871

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    الزول الرزين الزول

    انت الوداك للسوداني شنو .. كان تشوف ليك مكنيكي بنغالي و لا باكستاني. بالمناسبة لا يغرنك الجنس و تأخذك العاطفة من بني وطني في الخليج.. و انا كمان حصل لي موقف مع أحد لاعبي كرة القدم المشاهير في السودان... لما شطبوه من النادي الجماهيري جا هنا و يوم بالصدفة مكان انا شغال جا إشتري أغراض .. على العموم بحكم انا لاعب كورة سابقاً تعرفت عليه و كدة .. و في المغرب جاني طلب مني مبلغ من المال بغرض تجديد زيارته و الحمدلله لم أقصر معاهو ابداً.. لكن صاحبنا دة من ديك و عيييك جريت وراهو لما طلعت اوف سايد لأنوا هو حريف و لم أجني و لا فلس من المبلغ السلفتو ليهو .. وبقا ما برد على تلفوني و إلخ... غايتو الجاتك في مرسيدسك سامحتك و نسأل الله ان يهدي بني وطني اينما كانوا.
    كل الود يازول

    هيثم

    (عدل بواسطة Haytham Abdulaziz on 05-07-2006, 04:55 AM)

                   |Articles |News |مقالات |بيانات

05-07-2006, 06:10 AM

Hisham Ibrahim
<aHisham Ibrahim
تاريخ التسجيل: 19-02-2006
مجموع المشاركات: 3540

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Haytham Abdulaziz)

    اخوي / هشام
    والله دا المر ذاتو!!!!

    الله يخفف عليك ويعوض عليك وعليك بالصبر.

    والله ريال السعودية دا بالذات !حااااااااااااااااااار! نار! وبطلع من فك الأسد!!!

    وانشاء الله المكانيكي دا ما بتقدم لي قدام.

    وأذكرك نحنا القروش بنجيبا ما بتجيبنا !!!!


    هشام
                   |Articles |News |مقالات |بيانات

08-07-2006, 04:21 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Hisham Ibrahim)

    Quote: وأذكرك نحنا القروش بنجيبا ما بتجيبنا !!!!


    نعم يا هشام هذا هو المبدأ الذى نعمل به

    شكرا للحضور والمشاركة ، وخليها على الله ، نوع هذا الميكانيكى كثير ومنتشر فى كل بلاد الدنيا

    ربنا يحفظ ويسلم ويستر
                   |Articles |News |مقالات |بيانات

05-07-2006, 06:11 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Haytham Abdulaziz)

    هيثم عبدالعزيز

    عيب كبير والله على هذا اللاعب السخيف الذى خدعك بتلك الطريقة البايخة

    صحيح هنالك عينة من السودانيين تكرهك اليوم الذى عرفته فيه ، لماذا تغير الناس بهذا الشكل الكبير ، ربنا يستر

    تحية وشكر وتقدير على حضورك ومشاركتك معنا

    سلام
                   |Articles |News |مقالات |بيانات

05-07-2006, 06:34 AM

Mustafa Muckhtar
<aMustafa Muckhtar
تاريخ التسجيل: 01-03-2005
مجموع المشاركات: 547

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)


    يا زول حمد الله على السلامة و ربنا يعوضك هامر جديدة ان شاء الله
    الموقف الاتعرضت ليه مؤلم و أى قرار تتخذه ما في زول بيقدر يلومك, بس ياخي مقاطعة السودانيين على الاطلاق كده تعتبر عقاب كبير جدا أرجو أن تعيد فيه النظر
    يا أخي الواحد لاحظ في البلد دي انو الهنود متكاتفين و يساعدوا بعض و يكونوا شبكات لا يمكن اختراقها و الأمثلة على ذلك كثيرة.
    احنا السودانيين تتسبب مثل هذه السلوكيات الغير مسؤولة لهذا الميكانيكي في كسر الروابط بينا و زيادة معاناتنا.

    تخريمة:
    ذكرت
    Quote: وقد كنت مهندما ببدلة وكرافتة وملامحى تدل على أنى لست بمزور


    ملامحك الفي صورة دي ولا واحدة تانية ؟؟؟؟؟؟؟؟؟؟؟؟
                   |Articles |News |مقالات |بيانات

05-07-2006, 07:09 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Mustafa Muckhtar)

    مصطفي مختار

    دي صورة عمك شيخ الدين عليه رحمة الله ...

    الرجاء سحب المداخلة و الاعتذار لي هشام ..
                   |Articles |News |مقالات |بيانات

05-07-2006, 08:09 AM

الزنجي
<aالزنجي
تاريخ التسجيل: 05-09-2003
مجموع المشاركات: 4141

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: فيصل نوبي)


    اجارك الله اخى
    فانا اعرف السعودية جيدا فلدى تجارب مريرة مع السجون السعودية
    من الترحيل الذى مكثت بة قرابة 56 يوم بين جدة والرياض وانتهى الامر
    بضياع جواز سفرى وتم ترحيلي وابعادى من المملكة بسبب خلافات مع الكفيل
    حول تاخر الرواتب والمستحقات الشهرية
    اما تجاربي مع المرور فى الرياض فلا تحصي

    نسال الله السلامة


    محمد عبدالله ـ الزنجي
                   |Articles |News |مقالات |بيانات

08-07-2006, 04:59 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: الزنجي)

    محمد عبدالله - الزنجى

    أشكرك أولا على تفضلك بالمشاركة معنا ، ثم تعجبت ايضا من تجاربك فى جدة وهى لا شك تجارب كبيرة ولا يمكن أن تنسى ، وان شاء الله ربنا يعوض خيرا منها

    نسأل الله لنا ولكم السلامة

    تحياتى
                   |Articles |News |مقالات |بيانات

08-07-2006, 04:53 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: فيصل نوبي)

    فيصل نوبى

    فهمت قصدك النبيل

    الراجل (ما أظنو) بيقصد حاجة ، هو مجرد سؤال

    تسلم يا فيصل
                   |Articles |News |مقالات |بيانات

08-07-2006, 04:51 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Mustafa Muckhtar)

    مصطفى مختار

    نعم الهنود وغيرهم من الشعوب متكاتفون ، ولا أنكر يا أخى حتى السودانيين أيضا متكاتفون ، ولكن لكل قاعدة شواذ

    يا مصطفى ، الظاهر فى الصورة هو والدى عليه الرحمة الأستاذ شيخ الدين جبريل

    تحياتى
                   |Articles |News |مقالات |بيانات

05-07-2006, 10:25 AM

Alshafea Ibrahim

تاريخ التسجيل: 12-12-2004
مجموع المشاركات: 6958

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: يازولyazoalيازول)

    هشام علي الطلاق انت زول حسن النوايا بطريقة مفرطة - علي الطلاق دي زول(عمره) ما يعملها خلي 30 سنة غربة - تسوق عربية ما مسجلة في اسمك وعن طريق ميكانيكي (سوداني) وفي جدة ؟ كويس طلع لها صاحب تخيل أنو الزول ده ما بعرف صاحبها وأنو اشتراها (كيري)؟؟
    يازول عليك بالهنود - وخلي تعاملك التجاري مع السودانين في حدود ستات الفول والكسرة بس
    والجاتك في مالك سامحتك عليك بإسقاط السيارة من الكمبيوتر وتعوض فيها الله
    مودتي
    أخوك
    الشفيع
                   |Articles |News |مقالات |بيانات

05-07-2006, 11:37 AM

hatim
<ahatim
تاريخ التسجيل: 06-03-2003
مجموع المشاركات: 743

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Alshafea Ibrahim)

    Quote: ولذلك أنصحكم مرة أخرى أن لا تذهبوا إلى أى ميكانيكى سودانى فى حالة إحتجتم لإصلاح سياراتكم فقد يدخلونكم السجن وأنت لا تشعرون






    ...معمول به بعد تجارب....
                   |Articles |News |مقالات |بيانات

06-07-2006, 00:48 AM

garjah
<agarjah
تاريخ التسجيل: 04-05-2002
مجموع المشاركات: 4702

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: hatim)

    هشومة

    بالله المرسيدس الصفراء مشت التشليح

    ياخي لكن ما رحموك الناس ديل وريحوك منها


    وانت غلطان يا حبيب

    توديها الميكانيكي

    والجفالي ده يجيب رواتب لي ناسو من وين ؟
                   |Articles |News |مقالات |بيانات

06-07-2006, 04:12 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: garjah)

    الأخ هشام
    تخياتي
    Quote:
    ولذلك أنصحكم مرة أخرى أن لا تذهبوا إلى أى ميكانيكى سودانى فى حالة إحتجتم لإصلاح سياراتكم فقد يدخلونكم السجن وأنت لا تشعرون

    بادوبك عرفتها؟؟؟؟ دا قرار إتخذناة من زماااان بعد ماشبعنا مغسة ومرارتنا إتفقعت..والله أنا ما باقي حاجة قاعد إشتريها من أهلنا إلا الفول وده ذاته لو لقينا ليهو هندي ولا بنغالي يعرف يصلحه ما بنقبل عليهم...القصص مع الميكانيكيه والبياعين في المحلات والمطاعم كثيره.. والغريبه ما يتشطروا إلا على السوداني وكأنه جلدو ماهو جلدهم...زمن أعبر
                   |Articles |News |مقالات |بيانات

08-07-2006, 08:42 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: nile1)

    الحبيب
    nile1

    واضح أنك مريت بتجارب صعيبة ، والواحد فعلا بيستغرب ليه (سودانى) بيعمل مع (سودانى) كده ، ودونك المنبر ، شوف الناس المختلفين لا يضعون أى تقدير (للسودان) فى نقاشاتهم

    معادلة صعبة
                   |Articles |News |مقالات |بيانات

08-07-2006, 08:35 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: garjah)

    قرجة إزيك

    تعال أبيع ليك الزرقاء قبل ما اساسى يجى يشيلها

                   |Articles |News |مقالات |بيانات

08-07-2006, 08:16 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: hatim)

    حاتم ، شكلت عملت بالنصح بعد قرصة ، نتمنى تكون خفيفة

                   |Articles |News |مقالات |بيانات

08-07-2006, 08:00 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: عندما دخلت السجن فى جدة بسبب سودانى هزيل لا خلاق له ولا دين (Re: Alshafea Ibrahim)

    الشفيع أبراهيم

    شكرا للرد الظريف وسأعمل وفق النصيحة

    تحياتى
                   |Articles |News |مقالات |بيانات

07-07-2006, 00:38 AM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7055

للتواصل معنا

FaceBook
تويتر Twitter
YouTube


زول (Re: يازولyazoalيازول)

    اخونا هشام
    والله متعاطف معاك جدا
    لكن بعد العملو فيك الميكانيكى
    مالو نبذك ليهو شوية كدا
    يعنى انت كنت مهذب جدا
    زول يدخلك السجن لا ايدك لا كراعك
    تقوم تكفى بشتائم من نوع
    هزيل
    وتافه
    انت زول ما شكال ولا شنو
                   |Articles |News |مقالات |بيانات

07-07-2006, 01:04 AM

newbie

تاريخ التسجيل: 04-02-2002
مجموع المشاركات: 797

للتواصل معنا

FaceBook
تويتر Twitter
YouTube


Re: زول (Re: mohmmed said ahmed)

    Quote: ، خصوصا وقد كنت مهندما ببدلة وكرافتة وملامحى تدل على أنى لست بمزور

    المكانيكي اكيد شافك افندي ساكت ,,,ماطل يومين تلاته ,,, جس نبطك ,, وبعدين عمل الملعوب الكريه ده ..
    المومن مصاب ,,, والجاتك في سيارتك سامحتك ,, غايتو الحراسة والسجن اصلها ما بتاعت اولاد ناس ,,, لكن والله في ناس يستاهلوها
                   |Articles |News |مقالات |بيانات

08-07-2006, 04:48 AM

Salah Abdulla

تاريخ التسجيل: 15-03-2006
مجموع المشاركات: 3169

للتواصل معنا

FaceBook
تويتر Twitter
YouTube


Re: زول (Re: newbie)

    هشام ..

    كيف حالك .

    حمد الله على السلامة ..
    أول شئ أنت الموديك لميكانيكي سوداني شنو ؟؟؟؟؟؟
    يا خوى طريقتك دي ما بتنفع !!! هسي بدل تدخل الميكانيكي الحراسة ، تقوم تدخل إنت ؟؟
    كيف تديه القروش قبلما تستلم العربية مصلحّة ؟؟ وليه تسمح ليهو يشلّع عربيتك ويبيعها سكراب ؟؟
    ده كلام شنو ده ؟؟ والله بلدكم شكلها فوضى خالص ..
    والعربية الأدوك ليها دي ، هل هي بدل ، أو تعويض ، والا القصة شنو ؟؟
    يا زول الحصل حصل ، بس العربية الموقفها قدام البيت ساكت دي تلزمهم أنهم يسجلوها باسمك ..
    ولو ما وافقوا ، البوليس طوالي ..
    والله دي حاجة تغيظ ،، نهب عينك عينك !!

    هشام .. يا خوي غيّر طريقتك دي ، والله تستمر كده الناس دي تسرقك إنت زاتك ..

    حمد على السلامة تاني ..
    معليش على التعديل وهو :
    نسيت أقول ليك قروشك الدفعتها يرجعها ليك على داير المليم .. أما عجايب‍‍‍‍‍‍ !!

    (عدل بواسطة Salah Abdulla on 08-07-2006, 05:12 AM)
    (عدل بواسطة Salah Abdulla on 08-07-2006, 05:14 AM)

                   |Articles |News |مقالات |بيانات

08-07-2006, 09:04 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: Salah Abdulla)

    الحبيب صلاح عبدالله

    أول حاجة اشكرك جدا على تفاعلك مع مشكلتى

    تانى حاجة وصلنا إلى حل أنى آخد السيارة الزرقاء بدل الصفراء

    تالت حاجة سنعمل وفق النصيحة ونغير الطريقة التى نتعامل بها مع أى ميكانيكى سودانى أو نجار أو سباك أو صاحب مطعم حتى



    تسلم يا حبيب وخليها على الله ، ربنا كريم ، أخوك دلوقت سايق برادو موديل 2006 ، ومافيش أحسن من الحمد لله
                   |Articles |News |مقالات |بيانات

08-07-2006, 05:09 AM

ابوحراز
<aابوحراز
تاريخ التسجيل: 27-06-2002
مجموع المشاركات: 5345

للتواصل معنا

FaceBook
تويتر Twitter
YouTube


Re: زول (Re: newbie)

    Quote: جلست القرفصاء حزينا أفكر فى أسرتى ، وفى عملى ، وفى سودانيز أون لاين وصحبى

    والله أظرف شيء اتذكرتنا حتى وأنت في أحلك الظروف 00 ياخي انت اول شيء خارج نفسك بعدين اتذكر ناس ابوالقنفذ وابوالقدح 0
    Quote: وجدت الميكانيكى وقد احضر معه (شاويش) فى المطافىء ، هو صاحب السيارة السعودى الحقيقى ، وكانت المطافىء مجاورة للمبنى الذى حبسونى فيه ، وصادف أن كان هذا الشاويش يعرف العساكر الآخرين فى قسم الشرطة ، ورغم ذلك أتانى خائفا يتصبب العرق من على جبينه ظنا منه أننى قد أكون إرتكبت مصيبة بسيارته قد تؤدى لكارثه فى حياته
    كان العسكري الخائف دا تجيبوا ليهو عربية المطافيء عشان يبخوه بشوية موية تخفف ليهو العرق شوية
    Quote: و {قرشتها) هنالك حتى يحدث الله أمراً كان مفعولا ، ولم أقم بقيادتها بعد ذلك أبدا ، وما زالت السيارة (مقرشة) أمام المنزل ، وضاعت سيارتى الصفراء إلى غير رجعة

    تاني { قرشتها } والله روحك طويلة كان تبيعها لي صاحبك قرجة 00 ياخي والله سيارة زي دي تحاول تتخلص منها كان زرقاء وكان حمراء وان شاء الله صفراء فاقع لونها تسر الميكانيكيين برضو تتخلص منها 00قال مرسيدس قال !!!

    مرة سوداني صاحب استديو 00 اتصورت عنده لزوم الاقامة
    اها حضرت مستعجل وأعطاني الصور في ظرف
    كمان شنو قال 00 كاتب على الظرف { الظريف عثمان }
    شلت الظرف بي ضبانته وأعطيته المعقب عشان يستخرج الاقامة
    والله بعد الاقامة جاتني
    اليوم داك لاغداء ولاعشاء
    القى ليك الصورة سوداني تقول فكوووووه من السماء
    وش مصرور وسنون طالعة برة ونصها مكسر
    وأضنين مشتحات وراس كبير زي راس هامان
    وكل ما أعاين في الاقامة اصاب بكابوس ورعشة حادة
    المشكلة ناس الجوازات قلت ليهم دي ماصورتي
    قام واحد منهم قال لي { يارجّال } كلها سنة واحدة ونغيّر ليك الاقامة والصورة
                   |Articles |News |مقالات |بيانات

08-07-2006, 05:33 AM

saif massad ali
<asaif massad ali
تاريخ التسجيل: 10-08-2004
مجموع المشاركات: 19127

للتواصل معنا

FaceBook
تويتر Twitter
YouTube


Re: زول (Re: ابوحراز)

    سلامة

    طبعا

    طولت ما دخلت نسبة لوجود اكثر من خمسة مؤتمرات في وقت واحد هنا


    وجات عليها كعة ناس حمرة الشيخ
                   |Articles |News |مقالات |بيانات

08-07-2006, 08:33 AM

محمد حسين آدم

تاريخ التسجيل: 11-05-2006
مجموع المشاركات: 0

للتواصل معنا

FaceBook
تويتر Twitter
YouTube


Re: زول (Re: saif massad ali)

    كفاره يازول

    والف حمدالله على السلامه
                   |Articles |News |مقالات |بيانات

08-07-2006, 09:13 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: محمد حسين آدم)

    محمد حسين آدم

    شكراً جزيلاً
                   |Articles |News |مقالات |بيانات

08-07-2006, 09:09 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: saif massad ali)

    الحبيب سيف مساعد

    ولذلك إفتقدناك فى اليومين الفاتو

    تحياتى
                   |Articles |News |مقالات |بيانات

08-07-2006, 09:07 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: ابوحراز)

    الحبيب أبوحراز

    العربية بتاعت الميكانيكى معاى ، وحاتفضل معاى لحدى ما اشوف ليها صرفة (قانونية)

    تسلم على المشاركة ، وحكاية صورك حكاية ،

    معقول ختوا ليك صور زول تانى فى الإقامة؟؟؟؟

    أعمل حسابك

    تحياتى
                   |Articles |News |مقالات |بيانات

08-07-2006, 08:54 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: newbie)

    newbie

    مشاركتك خففت عنى

    تسلم يا ملك
                   |Articles |News |مقالات |بيانات

08-07-2006, 08:47 AM

يازولyazoalيازول
<aيازولyazoalيازول
تاريخ التسجيل: 05-02-2002
مجموع المشاركات: 10219

للتواصل معنا

FaceBook
تويتر Twitter
YouTube


Re: زول (Re: mohmmed said ahmed)

    محمد سيد أحمد

    فوضت أمرى إلى الله

    أنا يا محمد ما عايز أنزل مستواى لمستواه ، ممكن استخدم معاه (شفتنة) و (صعلكة) أمدرمانية بحتة ، لكنو حتى دى (ما بيستاهلها) لأنها شرف ليهو ، يا محمد ده صعلوك ساى وربنا إبتلانى بيهو ، عشان كده أخليهو للخالقو ، وأظن حكيت ليكم فى البوست عن قصة (العواوير)

    دى كفاه
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de